Sunday, May 17, 2009

اصد و جنه العيد بعد


واي شكلي بنام في البلوق او بسكن فيه !!
شوفاو مالي خلق عياب و تطنز بس الصراحه انا اسيح من الحر
مو عشان انا مولوده في القطب الشمالي لألأ
بس انا صج صايره ويا الحر اسيييييييح من ارد البيت ما اعبر اسوي شي غير اني اغسل و ابلع فاكهه و برد ..ليش؟؟ لاني اطلع الساعه 2 من الدوام واوصل البيت 3 الا
يعني من 35 لي 45 دقيقه زحمه طريج فهالشي يخليني انشوي و راسي يعورني من الشمس فشي طبيعي لما تحطون اي مخلوق بالشمس لمده 40 دقيقه بيذووب وينصهر ..
ارد البيت احط راسي و انام لي المغرب
اقوم متعسره اجابل افلام و تيفي و ارد انام !
مدري شنو قاعد اسوي بعمري
و خصوصا ان الفتره الي فاتت ووايد ارهقت في العمل فمجرد اني ما اوصل البيت
اتسدح و اتبطح لي باجر ! شالحاله لازم اشوفلي صرفه بعمري
بشترك في نادي بس متى اروح !!؟
وماعندي استعداد اقزر باجي عمري بس اجابل افلام لاني انا انسانه اذا اسيح من الشمس شوي فانا اسيييييييييييييييييح و اعيش الدور من الافلام اكثر
و الفتره الي فاتت كلا مجابله روتانا زمان و سينما و الشاشه
افلاااااام مصريه قديمه و حب يطيييييييير و ايام زمان الي تشلع القلب
عادي عندي في الويك اند من ارد من الشغل لي باجر و انا فيلم ورا فيلم مع بلعه خرابيط و برنجلز يا عل ماكو برنجلز انشاء الله .. والله يساااااامحه ولد الديره استاثم فيني من يومين و انا رايحه راده على بيتزا قيصر شالحاله !!!

اي المهم خنقولكم شغله توها خطرت في بالي لما رديت على الزميله يونوهو..
على طاري انتخابات امس .. لاحظنا ان الله يهداهم صوب مدارس النساء الوصخ و القراطيس و اليهال المققطه بالشارع !! حرام عليكم انا بس افج الدريشه و ازف في اليهال شنو موديل اليهال حراااام شمس و غبار و الجو تعيس ليش مطلعين عيالكم راخصين فيهم لهالدرجه؟؟ والا يشاركون بالعرس الدمقراطي اي عرس زين عيالكم ايون ساعه يطمشون و يمشون لكن تسون فيهم جذي حرام
و شنو موديل البنات الي صايرين يشحتون اصوات!!
البنات الكويتيااااات امس والله العظيم ولا اقدعها شحاته بالحسين .. انتوا بنات الكويت ما اصدق !! تطب طب على سياره الريال و تسويله حركه تكفا تكفا .. و لابسه تي شيرت احد المرشحين و الملفت للنظر ان الشباب يحوسون في مدارس البنات بس للطماشه و يمكن يحصله بنت بنتين يسولف و ينكت وياهم و شنو موديل البنات تكعكع و تضحك ويا رجال الامن و الشرطه والرياييل لايعه جبودهم منهم

امس لاحظنا الصراحه تنظيم يشكرون عليهم جدا رجال و نساء وزاره الداخليه الي ساهموا في تنظيم الاقتراع و تنظيم سير العمليه بسلاسه
التنظيم كان عندنا في قرطبه جدا جميل و مبهر و الصراحه ماكان في اقبال كبير ولكن التنظيم ملحوظ
..

انيي حق الطامه الكبرى الي اهي التقلقس و التمصلح .. بقولكم سالفه عن وحده اعرفها
لو كانت البنت مجرد معرفه سلام سلام ماكنت راح اكتب فيها بوست ولو كنت انا الي بس ملاحظه عليها هالشي .. ما ضيعت من وقتي لكن هذي ملاحظه اهلها فيها و كذلك حمولتها.. فحبيت اكتبها لكم لانها صارت ظاهره لبعض نساء الكويت..

