Saturday, October 21, 2006

سبحانه ربي عليم


سبحانه خبير
سبحانه بصير
سبحانه عليم
اليوم و انا اتابع صلاه المغرب و الافطار في مكه
سألت اخواني و اهلي و قلت لهم
سبحانه ربي عرف وين يحط مكه
تخيلو الكعبه في بلد مسلم ثاني؟؟
شوفوا اشلون من تخلص الصلاه مكاين التنظيف
و التجهيزات الامنيه
و شوفوا العلم و العلماء
شوفوا الكرم
سبحانه ربي
مسخر ال سعود و هالسعودين
حق خدمه بيته
ما تشوفونهم كل مالهم ربي يغنيهم
و يوسع عليهم
سبحانه ربي
عرف خبير
بيصر عرف يحط مكه وين
وقعدنا انتخيل
لو ان الكعبه في بلد مسلم ثاني!!

23 comments:

EsTeKaNa said...

hehehehehe
استغفر الله
جان ماخذين عموله على الدخله حق الحرم
الحمدلله ربي عليم وخبير
:)

Kwaitiyya said...

chan razzaw il eswega il Ghaalya wel ma6a3em yam il 7aram lil Reb7 il saree3 !
shofay ma3anna s3oodeya RaQya o feeha mojamma3at o ma6a3em raqya bas Makka mafeeha min hatha killa.. kil ely feeha Sowalif Hadaya o sheqil s3oodi nafs Gazzaaz wel Qurashi o Sayyedati il Jameela malot li3bey o min hal sowalif

Allah e7afethna o ekhalli Al so3ood lena wala eghayer 3alaina yaraby

Kwaitiyya said...

la wal7een il Malik 3abdallah ba3ad emdalli3hum Allah ya36eeh il se7a wel 3afya ! Allah ehaneehum o yarzeg'hum o ewasse3 3alaihum methel ma ewas3oon 3alaina Denya o aakhra inshalah

الفارســـــــــــة الحرة said...

الله ياخذ ويعطي.. الرسالة المحمدية ما نزلت عندهم/عندنا إلا من شدة تخلف تلك المجتمعات وقسوتها وظلمها..

يشير المفسرون الى ان هذه الآية (واذا الموؤدة سئلت، باي ذنب قتلت) يظل تشريعها نافذا الى يوم القيامة عن كل جريمة قتل برئ.

الحمدلله على نعمة الإسلام أولا ثم الحمدلله على نعمة إننا كويتيون أخيرا!!

أتمني الأدعية المأثورة عجبتك أخت فاطمة حطيتهم لك في البوست إللي مسميتة حضرتك لبحة رمضان.

عيدكم مبارك جميعا والله يتقبل منا ومنكم صالح الأعمال آمين

كليجا said...

اي والله الحمدالله ربي مسخرهم حق الحجاج و المعتمرين اكييد هذولا ضيوف الرحمن سبحانه ربي اللي مسخرلهم ال سعود و الملك فهد الله يرحمه ما قصر و البركة ببو متعب الحين

بس لا تنسون ان مكة الاستثمارات فيها كبيرة و ضخمة و الدليل التوسعة و الماباني و الفنادق و الابراج اللي كل شوي طالعلنا مشروع جديد ترى كل هذه استثمارات اضخم من المطاعم و السوق و و و ...

الحمدلله على كل حال

الفارســـــــــــة الحرة said...
This comment has been removed by a blog administrator.
Fuzzy said...

تقبل الله طاعتج لوير

lawyer said...

estekana

اييييييي والله جان قالولنا على كل شووط تدفعون



كويتيه

ايييييييي والله صاجه
عمري ما فكرت في هالشي
بس اتوقع لان الناس تبي صوغات فما يمشي اي شي غالي

الله يباركلهم و يبارك حق كل المسلمين يا رب


خوش نقطه



joan of arc

اول شي قبل لا انسى
ترا اشوه انج نبهتيني على نقطه الدعاء لاني ما كنت شايفته
ولما رحت قريته استانست حدي
ادعييييييييه عجيبه
يزاج الله خير

و لج اجر انشاء الله كل كلمه ادعها

ثاني شي افا عليج مكانج
مو طويل و لا راح امسحه اصلا اهو نور الكومنت لان دعااء



و مشكوووووره وايد وايد


و بالنسبه لي الكومنت الي موجود
فعلااااااااااا اي والله صاجه

الف الف الحمدلله اننا كوتين
الف الحمدلله

كلامج عجيب

ايامج سعيييييييده

مشكوووووووووره



:)

lawyer said...

