Tuesday, December 12, 2006

ازعاج !!



التلفون سلاح ذو حدين ينفع و يضر
لاشك ان فوايدنا ماتعد
و لكن بتكلم عن جانب مساوئه
سبحان الله المتصل مرات ما يعرف شنو ظروف الشخص المستقبل
يعني وايد تصير مرات ان ترن تلفوناتنا في اوقات ازمتنا
او اوقات مصيريه و حرجه
و يكون الشخص الي على الطرف الثاني داق لشي بسيط او لخبر سار
طبعا الناس ما تعرف ظروف بعض
يعني لما انا ايي اتصل على رفيجتي
مدري ااذا رفيجتي نايمه قاعده
تبجي
متهاوشه ويا ريلها
او ايا كان و رفيجاتي نفس الشي
لما يتصلون علي مساكين ما يدرون شنو الظرف الي انا فيه
وسبحان الله الاتصال هذا شي عجيب
شيلي الي خلاني
اكتب عن موضوع التلفونات و الاتصال
ان الكل يعاني هاليومين من ان الموبايل
صار نقمه مو نعمه
لان الناس حتى لو التزمت في اصول و مواعيد الاتصال
هم وجود التلفون معانا 24 ساعه
يحملنا ضغط
و الكل صار يشتكي
الحريم صارت تشتكي لما تطلع ويا ريايلها مااصار لهم حجوه
الموبايل كل شوي يرن
و الرياييل نفس الشي
والامهات لايعه جبدهم بناتهم 24 ساعه ماسكين التلفون
المشكله ان احنا في نفس الوقت الي نشتكي منه ان التلفون يزعجنا نفسنا
24 ساعه ماسكين التلفون
فهل نحن مصدر ازعاج و في نفس الوقت ناس تزعجنا !!
يعني احنا مصدر ازعاج لي الي حوالينا

صج اتحسون ان التلفون مزعج و في نفس الوقت ما نستغنى عنه؟

27 comments:

um-miT3ib said...

SHOTGUUUUUN
baaaaaaaaaaNGGGG bannGGGGGGGG

um-miT3ib said...

LOL sajja sayer rath3a hal telephone ;p

لطيف said...

كلامك صحيح
رغم إن الموبايلات قربت العالم من بعض
!! إلا إنها أبعدت القريب
يقول لي واحد
كان زمان لما نروح الشاليه
متعت الرحلة كانت في السيارة
سوالف وضحك ومراجعة للأمور
وإعادة ترتيبات
اليوم نطلع وكلنا بالسيارة
لكن الكل مشغول بالموبايل
إما إتصال أو مسجات أو العاب
حتى نوصل
لا سوالف ولا نكت ولا أي تواصل
اليوم تجتمع العوايل والكل عيونه بهالجهاز الخطير
فرغم إنه قرب البعيد
!! إلا إنه أبعد القريب

QiYaDiYa said...

صح لسانج ..


صرنا احنا ننزعج منه و نزعج الي حاوالينا !!

و اكره ما علي التشره !!
اول اذا دقوا على البيت و ما حصلوج ينتهي الموضوع !

الحين لأ !

انا نوعي مع اللوية انسى اذا كان احد داق او داز مسج !

ابسط مثال اكون بالسيارة !
و اشوف المسج بس اقول بعدين ارد ..
ارد البيت اشوف اهلي قاعدين ايي اشبك انسى العالم !
بعدين بالليل استوعب انه فلانه كانت دازه مسج و ما رديت !!

اكون بالكليه عندي محاضره اقول بعدين ادق .. محاضره ورا محاضره و لويه انسى ارد ادق !!


فصارت السالفه هم اكثر من المتعه !!

يعني صج .. ازعاااااج !!

The Simper said...

silent..
turn off..
more than one way to mute it..

but.. it's us who can't be away shwaya from hal mobile.

q8y_saint said...

و الله اهو عن مزعج مزعج
بس مهم و محد يقدر يستغني عنه ابد

ما ادري انا يحوشني احساس ما ادري بس انا ولا حتن في غيري

لما انسى التلفون احس انه فيني شي غلط
ليما اتذكر التلفون
يحوشكم مثلي ولا بس انا الي مينون
:)

barrak said...

