Wednesday, September 06, 2006

هذا انا ما تغيرت ..بس كبرت

يستعجلني زوجي بفتح الكبت
عشان اعطيه الدشاديش القديمه ..
كبتي هذا بالذات نصه دشاديش عتيجه او مو عتيجه بس ما يبلسهم ريلي و نصه قمصان نومي
محتفظه بقمصان نومي الي لها ذكرى خاصه في حياتي
مثل هذا القميص الي وايد احبه بسيط جدا ما فيه شي اسود دانتيل و شيفون
قصه بالصدر و واسع
ما انساه لانه قميص نومي بعد انفاسي في بجري ..(اكبر اعيال)و
اذكر كل شي في هالليله ..
اذكر هذا القميص و عطر بالوما بيكاسو
و اذكر بعد ليلتها سهرنا على اغنيه محمد المسباح
اذكر لما غنيتله
مثل النهر حبك جرى في دمي
مثل السحر نساني حتى اسمي
هزتني الاشواق اول ما شفتك
والقلب لك خفاق يا ليته قلبك
سرى حبك في دمي
يا حبيبي سرى

و اذكره لما كان يرد علي و يقولي

احبك في صمت محد درا و حس و اشويه لي قلت انت حبيبي و بس

اذكر حيل لما حضني و سألته حلو لبسي ؟
قالي انتي الي محليته

و اذكر بعد لما قلتله اعجبك عطري ..
ورد علي و قال
غيبني
خلاني اغوص فيج

و يقطع سرحاني
صوت ريلي

هــــاتي الدشاديش اشفيييييييج؟؟
ويييييينج

اسحبهم بسرعه بسرعه و اعطيه اياهم

احطهم لك بكيس؟؟
لألألأ طبعا من متى اوزع دشاديشي بجياس
خليهم في علاقهم و مغطين في جيس النايلون
اوديهم اقطهم على حارس المسيد الحين

اسأله:بس هذولا يددد و ما لبستهم وايد
يرد علي: لن تنالوا البر حتى تنفقوا مما تحبون
ضامنه لي باجر البسهم؟؟
شعبان ايام فضيله
خلي المسكين يلبس شي زي لرمضان

اصفن شوي
افتشل من نفسي
انا وين وريلي وين
انا في مود هالقميص
و ريلي في دشاديش و موت
و رمضان

تبين شي ؟؟

لألألألأ سلامتك

يطلع ريلي

اسحب قميص نومي
احس نفسي صغرت 20 سنه

ادخل اخذ شاور

البس قميصي
اتعطر
انسدح في الصاله
اسكر الليتات
اخلى الابجوره
و امسك الريموت اقلب القنوات
احساس عجيب
شعور بالسعاده
كاشخه حق عمري
و الا مصغره عمري
و الا برجع في الزمن ورا
والله مدري

اتابع اوبرا
تصير الساعه 9 ونص
يدخل زوجي
مستعيل
للمطبخ
مطنقر
يحط الاغراض في المطبخ
يروح الدار يبدل
اسمع صوته يدخل الحمام

يطلع
يطل علي في الصاله
اسأله فيك شي ؟؟
يسألني !انتي ليش كاشخه جذي؟؟
يتعسر زوجي اكثر
بعد ماشافني
اجاوبه:مو كاشخه بس لما طلعتلك الدشاديش شفته
عجبني
ذكرني في ايام حلوه
تذكره !!
يرد علي و اهوووو يسكر الابجوره و يفتح ليتات الصاله
لألأ ما اذكره
انا تعبان
و ضايق خلقي
و باجر عندي شغل
بشووف الاخبار و بنام
اكو عشا؟؟ و الا بما انج كاشخه ما تبين عشا؟؟
ارد عليه باستغراب!
و اعطيه الريموت
هوووووووو اشفيييييك معصب و مطنقر

يرد علي بصوت نزره
مدري عنج كاشخه و ساطره
و انا تعبان حدي
!!

