Monday, March 02, 2009

ليش نستغل بعض ؟

اتصلت علي صديقتي اليوم الصبح بالدوام و طبعا لاني وايد مشغوله فهروبا من الواقع المرير في عملي قطيت الشغل و جابلتها ..رفيجتي مستائه جدا من بنات دوامها .. و من كميه الاستغلال الي في الدنيا فقترحت عليها انها ابدا مجرد تسلم عليهم و ما تقعد وياهم

ولاني اعرف رفيجتي عدل اهي ما تقدر تقعد بروحها او ما تقدر تكون مو حليويه لانها جدا طيبه ومعطائه لاقصى درجه .. فالناس وايد مستغلين حبها للعطاء في انهم ياخذون منها كل طاقتها في المشاعر و العمل..

فهونت عليها بالاول وقلت لها شوفي حبيبتي .. اذا صار الصبح شيكي ايميلج و جابلي شغلج و سلام سلام ياربي اذا هذولا ناس سئين مو مجبوره تعاشرينهم لانه ماكو غيرهم

اعرف وايد من رفيجاتي جذي مستحميلن صديقاتهم او بنات في شغلهم على ابو انه اذا ما قعدت ويا فلانه عيل من بقعد وياه؟؟

واعرف وايد بنات ما يتواطنون و بينهم وايد مشاكل و كل وحده شايله في قلبها على الثانيه بس لا يتصافون ولا يتواجهون و لا يفترقون فقط لانها تعودت عليها و من عندها بعدين احد تطلع وياه؟؟

انا احس ان في طرف في هالعلاقه يكون استغلالي و الطرف الاخر مستغل ..

الدنيا صارت تخرع و الناس كل مالها و نكتشف ان في نماين بالدنيا وايد وايد لئيمه و يعرفون يخشون خبثهم و يستغلون الي جدامهم فقط لارضاء اشياء في نفسهم

مسكينه رفيجتي زدت عليها في الجيله اليوم قلت لها شوفاي فلانه هذي ما تحبج ولا تدري عن هوا دارج هذي فقط اتحس انها عايشه و ابديت في الحياه و تستغل فيج انج وايد تلبسين و تكشخين و مسنعتها و لازقه فيج فقط لانها تغيرت 180 درجه من رافجتيها فانتي اثريتاي حياتها و انقلتي الجانب الايجابي منج لها واهي مايابتلج الا الهم و الكدر

واي فعلا اتنرفز لما اشوف ناس طيبين وايد و مستغلين شي يعور قلبي
هذاك اليوم وحده من البنات سوتلي ادد في المسن اهي بلوقر و توها كانت داشه عالم البلوقات وايد ياهل مدري فظيخ مدري انا النسره

يتني بكل هيمان تسألني عن فلان وهم بلوقر و عايش بينا هالريال متزوج و طايح وياها ليل و نهار مجابلها و منجذبه اهي له وايد واهو معطيها ويه قمت انا خبقت الزبيل قلت لها فلان ترا متزوج !بغت البنت تنجلط ! قلت بقلبي ويه انا شالله بلشني و قلت لهااااا مسكينه الحين بستاثم فيها
فكانت تقولي ليش متزوج و يسوي جذي؟؟
بكل هدوء قلت لها عااادي الكويتين ما يصيعون الا اذا عقب ما يتزوجون
تلاقين مرته طاقته بنعال و عندها صاير ديايه فمو قادر يصير ريال الا عندج
ولا يشعر برجولته الا معاج فعشان جذي مجابلج

ومسكينه بعدين البنت ماشفتها من يومها
وقعدت افكر صج مو بس في الرياييل حتى في الحريم في البشر ككل ليش في ناس تستغل ناس ؟ فقط لارضاء غرورهم و اشباع حاجاتهم بضرر لا يتناسب ابدا مع كم العطاء الي من الطرف الاخر ..
ليش في بنات يستغلون حب صديقاتهم لهم و مايراعون لا احساسهم ولا مشاعرهم فقط المهم ياخذون و ما يعطون و اخذ بلا مقابل
ليش الاستغلال في العمل
في البيت و حتى مع الام المسكينه

ليش نستغل بعض ؟؟

24 comments:

The Simper said...

el dinya feeha zain o shain..
el dinya feeha 9a7 o ghala6..
el dinya feeha abyath o aswad..
el dinya feeha thulm o 3adil..

so.. el dinya is both: madrisa and exam! and in this case, do u think all people want to study? do u think all have studied well?? do u think all who studied can pass the exam?? do u think all like exams??

i don't know exactly how to answer ur Q, but i think LIFE matters can easily be answered when you can show their similarities to well known situations like SCHOOL and EXAMS and link life to them!

