Wednesday, May 27, 2009

when ???? he's just not that into you



المجتمع الامريكي يختلف اختلاف كلي عن المجتمع الكويتي
من تركيبته السكانيه من اعتقاداته
اسلوبه و نمط المعيشه
مجتمعين مختلفين في قارتين مختلفين .. ولكن رغم الاختلاف الكبير
هناك شي واحد يجمعهم وهو السطحيه


اي نعم السطحيه مشكله الامريكان كل شي يضهولونه و يكبرونه
و يسون منه شي و اهو ولا شي
كاتبه يديده تطلع تكتب لها سطرين يسوون لها كتاب و ينباع ملاين النسخ و تشتهر و تصير قاعده المفروض الناس تمشي عليها



فكره الكتاب و الفيلم الي بتكلم عنه هو عن الدتينيج
قبل لا اتكلم عن الدتينج خلوني اقولكم شغله


الاعلام الامريكي مثل الاعلام الكويتي ينقل الاشياء الغلط والي مو موجوده
يعني لما نشوف سكس اند سيتي و داسبرت هاوس وايفز و لبستيك جانقل نقول واو الامريكيات جذي يهتمون في شكلهم و الموضه و اللبس الي موطبيعي
واهم في امريكا على النقيض تماما اهم اكثر شعب في العالم عملي
صحيح ان الموضه تتمركز في نيويورك و هوليوود لكن امريكا مو بس نيوورك
الامريكان وايد ابسط في شكلهم



و كذلك طبيعتهم الامريكان الصج و الاصليين او الكاثوليك بالذات و اهم الناس الي انا اعرفهم عندهم وايد نفسنا البنت تستذبح على الزواج و جدا مهم عندها الريال اصلا اهم البنت عندهم من 25 سنه تعنس .. من الجامعه واهي تفكر في الريل
اما الي يوصله لنا اعلامهم ان الامريكيه انسانه بس تفكر في الديت و الويك اند تروح بار و تنام و عشا و بس !!



المهم الحين خلوني اقولكم قصه الفيلم
كنت وايد متحمسه اشوفه و حدي واو ناطرته صار الظهر طرشت السواق اييبلي الكتاب و يروح يودي نسخه حق رفيجتي و ياخذ منها الديفيدي
جابلت الفيلم و شفته من اول 10 دقايق و انا اسب



جيجي و هي البطله المينونه الي مو صاحيه الي من اول يوووووووم و اول طلعه عشا مع الريال تلززق فيه لزقه عنزرووت و اتناشبه و تدق على الموبايل و الانسر مشين
الصراحه حسيت المخرج وايد بالغ اشدعوه اكو بنت تقط روحها او تكون غبيه لدرجه انها تدق على ريال الف مره من اول طلعه و مايرد عليها و ماتفهم انه ما يبيها
!!



و الثانيه الحقيره عااد والا رفيجتها الي بغيت اطلع لهم من الشاشه اكمشهم
تخيلااو ريال تحرش فيها عادي
ييت بتبادل وياه الارقام واهي بتعطيه الرقم
قالها سوري انا متزوج !!
تخيلاو اشقالت تبادلو الكروت عشان يصير الشي رسمي ياسلام
وتطير تقول حق رفيجتها شفت واحد وايد عجبني بس طلع متزوج
هذيك الهبله ترد عليها تقولها تعرفين فلان الي نشوفه في الكنسيه ترا كان متزوج خمس تعش سنه وبعدين حبته وحده طلق مرته عشانها و خذا الي يحبها
ياااااااااااااااااااااااااااااااا سلاااااااااااااااااااااام شالانانيه شالحقاره
ترسمين على ريال متزوج و تتخيلين انه يطلق مرته بعد
و لا مستانسه تدورين امثله !!والهبله الرفيجه الي مشجعتج
احتريت حدي حدي حدي انقهرت
هذا وانا مو متزوجه لو متزوجه وي جان طقيت تذكرتي امريكا تفلت على المخرج ورديت



اي و البقره عاد الثالثه منو (( زوجه هذا الريال الي يبون يرسمون عليه)) شنو يطلع
ماخذ مرته هذي البقره عن حب و من يوم ما تزوجها ما نام وياها !!
والمخرج الغبي ما بين لنا ليش و شنو السبب
بذمتكم يعقل ان اكو ريال متزوج مرته و يحبها ومتعرف عليها سنين بس مانام وياها
فقام يخونها ويا الحماره الي راسمه عليه عشان محتاج سكس !!
مخرج غبي جذي ما شفت


واخر شي يفلون و يتطلقون عشان مرته طول الفيلم تتهاوش وياه ليش اتدخن !!
و يوم يعترف لها بانها يخونها رده فعلها طبيعيه بس التدخين مو طبيعيه ليش بالله !! لانك تجذب علي !!