ليش انت متعسر عشان انا كاشخه
هوووووو انا ما قلت ابي شي
انا كاشخه حق عمري
و اروح المطبخ و اتحلطم
والله خووووووووش بعصب عليج ليش تكشخين و تقعدين في البيت و انا مالي خلق

اذا انت مالك خلق
اصلا انا ماطلبت منك شي
ليش اتحسسني اني انا بس اكشخ عشانك
يرد علي:لان هذا المفروض
!!

يا سلام ليش انا ماني ادميه
مالي قلب

!!
لا انتي ادميه بس تدرين فيني ما احب المفاجآت قايلج الف مرا لا تحطين امام الامر الواقع
انتي ما تدرين يمكن انا تعبان ضايق خلقي

اصرخ عليه
من قالك كاااااااااااااااااشخه عشانك
ترا ما ابي منك شي
ليش اتحسب عشانك
ليش اتحسب عشان هدف معين
و ليش اتحملني انا عساااااااارتك
تدخل اتلاقيني متزهلقه عشان نفسي
تعتقد اني كاشختلك
تتعسررررررر علي !!

لانك مالك خلق

ترا انت وايد اناني على فكره

يحذف الريموت
انا برووووح انام كملي اوبرتج هذي الي قاصه عليكم
و بعدين شوفي فوزيه دريع
و دقي عليها قوليلها عن مشكلتنا
و اذا خلصتي
و تذكرتي انج ام
ترا موعد المضاد الحيوي الساعه 11 لا تنسين تعطينه

يصفق الباب
اقعد شوي اخليه يقعد مع نفسه
يفكر
ادخل المطبخ
اسويله توست و جبن بالشوايه
مع كلاص لبن بارد و رطب
ادخل الدار

هي:نايم
هو:لألأ
هي :تبي عشا؟؟
هو:لا بنام خفيف
هي:بس سويتلك توست و جبن..
هو:ماني رادج عطيني اياهم
هي :بس بشرط
يرفع حاجب واحد جنه مو عاجبه
هي :بذمتك ماذكرت هالقميص
لا تتجاهلني ادري انت كلا تسوي نفسك مو حاط بالك و مثبت بس ادري تذكره
هو:اذكره و مستغرب اشلون يدش عليج عقب هالعمر
هي:لانه امريكي ون سايز وبعدين شووف من اهني سير و اهو اصلا فلوو واسع
هو:مابي التوست ..عطيني اللبن
هي:تشربه من الكلاص و الا مني؟؟
هو:لي الحين محتفظه في شريط محمد المسباح بعد؟؟
هي: لألألألألألألألأ بس اقدر اغنيها لك
هو:ذكريني في المقطع الي احبه؟
هي:احبك في صمت محد درا و حس و اشويه لي قلت انت حبيبي و بس هزتني الاشواق اول ما شفتك و القلب لك خفاق يا ليته قلبك




36 comments:

Яeema said...

والله المنظر جنه صج

و السيناريو
أبدعتي كالعادة

( ترا القصه مو عني )

هاهاهاهاهاهاها

بس ما أدري بما إني متزوجه بس ما مريت بنفس الموقف

أنا يتعسر إذا إبنطلع و أطول باللبس

عشان ما يواطن النطرة
هاهاهاها

يمكن إذا كبرت بصادف هالشي؟
يجوووز

Unknown said...

دام ان القلب أخضر فلا تحزن يا قلبي هذا ما اقوله لنفسي دائما

Яeema said...

يبيلج بوست بعنوان
شنو إللي يعسر الريال

عشان
إنتجنب هالشي

هاهاهاهاهاه

مأمون المغازي said...

عزيزتي
عرضك جميل لحكاية تحدث كل يوم

ولكن بسرد جميل وعامي سهلة

استمتعت كالعادة

تحياتي

tweety said...

والله عبالي صج اول ما قريت
قلت هو لوير تزوجت ماقالت !! اي الله يوفقها
لما قريت قميص نومي بعد مايبت ولدي البجر قلت هو انا ويني مداها لوير سافرت حملت وولدت!!! لووول
حلوة القصة

q8y_saint said...

nice 1 thnx

{ 13 } said...

