Wednesday, June 06, 2007

وكالاتكم هذي انا ما ابيها عووووووع

تم تغيير اسمي من لوير الى المقاول لوير
مرت البواب لوير
مخلص المعاملات لوير
لذا يرجي التنويه

مشكله البنت الي تعيش و اتربا بين صبيان
مشكله ان اهم ينطرون منها تصرفات انثى في مواقف رجوليه
و انهم يبون مني اكون بنت قصب في امور ما ادري اذا اهي خاصه في البنت او الولد

يعني من صغرتي معلمني ابوي على الاعتماد على نفسي
في السفر انا الي ادبر كل شي
في البيت انا وايد اساعد في كل شي
و اذا قلت ما اعرف يقولي روحي سألي

امي كانت وايد مرتاحه من طريقه تربيه ابوي
لان هذا مريحها وايد
متكله على في كل شي

طفولتي اتعرفونها جدا شنيعه
مراهقتي نوعا ما ماكو مراهقه

كبرت الحين و تحولت من البنت فاطمه
الى المقاول فاطمه و مخلص المعاملات و مرت البواب
و اكره شي بالدنيااااااااا عندي لما من اقول حق ابوي او امي ليش انا اسوي جذي ؟؟
يقولون ((
احنا معطينج وكاله اشحقه))

ارد باعلى صوتي و بصراخ و بتذمر
انا ماخذه الوكاله منكم عشان ابي ابوقكم
اطلع من وراكم عماره
بيت شي شيات
لي الزمن يعني
مو عشان تكدشوني الليل و النهار

الشهر الي فات انا يا رايحه شويخ
يا راده من شويخ
يا حولي يا الرى
عشان اغير استقبالنا
و اهلي مسافرين طبعا كانوا
دقت امي
امي: فطيييييييم حبيبتي يمديج على ما نرد تكسرين حمامنا ؟؟
انا : لا طبعا !!!
هاليومين انا متحوله من مقاول الي مخلص معاملات
شغل تسجيل عقاري و توكيلات و الحاله حاله !!
بس انا خبري الي يكرف يعطونه عموله يدفعون له
امي و ابوي معطيني وكالات على شنو ؟؟
على التكدش بس

لا تقولووووووووووووووووووووووووون اجر
هالاجر هذا انا ما ابيه

خلصنا من تخليص المعاملات
ياني الوالد الله يطول في عمره
ابوي: فاطمه سويتي خريطه الشاليه !!
بقلبي اقول (( انا خابره اني دارسه حقوق بس يوم كان عندي هوايه خرايط و تصميم
تطقطق في البيت مو شغل رسمي يعني ))
اي يباااا سويتها
بس ترا هم لازم تروح الاسيوي يعتمدها و يظبطها لك
اهو يدري راح يعرف
خلص ابوي من المكتب الهندسي
و رد علي
ابوي: بتمرين البلديه ؟؟
انا : بععععععععععععععععععععد بلديه ادشششششششششش بلديه
اكووووووووووووووووووو بنت في الكويت اتمر البلديه او يصير على دربها البلديه
ماعندي شي في البلديه

شنو بالله البلديه مارينا مثلا !!!
وبعدين كل شي في اسمك
في ابتسامه يرد ابوي : عندج الوكاله !!
لا حول الله ياربي

المراد الي خلاني اقولكم هالقصه
ان في الصيف لازم انسق السفر
ما يصير يتهيت البيت
يا انا اسافر يا امي تسافر
و هالسنه لازم اسافر ويا امي
و طبعا امي رضت في السفر وياي و توهقت

كل ما مريت في الصاله تقط لي نغزات ان ظغطها هالايام مرتفع شكلها ما تعبر على الطياره
ارد عليها : ظغطج .. سكرج .. بتسافرين وياي يعني بتسافرين وياي
سفره بروحي ماني رايحه .. نغزات من اليوم لي باجر ماراح يهمني

