Friday, June 15, 2007

ارواحنا تعلقت


ارواح تعلقت ببعض
انعقدت ستين عقده
كلما اردت ان افتح عقده
عاندتني و زادت
العقده
ستين اخرى

و ما ان قررت بفتح العقد
و قطع السلاسل
تجمدت الارواح
و ملئ المكان
صقيع
مشاعري

لم استطع ان اذيب هذا الصقيع الا ببركان انفجر
فصهره
نعم

بركان انفجر عليه
سيل هائل نزل على رأسه
تترامى عليه صخور جبل تفتت عليه
كل ما اعرفه من قاموس التجريح
اودعته باذنه
صرخت و صرخت

حتى اني و لأول مره اعلم بوجود هذه الطبقات الصوتيه المختزله بي
استطاع بافعاله معي ان يكتشف في صوتي حبال لم تعمل بعد

و هو ساكن بكل هدوء

لم يصد صخره واحد قذفت عليه
لم يقاطع حديثي
كل ما كان يفكر به
ان هذي الانسانه مازالت تحبني
لم يسمع صراخي

فكان لصوتي وقع دعاء الكروان باذنه
كل ما كان يشغله انها مازالت لي
فهي مازالت تحترق لي
و كلما ازيد اشعال نار الكلمات
كلما يبرد هو
لان صقيع معاملتي له في الايام الاخيره
هز حياتنا معا
لم اتردد في اي شي قلته
انت ما تحبني
انت ما تدري عني
انا متعذبه بروووحي
و انت و لا همك
تدخل و تطلع و لا جني موجوده
و لا جنه هالادميه تحس
ما تقدر
و لا تحب
و لا تفهم
عمرك ما تسنع
و لا راح اتسنع
و صراخ
و هواش
بكل برود قاتل

يجيب : خلصتي و الا فيه بعد

اهستر عليه
فهو لم يتجاوب مع ثوره جنوني
و درجه غلياني
اخذت الابجوره
شفت عيونه طلعت
بكل ما اوتيت من قهر و قوه كسرتها
كسرتها
و انا مصدومه اكثر منه
حينها ايقن تمام اليقين
اني سانهار
سحبني
بعيدا عن الزجاج المرتمي
و اقاومه انا بضربه
في كل مكان بجسده
بضربه في كل مكان يقع امام يدي
لم اسمع
الا كلمه وحده منه
تعالي
تعالي
تعالي
و هو يحتضني بين يديه
يلف يداه على

يسكن ارتعاشاتي
يضعني على السرير
وكأني طفله غريقه
يديه بيدي
رجليه تحكم جنون ركلاتي
حتى انام
و لم اسمع كلماته التي قيلت لي قبل منامي
فكل ما اعرفه
هو

الى اي مدى يحبني

25 comments:

فراوله said...

مساالسعاده
مساالأحاسيس الثائره
مساصدق المشاعر
غاليتي
أعشق الحب ،وأعشق المحبين
ولاكن أشفق على تلك العاشقه المسكينة
تحب،وتغضب،وتثرور...وفجأة
تخمد تلك الثورة بلمسه من ذلك العاشق
وربما بنظرة منه
والله احنا مساكين وشكثر بيتحمل هالقلب من هالعاشق
دمت بابداعاتك الجميلة
:))))))))))

جنون إحساس said...

الحلو بكلماتج إنها توصل للواحد
بحيث انه يتعايشها

لو الناس جذيه
يمتصون الغصب والحزن برقه ومشاعر
جان صرنا بخير

بس هم كل إنسان يفضل طريقة
معينة,

يالله ارضاء الناس غاية لاتدرك

وتسلم الأيادي

PearL said...

لما الواحد يحط بقلبه ويحط ويحطط ويحط

محد يتخيل مدى قوة الانفجار اللي راح يصير

بس اهم شي ردة فعل الشخص اللي جدامج
====

برود الريال يذبح اكثر من انه يقهر او ينرفز

The Simper said...

shfeech yoba 3asa mashar? :)

Spolid Royality said...

اي والله عسى ماشر

عسى هديتي الحين؟؟

جان عطيته كوع خليتي راسه يفترررر
لوووول

وصفج حلووو
وااايد

من قصيده
الى
سوالف
تكسير
تهديء
نوم

تسلسلي
:)

zajel said...

بدون تعليق

فطوم اقل من المستوى


ما شاء الله عليك

AseeL said...

nice
حبيت لج هالبوست لوير

بس الموضوع ينرفز ويعور القلب

AseeL said...

على فكرة التصميم اليديد للمدونة حلو ولونه رايق :)

zajel said...

لا التصميم القديم للمدونة حلو


ما شاء الله عليك

7osen said...