في نمونه من البنات يسلمون بس على المزاج.. اليوم انتي كاشخه و شكلج حلو و يشوق و قاعده ويا طاوله بنات كاشخين و شكلكم حلو اسلم عليج.. شايفتج في عرس و يكون العرس وايد كشخه ومن اهلج اتسلم عليج .. وتصير حليوه بعد .. شايفتج بالصالحيه ويا قروب حريم كاشخين و سفور و ربع خالتها ام ريلها تسلم و تسوي نفسها حليوه

تشوفج الصبح في مركز سلطان انتي في ترينينج تعطيج طاف
تشوفج في المطار مسافره عمره لابسه عباتج تعطيج طاف
تشوفج قاعده ويا حريم عيايز بالمباركيه تسحب عليج سيفون واهي بالطاوله الي يمج لانكم داثرين..

فانا بما اني اعرف البنت من قبل الغزو من احنا يهال يعني ..ماكنت مصدقه وملاحظه هالشي الا لما نبهوني رفيجاتها و كذا وحده من اهلها فصرت اعرف لها خلاص .. فشنو سويت اني مجرد لما اشوفها في مكان انا اصد ولا اعطيها مجال ان ينحط عيني في عينها لاني مابي اسلم ولاني ما ابي اتعبها في الابتسامه الصفره ولاني مابي اعطيها مجابل اتعب عيونها الي اتلاقط على جنطتي و جوتيي و ساعتي و بدلتي .. لانها تفضح روحها في نظراتها فريحت روحي و قمت اصد..

وهذا شعور متبادل بيني و بينها.. المهم صار امس دشيت المدرسه .. الحين اهي ماودها تسلم ولا اتيي صوبي بس افتشلت من امها و خالتها ياو سلماو علينا .. جان تمثل انها حليوه وتقول فطومه (( اتدلع بعد والله يعرفون اذا اشتهوا يدلعون )) لا تخلون مرزوق و الخرافي .. جان اعطيها ابتسامه صفرا و اقولها انا بالثالثه .. صوت الصبح خلصت عطيت جويهل مقطوع!!

اهي انصدمت و مشينا عنها .. سبحان الله اهلها غير و الي حوالينها غير بس اهي فيها احساس بالنقص من شنو لا اعلم .. ما يصير على كيفكم تسلمون وقت ما تشتهون بس عشان اتقلقسون وعيب جدا انكم اتصددون فقط لان الي بتسلمون عليهم اشكالهم الحين ماعجبتكم ... سبحان الله البنات الحين مدري اشصار فيهم!مزاج يضحك يسلمون عليج وانتي في دين اند ديلوكا و يصدون عنج بالمباركيه !

40 comments:

~ هند ~ said...

ديري بالج على روحج وصحتج..


الله المستعان اختي :)
والله يهديهم

حسام بن ضرار said...

يا كثر المرتزقه يوم التصويت

رحت اصوت الضحى و تقريباً المكان فاضي

استلموني ربع ناجي و الرومي قبل لا ادش باب المدرسه اللي فيها الاقتراع

بغيت اقول لهم: هيّن ان واحد منكم حتى طل بويهي و انا طالع

حقيقه ناس مطيحه روحها و ما عندها كرامه

شنو رايح اشتري سحارة بردقال ولا انتخب آدمي؟

chandal/danchal!! said...

LOOOOOOOOOOOOL

الله يا كثرهم عندنا!!!!

الحمدلله يا ربي لا تبلينا

التصدد عنهم أحسن شي يا تم تم

الله يعينهم على نفسياتهم المريضة!!!

مير يدودهوونج... يطالعونج وما يسلمون!!

مو لاقيتلها أي تفسير!!!
.
.
.
أما اللي هادين عيالهم سريح بهلشمووس


مع الاسف ما عندنا قانون يعاقب على الاهمال



تدرين البنات اللي يقطون كرت المرشح شذكروني فيه؟؟؟

نزلة السمان... اللي بالهرم... نفس المنظر والتشحتف........ عاوزة تركبي كريتته؟... عاوزين تركبو الجمل ونوريكو الأهرامات وتصوروا مع سفينكيس؟؟... بصي لما أؤوللك... أجمل حاجة... تركبي معانا فرسة اسمها فراولة... ونوديكو تووور في صحارى سيتي وتشربو أزووزا!!!!!!