بصراحه الموبايل من التقنيات الحديثه المتعبه
حلها الوحيد السفر

وهناك سلبيه الحظها دائما ان الخبر السئ يصل اليك بسرعه البرق
وانت في موضع لاتتحمل حتى نفس

فعلا مشكله

KQ8 said...

انا عندي قانون من ادش البيت اطفي الموبايل..الا اذا كنت مواعد شخص معين انطره يدق في وقت الميعاد مادق وطاف وقته طفيت الموبايل..

اريحلي واحسن..

Kwaitiyya said...

صاجه
معاج حق

بس الموبايل مو مزعج ولا أنا سبب إزعاج
أنا كله بالمسجات وإذا بغيت وحده عندي معاها موضوع أدزلها مسج أسألها فاضيه؟؟؟ حتى لو كانت من المقربين

بس بشكل عام ايه مزعج ومايعطي الواحد مجال انه ياخذ وقت حق نفسه

Diver said...

تصدقين صارلي فترة افكر جديا اني ما اشيل تلفون معاي لوما اصرار ام مخمد و لا جان نتخلص منه من زمان
على فكرة انا تلفوني ما يرن بالايام بعد و باط جبدي الله يعين الناس الي تلفوناتهم ما تفتر

Anonymous said...

صح كلامج بس صرنا مانستغنه عنه كلششش
أنا مراات اذا تعبت أطفى جهازى بكبره وأريح روحىى :))))

lawyer said...

um mid3ab
:)

اذا رضعه عليهم بالعافيه بس بدون لبحه



لطيف

اشكرك على المشاكره حياك الله

اي والله كلامك عدل
انا جذي تغديت في الويك اند ويا اهلي و اخواني كل واحد موبايله و ربعه
و لويه

صصصصصج ماقعدنا دقيقه من غير رنه تلفون




قياديه
انا مو بس التشره

انا مرات اتحاشى المشاكل
تلاقيني احقر وحده

الاقيها قصب قاثتني في السمج

يفرضون نفسهم عليج غصب



سمبر
صح كلامك

ماراح تصدقني اذا قلت لم كرات اتصل على احد اتفاجا انه تحت الشاور
!!

حتى في الحمام !!

lawyer said...

كويتي

صح اتحس نفسك ناقص
ة كل شوي اتدور

انا حايشتني حاله اسمعه يرن اتزااولي بصوته



براك
الحين حتى في السفر الناس لاحقتك في التلفونات

اي والله اخبار الموت اتييك صاعقه هناك

براك رفيجتي ماكانت ماخذه موبايلها في السفر
دزوا مسج حق ريلها قالوله ترا خالها توفى خلها ترد

ماقالها
و سكر جهازه اهوو
و استانسو في السفر بعد شهر
الكل شايش عليها
ردت و عزوها
و لي يومك زعلانه على ريلها
ليش لما دقوا بلغوني ما قلت لي




krakatoa

زين تسوي
انت مثل الوالد

فااك عمرك والله عفيه عليك




كويتيه

ياريت كل البنات سنعين مثلج



دايفر
لا لا مو لهدرجه لان ضروره



بوب كورنا

انا وايد اسويهاااا



كيتي
صاااااااجه



عمى بعييييييييين عدوه انشاء الله
يييييييييحر

يييييييييحححححححححر

7osen said...

الهاتف
شرا
لابد منه


تحيه لتفكيرك

q8y_saint said...

تعقيبا على الموضوع في حل بسيط و حلو انا استخدمه في حال كوني ابي اريح شوي من التلفون
و الحل يتلخص بخدمه متواجده باغلب التلفونات هل يومين وهي انه تحددين الارقام الي ترن و باجي الارقام تصير سايلانت

وايد حل زين انا استخدمه للارقام
الvip

بس اهي الي ترن ٢٤ ساعه

اما عن موضوع الاخبار المزعج و اخبار الموت
ماصارت وياي الا مره و حده الساعة ٤:٤٥ الفجر
كان خبر وفاة بابا جابر الله يرحمة ويغمد روحه الينه

Nescafé said...

