Tuesday, May 12, 2009

يهال هالوقت ما خلو شي !!


صباح الخير او في الاحرى مساء الخير لاني كتبت البوست الصبح و نشرته الظهر !!

.. خلوني اقولكم امس وين رحت و شنو سويت و اشكثر انبهرت لي درجه اني بغيت اكتب امس بوست بس ماقدرت تعبانه فيني النوم
امس رحت معرض ابداعاتي .. و قاعده هناك طول الوقت
الناس تكلمني الناس اتحاجيني و انا فاجه عيني و منبهره بطريقه مو طبيعيه في اشكال البنات
الموجودين بالمعرض و الي تتراوح اعمارهم ما بين 13-25

قبل دايما انتقد الكويتيات و لبسهم.. ان ما يعرفون يلبسون و شنو موديل الحفرات و الفخود الي نصها طالعه
و شنو موديل بدلات السهره الي ينلبس في المعارض .. وانا على انتقادي و ملاحظاتي بان بنات الكويت ما يعرفون يختارون اللبس المناسب للمكان المناسب .و لا اللبس المناسب للسن المناسب !!
.ولكن امس صار شي صج عور قلبي امس تعاطفت مع البنات اقولكم ليش..كانت النسبه امس 300 بنت على 50 شاب !!

يعني البنت بتحط حمها و زورها تكشخ لان ماكو شباب و الي واقفه تصب قهوه حق الشباب والي و تقدم حلو والي تركض توزع بروشورات !!
بغيت اقول حق البنات ابيه انتو من صجكم وصلت الحاله في البلد جذي والا هذا شي يسمونه الكوول !!

وبعد قلبي شباب الكويت حاسين انهم واقعين تحت ضغط عمليات تحري و نصب و احتيال من قبل البنات .. ومع هذا راضخين للامر الواقع

يا حلو شباب الكويت امس وايد حبيتهم .. اكشخ واحد فيهم لابس تي شيرت بولو و شورت ابريكرومبي و نعال لاكوست .. و الكشه كشه و العفسه عفسه وماشين و اهم واثقين من نفسهم و مرتاحين و شكلهم مريح .. لا كشخه ولا عمات عين و البنت لابسه لبس عرس بتلحقه !!

وانا بس اتطمش على الرايح و الراد..

اي ولاحظت شي جدا مهم بعد في المعرض وعليا علينا احنا يا الاهالي (( لاحظو اني صفيت في خانه الاهالي)) شنبدي نصرف على هاليهال !! زعاطييييط بالثانوي و المتوسط بلاك بيري و اي فون و كل يوم شي يديد و تعال يا الابو اشتر حق اليهال
عيال هالوقت صغير توه في المتوسط ماشي ويا الهبه .. في كل شي .. هوب هووب ياهل اشصغرك من وين لك كل يوم تقز
وعيله يوم كنا يهال في عمرهم حدنا الجمعيه الحين وين ما نروح كلا يهال..

بذمتكم شباب قبل ايام الدراسه جم يعطونكم اهلكم ؟؟
اما الحين غير .. يهالو هالوقت من نروح ستار بكس نلاقيهم قبلنا نروح سلايدر ستيشن هم قبلنا..
ذاك اليوم رايحه شوكليت بار و الا دقت علي رفيجتي تقولي وينج قلت لها انا بالفرصه!!
تقول شنو اي فرصه
قلت لها مدري احساسي و انا في شوكلت بار ويا هاليهال جني بفرصه المدرسه!! حشى مو شوكلت بار لو تشوفين المكان تقول توه باص ثانويه الاصمعي قاطينهم
الترف في الكويت او في العالم بكبره صاير يخرع اهتمامات عيالنا لبس و قز و بس
وبناتنا اهتمامهم تصيد ريل و الحق لا تلحق !!

الوضع في معارض الكويت كلا جذي ؟؟ والا في جامعات الكويت جذي والا انا مو بالدنيا !!
انا ما اقول الا الله يعين الاهل على عيالهم و متطلباتهم
والله يعينهم على التربيه في هالومن الصعب الي كل المفاهيم متغيره


15 comments:

chandal/danchal!! said...

