Monday, January 23, 2006

she is smile .... is she happy????


نحلم في البرد طول السنه و من اينا البرد نمرض ننقمت يضيق خلقنا انتكسر ليش مدري !!
بعد هوشه كبيره جدا من زمان ما صرخت من قمه راسي كثر ما صرخت من شوي اتقوقع في داري التلفزيون يمي حاطه فيلم مونليزا سمايلو اقرا كتاب لوعه غياب لعبدالرحمن منيف و مع صراخ و اللام عبدالحليم في اغنيه موعووووووووووووود
في العذاب يا قلبي
و لا بتهدى و لا بترتاح في يوم يا ألبي
و عمرك ما شفت معايا فرح
كل مره نرجع المشوار بجرح
و فاتحه المسنجر عل و عسى يدخل احد اسولف وياه اللسته عندي 6 اون لاين بس بلوك !!2 من دوامي مالي خلق اسولف عن دوامي 3 من اعيال خالي اليهالو مالي خلق اسألهم شنو سوو في امتحان اليوموواحد مالي خلق ملاقته ....
اعتقد زحمه الاعصاب و الافكار مخليتني مو مركزه في شي اشلون مندمجه مع روايه و فيلم و عين على المسنجر !!انفتح عيونا على الدنيا .. و اهلنا يذمنون لنا شغلات نكبر و نكبر ييأسون اهلنا و يطالبونا في هالشغلات !!
monilaza smile she is smile .... is she happy????


انفجر على امي صراخ من قمه راسي
راح اتزوج واحد يعرفني و احد مقتنع فيني واحد يبيني عشاااني انا عشان ذاتي واحد مقتنع في كل عيوبي و يبيني ماراح اتزوج واحد يايني خايف حاط ايده على قلبه ساحبته امه مو عارف شنوي يبي مستحيل يوم من الايام راح اقبل اني اطلع حق شخص يعايني مثل البضاعه او الخدامه في المكتب ماني فترينه و لا اني امرأه يائسه حاطه ايدها على قلبها هل الريااااال زين او شين.......بعد صراخ صراخ صراخ صراخ و رقعه بااباسمع ابوي يقول بنتي انثى في الشكل رجل من الداخل قويه وايد بس انا خايف عليها من قوتها

23 comments:

bo_sale7 said...

هممممممممممم ....

تبين رايي ؟

هونيها وتهون ....اذا كانت اسرتج معاج بمبدأ الاختيار اللي انتي شايفته يناسبج فماله داعي تشيلين هم ....لكن اذا كانت اسرتج لها توجه ثاني باسلوب الاختيار ...هني لازم تحاولين تستقطبين الاشخاص المؤثرين وتسحبينهم لصوبج .....وبالنهاية .....ما يصير الا اللي مقدر لنا .....
وعلى فكرة ...انا مريت بهالمرحلة وما زلت اعاني من ضغوط من الوالدة لتسريع فكرة الزواج ......الله يهداها تاركة شغلها ومجابلتني ....بس بالهداوة وطول البال كل شي يصير
تحياتي

طائر بلا وطن said...

مساء الخير
........

اولا و عشان لا يضيق خلقج ترى كلنا نمر بحالة التقوقع هذي و أنا من كثر ما تقوقعت قامو حتى ما يطقون الباب .. يطرشولي بلوتوث اذا بغو شي

خلينا واقعيين و الواقعية احلى شي .. انا نفسج بعد احلم بوحدة كذا و كذا و كذا و قلم بعد نفس الشي و انتي و رفيجتج و كل الناس .. شنو الحل؟

صح الزواج مثل ما دايما يردد قلم مثل البطيخة بس على الأقل احنا نقدر بطريقة او بأخرى نلف على الموضوع

عندنا خطبة .. تيلفونات بالخطبة .. اشوف هالبني آدمة اللي جدامي شنو و اشلون تفكر .. جايز ما نكون كبار حيل بس على الأقل عندنا شوية خبره و قادرين نميز ما بين ما هو حقيقي و ما بين ما هو مصطنع و مجامله

