Sunday, January 22, 2006

اليهال الضحيه ؟؟ او احنا ضحيه تفاهاتنا ؟؟؟

يوم اليمعه تحدادا ... و انا قاعده امارس طقوسي ما قبل النوم
يمي دلاقاتي و قاعده ادهن رويلاتي في فازلين ..و البيت صخه ...يكسر الهدوء رنه موبايلي المزعجه اشوف الرقم ... اخترع اشيله بسرعه هلا حمد اشلونك عسى ما شر??
الشرررررررر ياني من يوم ما عرفتج !!
اشفيك عسى ما شر ؟؟قوولي حق رفيجتج هالسنعه ترد على التلفون و لا تتحداني ترا والله يا فطييييم ما يردني عنها غير ورقتها و قوليلها ترا طفح الكيل و اذا طلقتها هالمرا ترا بعد مافيها السالفه رده!! لا تنسين هذي الطلقه الثالثه !!انزين تعوذ من بليس و قولي شنو السالفه شي الي مخليك اتعصب الحين قصدج شنو الي مو مخليني اعصب .. اتليقف للمره العاشره و اقاطعه و اقوله تعوذ من ابليس اوليرد علي اعوذ بالله منج يا نوره..انا اليومين كلا وياها نجره على اسباب تافهه اهي متهاوشه ويا امي و حريم اخواني انا مالي شغل فيها اهي اذا تهاوشت ويا امي تبيني احارب اميلا والله ماني محاربها هذي امي و اهي راسها و الف سيف تسوي نفسها قصب ان احنا اسره مثاليهو انا كل يوم اقول ميخالف هذولا حريم عقلهم صغيرو اطوف لها بس لي متى ! ..طلعت من دوامي يوم الخميس خذيت جنطتي و رحت الشاليه اهي تدري ..دقيت عليها قلت لها ترا انا بالشاليه ويا الاهل ليش ما اتييبين الاولاد و اتيون قالت ما ابي الا اذا امك تدق و تراضيني او حريم اخوانك ما يكونون موجودين في الشاليه والله امي ماراح تدق و لاراح اخليها تدق لو على قص رقبتي
و على المغرب .. طرشت لها مسج نكته في ضفدعه قالت حق رفيجتها لا تروحين صوب النهر امس رحت وواحد اغتصبي و اليوم رحت و هم اغتصبني و باجر بروح عشان يغتصبني ...قلت له اوكيه ..قالي بعدها طرشتلي مسج قالتلي وين مكان النهر خنرووح .. قلت لها كفوج ضفدع قالتلي .. على الاقل ضفدع و العوض و الا القطيعه و ياما ضفدع احسن من من مليون ريال .. و اقلبت السالفه صج !!اشدعوه هذي غشمره ..طلعت الي في قلبها كله كل هذا حقد علي !!
شنو يعني تدز لي مسج تقولي اي انت فعلا مو ريال لو تحس على دمك مو تخليني في الويك اند و تروح الشاليه .. طوفتها قلت يمكن محتره انا لما اسكت مو عشان ضعيف بس عشان استحمل تقوووووم اتطينها وتقولي على فكره عبالك انا ضايق خلقي انك في الشاليه بالعكس انا مستانسه و متعدوه عليك انا اصلا عندي البديل و لا تلومني لانك انت الي مهملني و لا محسسني في انوثتي و انا وحده متزوجه كل الرياييل يبوني في الدوام و اكبرها و اسمنها وياي كل واحد عنده شقه في المنار و هالعمارات السنعه ...الخ
يقوول اهني افترت الدنيا فيني انا ماهمني كلامها و لا اثر فيني بس تعالي قوليلي اشدراها ان الي وياها الشباب عندهم شقق !؟؟؟؟و اشلون واحد يتجرأ و يقول حق زميلته ان عنده شقه الا اذا اهي معطيته ويههانا مااااااا همني كلامها انا مصدووم في شخصيه زوجتي ....انا مصدووم من كلامها ....
ما رديت عليها ..رحت البيت لقيتها ذالفه بيت اهلها ماخذخ اليهال دقيت اتفاهم وياها ماتبي ....شوفي قوليلها ترد البيت
لاني اولا انا ما طردتها ثاني شي قوليلها انا لازم ترد البيت عشان انتفاهم ...ومو كل شوي ماخذه عيالي عبالها تلوي ذراعي
....احاول اهدي الوضع ...
اقوم ادق على رفيجتي ...انا: قوه نوره شلونج شخبارج
نوره : تمام بخير ؟؟ اشفي صوتج اشفيج
انا: نوره انتي وينج
نوره: انا في بيت اهلي انا: ليش عسى ما شر نوره: عشان حمد في الشاليه انا: بس حمد قاعد يدور عليج و انتي ماتردين يبيج ضروري نوره :مو بكيفه ارد عليه
انا : نوره بليز رد عليه انا مالي شغل فيكم اذيتوني وياكم ترا انتو متزوجين و عندكم اعيال المفروض ما تدخلوني في كل صغيره و كبيره حرام عليكم تلعبون في هاليهال انتو مو مثل اول وحده و رفيجها هذا ريلج !في فرق لما تعاملين الريل و فرق تعاملين الرفيج اهو ما قالي كل شي بس قالي يبيج تردين عليه .
.و انا اقول بقلبي اي ما قالي شي الا خر الاولي و التالي و قعدت اطلع العيوب فيها ساعتيييييييين .... عشان تحس شوي قمت قلت لها شوفي ريلج ينطرج الحين دقي علييييييه انا ما راح ادق عليه و قوليله بعيدن لا يدقدق علي يلبح على قلبي ..و انتي عقلي شوي ترا اذا طلقج هالمره .. مافي رده ..اوكيييييييه...سكرت التلفون و قلبي معورني
على اليهال على رفيجتي ام السان على ريلها الي مدري اشلون صاير ..على وايد شغلات .. تحر و اهم شي ابي اعرفه ..ليش الحريم يستخدمون اعيالهم وسيله ضغط و اذلال للزوج ؟؟؟؟ليش المرأه و الرجل ما يفرقون بين العلاقه ما قبل الزواج و بعده ..ادري دوختكم بس لو بتسألوني شنو سبب المشكله????
نكته الضفدعه .. الي اججت مشاعر رفيجتي و خلت رفيجتي تغار منها .....

