Monday, August 13, 2007

يازين الصيف


اهم الاخبار

اقامه درس ديني لعمرو خالد في مونترو في فندق مونترو بلاس *

باستضافه اسره المهيدب الكرام


شكرا لكم





اقامه هيفا وهبي و صديقها السعودي في فندق رويال بلازا *

في مونترو طبعا مما ادى الى خلل و ربكه عندنا في البحيره

محور الحديث

شفتوا هيفا !؟؟


وين راحت هييفا ؟؟


هيفا ركبت القطار


و لما شفتها انصدمت

في البدايه ماكنت وجودها عندنا في مونترو


بس لما كنت قاعده في اللوبي في رويال بلازا

مرت جدامنا ويا رفيجها السعودي

وايد اصغر منها

اذا بكبره اعطيه 30 سنه !


و حركات الي اتخشش و تسوي افلام و تنحاش لين تركب السياره


الملاحظ في الموضوع انها جدا جدا مغروره


بس طبعا على منو

ينونها اليهال


يروحون لها و لما يقربون يقولن لها سوري حسبنااااااك نانسي عجرم كنا بنسلم


و الياهل الثاني يقولها


اخص طلعتي هيفا !!


ههههههههههه


يوم رحنا القهوه و نقلت لهم خبر وجود هيفا في رويال بلازا

الكل اجزم بوجودها في البحيره بس كانت مغروره و اتخشش


قلت لهم اكيد منخشه !!


يعني بالله نازله من فندق دار التوحيد في الحرم ويا ابوها !!


نازله من غرفتها وياها واحد اكيد تنخش ! و الا شتهقون



خلصت اخبار اليوم


نبدا الرحله الحين






الرحلــــــه




ترا انا نسيييييت البلوج !!
و نسيت اشلوووووون اكتب
حتى اسلوبي احسه غير !!
عيزت ابي اكتب ابي اكتب
ماني قادره اصف الحجي و الاحداث بس ماني قادره من اكتب كلمتين امل و اقوم


الله يكون في عونكم علي !!
ماني عارفه اقعد دقيقه على حيلي اكتب بوست !
شنو واجب ؟؟
حمدلله و الشكر



زفيت عمري وقعدت اي شالحاله
توني قاعده من النوم الحين العصر
قلت لهم يسون لي بيض و يشوون لي توست بالشوايه
اكل عدل و جذي تالي اردلكم
و ابدى رحلتي وياكم
مو جنه فشله اقولكم اني ماكله بيض الساعه 4 العصر!
طبعا اجازتي ماكانت كلها سفر
لاني ما سافرت شهر


بس بصراحه قرار السفره يا جذي بين يوم و ليله
او يمكن لانه الله كاتبلي الروحه
خلوني ابدى الرحله وياكم
مقتطفات



بدون ما احدد اليوم و الساعه و اشلون عشان الملل بس

ماراح يكون بوستي صور
مثل السنه الي فاتت
ولكن راح يكون مجموعه احداث
بصرااااااااااحه قررت اني ما اقووووووووووووول لكم الا على الاشياء الي تونسسسسسسس



لكن اسمحولي ما اعبر اخش الي صارلي في المطار


طبعا وصلتني المطار رفيجتي و حبيبتي
و قعدنا في ستار بكس لان السايق كان مودي جناطي من قبل و خالص كل شي
بس رحت قعدت في ستاربكس و تالي سلمت على رفيجتي و دشيت قاعه دسمان مدري شسمها
المهم توني قاعده و ساحبه الجريده و طلبت قهوتي و جذي
و الا ما وعيت شفت شخص
اخر انسان اتمنى اشوفه بحياتي



خلوني اعطيكم نبذه عنه
محامي
كنت اعرفه ايام ماكنت انا طالبه و اهو محامي بس معرفه مسنجر لا اكثر و لا اقل
ثقيل طينه شوي
انا نوعي اذا ما ابي واحد! يلزق !