بذمتكم هذا شي طبيعي !!
لألأ فيلم عور قلبي بكميه الغباء و الحقاره


و جنيفر انستون و بين افلك
اول شي انا اموت على بن افلك فلو شنو يسوي اتقبل منه فشهادتي فيه مجروحه
مثل شهاده شياب الدائره الثالثه في اسيل العوضي
اي و هذي الغبيه جنيفر تتهاوش ويا بن افلك و يهدون بعض
و بريك اب لما سمعت اختها تزوجت جان تروح له تقولي احنا عايشين ويا بعض سبع سنين لي متى ما تتزوجني؟؟
قالها انتي طول عمرج متفهمه ومأيدتني في اني مو مقتنع في الزواج اشمعنه الحين
قالت له عشان على امل اييك يوم تقتنع
سبع سنين راضيه ساكته ما انفجرتي الا بعد سبع سنين
بس الصراحه بردت قلبي يوم رجعت له لانه صج يحر تصرفها


المهم اهو في 4 كبلز
و مواقفهم في حياتهم
والمخلص هوان كل المواقف او اغلبها في الحياه عنده لها تفسير واحد
he's not into u


وان اختلف العادات و التقاليد في جميع انحاء العالم الا ان المرأه مرأه في المريخ او الارض.. الراقصه ام الداعيه الاسلاميه كلهم هدفهم واحد و هو الزواج فقط الزواج !!ولكن تختلف الوسائل ..
لما اشوف الشغف على الكتاب في الكويت ما يتناسب ويا طبيعه مجتعنا قولولي ليش!؟؟
انا في الكويت عشان اتزوج يبيلي شيك ليست الامريكان ماعندهم اياها checklist !!

عيمي او نيدي
جامعي او ماعنده شهاده
شنو مستواه
شنو عايلته
منو مناسبين
اخلاقه
بيتهم
بيئته
ظروفه !!
عقب شوفاي
زين او مو زين
تتقبلينه او لأ
اطباعه
شكله

على ما اتخلص اللسته الا منهد حيلنا ولا انطالع هيز برسونالتي كلش لانه يادوبك لقو الانسان المناسب شكليا لهم !!
صح !!
هذا غير ان الزواج نصه في الكويت زواج اهل فاكيد حزتها هذا متزوج و هي از نوت ان تو يو
he's not into u



لو بطبق كلام الكاتب او الي في الفيلم او مجرد اقارنه في الكويت كلش ما يتناسب
لان الكاتب شوي ويقولي اذا كنتاي بالصاله و خلاج و دش الحمام فمعناته
he's not into u



بس الزبده الوحيده المفيده من هذا الفيلم او مخلص الكاتب ان يوصل للبنات
ان الريال ماعنده عذر ان يكون مو معاج الا اذا اهو ماكان يبي يكون وياج

لان الريال ابدا ماله عذر وماكو شي اسمه ظروف الا الجذب فقط
ويعلم الكتاب ان البنت ابدا ما تعطي عذر للشاب
يعني في بنات يقولون مادق علي لانه بزي
اهو يقول الريال مستحيل يكون بزي عن الي يحبها
و البنات يقولون له جذي
اهو يقول جذاك

يوم خلصت من الكتاب و الفيلم دزيت مسج حق رفيجتي
قلت لها

"
اقووووول اشوه اني مسلمه منثبره في بيتي ايني نصيبي لي عندي ترا صج الله كرمناا خلانا ملووووك لا نروح ولا ندور ولا نسوي اهو اييج لي عندج يطق بابج
يبي اهلا وسهلا مايبي يطس و الالب داعيلك يااماا
"

he's just not that into you :

1- if he's not asking u out !!
2-if he's not calling u
3-if he's not dating u
4-if he's not having sex with u
5-if he's having sex with someone else
6- if he only wants to see u when he's drunk
7- if he doesnt want to marry u
8- if he's breaking up with u
9-if he's disappeared on u
10- if he's selfish , jurk abully or really big freak

26 comments:

مـغـاتيــــــــــــر said...

hi lawyer;
i read this book 3 or 4 years ago when it was first released, the author of this book was a story editor for Sex and the City so obviously the dating game is his field.
I think the book was targeting "single naive" women who get confused by mixed messages they receive from guys; and only for this purpose the book did really good in shaking awareness .. i didnt see the movie so am not really sure how well they deliver the book idea.
bs 6b3an 7addech matshj3een elwa7ed yroo7 yshoofah :P

U know WHO said...