زين لوير .. عطي اللي جدامج فرصة

يعني أنا جايز اني راح اتزوج زواج تقليدي و هذا غالبا اللي راح يصير .. أكيد ما راح اخذ اي وحدة او اول وحدة تأشر عليها امي او اختي .. هذي حياتي انا اللي بأعيشها و لي شروطي و حقي في الأختيار مثل ما البنت لها الحق انها توافق على هذا و ترفض ذاك

طيب هل انا سطحي؟
هل أنا خيخة؟
لمجرد اني قررت ازوج زواج تقليدي

لو كل وحدة بتقول هالحجي لا بالله افلسنا يا لوير و عنسنا
:p

اللي بقوله يا لوير .. عطي اللي جدامج فرصه .. كلميه حاوريه بعيد عن المجاملات .. قوليله انا كذا و كذا و كذا بالويه .. الصراحة و انتي بخبرتج حاولي تشوفين مايته .. احنا محتاجين نضج و وعي اكثر منه قصة حب او شي من هالنوع و الدليل سالفة حمد و نورة

شوفيه

يازلج .. لج مني "شدة ورد" هدية على قولة امي و بدليتها اللي ما ترقع
:)

ما يازلج .. الحمدلله على كل حال

ادري انج تتحلطمين و من حقج بس والله لا تلومين الأم و الأب .. انا لو عندي بنت اكيد بخاف عليها و ما راح اتركها حقل تجارب

سلام و آسف على الهذرة
بس شسوي متقوقع و لقيتلي سالفة
:)

bo_sale7 said...

لوووير :

شوفي البلوج الاخير بمدونتي ..

Expatriate said...

صحيح .. الزواج عشرة عمر
وقرار مصيري
و مافيها عدل ان ندخل على الزواج بشكل عمياني ونغامر

انا معاج

بس تذكري شيء مهم ، نفس المشكلة اللي تواجهينها يواجهونها الرجال اللي يبون يتزوجون

بالله شالحل ؟

الحل اللي طرحتيه انه واحد يعرفج ومقتنع فيج ويبيج علشانج وذاتج ومقتنع بكل عيوبج

حل نموذجي .. نظريا

بالله شلون بيعرف الريال ذاتج وعيوبج ويقتنع فيج ؟
طبعا من خلال علاقة ولقاءات وسوالف
ومعرفة شخصية مقربة

انا شخصيا ما تهمني العادات والتقاليد وايد

بس شلون على الحكم الشرعي الإسلامي ؟
اذا الخلوة بين الرجل والمرأة الأجنبية محرّمة ؟

ممكن اقول بدون خلوة .. ممتاز
واللقاءات تتم مع وجود طرف ثالث من اهل البنت .. ولكن هالشي متوافر في حالة الزواج التقليدي في فترة الخطبة

بس اللقاءات تكون قليلة وتتيح فرصة المعرفة السطحية وما تطلع كل العيوب وصفات الانسان الذاتية وقناعاته .. ممم .. وهم ممكن نواجه مشكلة مجاملات وتصنع في فترة الخطبة .. عيل الحل هذا مو بديل عن المعرفة الشخصية

هني في
contridiction

شلون بالله ؟
نمشي على رأي الشرع ونواجه مغامرة في الزواج ونفقد مميزات المعرفة الشخصية والاقتناع

ولا ناخذ الحل اللي ذكرتيه ونسحب على سالفة الحلال والحرام ؟

سؤال مهم : هل فيه حلول ثانية ؟
مادري .. الموضوع مو بسيط .. وانا لاحق على التفكير فيه .. بس نصيحة لا تصيرين حادة في تفكيرج ورأيج .. والدليل رافعة صوتج على امج وتصارخين عليها ...

Hashemy said...