انزين ومنو هذا عبدالحليم ؟؟لوووووووول

Mother Courage said...

you've inspired me =)

3ateeja said...

كبتي هذا بالذات نصه دشاديش عتيجه او مو عتيجه بس ما يبلسهم

انا ما يبت طاريج
ليش لمحارش
هههههه
بس والله لوير اندمجت :)حديييي
اهوه يستعسر عليها
وانا اتنرفز
خنت حيلي عشرين سنه ..والله عمر

{ 13 } said...

الحبوبة فطومة ... قصصك مسليه ..بس عندي طلب .. اذا ممكن ....يعني لو تكبين افقي مو رأسي ..لووول..لان صبعي يعورني وانا اقعد اضغط عشان الصفحه تنزل ..وانا عندي لابتوب ..يعني مافي موس ..صبعي تفلطح الله يسلمك لووول....وعند الحوار حطي فواصل ..وخلي الكلام مترصص جنب بعض بليزززززز..وشكرا جزيلا ..وبانتظار المزيد .....

Kwaitiyya said...

عجيييييبه! حدي عشت بالقصة وبالشخصيات اللي أحس انهم واقعيين جدا جدا!
لوير لا تخلينا ننطر وايد ترى أنا وحدة وايد أتابع بوستاتج بس ما أعلق وأكيد أكو وايد مثلي ما يندرى بعد

البلوغ جدا مميز مثل صاحبته
تحياتي

Q8LoVeR said...

كيفه عاد 20 سنة 30 سنة
استعصر ماله خلق له خلق بس موعاجبته
اهو الريال ولا لا
وبعدين بعد 20 سنه متزوجه
منو الي جسمها حلو عشان تلبس نفس القميص

وبعدين شدعوه 20 سنه قميص ؟؟؟
شاريته وقاصين عليها متحسفه تقطه

لازم القالج حل
تتزوجين بلوق شرايج ؟

Blogger said...

انا بس ودي اسأل هذي قصه ولا صج
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Alather said...

اندمجت بصراحة بالقصة..

اما رد كيتي ضحكني..هههههه

يا كيتي ما يعذبنا الا التدقر..قاعدة احاول اغير هالشي فيني :s

neelaah said...

لوير
وااااااايد حلو السيناريو
انا لو منج افكر بجد بالكتابه
خصوصا المسلسلات
لانه كتابتج كلها مشاهد

المهم لا تخرعج هالسوالف من الزواج

ترى الزواج في ايام زي الزفت
بس في لحظات حلوه
تقتل كل ايام النكد

enter-q8 said...

قل اعوذ رب الفلق

الله يهينكم و يسعد ايامكم

انتي و زوجك عسل ما شاء الله عليكم

الله يحفظكم

enter-q8 said...

عـــــــــادي لوير

لا تواخذوني ياجماعه مضيع حدي
حسبي الله على ابليسك يا لوير

خليتيني اعيش الجو واصدق


تدرون عزوبي صار لي شهر

مفتقد ام العيال

ما بقى شي على وصول ولي العهد

اي صج فصلته دشداشه

وناسه يا جماعه

الله يبلغكم هالفرحة اللي انا حاس فيها


مو اقولكم لاتلوموني

Mohammad Al-Yousifi said...

هي :بذمتك ماذكرت هالقميص
لا تتجاهلني ادري انت كلا تسوي نفسك مو حاط بالك و مثبت بس ادري تذكره

هني القمندة

منو اللي عادي تندقر و ترد تحلل و تتفاهم

نادر

freeq8 said...

لوير

كالعاده ...أنتي مبدعه وانا أضم صوتي لكثير من الذين قالوا ...أنك خوش كاتبة سيناريو..أو قصه لأني وايد أنشديت للقصه وكأنها تحدث أمامي...فكري جدياًً..والله يوفقك...خوش قصه...أما الموضوع فكالعاده فهذه الأحباطات تحدث وهي من الأسباب الرئيسيه للمشاكل الأسريه ... والخيانات الزوجيه...والطلاق... والعياذ بالله...وأتمني على الرجال والنساء مرعاة شعور الأخر بغض النظر عن الحاله النفسيه...أحياناً
وكالعاده مواضيعك خطره

lawyer said...

