من الساعه 7 و انا اصيح !!
يالله صباح خير !!
قلبي معورني
وانا طالعه للدوام من الزحمه في الدوار لازم نوقف ثواني على ماتمشي السياره
تخيلو والا هذاك الولد في مظلات بيتهم حاط ايده على اذونه و خده و يصيح يقول حق ابوه
حرااااام عليك لا تطقني كلا اطقنا كلا اطقنا !!!
واسمع صراخ الابو بس ما ثبتت شقوووول
ومشت السياااره
انا قلبي ووووووقف
الي بغيت اقول حق السايق ردني ردني !!
بس ما رديت انا شكوووو
هالمنظر خلاني فجأه بس اصييييييح
ولين دشيت الدوام و عيوني بس تدمع و اصيح
الي وياي في الاسنسير اسألتني اشفيج !
قلت لهاا لا ما شر بس شفت منظر ابو يطق ولده و الولد يبجي عورني قلبي !!
اكره الابهاااااات الي يطقوون عيالهم
حرام عليكم من الصبح اليهال بيروحون المدرسه شنو النفسيه الي يداوم الولد فيها و اهو مطقوق
الفراش يابلي قهوتي و انا لي الحين اكتب البوست و ابجي
صوت الولد باذني و اهو يقوول كلا اطقنا كلا اطقنا
حسبي الله و نعم الوكيل
يا عل ايده الكسر ان شاء الله
26 comments:
انا معاج ام المنظر يعور القلب
لكن خاصة و انتي محامية لا تحكمين لين تسمعين الطرفين و تققين بالموضوع
سلام
دااايفر
انا في المنظر مووو في القصه
معورني قلبي على البجي
شنو يعني الولد لابس و في عند الباب الساعه 7 الصبح ينطق !!
حراااام و الابو في بجامته و خلاجينه !!
بدااال ما يسمي عليه بدال ما يدعيله ان الله يوفقه
بداال ما وايد اشياااااء
هم ما ينطق
ما ينصك طراااق بالشاااارع و يبجي حراااااام
انا لي الحين معورني قلبي
و الولد مو صغير
اشطوله يعني يمكن في الثانوي او المتوسط
بسسسسسسسس والله شالع قلبي لي الحين
صوووووووووووووووووووته باذني و اهو يصيح من اشتغل شوي ارد اتذكره و ادعي على ابوووووه و اتحسب
بالشارع على الدوار
لا ريال
مالت عليه وعلى رجولته
وباجر يقول ليش ولدي طلع مجرم ولا فاسد
يا فطوم الدنيا بتدور
وباجر القوي يصير ضعيف
والضعيف اللي انطق ايده تكبر وتقوى
ساعتها تهقين ماراح يطق اللي طقه؟؟
الواحد لما يطق ولده ما يفكر باجر انا غصب امشي واهو اللي بيصير قوي علي؟؟
والله انا لما اشوف امي ولا ابوي شلون صارت بنيتهم ضعيفه واذكر ايام اول قوتهم اقول ربي الطف فيهم وفينا
عبالي ياهل
طلع طاق ولد كبير
حسبي الله ونعم الوكيل
الله يعطيه العقل
:/
حسبي الله عليه :(
عورتي قلبي من الصبح :(
صج في أبهات مو كفو يصيرون أبهات
واي انا عورني قلبي ومو شايفة المنظر
الله يعين هالعيال علي جذي ابهات
مهما يكون مايصير يطق الولد
حتي لو مسوي شي غلط
يعل ايده الكسر ونار جهنم تاكله
الظالم اللي ما يخاف الله
فطيم انا الحين صحت
ما اتحمل منظر مثل هذا
ياربي ياهل بيروح المدرسه
شلون يعطيك قلبك تطقه
امو ابهات موتهم رحمه
واكو امهات موتهم عافية
مالت على جيل ما يعرف يربي ولا يعرف يحن ولا يعرف يعني شنو ابوة وامووومه
هذا لو بديرة ثانية جان انجن وخذوا عياله منه
حسبي الله ونعم الوكيل
حتى لو بطق الولد ما يطقه بالشارع
الله يعينا على تربية عيالنا
وذكري الله وتعوذي من ابليس
وصباح الخير
اختي العزيزة
ايه و نسيت اقول
ان الرحمة يتعلمونها عيالنا منا
وباجر هم اللي يرحمونا
خل يبشر هاللأبو بالخير
حسبي الله عليه .. مادري اشلون يطاوعهم قلبهم وطقون عيالهم
شوفي شمصخم اللي مخلي ابوه يدبقه من الصبح
ما عليج منهم شاقين القاع
تعوذي من ابليس وشربيلج لموناضة
اييبلج بيذان؟
:p
واااااااااااي
عورني قلبي ...!!
