Saturday, October 14, 2006

دع الخلق للخالق

اليكم عني
من وكلكم بحسابي و رب العالمين موجود
من وكلكم بعقابي و ربي و ربكم سميع بصير
من وكلكم بتتبع عوراتي و كأنه ليس هناك شي في هذه الدنيا سواي !!

لفت نظري بعض البلوجر
خلوو كل شي في هالدنيا و جابلو و علقوا على شي واحد
مو لي انا بس لي انا
و لبعض المدونات
و هو الله يهديج يا لوير
الله يصلحج يا لوير
و كأن مدونتي كانت مرفئ للدعاره
و مسكن شيطان !!

من وكلكم بمحاسبتي
فانا لست بقناه تبث الرذيله
انا مدونه فتاه بسيطه
بها من تناقض الزمن
و شخابيط ايامه

ياتيني من هم بظانين نفسهم باصلاحي
الله يستر عليج
زين كتبتي شي ديني
!!
هاا بعد رمضان بتمين جذي!!

كثير من الكبار الناضجين
نصحوني بعدم كتابه هذا البوست
لان راح يزعل ناس وايد
و قالولي خليه اليهال
ما عليج منهم

الي عاجبه يقرا
و الي مو عاجبه
لا يقرا
في ناس تحب بس اثبات اغلاط الغير!!

اصلحوا انفسكم قبل اصلاحي
دعوووووني و ربي يحاسبني
ربي وكل ملائكه لي
و لم يوكل عبيد مثلي

دعوا الخلق للخالق


في تعليق سخيف من الاخ كويتي
kuwaite

يقولي منو قالج انا صغير و منو قالج و منو قالج
و اليوم يقولي الداعيه لوير
!!
اتمنى انكم تزورون المدونه الحين

و تروحون للارشيف شهر فبراير 2006
في بوست نزوه او عابره سبيل او بوست قصيده
تروحون تفتحون الكومنت تلاقون اخونا كويت
حاط كومنت روحوا كليك عليها
و دشوا نفس مدونه الاخ الي يعلق
الي بوصله لكم راح تلاقون اسمه و يمه صوره بابا جابر
!!
هذا الدليل الاول على انه اهو يناقض نفسه

اضغط هنا للرجوع للارشيف و التأكد


اخي كويت
ايميلك موجود
انا ضفتك عندي شهر فبراير
تعرفت عليك
كنت طالب في ثالثه ثانوي
جدا خلوق و متفوق
اعتقد الحين يمكن وصلت رابعه ثانوي
!!
فلا تسألني اشلون عرفت
اذا انت ناسي انك ضايفي في فهذا شي راجعلك

انا ما انسى

kuwaite said...

سؤال

الحين بعد مايخلص رمضان بتم المواضيع جذيه

ولا يتقلب الموجة


بصراحة ماحب هل اسلوب برمضان مطوع ولما يخلص ارد سرسري

اضحك على منو ربي !!


كلامي يمكن يضايقج لانه صريح

9:40 م

Delete


و ردي عليه كالاتي



كويت

حياك اخوي شخبارك انت وينك قاطع؟؟

ما اتبين؟؟


اول شي خلني اقولك شغله
لاننا احنا في رمضان وفي شهر فضيل
فتكون علاقتنا بربنا و الناس الي حوالينا يحيطها جو ايممانيات
فيكون هذا محور حديثنا
ونكتب عنا

ثاني شي اذا انت او انا او اي احد كتب يوميات عاديه
مايعني انه بيكون سرسري !!

يعني اذا كتبنا عن موضه او قصص واقعيه
او سفر او غيرها او مشاكل او اي ظاهره مومعناتها ان انت سرسري

او انا او اي احد موجود
يمكن صغر سنك ما يخليك تستوعب كلامي
لكن الي وده اوصله لك ياا عزيزي
لا تظن ان سماع الاغاني او الاشعار من السرسره!!

احنا ناس مسلمين طبيعين
انحب الحياه
نعيشها
و ما انظر احد
و لا نبي نسيء حق احد
في كتاباتنا
اتمنى اتضحتلك الصوره

وبعدين انت انسان وايد زين فلا تقول عن نفسك سرسري

انت من شلت صوره بابا جابر و انت متغير :)


و لا تقطعنا


كان رده عليه بطريقه لم يعتقد يوم اني ماراح اواجهه



kuwaite said...