Mohammad Al-Yousifi said...

too much swalef 7areem

:)

ReLaaaX said...

باختصااار شديــد

لأن هذي الدنيا !

والله مالقيت جواب على هالاسئلة لأني وايد تييني هالتساؤلات وما الاقي لها جواب :///


شاللي يحر زياده لما تصير هاللي تستغلج رفيجتج !!!!! وعلى بو رفيجتج كارفتج كرف اليهد !!!!! استحي على ويهج عييييييب ياويه استح خلااااااااااااص عووووووووووووع ماسوت علي رافجتج !!!!


الناس اللي يستغلون بالشغل هذيل اتوقع سهل الواحد يتعامل معاهم باختصار : لأ مااقدر وخلص الموضوع


آنا وحده احب اساعد خصوصا اذا المساعده بمجالي وبشي أقدر اساعد فيه بس مو لدرجة اني اشتغل عند هالناس واهما قاعدين بطاليه وبالنهاية كلنا نفس الشي لا يبا محد احسن من احد
--> الشغل علمني اصير مشروع شيطان ;p

violinist_q8 said...

قبل لا نسال نفسنا ليش نستغل بعض
احنا ليش نعرض نفسنا للاستغلال ؟

شخص ادري يستغلني بس اقعد معاه عشان ماكون بروحي؟

شخص ادري يستغلني بس اقعد معاه عشان طيبتي ؟

اختي

اول شي الواحد المفروض يتفاهم مع نفسه ويكون عارف شنو يبي بالضبط
مثلا الحاله الي ذكرتيها اهي عارفه انها تتعرض للاستغلال بس ماتبي تقعد بروحها ؟ فهالشي اهي الي يابته لنفسها

اما سالفة الطيبه لما تكون مو بوقتها فهذي سذاجه واهي تستاهل تكون مع ناس احسن .. تضيع وقتها بشغلها احسن من مجابلهم
الله يكون بعونها

Kuwait said...

@@
منو هذا ؟؟
مو ملقوفه نهائيا<---

7osen said...

لأن هذي الدنيا

فيها إللي يستغل
وفيها الطيب إللي بسرعة ينقص عليه

وفيها وفيها

هذي سنة الحياة إن في ناس سيئة وفي ناس زينة


بس لما تكون طيب
إنت هنيه إنسان حقيقي
حتى لو استغلوك

العيب يكون فيهم مو فيك

Eng_Q8 said...

ولييييين ليش فضحتيني :p

=====

بس بصراحه من الاساس شكو اهي معطته ويه وشكو مكلمته من الاول

قلعتها

مركبنا said...

ليش نستغل بعض ؟
لانا ما شبعنا انفسنا
لو الواحد كان متشبع من حاجاته سواء الرضى عن النفس - الثقة - الحب
جان شفتي شلون الوضع عادي
بس الي ناقص عادتا يحاول يكمل نفسه عند غيره


موضوع رائع اختي

esTeKaNa said...

صباح الشوق والوله
انتي ما ولهتي علي؟
:Pp~

فطومة الجميلة

وجود فراغ في عالمنا
لا يعني ان نسكن اي شخص في هذا الفراغ
!!
بمعنى..ما يكون عندي صديقة
افضل مليون مرة من ان يكون عندي بنت اسميها صديقة ولكنها تنهشني من وراي وتتعبني بتصرفاتها وتعتاش علي
الاهل..قدر
ولكن الصداقه اختيار
فليش اتعب نفسي بشي انا ماني مجبوره عليه؟
علاقات الدوام ،الدراسه او اي مكان ينفرض فيه ناس معينين
ممكن ان نتعامل معهم برقي مع التأكيد على وجود مساحة تمنع اي شخص من تعديها