23 comments:

Яeema said...

المشكلة ليست نكتة الضفدع
هذي تراكمات بين الزوجين من زمان
الانسان ما يقدر يحكم عال المشكلة أو أن الزوجة أخذت الأولاد لبيت أهلها

أكيد عارفة إن هالشي بحر قلبة لا أكثر و لا أقل بس فيه ريايل ما يهمهم
هذا مادري إمبين قلبةضعيف و اللا ريال عقب هالكلام يبيها؟

أنا مراة و لو تقوللي هالكلام عن شقق و أكبرها و أسمنها و مقارنات

شئ أكيد روحا بلا رجعة

هذا رأيي

أنا بفهم شنو يعني عقل المرا صغير؟

صغير و هي إتففن بأحلا أنواع التعذيب النفسي للزوج ... و الله المسكين الريال للي مو عارف شنو داخل المرا

bo_sale7 said...

يسلم لسانج يا ريما ....المرة من تفقد الحيا وتبتدي بهالكلام اللي ما يتحمل اكثر من معنى تكون حددت نهاية حياتها الزوجية .....واؤيد ريما بعد ان السالفة مو مسج ...على قولة اللبنانيين ...القصة مو قصة رمانة ...قصة قلوب مليانة !

lawyer said...

زوجها سمع اكثر من جذي
و اهي اسمعت منه اكثر
انتي شيتحجييييين يا ريما
لما يتاهوشوون يقطون كلام لا صار و لا استوى مو سب لاااااا كلام تجريح
مرا تهاوشو على سالفه الجنس
اهي تقوله انت عمررررك ما شبعتني
عمرك ما عطيتني كثر الي انا ابيه
يقولها انتي عمرج ما فهمتيني
و اكبر دليل اللبس الي تلبسينه لي كذا اكبر دليل على انج عمرج ما تعرفين انا شنو ابي
مرا قالها انا كنت احبج قبل الزواج بس ما كنت ادري ان الفراش اهو الي يحدد مصير الحب بعد الزواج
يوم نمت معاج راح نص الحب !!!!!!

lawyer said...

