Tuesday, July 01, 2008

يوجا


في البوست الي فات وعدتكم اني اتكلم عن الشي
الي خلاني انزل عشره كيلو بدون رجيم ..

فعلا اليوجا
اي اليوجا لا تستغربون
قبل كنت بين فتره و فتره ادش كلاسات يوجا بالجيم
بس عادي ماكو شي
وعقب لما اسافر اتفلسف و ادش فيكلاسات يوجا مرا او مرتين
ولكن بصراحه ياربي اشووف هالممثلات و هالحريم الي اعمارهم
تصك الستين و اجسامهم تعقد و عرفت انها من اليوجا
و من اكثر من سنه و نص تقريبا
حاشتني فتره بحياتي وايد متعبه
لا انام
ولا ارتاح و تحت ظغط اكتئاب مو طبيعي
رحت حضرت كلاس يوجاا
وعقبها يبت مدربه عندي في البيت اتيني
3 او 4 مرات بالاسبوع لمده 4 شهور او اقل بشوي
وللاسف راحت المدربه الهنديه تعيش في كندا

كنت احب كلاس اليوجا وايد
لانه اثر في حياتي بشكل مو طبيعي
غير من عادات النووم السيئه
اليوجا مو مثل ما انتو شايفين في الافلام
واحد يتربع و يسكت ساعه
لأ اليوجا انوااع وايد
و الاكسرساااايزز الي نسويها مع اليوجا تحرق اكثر بوايد
لما تسوينها بدون يوجا ليش ؟ بفضل عمليه التنفس
الي تدخل الاوكسجين للجسم و تساعد في الحرق
انصحكم قبل لا تاخذون اليوجا تعلمو البريثينج الصح
ليش؟ لان اهو الاساس
عقب ما تتعلمون على اليوجا
و يصير جسمكم وايد مرن و كل شي سهل تسونه
راح تمارسون اليوجا يوميا بشكل لا شعوري
طول ما انتو قاعدين في المكتب بتمدون ريولكم و تاخذون نفس عميق
بعدها بلشت اروح كلاسات اليوجا في رويال حياه
مممم عادي نص نص مو سئ بس مو الي وااو
شريت سيدي و قمت انا اسوي في البيت في البدايه
بعدين خلاص الواحد يتعلم يسوي بنفسه
ما احتاج اقرا كتب عن اليوجا
بس احتاج اسوي سيرج بين فتره وفتره عشان اكون ابديت في هالموضوع
اتمنى صج اروح الهند اقعد اسبووع او عشر ايام في سبا او منتجع
مساجات و يوجا..
احس راح يعطيني اينرجي مو طبيعي
انصحكم باليوجا
مو بس عشان تضعفون
ولا عشان الصحه و اللياقه
ولكن عشان تطردون السموم من جسمكم
من خلال عمليه التنفس الصح
و كثره الماي
و الميديتاشين
الريلاكس
الي تقدر تسوي نظام مثل الديتوكس قبل اليوجا باسبوع يكون جدا ممتاز
او 21 يوم من غير لحوم و قهوه و شاي و تدخين لطرد السموم من الجسم
انا عشت فتره شهر من غير لحوم
فقط فواكه و بروتين نباتي
من غير خبز و لا باستا
ولا اجبان و لا حليب
فهذا الشي كان له فعل السحر على جسمي
و بشتري و صحتي و حياتي
ملاحظه تقدرون اتابعون المتخصصين في المايكروبويتك عشان تبدلون الاجبان في شنو و لكن انا ماحب حليب الصويا كلش
الا يمكن في البلاك كوفي ..
نعود لليوجا
انصحكم تدخلون امازون تطلبون سيدي في كلاسات و تمارين اليوجا
و تهيؤن الجو المناسب و يكون لكم خاص غرفتج او في البحر ايام الشتا
او اي مكان تحبينه و تكون الاضاءه خافته و موسيقى معينه او بدون هذي الاجواء كلها .. كل واحد و موده ...
الي بسافر في الصيف حرصو الفير اتمشون في اي بارك في اوربا
امريكا لندن .. دايما يكون في جروب يمارس اليوجاا من الصبح
راح تحسون بشعور مو طبيعي في اول ايامكم مع اليوجا
لان النوم راح يكون جدا عميق بفعل التمارين و التنفس




20 comments:

Blog 3amty said...

أول !


أرد من الدوانية وأعلق برب :p

2cool2care said...

وايد قالو ان اليوقا تنزل الوزن ووايد سووها وانتي وحده منهم

انا شخصيا خذيت بنصيحة من اثق فيه من غير ذكر اسامي صديق عزيز علي يدرب المنتخب في احد الفنون القتاليه

قالي اليوقه اتوقف نمو العقل وتأثر عليه

هذه رساله لا بد اني اذكرها

وقلتلج وايد ناس سوو يوقا ونزلو وزنهم

والله الحافظ

~FaHaD iN MiND~ said...
This comment has been removed by the author.
~FaHaD iN MiND~ said...

