بما ان هاليومين موسم عروس فخلوني اقولكم شغله
انا وحده ما اواطن العروس
اولا لان راسي يصدع
ثانيا لان العروس الكويتيه صايره جدا ممله و تلوع الجبد
ونفس الموديل و الناس و الاستعراض في كل عرس...
طبعا هذا عاشر بوست اتحلطم فيه على العروس بس صج شي يبط الجبد ماتلاحظون
الناس الي مسويه عرس مو عاجبها و لايعه جبدهم و مسوين عرس مقصوبين !
والمعازيم و انا اولهم من يطقونون باب بيتنا و اتينا دعوه ضاق خلقي..
وطبعا اذا امي مسافره ما اروح و لا اقولها ان شفت الدعوه !!
من فتره مدري اذا يبت الطاري او لأ
انعزمت على عرس .. دشيت
سطرت و قعدت
صار الساعه عشر بس يتني النومه ..
دش نبيل شعيل .. يغني ..
فجأه القاعه كلها قامت ترقص !!
و صراااااخ و ظلمه و استنزال مو طبيعي
حسوسني فجأه ان احنا في برايم او ديسكو !!
اطالع
ادقق في النظر و التركيز
ابيه هذي مو فلانه متحجبه !
علامهاا بالحفر طابه ترقص و تهز هز !!
والله العظيم اني ما اجذب عليهم سمع اذني
شتقول اهي و خواتها؟؟
لاااااااا نبيل شعيل عينه نظيفه ما يطالع ولا صوبنا لو رويشد او اصيل جان مافصخنا حجاباتنا وطبينا !!
شنو المنطق الي يقول نبيل شعيل عادي اقط حجابي و اصيل لألأ
شنو المنطق الي يخلي حرمه بعمر الخمسين تقوووووول واي من قال احبه حب نساني شي اسمه راحت البال ! جان انسى عمري
المشكله ان رياييلهم ما يدرون حريمهم شتسوي بالعروس ويطقون علينا الشرف !
يعني نفس العرس هذا و نفس كل العروس الي احضرها و فيها حريم يرقصون جدام راشد و نبيل و القصار و الطرارووه يرقصون واهما شبه عاريات مفاصيييخ
واذا دشو رياييلهم مع المعرس لبست الفرير و الشال !!
يعني جدام ريلج اتعرفين اتغطين و تلبسين
بس اذا دش المطرب بروحه لألأ عادي اتفصخ !!
منطق غريب الصراحه
من فتره بسيطه كنت معزومه على عرس
ويابو راشد الماجد بس انا مارحت لظرف معين
رفيجتي و اهي توصلفي اشصار في العرس جان تقولي
فطيييييييم دش راشد ما عبرت ماعبرت
ابد تقولين نفيش بجدر !!
شي شي ينقزناااااا خلانا نطامر من اول القاعه لي اخرها
قلت لها سحييييييييله !!: قطيتاي حجابج و رقصتاي
ردت علي : اي هاااااااو اشدرااااااااه عساه بثبت من كثرناا
عاد انااا مو نوعي اتحلطم عليها
بس انا شايله بقلبي من زماان
لان في نمونه من الناس ما اتطالع عمرهاا !!
وهذولا الناس ملوعين جبدي انا لو اسافر او اروح الافنيو بروووووحي
شقو الحلج هاااااااااااااااو رايحه بروووووحج هااااااااااو خلوج اهلج هااااااااااااااو
وكلااااااا ينتقدوني و لو انا شسوي كلا انا غلطانه و كلا سواتي محد يسويهاا !!
فاهي من قالتلي رقصت وي مابغت الا عمرها .. قلت لها اولا اولا ياكبرها عند الله
والله لو انا الي يايبه راشد الماجد والا اصيل والا مدخله ريال في عرسي !! جان قطعتوني تقطع
بس بناتكم عادي
وتتفصخون عادي
وتطبون ترقصون عادي
واتحبوبون في هالرياييل و تصورون وياهم عادي !!
جان تسكت
عشان جذي صرت ما احب العروس لان افتقدت البساطه
وافتقدناااا السعاده
الناس يايه منفسه
ومشكله البنت الكويتيه اذا كشخت ما تعرف تصير طبيعيه ترفع خشمها و تتسمت !!