لاني صايره مرت البواب احرس لكم البيت
و لاني مخليتج في البيت ويا الخدم
ولاني صايره مقاول
و لا بخلص معاملات
ليش؟؟
اشفيني فجأه قلبت عليهم ؟؟
بسبب امي الي امس تطنزت علي
تتحطلم علي بالصاله
امي : انتي يا طارده في الاب توب يا راده فيه
يا داق عليج صباغ ..يا طاقه هندي !! يا بشويخ يا الظجيج !!
عمري ما شفتج داشه بورده !!
داشه بهديه !!
داشه بشباصه !! (( الحييييييييييييييييييييين الشبااصه شي زين يعني او انثوي وايد الي مخلي امي تقط علي هالحجي شباااااااااااااااااااااااصه يما ))
لوعتي جبدي بالجينزات !!
ليش ما تلبسين تنانير شاريتهم لج بغير ستايلج انا !!
عقب 28 سنه امي بتغير ستايلي !!
ليش ما اتروحين قهاوي
اتروحين معارض
اماكن بنات
ليش ما تحطين مكياج !!!
ليش ما تلبسين قلوب
ليش ما تلبسين ساعه
هالي اشتريهم حق منو !!
ليش ما طلعتي علي !!
ابقق عيوني
مخترعه
انا بعرف انا مقاول
او مخلص معاملات
و الا مرت البواب
و الا بنت و انثى ييبووووني اتمكيج و اتكشخ و اترزز بالمطاعم
انا منو بالظبط !!
يعني لازم امي و ابوي ينسقون بينهم
يوم يخلوني بنت امي
و يوم بنت ابوي
يوم فاطمه و يوم عباس
!!
على الهامش
مبروووووووووووووووووك
تخرج اختنا استكاااااااااانه
الف مبرووووووووووووك

36 comments:

ZoZOta said...

ضحكتيني
قمت اكركر بالمكتب والناس تطالعني
مجابلة الكمبيوتر واضحك بهبل
تصدقين يا فاطمة انا اعيش نفس حالتج
ساعات احس اني ابي اكون بنت وبس
يدللوني ويدلعوني واعرف اتغنج
من كثر المسئوليات صرت واحد من الشباب
الفرق الوحيد اني ما عندي ديوانية
شكلي بسويها وبحط لي ديوانية
ولين احتجيت وقلت يا جماعة الخير انا انثى انا بنية يعني دلعوني مو تكدشوني
تدرين شنو الرد
مو تبون ديمقراطية وتصويت
مو تبون حرية راي
بلشي من هنيه
واخذي عاد

Diver said...

الله يعطيج العافيه

تبين الحل الانقلاب دايما الانقلاب اهو الحل
او تدرين خليهم يعطونج و كالة عامة مع حق البيع و اخذي كل شي ورتاحي
:)

lawyer said...

زوزوتااااا

بعد عمري عمرج
انشاء الله
دوووووووم تضحكين و مستانسه

اييييييييييي

سسسسسكتي
انا عندي دوانيه بس مو فاضيه من اللويه


بسسسسسسس ياي الصيف
و اذا صرت مرت البواب و سافرو و خلوني
يا حيل الله شطلعني بالقيظ

بفتحها




دايفر
نووووووووووووووووورت

البلوه ان وكاااااااااالتي عامه

عندي من صاااااااار عمري 21 سنه عطوووووني وكاله عامه امي و ابوي

شفت القراده

:\

SHAHAD said...

كل شي له ثمن
وهذا ثمن الوكالة لوول
الله يعيطج العافية
ويخليج لأهلج يااارب

SHAHAD said...

كل شي له ثمن
وهذا ثمن الوكالة لوول
الله يعيطج العافية
ويخليج لأهلج يااارب

ReLaaaX said...