3ad tsadgeen ana men zeman bkha6rii at3alam yoga .. mo 3ashan shay bs a7es'haaa 7adhaa relaaaxxx o 3alam thany !!

Kuwait said...

وي وي وي أسوي يوغا ؟؟
خطر على عقلي يوقف من الخرعه :\
احنا مو مال يوغا كلش ..
احنا قولي لنا تسدحوا جدام التلفزيون ايييييييييي ..
بس قاعدين ومجابلين سي دي موفي ويح قلبي مو لايق علينااااااا ..

5roofa said...

تصدقين من صج كان ودي من فتره اين اجربها و اتردد انزين من وين يبتيي المدربة لي البيت ابيي منها؟؟

اذا تعرفين غيرها دليني عليها لانه استحي اروح بين ناس اسوي لووول و تيلي الضحكة العاده

او مكان اذا تعرفين يسوي جلسات لي بروحي لوول حدي نحيسه بس امبي احس اخذ راحتي اكثرر

salamz sis...

حسافتج يا كويت said...

من غير لحوم و قهوه و شاي و تدخين لطرد السموم من الجسم

أموت من غير هذيلة


لوير

باجر الصبح الساعة 8 بروح مجلس الأمة عند لجنة الظواهر الدخيلة وببلغ عنج إنتي وظاهرتج الدخيلة على المجتمع وكيفج عاد فججي مع هايف وربعة

Fahad Al Askr said...

عوافي

عــــــابره said...

عجبني حيييييييل موضوع اليوجا

انا بالاول كنت احسب انه اليوجا مو اي احد يسوي

لازم يكون واحد مررررن حيل علشان يسويه ..
واحسه ينرفزني بعد لانه حركاته بطئيه وانا ماحب جذيه

بس كلامج اقنعني وحببني بالموضوع وخلاني احب اقرا عنه اكثر واكثر

ومادري شنو نسوي قبل مانمارس اليوجا شي قلتيه بس مافهمته يعني شنو .؟؟

اما من ناحيه الاكل الي نمتع فيه هذا اكل الرجيم لااا دهون زايده

خوش شي وحببتي اكثر اقرى عنه

Blog 3amty said...

ماني فاهم .. سويلنا كلاسات تدريب انا وعمتي !

lawyer said...

بلوق عمتك

الوعد اليووم في بحر شويخ يييب انت و عمتك دوااشجكم و نطرووني

:PPpp


توكول تو كير

خرعتني في سالفه توقف العقل

ببحث فيها


وايد اتظعف و تحرق فوق ما اتصور




فهد ان مايند
حداااااااا

وهذا يعتمد وايد على الي تسويلج
عرفتاي




كويت
قلتها قبلج
وكاني اشزيني اسووووووووي
لا تخافيييييييييييين وناااااسه
و تشد الجسم شد مو طبيعي



خروفا
الحين ماعندي رقم وحده معينه بس وايد بنات اعرف ايبون هنديات
او في وحده امريكيه في الجابريه تعطي في بيتها
و في ثانيه بسلوى بعد

تقدرين الحين تروحين رويال حياه
تاخذين كلاسات برايفت في اليوجا بس يوجا من غير الجم

وايد احسنلج




حساااااااافتج يا كويت
ياااااااربي جرب اشخااصر
الحين انت مو تصووم عن الزقاير برمضان
و الشاي و القهوه

انزين لا تقطع الشاي و القهوه

خفف الزقاير و اقطع اللحوم
فكرووووووو في صحتكم شوي ..

ترا هالجسم يتعب من هالسمووم

و الدهون

واحنا بس نزيد عليه بالاكل المضر

اشفيها اذا تغدييت شوربه خضار
او عدل
و يا عيش اسمر مطبوخ بالشبنت و الباجلا الخضرا

او اشفيه السمك او السالمون

و لي اصر العصاري حطيت لك فروت سلاط او من هالميوه الطيبه

و بالليل كورن فليكس و حليب
او باجلا و نخي

مو رجييييييييم بس تنظيييييييف


اييييييييييييييييي روووووووح
رووووووووووح

اذا قدرووووووو عليه
هييييييييييين

;PPp



بوعسكر

يعافيييييييييييك حبيب ألبي




عابره
شوفاي اهم شي قبل لا تسوين يوجا لازم تكونين قبلها في 3 ساعات مو ماكله شي
او ساعتين