اختي لوير

السؤال هل سيتم هذا التغيير بعد رمضان ولالا


جميع يصيبهم جو ايماني ويتأثرون ولكن متى ماخلص رمضان رجعت حليمة لعادتها القديمة

المواضيع السفر والمواقف اليومية وغيرهم شئ عادي جدآ وما يختلف على اثنين لكن اخذي لج فره على الارشيف المواضيع القديمة

ومقارنة بسيطة بين المواضيع وبين هذا الموضوع

هل بنظرج يتساوون !!!


تناقض عجيب غريب فماتدري هل شخصيةالي تكتب شلون صايرة متقلب , مزاجية, او ماخذه الدين على كيفها


لا مانع من التغيير لكن التحويل والرجوع من اجل فترة بسيطة او صحوة دينية
هذي مشكلة


وبالنهاية في نقاط غريبه

صورة جابر الله يرحمه بالموضوع

ومادري على اي اساس حكمتي بصغر سني

واني مطوع او سرسري


وبالتوفيق حجية :)

11:36 ص

Delete
شكرا لكم
وتقبلو مني
مو من عادتي اشغل نفسي في توافهه الامور

لكن لما اتييني مظلمه
من ظالم في بيتي
لازم ادافع عن نفسي



30 comments:

Fuzzy said...

المشكله في كثير من الناس انهم يكيلون الامور بمكيالين ويشوفون عيوب غيرهم وينسون انفسهم .. يحللون لنفسهم ويحرمون على غيرهم .. اللي يسوونه صح وغيرهم غلط

لوير .. لا تلتفتين للامور التافهه والناس الهامشين هذي مجرد فقاعات بنفخه تطير بعيد عنج

كتبي مواضيع دينيه .. كتبي اللي في بالج .. برمضان او غير رمضان .. كتبي اللي تبين انتي حره واللي ما يبي يقرا محد جابره يقرا
:)

kuwaite said...

ظاهر انا اخر واحد ضرب على الوتر الحساس

وانقطع

والنهاية هذا الموضوع :)


بما انج انسانه كبيرة بالعمر وفاهمه مفروض تتقبلين راي غيرج بصدر رحب وبعقلية كبيرة

شخصيا صدقيني مايهمني شكتبتي او ماكتبتي ولا تعتقدين اكو احد يهتم
بأنسان لا يعرفه ولا تربطة فيه علاقة

كاتبة موضوع وفاتحة باب التعليق تبين الكل يتغشمر ويضحك وياج ويثني عليج

بما انج فتحتي التعليق اخذي السلبيات والايجابيات ورايي ان كان واحد منهم

مفروض تتقبلينه بس الحاصل العكس

تبين الكل على هواج وعلى رايج وانتي الصح

هذا بخصوص موضوعاتج وماتكتبين


اما بخصوص صورة جابر الله يرحمه انا لهذي اللحظة مادري شكو الصورة بالموضوه هذا والي قبل وسبق وسئلج شكو الصورة

لازم ممسك و مو لاقيه !!

لا تستعجلين ويناقض نفسك ما يناقض

ضايفتني وتقولين

انا بثالث ثانوي !!!

لا شرايج بثالث متوسط احسن

بعض المدونين يعرفوني عدل سئلي قبل لا تستعجلين وظاهر ضايفه غيري ومضيعه


وبالاخير انا عاذرج واضح من بداية الموضوع انج تشتكين من غيري ومثل ماكتبت بدابة الرد انا فقط كنت اخر من ضرب على الوتر الحساس

وقطعته

:)

Яeema said...