وااااااي ذكريتني بوحده اعرفها ضرووووووووري اطبع لها البوست واوريها

اهيا مقروده تعاني من معاناتج .. بس شوي اقل


يعني سيارتها اهيا اللي مطلعتها من الوكاله وحق السيرفس اهيا توديها .. قبل كان عندها سياره اجار اوقفت عليها بالشارع دقت على اخوها عطاها رقم اللي يصلح عنده!!!؟


وعلى قولتج الحجوزات اهيا اتجيك عليها

يعني باختصار



المرأه الحديدية ;p


والله عسى الله يعينكم ياربي ، والله يلوم اللي يلومكم ، بس عن خاطر امج يبيلها شباصه على يوم والا ورده ياحلوها رومانسية ;)

barrak said...

صيري عباس احسن

بنت الشامية said...

ما تيوزين.......من هالعفرته


الله لايحرمج منهم ولا يحرمهم منج ويخليهم لج


بس حبيبتى لوير ....وانت بالحوسه لو

سمحتى دور لى اضاءة للحديقة


.....عفست حديقتى وابتلشت


واكسل منى ماكو....؟؟؟؟

وين القاهم...؟؟؟؟؟


هههههههههههه.....حبيبتى انت

lawyer said...

ششششششهد

شبييييييييييي فيها هالوكاله

:\

عندي ضمير



ريلاكس
ضرووووووووووووووووري
ازريهاااااااا
و سوي كووووووووبي





براك

يلووووووووووق علي هاااا



بنت الشاااااااميه
لا تروحين و لا اتعنيييييييين

والله طرشيلي عنوانج في الايميل و الحييييييييين ادق على المحل ايييبووووووووون لج


ماراح اقولج اسم المحل راح تعرفين انا منو
ههههههههههههههههه


بس عطيني العنوان
او دزيلي شنو تبين في الاميل

و انا اطرش لج

تبين برونزي

اسود
بيج؟؟

مطري
و الا شنووووو؟؟

حديقه داخليه ؟؟
خارجيه

اضاءات معلقه و الا على السور؟؟

Nescafé said...

ههههه مقاول مره وحده
والله كسرتي خاطري يالوير
بس ماعليه كل شي باجره

وبعدين على سالفة الورده .. دشي على يوم وبيدج ورده شالمشكله علشان خاطر امج بس
;P

والله يخليهم لج يارب

عثماني said...

حيا الله اخيتي الغالية فطومة

اقول .. بالمرة مدام تروحين حولي و الضجيج و شويخ... شرايج تعدلين سطح بيتنا ..!!؟ خو الحين صيف.. قبل لا ايي الشتا و يخر على راسنا...و انا مستعد اسويلج و كالة تتصرفين في الثلاثين دينار اللي املكها كلها

الله يخليج حق اهلج.. و يحفظهم لج

خوووووش بوست

q8y_saint said...

السنترال عندنا حاااار

و الباب مال الصاله صاير يطلع اصوات و ما يتسكر عدل


و سياترتي يبيلها سيرف

الله لا يهينك عباااسوووه

لا تقصر وياي سوهم


اقصد فطامي

:)


يعطيج العافيه
على شغلج ويا اهلج و على انج صج فطستيني ن الضحك

lawyer said...

اقوووووووووووول يا الربع

جناااا بوووووووستي هذا بطلعلي فلووووووووس

!!

نسكااااااافه
بعد عمري عممممممممممممرج
مو انا اذا رحت محل وررررررد

و شفت الورد بتحسسسسسسسسر على عمري

ليششششششششش
يعني انا اشتري حق عمري



لاااااااا جذي اتعذب

مينووووووووووونه انا خبله اشتري حق عمري ورد


كافي في مكتبي متعاقده ويااااا محل ورد اييبلي وووووورد في مكتبي

مزهريه الله لا يوريييج

ظيييييم

و طول اليوم اعااطس من الورد





عثماني

انا ماني عارفه اشلون اكو ناس لي 6 بالشهر
عندهااااااا 30 دينار
انا ما يصير واحد بالشهههههر الا عندي 4 دنانير
او دينااارين