بوصالح ..
اي واله قلوب مليانه
انتصدقون انا عمري ما اعرف اخش في قلبي
انا نوعي اسوي فورمات اول في اول

كل شي يمكن يكون و يهون بين الزوجين الا عدم الاحترام و تقدير المشاعر

DareDevil said...

Wow ... i like that .. mashallah ... very good post :) thanks

Яeema said...

بوصالح:

الله يسلمك أخوى

lawyer :
بما أن و كما هو واضح أن الريال كان يحبها من قبل ... و علي قولتة راح نص الحب بالفراش ... فها شىء أكيد

لأن علي قولتهم راحت السكرة و جات الفكرة

يقول المثل الأوروبي ( الحب يموت تحت الفراش ) .
لآن للحب فتور بعد الجنس لدى الرجال لا ينكره إلا مكابر ، حتى أن الجاحظ يقول( متى ظفر العاشق بالمعشوق نقص تسعة أعشار عشقه )
ولذلك تبين رحمة الله وحفظه لهذه الأنثى بأن كفل لها حقوق على الرجل لابد من تأديتها ، يقول شوقي :
وفي الرجال كرم الضعف ... ولؤم المقدرة



مو قتلكم يالبنات مالكم الا الصبر

من اللي يقول مو كل الرجال ؟

Men PLEAS READ , then Talk !

qalm-jaf said...

محد مرتاح
ومحديقول الحمد لله ويشكر ربه
اللى مومتزوجه مو مرتاحه واللى متزوجه هم مو مرتاحه والمطلقه مو مرتاحه والارمه مو مرتاحه
.
.
.
السؤال الحقيقي ؟؟؟
من اللى مرتاح!!!!؟
.
.
من اهم اسباب تعاسة المرأه ومن اهم اسباب الطلاق فى اعتقادى البسيط؟؟؟
المقارنه؟؟؟؟
نعم المقارنه عندما تقارن الزوجه وتشوف زميل حلو وتقول زوجى سحت وهذا احلى ؟؟؟
وتشوف زميل غنى وتقول الله ياليت هذا زوجى لان زوجى ولد فقر
وعندما تشوف واحدتعامله جدا لبق ولطيف تقول هذا اللي ناقصه زوجى لاهو لبق ولاهو لطيف
وعندما تشوف فلم اجنبي عاطفي جدا تقول الله اتمنى هذا زوجى واحسن من زوجى اللى مايحسسنى بأنوثتي؟؟؟؟
وعندما تشوف زوج صديقتها وعلاقتها مع زوجها تقول ياحظهم يحبون بعض وسعداء؟؟؟
.
.
.
ماذا تريد هذه المرأه ؟؟؟
.
.
.
فى السابق عندما تكون المرأه مطلقه تشعر فى بالذنب والوحده
اما الان فالبديل الحرام موجود
الشباب يقلون للمطلقه تعالى الزين عندنا والشين حوالينا
شنو مشاكلج يامطلقه فلوس موجوده والهدايا موجوده سفرات موجوده قعدات موجوده وملابس بعد وآخر صرعات الموضه موجوده ذهب مجوهرات ؟؟؟
تبين محامى حق النفقة الاولاد و المتعه والطلاق والمؤخر حاضر وهذى المحامى الفلامى كله تحت امرج تدللي يامطلقه
.
.
.
اكيد ليس لوجه الله كل شي بثمنه ؟؟؟
اذا فى واحد يبى يتزوج اكيد ما راح يتزوج مطلقه ليس لان المطلقه ناقصه لا
لان البديل موجود البنات اللى مو متزوجات كثر حب الرمل
ليش اخذ مطلقه
وبعد المطلقه عندها عيال اقص ايدى تتزوج الا اذا اخذها واحد مو خليجى على شان يعيش على ظهرها ويفتح محلات بأسمها؟؟؟
يعنى زواج مصلحه؟؟؟؟
.
.
.
ماذا تريد هذه المرأه
زوج وعندها
اولاد وعندها
وظيفه عندها
سياره عندها
وتلبس على مزاجها
والمكياج تارس الوجه اللى يبى ياكله الدود انشالله وعن قريب؟؟
شنو تبي
.
.
.
آلا نزال لا نفهم المرأه
ألاتزال المرأه لوحه فنيه صعب احد يفهمها
.
.
.
نعم نحن لسنا رجال
بسبب ترك سياسة الاجداد وهي العقال والخيزرانه وتعدد الزوجات
.
.
.
مايغث المرأه الا المرأه الحل ان يتزوج عليها ويخلى الضغط مليون بس ماكو فايده لان البديل موجود؟؟؟؟؟؟
.
.
.
سؤال معقد ولك الحق فى عدم الرد
لوير
لو تقدم لك زوج صديقتك تطلب يدك للزوج على سنة الله ورسول
هل توافق اتمنى تكون الاجابه بعد تفكير عميق جدا ؟؟؟
مو آسف على الاطاله
(:

qalm-jaf said...

فى بدليات
يعنى اللى دق عليج لو تقدملك تتزوجينه؟؟؟؟؟؟؟؟؟؟

lawyer said...

daredivil..
شكرا و حياك الله

ريما
اي فعلا ...
عشان جذي انااا راح اوهق ريلي ملجه و زواج في نفس اليوم
عشان ما يتردد
اي لو ترجعون حق كلامي من 4 شهور ما ادري في موضوع بس لما قلت لو قيس نام ويا ليلى جان ما كتب فيها سطر

قلم جاف
شكرا على التعليق الملم
و ردا على سؤالك
انا مستحيل اتزوج ريال متزوج الا اذا كان مطلق هذا من الباب العام
من الوجهه الخاصه
ريل رفيجتي مستحيييييييييييييل اخذه مو عشان شي عشان انا كل يوم متهاوشه وياه و عشان انا احب رفيجتي
و عشان انا دايما اقولها ريلج رقله و حجاي
انا مستحيل اتزوج شخص طايح من عيني
لانه حجاي في زوجته
و انشاء الله ما ضاقت علينا الدنيا عشان اخذ ريل رفيجتي او ريال متزوج
اشدعوه عاد قلنا عانس بس ماوصلت لي متزوجين

تدري هذا سنه في البني ادم يشوف الي عند غيره و الله يقول لا تمدنون نظركم على ما متعنا فيه ازواج غيركم

انا مو رومنسيه انا واقعيه
انا اختياراتي غير عن رفيجاتي
اهم صحيح تزوجو عن حب بس كانت الشروط الي يبونها غير عن شروطي
انا اشوف شروطهم سطحيه يبون جمال
كشخه فلوس
انا اهتماماتي في الشخصيه
ريال اذا تكلم اقدر اسمعه و استفيد منه يمتعني لما يتكلم
احسن من ريال كاشخ بس من يفج حلجه في سالفه
ودي اجعمه
و مرات يكون ريال تكانه و ساكت و جنه صج بس مولانه راقي ساكت!
لانه فاضي ماكو شي داخل مخه
انا لما يتقدملي شخص و اقوله عن طموحي اشوفه من باجر منحاش !
يعني معناته مايناسبني ..
لا تخاف انا دقيه في امور وايد فماراح افكر يوم في شي عند غيري

Яeema said...

who try it once , he will never try it again .

qalam-jaf : شنو هالمنطق الخيزرانة؟

لحظة جنة الريال ما يقارن الحريم بعضهم ابعض

ترا الحرام بتسويه المتطلة و البنات أكثر

الحين أخاف البنت تبي الستر مثل أول

ترا بيت أبوها أحسن لها هالأيام

ما اتشوف اتحت 600 ألف عيب بالريال

مطالب المراة بس زوج و عيال و سيارة و ملابس و نسيت الباجي من راحة نفسية

زوج بس بالاسم!
أول يحرها إذا خذا عليها

الحين غير و علا فكرة تفكيرنا مو مادي إذا تتكلم عن فئة

و الله يعافي المعاش أعتقد ماكو بنت ما تشتغل

بالنسبة لي و أرجو احترام رأي

الرجل اللي يدور الحرام فهو لا يمت لصفة الرجولة بشئء

عشان يا عالم اتشوفون رياييل الكويت اشلون يفكرون للأسف

قال عليها جاب بيزا و عبالا بس أدي واجباته كاملة

والله يبيلكم 20 سنة يالله تستوعبون اللي انقولة
مكة ما انبنت إبيوم


To understand the heart and mind of a person, look not at what he has already achieved, but at what he aspires to.

bo_sale7 said...

