Tuesday, July 25, 2006

فتره نقاهه

ترك الصلاة
من تهاون في الصلاة عاقبه الله بخمسة عشر عقوبة .
سته منها في الدنيا .
وثلاثه عند الموت
وثلاثه في القبر
وثلاثة عند خروجه من القبر
الستة التي تصيبه في الدنيا .
... فهي ينزع الله البركه من عمره .
2_يمسح الله سم الصالحين من وجهه.
3_ كل عمل لا يؤجر من الله .
4_ لا يرفع له دعاء الي السماء .
5_تمقته الخلائق في دار الدنيا
_ ليس له حظ في دعاء الصالحين

اما الثلاثه التي تصيبه عند الموت : *
** 1_ انه يموت ذليلا .
_ انه يموت جائعا .
3_ انه يموت عطشان ولو سقي مياه بحار الدنيا ماروى عنه عطشه .
اما الثلاثه التي تصيبه في قبره فهي :
1_ يضيق الله عليه قبره ويعصره حتي تختلف ضلوعه .
2_ يوقد الله علي قبره نارا في حمرها 3
_ يسلط الله عليه ثعبان يسمي الشجاع الاقرع .
اما الثلاثه التي تصيبه يوم القيامه
0...فهي : _ يسلط الله عليه من يصحبه الي نار جهنم علي جمر وجهه.
2_ ينظر الله تعالي اليه يوم القيامة بعين الغضب يوم الحساب .
>يقع لحم وجهه
3_ يحاسبه الله عز وجل حسابا شديدا ما عليه من مزيد ويأمره الله به الي النار وبئس القرار
منقول
يمكن تستغربون وايد من بوستي هذا او سببه
لكن انا الى الحين مصدومه من الي سمعته و مستانسه
فقلت اونسكم
و اليوم و انا بين الناس
قاعد نسولف عن الصلاه
و الا وحده منها و من نفسها قالت
انا الحمدلله محافظه على صلاتي ..
فرض بفرض
بفضل الله سبحانه و بفضل فطومه ..!!
انا بيني و بين نفسي اقول
هوو
انا ؟؟
ما اذكر !!
ياحليلي والله اييي مني
!!
جان تقول فطومه
تذكرين من 6 سنوات لما انخطبت يتيني و باركتيلي و قلتلي عن الصلاه و تارك الصلاه و خرعتيني و الطيبون للطيبات
و قلتيلي كلام حلو..
و انا بفضل الله من يومها ما تركت فرض
كل فرض بوقته
جان ارد عليها
ياحليلي و الله ايي مني
طلعت عيل انا مشروع داعيه
علامي فاجتلي بوست ادعو للانحلال و الرذيله !!
اهني الكل مات علي من الضحك
و في لحظتها اشكنت مستانسه ان في وحده
تذكرني في شي بحياتها
جان اقولها والله عاد اتصدقين ترا ما اذكر
ردت وحده ثانيه و قالت
احصاه الله و نسوه
قلت لها اي والله
انشاء الله ربي يتقبل منه بس اذ سوينا شي بحياتنا زين
ملاحظه:
نظرا لاني امر في ظرف اجتماعي خاص
سأمتنع عن الكتابه فتره بسيطه
و راجعتلكم انشاء الله
احبكم

23 comments:

kila ma6goog said...

تقبل الله منك و منها

الله كريم, فعلا كريم

احنا محظوظين على هالرب

حمدالله

'3aR eL-NaS said...

الحمدالله :-)

EsTeKaNa said...

حب الناس
قبولهم لكلامك
الصدق في النصيحة
وروعه الاسلوب
.
.
نعم ربي رزقج اياهم،حسن استغلالها تبلغج سعاده عجيبة ورضا عن النفس
:D~
اانا فخورة فيج
وحسيت اني سعيده وانا اقرا هذا البوست،لا تشلخين روحج وتقللين من قدرها
كلج خير..وصدقيني ايي منج اكثر
ومرة ثانيه لا تقولين ماكو فايده فيج
:pP~

اتمنى يكون الظرف خير،الله يحفظج ويسعدج وين ما كنتي

فارس هوى الكويت said...

بارك الله فيج ومشكوره على التذكير اختي

لا اي منج وايد بعد موشويه ;)

وانشالله الظرف خير والله يحفظج ويسر امرج ويقلب احزانكم فرح بحيل الي ماتنام عينه :)

تحياتي لج :))

R7eeq said...

الله يجزاج خير على التذكير ..

والتوعيه ,,, والدعوه ,,


في ميزان اعمالج باذن الله .


كلمه مؤثره جدا ..

احصاه الله و نسوه

Diver said...

راح نشتاقلج
بعدين الطيب يسوي خير و يقط بحر و هذا الي انتي تسوينه ما تبين اتمننين على الناس عشان جذي تنسين الخير الي تسوينه
ان شاء الله في ميزان حسناتج

Fuzzy said...

جزاج الله خير


الله يكون معاج في ظرفج الاجتماعي ان شاء الله

HaaMooR said...

yaa36eech el3aafyaa...

tell EVERYONE about elsalaat :P

thanks for the Great post

Charisma said...

ليش مستغربه انت الى ما اطقين الطار مقلوب والنصيحه منج مثل المدفع تيى وكيفكككككككككككككككككككككككم اقول الصج وانتو كيفكم ريظيتو ولا انرظيتووو ،، ما انساهااااا اول ما تعرفت عليج وعلقتى على شى غلط انا سويته ونصحتينا وانا تونى اعرفج !! صعقتينى رحت ركض اشكيج عند ريمه لووووووووووووول قتلها اهيه شكووو لوول قالتلى ريمه بقولج شى كتى هالبنت اذا حبت انسانه ما اجاملها ولانها تحبج قالتلج هالكلامم

فطوووووووووووووووووووووووم الله لا يخلينى منج

lawyer said...