صج انت ولد جخخخخخ

المهم و لا يصير خاطرك الا طيب

اعطييييييك رقم حيدر الايراني

عااااااامل ممتااااااااز

شغل مساح
او سسسسسسطح

صباااااغ

كل شي يسويلك

توااااااا صابغ لنا و مسوي سطح الملحق
يحط لك عاازل و يمسح و كاااااشي و كل شي

تبي المواد عليييييك او عليه ؟؟

ترا ما يفرق وايد
المهم راحتك

و كااااااااسره

اذا تبي رقمه قوووووولي

بس لحق عليه قبل شهر 8

يروووووح ايران ترا

عزيز و غالي




السنترال دق على الخليجيه

و الاصوااااات
يا مالك الفقر زيييييت من لوازم العائله

و الا زيت زيتون من مطبخكم

السيرفسسسسسسسس ترا ما اعرف
انا سيااااارتي حنطووووووووووور

ههههههههههههههههههههه
هههههههههههههههههههه


دوم مستااااااااااانس

و خطاااااااااااك السوووووووووو على الي خبري خبرك

(روح) said...

لوير !!!!!!



معاناة الله يآجرك ان شالله :)


كنت أظن اني اتعب وحده

طلعت مدلعه يحليلي :>



ضحكت و الله
من زمان ماضحكت مثل هالضحك

وصفك عجيب

ندخل معاك جو غصب


ربي يسعدك
ويتمم عليك عافيتك
ويرضى عليك



..كوني بخير..

Expatriate said...

في البداية : مبروووك تخرج استكانة .. تيمعوا المحاميات علينا في البلوغات . والله صج نص البلوغريات محاميات .. تحبون الحجي والقرقة

ثانيا: لوير واللي يسلمج انا الحين في دبي وجيب الشاليه مكيفه مو شغال عدل يطلع ريحة . مري قراجات شويخ جيكي عليه .. وبالمرة دامج طالعة طالعة وتحبين هالمشاوير ابيج تمرين خيطان تمرين المصري اللي يظبط لنا الحديقة .. بس لازم تلبسين وردي علشان ما تصيري عباس

بل .. وردي وفي خيطان وقراجات الشويخ ؟ لا يبا لبسي عباة.. عباة راس مو عباة اسلامية بعد

3AJEL said...

ودي اجدد جوازي ممكن تسوينه بدالي وبالمرة تمين على مكتب السفريات تحجزين لي تذكرة حق ناميبيا

أبو إسحق said...

شوفي النص المليان من الكوب - هذا دليل ثقة من والدينج

يعطيج العافيه و الله يخليج لهم :)

Mama Ony said...

hal post mo layeg 3ala how u really look like.. i mean when i saw u the other day eb marina i thought waw mashala shes so beautiful. so i really dont understand this post because i thought u looked very feminine and girly o elegant o chic o kel shay fa i dont see how u need to change...
laken i can relate to ur situation because my mother too kella etzefni laish ma talbesoon qloob laish ma talbeseeen ka3ab laish ma talbeseen sa3a laish ma talbeseeen taracheee laish ma talbeseen debletech.. laken shakhseetee mo nafs shakhseetech ana marrat albes bas 3ashan asakket-ha 3anni shway :/

Common_Sense said...

kkkkk wala tha7akteny mort elmoqawel .. I'll tell you what to do, take all their money and then suuuuuue them and put them in jail ;p

DanDash said...

لوير..
ما اقول الا عندنا و عندج خير لانه

معاج اختج/دندش\ عبدالوهاب للأعمال المنزلية و التوصيل و للخدمات

اذا تبين نسوي شراكة ترى نربح ولا شرايج بدل ما انا قاعده بطالية 3 اشهر

Chai-7aleeb said...

جزا الوالدين على الله

بنت الشامية said...