يا حافظ جان مريتيني!

وين مكانه بالضبط!
.
.
.

تم تم

من فترة كنت مارة آخذ قهوتي من ستاربكس... كان قبل السبع ونص الصبح

وأشوفلج جيبين

واحد محمل بشباب ثانوية

والثاني بشابات ثانوية

اللي يفتحون باب الدبة... يتناتقون منه جنهم خرفان!!!

انزين والمدرسة!!!... والله اني تكدرت عليهم!!... مساكين أهلهم خبر خير

.
.
.
الله يستر عليهم ويصلحهم


انا بشوكليت بار ما اشوف غير صحني!
:P


مساء البريد بودنج

:)

Yin مدام said...

عزيزتي لوير


الترف بالكويت سببه المجتمع الكاشوخ
والأهل

إذا إنتي مستغربة من ياهل بالمتوسط
أنا أقولج عندنا وحوالينا يهال بالإبتدائي موبايلات ولابتوبات بعد


ما عليه أوفر لعيالي وأدلع عيالي بس مو جذي
هالطريقة دمار لهم

الترف الزايد هذا ما يعلمهم إلا على البذخ والإستهتار والدلع وبالنهاية إنعدام الإحساس بأي نوع من المسؤولية
بالإضافة إلى إرهاق ميزاينية العائلة على ماميش

واحد نعرفه ولده من كان بـ3 إبتدائي عنده موبايل ويوم وصل خامس لابتوبه الخاص وإنترنت على كيفه
يوم وصل 6 يغازل بنات بثامن وتاسع
!!!!!

ولين نصحتي ....والله تدرين شيقولون؟؟

إيه كبر يحليله صار ريال
!!!
هذي الرجولة؟ من مالت على هيك رجولة

الطفل يحتاج حرية ولكن برقابة لأن عقله ما يستوعب أبعاد ومسؤولية الحرية

الكل يشتكي من الترف والإتكالية بعيال هالوقت بس هل وقف واحد مع نفسه وراجع تربيته لهم ؟!

الله يقدرنا ويوفقنا لرتبيتهم التربية الصالحة واللي تفيدهم بدينهم ودنياهم


يحليلج يا لوير وإنتي تتسائلين
:))

كل مرة أطلع وأشوف هالأشياء أقول صج الزمن تغير بس ليش تتغير القيم معاه
الواحد مفروض يتطور تكنولوجيا وديموقراطيا وغيره
بس العالم للأسف يتطور من صوب ويتراجع أخلاقيا ومبادئيا ويترك كل شي على أبو إنه مو كول
مع إنه الكول كله بالمحافظة على الأخلاق والقيم والتطوير منها مع التطورات الأخرى

سامحيني تعليقي شطوله فشيلة
بس أي شي يخص التربية والإستهتار فيها ومستقبل أجيال يقهرني


:))

U know WHO said...

لوووولووو
Hi :P

إشفيج على اليهال مساكين .. مو منهم والله
هذا من أهاليهم وتربيتهم

إشرايج بالأمهات إللي تشجع بناتها على ملاحق الصبيان
ولازم تطيح لها واحد غني وحلووإسم رنان
مو مهم الأخلاق ولا الشهادة
طاف

إي من صجي أتكلم .. وللأسف منتشرين إنتشار فظيع

الله يعينا على زمانا الياي

U know WHO said...

BTW

قمت ماروح أماكن تجمعات اليهال عشان ماشوف أحد أعرفه منهم ويسلم علي
ويقول لي
خالتي

أموت قهر

ARTFUL said...