ريما

ههههههههههههههه هذي الحلات ما تصير الحين تصير مع المانيبووز

نطري شوي



عاجل

هووووووووووو ليش جم عمرك؟؟





ريما انا اذا عرفت شنو يعسر الرياييل اتعمد اسويه
فخليني صااااااده





مامون المغازي
يا هلاااااااااا
اسفرت و انورت

تسلم تسلم
انشاء الله دووووووم مستمتع يا رب






ملان
اييييييييييي الاغنيه عجيبه

ايااااااااااام صح؟





تويتي
هههههههههههههههه بسرعه تزوجت

ليشششششش سلق بيض

اي و من 20 سنه

هههههههههههههههههه
اي خيالي واسع شسوي





كويت
يعني ما علقت على الخط؟؟



mother courage
اول شي شكرا على اللينك الي في بوستج
مشكووووووووووره

وايد
الحمدلله انج استمتعتي

:)



عتيييييجه
ههههههههههههههههه

والله مو قصدي اطلعت جذي

اي ياختج ام المزلط و الزند محتره منج
يقولون طابه فيها؟؟

اي والله عمرررررر
شفتي




قطعه 13

حبيبه قلبي بحااااااول
و يسلملي صبعج
صج ضحكت على التفلطح
انشاء الله بحاول انسق

lawyer said...

kitty

اييييييييييييييي اعرفج
شووووووووووووفه عيني محد قالي
ههههههههههههههههه


واي موتيني ضضضضضضضضحك

ادري فيج اذا انا اسوولف سالفه عاديه انتي بس تصيحين و تنوحين

فما بالج ريل و دقره

اعرفج تلعيييييييين

اييييييييييييي حدها مثلج

والله لو انتي
اسبووووووووووووووووع تبجين
اسبووعين تعالجين ورام عيونج من البجي
و انا ابتلش اوديج الطبيب هههههههههههههههه




كويتيه
شرفتي البوست
و حياج الله اشكرج من كل قلبي على كلامج الطيب
و انتي بكلامج هذا صرتي وايد مميزه عندي بصراحه




كويت لوووووووفر

انت من فصيييييييييييييييله هذا الريال الي كله يدقر و يجعم
اشوووووووووووووووه اني ماني مرتك




احلى حب
بصراحه هذي قصه من خيالي
مافيها شي من الواقع كتبتها قبل اربع ايام من نشرها
بساعه وحده



الاثير
حياج الله عمري
هذي الساعه المباركه
اييييييييييييييييييي كيتي
اسم الله عليهااااااااا الله يخليها عن شبابها
دمعتها على طريف




نيله
امي اعيزت مني
بسسسسسسس ياختج مدري

اتعرفين سامي العدل
المخرج المصري
الي كلا ويا هنيدي
ما غيره العدل
في مصر كان يشتغل دايما في قهوه سفير الزمالك
المكان الي انا ساكنه فيها و كنت ابسط وياه في الساعات و قرالي جم قصه
قالي انتي مستحيل ما تكونين دارسه هذا الشي
قلت له والله جذي من خيالي

بس الي ذبحني انه اشلووووووون فهم و انا كاتبه في الكويتي
ههههههههههههههه

عجييييييييب والله توني افطن



حاكي عقالي
هههههههههههههههههه
وااااااااااااااي عورت قلبي والله عوووووووووووورت قلبي


ياااااااااااالله يارب تولد مرتك بالسلامه و تشوووووووووووف ولدك بصحه و عافيه و يبلغك فيه
و تلبسسسسسسسه الدشدااشه يااااااااارب

الف مبروووووووووووووووك مقدما

ابيييييييييييه شفيني اشتطيييييييييت
بس والله حدي حدي مستاااااااااااااانسه

الله يهنيييييييك

ماعليك انشاء الله المدام ربي يقومها بالسلامه و ترجع البيت تنور بيتها و مكانها يا رب





مطقووووووووق

والله تبي الصج
انا وااااااااااايد وايد اندقر و احلل
و انجعم و اتقبل
و اقول ميخالف ريال ادري غروره ما يسمح له
مرااااات شسوي الريال اهووووووو ما يبي يكسر عز قريش





فري كويت
عسى الله يجبر في خاطرك قوووووووول امين مثل ما انت دايما جابر في خاطري

elq87obi said...