عيزنا إنعيد و إنزيد

عيزنا إنقوول كيفنا
عيزنا نلبح

و إنقو المدونة تعكس إللي يبييه صاحب البلوق مو الناس إللي يقرون

بس كل يوم بلوقر يديد و يطب فينا
و كل يوم نشرح ليما تعبنا



كبروا يا جماعة الخير ، خلونا علي راحتنا ، المدونة ما تعكس شخصية المدون
تعكس كل شي !؛


بالبلوق إحنا غير
و الصج إحنا غيييير




ما أٌول إلا شي واحد




----------------


أعرض عن الجاهل السفيه
فكل مـا قـال فهـو فيـه
ما ضر بحر الفرات يومـاً
إن خاض بعض الكلاب فيه



فطيييييييييم

القافلة تسييير


الناجح كل جذيييه


توني شلت بوست الجينز بسبة الأمراض إللي شفتها



إنكتب لنا الشقى برة و داخل النت

Яeema said...

kuwaite

إسمحلي أخوي برد عليك

لا أول و لا آخر واحد
بس فعلا طفح الكيل


صبرنا و صبرنا وايد


و كثر الدق يفج للحام




تدري إشقاعد يصير بالبلوق؟




يخاطبني السفيه بكل قبح ..... فأكره أن أكون له مجيبا
يزيد سفاهة فأزيد حلما ..... كعود زاده الإحراق طيبا

albandry said...

ووووييييه
فطيم من صجج معورة قلبج
والله غلطانة
اللي يبي يبي واللي مايبي حياه الله

ومدونتج عندج الخيار انج نلغيم ونحطين الكومنت اللي تبينه


ويختي هذول اللي مو عاجبهن يحبون لفت الانتبا وبس
والا منو يدشلهم
يدوروون الناجحين وين ويقطون قنبلة عشان الناس تلتفت لهم

ومن يغصبهم يدشون عندنا لا ويعلقون ويردون على التعليق


حكم


لا تكدرين خاطرج فطم
وانتبهي لعباداتك ماباقي الا ايام ويخلص رمضان
اعاده علينا وعليكم بالبركة

78o8eYa said...

عزيزتي

يمكن إنتي ما تعرفيني .. بس آنا أعرفج


عرفتج من هالبلوق

و فخوره إني أقرا لج

^_^


ماكو شخص كامل
ما فينا واحد ما عنده عيوب و لا غلط بحياته

بس إنتي غير عنا بشغله

صريحه مع ذاتج قبل الناس
و قدرتي تتقبلين نفسج بعيوبها و مزاياها

مره قريت لج بوست اعتراف
صدقيني
فكرت لو أكتب عن نفسي شنو سويت بالنت قبل 6 سنين

..

اكتشفت إن ما عندي الجرأة إني أعترف
:$

بس انتي غير

قويه

صريحه

واثقه من نفسج

وفوق كل هذا

ربج يحبج

شلون يحبج؟ .. لأنه محبب خلقه فيج


لا يأثر فيج حجي ناس فاضيه، تدور عيوب غيرها و ناسيه نفسها

مو إنتي اللي يضايقج حجي تافه

كتبي اللي تبين
و قولي اللي بخاطرج

ولا يهزج أحد



ربي يحفظج و يسهل عليج و يوفقج

اختج
حقوقيه

kuwaite said...
This comment has been removed by a blog administrator.
Cr8ivia said...

وش على السحاب من نبح الجلاب؟

walla im3awra rasich ib tawafeh il omor.. law mo 3ajibhum il blog wil posts wil poster laish iytab3oona kil hal months? o la mamdach 7a6aity hal post illa shisma?

wa itha kha6abahum iljahelona qalaw salama ..

o may3ayyeb tara illa ilma3yoob!

Charisma said...

انا معاج بأن بعض البلوقرز هداو كل البلوقات وجابلو بعض قليل بالنقد وتصيد الاخطاء
ومانى فاهمه ليش الصراحه

اتوقع احنه اكبر وايد من جذى وهذا بلوق
انا الى همته ان مو كل الى ينقال حاصل
مرات صاحب البلوق يخترع قصه عشان يوصل نقطه او يثير نقاش
والكلام بعيد عن الواقع

ما فى داعى التجريح ولا الظلم
ليش انأذى بعض
بس ماكو شغل الحين تجابلنا واحد يعيب على الثانى وواحد ينقد الثانى للشخصه؟؟؟

احنه ما انعرف بعض احنه نقرى الى ينكتب
يعنى فكر كلام اسلوب
ليش نتعمق واناذى صاحب الكلام

يا جماعه ترفعاو شوى
محنه يهال
وماهو وقت نجره
احنه بالعشر الاواخر

وفطومه انا قتلج بلاها
الله يسامحه وخلاص
والله حاسه وفاهمه النقطه الى بتوصلينها وانا ملاحظه هالشى ان قاعدينلج على الوحده بكل شى

وبعدييين فى نقطه

الى يكتب بالدين مو معناته انسان دين
ياااا ريت نوصل لى هالمستوى التدين

الحين الى يذكر الله ويحط حديث ولا دعاء ولا قران ولا ايمانيات يصير دين !!!!!!!