نعممممممم اشتبيين
يازين عروس قبل
ام رعد وولدها رعد
ودواشج بالقاع و الناس بالارض
ونص الناس كراسي
وااي تذكرون قبل طقاقات صنعه و نوره
و يرزون لهم كرووووووز المارلبورو الحمر ههههههههههه
مو الحين الفسق حمدلله و الشكر
على فكره ترا كل ما احد عباله ان بسوي شي
لا صار و لا استوى هم بيي احد يسوي احسن منه
يعني ماله داعي الشي الاوفر
حلات الشي بالذووووووووق
يعني ماله داعي الشي الاوفر
حلات الشي بالذووووووووق
لااا هالايام الي هابين فيه شي ادهى و امر
العروس الكابلز !!
يعني قبل العروس المختلطه في الكويت مقتصره على عوايل معينه و في مابيناتهم
لكن نياااااااااااده و يرزون حريمهم و ساطرين بالعروس شكووووو!!
والله شكوووووو
نياده و عرس كابلز تراااااا عيب عيب وايد عيب
يعني وحده اعرفها ريلها ما يرضى تشترك في جيم بس رايحه وياه عرس مختلط
شالمصااااخه
وبعدين سووووري مع احترامي لكم بنات الكويت
انتو اذا تفصختوا صرتوا اردى من اللبنانيه
ما يترس عينها ريلها !
تتفصخ و اترقص و اتعنفص عند ريل رفيجتها !
اكلي تبن و انثبرااي رقصاي يم طاولتج عند ريلج
او انطماي و لا ترقصين
شي شي شي قاعد بقلبي و مابرد قلبي بس ما اقدر اقوله مراعاه للريال
الي اهم اصلا مو رياييل الي كاشخين في دياثتهم و ساطرين في عروس و حريمهم يشربون فيها و اهم قاعدين !
يدتي الله يرحمها لما كانت تسمع عن هالاشياء كانت تقول يا حسرتنا
بيينا غزو ثاني ربي لا تاثمناا
كلمه اخيره اوجههاا للعروسين
ترا الزواج ستر
والستر نعمه
وماهكذا تشكر النعم
والستر نعمه
وماهكذا تشكر النعم
بالانحطاط
والفسق
والابتذال الي يصير
ومجموعه الامراض النفسيه و المنفصمين شخصيا الي تعزمونهم ..
وعسى الله يبارك لكل المتزوجين
28 comments:
صاااااااجه ..
حلات العرس ببساطته ولو فالبيت يكون أحلى..
فضفضي فضفضي لا تخلين فـ خاطرج
:P
عاد انا بروحي الحين سهرانه
ولايعه جبدي ومعصبه
واشوف هالموضوع
وكابلز بعد
ويع والله ويع
عيب عيييييييييييييييييب
اللي اختشوا ماتوا من زمان
الله يرحمنا برحمته
gelty kel kilma kanat fe galbe ..thank u
انتي من جابلتي مزرعتج وانتي مو "عايبتني"
:p
ما عندي شي اقوله عقب اللي قلتيه
بس ضحكني تشبيه البرايم لووووووووووووووووووووول
عجبني وايد وصف نفيش بجدر
السلام.
وي امبيه استغفرالله هالدرجة مسترخصه عمرها..
الله يهديهم ولا يبلانا يارب..
ومشكوره..
صباح الأنوار
:)
عيل لو شايفة العرس اللي دخلت علينا فيه هيفا وهبي
كنا حريم فقط داخل القاعة
!
ومن دخلت قمت وتغطيت بالكامل حتى ما أبين منو أنا وسألتني اللي جنبي إشعلامج
؟
قلت لها باكر يحطونا في اليوتيوب
ما تسوى علينا
فعلا طلع كلامي صح وشفت العرس في
اليوتيوب
والحريم والبنات مبينين بملابس السهرة
!!!
والله عيب في ناس ما عندها إحترام لخصوصيةأهل العرس والمدعوات
سواء كانوا محجبات أو غير محجبات
فطيييم انا عيني نظيفة
بس صوتي مو نظيف
يصير
يالله لا تبلينا @@
شنو يعني عينه نظيفة !!
هذي العن من سالفة الهندي مو ريـال !
و بعدين والله عيب يعني من ورى ريلها تفصخ و لما ايي ريلها تتستر و حالتها حالة ,, وين حفظتي ريلج انتي وين صنتي عمرج !