ماشي... بس والنبي عاوزين فرسة حنينة... تمشي تاتا, تاتا... ويستحسن يكون عندها شلل!

.
.
.

أما ولد الديرة... مستاثم فيني وبأختي كل وحدة داشة البيت بدرزنين بيتزا قيصر!!!

بس اكتشفنا ان قيصر القادسية أطيب

:P

Kuwait said...

اي والله ذووووووول يحلى لهم السلام والتلصق وقت الانتخابات ;D
ليش ما سيرتي على نائباتنا ؟
ترى الوضع كان حده ونااااااااااسه
ترقبي البوست القادم ;p

ANGEL HEART said...

وضع العساره هذا شي لابد منه من الحر والروتين

سجلي نادي بس قريب لان اذا بعيد بعد بتحسين بارهاق وتعب

والبنات اللي جذي انا استغرب يعني الحين اللي طالع من بيته ورايح بيصوت خلاص محدد بيصوت حق منو ماراح يتاثر ولا يغير رايه بنفس اليوم!!

واللي تسلم عليج اذا كنتي بدين ولا الصالحيه وماتسلم اذا بالمباركيه ليش يعني شنو السبب المقنع مو اهي بعد بنفس المكان؟

صج في عقليات مسكينه

lawyer said...

وااااااااااااي محتره محتره

طاااااااافتني حلقه اليوم مالت سحييييييييله كيم شوووووو

ما احبهم و تنبط جبدي بس اليوم كنت بشوووووف عشان اختهااااا جكت رفيجها يخووووونها و قطت هدومه


هذا شفته بالدعاياااات و كتبت البوووووووووست و نسيت الحلقه







هند
اي والله يبيلي اديييييير بالي بلا هالخرابيط الي اكلها و الكسسسل الي انا فيه







حساااام
صاااااااااااااااااج
مدري اشلون ماعندهم كرامه

الواحد يسلم على واحد يعرفه بس يتقلقس حق ناس جذي عيب



اي والله بردقاااااااااان







جندل لوووووويس
اييييييي اصد و جنه العيد بعد

فعلااااااا يطالعونج و لا يسلمون شنوووو هالنمونه


لا و الضحك تخززززززز بعدين تقولج مو لابسه عدساتي و اهي مسويه ليزك


اي حمدلله و الشكر هذي البنت عاد تضحك كل سنه اشوفها بالصيف في مونترو تسسسسسسلم و في الكويت على المزاج تبين تضحكين مره في السفر كنت في قهوه ويا رفيجاتي و هذي القهوه مشهوره في الفوندو صدت طووووووووول الوقت بس انلطعت و تبي طاولتنا جان اتيييييي تسلم .. وتبي تحجز الطاوله قلت لها اوكيه

رفيجتي عصبت قالت والله ما نعطيها ما تستحي شكوووووووو تامر جذي وتتشررررط

دفعنا و مشينا خليناها..


و في مونترو اذا شافتنا في البحيره تصد و اذا في جنيف ويا اهل رفيجتي ليشششششش وياهم بودي جاردات و شوووووووح اتييييييييي تبر هذولا منوووو يا حلووووووهم و تنششششششد عن الي ما يتنششششششد


فاحسن شي الصده

انا بسهووووووووله عندي الحقران و الصده

مره من الحره قالت لي انتي وايد شوووووووووح قلت لها حيييييييييل








كويت

اي يبطووووووووون الجبد
سيرررررررررررررت عليها سلوى الجسااااار وسلمت عليها و كلمتهااااااا و وصيتهااااا على جم شغغغغغغغغغغغله تهببببببببببببل


قلت لها انتي صوتنا الي نبيه يوصل







انجل


شششششششششفتاي بذمتج هذا منطق


ماكو نادي يايزلي قريب
الي بخاطري اسجل فيه
رحت اشوووووفه شرح بس فيه ريايل مختلط

بس خفيف و شكله ماعليهم منج

شكلي هذاااااا الي بسجل فيه مستحييييل ارد اسجل في فلكس لاني اتعسسسر من الزحمه و العفسه الي داخل و بره

فاحلى شي الصده في جيم

9ahba'a said...