الشكوه لله لى هالدرجه صرنا بعيدين عن الدين

الى يقول الله الهادى والى يقول هاو فطومه تدريناى

ترى البنت مؤمنه ومسلمه
وما اعتقد محد فينه ما يرفع ايده ويدعى ربه ولا اعتقد فى احد فينه ما يعرف بالحديث والسنه
واهنه بشهر فضيل شنكتب بالله ؟؟؟

هل معناتة احنا دينين؟؟؟
استغفر الله الحين الى يصلى يقولون عنه واااى هذا دين !!
مأسااااااة
الله يفتح على بصيرتكم
ترانا مؤمنين مسلمين ولا هو مستنكر علينه الى قاعد ينكتب
ترانا ملتزمين ولله الحمد
ويشرفنا نكون دينين ونفهم بالدين اكثر واكثر

الله يهدينه لما يحب ويرضى امين

سالفة قلب said...

حبيبتي لوير

بعطيج رايي الشخصي وانتي لج مطلق الحريه
بتقبله او رفضه

انا مااعرفج بالبلوق بس ...انا شايفتج وقاعده معاج والله لما اكون وياج بدون مبالغه اقول ليت لي قلب مثل قلبها ...واقول الله يهنيج بالشعور الصادق اللي احسه من خلال كلامج

حبيبتي رايي انج ماتردين على اي اساءه وانج تلزمين الصمت لان اولا احنا بالعشر الاواخر ثانيا ان اخلاقج اكبر وايد من اي كلام بعيد عن الادب والاحترام


احتسبي هذي المسأله ابتلاء وصار

والله تعالى يختبر صبرج

لاتكدرين عسى ان تكرهوا شيئا وهو خير لكم

سالفة قلب said...

دعيتلج

اشلونج؟؟؟

lawyer said...

سالفه قلب


اش اش

انا متابعه منخشه لابسه طاقيه
الاخفاء و قاعده اتابع الاحداث

بعد روحي انتي

دعيتلج والله يا سالفه قلب
ان الله يبرد على قلبج دنيا و اخره و يسمح عليج و يحرسج

كاني كاني
موجوده لا تخافين

والله عشاااااانج يا سافله قلب

و مثل ما يقول المثل لاجل عين تكرم مدينه

سالفة قلب said...

والله احاتيج

مابيج اتكدرين

وتنقثين


اشوه طمنتيني عليج

3AJEL said...

شم درجة الحرارة الحين ؟

طاااااااااااااااااخخ

عفوا طقيت الرصيف
مع السلامة

qalm-jaf said...

قولوا اعوذ بالله من الشيطان الرجيم
كلنا اخوان
وفطوم قلبها كبير
(:

The Simper said...

wala madri intay laish sayra chithee 7asaaasa!!!

forget forget o emshay 3anhom.. elli yisma3 egool yaboon yi9li7oon el dinya.. ohma lo y3arfoon el deeen 3adil o yaboon el e9laa7 now chan legeeteehom mi3takfeen bil misaayid now!! mo emjableen el net o etha3at el wagt fi ma la yanfa3.. so don't care for them dear.. AND IF U WANT TO REPLY ON THEM, just delete the comment while ur laughing :D

ana wa7id ma a3awir rasi in blogosphere.. save it for people in real life.. here, many are not real and they wana show a good picture.. and they damn know it!

peace ;)

The Simper said...

ee nisait ;)

tara here in the blogs, it is a good place for anyone to cover their "أمراض" it is VERYYYYYYY easy to do it ;) u know how they do it? they TRY to show that others are sicker than they are..

sometimes it is hard to say i am GOOD, but it is much easier to say UR BAAAAD!!!

peace #2 ;) and keep smiling :D we can always see it in ur posts/comments.. but i didn't see it this time.. ok? ;)

Kwaitiyya said...