هاي لوووولووو

هم متشوقه أشوووف الفلم

نحتاج تفاهة شوية تنسينا الهم والغم

واي ضحكتيني على إللي يستذبحووون عـ الزواااج
والله انهم مساكين
هذولة الفئة بالذات إللي لوتزوج تظل عايشة بدووون شخصية وذليلة

لأنها في كل حال من الأحوااال تنازل عن أبسط الأموور ودايمن تكووون غبية

والرياييل ما ينجذبوون للغبيات لأن بسرعة يكتشفون سطحيتهم ويملون منهم
الرياييل ينجذبون للذكية والشخصية القوية بس ما يعترفوون

بس تعبت
أكمل وياج بعدين
؛)

U know WHO said...

هااااااي لووولووو
صباح الويووووه الزووووغة

إي هذا الويه الواحد لما يشوفه من الصبح تنفرج أسارييره
مو الأرقوووزة

؛)

يا زيييينه زيييناه
:)

U know WHO said...

لووولووو
عطيني الجيك ليست وانا أظبطج

:)

أمس أقووول حق جندووول إشرايج نطلع بلوق توفيج راسين بالحلال جان تزفني

تقووول لي سعف وسحووور وخطابة.. مشروووع شعوذة
:P


والله عاد خووووش فكرة

تدرين أكو سايتات بأمريكا تضبط تعارف وهي ماشية على سنقت 10
إشرايج
إشقلتي ويانا أور نوت ؟

؛)

Sweet Revenge said...

صبااااااااح الخير لوير
شفيج الله يهداج مايسوي عليج هالفلم الي شفتيه
ريلاكس
انا شفت الفلم ما ادري صح اهو في شغلات وايد ماتتناسب معانا بس في مسج اظن الكاتب يبي يوصل معلومة للبنات
خو مو كل البنات اذكيا خبرج ويفهمونها واهي طايره ;)
بس شغلات حلوه للفلم
عندج علاقة جنفر وبن افليك احس الهدف منها ان لاتاخذ الشريك كمسلمات لازم تقدر وجودة في حياتك
جيجي قصتها تبي تقولنا فيها ان الحب موجود ومو لازم تقطين نفسج علي اي احد لما يكون الوقت المناسب راح تحصلينه بس بدون ياس
درو باري مور ما ادري ماعندها سالفة كلش بس دمها كان خفيف مع ربعها
والثنائي الاخير اتوقع تحذير للمتزوجين اهي كانت رافضة العلاقة مع زوجها فبالتالي راح دور بره
واهو كان جذاب
اخر الفلم الرساله كانت حلوة ان النهاية السعيدة مو شرط تكون بالزواج بس بايجاد نفسج بالاول وشنو تبين في الحياة والباجي مقدور عليه بالنسبة لي الفلم حسيته دمه خفيف ويسلي
"i had i good time"
:)

chandal/danchal!! said...

فطومة

عجبتني فكرة الكتاب!

الله يستر على بناتنا

المشكلة باللي تملج ومليون الف ساين ان الريال مغصوب عليها وهم مو راضية تفهم!

تضيع وقتها مع واحد مو كفو... والمسكينة على نياتها

عيل بذمتج اول يوم ملجة يخليها مع امها وربعها ويقولها فيني النوم!!!

هذا بس يبيله مكتبة مو كتاب!

lawyer said...

صباح الورد


اولا للتوضيح
الفيلم اذا تبون تشوفونه لانكم مجرد بتشوفون فيلم عادي فراح يكوووون يونسسسس و حلوو


لكن الي صاير انا شايفه الكاتب ويا اوبرا .. و مقابلته و سامعه عن الكتاب و قاريه شويه عنه .. فحبيت اهني اتكلم بوجهه نظر نقديه و مقارنه بين الكويت و امريكاا..