روووووعه اختي الكلام حده روووعه :)

ما شاء الله عليج يبيلج صضقه على ابداعج الرووعه

بس انا مستغرب شيء وااحد ؟؟

ليش العالم لي صارت عندهم مشكله على طوول دقوا على الدكتوره فوزيه بنت دريع ؟؟

شنوو اهيه عندها عقل تحل المشااكل و اهم لأ ؟؟

يتروالي كل واحد عنده عقل يقدر يحل مشكلته بدون ما يلجا لحد ؟

و اذا الدنيا كلش ضاقت عليه يلجا لربه مو للناس ترى شكوى فوزيه دريع ما تقدر تحل مشااكل كل الناس و شكوى الغريق للغريق او السجين للسجين

فالواحد يجابل قبلته و يصلي و يدعي ربه احسن له من فلان و فلنتان لان الخالق اعلم بما خلق ؟؟

ما ادري شراايج اختي ؟

على العموم ابداعج راائع و انا حسبتج انتي خخخخ اشوه ضيقتي خلقي عاد

سلاامز :) و يعطيج الف عاافيه ام قصرتي :)

PearL said...

اففف انقهرت
صج الرياييل يقهرون
عبالهم الدنيا كلها تمشي عشانهم

السيناريو عجيب و واقعي
سويلج مسلسل حق رمضان
بلى هالمسلسلات السخيفة واللي مافيها شي صج :)

R7eeq said...

امبيه لأ صج حريتيني !!!


:| عيل ليش كاشخه بعصب وبستعسر ,,


شي يقصر العمر :(

Diver said...

كالعادة تخليني انهي قراءتي لبوستج ببتسامة
و احلى شي يمكن نعطيه هدية لاي انسان زرع ابتسامة على ويهه عشان جذي اشكرك على كل الي تسوينه و تكتبينه

albandry said...

انا اشتطيت وايد بالقصة ابيييييييييييييييه يا حسرتي


لللاسف واقع عند وايد ناس هالموضوع
بس ضحكت على السدحة وفاجة الابجورة وكاشخةتطالع اوبرا


والرياييل ماعندهم الا التدقر عادي



متعودة دايما!!

Chai-7aleeb said...

نفس حالة بنات وايد أعرفهم

فقدتينى؟

Fuzzy said...

خوش قصة بس ناقصها المخرج نجدت أنزور وجم سيف وخيل هاهاهاها
والاغنية متعوب عليها :)

barrak said...

كم هو راقي هذا السيناريو

والتفنن بالحوار بتنقلاته وزوايا شعور الوقت
رائع

تعلمت الكثير من هذا الكلام
شكرا

Bed0uin said...

I have one word for you...AMAZING! I LOVE IT! =)

نون النساء said...

هذا يسمونه اسبوع التخاطر
مادري شفيني هالحاسة شغاله عندي هالأسبوع بشكل مو طبيعي...

مووو أنا شقاعده اقووول ببلوغي

غبية التفااااااااااصيل

بس زين حس على دمه ولو انه مستحي
ههههههههههه


القصه رووعه فطوووم
جنج تقرين من مذكره

:*

A3sab said...

The woman is persistent and thinks not of her pride...thats very difficult especially with Kuwaiti women, min awwal dagrah bitmid ilbooz ew ta7lif mat3eedha

Maximilian said...

عجبني المشهد وطريقة السرد وحياكة القصة

شكرا على هيييج مواضيع ادورها دوارة

lawyer said...