ثاني شي البريثينج الي اهو التنفس
اشلون اتنفسين صح
و اتنفسييييين بعمق

تنظمين عمليه الشهيق و الزفير عندج

يعني و انتي تاخذين شهيق
عدي من الواحد لي السته
ومسكي النفس و عدي من الواحد لي الاربع

و بعدين زفير عدااي من الواحد لي الثمانيه

و مرات اذا قاعده جذي بدارج ماعندج شي
طلعي الهوا من جسمج يعني سواي 20 مرا زفييييييير
مع تحريك البطن
من خشمج بسسسسس

القرايه ما تنفع في البدايه
اول شي الممارسه
بعدييييييين القرايه وايد احسن

وسألي عن مدربات يسوون في بيوتهم يوجاا

ترا اكو بالكويت بس انا ماعرف وايد

الامريكيه الي اعرفها بطلت و الهنديه سافرت

Broke said...

أنا جربتها كذا مرة بس ما إستمريت فيها .. و صار لي فترة منقطعة عنها

شوقتيني ... المفروض ألتزم فيها هالصيف ..بما إني بطالية و ماكو سفرة

::

و صح كلامج .. أنا جربت أعيش أسبوع من غير لحم و دجاج .. فرق علي الوضع وايد ..من جميع النواحي


بس الإستمرارية يبي لها إرادة

Lonsome said...

ودي أتعلمها بس يقولون اذا تعلمتيها من الأساس غلط بتكون مضارها أكثر من منافعها
و اهم شي تسوينها على معده خاليه

بس يقولون تعور العظام :)

5roofa said...

برووح لوول بس ورة ما ارد ما بقا شي على السفره ما يسوى اسوي الحين و اقطعها عقب

مشكووورة حبيبتيي

salamz.....

قلب طفله said...

تصدقين حدي اشوفها

بالافلام و البرامج و يضيق خلقي

بس ما يندرى لو اجربها

يعطيج العافيه ع المعلومات :)

ray said...

lol yeah right, as if I can ever live a day without meat, heheh

أنا أعطيج النقيض :P
اكلي لحوم لمدة شهر كامل مع رياضة

your muscle mass will double in size AND you'll have a great metabolism ;)

JooJ o MaJooJ said...

لوير احب اقرالج دايما
وكل يوم الصبح لازم اصبح عل بلوقج
الله يوفقج
اما بخصوص موضوعج، فعلا اليوجا عجيبة
حتى النفسية اتحسن
من اخلص من اليوجا احس اني نشيطة وابي اطلع و اروح كل مكان
بس اهي ما تضعف.. بس تشد
يعني اذا انتي سويتي رجيم و ضعفتي سوي يوجا وايد بيفرق الجسم و اتنسق
MaJooJ :)

5roofa said...

لوير سؤااااااااااال لووول الرجيم الي قلتي قبل لازم اشرب ماي اثناء و قبل؟؟ مايصير بس بعد

انقثيت و انا اشرب ماي اثناء لووول احس بطني انتفخ

salmaz...

lawyer said...

برووووووووووك
انتااااااي انسااي انج ما كليتااااااي لحم او دياي و يصير الوضع عاددددددددي والله

وانصحج في اليوجا شي خيال اذا مالج خلق مكان دشاي امازون و طلباي سيدي و سوااي ويااه

مشكلتي انا العيز ابي كل شي بالبيت




لونسوم
اول اسبووووووووع بس الي اتفجج اعظامج

واي لازم ماتكونين ماكله قبلها في 3 ساعات




خروفا
عييييييييييل انصحج اتبلشيين شهر 11 عقب رمضان على البراد






قلب طفله
الله يعافييييييييج

لا صدقيني جربيهاااااا بتستانسيييييين





راي

لاااااااااا ماعبر اصلا

جان اصير مجسسسسسسسسسسسمه
هاهاهاهاهاهاها

انا الحمدلله من 23 جون ما كليت لحم او ديااااااااااي الله يثبتنا ..





جوج و مؤجوج

قرييييييييييت نكج مت خرررررررعه
ههههههههههههههههههههههه

يسعدلي هالصبااااااااح
اتمنى عيل اني ما اعكر صباااااحج يا اخيتي

اي اهي تحرررررررق و تشد
و الحلو فيها ان السااااالف ما تصير بس ظعف وزن لا
بالانششششش بعد
هذاااااااا الزين

تشرفنا فييييييييج يالغاليه

حياج





خروفا
اهوووووووووووووو الهدف انج تشبعين
خلاص شرباي قبل و بعد بالليموووووووونه

و بين الوجبااااااااات


يلا يلا بشريناااااااااااا

bin3li said...

ساعة قاعد أتهجى بريثنج طلعت تنفس
:P

انزين سوي دروس محلية على يوتيوب