و اذا ابي واحد ما اوصله !!


هذا من الناس الي كنت انا عاجبته و يشوفني اني وايد زينه و انا لان ماكو تكافئ اسري بيني و بينه فكنت مسكره الباب


بس مدري يوم انا كنت طالبه الظاهر كنت وايد وقحه و اشكره قلت له ما ينفع انحب بعض لان ما يصير انتزوج بعض او شي
جذي مدري بس كنت قليله ادب وياه
فقالي كلمه لي الحين ترن باذوني
((راح تعيشين وحيده و تموتين وحيده و لا احد راح يحبج لانج متكبره و مغروره و بلا بلا بلا



عقب ست سنين
الله يعاقبني
ان هذا الريال يشوفني و انا بروحي في المطار قاعده منزويه ويا الجريده بروحي
و اهو ويا مرته و عياله 2 و الفلبينيات
عطاني نظظظظره
من فوق لين تحت
حسيت ابي الارض تنشق و تبلعني
كشيت كشيييييت في مكاني
احوس بالتلفون
احوس في مكاني ماني قادره
اصلا لو كان اكو ريال بروحه قاعد حدي رحت و قعدت يمه سويت نفسي هذا ريلي هذا اي شي بس المهم انا مو بروحي

سكتوا بغييت أأجر صباب القهوه يصير ريلي هذاك اليوم و لا اقعد بروحي جدامه



و ركبت الطياره
و ياريتني ما ركبت
وياي بالطياره

!!!
و فطيم فجي حنفيه الدموع
و صيحي
عمركم شفتو وحده تلبس نظاره بالطياره ؟؟
انا خشيت ويهي عن الناس
و يمكن اهو ابو عادي بس هذاك اليوم تسلط علي
بس يمطخ في بنته و يطالعني

ليش الافلام !!



عاد حرام بنته اتينن ماشاء الله
عرفتوا الي اقول بقلبي
خلاااااص شوف مرتك والله احلى مني و شكلها احسن مني
و اطيب مني
انا موزينه بس فارج لا اطالعني



المهم يوم وصلنا نزلت و خذيت جنطتي و اول ما طلعت رفيجاتي كانوا ناطرين رفيجاتي من سنه بالظبط ما شفتهم
عفست مطار جنيف بالصراخ
أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأه
ما جنه المطار ممتروس
تعالوا توني استوعب رفيجتي طقتني بالجنطه
حب اقشر احنه !!
رحت على طول يورو كار استلمت سيارتي
سوولي قصه و عفسه و قصوا علي
و عطوني اودي اي فور بس وايد والله اتينن مريحه صج صارت خيره

و اهو طبعا المحامي وراي و كشرتي من هني لي هني


احم احم رفيجاتي وياااااااااي انا مو بروحي

موت قهر ما تقدر تسافر ويا ربعك


مالت عليك روح جابل حنه اليهال !!


انا بستااااانس ويا رفيجاتي


طبعا هالحجي اقوله بقلبي حق عمري



و ركبنا السياره و سمينااااا بالله و حطينا السيديات
و يازين الجي بي ار بس سحيله عمتي وايد عصبيه بس تصرخ
تيرن رايت امييييييييييييييييدتلي !!
طلعت من مطار جنيف
مسكت الهاي واي
وفقت في اول محطه بنزين

ماي
شحن سويس كوم
و توجهنا الى مونترو
لازم اقولكم عن رفيجاتي
من امتع البنات في الدنيا
و لكن فيهم عيييييييييييييييييييييييييييييييييب شنيع
من يركبون السياره ناموا !!!


لحظه هااااااااي انا طالعه ويا منو !!
اتيبون لي النوووووووووووووومه


ورانا درب !