كليجا

اهلا اهلا تورتي

اي والله صاااااجه
الف الحمدلله
و على طاري الاستثمار

فعلا استثمارات ضخمه
اشوه احنا الكويتين وايد مستفيدين من الاستثمارات لان وقف الملك عبدالعزيز ماسكته شركات استثماريه كويتيه



فزي
اشلووووووونك انت زين؟؟

منا و منك

حسام بن ضرار said...

(لو تفتح عمل الشيطان)

اتمنى ان ما ينوخذ كلامي على منحى خطأ


بس مو كل شي بالدنيا نتسائل عنه و نتخيله بطريقه غير؟


الله سبحانه وتعالى حكيم وخبير وعليم
ما فيه ادنى شك وتوحيد الاسماء والصفات جزء اساسي من عقيدتنا كمسلمين

لكن مو حلوه تصير الكعبه او المسجد الحرام مادة للخيالات ... شلون اذا كانت في بلد ثاني؟
وله شلون اذا كانت في مكان غير؟


يمكن هالشي ينقال عن الاهرامات وله برج ايفل

لكن مو عن اقدس مكان في العام واعز البقاع الى قلوبنا


انا هني ما اطعن في نواياج من الموضوع اختي ... حشا

لكن يبدوا ان التعبير خانج وهذا تنبيه مهم بغيت اوصله للضروره



وشكراً

kuwaite said...

وجود الكعبة في مكانها حكمة

خصوصا انها بعيدة عن المنافقين واصحاب الدين الوقتي

:)

lawyer said...

حسام بن ضرار

انا من وجهه نظري عادي ليش ما انتخيل ان الكعبه هل ممكن ان تكون في مكان ثاني

مو حرام؟؟

انت تعتقد حرام؟؟

مدري على اساس انت قررت ان ما يصير نتسائل؟؟

هل في نص يحرم هالشي
ان احنا ما نقول هذا الكلام


و ماعندي اي نوايا يا اخوي
عشان انك تبررها بانها حسنه او سيئه

وحده قاعده تطلع صلاه الحرم
عجبني منظر الناس و المسلمين في هالايام و اهم يتفطرون
خلصت الصلاه
شفت اشلون عمال النظافه بكل اخلاص يتوافدون حوالين الكعبه
و ينظفون المكان
و حمدت ربي
ان الكعبه في مكه

و قلت الحمدلله ربي
سخرلها عباده

و قلت عسا الله يبارك للسعودين
على الي يقدمونه
و يبارك لهم في رزقهم

!!!
ماشفت ان هناك اي نوايا يمكن تكون في خيالي

عشان تكون سيئه

بس الحمدلله
الكعبه في مكه و في السعوديه

و بتخيل و مافيها شي

و ما اوتيتم من العلم الا قليلا

Charisma said...

سبحان الله
ربى حفظ هالمكان وشرفه وكرمه
وحكت الله واسعه
الله الحافظ

عاد يقولج يا لوير صديم ناوى ياخذ الخليج كله
الحمدالله والشكر
الله حفظنه ولا جان اشحالتنه
:))

lawyer said...

كيتي

لووووووووووووووووووووول

طفا طفا طفا

خلوه مالت عليه ياخذنا

جان انا و انتي ماجداات نبيع بقل و رويد

لووووووووووووووول

الفارســـــــــــة الحرة said...
This comment has been removed by a blog administrator.
mishari said...

السلام وعيدج مبارك اول شى

انا التجارة الله كتبها على هالارض من دعاء سيدنا ابراهيم عليه السلام
يعنى مسألة الرزق لمكة كبلد مكتوب لها من تلك الفترة
بالاضافة الى رحلة الشتاء والصيف

انزين الحين التوسيعات والامور كلها هذى جم تكلف السعودية
ملايين وسبحان الله خلها صاحبة اعلى دولة فى الانتاج النفطى

ولو كانت فى مكان ثانى جان الله ستر علينا وصارت علمها عند رب العالمين

:)

حسام بن ضرار said...