انا اقول لوير مثل اخوي بوصالح هونيها وتهون مو كل شي بالاعصاب والكلام على فكره اللي قلتيه كله صح وانا أيدج من حقج تختارين ومن حقج كل اللي طلبتيه لانه الزواج مشروع ممتد طول العمر ويبيله تفكير وايد وقناعه اميه بالاميه بس صلي على النبي وماله داعي الاعصاب اهم شي راحتج والمناجر والصراخ راح يسببلج مشاكل من اشخاص قريبه منج اخذيهم بالحكمه والعقل والهداوه والامور راح تمشي مثل ماتبين :)

3ateeja said...

السلام عليكم
جان زين قاريه هالبوست قبل ما اقرى ردج علي بالبوست اللي طاف لأني حاطتلج سايت جاسم لمطوع هناك وهو لو تحوسين فيه راح تلقين اللي تبينه
الزواج مو كل الحياة ...لكن الزواج من سنن الحياة
اكتشفت ان المشكله اللي انتي فيها سببها مجتمع
ولا بمجتمعات اخرى اللي كبرج ما تزوجوا
معناته مشكلة مجتمع
تصدقين
احنا بناتنا غالبا يتيوزون كبار وهذا كلا رزق من الله وحمد الله يعيشون حياة متهنيه
يعني كل شي نصيب
لا جمال
لا مال
حتى مو حب
المسئله مسئلة اختيار فقط
الزواج التلقليدي مثله مثل اي زواج
يمكن ينجح
يمكن يفشل
وانتي منتي بضاعه كلن يسومها
الاهل المفروض ما يدششون بيتهم الا الريال اللي باخصينه وفي موافقه مبدئيه عليه
وفي شي اسمه قبول
وفي شي اسمه خطبه
وفي شي اسمه ملجه
الطريج طويل يا وخيتي قبل ما يدش البيت حتى مقاس فنيلته لازم عندج
والباجي على رب العالمين
قعدي معاه مره مرتين ثلاث عشرين محد بيمنعج
كل بنت تمر بهالمرحله
والريال ما اييج مني والدرب اييج لأنج فلانه
ولأنج بنت فلان
ولأنج على الدرجه الفلانيه من الاخلاق
والدين
تاااااااااااااااالي ايي
وترى على فكره موقف الريال اصعب وايد من موقف البنت
الريال اذا ردوه دايم يظل مده ما يخطب
بس البنت عندها قدرة عالتجدد اسرع
...........................
حمدالله هذي نعمه من الله
تصدقين ان والدتي ايام قبل تيوزت وهي عمرها25يعني عوده حيل على قبل
وكاهي يابتني
ويابت غيري
وعشرة عمر وحب وتفاهم مع الوالد الله يطول بعمارهم لا هواش لا صراخ
يمكن لأن نوعا ما كانوا اهلي مثقفين على قبل
تخيلي
سمع عنها
دز اهله
تالي يا اهوه معاهم قعد معاها شافها شافته كان اصغر منها بسنتين
في شي اسمه قبول
وماكو انسان يخلى من لعيوب
هذا نموذج اللي قلتلج عنه
والنماذج وايده
ولاتنسين شي
انتي منتي بضاعه
و الزواج مو كل الحياة :)

lawyer said...

بوصالح
شكرا على اقتراحك بردت علي والله
اي الحمدلله اهلي مقتنعين يقولون الي تبينه سوييه بكيفج
..
و انا دايما اكون هاديه بس هالمره فورت لان امي تبي تحطني امام الامر الواقع
بس ما نفع قدرت امسك العصاه من النص

lawyer said...