لوير....ادرى انج قول وفعل

ما تقصرين......بس ابونا من كثر ما طولت ما شريت حقرنى وما اشوفه الا يدق على ويقول ترى شريت الليتات وبطرشهم الحين.....وقلت له شقول حق لوير الحين ..جذى تفشلنى ويا ربعى....قال

هذى مشكلتج....؟؟؟؟؟

نبى المسامحه...منج

مشكوررررررررررررررة

dont play boy said...

هل انتي مع الجرأه بالبلوقات

شاركينا بتعليقك

White Wings said...

ممكن يكون ما في تناقض
يعني الصبح تخليص معاملات البلدية
وبالليل تمشي بالنفنوف في المرينا
:)
يعطيج العافية

عيون الحب said...

الله يعينج ..
حلو بر الوالدين ..
بس بعد حرام عليهم يسوون فيج جذي ..
شو تسوين ..
مالج غير الصبر ..
والله يجزيج على قد نيتج :)

Shaima'a Alkandari said...

الله يكون بالعووووون


صج صج قصتج عجيبه


بس خليج انثى احسن

Shather said...

ساعات احسد اللي مثلج ..

انا عكسج تماما الوالد ما يخليني اروح مكان فيه "آدم" حتى الجمعية ما اروحلها بروحي ..


و حال لسانه يقول "وقرن في بيوتكن"

هيهي مادري خايف علي من الحسد و الا شنو بالضبط ؟
;}

حلوو البوست تشكرين عليه

smilyeyes said...

loool mawatiny min e'97k 0o alah ey5alij 7ag ahlij enshala, ana new blogger 0o wayed 7abit modawentij e9ara7a tishra7 el8alb wenshala 6ality etkon 5afifa 3alikom

domtom bibtisama;)

lawyer said...

روووووووووح

اي اي ايطلع الكل مدلل سسسسسسسكتي

رفيجاتي قاموا يحبوووووووووون اهلهم

هههههههههههههه

تبين تضحكين
ترا امي دوا السكر و الضغط ما تروح اتييبه من المستوصف

تطرشني انا ويا بطاقتها المدنيه و ملفها
هههههههههههههههههههه




اكسبا
ههههههههههههههههههههه

يما منك

ايييييييييييييي

تيمعنا محاميات فينا طاقه هذربه بسسسسسسسسسس
محد معطينا وييييييييه

فجابلناكم

اكسبااااااا
عن العياره يالله

بسسسسسسسسسسك دبي
شالخرابيط

اشماااااله

يالله رد رد الكويت




عاجل
طق و تسفير
لي جزر القمر
ينفع ؟




ابو اسحق
انت كلاااااااااااااا مبرد قلبي
يعطيييييييييييييييييييييييك الف عافيه
والله واله من اشووووووف صوره النوط قبل لا اقرا كلامك ينشرح قلبي






ماما اوني
ثااااااااااااااااانكس
حبي

اييييييييييييييييييييي والله محد فاهمني غيرج
اشماله القلوووووب و التراجي و الشباصااااااات

و الخبه
عرفتي

يعني ياااااااا قلوب و ساعات و بلا بلا و الا اناااااااا كلش

تشووووووفني اوفي اذا لبست شي
من اركب السياره

اقولها شفتي اسوااري

شفتي خاتمي ؟؟

امي زفتني قاالتلي اكشخلج

شفتيهم ؟؟
قبل لا تحرك السياره
و قبل لا نطلع من الفريج افصخهم اقطهم بالجنطه
ههههههههههههههههههههه





كوممووووون

وي ويييييييييييييي
وييييييييييييييي

طفاااااااااااا

فالك ما قبلنااااااااااااااااه

هههههههههههههههههههههههه




دندششششششش

والله انااااااااااا ماعندي مانع كلشششششششش

يالله تكفين على ايدج على الاقل ربع تعاونوا ما ذلووووووو







شاي حليب
انننننننننننننننننننت هني
وييييييييييييييييييييين غاط
حيالله هالنوووووووور

شمسوي زين؟

lawyer said...

