Sunday, July 30, 2006

في الطياره




قمه الملل اثناء الرحله


باقي من الوقت ساعتين

اللاب توب ما فيه شحن

و انا ضايق خلقي لاني ابي اكتب

شنو ابي بالضبط و منو ابي اكتب له بالضبط؟؟

الى بدر

االى ريما

الى كل من يقرأ مدونتي

عن شنو ابي اتكلم عن شنو ابي افضض


عن اخطائي

عن الوفاه


عن دلال امي الي الله لا يحرمني منها


ما تبي تكسر بخاطر احد

ماتبي اتنكد على احد

ياتيني قرارر السفر المفاجأ بعد ما تكنسل لسبب وفاه في العايله

احزم حقائبي.. و انا ابكي

مو عشان راح اسافر بروحي مع اخوي الصغير


و لا عشان ربكه السفر مع حاله الوفاه

و لكن لسبب وعده لي ان راح نكون مع بعض في الصيف

هذي السنه

و ياتي الصيف
و قرب الخريف

و انا برووحي اهني

بين حزني

و بين كل هالمسافرين

الطياره مليانه

ازعاج اليهال متعب

بطاريتي تصفر للمرا المليون


اخوي مندمج في الفيلم

انا استمتع في اغنيه
تعودنا انا و انت تعودنا على النسيان

اول ساعه في الطياره سمعت هالاغنيه لراشد

و قعدت ابجي
بسبب الصرقعه الي صارت امس بالليل بيني
و تواصلت الصرقعه حتى الفير

هواش صراخ
ابتعد عنها
اصفق الباب
تركض وراي
تصرخ ازياده

ادخل غرفتي ابجي
تطق الباب
فطيم فتحي تعبتيني
ابي مصلحتج
والله احبج
ابيلج الخير

اصرخ انا من ورا الباب
انا احبج بس انا احترمج
ما اجرحج

ترد علي و اهي تواصل طرق الباب
انا اجرجج عشان تصحين
ما يصير الي تقولينه هذا ما يصير

و بين شد و مد

تصررررررخ علي باعلى حسها

انا ابييييييي اشوف اعيالج


تعبت من حنه اختي على مسأله زواجي

امي نست الموضوع و اختي للحين

تحن عليه

تحاول تكرهني في كل رجل بالدنيا

عشان اتزوج و تقتك مني

احتضنها




تبكي

و انا ابكي

مسافره

تاركه دموعي عندها

تاركه قلبي مع بدر

دافنه احزاني في قبر جدتي

حافظه نصايح اختي لي

خافي ربج

حافظي على نفسج

انتي بروحج

الشيطان يوزج

لا تفكرين في شي

فكري بس في غلات نفسج

و كاني طفله اسافر اول مرا


اطمنها

اني ما اخاف من احد

و لكن اخاف الله

اذكرها اني ما احب احد

سوى الله

اني راح اجابل البحيره و اتامل

اشرايج بعد !!


محلقه في هذه الطائره النتنه

مستسلمه

اعطي كل شي اجازه و اهمها رووحي

لعلي انسى الي صار هذي السنه



لعلي ارجع بقدر جديد


اتركم الحين اكمل البوست في الغرفه لما اول انشاء الله

لان ماكو بطاريه

في النهايه



29 comments:

EsTeKaNa said...

فطومه

برد اكتب شي
بس مو الحين
لما اقدر اسكت
بجيتني
:(

اله يحفظج يارب

BaLqEeS said...

يا بعد عمري
تروحين و تريدين بالسلامه حق كل من تحبين

وان شاء الله الله لايطول الغياب

الصوره .. المنظر اينن

اكو احد يضيق خلقه و هو مجابل خلقة ربه

اللي بالقلب بالقلب..... لكن حاولي تبتسمين للحياة
ترى الدنيا حلوه

Fuzzy said...

الحياة تصير مملة بدون صعوبات وعقبات ومآسي وما يصير للفرح طعم اذا ماكان في حزن ولا للنهار طعم بدون ليل

sarah said...