روعة

جدا روعة

بس انا ملاحظ انج دائماً تحبين توصفين هالموقف

يقولون ان الشخص اللى يكتب

مايبدع ويتألق الا اذا وصف الاحداث والمشاعر اللى عاشها بنفسه

ولا شرايج

:

بوست ممتع جدا

kila ma6goog said...

شهادتي فيج مجروحة

وين شغلي؟

SHAHAD said...

ليش لما نعصب عليهم ونزعل ونثور
بكلمة وحده ولمسة نطخ ونعيش معاهم بجو ثاني !
أي قدرة يمتلكها ذاك العاشق !!
تصدقين لوير
حسيت إني هذي البنت !!!
فيها مني لول

sologa-bologa said...

يعني لي هالدرجة
كلمة صغيرة
أو حركة بسيطة من الرجل
تذوب جبل الجليد
عند الأنثى

ولاحظي استخدمت كلمة رجل وأنثى
:p

ودمتم بحب وود

أبو إسحق said...

أجمل ما في المرأه تسامحها اللي هو قوه اكثر منه ضعف ففي تنازلها و سماحها تضحية لتسير المركب الى بر الامان

شكرا لج و شكرا على احساسيسج الجميله

lawyer said...

صباااااااااااحكم ورد

فراوله بعد عمري
صباحج عسل
و فراوله

اكو احلى من الفراوله الواحد يصبح عليها

تصدقين يا فراوله لما حطيت الاب توب بحضني و كتبت هالسطور
ماكنت ادري شنو قاعده اكتب من كثر ما انا مندمجه و منفعله

اشكرج وايد على كلامج الحلو


صج يشرح القلب

حدناااااااااااااا
مساكين





جنون احساس
صباحج هنا

لاحظي اني شرحت الحاله اول شي
قلت ارواح تعلقت في بعضها و انعقدت ستين عقده

اكيد بترضا

اذا اهو مصدر جنونها



بيرل

لما تشوووووفين نفسج اتهسترين
و تصرخين
و اهو محترق بس مسوي نفسي عادي

مو عارف شتقول

لما تنفجرين عليه
و مليون صخره تتقاذف عليه

و اهو يتصدد

وبعدين تصرخين تقولين له ليش ساكت
يقولج
لان كلامج صح

تحترقين اكثر

لاستفزازه





سمبر
صباااااااااااااااااحك عسل

مافيني شي بابا

بسسسسسسسسس بخاطري اكتب شي حلو

اعجبك؟




رويالتي

اهلاااااا اهلا

احم احم
حقوق التاج عندي ترا

هههههههههههههه

اهم شي اعطيه كوع

شالحب

لا حياتي المحبين ما بينهم كوع
الكوع ما يبرد القلب
!!

اذا مو ابجوره اتكسر
و اذا موبايل بالطوفه

و الاااااا ما يبرد قلبي



زااااااجل

افا ليشششششششش
ما يازتلك؟؟

مممممممم

انحبطت حدي
:\



اسيييييييل

حياج الله نورتي
اييييييييي هذا الي بوصله
بقظ النظر عن الموقف
يكوووووووووون الكلام باحساس
مو كل مرا بكتب عن الرومانسيه صح

بعد عمري

مقدم التصميم افا عليج



زاجل
هههههههههههههه
و هذا ما عجبك!؟




حسين
لاني دايما لما احتر اصب انفجاري
في الكتابه
امسك الاب توب و اقعد اكتب

كلامك عدل
;)



مطقوق

تسلم

انااااااااا ناطره الصووووره

معطله كل شي على الصوره




شهد
اشوه مو بس انا جذي!

الي تحب من قلب
الي تحب صج

تغفر
بالظبط
بلمسه وحده تغفر
بس هل راح تنسى

؟؟

فكري فيها عدل
تسامح بس تنسى؟؟

اذا حطت راسها على المخده

تذكر اغلاطه
او حبه؟؟



سلوجا
والله لاحظت قبل لا اكمل و اقرا و اشوف انك كاتب الملاحظه

لما قريت تذوب جبل الجليذ عند الانثى
كنت قاعده اشرب قهوتي
تنطعتها عدل و قلت

انثى

تالي قريت لاحظي .....

شسوي سلوجا
براءه في عيونه عجيبه

على كل الجرايم

لما اشوف عيونه اتطالعني

وحدها منبهره

لما اشوف نظراته المنكسره

تعتذر

لما اشوف تتبع عيونه وراي و اهي اتطالعني

هل هالمرا بكسر موبايل
او لاب توب
او ابجوره

تبي اقولك سر

في البدايه ماكنت باكسر ابجوره
قلت له هالابجوره اغلى بوايد من انها تتفلش براس احد


عقب ما انكسرت

شهر و انا ااتعااير

(( عيل اطلعت الابجوره اغلى مني هاا ))


دمت بحب




ابوسحق
فعلا
انت فهمتني
والله
الي بوصله من البوست

ان المرا الي تحب صج
و تبي تكمل
الابحار

الي الي تسامح

ترا الريال بعد يساااامح اكثر

يكفي ان وايد ايي على رجولته
بتصرفات للمرأه بس


اشكرك انت وايد

Vancouver said...

