Tuesday, May 12, 2009

العم حمد اليوعان اشسويت فيناا??


رديت وانا كلي امل ان باجر احسن
رديت و انا عندي امل ان كويت السبعينات بترد
رديت و دعيت طول الدرب بقلبي عسى يحرق كل من بغى يحرق هالبلد
بعد انقطاعي عن حضور اي ندوه تشكل من قبل اي مرشح قررت ان احضر لحمد اليوعان فقط لاني عطشانه لكلام صادق
فقط لاني ابي اروح لرجل مخلص
فقط لاني ولهت على كويت جابر ..
رحت ويسبقني حنيني لرجل ذهب و زعل علينا و قطعنا
سمعت بكل انصات كلمات ضربت قلبي و دمعت لها عيني لانك رجل ذهب زمانك و لن يأتي
ما راح انقل لكم الي دار في ندوه العم حمد اليوعان و لكن سأنقل لكم مابعد حمد اليوعان
طلعت وانا كلي امل في باجر
عطاني عزيمه ان الكويت مازالت بخير
عمي حمد اليوعان لست هنا بصدد مدحك فانت رجل غني عن التعريف
ولن يخلدك التاريخ بمدحي
ولكن انا التي اريد ان يسجلني التاريخ لكتابه دعوه صادقه من القلب لك
وبقلبي قصصه ابي انثرها لك
عمي حمد تطمن حوبتك ما راح اتعداهم
ضربوك هني في الكويت وانت بين اهلك و ربي ضرب عيالهم في امريكا و شردهم و شتت شملهم
عمي حمد اليوعان ضربوا ريلك و احرقوها و ربي حرق قلوبهم على عيالهم الي راح واحد فيهم ورا الثاني بطريج الشاليهات
عمي حمد اليوعان شلو رجلك و شل الله عيالهم جدام عينهم بالمخدرات

عمي حمد اليوعان كانت منك دعوه صادقه في دجى الليل عليهم
واستجاب ربي دعائك و فيهم و شتتهم و فضحهم بين خلقه

عمي حمد اليوعان لك رب سميع بصير
مجيب دعوه الداعي استجاب دعائك فيهم و في مالهم و اعيالهم
انت واحد دعيت و اهم قوم تفرقوا و علمتنا الحين عدل ان دعوه المخلص تستجاب
دعائك بسبب طقه ريل و هدت بلد
و شلت جسد
و دعائي بسبب حرقه قلب و شلت احساس بالامن

عمي حمد اليوم بقولك اياها تطمن الكويت بخير
شفت كل هالرياييل الي كانو واقفين و محاوطينا و احنا نسمع كلامك الجميل هذولا الشباب اهم الي بشيلونا من الغبه و بطلعوناا
سنحارب كل قوى الفساد
سنصمد رغم كل القهر والالم الي هدنا
سندحر كل مشتت لهذا البلد
كما قال تعالى :
قَاتِلُوهُمْ يُعَذِّبْهُمُ اللّهُ بِأَيْدِيكُمْ وَيُخْزِهِمْ وَيَنصُرْكُمْ عَلَيْهِمْ وَيَشْفِ صُدُورَ قَوْمٍ مُّؤْمِنِينَ
في النهايه اقولها لك عمي رسالتك وصلت لنا و بتخلينا نفكر لي اخر العمر
ليش اغتالوك.. و اطعنوك و شلوك و ياليت نكون ابطال مثلك
اقولها لي و لكم و لك
طلعت و انا بقلبي ان الكويت انشاء الله بتكون بخير ..
كويت اول بترد انشاء الله
والامل موجود
كويت الي كان احمد الخطيب يفوز فيها بالجهرا وهلال المطيري يبني الكويت
كويت الي لاعرفت بدوي ولا حضري ولا شيعي ولاسني الا اليوم عشان بس يفرقونا
عشان بس يشتتونا
حاربكم الله ياااا اهل الفساد
و في النهايه تصبح على الف خير يا عم حمد
وانا متأكده انك ستنام مرتاح اليوم اكثر من اي يوم تألمت فيه
وكلمه اخيره لشباب بلدي
معزمين تحمونا؟ و تبنونها صح؟؟
كلمه لبنات بلدي
معزمين تردون كويتنا الي خذوها منا بفتاوى يشترونها من بره؟؟


35 comments:

lawyer said...

راح احطلكم الصور باجر انشالله لاني ناشره البوست من موبايل



تصبحون علي خير

KQ8 said...

مسرع ما نزلتي بووست

لييكوون انتي اللي قالت ما ابي مكرفون وعفستنا فوق حدر لوووول

اويلاه خوش ليله مو طبيعيه

نطري علي خليني انزل صور الندوه

حاطب ليل said...

الشهيد الحي

Nikon 8 said...