شئ آخر:
الحياة ليست ابيض واسود
لا يوجد طرف استغل وطرف اخر مستغل بالكليه
لا
!!
حتى البلوقر التي تكلمت معك
هي من فتحت باب لتنجرح
وهي من استغلت وجوده بقربها
في نسبه خطأ من الشخصين
وليس من الرجل فقط
لاعرف الطرفين
ولكن..دعيها هي تكتشف عالمها
دون ان تنقلي لها اي معلومه
فطومه
تتعور اليوم
تتعلم بكره
وقولي ما قالت استكانة
:)


جني كتبت اكثر من البوست
كيفج عاد
من زمان ما سولفت هني
:pP~

Diver said...

ببساطة
لما تقتنعين انج احسن من الناس راح توصلين الا انج تبررين لنفسج انج تستغلينهم لانهم ادنى منج

nanonano said...

تصدقين أنا بطلت أنصح الآخرين

لأن محّد يسمع

و اللي أهمه عليه..عليه

فليش أعور قلبي

صدقيني..ماكو أحد ما يدري أن قاعد يُسْتغلْ

بس كل واحد أمشي الموضوع لأرضاء غايه في أنفسهم

Unknown said...

:S اشوة اني اختار ربعي نقوة وما احب امشي مع أي احد
ربعي وايد اي بس اصدقائي شوية

nikon 8 said...

مثل ما الدنيا إنترست من الناس الإستغلاليين ... صار أيضا اللي ينصح عدو .. أو نصيحته وراها هدف ...
اللي يسوي خير لله صار عليه علامة إستفهام
؟؟؟؟
ليش ؟ وشنو قصده ؟
زمن النصيحة بجمل ولي من عودة
وخلي النصايح للي يقدرها ويسمع الكلام العاقل
:)
على فكرة مديرنا نفذ بجلده وطلب إحالة للتقاعد
مو قادر على المنافسة الشديدة عليه
:)
حسافة كان مسلسل ممتع لنا ومسلينا بالدوام
اللي تغيب تسأل ها إشصار اليوم بالدوام
:)

الأستاذ حمام said...

الموضوع عن استغلال الصديقات ولا علاقات مابعد الزواج؟

الى الان مااشوف مواضيع البنت الكويتية تستحق الاهتمام.. لي متى فلان وفلانه وقال وسوى؟

عالعموم انا عجبتني عاطفة الحنان عل من يتم استغلالها.. ولم تعجبني مراقبة الناس وهذا وهذه وشنو قالوا..

حبيت اطرح رأيي وان شاء الله اكون ضيف خفيف عليكم..

enter-q8 said...

بكل هدوء قلت لها عااادي الكويتين ما يصيعون الا اذا عقب ما يتزوجون
تلاقين مرته طاقته بنعال و عندها صاير ديايه فمو قادر يصير ريال الا عندج
ولا يشعر برجولته الا معاج فعشان جذي مجابلج

الله الله يا كبرها عند الله
اشوه اني كنت صايع و بعدين تزوجت

lawyer said...

صبحكم الله بالخير

اعااااااني من ضغط شغل رهيب و في نفس الوقت قصب برد على الكومنتااااات

شعور بايخ


قبل لا اعلق عليكم واحد واحد حبيت اقولكم شغله ابييييه انا استشفيييييت انكم فعلا ناس طبيعييييييين

وايد وايد اموووور راح اوضحها بعدين بس اشوووووووووة ربعي انتو ريحتوني









سمبر
بقولك بعدين اشكثر تحليلك جدا فطني حق امور وايد

كل انسان اكيد يعرف كلامك و لكن كنت انا بحاجه الى فلسفه توضحلي اشيااااااء


دون ما تدري فكيت لي رموز شغلااااات
ازل مره فلسفتك تنفعني

:**





مطقوووووووووق
روح قول حق فهد العكسر كلا يناديني اخوووووي فطيم قوله تعرف تسولف مثل الحريم ههههههههههه







ريلاكس
اهيييييييييييييي الحره و السؤااااااااااااااال للقراااب

يعني انااحبج جذي جذي و بعطيييييج كل شي من غير ما تقولين بس ليش تستغليييييييين...؟؟