الف مبروك لوير انا بعد عطيت


اسيل والملا و السعدون و الصرعاوي

و ما تتخيلين شكثر مستانسة جني انا اللي فزت

الله يوفقهم

و نوعية البنات اللي تتكلمين عنهم وايد ... اشرايج انا في رياييل هذا موديلهم اذا كاشخ و ربعه رزه اسلم عليه و اذا مو على مزاجه طنش!!!!!


ما اقول الا الله يعينهم على عمرهم

KQ8 said...

اقول قضبيلج هوايه تعدل وضعج المسيان..تري الكويت يبيلج تشوفليج شغله العصر تستفيدين منها ولا اذا على طمام المرحوم بتطق (تسبدج)عرفتي؟؟!!

الأستاذ حمام said...

جويهل رقم صعب الصراحة
.. ومشكورة على زيارتج ودعوتج

I7na 3shagnaha said...

هلو هلو

افتكينا من صيحة الانتخابات

أكثر شيء بط جبدي امس اكثر من اليهال اللي بالسكيك

الكاشخين بسيارات آخر موديل
ولا فجوا الدريشة قطوا كل بطولهم الماي و قراطيسهم بالسكة

شيء يقث



انزين شرايج
بللي تسلم وشحليلها
وليه صارت مع ريلها صدت و لا جنها تشوفج


تصدقين عقدوني

chandal/danchal!! said...

صباحو تم تم

بالنسبة لسالفة الخمول... عندي لك حل

step counter

تاخذينه من الصيدلية وتركبينه عليج

لازم 10000 خطوة باليوم وتكونين طبيعية ومو محتاجة للنادي!

EXzombie said...

يمدحون نادي الكويت للسينما عندهم عرض يوم الاربعا و بلاش

و سالفة التطنش عادية انا وايدين بنات يسوون نفسهم ما يعرفوني بالشارع فمتعودين على الوضع

الضحك من الشباب، لأنه ماكو حيا، الي ما يسلم ينفضح

Sweet Revenge said...

:) صباح الاصاله
تصدقين فعلا وللاسف صارت معاي مع وحدة كنت اظنها صديقة
يتهم فلوس متاخر الله لايوريج تتصدد عنا لي صارت ويا ربعها الكلاس علي قولتها
ولي شافتنا بروحنا تبي تقعد وتسلم
سحبت عليها وقتلها الا مانشرفه مايشرفنا
الحمد لله والشكر اهي تصاحب اللبس والي الانسان وشخصيته
لاتحرين روحج علي ناس جذي
الاصيل مايتغير
وفراقها عيد
صباحج عسل :)

ARTFUL said...

والله الجريم عليكم سوالف

لوووووووووول

ما اقدر اقول الا المقولة المشهورة


حريييييييييييم

!!!!

عادي شي ماهو غريب

;p

هذي على سالفة اللي تسلم بالصالحية وتصد بالمباركية

اما سالفة البنات يوم التصويت هذا شي ثاني

تفنن حق يوم الانتخابات

ولا اللي شفتهم بالجريده ماسكين طيران

اذبحوني ضحك

!!!!

;D

U know WHO said...

لوووولووو

على فكرة .. من رديت من سفرتي الأخيرة وانا أعاني من نفس حالتج

إشرايج .. بدال مانتي بروحج وانا بروحي نتجابل احنا الثنتين ونتسدح
ونتبطح وناكل ناتشوز وبطاط
ونطالع الـ تي في
بالمختصر.. شروكة
إذا حليتي المشكلة
عطيني الحل

44444444444444444444444444444

أما إللي وصفتيها للأسف منها وايد

الحمدالله والشكر
ويه بويه
ولا معاج بالأصنصير
تسلمين ماترد حتى وعليكم السلام

وإذا شافتج برة خاصة السوليدير ولا نايتس بريدج
تييج طايرة

يعني أنا أنا ليش تسلمين علـ مشتهى

بس أخيتج ماتغشمر

" أصد وجنه العيد بعد "
؛)

أقووول إشرايكم بيمعت بلوقرز
إنتيمع علـ لاب توبس بنفس الوقت ونييب نفس البلعة
يعني عايشين الدوور يمكن نطلع من هلـ المووود
:)

U know WHO said...

