دوامنا الخطابات فيه اكثر من الموظفات
شي شي عجيب نماين
خطابه توزع كروت
و خطابه اتيكم كاشخه بتايير و عبات جنها رايحه عزا
لاااا و الضحك يعني منخشه في نظاره شمسيه
المهم صار اليوم موقف لا يحسد عليه
ابيه ترا شباب الكويت مساكين
انزين الي ما يبي يحب و لا يبي يتعرف يبي زواج عادي شسوي؟؟
لازم ينقرد ويا الخطايات؟؟
اعوذ بالله
ترا انا اهني مو قاعد اذمهم بس ترا صج في الكويت الخطابه شغله نصب
اليوم انا شفت فيلم فيلم
صبحت الصبح في مكتبي على الساعه 9 جذي الا وحده تحوس واتدور مظيعه
مدري ليش انا شكلي بالويه فكلا ايوون عندي
الخطابه: اقول اختي اتعرفين فلانه الفلاني
انا : اي
الخطابه : وين مكتبها
ودليتها المكتب
شوي والا الخطابه راده
و مستانسه و الويه يضحك شكلها يازتلها
ردت اتشكر مني و تسألني انتي متزوجه ؟؟
انا : وعنديييييييييييييي عيااااااااااااااااااال بعد الله يخليهم لي
سلمت و راحت
بعد ساعه او يمكن اكثر
ردت الخطابه وياهااا مرة ثانيه و طاايره هههههههههه داله الطريج
يتني ضحكه وهم فيني بلاغه الشف
سويت نفسي بدش على المدير و بروح اطمش
يوووووووم رحت والا انصدم
الخطابه و يا المره واقفين جنهم رقيه و سبيجه يخزون بس مايعرفون
لان مجابلين البنت
والمره الثانيه تأشر حق وااحد و تروح
فشي طبيعي ان هذي الخطابه يايه ويا الام و الولد
والام يعني جاكه الحركه بتشوفها وادلي ولدهاا
ماوعيييييييت الا الخطابه يتني طايره
انحشششششششششت دشيت مكتبي
الخطابه : اشلونج بنيتي
شفنا رفيجتج الي قلتي عنها والله اشحلوها اتهبل
انا : علاااااااامه استفهااااام و 600000 تعجب!!
((رفييييييييييجتي )) انااااااا
والخطابه اسمعها بصوت واطي اتصفصف حجي حق الام ان البنت سنعه و تهبل و خوش بنت و الكل يمدح فيها
وانها سألتني اناااااااا و مدحت فيها لين قلت بسسسسسس!!!
الحين انا متى مدحت !! متى عرررررررررفتج اصلا واااااااااااااااااي جذاابه
الشهد لله ام الولد ما فجت حلجها شكلها مدبسه في الخطابه
وشكلها اول مره اتيييي اتشوف بنت في الدوام .. و شكلها وايد كلاس مدري اشلون حاطه حق ولدها خطابه
يتني ام الولد تسلم و تتشكر !! على شي انا ما سويته
و طلبت مني اني انادي البنت يشوفونها ويكلومنها
اعتذرت لها ان ما اقدر لان مالي شغل في شغلها بس
اقدر ادبر طريقه ..
قلت لها خالتي انا ماعندي بين هذا القسم اي شغل مشترك
وانا اصلا قسمي ماعندي ولا مره ولا شغل مع حريم يعني مشكوفه السالفه
بس هل المهم عندكم انتو تكلمونها او الولد يشوف ؟؟
الخطابه الملقوفه : لاااااا احنا مهم
الام السنعه : لا المهم ولدي
قلت لهم خلاص خل يتفضل الولد يقعد و انتو خلكم بره بس بعيد عشان محد يحس
مسكييييييين دش الولد سلم
مسسسسسسسسسسسسسسسسستحي و منحرررررررررررررررررررج
و مبتلششششش في هالي يايبتهم
الريال قعد وانا استأذنت اني بروح اسوي شغله دقيقه و ارد
رحت داخل و اتصلت على مسؤله البنت لاني امون عليها قلت لها فلانه انا ما امووووووووون على الي عندج بس بليز انا عندي واحد بشوفها قوليلها اتييب ملف و اتيني بس شوفيها خترتب روحها و اتييييي
و بدش مكتبي الحين بدق عليج اطلبها جنج ما تدرين
اشتتتتتتتتتتتتتتتتتتتتتتتتغلت خطابه اخر عمري !!!!
اشتتتتتتتتتتتتتتتتتتتتتتتتغلت خطابه اخر عمري !!!!