رحت مونترو و استانست في السلام و نزلت الايراني اول يوم و تمشينا شيكت على رفيجاتي و عيالهم و الامه العربيه الكريمه
كل شي نفسه ما تغيرر



اييني وليد يركض
فاااااااااااااطمه فاااااطمه !
هلا وليد اشفيك !!
و ايش الموضه السنه هذي ؟؟!!
اتلفت اطالع البنات
مافهمت قصده
السنه الي قبل الي فاتت كانت الموضه
الشنطه كلوي حقت القفل !
السنه الي فاتت
المارك جيكوب
السنه هذي الموووووضه
رجل (( ريال ))
طحت بالقاع من الضحك
وليدووووووو
من علمك هالحجي ؟؟
سمعت البنات يقولون !!
طيب وليدو اصحى حد يسمعك و ايش يقول عنك !!


هههههه


و خلص يومي الاول في مونترو
رديت الغرفه
ويا صاحباتي
غسلت خذيت شاور
و قعدنا في البلكونه
خلص اليوم الاول و ما اذكر الاحداث بالظبط او بالاحرى ماراح ارتب الاحداث
و ذلك لشي ما في نفس يعقوب

طرب
لي مع الطرب في هالرحله قصه

و ذلك بسبب احساسي القاتل في الهروب

ابي اهرب من شي شنو مدري


اندمج اندماج غير طبيعي

في الاغاني الي في اي بود او السيدي

واهيم هيمان غير طبيعي


في اليوم الاول كان السيدي

يحتوي على اغاني ناظم الغزالي


قولي ياحلو من الله جابك

هز الجرح قلبي من عذابك


جرح القلب من فرقاك

محد مثلي بمحبوبه تمحن

هم هذا نصيبي و انجبر بيه

لا اني اتوب و لا الله يهديه


قولي يا حلو اشجابك عليه

شملت الالم و الهم اذيه


و انا الي اجرحت ايدي باديه

هوييييييييتك و انت مغتر بجمالك


و في نهايه اليوم الاول اقولكم

الى كل رب اسره يسوق سياره في السفر

الله يعينك على وقفه الحمامات في الطريج
















18 comments:

PearL said...

لوووول ضحكتيني على سالفة المحامي اللي مع عياله


احس دقرة

عاد لازم بهاللحظات اهوه يسوي نفسه اللي عايش بسعادة
حتى لو كان ياي المطار واهوه متناجر



حلوة سفرة الرفيجات
وحلوة السفرة اللي مو مخطط لها

:)

MANAF said...

يا انتي




والله مو هينه

حركااااااااات



وين الصور

:)

الزين said...

وناسه

حسيت اني وياج

بس شوفي عاد
هالمره مسموحه
المره اليايه ريلي على ريلج

:)

اهم شي انج استانستي

وسالفة هيفا ضحكتنى
ليكون بس

:P

hamdool said...

يا صباح الخيــــــــر


والحمدلله عالسلامه

عسى يا رب تكون رحله حلوه
وتستانسين فـــيها يا رب


أول شي آنا وايد زعلان
لأنك تكلمتي بهالطريقه عن
هيفـــــــــــــــــــا

أول شي اللي سويتوه إنكم
إستغبتوا الحرمه .. ثاني
شي رميتوا المحصنـــــات
ثالث شي سببتولها الواوا

LOOOOOOOOOOOOOOOOOOOOOOOOL

ما قدرت أمسك نفسي خلاص

bs khal akammel

hehehehehehehehehehe

وبعدين واحده معاها سعودي
أصغر منها ونازلين من الغرفه
شمعناته!؟.. أكيد يسمعها
لحن جديد أو يلعبون أونو على ال
extra bed

HAHAHAHAHAHAHAHAHAHAHAHA

فحرام تحطون بذمتكم أوكي

الزين said...

اسمحي لي فطومه بس برد على حمدووووول

حرام ظلمنا المره

بس بسألك حمدول

لو كويتية بتغني الواوا شنو بتقول

وي وي

مادري

بترك لك الرد

:)))

Shaima'a Alkandari said...