و بعدين انا صج عندي شغلة محيرتني
الحين لو افترضنا انه العروس كلها كبلز و رياييل و حريم ,, فلنفرض يعني ,, بهالحالة ممكن انا شخصياً اتقبل وجود بنات لابسين عاري بحجة انهم يمكن يدورون ريل ولو اني ما احب الطريقة و لكن نفترض ,, بس لما القاعة كلها حريم ,, شنو فايدة التفصخ ؟؟
و بعدين هذي الي تطلع اخلاقها جدام الناس ,, تضمن انه الحريم الي بالصالة ما راح يحشون فيها و يذكرونها جدام غرب ,, هم مو حلوة بحقها لو تفكر
و بعدين الرسول (ص) قال انه الزواج البسيط اهو الي فيه البركة ,, هالفشخرة الزايدة على شنووو !!
طولت وايد سوري :$
خخخخخخ
البارحة سايرة عرس
عندنا في دبي
بس أصلهم كويتيين
يعني داشين في بعض
العرج الاماراتي في الكويتي
سبحان الله
يوم تشوفينهم على الستيج
تعرفين من الكويتية
من الاماراتية
لوووووووول
مب من باب التفريق
و انما يشتركن في نفس العلة
و لكن كل وحدة منهن
بطريقتها و تربيتها
بس كان عرسهم حلو
: )
السلام عليكم
امس كتبت رد طويل طلعت اللي ابقلبي كله من كثر ماانفعلت وضاق خلقي حيل
بس سبحان الله ما الله كتب يندز
الحين احس ماني قادر اعيد اللي كتبته
ماتصورت الامور وصلت الى هالدرجة
الله يستر من الياي
ويعطيج العافيه على هالغيره ولو خليت خربت
تسلم أيدج الي كتبت هالكلام
والله يضيق خلقي أنا بعد .. تدرين لا رحت عرس وفيه مطرب واشوف الي قلتيه متحجبات و يرقصون و رفيجاتنا ونعرفهم عدل والي حاجه والي متحجبه العذر الي على لسانهم لا ما راح نروح صوبه و وين بيثبت عيونه بقمة راسه من هالبني
ولا سالفه الاستقبال الي تروحينه وفي بيوت والسيرفرس رياييل ليييييش؟؟
ما تبون نقط حجاباتنا ما تبون امهاتنا يقطون عبيهم
عييييييييب
ما يجوز وما يرضي ربنا استغفر الله
الله ياخذ بليس و اعوانه
تصدقين انا كنت معزومة على عرس في لبنان في الفينسيا يهبل العروس متحجبه وامها متحجبه مع انه مختلط بس على سنع ولا تضايقنا لانه سلكهم جذيه بس احنا هذا مو سلكنا وبعدين ايوون عوايل الابو والام والبنت والولد والنسيب والجنه
فديتج فطوم..
ما قصرت كفيتي وفيتي قلتي إلي في قلبي بعد
تدرين صار لي فوق السنة ما طبيت عرس واحد .. استغفر الله غثى مو طبيعي .. أوّل كنت أتحمل شوفي فلانه اشلابسه وشوفي العروس وفيها ما فيها.. الحين زادوها بالمسخرة هذي..
ساعات فطوم أقول هالامراض والبلاوي في الديرة من فعايل هالبشر ...إبليس متسلّط علينا
عسى الله يحفظ الجميع
تبين الصج صدمتيني
ما كنت متوقعة العروس لهالدرجة !!
رقص وتفصخ جدام الريايل !!!
استغفر الله .. الله يهديهم ويستر علينا وعليهم
انا بصراحة اتعضت من بعد سالفة حريق الجهرا
حريم ماتوا وهم لابسين ملابس عرس وبعضها عارية .. يعني الوحد مو ضامن متى يموت
يعطيج العافية بردتي قلبي بكلامج
راااح زمن السنع و المنع يا لووير
الحين الوضع صار كل مافصختي الحيا صرتي كوول و فاهمه أكثر !!
بوست حده يبرد الجبد صراحه و يشرح الوضع اللي بالديره صاير حاليا من سيء الى أسوأ
الله يحفظ ديرتنا بس من كل شر
ويهدي الجمـيــع
البوست قممممبله كالعاده
قلتيلي كبلز و نياده !!
ما ترهم كللللش !!
أختربو ربعنا !