رجعت المكتب و بكل رسميه دقيت على رفيجتي قلت لها ابي الملف الفلاني ياريت تدزينه لي ويا فلانه الفلاني
دقيقتين والا الاخت يااااايه ماده البوووووووووز
و عاقده النونه
البنت: استااااااذه انتي طالبه القرارات !!
انا : هلا فلانه اشلوونج ؟؟ وانا مبتسسسسمه جوود الاخت تبتسسسسم
ماكو فايده ... اي انا طالبتهم عشان اقارنهم .. (( كلامي ماله معنى ابدا ))
البنت معصبه حطتهم و راااااااااحت و اهي طالعه عطتني نظره و قالت : اذا خلصتوا خلي احد يردهم
و مشت !!!!!!!!!!!
تشكر الولد بكل ادب و قام
و يت الام تتشكر و الخطابه مستانسه و مدحت في البنت
و الولد كلش البنت ماعجبته لا شكلا و لا اسلوبااااا و عقد النونه على امه الفقيره و مشى راح دوامه على قولته مستعيل ههههههههههههههه
و قاموا يتناقشون عندي الام و الخطابه .. هههههههههه
وراحواا
ما سكت ولاخليت في قلبي
رحت حق البنت و يوم شافتني مدت البوز و رحت يمها قلت لها فلانه مشكوره على الفايل انا مابي منه شي
انا بس اببج انتي تيين لان الي كان عندي بشوفج ذاكرينج له و مادحينج و ياي الدوام يشوفج و كنت بسولف وياج و اهو يسولف عشان تاخذين و تعطين احسن عرفتي و عطيتها ظهري و مشيت
ابيييييييييه لا تشوفون ويه البنت
مصدوووووووووومه
وحدهاااااااااااا متحسسسسسسسفه
و عرفتوا الي فجأه بثانيه وحده عطتني وووووووووووويه البراءه
و التمسكن
ترا صج سوالف ووهقه سالفه
الشوفه في الدوام
يالله خنروح اكمل شغلي ويا هاللويه
بس صصصج سولي جووووووو
17 comments:
يحليلج فطومة مو يقولون يا بخت من وفق راسين في الحلال
يا بختج بس ما يندري تضبط ولا لا
بس همن مو حلوة الطريقة اي خطبوها من بيتهاوعطوها فرصة تتعدل وتتسنع
والله شكلي باشتغل معاج خطابة
:)
هههه
ونااااسه خل اي اشتغل عندكم
على الاقل كل يوم اكشن احسن من الغثى الي عندي
:)
والله هالسوالف ضحك
أذكر اخوي مره بشوف وحده قالوله رح ماكي اهي هناك
طبعا منهو المقرود حمال أسية المقبلين على الزواج انا كتمويه
وصوب البنات بنت خالتي
البنت ما تدري
تعالي شوفها واهي اطق طقققق بهالسوشي
اتوقع لو تدري ان احد بشوفها كرهت عمرها
ومره بالدوام وغيره وغيرة
بس انا سالفة الخطابة ما احبها
حلاته أمك او خالتك او يدتك تشوفلك
:)
طبعا الله ياجرج صج ماقصرتي..
الشي الثاني.. صعبه الريال يقرر من شوفه وحده، يعني اليوم انتي طيبة وموجودة.. باجر وين يحصل احد يتلقاه.. فرضا طاحوا عليهم شتسوون وطردوهم..
يعني راح يكون موقف لايحسدون عليه..
اهم شي انج مدحتيها حق الخطابة :)
تقول البنت مدحتها لي وايد زينه ههههه
والله مشكله هالخطبة لا الاهل يبونها طويله عشان يتعرفون على بعض.. ولا اللي هي سهله تعال وصير جيمس بوند عشان تشوف..
مشكورة عالقصة الحلوة
اهم شي خطابه
منو يتزوج عن طريق خطابه ؟؟؟ مو صاحين الشباب
ya3ni why don't people go strait and do it!! why are we still in this messed up system?? etha yabi.. eroo7 bait ha! if not.. he goes directly to her.. or salfat el kha6aba she can sit with them in a RESPECTED place and they can talk informally.. i don't see the 2 actions in a same view: ero7laha el dawam o etakhashash or he can meet her in a place and talk to her!
elli yisma3 egool kilish he would know what he is getting..
alah e3eenich 3ala mokankom ... ya ostaza kha66aba :)
دام عندج حسن تدبير
ما كان فيه داعي للخطابة اللمظة
!!!!