وثاني شي انا كنت متحمسه للفيلم و بعدين رفيجاتي دزولي مسج راح تنصدمين وبلا بلا .. فاهني خذيته من وجهه نظر تحليليه



والا الي بشوفه في الويك اند و اهوووو يتابع مجرد فيلم راح يكون ممتع ...











مغاتير
صباحج ورد حياج الله
اي فعلا كلامج صح اهو يخاطب شريحه البنات الي في بدايه الداتينج
و هذا الي كتبته في اول سطر ان الكتاب يتكلمم عن الدتينيج ..
يعني البنت من البدايه اذا دشت ماي سبيس او اي موقع للتعارف مثل ما اهو صاير و تواعدت ويا واحد اشلون تطلع من العشا واهي تدري انه يبيها او لألأ


وترا هذا شي طبيعي ما يبيله ذكاء هذا احسااااس

شي طبيعي ان الريال اهو الي يباادر
شي طبيعي ان الرياااال اهو يخطو الخطوه الاولى


يعني بذمتج خلينا انتخيل انج شفتي ريال في ميتينج او اي مكان و انجذبتااي له
واتحسين اهو يبادلج نفس الشعور بتقووولين له عطني رقمك او ايميلك !!

انا عن نفسي مستحييييييل

اصلا انا يمكن تكاد اكبر عيوبي ان لو الي جدااامي وايد يايزلي وادري اني يايزتله بس ما ابادر

انا دائماا ما اخطو الخطوه الاولى و لازم تكووون جميع الخطوات بدايتها الطرف الثاني

اهو الريال في العلاقه و اهو المبادر




فعشان جذي استغرب من مثلا هذي جيجي لما عقب اول طلعه مجاااابله الموبايل حتى في الحمام تنطره يدق


بستيييين داهيه دق او لألأ

هذا مجرد ديييت اول مره تشوفينه



لألألألألألألأ
لألألألألألألألأ

جد والله انصحج تشوفينه









يونو هوو

اييي لازم تشوفين الفيلم على اساس انه فيلم عاااادي


انا هني حللت الفيلم رداا على الكاتب


يونوهو
كل بنت تبي تتزوج
وكل بنت لها وسيلتها في الزواج
وكل بنت لها هدف تبي توصله قدرت قدرت ما قدرت هذا نصيب

انا المشكله الي قاعده اشوفه الحين ان الريال جدا يعجب في البنت الذكيه بس اطلاقا ما يتزوجها

كل الي البنااات الي اعرفهم سخيفات و سييلي متزوجين رياييل وايد ناجحين و عميقين


رفيجتي حد يوشهاا تتكلم عن مجله لياليناا و ايميلات بابايات و سخييفه وماتشتغل حياتها بس شوبينج و ماتعرف تسولف كلش
والكل يقولي اشلون هذي رفيجتج اشلون اتسولفون
ريلها انساااان سيااااااسي فذ من الشباااب المتحمسين
قياااادي
يحضر دكتوراه عميق جداا
في افكاره و حياته


و هذا ابسط مثال و الكل الي اعرفهم جذي







اعرف وايد رياييل يحبون البنت الذكيه بس ما اشووف ذكيات و ناجحااات متزوجات او متوفقات ويا رياييلهم كلا مالهم حظ و مدقرينهم
او جاعمين طموحهم

اذا شاطره في التجاره ما يبيهااا تلهى عن بيتهااا

اذا شاطره في عملها يقولها بيتج
اذا يتها سفراات و دورات قالها ماني رايح وياج ولا تروحين بروحج

Sn3a said...

انا حبيت حلقه اوبرا لما تكلمت عنه
بس مو وايد جذبني الكتاب لاني ادري اني ماراح اقتنع فيه

بس كان ودي اشوف الفلم

شئنا ام ابينا احنا مكرمين بدينا اولا وعاداتنا السنعه مو المتحجره
كافي الريال اييج لي البيت ولكم اثنينكم اوبشن

صج ان المشكله ببعض النماذج اللي مثلا يكون ولد امه وتغصبه يتزوج
او يتزوج عشان يحر حبيبته او غيره

لكن الغالبيه للحين يدشون البيت من بابه ويخلي امه اتدورله وهالشي وايد زين
انا ما اقصد طبعا اللي يتزوجون عن حب شي مو زين
بس انا اتكلم عن قناعاتي بروحي

ثانكس لوير
سوري اني قرقت

نون النساء said...
This comment has been removed by the author.
نون النساء said...