على الازعاج اللي ايينا منه.. والصداااع اللي موطبيعي وعوار الاذن
الا انه شي مهم ومانقدر نطلع بدونه اصلا مرات احس شي ناقصني

neelaah said...

لوير

تصدقين انا التلفون
افتحه بس حق الايمرجانسي
غير جذي على طول مسكر

مكاني معروف
و الناس القراب يتصلون اما في البيت
او الدوام

غير جذي
اصكه

ikhalifa said...

المشكلة مب في الموبايل
المشكلة في المجاملة الزايدة

لازم تعرفين إللي وياج أنج ممكن تستقبلين المكالمات من الساعة الفلانية إلى الساعة الفلانية

بعدها ، مستحيل تردين على أحد

إذا شخص طالع ويا أهله خلي يحط الموبايل على الهزاز، ما يرد إلا على المكالمات الضرورية جداً جداً مثل البيت ممكن يكون صاير شي لا قدر الله

Яeema said...

أنا أي أحد يبي يكرهني يدق علي

عندي 3 مجاميع مصنفه الناس

Very VIP:
أبوي
زوجي
الخادمه موبايلها مو تليفون البيت



VIP:
my mother
lawyer
kitty
3amety


my friends:
( my free time )


شنو الفري تايم؟؟؟

ما أكون قاعدة أسمه أغنيه بالسيارة و صافنه عليها
2- ما أكون قاعدة أدرس
3- ما أكون مجابله البلوق
4- ما أكون ويا زوجي
5- ما أكون قاعدة ويا أهلي
6- ما أكون قاعدة ويا عيالي
7- ما أكون بالمطعم وقاعدة آكل
8- ما أكون طالعه ويا أحد من ربعي



علمتهم إللي يبي شي ضروري يدز مسج

أما إللي يردحلي بالتيليفون 6 مس كوووولز

أعاند ما أرد





الحين طالعيلج بطلعه
عبالنا مو مسكر و حاطته مس يووو
ههههههههه

{ 13 } said...

انا كان عندي تيلفوووون بس صراحه ماشفت ان حياتي تستدعي ان يكون معاي تلفون 24 ساعه .السالفة تناسب مابين حياتك واحتياجاتك عشان تخليها أسهل وأفضل .. وبصراحه حياتي من غير تلفون " جوال" افضل بكثير وأهدأ وبعدين انا مااحب هذرة التيلفووون واستخدامي للتلفون " العادي" محدودة وبسيطه لان صعب اتفاهم مع حد على التلفون ..خاصة اذا كان الي يكلمني واحده فلبينيه وماتعرف تنطق انجليزي عدل ..ووواااي ..وجع قلب

esTeKaNa said...

اااااه يا تليفوني
تليفوني يستهبل مرات ويدق بطريقه مو وطبيعيه لاسباب كثيرة مثلا:
امي تدق البيت محد يرد تدق علي
اخوي يدور امي يدق علي
ابوي يبي اخوي يدق علي
تقدرين تقولين انا الاستعلامات
وعلى مستوى كبير يوصل حق عماتي
عمامي
وخالاتي
ويدتي اللي تدق مليون مرة اذا انتي بمحاضره وما رديتي
مثال اخر:
ايام الامتحانات اللي تفزع من الفير تدق،واللي تدرس لي تالي الليل تدق
!!
مرات احس ودي احذفه من الدريشه
ومرات اتعسر اذا سكت سكته واحده
العيب فيني مو بتليفوني
مزعج ادري
بس في اكتشاف اسمه اسكره
:))
حتى ابوي قمة نرفزته يسولف وياي وتليفوني يرن
وفي ناس يوصولون 36 مس كول ماكو مشكله
واخر شي يكون الشي اللي يبونه بقمة الملاقه
واي واي اشفيني قرقت
تصدقين ييتي على الوتر الحساس
:)

lawyer said...

اهلا اهلا :)

حاليا الساعه 9 و ثلث توني طالبه عشا من كاسبر

اخترب يومي اليوم و السبه اتصال ياني لمده ساعه و نص !!!