لو جاي لج مباشرة أحسن له دام تحبين المساعدة
ولج أجر إنشاء الله
والله يوفقج
:)
لوووووول
مسكيييينه
حدهااا متحسفه احس
اتوقع من باجر بتمشي وتتبوسم بالدوام
;p
والله فلم هالخطابات
LoL
حدهم سوولج جو
ماااحب اسلوب الخطاباااات
:\
احس جذب
:s
خوش سالفة لى هالصبح
صباحج خير
:)
فطومه ذكرتيني بطاش ما طاش
الله يعينج يا فطيم على هالمواقف
البايخه
والبنت مسكينه ...راحت عليها
بس صج ...ما عندهم سالفه
البنات ترس الديره
ماله داعي الواحد يرووووووح حق خطااااابه
اتصدقين مره كنت قاعده بالشركه
والا وحده موظفه قاعده تسولفلي عن
خطابه داقه عليها مادري منيين يايبه رقمها
ولا تتشرط عليها تقولها اذا صار نصيب تبي 500 دينا لانه الي يايبته لها على قولتها هاااامور
ههههههههههه
وولد عايله !!انزين ولد عايله وهامور ويطر بنات ما ترهم كلش
!!!
عشان جذي لازم الواحد دايماً يكون مبتسم بالدوام و يتصف بخلق حسن
يلا انشالله باجر اتوظف و مسؤولتي تناديني تقولي تعال ييبلي الملفات الفلانية ,, عاد جذي كل ما مسؤولتي تقولي ييب ملف انا اضبط غترتي و اغرق عمري بالريحة ;Pp
لووووول بوستج حده يونّس
ثانكس على البوست اللطيف و يعطيج الف عافية
:)
loooooool
ناسه انا بيي عندج الدوام اشوف هالافلام لوول
جود انخطب
لوووووووول
بس عاد ها مدحيني
لوووووووووووووووول
;pp
وييه الله ياجرج و يعينج على ما بلاج :)
كان مكتبي ملتقى الاحبه للشوفات
و زوجت ثنتين الحمد الله بالمكتب المبارك:)
الفال لج ان شاءلله:) و تضبط المره اليايه
خنت حيلي الموظفه يوبولها مساج حق حلجها بنهايه الدوام بتمشي و اتبوسم
صباااااااحكم خير
و صباااااحكم مطر
امس الجووووو قاتل قاااااتل
واي تعليقاتكم صصصصصج تونس
بس انتووووووو نسيتاو شي
اولا ان انا صصصصج مفتشششششله
لان البنت المفروووووض انا الي ذاكرتها و مادحتها
فاشلووووووووون انا ذاكره وحده حاذفه الملف في ويهي و متخصرتلي عند الباااااااااااااب!!!
هههههههههههههههه
سويت
بعد قلبي هذا لو انا صج وفقت بس هذولاااااا جك بوم خلوني خطابه وانا مدري
اي المفروض البنت يكون عندها خبر بدليل اني قلت حق الي دزتها لكن طلع ان مسؤلتها عندها ناس فماقدرت تقول جدامهم
عاد انا وايد اذكر حق زواج وكلا يسؤلوني بس لي الحين ما صرت خطاااابه
الخيلاء
حيااااااج حياااااج
على الاقل تعالي جابلي الي قباااااالي
عشاااااان يا تذبحينه يا يذبحج
كلجكي
الصراحه استحيت وانحرجت من كلامك
متأكدييييين ان هالبنت مو انا ؟؟
(( عيوني قامت اتلاقط بالهوا ))
لاني الصراحه اناااا في ماكي مدري ليش اندف نداااااف السوشي
وكأأأأأأنه موش او قبوووووط موو سوشي
:pPp
هاهاهاهاهاهاها
اي صااااج حلاته احد ذاكرها حتى و ان كان الربع
استاذ حمام
الله يسلمك
صح فعلا كلامك اشلون الريال يقرر من النظره الاولى
انا اتوقع النظره الاولى معناها القبوووول
واهو يمكن ما تقبلها او ما تقبل اسلوبها و طريقتهاااا
لا تنسى ان جدام عريس الغفله انا الي ماحه و جك بوم انرقع الفايل في ويهي اشلوووووووووون تعامل رفيجتها جذي هذي لوووووو غرب شتسوي
هههههه
ايييييييييي سااااالفه المدح و كأنه الموضوع طلب خداامه موووو زواج
مهندس
ههههههههههههههه شوف الحين في هالزمن اذا شفت بنت وايد زيييييييينه فجأه خذت واحد واااايد مقصوووووص عليها فيه اعرف من خطابه لان لا يعقل هالبنت بتطييييح على هالريال من وين يابته
سمبر
شنو كانت قهوتك اليوم؟؟
والله مدري ليش الناااس ما يروحوووون على طول و طق الباااااب صااااج
اي والله الصراحه انا مره وايد احترمت الريال الي ياييييييييني الدوام طق الباااااااب و قعد و عرف بنفسسه و حده كاااان واثق برووووحه و فخور في نفسه و عادي طبيعي
بس ريال عن ريال يفرق في رياااييل يستحون و البلووووووووووة خوفك من هالي يستتتتتتحي
و يسوووووي نفسه شاااي
لان البلاوي كلها تطلع منه
على قولتك اشدعوه بعرف شي عنها جذي و الا جذي اهو في النهايه مغشووووش ههههههه
ربنا يخليييييك يارب
نيكووووون
وااااي سكتاي دبسووووووني ويني وين حسن التدبير
ابتشلت فيهم
الله يسسسسلم عمرج
البلوة ان في دوامنا من جم سنه واحد يااااااي يشوف وحده قامت البنت الي في المكتب الي يمها قالت له اهي انخطبت !!!