لويرنا الحلوة

المغازل يوم الإنتخابات شي مو طبيعي
يفشل
لوكلاس الله يهداهم

وإللي يبط الجبد الميهلة بو 13 و 14 سنة

لوعة لوعة
ودي أشرح بس أخاف من مقص الرقابة

؛)

lawyer said...

صهباء

هلااااااا بالطش والرش هلااااا بالغاليه
وييييييييييينج يا حااااااافظ

صج صج صج من طول الغيبات جاب الغنايم وانتي يبتااااااي اسييييييل :))


ههههههههه موديل الراييل هذا يخاف من مرررررررررته اشكره









كاركوتا
لوووووووول

جني انزفيييييت ؟
انشاء الله عمي اليووووووم بركض اطررررررد ادورلي هوايه ..

هواياتي يا بلعه يا خياطه
اكو احد يخييييط الحين








استاذ حمام
لا شكر على واجب
هههههههههههه من صجك عطيت جويهل بس جذي اطنز على البنت ..










احنا عشقناها..
اي والله افتكينا منهم بسسسس ترا وناسه التلفزيون كان لويه الحين امس طاخين

ولهت على صيحه سكوب الهدامه


اي اعرف رفيجتي تصد اذا ويا ريلها لانها تغار ما تبي احد يسلم عليها وياه و قاصه علينا تقوووول اهو ينزعج اني كل شوي اوقف اسلم على البنات اذا اهو وياي فاحترم رغبه !








جندل لويسسسسسسس

صبااااحج عسل
حلفاي شنو هذاااا ونااااسه

يعني ما اروح اشترك في نادي
اشووووووووووه خو انا على طريف كلش







اكسزومبي

ريااااااااااااااايل يصدوووووووون

شالعياااااااره

هذا قل سسنع الصراحه عيب



وين هذا نادي الكويت للسينما ؟







سويت
شنو موديل انها تصير بنت فلوس او خير هذا ماله علاقه

حمدلله والشكر شنو موديل الهاي كلاس او مفهومه عند بعض البنات انها تعرف تلبس على الفاشن؟ و اتجابل السلبريتيز ؟؟ او انها تلبس من نت ابورتيه و و تداوم في انا سوي
يالله من فضلك طول عمرها شبعانين مافكرنا نموق على احد او نشووف حالنا هذا مرض

اذا شفتاي ناس جذي تحمداااااي الله على نعمه العقل الي عندج والله :)))



صباحج قيمر و عسل و خبز ايراني لاني حدي مشتهيه اعلف
ههههههههه

lawyer said...

ارتفل

والله بناااااااااااات في النزهه شوفه عيني رايحين راديييين بالشارع الرئيسي الي صوب الجمعيه بدنااااابك و رقص بالشارع
والساييير من الزحمه واقفه ريال يقولها عاشووووووووو عاشووووو

تهز رقبه اكثر !!

البنت بقرررررررره في الثانوي مو ياهل







يونوهو

لووووووووووووووووسمحتاي لا تنسين ان انا اهني كلششششششششششششش ماعندي مقص اصلا عشان يكون مقص للرقاابه هههههههههههههههه



اهو الواحد من يرد من السفر سحوشه اول جم يوم اكتئاب العوده
ههههههههههههههه

بس المفروض الحاله تخف لكن انااااا حالتي صعبه يا اسوي سيرج على تذاكر يا اطالع فنادق عندي هروووووووووب مسسسسستمر


يالله حيااااااااااااكم الله نفتح لنا رووووووم في سكاي بي واقابلكم انا جني اوبرااااا هههههههههههههه





اي صداااااااي ورفعاي الجام بعد هذا الي ناقص لا عيووووووني كل من عند عمره شي

و اذا جنطه يديده بتخليج اتسلمين والا طراره طاوله بكافيه بلعاي العافيه و لا توطوطيييييييييييين لان بييهم شي

وهذا الي صاااااااار ههههههههههه







قبل امس المطر يطق و البنات رقص بالشارع
امهااااااات التعششششششش هذولا مال نعل

chandal/danchal!! said...

تلاقينه بالصيدلية... شكله جنه بيجر


والله خوش جهاز... عل أقل تفطنين حق روحج وتصيرين أنشط وتخف الرككة اللي ذابحتنا!