حرفتي الحره !! من شنووووو



مو مشرووووووووع شيطان بس هذا توعيه فطططططنج






فيولينست

اناااااااااا استغليييييييتك اسمحلي
ههههههههه

دقيت على رفيجتي و قريتلهاااااااا كومنتك و تفسلفت على راسها
اخر شي قالتلي ابيه كلامج صصصصصح

جان انسى و اقولها هذا مو كلامي كلام واحد

قالت زين تعرفييييييييين ناس واعيه و تفهم انا احب الناس الذكيه



حسسسسسسسسسسستني جني كنت غبيه؟؟
صصصصصصصح

هههههههه








كويت
الله يستر علينااااااا كلنا
تراااااا محد خالي







حسين
ابيييييييييييييه كلامك هذا والله انا وايد اردده حتى من شوي مكلمه رفيجتي و اقوووووووووولها

في شي في الحياه اسمه معيار الرجل الطبيعي الي يتعامل بطيبه هذا طبيعي لان من الطبيعي اصلاااااااااا اتسوي جذي و تفترض حسن النيه










مهندسنااااا
ويييييييه يا ريت الناس كلها نظيفه و سنعه مثلك




مو اذا ما عطته ويه و الريايييل ماحد عطاهم ويه من بغازلوووووووووووون
ظيقه خلق شعب كامل قاعد بدون حريم ههههههههههه

lawyer said...

مركبنا

فعلاااااا و هذا الي قلته لها
لما قالت ليش يتعرف علي و عنده مره قلت لهااااااا مرته مو محسسته انه ريال

سوووو اشبع رغبته الناقصه









استكاااااااااااااانه
واااااااااااااي
احد يقدر ما يووووووله عليج
:*************


كثري من كلمه جميله لو سمحتي لاني بلششششت انسى اني جميله من هالاخواااااااان الي داشين طالعين يعيبون على قذلتي اليديده الي انا عارمتها في البيت
يااااااربي ضايق خلقي ما عندي شي قمت قصيت لي قذله و طعت فاشله عااااادي باجر تطووووول
صح؟؟؟





نرجع لتعليقج
فعلااااااااااااا بالظبط
قلبي مو قالب ثلج كل ما خلص و انكسر اعبيه مرا ثانيه !!


ايييييييي فعلااااااا السالفه مو لعبه بزل او تكمله عدد
او اختي عندها ربع انا لازم يكون عندي!



ياريتني سامعه نصيحتج قبل لا انصحها اهي ووايد بنااااات استغلو طيبتي و حملووووني همومهم و انا ما اعرفهم اصلااااااا

ولاني مجبوره اصلا لا في سماعهم و لا نصيحتهم و في النهاييييه ماشفت ويهم الودر من عقبهااااا


بعد قلبي انتي

هذاااااااااااا مكانج :***





دايفر
واي في احد يعتقد ان احسن من الناس؟
هذا بلوة مريض








نانووووووو
ابييييييييييييه فعلا صصصصصصصصصح كلامج
و هذااااااااا الشي اكتشفته مؤخراااااااااا

عرفت ان الناس تشكي ماتبي النصيحه فقط للشكره و الهذره و تفريغ شحناتهم السلبيه و يقطونها علييييييييييج









مشاري
ياااااابختك على ربعك الله لا يخليييييييك منهم








نيكون
ابييييييييه صااااااااااجه اي والله الناس حتى الطيب ما يبونه هههههههه

ويييييييييي قمييييييظه مديركم طلع
الحيييييين اشلوووووووون ابلغ شفي ههههههههههههههههههه


جدااااااا مسلسل ممتع

ودج يطلع عشان يخطب وحده من دوامكم

هممممممم رداي و قوليلي هاهاهاهاهاهاهاهاها

هذا و انا ما اعرف دوامكم
جذي ميته ضحك علييييييييييهم






يا استاااااااذ حمام
حيااااااااك الله في اي وقت و كل الي تقوله ابدا لا تعتقد انك مثقل علي اذا خالفتني او وجتني او قلت رايك في صراحه بالعكسسسسسسسس
انا احيي كل انسان يقول الي اهو يبيه

والي اهو يشووفه

:))))

حياك الله دوماااااا






حاكي عقالي
انت انساااااان طبيعي لانك انساااااان شبعان

هههههههههههههههه

اشوة انك سسسسسسسنع

حرف said...