بنت الشاميه
بعععععععععععععععععععد
رووووووووووووووحي
المسساااااااااااامحه على شنووووووووو

حياااااااااااااتي انتي

وااااااااااااي
المهم افتكيتي
شراااااااهم

هذا اهم شي

عليييييييييييج بالعافيه
بسسسسسسسسسسسس اهم شي حلوين ؟؟

الي انتي تبيييييينهم




بلاي بوي

رحت قريييييييييييييييت
و انبطيييييييت و رديت

حريتني ماكان العششششششششششم فيييييييييك

هذا و انت اخوووووونا
جذي تقوووووووول عن البنات

وخر وخر
زعلانه انا زعلانه

لا تحااااااجيني

زعلانه




وايت وينجز
حيااااااااج اختي

منوووره

فعلا كلامج صصصح

يوم الاربعا مدري متى دقيت على رفيجتي قلت لها وااااااااي فيني طلعه فيني كشششششخه

فينيييييييييي اوادم سنعه
قومي قومي نكششششخ نروح فوشوون

و تسنعت و رررررررحت

في الصالحيه اقول حق رفيجتي
وااااااااااااااي فيني فقره ويههييييييييه سنعه
;)



عيوووووووووووون الحب
تراااااااا الصوره الي انتي حاطتها تقتلني

اتيييييييييييييييييييينن
هذي لو بنتي ذابحتها عظ

اتشوووووق صورتج

حياج الله
ايييييييييييييي يالله كلا باجره





شيماء
شفتي فيلم
و نسيت اني امرأه

اييييييييييييييييي
عرفتيه
هذي اناااااااااااااا




شاذر
حياااااااج الله نورتي
مشكوووووووووووووره
وايد على الاطراااااااااء الجميييييييييل

مشكوووووووووره وايد



سمايل

هلاااااااا
نوووووووورتي
مبرووووووووووووك الحضور الجديد

حياج الله و لا تقطعييييييييييين

اهم شيييييييييييييييي
متاااااااااي ضحك
شفتي ياختتتتتتتتتتتتتج

بنات اخر زمن عيل وحده تتحلطم علىىىىىىى اهلها
محد سواها غيري



:\

مجرّد... أنثى said...

اله يعينج

يبيلج سبا تايم

والانوثة حلوة لا صارت مثل البدر كاملة مكملة عقل وقلبو جسد :)

بنت الشامية said...

لوير كلام خارج عن البوست

امس اتصفح عند ربعى المصاروه....والا القى وحده منهم...اسمها سماره كانت غاطه عنا من مده والا تعلن خبر خظبتها من احد المدونيين.....وهى طايره من الفرحه......تصدققين فرحت وايد

وقلت اشوه المدونات....تربط بين راسين بالحلال

ان شاء الله ايي من مدونيينا الشباب

مو بس من المدونيين المصاروه

لووووووووووووووووووول

شرايج بهالخبر

sologa-bologa said...

عاد هالأيام محتاجين أحد يساعدنا
على العمال والمقاولين اللي عندنا
رديت من السفر ولا العمال بويهي
اثاري الوالدة بتسوي المطبخ والسور والمواقف

عاد اقترحت عليها مقاول أو مقاولة تساعدها

ها اشقلتي
!!!


ودمتم بحب وود

Q8LoVeR said...

الحياة سعيده عندكم
ليش ساكنه في بيتكم ؟انا اقول قصي بيتكم بالنص واجريه على الناس وخلي اهلج يعرفون شتسوي الوكاله :>

msafa said...

ممكن تقرى قصيده فاطمه لسه بتحب معلش عى بالعاميه بس اهو حاولى علشان اللغات عندنا فى الوطن صعبه

Krakatoa said...

كفو كفو..انتي مثال البنت اللي ينشد فيها الظهر..صدقيني كل هاللي تسوينه راح يطلع بعدين وتذكرين ان هالتكدش ما هو الا تأهيل للمستقبل