لوير .. اسمحيلي أقول اللي أعرفة واللي حسيته عنج
أنا وحده ما أعرفج وما حصلي الشرف بمعرفتج
بس دايما أقرالج وقلت لج هالكلام من قبل
صارلي أقرالج الحين فوق السنة وعرفتج زين
يعني معرفتي فيج بس من خلال هذه المدونه

انتي من الاشخاص النادرين بهالزمن
صريحة مع نفسج وصريحه مع اللي تحبينهم
وتقولين حق الغلطان بوجهه انت غلطان بدون خوف .. بس بطريقة ما تجرحه
عرفت فيج الإنسانه الواعية المثقفة الناضجة ! بس بنفس الوقت عبيطة وونيسه و نكته ومتفتحه ! تعرفين توزنين الأمور ومشالله عليج عقلج يوزن بلد
ومواضيعج اللي تكتبينهم حلوه! صج مرات تصير وايد متفتحه! بس هذا الصج بواقعنا اللي محد راضي يعترف فيه!
قصدي لما تكتبين عن الشغلات اللي على قولتهم تخدش الحياء وعيب
هذا واقعنا ونشوف العيب والسوالف اللي تفشل كل يوم ! بس محد راضي يعترف بهالشغلة ويتخفون وراء قناع الأخلاق العالية والسنع!
بس أنتي الوحيده بعالم المدونات اللي أتابعة من كم سنة اللي عندها الجرأة انها تقول كل شي بطريقة حلوة وبسيطه وتحط ورا الكلام الحل للمشكلة أو الظواهر اللي متفشية بمجتمعنا

لوير سمعي نصيحتي
ما عليج من أحد
انتي شخصيتج ماكو مثلها
وعقليتج مشالله تبارك الرحمن وايد حلوة!
كتبي كل اللي تبينه
وانتي أدرى بنفسج
ةتدرين أن كتاباتج ومواضيعج مافيها شي ومافيها من (السرسرة) أي شي
بالعكس كلنا نشوف الغلط ونسكت ومحد يتكلم فيه ولا كأنه موجود بينا
وكلكم تدرون وتعرفون زين
وكلكم شايفينه

لوير الناس أجناس ولو بتشوفين كل واحد شلون يفكر فيج ماتخلصين! لا تهتمين لأحد إلا اللي يعزون عليج واللي يهمونج
إذا بتشوفين الناس من جميع الفئات العمرية والإجتماعية و و و ماراح تخلصين
انتي يا لوير شخصية مخلوطة ما بين بنات هالوقت وحريم أول . مادري شلون أعبّر توهقت. بس أعتقد اني قدرت أوصل المعلومة لج
ويابخت ريما وكتي فيج! الله يحفظكم ويهنيكم ويبعد عنكم عين الحساد واللي يصطادون بالماي العكر والطابور الخامس بعد

آسفة على الإطالة بس انبطت جبدي صج
وأرجو ان تاخذين كلامي بصدر رحب وما تعتبرينه مجامله
لأني ما أعرفج وما بيني وبينيج إلا هالمدونه اللي أعتبرها من المفضلين لدي

Kwaitiyya said...

Ambaaih awal mara akteb chethY! Garga :/

حسام بن ضرار said...

ما ادري اذا مسموح لي اني ادلي بدلوي بهالموضوع - بصوره - عامه؟


المهم اهي قصه حبيت ألطف فيها الجو


شايب في يوم من الايام كان راجع مع ولده من الجبل و حشاكم الشايب راكب حماره و والولد يمشي على ريوله يمهم

الناس شافوهم جان يقولون: هالابو ما يستحي على ويهه متعب ولده وهو راكب ومرتاح

قام الشايب ونزل يمشي على ريوله و ركب ولده عالحمار

شافوهم الناس وقالوا: شوفوا الولد جليل الحيا راكب الحمار و مرتاح ومخلي ابوه الشايب يتعب من المشي ... الشرهه على ابوه اللي ما رباه

طفر الشايب و راح ركب يم ولده على الحمار كرمكم الله

شافوه الناس جان يقولون: شوفوا هالظلمه اللي مافيهم رحمه مكدشين الحمار المسيكين اهلكوه من ثقلهم صج انهم جليلين خاتمه

عقب كل هالدندره الشايب عوره قلبه
فنزل ونزل ولده وخلوا الحمار مرتاح

هم ما سلموا من لسان الناس: شوفوا هالخبول صج مينن... ريحوا الحمار وتعبوا حالهم


الشايب حاشته جلطه بمخه من القهر وطق ومات



والسلام ختام

The Simper said...

