Friday, October 27, 2006

وعليه وعلى حالي ..رحت اصلي باقوا نعالي!!


اليوم على الفطور
يقوولي ابوي فطيييييييم شنو تتوقعين صارلي اليوم!!

قلت له شنووووو

قال باقوا جوتتي اليديد في المسيد
طلعت من الصلاه
و الا الجوتي مبيوق
مو بس انا

انا و مع 8 مصلين!!

مسكيييييييين ابوي في رمضان مبيوق منه نعالين !!
و هذا البوووووووقه الثالثه باقل من شهر

عاد انا صج احتريت
لاني انا شاريته هديه حقه

المهم
و قالي ابوي ان هذي ظاهره منتشره !!
و كل المصلين يعانون منها
ان البنجاليه يبوقون و يروحون يبيعونهم في خيطان على دينار

و التجار الي في خيطان يبسطون فيهم بسووق اليمعه !!

و الي ضايعله جوتي او نعال عزكم الله
يرووح سوق اليمعه يدوره !!


انزين انا بعرف
مراقبين الشؤن مادري التجاره مادري البلديه
ما يسؤلون اصحاب البسطات
من اين لكم هذا

ليش اذا صارت أي بوقه في الكويت يقولون دوراو عليها بسوق اليمعه!!

عاد انا فتنت على نفسي !!

مشكلتي جذبت و نسيت جذبتي!!
قلت حق ابوووووووي
وييييي حسافه عاد غالي !!
ب 75 دينار
قالي هااو مو انتي قلتي ب 30 !!
قلت أي مالي خلق اتزفني
تقووووولي تفسفسين فلوسج اول يومين وبعدين
تقولين يبا عطني!!

قلت اقول 30 و خلاص

بي يوم انباق و اطلعت الصجيه لا والله بقول
ابووووووي مات ضحك علي!!
بس هم احتريييييييييييت
شنو هالظاهره!!
ليشششششششش تنباق النعل في المسايد!

13 comments:

Mamloo7a Q8ia said...

والله سااااالفه شنو هذا ؟؟؟؟ عند المسجد وبوق في وقت الصلاة ؟؟؟؟
الله يعوض عليكم

i_live_in_Q8 said...

الظاهرة هذي مو بس بالكويت :/
انا مرة باقو قاريي يوم كنت اصغير مان
BMX

واملغمة بعد :/ حاط علم هيكل عظمي يعني قوي وحاط دواسات عشان اردف بنات بالشاليه واذكر حاط مالت الشرطه اللي تشب احمر وازرق وتعطي صوت شرطه

لول والله انقهرت يوم انباق

kila ma6goog said...

انا هم باقوا مرة نعالي بمسيد و مرة جوتيي بالحسينية

الحل انهم يسوون لوكرز أو خزاين كل واحد يحط نعاله باللوكر ماله

أو الحل الأفضل انه يحط معاه نعال زنوبة بالسيارة بس حق المساجد و الأماكن هذي اللي يضطر انه يفصخ نعاله فيها

Charisma said...

اخر مصخره
هاو شهالحاله ، الواحد يدش يصلى ويحاتى نعاله ولا جوتيه
استغفر الله
ما وصلنا الدور ما اشتكى احد من سايدى بهالسالف

هههههههه ضحكتينى على سالفه السعر
ابوج جنه ابوى يخترع اذا عرف سعر الجوتى ولا النعال الى لابسها

يحلوهم والله الله يطول بعمره يا فطيم ولا يخليكم
:)

Cr8ivia said...

LOL yoom giltay 7a6ait post yeded sina 3ala ma 6ala3 6ab3an il blog awwal ma 6ala3 sorat il ni3il ! 3abali its the story gelt 3ad gilna ketbay bas mo etshabhenhum bil ni3il !! LOL

kuwaite said...

المنافقين انواعهم عديدة

وهذي عينه قذره منها

:)

طائر بلا وطن said...

شر البلية ما يضحك

ذكرتيني بسالفة واحد و احنا يهال الله يستر
عليه .. باق صباحية العيد و انتي بكرامة
نعال من المسيد بس حظه الردي خلاه يبوق
نعال رفيجه و هو ما يدري هههههههههه

هذاك يشكي له و فجأة يكتشف نعاله بريل
صاحبه

كل عام و انتي و عموم اسرتج الكريمة بخير
:)

q8-diver said...

اول شي عيدج مبارك
وتقبل الله طاعتج
--

سوالف بوقات النعل و الجواتي مو يديده من زمان خابرينها

أنا عن نفسي حاط جوتي و نعال بالسياره إذا كنت كاشخ بنعال او جوتي بمبلغ وقدره أفصخه بالسياره و البس الثاني عشان لا ينباق !! و أتحسف عليه ;)

-- مطبق وصية واحد من النياده ;P --

MARSHAL Q8 said...

صارت فيني مرتين بالحسينيه :(

والله حاله ..!

لكن انا مع خطة نعال الباك اب اللي بالدبه :)



عيدكم مبارك

Charisma said...

انت الحين مو معاى على خط وقتلج فتح البلوق وعلقت عندج !!!

وين رااح بيننى هالبلوق

المراد

اقولج هالحاله اسمع فيها بس لى الحين ما اوصلت لنا بالمنطقه
محد شكى لا ابوى ولا اخوانى ولا ريلى
بس تصير

ههههه سالفة ابوج ذكرتنى فى ابوى ما ادرى ليش يخترعون اذا دراو ان الجوتى ولا النعال غالى
هههههههههه

يحلوهم الله يخليهم لنا ذخر يا رب
ويعطيهم الصحه والعافيه
:)

الفارســـــــــــة الحرة said...
This comment has been removed by a blog administrator.
EsTeKaNa said...

تصدقين فطومه ابوي يحب ماركة معينه
كل ما يشتري منها نعال وانتي بكرامه تنباق بالمسيد
واذا راح بنعال ثانيه يرد فيها
!!
تم اشهر،رد شرا نفس الماركة انباقت
ابوي يقول هذا واحد ذويق مايبي الا هالماركة اللي ابوي مربحها
:))

Charisma said...

فطووم يا انا كنت دايخه وحدى مسطله لى درجه انى انعميت

يا البلوق يلعب معاى لعبه غير شريفه

يا ما ادرى شقول

الكومنت الاولى الحين طلع

!!!!!!!!!!

شنوو يعنىىىىى