مطقوق
اميييييييييين
اي والله محظوظين و مرحمون بربنا
و ان عرفنا ربنا
و ان نحنا مسلمين

lawyer said...

غير الناس

حياك او حياج الله
نورتي
بس هالعطر مار علي مو غريب

:)

lawyer said...

واي اسنكانه حبيبتي
انتي محد رافع معنوايتي كثرج

ههههههههههههههه

انا الحين بكشخ في نفسي
خلاص

للاسف الظرف مو خير

لكن الحمدلله على كل حال
اقولج بعدين

lawyer said...

فارس
اهلا اهلا وينك من زمان عنك

اميييييييييييييييين يا رب مشكوووووور على هالدعاء الطيب

شكرا لك




رحيق

اي والله
كلمه تهز النفس




دايفر
شكرا توله عليك العافيه

يا رب يتقبل ربي يا رب
الله يسلمك

lawyer said...

فزي

شكرا تسلم

يا رب
و مع الجميع




هامور
شكراااااااااااااا لك انت على دعمك المعنوي

تسلم
حفظك الله





كيتي
لوووووووووووووووووووول

فظحتيني
واي مت من الضحك

اتصدقين عاد يا كيتي
ان انا كل رفيجاتي الي حيل كلووز وياي
كلا يعايرووني في اشلون تعرفت عليهم

سبحان الله الناس الي اكون شاده معاهم او عسره
اهم اقرب الناس لي

عندج مثلا رفيجتي شوشو

لي يومج اتعايريني
في ان اول مرا تعرفت علي في يمعه بنات
كنت منفسه
و مالي خلق
و قاعده بربعه برووحي على كتر لا سالفه و لا حجوه

جنه ساحبيني غصب

قلت لها عقب مده .. اي تدرين ليش لان كان رمضان و انا مدمنه شات في الايرسي
وكنت مواعده واحد يدش الساعه 11 في توقيت الكويت

فناطره
كلش مالي خلق بنات و يمعه بنات
هههههههههههههههههه


واي سكتي انتي ما تدرين انا اول مرا قعدت وياج
جان ارووح اقول حق ناديه
شكووووووووووووو تقولين حق البنت اني انا فصله !!!

اعرفها اتعرفني
اشتاخذ فكره عني بعدين !!
انا ما احب احد يدري اني فصله
ترا انا ما افصل جدام احد
لانكم تدرون فيني
غامضه وايد
و ما احب بنات يدد استهبل جدامهم

بعدين شوفي اشلون صرتي الحين عقب هذا انتي من اعز حبابي
والله

ترا الحين ابجي مو ناقصه


حياتي انتي

بووووووووووووووووووووووووووووسه لالك

Charisma said...

لووووووول لوير ما انساج فى اول لقاء بينه كنتى مجابلتنى وتخزين وتصفنين !! انا بقلبى هاااو اشفيها هذى شنو يعنى انا عاجبتها مو عاجبتها ههههههههه مستلطفتنى ولا انا مليقه المصيبه ويهج ما يعطى جواب لووووووووووووووووووووول حيرتينىىىىىىىىىى ولا تتكلمين بس اتبوسمين الابتسامه الصفرا الى مال طقققققققق ههههههههههههههه واى فطوم كل ما اذكر اموت ضحك

arwa said...

جزاك الله كل الخير
من الرائع ان تصنعين جزء نقي في ذاكرة غيرك
جعله الله في موازين حسناتك
وتقبل منها صالح عملها بقبول حسن

اتمنى ان تكوني في احسن حال ..وتعودين بسرعه وانت سالمه
:)

FREEQ8 said...

لوير

الظاهر ...سمعتي نصيحتي من البوست السابق...وهي ان تحبين الاخره بدل الدنيا ...الي اسمها يدل عليها
وحلو الايمان.. والدعوه للخير.. وأزيد وأقول ان الرسول عليه الصلاة والسلام قال : ان يهدي على يدك انسان يكن لك هذا خير من حمر النعم... أو كما قال رسول الله
عسى الله يجزيك خير ويكون في ميزان اعمالك ويهدينا ويصلحنا ويجعلنا من الذين يقيمون الصلاه على الوجه الذي يحبه الله ويرضاه...أمين..أمين

layal said...

ساعات نقول كلام ما ندري لكنه يأثر بناس وايد
كلمه حلوه تتم بالبال وكلمه مو عدله تتم بعد

tweety said...

الله يجازيج كل خير
بس مادروا عنج جماعة غراس جان خلوج تشتغلين معاهم

MARSHAL Q8 said...

والله من حصج تستانسين

شي يونس :)

3AJEL said...

مختصر برنامج يوم التضامن مع الشعب اللبناني اليوم في جمعية الخريجين من الساعة 6 لغاية 9
معرض صور الدمار والمعاناة الانسانية
حملة مناشدة لكوفي عنان
حملة تواقيع تعبر عن مشاعر تأييد
الشعب الكويتي للبنان
حملة تبرعات برعاية الهلال الأحمر
اشعال شمعة أمل لنهاية سريعة للمحنة
فيروز وماجدة وجوليا
عنوان جمعية الخريجين .. بنيد القار بين جمعيتي المحامين والمهندسين

Chai-7aleeb said...

أحلى بوست

الله يجزاك خير

Q8LoVeR said...

ببقوه منج من زمان ودي اكتب عن هالموضوع
الله يجازيج ويكون في ميزان حسناتج