اخترب ويك اندي

فطلبت عشاااااا

و جابلت بيج ماماز هاوس في الام بي سي!!

و بتفرغ حق الرد حاليا

نسيت اقولكم اني قاعده من النوم الساعه 6 و نص
و عندي 18 ميسد كووووووول

تخيلتووووووو الهنا الي انا فيه

ماكتبت البوست من عبث

lawyer said...

حسين
اي والله شر

اشكرك انت على الاطراء



كويتي
صح انا بعد نفسك ياني الخبر الفير

كان يوم ماينسي ابد

صبحنا في يوم لقينا نفسنا فيه ايتام




نسكافيه
واي حبيتج تدرين ليش قاعده من النوم متعسره اخذت كوب نسكافيه
شربته
و الحين حدي منشكحه

اي والله حتى انا شي ناقصني
اليوم كان عندي زحمه اتصلات





نيله
انتي صصصصصصصصصصصج ام :))

واي احبج




بن علي


والله خوش فكره تحديد وقت للاتصال




ريماااا

اي والله صاجه

عاد انتي اسم الله عليج سسسسسسسسسسسسسنعه
ما اقدر اقايش وياج
بس اشوي اشوي
الله قاعد يوريج فيني
شي كبير
هههههههههههههههه


قصب علي قمت احط ناس مهمه و ناس اهم
يااااااااربي

يخترب يومي انا عشااااااان تلفوووووون
ليششششششششش
ليششششششششششششش
ليشششششششششششش



13.5
اتمنى ان تكون حياتي من غير موبايل





استكانه
واي انتي جنج انا

بس زيدي عليها
ادق امي علي
تقولي دقي على الطباخ كيت و كيت و كيت

دقي على فلانه و دقي على فلانه

انا في البيت مو استعلامات
لااااااااااا
اوبريتااااار بداله

Expatriate said...

Simple Solution

انا اغلب وقتي تلفوني احطه على الصامت
Silent علشان ما تزعلون
وما احطه على الوضع العام الا لما اكون فاضي او غير مشغول
مثلا من ابدي حوار او محادثة مع شخص ، تلفوني اتوماتيكيا احطه سايلنت
ومستحيل ارد على التلفون وشخص ثاني قاعد يكلمني او طالع اتعشى مع شخص او قاعد اشتغل على مشروع او ادرس
او اكتب موضوع في البلوغ
:)

لازم نتعلم شلون نتحكم في حياتنا ونضع حد لكل شي وكل شخص .. احنا نحدد شلون نعيش حياتنا .. مو ربعنا او الاشخاص اللي يأثرون فينا

طبعا هالاسلوب يزعل ناس وايد .. شلون ما ترد على التلفون .. وما نحصلك .. وكله يحول مسج .. اي
طبعا .. مو اي وقت تبوني اهد شغلي والاوادم اللي معاي وارد عليكم
ووايد تصير يتعجب الشخص اللي جدامي لما تلفون يطلع نغمة وحده لأني حاطه على السايلنت ان في شخص داق واسد التلفون او اخليه يحول فويس مسج ..

مادري .. بس انا اشوف ان التلفون مشكلة سهلة وبسيطة .. وبسهولة نحلها .. فيه خدمة السايلنت والبريد الصوتي و المسجات الكتابية
ياخي تبي تكلمني في شغلة او داق تسأل .. مو شرط ارد عليك الحين .. ارد عليك بعد ساعتين واذا في شغلة مهمة .. دزها مسج وانا ادق عليك مباشرة

Яeema said...

إيييييييييييييه
إيييييييييييييييييييييه


لنا الله
يا غالي من الشوق من الشوق و أنا المولع


بعد الموده و المحبه قمتوا تنسونا
لنا الله
هههههههههه
هههههههههه
هههههههههه

The Simper said...

Expatriate

3ajabni kalamik.. i think it is the right thing to do.. the other problem is dealing with people and not the mobile by itself.. and here, la mobile wala gheera elli would make them understand!

elq87obi said...

كلامج كله عدل في عدل

على ازعاجه و المضايقات اللي تيينا منه لكن نحبه :) مريحنا باشياء وايد

يعطيج العافيه

سلامي لج :)