قنده كويتيه
بصرااااااحه

كلامج و تعليقج عسسسسسسل

تسلمين
اي والله للاسف التدقر زايد هاليومين
بس يالله هم الرياييل معذورين حر
موووووووت




الكويت حبي


حياك الله نورت
كلامك سليم
%100
ومنطقي فعلا
لكن يمكن الناس تلجأ للدكتوره عشان اهي اختصاصيه
لكن هذا ما يعني ان احنا ما نلجأ لربنا و عقلنا

اي والله صح كلامك
اتصدق عاد امس و انا اشووف الحلقه نذكرت كلامك
و قلن صااج الكويتي
لما قال على اي خربوطه يدقون عليها





بيرل حياج الله
لااااااااا اي مسلسل
لان تخيلي هالمشهد هذا و قميص النوم في التلفزيون
!!

اشبيقولون عني!!!!

لألألألألأ خليني اهني ابرك
وبعدين منووووووو بمثل مسلسلاتي
اذا جوليا روبرت راضيه
لكن امهات براطم ما ابيهم
هههههههههههههه

عشت الدور انا






رحيق
شفففففففففففففتي

اي ليش كاشخه
رياااااااال
اناني
هههههههههههه




دايفر
عسا دووووووووم يا ربي مبتسم
انشاء الله

:)




البندري
سؤااااال شخصي ممكن؟؟
من وين عباتج؟؟
صج صج

والله
سويت فيو حق الصوره
و الا العباه تونس حلوه؟؟


عليج بالعافيه

اي على طاري الريايل و التدقر من الغيره و الواهي الي فيهم


بس ضحكتيني على متــــــــــعوده
دايـــــــــــما




اصغنونه

حياج اختي نورتي
اي والله صااااااااااجه
يبتيها يييييب

موووووووود
موووووود

و احنا بكيف مود ابوهم
لا بارك الله فيهم






شاي حليب
واااااااااااااااااااااي

حدي حديييييييييييييييييييي
فقدتك
يااااااااااااااا عمري انت
ما تشوف شر
بشرني الحين عنك عساك مرتاح؟
اطرشلك شوووربه في الايميل؟؟




فزي
الاغنيه ادري من جييييييييييييلك




شخابيط
يعني تبي تشربه انت و الا اشربك اياااااه انا

تبي توضيح اكثر :PpPpp





براك
نوووورت
تسلم على كلامك الراقي

بصراحه ما اكو ارقى من اطرائك والله

كلماتك ارسمت ابتسامه على شفاتي


تسلم براك




bed
شكراااااا
حياااااك الله اخوي
نورت





نون النساء
حيااااااااااااااتي

انتي
وااااااااااااس استانست
يختج انتفخ من كلامج
اموووووووووووووووت عليج والله

اي اي احنا فيناااااااااا توارد خواطر
و جرعه تدقر زايده

سكتي بس سسسسسسسكتي
لا تخليني اتكلم






اعصاااااااااااب
واي جنج تدرين هذي الموضوع و السالفه الي اسولف عن رفيجاتي
اقولهم ليش تندقرووووووون

انتي تسوين حق عمرج انتي عايشه حق عمرج
بالطقاااااااااق
عجبه عجبه
ما عجبه اهوووووو المتحسف




كيوت كويتي

نووووووورت
حياك الله

العفوووووووو العفووووو
احم احم

نون النساء said...

دام فطوم بطتها

اي يالبندري من وين عباتج ؟؟

والله كنت مستحية أسأل

اخاف تطلع مو عباتج لوووول

بس لا صج صج

من وين

انا وحده أموت بالعبي

عباياتي اكثر من هدومي

؟؟؟؟؟؟؟؟؟؟؟؟؟؟؟؟؟؟؟

أُكتب بالرصاص said...

انا قرأته للأخر
علشان اختبر نفسي في اللهجة الكويتية

وبصراحة فهمت بنسبة 85
في المائة


تراها حلوة وايد وايد

اشكرك بشدة وعنف