طائر بلا وطين
ابييييييييييييه اثارينا كلنا نفس الحاله
اشوه مو بس انا متقوقعه
بس ضحكتني لما قلت البلوتوث يعني مو بس احنا نستخدمها
اي فعلا انا ابي رجل محترم جدا و اخلاقه عاليه و ابي اعرفه بس اشلون ما يصير
انا مو ضد الزواج التقليدي بس انا ضد النظره الاولى في البيت
انا الي اقوله ان الريال يشوفني من غير ما ادري و يسأل عني و كل شي تاالي بعدين ايني البيت
مو سالفه خنشوف بنتكم
اهي مو على الشكل
على الشخصيه
لا تخاف انا بعطيه فرصه بس بعد ما يشوف و انا اشوف لكن مو في بيتنا
و مستحيل جدام اهلي تدري ليش لان امي تجابلني و تخز و من اسأل سؤال اشوف اعيونها بتطلع فاحسن شي ان ياخذ فرصته
من ناحيه التحلطم تحلطمت لين قلت بس
بسسسسس بعدها هديت

lawyer said...

بوصلوح انشاء الله
توني داشه بلوقي الحين الساعه 10
عطني فرصه بس ارد على التعليقات و انشاء الله بجيك على البلوق

lawyer said...

اكسبا
اي والله شنو الحل مدري !؟؟
تناقضات وايد في الموضوع
بس انا اهم شي الشرع
لأن اهو الي بحل الموضوع
لكن من ناحيه امي
لا تخاف انا لازم اتييني عره في السنه مره
افرغ كل شحنه الصراخ الي فيني
و هذا شي متعودين عليه

lawyer said...

حياك الله هاشمي
طبعا بعد ما هديت انا الحين
راح اقولك الحمدلله و انشاء الله كل شي بيصير في التفاهم
:)

lawyer said...

عتييييييييييجه والله ما راح تصدقيني
اذا قلتلج اني ناديت امي و قريت لها كلامج
اسكتتو مشت
هههههههههههه شكلج اقنعتي امي :)

lawyer said...

وين ريما اليوم؟؟
شفتوها
؟؟
اخاااااااف قاعده تحتفل و احنا ما ندري ؟؟

Яeema said...

WOW i have been missed!!!

Kaaany! 9ayra khooosh zoooga ga3da a9affif el bag for him!

3ashan my husband will go on a business trip !

bajabelkoom all , o betlo3 chabdkom menny!


for you lawyer....

أعتيج زبدة الحجي

مقتنعا أو مو مقتنعا راح توصلين لنتيجة وحدة و هي

الريال بتعرفينا في حالة وحدة بس
إذا انكتبت الورقة و تصدقت بالعدل جنها عمارة بحولي

و تسكر عليكم باب واحد
راح يكون عندج خيارين

يا تقتنعين بالأمر الواحد
يا تنصدمين

هاهاهاهاهاها

انشاء الله ماكو صدمة بس والله صج ما يبين معدن الريال اللا بالمواقف
و ساعات الموقف ما يبين من أول سنين

مشكلتنا بهل الرياييل محد يقبل ان مرته حابيتا من قبل خوفج يشك أو يعايرج باجر

محكوم علينا بالمعاينة
ذكرتيني في موقف مرة لما واحد طلب من خاته انه يشوفني و اتفقت مع أمي و أنا ما أدري

عصبت يوم دريت تالي جان أقول حق أبوي

ما أبي أنا وياه أكون بغرفة وحدة

أبوي يقوللي هدي بالج إذا مو راضية مو لازم - و هالكلام ما ينقال حق أبوا

بعدين استوعبت إنا مو كل شئ بالعصبية تنحل خوفج تقلب السالفة
اعناد و اتيح ابراسج تالي
الله يكتب اللي فيه خير
دايما قولي الله يعطيني علي قد نيتي

مساعد said...

أختي العزيزة .. لما إيي واحد يتقدم لج مو بس أهو يشوفج .. إنتي بعد تشوفينه و تدرسينه و تقررين راضيه فيه أو لأ .. تخيليها كالتالي .. رياييل يايين لي عندج تشوفينه و تختارين منهم اللي يناسبج أو ما ترفضينهم كلهم :)

lawyer said...