Kwaitiyya

أنا استانست من هذرتج



حسام بن ضرار

صح لسنانك.. ويا فهيم افهم



Lawyer ya Lawyer :)

sorry.. bas khatheet ra7ti bil commenting on comments :P adri mo bloggy.. bas erti7t ;)

kuwaite said...

لوير ياعبيطة

ليش مستحي ردي :)

ترا عيب يا حبوبه هل سوالف
قلنا ماتزوجة بس الحيا ماينفصخ مره وحدة
مايصير

ماعلينا بصراحة قاعد اضحك على بعض الردود الي ماتدري وين الله قاطها


حمير وجلاب وضفادع مادري من وين يايبهم حوش وتبطل لهم الباب :)

على كل حال اترفع عنج تدرين ليش

عانس + عبيطة +فيج كبت

اكتفى اتابع مواضيعج واضحك عليج مثل الأغلبية الى مستانسة عليج وتصفق لج

اعتبر هل موضوع نكتة عبيطة من انسانه خبلة ماعليها شرها


طبعآ لي عودة وتعليقات بالمواضيع القادمة

منها نضحك ونقزرها شورانا :)

وسميعنا الهو هو بصوتج العذب

The Simper said...

Lawyer,
I hope that u don't delete a single comment.. whether for u or against u..

i just remebered this poem,

صاف الكرام فخير من صافيته
من كان ذا ادب وكان ظريفا

واحذر مؤاخاة اللئيم فإنه
يبدي القبيح وينكر المعروفا


إن الكريم وإن تضعضع حاله
فالخلق منه لايزال شريفا

والناس مثل دراهم قلبتها
فاصبت منها فضة وزيوفا

lawyer said...

عاجل

مدري بس فوق صفيح ساخن
لووووووووووووووول


قلم جاف

يعني لازم اسأل عنك

عشااااااان اتسير علي

وينك يا القاطع
عبدك مبااااااااارك

فاقدينكم والله

لكم مكانه كبيره



كويتيه
كلامج اثلج صدري بصراحه
و مشكووووره
والله والله ما عليج
زود
اكيد انتي حبيتي كتابباتي مو بس عشان صراحتي عشان انتي نفسي اتحبين الوضوح و الصراحه



سمبر
ممكن اقووووووووولك شي
هذا بيييييتك و مككانك
و الي تبي سواااااااااا

و الي بتقوووووووله
حلالك
اخذ راحتك
و مثل ما تبي
راح اخلي كل شي
:)



حسام
:)
سا حسرتي
والله صاااااااج
شكلي انا
لوووووول

lawyer said...

the simper

tawneeeee ga3da mn alnoom mamdany asawy fo6oor
6arsholnna neq99a plz

haresaaaa ba3ad yekkon a7san ;)

ebtalash fenna yarna:P

Яeema said...

kuwaitiyya


أدري مو صاحبة البلوق أنا

بس قلتي إلا ما نقدر إنتجرأ و إنقوله


أنا من زمان مقتنعة إن البلوق مساحه حرة و قرار الكتابة لصاحب البلوق بروحة


زيييين و إلا شييييين


كييييييييييييييفه!!؛؛؛

Fuzzy said...

kuwaite

بما انك غلطت على كل الموجودين .. اعتقد انك برهنت انك توك صغير .. يمكن مو بالسن لكن بالعقل والتفكير

وعموما انصحك تجابل كتاب ولا تروح تحل واجب او تبري قلم رصاص بدال ما تضيع وقتك الثمين في بلوق مو عاجبك

albandry said...

وانا مالي رب يا فطيم تردين علي؟

وهذا الشئ اللي مايتسماش
مش بأيمتك

طلع اي حاجة

مستوى بديع

هيالق على قولة المراسل اللي في صاحبة الامتياز

3AJEL said...

lawyer
عقلك كبير

فهمتيها وهي طايرة

حسام بن ضرار said...

ما على الياهل حرج