اختي لووير والاخت العزيزة ريماا :
اولا لوير ....منو قال انج عانس . العانس برايي المتواضع هي اللي مافي رجا بزواجها ...وانتي ماشاء الله فاهمة ومتعلمة ومحامية وبعدج 26 ..وين المشكلة !!؟؟
الاخت ريماا ... لو تتقبلين رأيي برحابة صدر ...مو كل الرياييل مثل اللي حواليج .....ترى البشر كل حسب بيئته وحسب علمه وتجربته بالحياة ....ابي اسالج ...منو اهم مصممي ازياء الحريم ؟ رياييل ..منو اهم علماء الطب النسائي ؟ هم رياييل ..منو اللي اخترعو اجمل العطور النسائية ؟ هم رياييل ...منو و منو ومنو ....القائمة تطول ...قد تقولين ان هالاختراعات او المجالات سطحية ....ممكن ...بس اساسية لحريم العصر الحالي ...اذا كانت الحاجات الاساسية للحريم بهالزمن يصممها ريال و يبتكرها ريال و يسوقها ريال ....شلون الرياييل مو فاهمين الحريم ؟؟!!
انا ارجع واقول ....ان يمكن كنتي تدورين معاملة مميزة كنتي متصورتها عن الزوج ...وما لقيتيها او هو مو متصورها او ما فهمها للحين ...بس هذي مو مشكلة كل الرياييل ......طولي بالج وتفاءلي بالامل ...الدنيا حلوة ...والتفاهم هم اساس كل شي ....تحياتي

lawyer said...

ريما
انا من وجهه نظري ان فعلا الرياييل مهما كانو برفكت بس الله الكامل
و انه الرجل مخلوق اناني
دائما ينسب كل شي برفكت حق عمره
شفتيييييييييي يا ريمااااااااااااااااااااااااا
الخيزرانه مرا وحده !!
هههههههههههه بس انا حساه ان قلم جاف قاعد يتحلطم
بس اكيد مو من صجه
ايها الرجل اسمعني و لا تفهمني

بو صالح

صدقني انا لما اقول عانس هذا مو عيب هذا ثقه في نفسي و ادري اني مو عانس عشان شغله وحده
انا مو متزوجه بكيييييييييييفي والله يشهد اني مو مجبوره على شي
ماكو وحده في هالزمن ما يتقدملها خطاطييييب

لو سمحت لا تناجر رفيجتي ريما
ترا انا محاميتها الخاصه

qalm-jaf said...

كتبت كلام طويل بس انمسح آخر ياقلبي
ارتفع ضغطى
(:
الزبده
ريما
اذا خطب الرجل وحده وابوها كان عنده تحفظ او مو راضى ليش تخلى امها تستخدم سياسة الزن اللى تجيب الجلطه على ابوها على شان يوافق؟؟؟
يعنى اخذته غصب عن اللى مو راضى وبكامل قواها العقليه ليش ما تستحمل زوجا مهما كانت اعيوبه؟؟؟
ليش؟؟؟؟؟
------------------
انت قلتيها سياره وعندى وظيفه وعندى ومعاش وعندى ليش استحمل زوجى اروح عند بيت ابوى احسن مليون مره؟؟
ليش اتحمل مسؤليه؟؟؟؟

وين الزاوج مو شهر عسل الزوج مسؤليه وحقوق وواجبات وووو واطفال وتربيه ومتابعه وهذا مريض وووووووووووووووو

مثل مايقول المحامى خالد العبد الجليل
اذا كان فى البيت رجلان سوف ينها ؟؟؟
يعنى مايصيرالمرأه بعد تصير رجل
----------
.
.
.
المثل المصري الشهير
ظل راجل ولا ظل حيط؟؟؟
.
.
.
وخبزن خبزتيه يالرفله اكليه

3ateeja said...