قلة الحركة تييب الكآبة... عسى الله يبعدها عنا وعنك

U know WHO said...

لوولوو
خوووش فكرة
بس شنسميج

لويرا على موود أوبرا

؛)

تصدقين توني ماكلة تفاحة وهم يوعانة

شنو الغدا اليوم؟

انا نص اكتئابي هلـ يومين بسبب 3 كيلوات زايدتهم ومافكر إلا بلـ بلعة

أبي أمشي .. بس حر وقتة
وماحب أمشي إلا أوتدورز عشتو
ودي أروح الجمعية مشي ورد منها مشي أتحلم بس شسوي عندي أمل
نعيش طبيعيين مثل الأوادم

لوولوو أدري خرته شويه ما له علاقه بلـ بوست
شسوي اليوع يدووده
؛)

lawyer said...

جندل لوييييييس المستشاره المفيده


اليوم او باجر ازرق صيدليه الشاميه اشوفه

لا تسئليني ليش الشاميه بس مادري هههههههههههه كل شغلي منها ههههههههه




لازم افطن حق روحي
اقولج سر

السولولااااايت لاعب لعب ويا البرنجليز
اكلني اكاااااااال


هههههههههههههههههههههه


يونوهو

الله شوقيتي شكله بنسوييييها

اي لويراااااا لويراااا


بس هذا انا اشووف اوبرا تشغل الكاميرا وبيني وبينج انا وحده لااااازقه الكاميرا مالت لابتوبي


احد يلزززززق الكاميرا و يغطيهاا ؟

كلا اخاف احد يفج علي الكام وانا مندمجه او هاكر هههههههه

اخواني مسويني مطنزززززه بس يضحكون علي على سالفه تغطي الكام




انتي من اليوع قمتااااااي تقطين خيط و خيط وانا من سالفه لي سالفه داشه عرض

Sn3a said...

هلا لوووير

بالنسبه للحر ماتنلاامين
انا اللي قاعده بطاليه لا شغل ولا مشغله صايره اتغدا برد
انتو الله يعينكم حر وشمس وزحمه واعصاب الناس واعصابكم


اما بالنسبه للي تسلم على المزاج
بيييه زين سويتي صديتي
انا ماحببببهم
ولا كلش لما يقولولي حبيبتي وحيااتي
من متى حبيبتج وحياتج ياشقول

Golden Sand said...

وااي تهبلين!

حبيتج و حبيت مدونتج و انا اول مره اقراها و ان شاء الله مو اخر مره

:)

انا اذكر ايام انتخابات الجامعه كل من يعرفج ... حتى البنات الي ما اعرفهم اييون يسلمون علي و يحبوني بعد!

يعني اشكره مصلحه ... شلون مجلس الامه؟؟

أنا كنت أعرف وحده نفس اشكال هالبنت .. تدرين شسوي؟ كنت اروح اسلم عليها ... السلام لله مو لها .. بعدين قامت اهيا تسلم .. احترمت نفسها ههههه


الله يعين و يوفق ان شاء الله

ولد الديرة said...

سوي اللي انتي مرتاحة منه

كلمي اللي تبين تكلمينه

المهم لا شفتي وحدة حلوة قولي عنها حلوة

:p

كل بني آدم تمر عليه فترة بس وده يتسدح تقول فقمة ما قبلوها في فريق كرة طائرة

عادي

المهم الراحة النفسية

لا حسيتي ان ودج تغيرين غيري

اروفوار عليكن ولا تنسوا العشا عند رولا

عاملة الكن دولمة منائيش

ANGEL HEART said...

وااي لوووير تصدقين انا فصلت على تغليقاتج انتي ويونو وحاشتني عدوى وحاله يوووووع شفينا بس ناكل:( بروحي احس بكاابه بس ماني قادره اسافر ولاافج الا شهر 6 :(

الموهيم انا بعد بعرف اللي قالت عنه جندل شنو سالفته جنه يازلي عفيه اذا
سالتي الصيدليه قولي شنو عرفتي عنه

بس احس النادي غير احنا لو شنو نحط بالبيت ماكو فايده

حلو النادي اللي قلتي عنه بس سالفه مختلط اذا متحجبه تلعوز :s

ههههههههه عجيبه سالفه بدورين على
هواية

Nikon 8 said...