وااااااااااي حياتي ريما
اشوه انج موجوده
اي فدتج قلت يا ربي هذي وينها
المهم
اي والله صاجه كل من يقولي ما عليج من قبل الزواج اهم شي المعدن
لا انا الحمدلله اهلي وايد متفتحين و متفاهمين في هالامور
.. امي بعد تقولي
عندج الريال درسيه و طلعيه عليه كل عقدج و اسألتج
و فتحيه وياه محاضر مو بس محضر

بيني و بينج يا ريما صج الزواج سنه الحياه بس عدم المسؤليه راحه
ماعندي شي
لا لي و لا علي
بالي مرتاح انام متى ما ابي و اقوم متى ما ابي
ماعندي ريل حنه ورنه
بس لو ما امي تحن علي تقولي انتي وحديتي و اخاف اموت و ما اشوف اعيالج
عاد تدرين الامهات لازم يسون افلام عشان تسمعين كلامهم
و امي تدري فيني انا بس الساان يلطلط
حزه الصجيه قلبي فظيخ

مساعد
حياك الله نورت
وااااااااااااااي اول مرا في حياتي انتبه حق هالنقطه
اول مرا افكر فيها من هالنااحيه

طائر بلا وطن said...

^
^
قطع خام مو رياييل
:D

cozy said...

You've been tagged :)

ezain_kilah said...

lol ... ya 7ilwich fa66oom ... chinnich i5ty ... nafs rayha, web9ara7a ... ana ba3ad weyakom ... lol
9aj bo9ale7 ... hawneeha wet'hoon ya bnaya, shfeech allah yhadach?! ma ligaitay illa halmi8atha "monalisa smile"?! aflam isma3eel yaseen shfeeha?! o ba3dane ta3alay! tara mithil ma e7na 5ayfeen, ba3ad eshabab 5ayfeen min essiwalif elly yishoofoonha o yesmi3oonha 3an hal7areem el-insoora ommhat sit a9abi3, and if u dnt believe me ... ask bo9ali7 ;)
7af'9ich allah 3omry

Taher said...

اتهيالى مفيش راجل بييجى ومامته ساحباه زى ما بتقولى
بس ممكن يكون حد رشح العروسة للوالدة
فقالت له فقال نروح نشو
وثانيا هم عملو الخطوبة ليه مش علشان تعرفيه ويعرفك وتقتنعى بيه ويقتنع بيكى

lawyer said...

cozy :)

alzian
mashkora 7oby
ee ana mn 9ob o ekhtech mn 9ob o kil albnat chethy
tadren mn ba3ad ma sem3t klam boslo7 o 6aer gemmt amshy o asal alshbab awal marra adre ehma ba3ad met9arw3en mn ha alsalffa


tamer
hehehe walla tez3al ma fesh 7ad mamto bet3mil kidda
بس يا تامر انا مش عايزه اتجوز جوازه صالوناتي
((ترا بي ثامر يفهم شنو الجوازه الصالوناتي))
يعني في الكويتي زواج شاي الضحى لما يقعدون الحريم و يدللون على فلانه بنت فلانه شفناها في الاستقبال الفلاني و عليها ذيج البدله الي تفتخ و الشعر و الشي العدل يالله من فضلك من شفتها قلت هذي صج تسوى يجابلها وليدي يصبح على الويه المنور .. اشيبي بعد ..
و عقب كل هالمدح لو البنت تقول لألأ
تروح الام ترقع
وييييييييي انا من شفتها انقمت قلبي !!
يتغير الكلام 180 درجه عند امهاتنا

3ateeja said...

السلام عليكم
ونستيني الله يونسج بالعافيه وانا سعيده جدا باللي قلتيه ودامها سكتت يعني عجبها بس ماتبي تقول ....
علشان ما يصير شد بيناتكم
وتبين اوضحلج اكثر شاللي صار
راحت قالت لبوج
ههههههههههههه والمباحثات جاريه
والله يكتب اللي فيه الخير والصالح
وعسى الله يرزقج ويرزق منج

bo_sale7 said...

ezain_kilah :
الله يهداج خلتيني مستشار مشاكل زوجية :)

الله يهدي سر بنيتنا ويرزقها بولد حلال