بس اذا تبي اناااااا اقدر اساعدك و اذكرك خوووووش بنات و لقطه الريال حق اختهااااااا
اشراااااايج
دوامنا صك على دوامكم صصصصصح هههههههه
الا نرجع لمحور حديثناااااا مديركم الساااااابق اشصااار عليه :D
سنعه
من صارت السالفه ما شفتهاااا ما تمر صوبنا كلش
هههههههههههههه
قصه خيال
صباااااااحج ديمااااااا اليوووووووم
اي فعلا سولي جووووو بس البنت راحت قالت حق نص الدوااام ان اناااااااااا يااااايبتها ريل !!!!!!!!!
الحين عاد اخذااااي شغل المووووووجه عبالها شي
صباااااا
هههههههههههههههههه
طاااااااش ما طااااااش بسسسس؟؟؟؟؟
الله وكييييلج الي في طاش ماطاش ولا شي عندنااااااا
اي والله البنات ترس الديره
لا شووووووفاي انا بكتب بووووست كامل الحين عن سالفه الخطابه حرضتيني هههههههههه
اهو يصير ان واحد يكون عند خطابه و هاموووووور بس يكووووووون اصلا ما يدري ان الام حاطته عند خطااااابه و الا يددددددته
ههههههههههه ابيه صج خليتي ابي اكتب بووووست هههههههههههههههه
دونجوان
لووووووووووووووول
تعال عندي انا اظبطك
اسويلك نفس ولد عمي ذبحني دوريلي دوريلي و كل ما قالولي عن بنت اطلعت في تشتغل في بيت التمويل !!
قاااااام يزفني اخر شي هذي اشلووووون بروووووووح لهاااااا بالله !!!
تروووووث
العفووووووو حبي
الله يعافيييييج
واي مي
لووووووووووووووووول
اي اذا احد سألني عنج بقووووووله
مثلهاااااا الاعلى رووووبي
و اهي من عشاااق روبي و علييييك القيااااااس
ههههههههههههههههههه
مهره
وناااااسه ياحليلج والله انتي الي لج الاججججججججر
ههههههههههههههههههههه
ماشفتها ما وطوطت صوبناااا كلش من ذاك اليووووووم
لوووول اهم شي البنت مبوزه
لا الناس صاروو مادري شلون
تخيلي انا كنت رايحه المارينا وكنت بالحذاء المريح اقايس شوز
حسيت بوحده تلحقني بس قلت لا يمكن انا يتراوالي
المهم وانااتمشي بالمحل
جان اتقولي لو سمتحي انتي جم عمرج
؟
انا طبعا استغربت ورديت عليها وقلت !!
ليش انتي جم تعطيني
تهقين جم عمري يعني
جان اتقولي يعني 22 قلت لها لا24
جان اتقولي منو بنته
انا هني !!
المهم قلت ليش يعني
وطبعا استرسلت بالمحجي
اندور لولدنازوجه وانتي الصراحه عجبتني!!!!
انا ودي اطلع بس شنو المشكله انه الشوز بريلي للمحل لوووول
طبعا لفيت ولا رديت عليها وبسرعه بحركه بهلوانيه مادري اشلون حذفت الشوز وطلعت
احمد ربي اني ماطلعت حافيه بس
تبين الصج انصدمت
يعني اتوقع انه توصل الخطابه للدوام بس بالسوق هذي مادري شنو اقول عنها
؛p
عيـل بهالحالـه البنـات لازم
24 ساعـه يصيرون smile faces :p
أحسهـا أكرهـت الساعـه ألـي نفّست بويهج
Post a Comment