ياربي ضيقتي خلقي
ليش جذيه
:((

مدري شقول بس الله يفرج همج
ويجمعج باللي تحبين
وطمنينا عليج

فارس هوى الكويت said...

عن أبي سعيد وأبي هريرة أنهما سمعا رسول الله صلى الله عليه وسلم يقول : (ما يصيب المؤمن من وصب ولا نصب ولا سقم ولا حزن حتى الهم يهمه إلا كفر به من سيئاته).

رواه مسلم

(اللهم إني أعوذ بك من الهم والحزن والعجز والكسل والجبن والبخل وضلع الدين وغلبة الرجال).

تروحين وترجعين بالسلامة اختي وديري بالج على نفسج

تحياتي لج وعساج على القوة :)

NaDiA AnZa7a said...

اشدعوة بس إلى بدر وريما !!! يعني انا طلعت بلَوشي
:(
اتروحين واتردين بالسلامة يالغالية وحطي بالج على نفسج واستانسي كثر ماتقدرين
الله يحفظج

Яeema said...

ديري بالج علي نفسج حقنا كلنا إللي نحبج و إنشاء الله ترجعين لنا بالسلامة بروح حلوة صافية مثل ما ي النهر
حلوة و متألقة و إتشعين نور
اللهم إحفظج من كل شر

إنزين إشبتيبيلي صوغة؟

هاهاهاهاهاها

Diver said...

انا راح اروح لصلب الموضوع يا اخت فاطمة
يقول الرسول صلى الله عليه و سلم (من ترك شيئا لله عوضه الله خيرا منه) عشان جذي ياطويلة العمر لا تاذين نفسج و تاكدي انه الله راح يعطيج احسن من الي تبينه اذا تركتيه عشان الله و الله سبحانة يعطي على قد النية و يمتحن الناس عشان يعرف الصابر من الجازع و ان شاء الله احسبج من الصابرين الفايزين و تذكري كلامي من زمان اول ما تكلمنا تعرفين الصح

lawyer said...

استكانه

حيااااااااااااااااااتي
مسحي ادمووعج ماشكو شي يسوا


امين


بلقيس


وااي كلامج يمسح على القلب




فوزي

اي والله صااج

الحين عرفت طعم السعاده



سارا

نورتي

امييييييييييين
يا ربي و لا تتكدرين



فارس

يزاك الله خير
قريته بصووت عالي
عشان الي يمي يسمعوون



ناديه

بدر عشان اهو حياتي

و ريما عشان وايد ضايق خلقها اني بسافر


عرفتي ليش



ريما
شنو
ما اسسسسسسسسسسسسمع
يقطع يقطع


ما اسمع؟؟؟؟




السالفه فيها فلوس وصوايغ كلش ما اسمع

kila ma6goog said...

اطرق الباب و تصك الباب و ترقع الباب و ابجي ورا الباب

الله يعين هالباب:)

Charisma said...

انتى واختج ذبحتونى وعورتو قلبى !! الحمدالله ان صار الى صار قبل لا اتسافرين خليتونى افحط معاكم :( احبكم انتو الاثنين ،،،،،،،، فطووووووووووووووووم يا شقووول حطى بالك على نفسج ووسعى صدرج وانسى كل شى فصلى اهناك عن كل ذكرى مؤلمه وصعبه ،، ضايق خلقى على فراقج وبنفس الوقت مستانسه لانج اكثر وحده تحتاجين انج اتسافرين واتغيرين جو ،، اخر الايام وايد تعبتى

tweety said...

تروحين وتردين بالسلامة
والله يرزقج باللي في بالج واللي يساهلج

lulu said...

بعد عمري ولهت عليج وعلى سوالفج استانسى ولا تخلين شئ يضايقج سوى كل بخاطرج وانشالله تردين بالسلامه يارب احبج

MARSHAL Q8 said...