لوير


^
^
^


على كومنتج هذا وبالجزئية الأخيرة
ترا محد يحب يكون الطرف الثاني احسن منه
يا متعادلين أو اقل


وبعدين شلون الواحد يمارس خاصية الغرور بشكل شرعي
إلا بهالطريقة


وايد لما تلقين بشرط الزواج انه يبيها ذكية ومثقفة و و و و

بس لا يات الصجية
على قولتج
بيتج وبيتج

7osen said...

خووووش بوست الصراحة

واااااايد عجبني الكلام إللي فيه

يعطيج العافية

EXzombie said...

و الله محد مخصبقنا غيركم يا البنات

تعقدون الي ما يتعقد

ستين الف نقزة و غمزة و تأشيرة و تلويح و مناشدة و صراخ انه تعال، و بعدين لما المسكين ايي تقولون له عيب و يا قليل الادب، شوي تخفيف من انفصام الشخصية

البنت الكويتية تبي بس على المزاج و على طريقتها الخاصة، و هالشي صعب يصير

السالفة ما راح اقعد فيها و اطول بالكلام عنها انا عندي سؤال انا باللستة شلون وضعي؟

إيكاروس said...

شفت الفيلم مع صاحبي في بريطانيا

الملاجظة الأولى
إن جمهور القاعة كله بنات
أو كابلز!!0

قبل لا يبتدي الفيلم ..قلت حق صاحبي
شالفيلم ..إلي جايبني حقه؟؟

الملاحظة الثانية بعد ما انتهى الفيلم
وجوه البنات وايد متأثرة بالأحداث
أما الكابلز
..الريال بيطلع من باب السينما بأسرع وقت

:)

خلاصة الفيلم ..إن البنات في كل المجتمعات هدفها الارتباط مع رجل
تشعر من خلاله بالأمان

---

عموما ..إذا تحبين هذا النوعية من الأفلام
و عشان بردين جبدج بحقارة الرياييل
شوفي هالفيلم

Ghosts of Girlfriends Past

المقوع الشرقي said...

لوير
ما عليج من اوبرا والاميركان يكرفون المره كرف الشر حالها من حاله وترد من الشغل تكرف ببيتها
وعيالهم اشطن من الشياطين هذا عن تجربه وسمعى اخناقهم تالى الليل
مغير يصرخون وكفخ ومكافخ
فيهم اميت عقده نفسيه
الافلام شى والواقع شى ثانى
أميركان بيوتى
المهم
انتو هير
بالكويتى
البنت عندها رادار ولا ادق وتعرف بس تلغى عقلها عشان تصدق نفسها وتقص على عمرها
استعباط ع المزاج
وبعدين تقول قص على منت قاصه على عمرج وتدرين
زائد الحنه الى تكرف اقصى القلب
وتنحش اللي ما يتنحش
وشوفى الجانب الثانى فى الابداع بالجذب ليش ما تدرين هوايه احتراف مادري
اللي يحب يا لوير من صج يوصل لقلب الثانى من غير تلفونات زايده ولا خرابيط مواقف رجوليه واضحه
جنه صار بوست السموحه
بس حق يو نو هو
ما عمري حبيت الريال الجميل
ولا حتى الربع جميل
:)
قدرات
لوووول
ويه حتى انتى يا لوير ويا فزاع
وييييييييييع
ههههههه
توبه بس لا تعصبين!!!!

Um El-Zain said...

شفت الفيلم,نوت باد بس بحكم اني متزوجة وايد عجبتني اخت جيجي الي طلقت ريلها بسبت الزجاير, فهمت الي تقصده بس يبيلة طوالة الشرح, شي ثاني نرفزني تلزق جيجيو و خبالها الحنة ما تفيد و اتلزق يبعد عنج الي تبينه هذا ينطبق على كل شي في حياتنا و لما بس فقدت الأمل ياها لي بابها يبوس الايادي لوول تبكل

ولد الديرة said...

ببساطة

قالها خير البرية

الودود الولود

مو الحنانة الرنانة

بس كلام :)

ما عشت في امريكا لكن عندي فكرة كبيرة جدا عنها

بالعموم

المرأة هي المرأة في جميع انحاء العالم

والرجل هو الرجل كذلك

اتحدى اذا كان فيه رجل يقول نفس المقوع ما قالت

انه ما يبي الجمال :)

U know WHO said...