شوفي بالنسبة للصبيان

الحين من اهم صغار كل واحد يقز ويلحق البنات
حتى لو أكبر منه

تمر جدامه وحده بالجامعه واهو بالمتوسطه يلحقها من صجه

اما البنات

تشوف البنت ما فيها حته من الانوثة توها بنوته صغيره تشوف في ملامحها علامات البراءة والطفولة

متحومرة ولابسه اللبس الضيج تحاول تبرز اي معلم من معالم الانوثة

تشوفها حسبالك مره قزمة الحمدالله على العافية ويطلع عمرها 13 سنه

طبعا الشهرة على الأهالي

يعني على بعض الناس

;p

وطبعا قمة الوناسة والفرح والتشقق لما يلحقها واحد ويحسسها بانوثتها

مادري اخاف عليهم والا اخاف على شبابنا منهم

ليش ما يعيشون طفولتهم والوناسة اللي فيها

!!!!

عاد ولا المعارض تقول عرض ازياء

رفيجي مشارك بمعرض من المعارض يقولي آرتفل لا تيي انت متزوج والوضع خربوطه هناك

قعد يسولفلي عقب المعرض

والله انصدمت

يقولي معرض بنات
كل وحده تعرض نفسها

واذا راح بالك بعيد فمنت كوول

انت رجعي بس همك الخرابيط

المفروض عادي تشوف جذي وما تسوي شي

!!!!

الله يستر علينا وعلى بناتنا وصبيانا

اهي حرية بس حلاته كل شي بمكانه

نفس ما قلتي لبس العروس ينلبس بالعروس

لبس النوم ينلبس حزة النوووم

!!!

ودمتم

lawyer said...

جندل لويس

في موفمبيك

تعالي تطمشااااااي اليوم اخر يوووووم

شي شي


اييييييييي يا حلو ايامنا قبل حدناااا صمون المحيسن



و يوووووووووم كبرنا في الجامعه ليش انا بحولي اكل من فرساااااااان المنتخب




وهذولاااااااا ستاربكس الصبح
و ووجبه في الفرصه
و قز و عصير و غدا برااااا عقب الدوام و الافنيوووو


ياهل زعطوط بالمتوسط ياخذ 10 دنانير باليوووووم

اذا راح الجامعه جم!!







ييييين

سكتاي يا وخيتااي تعالي شوفيهم يضيوقون الخلق

راحت منهم البراءه و القيم

امس اقول حق رفيجتي اذا بنت في الابتدائي تلبس كلاتش شانيل في الجامعه اشتلبسسسسسسسس


ااذا بنت في المتوسط بتقززززز

في الجامعه شتسوي

اشخلاااو حق ااذا كبرووووو







يو نو هوووووووووو



ماكوووووووو يهال ابد
هذا علة وقتنا يهال
يازينه قبل ربينا على خالتي قماشه و محظوظه و مبروكه و رقيه و سبيجه

و هذولا على جوسب جيرل و ربعه

انعدم منهم كل مفاهيييم الاخلاق




جيييييييل قدوتهم باريس هلتون و اجساااااام


تخيلااااااااااي زعطوووووووووط في المتوسط ياااااااااااااهل امس ماتبي تاكل ايس كريم تقول رجيييييييييم



!!

اعرف وايد امهات جذي


للاسسسسسسسسسسسف







BTW

للعلم فقط و سررررررررررر بليز

ترا انا امس مابقى احد ما قالي خالتي !!!!!!!!!!!


انا مصدوووووومه ما اعرف ارد شنو خااااااااااالتي !!






ارتفل

واااااااااااااااااااي معورني قلبي اسكت والله

توني داه على رفيجتي اقولها مافيج تحلطم عقب امس تقولي طول اليلل تحلطمنا انا و اهلي !!



اول ما دشييييييت المكان قبل لا اسلم على رفيجتي قلت لهااااا شالمجعررررررره !!

ليش يهاااااااااال ليش


ماكو دراسه
؟؟

ماكو واجباااااااات

انا اذا صار عندي عيال بدخلهم مدارس راهباااااااااااات




البلوه اذا انت ربيت يشوفون الي حوالينهم كل شي عندهم و يحسون انهم محرومين



امسسسسسسس ياهل مطلعه الصدر كله انااااااا تخترعت

و تتنحوص و شبه لابسه من غير هدوووووووووم

اتفاجئ توه انه مواليدها 92 !!