مشكورة على النقل السريع قاعدة أشوف الندوة على قناة سكوب وأقرأ لك
:)

As YoU LiKE said...

ندوة قمة ونبي ندوات مثلها بعد منه .. للحين انا جوعان !

nanonano said...

لويـــــــــــــــــــــــر

الليله

شي..شي..شي

ما صــــــــــــــــــار

شي

يعور القلب و بس

Mohammad Al-Yousifi said...

رجل

U know WHO said...

لوولوو

صباح الخير.. صباح الكــويــت

وااااي لوولوو
كش شعر ينبي

وقلبي قام يرقع

انا قريت بوستـ ج
جذي صار فيني
لو حاضرة الندوة اشلووون

هرمووون الوطنية صك العداد مرتين
وانشالله نشوف تغيير قريب
:)

EXzombie said...

افضل من الف ندوة مرشح

زادنا حماس على العمل
و كان نافذة للزمن الجميل

الندوة كانت اكثر من ممتازة و يشكرون عليها القبس انهم استطاعوا ان يهدونا اجمل هدية بلقاء "العم الحقيقي" حمد الجوعان و كان ناقصها انه يربطون عباس النص شعبي، او يحطون له ترجمة لأنه ما فهمت و لا كلمة من حجيه

تحياتي

lawyer said...

صباااااااحكم ورد

يلا بسلم و بروح اكمل شغلي




KQ8

ههههههههههههههههه يالله ناطره صورك




اي انا حار بحار
لو تشوفني وانا اشلون مغمظه و نايمه و كاتبه البوست قصب من الموبايل

و طلعت الصبح ولا نزلت الصور انشاء اذا رديت البيت







حاطب ليل
اي والله فعلااااااا






نيكون
صج ناقلينهاااااا؟؟

خنقولهم اليوم الظهر يسجلونها





از يو لايك
شفت الصفقه الي ورا صارت اتيييييينن
خذو كلمه مطقوووووووق




نانوووووووو
اي والله صااااااااااجه

شي شي شي

رجعنا لماااااااضي زماااااااااااان


فعلا شلعه يووووووف

AuThoress said...

يُفترض بعد القشعريرة، التحرّك..
ع الاقل كل من موقعه، اللي يحب الكويت فعلا "يداوم ويعمل دون تذمّر ويحارب الفســــــــــاد في أي مؤسسة يكون فيها حتى لو تطلّب الامر فصله"... اللي يحب الكويت فعلا ، يتكلّم مع الكل، يغيّر قناعاتهم نحو اختياراتهم لمن يمثلهم من نوّاب، يؤكد للآخر على ضرورة التفكير العقلاني المنطقي دون تردد او خوف من أيّ كان.

حبوا الكويت.. الكويت الأرض
قولوا كلمة الحق أينما كنتم، وشاركوا أي تجمّع ساع ِ لرفعة البلد دون أن تختلفوا.. من يقود من في هذا التحرّك..

الكويت تحتاجكم دائما
هذا ما يجب الاستفادة به من خطاب الجوعان.. هذا ما بعد القشعريرة.

sologa-bologa said...

رجاء
مابي صورتي تطلع
;p

lawyer said...

اكسزومبي

عباااااااس امس تحفه
بس والله عفيه عليه مسكيييييين


ابتلشو الشباب الي حوالينه ما يسمعون شي و من يتكلم الكل يلتفت عليهم



كانت ليله من الف ليله و ليله ورائعه الزمن الجميل



فعلا الف شكر للقبس





اوثوريس

ايتها المبدعه

فعلاااااااااااا
كلامك عين الصح و العدل

ماعورج قلبج لما قال انتو اشسويتاااااااو


اي والله اشسوينااااا


اويلاه بس

هل يكفينا ان نجابل بعض في البلوقات انتحلطم و نكتب بس؟؟

طبعا لألأ


ياريت تسطرين شي جميييييييل دعوه من قلمك الحر للشبااااااااااب
نعزز فيهم هالشي



نحن بحاجه لجرعاااات العم كل يوم

Kwaitiyya said...

لوير.. بوستج يهبل يهبل يهبل
أنا أمس 3 مرات بجيت
يوم قال عن شلل ريله بالندوة
ويوم رديت البيت شفتها على سكوب وهم بجيت
ويوم رحت فراشي هم بجيت

واليوم أقرا بوستج والدموع اربع اربع

لو أكو مثل حمد اليوعان ثاني بهالزمن والله بتكون الديرة بخير

الناس الزينه موجوده بس مو بارزين
وما يبون يبرزون .. كله كلمتهم (شالفايده.. الاوضاع مو طيبة)
نفس حمد اليوعان شلون وخر عن الساحة وقطع كل شي بهالديره

آآآآآآآخ
أبي الكويت القديمة أبيييييها

lawyer said...