تنوييييييييييييه للـ المقوع

الريال الحلو مو للـ محبة
بس تكحيل للعين
:P

أدري شنو بتقولين يالمقوع

حلات الريال باطباعه واخلاقه

ندري ندري

بس نحتاج نشوووف حلوين
؛)

U know WHO said...

لووولوو
صباحو

شنو الريوووق اليوم ؟
ومن عليه ؟

:)

lawyer said...

صبااااااحكم عسل

يالله ياربي عدي هالصيف على خير ياااااااارب


ريعي الي في مجلس الامه هالله هالله في الاخبار
انا وحده مرابطه في المكتب من السبع










يونوهو
صبااااااح الوييه الشرحه الي تنسييييج عطنه الي عندي





الجيك ليست الي عندي ((مزاااااااجي)) انا موو مع شيك ليست الكويتين انا مزاجي اهو محدد مصير حياتي


لو بنظبط البلوقر ويا بعض بدال ما اينا قنطار بالجنه لان وفقنا راسين بالحلال بندشششششش سييدااااا جهنم وبأس المصير


اغلبهم متزوجين و متزوجااااات
بتزوجينهم على ريايلهم

لا يغرج الصور والاسلوب و مسوين حركات السينقل


نصيحه لا ادشين وايد ويا عالم البلوقر لانج تنصدمين


و الريوق اليووووم على جوجو لويسسسس











سويت

شفتيني اشلون حللت و شغلت مخي و جابلت اقرااا و اكتب بوست

هذا جيج عالم اخر سكتاي انا مصدوووومه بحياتي منها ياربي هيعااااااااي

شاكه بروحها شفتيها لما واحد عطاها كرته قالت له انت بدق والا انا ادق عليييييك !!

ياااااالهووووووي

فعلا ان نهايه الفيلم مو واقعيه بس المخرج عايز كده
لكن الاهم من هذا الشي ان مو شرط السعاده تكون في كابلز او وجود ريال اصلا


المهم راحه الذات







جوجو لويسسس
ههههههههههههههههههه

صاجه
بس ترااااااا في مساكين صج ما يدرون ولا اتعرف له و اذا يت تسأل احد قالها وييييييي عادي اول الايام جذي



انا اعرف وحده طلع من العرس وياها و كان عرسها في بيت اختهااااا قالها هااااا اوصلج البيت لان تو الناس عقب يومين السفره و قطها بيت اهلها !!

واهي مجهزه الجنطه حق الاوتيييييل و مستعده و راسمه الاحلاااام الورديه و لما كانو رفيجاتها يسألونها عقب العرس وين بتروحون تقووول ما اقدر اسأله الرياااال اكيد مجهزلي مفاجأه ليش اخربها على عمري !!

ردو اهلها البييت الام بغت تنجلط ! قالتهاااااا ليششششش انتي في البيت
قالتهااااااا اهو يابني شقووووله !!





سنعه
اسسم على مسمى

اي لازم تشووووووووفين الفيلم لانه راح يكملج فكره الكتاب


بس الكتاب بروحه ضحك









نون النساء
اي فعلاااااااا
يحط ستميه شرط و حزه الحزه كلووووو طار في الهوا شااااااااشي








حسين
الله يعاااااااافيك و يخليييييييك

اشكررررررررررك
اخجلتم تواضعناا








اكزومبي
افا البنات مخسبقيييييييينكم ؟؟
اشلووووووووووون
لألأ لألأ شوووف
احسن شي الواحد
يكون دايركت
يعني ماعليه من التلميح و التكفييييخ
اهووووو اذا يه صح راح يعرف الصح




البنت الكويتيه صارت مالها خلق لا تلفون و لا مأوحه على قوله المصرين ولا لها خلق تدلل و تجابل
البنت الكويتيه صارت مثل شريط ماريو تبي تعرف كلمه السر عشان تلعب المرحله الاخيره و تفوز




لووووووووووووووووووووول
انت باللسسسسسته 100 على 100
المنه عليهااا بعد

على قوله فهد العسكر انت حلم كل فتاااااه كويتيه

(( لاحظ المحاباااااه و الدفااااااع المستميت طلع فيني نزززززعه عنصريه جتااااله ))

هههههههههههههههههههه








ايكاروس
لوووووووووووووووووووووووول

لووووووووووووووووووووووول



مت ضحك على البنات و الرياااااااييل

الي توهق الرياااااال خافوووو

تلاقيه طالع وياها و سنين وياهاااا و لا يابلها طاري الزواج


فطلع فالصوووووو




الفيلم مانزل في الكويت سألت عنه مال الديفيدي قالي ما نزل بس حطيته في اللسته



شكراااااااااااا








(( نقطه نظام))

ننتخب اعضااء مجلس الامه
عشااااااان يزكون الخرافي !!