اللي ما يعدك راس مال لا تعده فايدة
ولا تضيعين وقتك ولا تستنزفين طاقتج مع ناس ما وراها إلا الغثا
:(

monshg | مُنْشَق said...

هالبنات يبون مبرر حق الفصاعه و التمصخر و بعديييين شفيه الجويهل طايح من عينج , تراه طايف الجاسم بألف صوووووت
:D

حالة التتكي و الإنبطاح بتخليج
couch potato :P

U know WHO said...

لووولوو وأنجلبنا
بالنيابة عن جندولة

ستب كاونتر جهاز مثل البيجر تحطينة بمخباتج ويحسب جم خطوة مشيتي باليوم

أقل عدد لازم توصلينة 10 تالاف خطوة باليوم

بس ماكو فايدة ايي لج إحباط يعني لو تمشين بدوامج والبيت والجمعية ماييب لج حتى 3 تالاف
لازم مشية أصلية علـ أقل ساعة ونص
:)

مسلامتكم
الناطق الرسمي بسم جندووولة
U know WHO
:P

U know WHO said...

لويرا

لايكون مغطية الكاميرا بـ بلاستر أحمر
؛)

من التسدح والتبطح نمت الساعة عشر
يوم بلـ إبتدائي ما نمت 10

على طاري البلعة
سمعتو أخر هبه

eat whatever you want and still lose weight?
!!!!!

تصدقووووون
!!!!؟؟؟؟
without dieting and without having to go to the gym
!!!!!!!!

إللي يبي معلومات أكثر يقول لي شكلي برووووح أجرب

lawyer said...

صبحكم الله بالخير صباااااااااااح الخير و النور


صبااااااح النخي و الباجلاااااااا


تبووووووووون نخي و باجلا و خبز ايراني و جبنه بيضه و نعناااااع و طمااااط حياكم هههههههههههههههه




اخلص ريوقي و ارد لكم


:*

chandal/danchal!! said...

عوافي تم تم

:)

اينجل هارت و يونوهو

أعرف وحدة ماشية عليه من شهر فبراير نزلت من 76 الى 58 كيلو

وماشاءالله عليها يوصل 23 ألف خطوة باليوم!!!

أنا شاكة ان عندها شركة مقاولات من الباطن!!!

أنا لو أمحت الأفنيوز محل محل ما يوصل 7 آلاف!!!

ببساطة

تتحرك بالدوام

الدرج صاعدة ونازلة

ما اتطرش

لوية وهايبر بس ياب نتيجة معاها

صارت سَلَق

وشي ثاني

البنت عايشة على التونة!
:(
------

الستيب كاونتر يخلي عندج اوبسيشين للوصول الى ال 10 آلاف خطوة


ويغير اسلوب حياة وفي ناس تشوفه نوع من الوسواس!

:P
.
.
.
تم تم

خبزتج مسمسة والا وز آوت سم سم؟

وتتأرمش والا عجين؟
:p

U know WHO said...

جندووول
أنا في لندن أمشي من الصبح ليما الليل حدي أوصل 25 ألف
بلـ كويت أمشي ساعة ونص تطلع لي 6 تالاف خطوة بسسسس

التسحوت مو من المشي من صكت الحلج
التوووونا مافيها كالوريز وايد وتشبع
من جذي خقت


لويراااااااااا

واي واي واي
أموت علـ خبز خمير والجبن والنعناع والبيض والفوووول والزيتووون

عليج بلف عافية
مطرح مايسري يمري

:)

lawyer said...