Lawyer:

استاذة انتي متأكده انج قارية تعليقي؟

اذا الجواب "نعم" فتفضلي الرد

اولاً: انا ما حللت ولا حرمت شي فما في داعي لهالكلام والاتهامات الهوائية هذي

ثانياً : مالج حق ان تسلبيني حرية التعبير مادام في اطار الاحترام ومو انا اللي اطلع عن هالاطار

ثالثاُ: الزج بالكعبه بتخيلات من هالنوع في وجهة نظري شي غلط ومستهجن وهذا رايي وحر فيه

رابعاً: اذا كنتي تبين التعليقات بس في جانب التأيد لكلامج فياليتيج نبهتينا من الاول

خامساً: تقولين ان ما كان لج نوايا من الموضوع... اذا عندج علم ترى تعريف النية=القصد وما اعتقد ان الموضوع بدون هدف لأن كل عمل وراه نيه حتى لو شكة خيط بإبرة و ما اعتقد فيه انسان يسوي عمل دون هدف إلا الانسان الغير جاد ولا مؤاخذة .... ولاحظي في سادساً اني نزهت نيتج و زكيتها لكن واضح ان عندج اما مشكله بالقراءة او مشكلة اساءة ظن وامانة ما اتمنى ان تكون عندج المشكله الثانية

سادساً: ياليت تنوريني من وين استنتجتي اني قلت او حتى لمحت ان نواياج سيئة؟ مع احترامي لج كلام ماله فارغ ماله اي اساس من الصحه بالعكس ماقلت إلا كل خير عن نواياج
و آخرتها جذي تكون ردة فعلج على من يحسن الظن بنواياج؟

لو تلاحظين اني قلت : انا (ما) اطعن في نواياج
معناته اني (ما) اقول ان نواياج سيئه

الظاهر هذا احسن اللي تردين فيه على من يحسن الظن بكتاباتج


سابعاً: محد يحرمج من حقج في الكتابه والتخيل كما تشائين بوستج وانتي حره وعليج بالعافيه

ثامناُ : واضح انج تساوين بالرد الفعل بين من يختلف معاج شخصياً من صوب وبين من يختلف مع آرائج ويحترمج شخصياً من الصوب الثاني ثقي اني من الفريق الثاني مو الاول ..... بس شعقبه الحين؟ عقب ما شبيتي علينا بسبة كلمتين وراي كلهم احترام وحشيمه لج؟

اخيراً : واضح جداً ومن زمان ان اي تعليق مني مو مقبول في مدونتج فتسلمين ولا يصير خاطرج إلا طيب


وكل عام وانتي بخير

الفارســـــــــــة الحرة said...
This comment has been removed by a blog administrator.
حسام بن ضرار said...
This comment has been removed by a blog administrator.
حسام بن ضرار said...

Well, thanks for exposing your ethics!

Tongue of Stink

الفارســـــــــــة الحرة said...
This comment has been removed by a blog administrator.
Fuzzy said...

عيدكم مبارك وعساكم من عواده

lawyer said...

جوان

عندي بعد خوش كتاب وايد حلو جامعه فيه ادعيخ من الكتاب و السنه

للدكتور علي بن سعيد بن وهف القحطاني

لونه اخضر
وايد استفد منه في الدعاء



و على طاري التأمل اتصدقين توني قاعده اقولهم بعد الفطور احتاج الحين سويت في دار التوحيد اسبووع

بس اروح اصلي فروضي و اجابل الكعبه اتأمل مابي شي ثاني

عمره و ريلاكس

و بس






مشاري
اي والله كلامك صح

اقرا ردي على كيتي
اقولها لو الكعبه في ديره ثانيه
جان شي علينا بالحسر



حسام بن ضرار

عيدك مبارك
تقبل الله طاعتك

بس مدري من وين استنتجت اني ما ابيك تعلق عندي او انك غير مقبول فيك؟؟




فزي
عيدك مبارك و ايامك سعيده