لا لالا لا ما اشجع عوار القلب

اخذي هالقلب و دوسيه قوليله
يا قلب انا امشيك مو انت اللي تمشيني وراك

وبتشوفين القلب مع اللي ساكنه
يركضون وراج ، بسنا عوار قلب
يا نساء العالم اتحدوا ، هاهاهاها

zajel said...

هذا رأيك و أنا أحترمة .... أنا حر في رايي وإنت حر في رايك،،،
...
..
.
فطوم هذا رايك وانت حر فيه ، ودامك متشبث برايك كيفك طبعا ، بس انا وضحت لك شعوري اتجاه موضوعك
يمكن لاني كنت تعبان من جونو ، بس والله قرأت موضوعك اكثر من مرة وكان نفس شعوري موضوعك اقل من المستوي


ولكن ايظا رأيك الشخصي ( ليس بالضروره ان يكون هو الصواب وهو الحقيقه ) بالضبط نفس الشيئ بالنسبة لرايي

جميل ان يكون لكل واحد رأيه
ولكن الاجمل من ذلك ان لا يحاول ان يجعل من رأيه الخاص او يعتقد بانه هو الحقيقه الدامغه ولا يهم ما يقوله الاخرون


وعشانك فطوم موضوعك مره حلووووو



ما شاء الله عليك

Dana__23 said...

الحب أسما ما في الوجود .. لكن السؤال هو من نهدي له حبنا ؟؟

كلام جياش ورائع من إنسانه حساسه :)

Krakatoa said...

انا بعلق بخصوص بوستج السابق

كل عام وانتي بخير..وان شاء الله البوستات اليايه فيها كل الخير

ومبروك على النيو لوك للبلوج

esTeKaNa said...

فلسفه يعيشها العشاق ضمنيا
اذا اشتطت اهو يهدى
واذا هدت اهو يشتط
وتستمر الحياه
:)
لانه اذا اهو مشتط ومتنرفز
وهي تزيد وتزيد
وهي تسحب الابجورة وتكسرها
يقوم اهو يسحب الطاوله ويقلبها
وطاخ وطيخ وطاخ وطيخ
محنا خالصين وبتصير حرب عالميه
:pP~
البنت فورة احساس وحب وحنان
تهدى
ترتاح
تغمض عينها
بلحظة يشفى بها ضمى روحها
بكلمه
باحساس صادق
بتفاعل رقيق


دمتي بحب
انتي ...ومن تحبين
:Pp~

ZoZOta said...

موقف صعب
ما اتصور نفسي لو انحطيت فيه شنو بسوي
اعتقد اني بسوي نفسج ويمكن اكثر
الخيال حلو لين شطح يالوير
بس الأحلا انج تحبكينه عدل
وهذا بالضبط اللي سويتيه

Fahad Al Askr said...

استوقفتني أهستر عليه

Spoiled Royality said...

لوووووول

:)

لامتمرده انتي

بصراحه اوكي
هالكلام حقيقي؟

بديتي تخوفيني منك

لوول

طائر بلا وطن said...

صباح السعد

و كل عام و انتي بخير يا لوير

سامحينا على التأخير
:)

lawyer said...

فانكوفر

مو عوار قلب
مجرد خيالي يحب يرسم بعض الصور



زاجل
هههههههههه
مت ضحك
انزين ليششششش كل هذا ما قالت شي
هههههههههههه
بس بس بس سحبت كلامي
انا اسسسسسسسسفه

ليش هالنقاااااش

ههههههههههههههههههههه

والله ضححكت
ليش اتششششب علي جذي
يبا خلاص ماراح اناقش
و لا بقول حجوه

سوري سوري



دانه
حبيبتي انتي

مشكوووره بعد روحي




كراكوتا

بعد عمري مشكوووووووور

ما قصرت
الله يبارك فيييييييك
و يسلم قلبك




استكانه
اميييييييييييين

امييييييييين




زوزتا
قليل الي فاهميني مثلج




فهد العكسر
هلا بالطش و الرش

كلا مهستره





رويالتي
الي يعرف لوير
يعرف خيال الصمت الي فيني
و مع الوقت راح تعرفين
اذا من وحي الواقع او الخيال
مشكووووووووووووووره عمري




طائر بلا وطن
اتصدق لما اشوووفك والله جد ينشرح قلبي

تسلم
و انت بصحه و سلامه

و لو عزيز و غالي

:)