سنعه

هالا فيييييييييج

اشلووووووووون ايطاليا سلماااااي عليهااااااااااا وايد وايد

:))))))))

عاد المشكله الفرق بينا و بينكم اذا ياكم حر ما ينبقى لانه يصير على رطوبه وماكو شي مكيف







بنت كويتنا
هلااااااا فيييييييج
اي الشكوه لله اهم ما يسلمون الا بالانتخابات

اي انتي تكسرييييين عينها و تصيرين اطيب منها

بس انا اسوي هالاسلوب ويا ناس احبهم بس الي ما اهتم لهم ما اسوي هالشي






ولد الديره
امس العشا عند اسيل و رولا يقولون زحمه بس انا مارحت

و اليوم العشا و الحفله في الجمعيه الثقافيه النسااائيه

لا تنسى تمر هههههههه






انجل هارت
بددددددددددعنا

متنا ضحك

اي كاهي بعد قلبي يونوهو و جندل لويسسسس
قالو عنه
بس شكله يييييييهد الحيل






نيكون
و هذا الحاااااااااصل يا وخيتي






منشق
امي كسرت القاعده ورحت اشوفلي جيم
الي ابيييييييه وشكلي انشاء الله بشترك

وقعدت في الكوفي شوب مالتهم ترد الروح

انا من الصبح تسدح و انبطاااااح







يونوهو

الي ماااااااااااافادج في لندن

اخاااااااااااف اقولكم شي تموتون ضحك

انا شكلي اذا شريتاااااااا حدي 500 ستيبز

شكله ماااااااااااكو فايده

يونوهووووووو

انا مرات انام الساعه 8 ههههههههههههههه



تعالي قوليلناااااا شنو هذا الي بدووووووووووووون ريجيييييييييييم؟؟



علميني كسباي فيني اجر



الله يعافيييييج حبي

اي خبز ايراني محمششششششششش

و جبنه بيضه و نعناع و طمااااط
و باجلا و نخي



مع شاي بالنعناااااع شي شي










جندل لويس


الحيييييييييييييييين انا لما قررت ذيج الايام امشي في الاافنيو خلص معاشي من ثاني يوووووووووم

كلا ناقصني شي
ومشوقني
ياااااااا اشتري جواتي بيت
يا بديااااات
يا رايحه وايت كومبني ماخذه رووووب
يا رايحه دبنهامز شاريه شي


يا رااايحه ماك

وبس هذي اهي قزززززرت علي


يا خوفج هالجهااااااز ما اوصل فيه 500




خبزي بدون سمسم و محمشششششششش
جنه بسكوووووته

حيااااااااااااج







حمادا

بنشووووووووووف الفيس بوك انشاء الله

U know WHO said...

لويرا
إي إي بدون رجيم
صدق أو لا تصدق

التنحيف الايجابي
يعني نبلع ونبلع ونبلع ونبلع
ونـضــــــــــــعف
هيااااااااااااا
تحقق حلم الكويتيين
كوووووووول وإشكووووووور
؛)

جيكي إي ميلج
:)

lawyer said...

يونو هو


داحينااااااااا هاشوووووووووف

Super Woman said...

امبيييييييه هالبنت عندنا منها كود بالجامعه

وايد بنات صاروا يسلمون على المزاج
شافوج كاشخه وشاخطه ذاك الكحل
ولا ماشيه مع مجموعه بنات يت وسلمت وهللت ورحبت

اما اذا مداومه من صباح الله خير وقاعده لي العصر بالجامعه مع بنت وحده
تصصصصصد وتسوي روحها تدز مسج ولا تشوف الصوب الثاني

شهالحركات الماصخه ؟
احتقر هالنوعيه الصراحه
!!

mowa6en said...

وين القراءة من جدولك اليومي ؟؟؟
هذا وانتي من ربع الدكتور تركي الحمد ، لالالالا وضعج فطوم ما يبشر بخير !!

لازم تشوفين مدخل جديد على عالم القراءة ، ومثلج عارفة شنو منفعتها ومتعهتها بلحظه معينه .

اذا تبيني أساعدج باختيار الكتب تراني هاليومين عايش في ربيع الثقافةرغم سخونة الجو
:)

lawyer said...

شلالااااااااااااات


عرفيتي هالنوووووووووعيه الظيم الي ما اشتهيهم





موااااطن

يالله على ايدك

من جم يوم قريت حق القصيبي شغله يازتلي

وفي ناس تزعل اذا قلت حبه



يالله خضررررر لي الصيف:))

مرق: said...

3ala 6ari elente5abat >>>.mino 3a6aitai ?

lawyer said...

مرق

هاو كاتبه في البوست الي قبله

اسييييييل

الصرعاوي

الملا

السعدون