السلام عليكم
والله مادري شقولج يا وخيتي ويقول المثل إلتم المتعوس ويا خايب الرجا ....بهالسالفه نوره غلطانه عيب تقوله خل امك تعتذر مني هذي امه جنته وناره وهقوتي ماترضى ان امها تعتذر من مرت اخوها ... احساسي يقول ان الجماعه مو امتفاهمين بالمره وحسبالهم انهم لي الحين بالثانويه واظن ان يهالهم يفتهمون عالحياة اكثر منهم ... ادري طبيت بالجماعه بس دامهم ما يقرون البوست باخذ راحتي...يبيلهم تأهيل جد جد يبيلهم تأهيل .. في دوراة حل مشكلات زوجيه عند الاستاذ جاسم المطوع... وفي عندج مجموعه من الكتب اللي ممكن تخلي الجماعه يعرفون شلون يتفاهمون ومنها الرجال من المريخ النساء من الزهره لجون غراي , الفروقات بين الجنسين –هذا مختصر اكثر- لصلاح الراشد
... الواضح ان الحب مووجود لكن ينقصهم التفاهم فحرام ان يضيع هالحب بسبب قلة التفاهم وقلة العقل .... وياوخيتي السنع سنع وودي والله تأدبين نوره وتقولين حق حمد اذا راحت اذنات يوم بيت اهلها احقرها ولا تسأل عنها موليه لين اهيه تدق واتودد وتعرف اشلون ما تحشم اهله ... ولا تنسين ان كرامة اهل الريال من كرامته وبالمقابل كرامة اهل الزوجه من كرامة الزوجه... فماكو وحده منه ترضى على امها الاهانه من ووحده من سن بناتها ..... وسالفة اليهال هذي مو سالفة لوي ذراع لا حرام ...اهي لو مخليه عيالها راح يقول مخليتهم بروحا اللي ما تستحي ورايحه عنهم ... الواضح ان نوره حنونه وعسى الله يهدي سرهم ويرزقهم العقل والثقل ....واهدي لهم غنايه جميله جدا لمطربتي الاولى عايشه المرطه تقول يا ناااااااس دلوني ...درب السنع ويــــــــــنه اشوفلي مرقا من بير الاهوالي : )

lawyer said...

قلم جاف :
هههههههه و بعدين ترا انا ما اواطن خالد العبدالجليل
فكلش ما كان خووش مثل
هههههههه
...

عتيجه
سمعتي اغنيه احبها و اتحبي وشنو الفايده انا في الشمس و اهي في الظل قاعده
هههههههههه
اهو انسان مايبي مشاكله توصل بيت اهلها لان اهووووووووو ديوانيته في بيت اهلها
نصيحه حق كل الريايل اوعى تاخذ اخت رفيجك
باجر كل حياتكم في الديوانيه
هههههههههههه حلوه سالفه الدورااااات مالقيتي الا حمد يروووووووح دوره
هذا لو اتقوله نورااا خلنا نروح دوره بيقول حمدلله و الشكر اشعند عبدالسلام نابلسي

cozy said...

nice post .

Hashemy said...

انا اصف مع ريما وطبعا ماقدر ما أصف مع ريما عشان لاندش بالمشاكل هاهاها
يعطيج العافيه لوير وفيها خوش بوست وفعلا انا اشوف ان الريال قلبه كبير و كوني كريال اقول جذي بس صج انا شكثر بارد يقولون عني بس لو كنت متزوج مراح اسكت عن ربع الكلام اللي قالته حقه وايد كبيره بحقه وفقير ماشوفه قالها شي والله يصلح مابينهم لان هالمره مافيها رجعه ;p

3ateeja said...