على قولة القصمان
اللي ينقص إيمانه
"ينفووونه" بره و يدزونه الكويت
;)
aaaaay shaaaaay
في شياء جديدة اقراها توني ادري عنها
وين قاعدين
كابلز ونيادة
نكتة هذي ولا شنو
وانا حضرت عرس دش فيه المغني
وقامت جم وحدة ترقص
بس هااا .. هذول لا متتحجبات ولا شي
وعمرهم فوق الخمسين
:s
يعني اكل عليهم الدهر وشرب
ومجموعة من الحضور طلعوا من القاعة بهالحزة
والسبب انه هذا مايجوز
لكن كابلز
@@
ويقطون حجاباتهم
أي شي
الله يستر علينا
وصاجة ما نلامين
من يبي يروح عروس اذا صارت فيها هالسوات
اي والله صدقتي
واللي يذبح مسوين روحهم كلش ويرقصون جدام الرياييل ولو انتي اللي مسوية ياويلج ماي زمزم مايطرج
ياحلو العرس في بساطته
:)
هلا هلا هلا انتيييييي وينج
تدرين اني سجلت بالبلوووق منج وكنت متابعتج بس مادري وين ضيعت بلوقج والحين لقييتج
وربي ضحكتيني واايد وصح كلامج عرووس هالايام مسخره
الي عنده والي ماعنده يبي يسوي عرس خياالي مجبووورين يعني؟؟
لاحول ولاقوة الا بالله
الله يهدي واذا السالفة جذي يبا لاتروحين ولا روحي باركي وطلعي
الله لا يخسف فينا بس
والي تقول المطرب ما يطالع بس ربج يطالع ويشوف استخفافج بالحجاب
الله يعين
يالله العفو والعافيه
!!!!
انا داقولج هلاكلمتين بس هم سمعيهم مني
صح السانج
سلام
اففففففففف
اي والله الوضع مو طبيعي ..انا قبل
استغرب لي قامت المو متحجبة ترقص جدام الريايل و نقول وخزيااااااااه ..و الكل يطالعها ..لا تلاقينها حاطة الشال يعني متستره ..مالت عليج ..يوم انج مستحية ..قعدي ..
بس الحيـــن المتحجبة صارت تبدع اكثر من غيرها ..على قولتهم
.."ماراح يثبت "!!!
وخزيــــااااه
اذا مو مستحية من اللي حواليح استحي من ربج ..عيل متحجبة حق منو!!
عاد الله يعين الحيـــن موسم عرووووس
تقولين نيادة !!ها
الله يستر علينا بالعون اختربنا
عسى الله يحفظ الديرة
بردي جبدي :*
وصبحج الله بالخير
******************
كل واحد وتربيته وبيئته
دامهم هذي رباتهم وهذي بيئتهم فا اهما يشوفون انهم ما سواو شي غلط
وبالنهاية كلنا تحت الترااااب
والشاطر اللي عرف شلون يعيش بالدنيا ويجمع حسنات حق آخرته
يالله ياربي ترزقنا الفردوس الأعلى
انشالله راح أعزمكم هناك
عاد هناك كل شي حلال ! الخمر والرقص والأغاني
لول
وااااااااااي حسستووووووووووني اني مو كويتيه ههههههههههههه
اي هااااااااو اشفيكم العروس كلها مطربين و البني دق و رقص لي الفير ويااااااا المطربيين الرياييل
اصلا انا احس نفسي شااااااذه اني اقعد ولا احب هالسسلك
هند
واي اموت على عروس البيت المحفوفه
واي مي
اييييييييي صرناااا مصااروه خلاص
بيبي
العفوووووووووو
جندل
تكفوووووووووووووووووون لحقووو علي حايشني شي يخرررررررررررررع
من مزرعه لي جيم ثانيه لي بلاوي
عايشه بعالم خياااااااالي برووووحي
بااااااجر بصير فيني تووووحد !!
فهد
اي جنااااا طراطيع
رورو
العفووووووووووووو لفلي
نيكون
هههههههههههههههههههههههههه
صااااااااجه
تعالي شوفاي عرس الاسبوع الي فات البنااااات مسدحين على عبدالمجيد و حيييييييل دز الصور في بي بي ام
خالد
ههههههههههههههههههههه
ابيييييييه صير طقاقه و يعطونك ويه جذي محد بطالعك
وطني و محتررررررر على الكويت شبابك اندفن
والناس وناسه طق و رقص
دون جوان
ههههههههههههههههههههه بالعكس ماطولت حياك الله
اي الكويتين صار عندهم مذهب بروحهم
كل شي يحلولونه و يحرمونه على كيفهم
دبي
ايييييييييييي بناتنا احلى و اشيك صصصصصصصح
;)
جاسسسسسسسسسم
انا احتريت على الرد !