حركاااااااااات لج معجبيييين منتى هينه
ومبين عليها رحله مميزه وكلها مفاجئات اللى نامو بالسياره وخصوصا بدايتها وكل هذا كوم والمحامي كوم ثاني

صج موقف ماكنت تتمنينه بس الدنيا كلها صدف

واغلب الصدف موشي

sologa-bologa said...

أول شي
الحمدلله على السلامة
ولو إنها متأخرة

وثاني شي
وصيتج بالسفر تسمعين أغنية
أمل حياتي
لأم كلثوم

مو ناظم الغزالي
:)

عموما الحمدلله على السلامة

ودمتم بحب وود

q8-diver said...

no comment 3ala el mo7amme ;p

The Simper said...

:)


^
|
|
|

a picture worths 1000 words ;)

Unknown said...

montroux !! alla yezeed elne3ma :)

lail7een placet vevy madri shesmha elman6aqa ?
o hamburger mal city !!

3al3omoom nice to hear from u again :)

عثماني said...

مساج الله بالخير اخيتي الغالية لوير

بوستج لوووويه

وايد سوالف

بس يازينج و يا زين سوالفج

صج استمتعت

Almas said...

الله وناسة

شطانة

وتمشي

وتغيير جو

عليج بالعافية

وخلي العذال يتحرمصوووووون من القهر

وزي اللوز

كملي وبعدين شصار

|:| DUBAI |:| said...

LoL '67kt mnn a3maq ba6ny walla

A55 inshalla yom yshofch mnn kthr ma raylch mstans 3laich ykon shalnch o ydoor feech :p


5a6ry a5th ebrah o anf5 feha 5dood haifa,,!

Em9eeba ilbnat 3dna mb em79lin rayl o hayil mnn rayal lain rayal!

Flirty said...

اقول
انتي اشسالفتج اليوم

حاطه على كل الناس اللي ما ارظا عليهم

نوبه تقولين هيفا ونوبه تقولين محامي

يوزي
:)

AseeL said...

عزيزتي هذا صاحبنا المحامي انتي تدرين اذا كان مرتاح في حياته او لأ؟
تدرين اذا كان مقتنع بزوجته وبيته أو لأ؟
تدرين اذا يخونها او بيتزوج عليها أو لأ؟

سنين عمرج ما ضاعت ولا خسرتيها في شقى ومع شريك جبرج القدر فيه
ولا هدرتيها في مجابل ويه ما تطيقينه
ولا بيهال كل ما تشوفين وييهم تذكرين ويه ما تبينه
قضيتيها مدللة ومرتاحة في بيت اهلج
وبوسط ربعج لا هم ولا نكد

ترى وايد بيوت من برة هالله هالله ومن داخل يعلم الله وبقلبهم الف حسرة لا يغرج

خليها على الله كان لازم تطلين بويهه وتقولين خذت اللي من قدرك وقدري غالي ومخشوش.. مو مهم تقضين اكثر سنينج بزواج المهم تقضينهم مع اللي تبينه وتتمنينه وتشوفين راحتج معاه

سوري هذرت وايد بس كلامج مثل كلام غالبية البنات اللي تأخروا بالزواج واستغرب هالنظرة

سفرة سعيدة :)

جنون إحساس said...

الحمدلله ع السلامة لوييير
هههه مسكين المحامي واهم شي صباب القهوه تخيلي عاد مأجرته ويسويلج فصله جدام المحامي ههههه حزتها لبسي غطوة مو بس نظاره


يالله اهم شي غيرتي جوواستانستي
وكل شي ملحوق عليه
:)

qesat_5ayal said...

هيفا مو طاحت عليها الطيارة
:P
صارت زينة

لنا عودة

جنة الحواس said...

بوستج يونس


تصدقين وايد أخاف من الموقف اللي انحطيتي فيه بالمطار


صج ما تنحسدين عليه