مالت عليهم

chandal/danchal!! said...

جايات للربع على حسابي


مبروك عليكم

جاسم الخرافي ريسنا بالتزكية

وعبدالله الرومي النائب

chandal/danchal!! said...

زهبو طاولة حق ام صهيب مالت الصاج

:p

lawyer said...

المقوووووووووع


صااااااااااااجه
اي والله وربي صاااااااجه


كلامج بروحه يبرد القلب

فعلا عندها رادار


اما هالخمه هالامريكان حوووووووووووش

كل شي بسووووووون منه شي علطل






ياختي تكفيييييييييين خليني احب الزين




الزييييييين يحب الزين
انا ما اقدر اجااااابل جيكر


انحررررررررف
من باااااااجر اخونه بعيووووووووووني


لان احب هالوييييييه السمحه الي اتيييييييييين






فزاااااااااااااااااع عاد حددددددددددددددددددددججج



هههههههههههههههههههههههههههههه



ياربي هالبنت احبهااااااااا

بسسسسسسسسسسسسسسسسس لا اتحرش في زوج المستقبل و الماضي

زوزووووووووووو بن مجتوم








ام الزين
انا فهمت ليش اهي مات قهر

على مبدأ ان يجذب

وعلى مبدأ انها تسأله و يرد يجذب؟؟

لانها تصدق و يطلع يجذب
او لانه ما يقول الصج

ولأنه دامه يجذب بالزقااااااره


اكيد يجذب في الخيانه؟؟







اي جيجي هذي فيلم بروحها
انا لو اعرف وحده مثل جيجي طقيتها










ولد الدير
والادمي يوووووووم ايي يخطب وعليه اشدراه بتصير ودود والا ولووووووووووود



اهي رقيه السالفه


انااااااااااااااااااااااا معاااااااااك



انا ضد الجكر
ما اعبر عليه


انا احب الزين واموووووووووووووت بالملح و القبله



وربعي كلهم مزايين اكحل فيهم عوينااااااتي






بيدو

عفوا










جندل تعرفييييييين ام صهييييييب



يايبينها في عزيمه الاسبوع الي فات


رميييييييييييييت و ندفت صاااااج لين قلت يا ساتر


خوش فلافل عليهااااااااا





تترعيييييين طحينه اسبوووووووووع

EXzombie said...

استحي ترى من هالكلام

كملي مدح خل يسمعون

ههههههههههههههههههههههه

بالنسبة حق السيدة و ما الف و ادور عند ويهج بس هم ماكو فايدة يفرون و يدورون على فاضي بلاش

lawyer said...

اكزومبي



هاهاهاهاها


ماعندهم ساااااااااالفه ان جانهم ما يدروووووووووووووووووووون



هذاااااااا مو مدح

هذاااااااااااا الصصصصصصصصصصج





هههههههههههههه

اقضبهم من ايدهم و قولهم لا تحوسووووووووون

انا ريال سييييييده




(( طاااااع امي انتفخت علي !! مددددددددحتك انت امييييييي تشققت ))




دا انتوووووووووو عيله ما يعلمش فيها الا ربناااااااااااا

EXzombie said...

سلمي لي عليها وايد و حبي لي راسها و قولي لها اذا في احد يخطب لي و لا يختار لي عروس فاهي اولى و انا بحسبة ولدها
(ما اعرف احرج)

lawyer said...

اكزومبي

وييييييه وييييييييه

امي دمعت العيوووووووووون

سااااااحب عورها قلبهاااااا


امي تقولك يالله انت عزززززززززززم و بنات العايله وايد



امي ترااااااااااا متعصبه
بتفج في الدوانيه مكتب تزوويج ما تبي احد يطلع بره العايله مدري ليشششششششششش