هذي الدورات ياخذونها بمنتديات بالنت مو بالمراكز وانا شخصيا عندي صديقتي ام نبيل مستشاره في موقع الحصن النفسي وهو موقع معروف ومعتمد ويتعاملون فيه بسريه تامه وكل اللي موجودين فيه من الثقات ويقدمون دورات من اروع ما يكون للتفاهم بين الزوجين او بين افراد الاسره على وجه العموم اضافه الى ان الكتيبات ما تاخذ وقت واظن ان الموضوع يستاهل يتعبون عليه بكتاب او دوره هذي حياة وماتدرين سبحان الله جوود انهم يدورون النصيحه والله الهادي
http://bafree.net/index.php
هذا سايت الحصن النفسي
http://www.almutawa.info/ara/index.php
وهذا موقع الاستاذ جاسم المطوع

ezain_kilah said...

fa66ooma 3omry ... bkil asaf ajawib 3ala so2alich o agool elyahal ohma e'9a7iya. and for the record ... kilmitain ... kilmitain mako '3airhom ma yingaloon 7ata itha kano 9ij li2anhom ye7a6moon karamat esha59 illy yingallah halkalam ... erayal ma yingalah "int moo rayal" welmara ma yengalaha ... no need to say it!

reema, 8alam jaf, lowyer:
elmoshkila moo fy inna elrayal moo fahim elmara welmara moo fahma erayal. elmoshkila elly mintashra bain elmitzawjeen al7een inhom ma yaboon yetfahimon, kil wa7id yaby eysawy elly fy rasa o bas. and if wa7id min e6arafain allah 6aga b3a9a e6a3a and was willing inna y'3i'9 e6araf wey6awif wey'9a7y shway 3alashan elomoor t3ady ... sa3at mo7awaltah tifshal weyistaslim weygool:"ooooooh! mako fayda!"!!!!!

ommy, allah yathkirha bil5are, tgool:"inna 3yal halwagt ...", ya3ny i7na, "imdale3een o ma yet7amilon kilma min a7ad" ... ana kanat tinba6 chabdy lamma ommy tgool halkalam wetinba6 chabdy akthar lamma el7areem elkbar ywaf8oonha ... ya3ny shino balah?! ohma jeelhom mashallah kamleen welkamil wayha o i7na la2?!

bas raddat fi3ly el8awiya hathy bayinatly shkither ana dalloo3a o ma at7ammal kilma min a7ad!

2ay wa7id mo mitzawij, ahala ygoloon:"wain raye7? min wain yay?"?! kilah ygoloon:"ismmillah 3alaik! 7af'9ik allah!"

welbanat ... ahaleena y6al3oon wayehna m6ala3 o itha yom za3alnahom ohma elly yera'9oona!!

welwa'93 el2i8ti9ady, wel2amny, weta3leemy ... en7aty ba6ala?! en7aty 7arb?! en7aty inna lazim nishti'3il el3a9ir ba3ad elmadrissa 3alashan enyammi3 7ag eljam3a?!

ezzibda ... i7na shabab o banat, emdalleleen o 3aysheen b5are o ni3ma o balna 5aly wemirta7. o hatha moo shain ... lakin eshain inna fy ba3'9na 3alabalhom inna eddinya bamby, o lamma yin9admon bil2amr elwa8i3 yarf'9oon inna yit3amilon ma3ah, o foug hatha kilah ... 3azl elbanat o el9bayan min 9i'3irhom fy elmadrissa aw fy elli3ib o ba3dain lamma yakberoon ... ga3id eyzeed e6een balla li2anna kil wa7id ga3id yeshoof ethany as he/she ka2in '3areeb!

asfa inny 6awalt o asfa inny moo ga3da aktib in arabic letters cause i'm very slow at it, and if i did write in arabic it would take me forever to finish typing this comment ... salam

lawyer said...

كوزي

شكرا


هاشمي انشاء الله دوم بارد
و بالك وسيع

عتيجه سجلت المواقع


الزين كله
صاجه لما سميتي نفسج الزين كله
لان كلامج كلا زين
اي والله صدقتني
اهلنا يدللولنا بعدين يقولون انتوا مدللين !!؟؟
و فعلا الجيل هذا كل من يبي يمشي رايه
محد راضي يتغير او يقتنع في وجهه نظر الثاني

محد راح يوسع شوي من مساحه الاستيعاب
عندنا اذنين و لسان
بس يا ريت نسمع اكثر من ما انتكلم

ezain_kilah said...

lol ... 7ayati! th same goes 4 u :)

Broke said...

:(

i_live_in_Q8 said...

نورة هذي جليلت حيا ومو متربيه
يطلقها احسن واهي خل تروح حج شقق اكبرها واسمنها !!!