حساااااافه
ستاااار
انا في من اهلي استقبالاتهم او عزيمه الغدا او اي مناسبه فيه سيرفس ريايييل
تعودنااااا جنه جارسون بمطعم لكن نحسب حسابنا
مو تفصصصصصصخ و رقص
اشوه اني مو متزوجه لو متزوجه و جك بووووم ريلي ياالله معزومين عرس كابلز
شغبررررررررررر بعمري !!
اطق تذكرتي و اساااافر !!!
واي انتي مثلي تصدقين احب عروووس المصريين عادي
عندي
بسسسسسسسسس مو بالكويت !
صدقيني لو قاريه هالبوست قبل جان ماصدقت وقلت تبالغين
بس البلوة
اني شفت هالشي جدامي
والبلوة الاكبر
انا اللي مكمكمه بالعباه والشيله استحييييت من الحريم الكبار والبنات اللي قطو عبيهم وجاكيتاتهم وترقصو
لا جد انا قبل ماكنت اصدق
كنت اقول شدعوة يقطون حجاباتهم اكيد الناس تبالغ
بس الحين
لااا
السالفه مو حجابات
السالفه ان البنات من يسمعون مطرب بيدش
يظلون بنفانيفهم يالوير
من صج يظلون
عاد النفانيف كل سنه تقصر
وعليج الحسبه
الله يهديهم ويهدينا
قاعدين يبطرون بهالنعمه
وتالي لين كلاهم المرض يقولون اشمعنى احنا
حرام والله هاللي قاعد يصير
وانا مثلج ما اواطن العروس
بس مرات جذيه اشتهي اكشخ واروح
الرياييل من يدشون تلاقين الراس يفتر 360 درجه
يعني يدورون امهاتهم وخواتهم عشان يسلمون
انت بالبيت تدخل سلام ماتسلم
والبنات يركضون بين الشباب يدورون ازواجهم وابهاتهم
شدعوة مقطعكم الشوق
لو بالبيت جان قلوس ماحطيتيله وقاعده بكشتج
طبعا انا ما اتكلم عن الكل
وعن العروس المختلطه
شتقولين
وحده معانا بالكليه كل شي عيب وحرام
ومو متحجبه
ومن تشوف بنت راسمه حواجبها ودها تحذفها بنار جهنم
وعروس اهلها كلهم مختلطه وفوق هذا بتسافر دوره بروحها
وقبل
تعيب عاللي يروحون يدرسون بره
تقول ماوراهم والي واهل
سبحان الله
روميه
اي والله بس للاسف في ناس و بشر فعايلهم اجووووووود
مثل الي بجاني اليوم الصبح يوم طق ولده
برنسيس
حبييييييبتي ثانكيو
في وايد اشياااااااء بعد
ليلي
اميييييييييييييييين
اميييييييييييين
منشق
اطلاقااااا ماترهم
بعدين توه وحده دقت علي و قالتلي ليش ماتبين عروس الكابلز
مو عشان الشباب اذا بخطب يعرف البنت الي من اهله و من ناسبتهم واذا شافها سأل عنها جدام اهلها و عرف من اهم
احسسسسسسن من مايطرد ورا بنات ابليسسسس في الافنيووو!!
منططططج
قصه خيال
سوووووووووني انا المتخلفه اتصدقين !
دمعه المقهووووور
واي ولا انا عااااااااااد
كلا منتقده في كل مكاااااااااااااان
وياويلي و كلا قرض فيني
بينك
هلا فييييييييييييج والله
كلش مو مجبوووووورين بسسسسس شتسوين منااااااقيز هالناس
سويت
الله يستر و يعيييييين يارب
لا لو شنوووو مالي خلق
الزم ماعلي موفي حلو ووجبه ماااااك
ارتفل
اخترعت
دايفر
الله يسلللللللللم عمرك
سلام
قواج الله خيتو على هل البوست
او بصراحه شي يحز بالخاطر
او ماجذبت يدتج
Post a Comment