Wednesday, May 09, 2012

هو( موكل شي)..

بدون مقدمات فيني حش وتحلطم 
كتبت مقدمه طويله عريضه 
بس حسيت اني صرت وايد ذربه جني قاعده  اكتب في جريده 
تالي حرفت في الاحداث جان اعصب من نفسي وامسح كل شي 


اي بحش لان الوضع صاير لايطاق
ماتلاحظون ان بنات الكويت والمتزوجات خصوصا صايرين وايد وايد يعيشون حالات اكتئاب؟

اقولكم ليش؟؟ من المعسكر الي مدخلين نفسهم فيه 

الجيش و الشرطه والحرس اشكثر يجندون الطلبه ؟ 
شهر صح؟؟
اخر خمس سنين تقريبا وتحديدا 
بنات الكويت المتزوجات اغلبهم اغلبهم مساكين معصقلين بطريقه غير طبيعيه !! عشان الريل 

عايشه حياتها كله بالجيم !! على حساب بيتها وعيالها والتربيه والتدريس

الي تبي اتيب اعيال لازم تفهم ان السالفه مو ايب واقط !واعيش حياتي 
لألأ السالفه اعيال ومسؤليه وتربيه وعنايه و تدريس

استغرب استغراب تام من بعض البنات ومنهم صاحباتي بس موقصدي اتكلم اهني عشان احش كثر ماقصدي اني فعلا مستغربه من الموضوع 

من الساعه 8 لي 3 دوام من الدوام لي الجيم دايركت لي الساعه 7 !!  والعيال وينهم !!
العيال عند الخاله او الأم 

انزين سؤال ؟ هل الريال يخصص لج 3 او 4 ساعات باليوم لج انتاي بس يسويلج شي عشان يرضيج انتاي؟؟ طبعا لأ

سوري بس طززز بالريل اذا مايهمه اني ادري عن بيته وعن عياله وعن حياتي و عنه اهو اذا بالمقابل عشان البس شورت او مايوه وما    و افشله جدام الناس بشكلي لان فيه هوس كشخه !
لان يحب يتمنظر فيني 


وين كلكم راعي وكلكم مسؤل عن رعيته 

انا موضد ان الوحده تحافظ بالعكس هذا شي وايد زين 
بس اسوي بلانس توازن 
اخفف اكل .. او امشي ويا ريلي او اروح الجيم ويا عيالي 
امشي الضحى 
احطلي جهاز مشي بالصاله و امشي بين عيالي  
او انومهم وتالي اروح 
بس ما اهيت بيتي طووووووول اليوم عشان اعجب انسان !!

رفيجتي صرت لما اقعد وياها كلا سرحانه دايخه هلكانه 
ذايبه ..موقادره ابدا تتعايش او تستمر في المعسكر الي مسويته حق عمرها 
ماتاكل كلش
ماتروح مطاعم ابدا
ماتزور ولاتروح يمعات عشان ماتاكل 
هوس جسمها غير طبيعي عشان جينز سايز 4 !!
انا اسولف واشتط وهايبر واهي ولا صوبي لانها ماكو طاقه !!

تفكيرها مكرس على هالريل تماما !!

ترا الريال ما يطير من جسم والا من متن !! هذا عذر بس 
ماتشوفين الامريكان كل وحده فيله تمشي وريلها يلمم فيها لم!!

لاترضون انسان على حساب عيال و حياه 

الدنيا وايد حلوه 
استمتعوا بعيالكم صغار جابلوهم 
طلعاي اكلاي استانسي طبخيلهم 


بسكم هوس في فكره وحده "اشلون استمر وياه واشلون اكون دايما حلوه عشان ماتخمطه وحده ثانيه"
اذا بينخمط فهذا شي ربي كاتبه 
بس ما اعيش تعاستين 
حرمان و اهيت بيتي طول عمري واطامر من كلاس لي كلاس عشانه واهو مستانس من كافيه لي كافيه ويا ربعه ..ومشششطب على منيو المطعم ويحرمج من الاكل

الحياه الصحيه مهمه 
والعلاقات الصحيه اهم
والاسره الصحيه اهم واهم 

العيال ابرك من الفلبن بالجيم 

8 comments:

ARTFUL said...

ممتااااااااااااااز

والله معاج

الدنيا جميلة استمتعوا فيها

(:

Bashayer said...

وأخر شي يخليها ويشوف غيرها .. تبين تضعفين سدي هالبوز اللي يماله السّده كل شي تبي تزرط وبنفس الوقت ماتبي تمتن ياعمري حتى جسمج له حق عليج .. صج لي قالوا الحريم ناقصات عقل !! استغفر الله

secret said...

التوازن شي جميل :)

7osen said...

ليش مافي بوستات يديدة ؟ ... :)

Hope said...

السلام عليكم و رحمه الله و بركاته

سهرانه على بلوقج و قريت كل البوستات اللي كتبتيهم من رديتي
الصراحه بردتي جبدي حيل
I loved everything u wrote

Welcome back Sis

Ra-1 said...

بغض النظر عن سالفة اليهال عند الخدم الي أتنرفز منها وايد .. سالفة إن المرا تكرس حياتها حق الريال هذا أكبر غلط أصلا .. والريال يحب المرة الواثقة من نفسها الي عندها شخصية مستقلة وصديقات وحياة اجتماعية واهتمامات وهوايات ومستحيل يفرط فيها .. بينما الي ماتسوي شي الا عشانه وكل يوم مجابلته أو ناطرته ماراح ينجذب لها ومع الوقت بيمل منها

أتيت متاخرة said...

وحشتيني ووحشني تحلطمج وااااااااااايد قد شوقي للكويت

أتيت متاخرة said...

وحشتيني فطوم لوير