الشكل شكل بقره و العمر عمر بزززززززر!!


ليش جذي

والله احنا الف الحمدلله عشنا كل شي صصصصصصصح

Mok said...

امس كنت هناك نص ساعه وخرجت

Eng_Q8 said...

ويقولون ليش تقعدون بالدواوين

حسام بن ضرار said...

الله ستر ما شفتي معرض

Proud to be ...

الزائر لهالمعرض يتراواله ان كل الحاضرين من تجار البندقيه او مليونيرية باريس

ما جنه 90% منهم ميوعين روحهم عشان يكشخون

اما خبال و سذاجة غالبية الشباب هناك من الجنسين ، فحدث ولا حرج

من زين التربية والله

Nikon 8 said...

الله يعين العيال على زمنهم
ويعين أهلهم على مصرفهم
عندي إحساس إنه بعد كم سنة راح تصرف إعانة من الدولة لكل طالب من يوصل المرحلة المتوسطة على غرار إعانة طالب الجامعة
:)

falorita said...

جدامهم احس اني يده مو خاله :)



صايره المعارض مكان للقز و الاستعراض

حده شي يضيق الخلق

Manal said...

آخ من عيال هالزمن

محد مقوي شوكتهم الا اهلهم الي لاهين عنهم
ويبون يريحون نفسهم من مسؤوليتهم

المشكلة عويصة

والله يستر من الايام الياية

monshg | مُنْشَق said...

وبناتنا اهتمامهم تصيد ريل و الحق لا تلحق !!



جنه يبتيها بالصميم

:D

Anonymous said...

'7ofech 3ala hl-yahal lakbro0o
shno0o 7al el-kuwait...

mno ra7 ysheer hamha w ygo0om feha...

allah yster...

lawyer said...

حباااايبي صباحكم خير


انا لي الحين طايره عقب ندوه امس

اخيييييييييييه على رياييل الكويت والله اخيييييييه





مووووووووك

قميييييظه ما شفناك

جان جابلتك و تحلطمت لين قلت بس على الوضع






مهندسنا

لاااااااااا يما قعدوا قعدوا الله يخليكم ابرك بالف مره من مجابل هالوييييييه الي ماتبشر بالخير






حسام
وييييييه هذا ماشفته كنت مسافره
و اشوه اني مارحت

صاااااااااج اي والله

اسسسسسسسسكت لو شايف البنات ميت خرعه

الله يستر على عيالنا ما يندرى الواحد شبصيرون عياله والا من يرافجون






نيكون
اي والله صاااااااجه الله يعينهم يا حسره قلبي

والله ليش لألألألألأ

اشدعوه الاعانه الحين تكفي
هذاك اليوم امي و ابوي مسافرين اسبوعين و الا اطالع باحساب اخوي الصغير مبلغ اكثر من معاشي !

قلت لها هذا من وينلك قال ابووووووي وامي معطيني
قلت و يقولون اشلون يختربون العياااال

قلت له ليش يعطونك هالكثر وانت عندك فلوس الجامعه
قال من صجج فلوس الجامعه يادوبك بانزين مره وحده و عشوه ويا ربعي في ماكي !!


ووووووووي لا تشوفيني وتشوفين صراخي و كششششششتي

الله يحفظناااا





فلوريتا
مكاااااااان للتظبيييط
والبلوه لو تشوفين الشانيل
و الفانكليييييف و الالبرادا من فوق لي تحت عبالج اسكت تلاقين الواحد يلحقها والا الاخت في الزووووور


الحين هذولا الي ساحبين عيالناااا






منال
صدقتااااااااااااي والله صااااااااجه

اي والله الاهل وما ادراك ما الاهل






منششششششق
وانا عند ربي صااااااجه
اصلا انا مبهوووووره من الي شفته







4
فعلاااااااا
الكويت الحين مقومااتها الاساسيه

البوق
النفاق
التقلقس
حب الخشووووم