سلوقاااااااااا

اسفرت و انورت

مادري ما اظمن لك ههههههههههههههههه



:))







كويتيه
وااااااي امس انا بس ادمع و باطين جبدي الي يصورون يمي كانوووووو
بس يجكجكون فينا و احنا نصيح اشتبوووووون !!


امس رديت و انا طايره
و اليوم داومت وانا كلي امل بان الله ببارك لنا في شبابنا و بتوقف المرأه مع المرأه

وعسى هالامل ما ينقطع و احساسنا ما يخيب انشاء الله



امس كانت ليله غير

Blog 3amty said...

سنين والمجلس ولهان على حمد الجوعان

lawyer said...

بلوق عمتي
هذا انت الي قاعد تشربك ورااااا

:))

ARTFUL said...

اي والله يا فاطمة استمتعنا وايد وانا مارحت ولا ندوة

والحمدالله قدرت احضر تجمع كنت افتقده واسمع كلام كان ينقصني بدنيا

كنا نفتقد القدوة

في وقت قلت فيه القدوات

روحه الطيبه

عسى الله يشافيه

مع اني صديق لابنه ولنسيبه بس ما استمتعت كثر البارحه

حسسنا بحسرة على كويت الماضي

كويت الخير كويت الوحده
----


ما شفناج

;p

lawyer said...

ارتفل

اي والله الف الحمدلله ان ربي قدرنا و رحنا هالندوه الي عن الف ندوه




نسيناااااا الخير للاسف

اي والله قميظه ماشفناك

جان ييت سلمت عليييييك

ARTFUL said...

مكاني معروف،، وين المزيون عباس

وراه بخمس صفات

;p

Purplecious said...

ما شفتيني؟

:p

lawyer said...

بربل

بعد قلبي ماااااااااشفتج قميييظه جان سلمت عليج و خرعتج و قلت لج ترا انا فطوووووما لوير ههههههههه






ارتفل


قاعد تشربك؟؟

ARTFUL said...

لا هالشباب الطيب وراي

خلاص لا تفظحينا

أقولج بعدين

;p

lawyer said...

ارتفل

وييييييييييييييييي قمت اشغل فطوووووم مااااااب (( على وزن جوووجل ماب ))

ههههههههههههههه

سيييييييرج سيييييرج

هههههههههههههه

اي اي اي قولي بعدين .. ;;;;)))))

ARTFUL said...

لا تسوين سيرج يا بنيه

;D

lawyer said...

ارتفل
ودي بس ما اعبر ههههههههه
انشالله عمي بس حتي لو ماني مسويه البركه في القبس ههههههه

ARTFUL said...

لا اتعبين روحج حتى مصور القبس صديت عنه بس حنجي طالع

;p

AseeL said...

وانا مثلج مقاطعة الندوات هالدورة

بس ما استمتعت مثلكم
جابلت شاشة سافلة كل شوي تقطع وتطفي
هذا اللي يقطع تذكرة متأخر يقعدونه بلكون




خوش كلام لوير

enter-q8 said...

http://www.janoubalsourra.com/ArticleDetail.aspx?id=1484

و تلوموني لما قلت انهم تبن

lawyer said...

ارتفل
الحمدلله انا كلش مو طالعه


اسيييييييييل

ويييييي قميظه لو داقه علي كان في يمي مكان




حاكي عقالي

قريت و انقثيييييت و سفلت فيهم بس مدري يردون ينشرونه او لأ

lawyer said...

فلاااااان


هاهاهاهاهاهاهااها

مت من الضحك مت مت من الضحك

قمت اتقلدني هااااااااا؟؟


ثانكيوووووووو عسانا ما ننحرم

ولد الديرة said...

:)

ما ابي اعلق و ارفع ضغطج وتالي تحذفين موبايلج وتطالبيني موبايل

lawyer said...

لا ولد الدييييييره تكفا قووووووووووووول

و اذا فيها حذفه بحذف لابتوووووووووبي

و ابي ماااااااااك انزين...؟؟؟؟؟




بلييييييييييز قول

ولد الديرة said...

الله اكبر

ذاك اليوم صفقتي الباب ورحتي والحين قول

:>

lawyer said...

ولد الديره

هاهاهاهاهاهاهاهاهاهاهاها


واي محد يعبر علييييييييك ابد

خاشها في قلبك صفقه البااااب


اي حريتني شسوووووي




بس الحين شفتني اشلون صرت مؤدبه و شغل حنه و ترررررررجي

عبالك يعني قاعده اقولك قوووول عشان بسمع و بقتنع؟؟


لا عشاااااااااااااااان امارس هوايتي المفضله الدحره و النجره و الهوااااااااااااااش


من زمان ما تكامشت ويا احد


اشناوي على باجر من بتعطي ؟؟

والا انت مع الورقه البيضه؟