تروحين وتردين بالسلامه

ومثل ما ذكر احد الاخوان

ما للسعاده طعم بدون حزن

وان بعد العسر يسرا ..

والله يرزقج ان شاء الله قد نيتج

Fuzzy said...

سمعت انج أمس رحتي الجمعية وشريتي خيوط وقعدتي تحدقين بالبحيرة ؟ فما صحة هذه الاشاعة ؟

LonDonY said...

مادري شسالفة بس الله يفرجها عليج من سالفة .. وأعيد لج كلام الاخ دايفرر بالحررف + كثري من الاستغفار.. ولا يضيق خلقج وايد لان الابتلاء اللي انتي فيه يعكس قوة ايمانج بالله لحديث سعد بن أبي وقاص قال: قلت يا رسول الله أي الناس أشد بلاء؟ فقال: الأنبياء ثم الأمثل فالأمثل يبتلى العبد على حسب دينه فإن كان في دينه صلبا اشتد بلاؤه وإن كان في دينه رقة ابتلي على قدر دينه
فما يبرح البلاء بالعبد حتى يتركه يمشي على الأرض وما عليه من خطيئة
صحيح سنن ابن ماجة

الله يونسكم بالعافيه، ويردكم بالسلامة

نون النساء said...

اتروحين واتردين بالسلامه فطوم

ووسعي سدرج يا يبه

استسلمي لفكرة ان كل شي يضيق الخلق

وراح يتوسع مودج على الآخر



هههههههههه
واخذيها من ناحيه انج رحتي عن الحنه مالت الزواج

انا بالله وين اروووح

Fuzzy said...

نون النسوة

الله سعاد حسني

arwa said...

بالسلامه عزيزتي
وابتسمي مهما كان في الدنيا من هموم
حافظك الله

A3sab said...

dunno what to say really but soon you'll be back inshalla to c your loved one.
ew salfat ilhwash bain ilkhawat hathi 3adi it9eer ib a7san il3aylat

A3sab said...

dunno what to say really but soon you'll be back inshalla to c your loved one.
ew salfat ilhwash bain ilkhawat hathi 3adi it9eer ib a7san il3aylat

A3sab said...

dunno what to say really but soon you'll be back inshalla to c your loved one.
ew salfat ilhwash bain ilkhawat hathi 3adi it9eer ib a7san il3aylat

White Wings said...

الله يحفظك من تعلم القسوة، اذا تعلمتيها من انسان تحبينه، فما هي قيمة ومعنى هذا الحب
بل ابقي محبة شاعرية، لنفسك أولا قبل الغير
حفظك الله

Chai-7aleeb said...

بالسلامه

اذا هالصوره سويسرا،عيل ما راح ألومج بالملل

wakee7 said...

شاي حليب

الا سويسرا

:)

layal said...

تذكرين لما قلت لج
نو مان نو كراي
وقلتي لي
اول ذس شود بي باس اويه
اعتقد بهذا المعنى قلتيه
وينج ؟
الامور لازم تمشي
اسمنا بشر يعني لازم ننسى ونمشي المركب
لا توقفين روحج عند محطه انتهى مشوارج فيها
الله كريم -الله كريم

3ateeja said...

الوفاء ..مال الوفاء ..لوير حبيبتي ..ما اقدر انصحج ولا اقدر اوجهج انتي عوده وجبيره وعاجل وياما دليتي ناس على الطريج السنع والصح ..المشكله لما تصيرين ملجأ وانتي بحاجه لملجأ ؟؟؟
هذا حب
لكنه يعور ..حب مو متبادل لأن الوفا رمز الحب ..حتى لو بالقلب

daktara said...

هذه اول مرة لي هنا
المدونة جميلة فعلا
علي العموم تروحي وترجعي بالسلامة واكيد هتلاقي تعليقي دايما عندك هنا
خالد
مصر

R7eeq said...

عسى الله يجمعكم على خير ,,

تردين بالسلامه يارب ..

بس لا تكدرين خاطرج ,,