مجتمعنا مريض بداء النفاق

والداء هذا معدي ، هذا سبب انتشاره

Kandroz said...

قلة من القلائل اللي جذي
صج صج شي يعور القلب والله !
لما نشوف احد جذي بقناعه
جدامنا يحبنا ، بس من داخله خبث لنا
يحاول يتوصل لمصالحه عن طريقنا !

بالنسبه لهذا المتزوج :/
وايد اهم " الحقاره " اللي مثله
واخس !
الله يصلحهم ويهديهم

يعطيج العافيه ، وتقبلي مروري

daggero said...

لوير

ملاحظ أن غالبية صديقاتك ضحايا
اللى أنقص عليها بكم كذبة وأستنجدت فيك وأخذتى بثارها واللى مستغلينها
والمغربية اللى قص عليها الدكتور الكويتى فى قصة أمرأة من شفشاون

أشلون ميمعة هذى المجموعة من المستضعفين فى الأرض ؟؟

أتدورين الأجر

violinist_q8 said...

حلالج الكومنت و اهي مو فكرة شخصيه :)
اما بالنسبة للذكاء نتعلمه منكم

سلام

مستفسط said...

ليش نستغل بعض؟

حتى نستفيد
بس في واحد يغش بالعب

lawyer said...

حرف
حياك الله

صاااااج و شكله فايرس متجدد بعد



كاندروز

حياك الله

اي والله للاسف شي مخزي
و يحز في الخاطر

وهذولا المصلحجيين عباره عن ناس مستغله مريضه حاولو يسوون في الناس الي صار فيهم




داجيرو

اولا قصه امرأه من شفشاون قصه خياليه
فماتعتبر صديقتي

اما بالنسبه لرفيجاتي ففعلا صديقتي
وهذي البلوقر انا حتى ما اعرف اسمها
فهل تعتبر رفيجه؟؟

البوينت الي بوصله لك
اني انا انسانه متحلطمه الشي الي ما يعجبني اتكلم عنه وهذا شي راجع لمزاجي و الي انا بقوله بقوله

البني ادم مافج بلووق الا عشاان يتحلطم و يتقرطم فيه


واذا على الضعاااااف في الارض
ويييييييييه اهم وايد وايد


طق لك فره و انت تشووووووووف

اكثر ناس مستضعفين احنا بهالديره وياااااا هالحكومه الي مو راضيه ترسيلنا على بر







فيولنست
هذي ما تعتبر سرقه علميه صح
هههههههههههههه

اشكر كلامك الطيب









مستفسط
وااااااي
نك نيمك غلج
هههههههههههههه

مدري ليش كومنتك ذكرني في اغنيه طلال المداح

فينا واحد يلعب فينا واحد ما يستاهل الثاني

صصصصصصصصصصج
ابييييييييييه نفس الطقه

الوتيــــــــــن said...

اول شي يعطيج العافية .. يبتيها بوقتها
والله ودي اطبق مقولة ( إذا لم تكن
ذئبا أكلتك الذئاب ) .. بس بطبيعة شغلي .. ما تسمح الا بالمجاملات المليقة التافهه... اعتقدت بالأول إن بيئة التدريس شديدة .. وكلها احترام متبادل .. لكن للأسف .. الحال من بعضوووووو ... والله المتبهذل بالسالفه كلها اليهال .. لا الأهل شادين حيلهم .. ولا المدرسة المتروسه عقد نفسية وحش وتلقم حجي ... ابتنفعهم .. والله شقول شاخلي؟؟!! الله يستر والله علينا .. كل ما كبرنا .. ننصدم إن عالم أهالينا غير .. كنا نشوف القشور كونّا يهال .. ولا نعرف هالدنيا شلون صايرة.. لو عندج حل لهالمشكله؟؟ لحقيني .. أحس الانسان الحين ما يعرف صاحيه من عدوه .. المطلوب نمشي ونتبوسم .. شنو بالقلب .. ما يهمهم

واي قرقعتي قلبي بهالموضوع ..