يا ويله من ربه
حتى لو الولد مسوي شي جايد
..عاد مو توصل طق!!! ..
انتي بس هدي ..وشربيلج شي ..و لا تشخلين بالج
تبين اقولج نكته مثلا !!
:p
اييييييييي و جنه ناسينا البوست اللي كاف @@
:P
مسموحة كلش ولا دميعاتج
*****************
:(
m2sat
It is the opposite the view where I am
All children with their mum’s or dad’s on the way to school they chat they laugh
Sometimes people say Muslims does not have the role to be called Muslims, other religions do!!
7asbey Allah 3aleehom hal ahal
Yallah 9eba7 7’eer
Tawney wa9la el jam3a
لاحول ولا قوةالا بالله
حرام جذي
ما ألومج بعد عمري ياحلو قلبج الرهيف
:**
الله يرحم الحال ابوي الله يطول بعمره
كنا نتمنى انه يطقنا و لايخزنا
و الله العظيم يا فطيم
تخيلي اننا كنا لما نغلط
كنا نتمنى انه يطقنا
و لا يعاتبنا بنظرته
شفتي الفرق بالتربية
الأب اللي يطق كان ينطق
هذي كل السالفة
مو عذر لكن هذا الواقع
ازرع ورد تجني ورد
ازرع فجل تجني فجل
مساك الله بالخير اخيتي الفاضلة ،،، صج صج عورتي قلبي بهسالفه ابو ما يخاف الله بضناه الله عطاه نعمه غيره يتمنوون الطفل وهذا ما يراعي ربه، تلاقينه يطلع القهر بولده الي مالا ذنب الا ان هذا ابوه وبعدين مهما كان خطا الطفل فى عدة اساليب للتقويم والضرب مو منهم فما بالج جدام الله وخلقه الامو كسر شخصية الطفل الا حطمها، هذول وينهم من هدى الرسول صلى الله عليه وسلم الي وصى الاباء بان لا يضروب على الوجه وان لا تكون مسببه لعاهه، كما قال رسولنا الكريم :ليس منا من لا يرحم صغيرناولا يعرف شرف كبيرنا.
الله يهدي هالابو وكل الاباء الي يستخدم الضرب كاسلوب حوار
اي والله يالله صباح خير
حسبي الله عليه جان هذي التربيه بنظره !
زين يوم انك بتربيه بتربيتك الخايسه ياخي ابيتكم ليش جدام الله وخلقه !؟
دامكم مو قد التربيه ليش تييبونهم ؟
شوفي لوير
انا أحتقررر من قللللب
اللي يهزء أعياله جدام الناس
فما بالج يمد أيده
وولد بعمر المراهقة
هين ان ما خشها له
أكثر شي ضيق خلقي
إهو أنج تكتبين البوست و تبجين !
منظر مؤؤؤؤلم
(:
مااعليه ,, تلقين الولد الحين نايم بحضن أبوه و لا كأنه صار شي
لاااتعورين قلبج بس
أسم الله على قلبج يا غالية
يا ربي شهالحالة
غلط تربويا انه احد يطق
فما بالكم بالزيد طق جدام الله وخلقه
مشكلة عودة تبدا تزرع عند هالولد ضعف ثقة
بالنفس وبالشخصية يا تخلف وراها
اما نسان سلبي مهزوز انطوائيأو
يمكن تتحول لعدوانية بعدين
فتش عن التربية
اهو في ساعات العيال يتشيطنون بس ينطق على الخفيف كتاديب او يتعاقب بس انه ينطق جدام الباب وقبل لا يروح المدرسه !!!
قويه هذي
أي والله يعل ايده الكسر
عاد شوفي هالياهل لما يكبر شبصير فيه
بيتعقد ترى
الياهل تتكون شخصيته من التربيه و من طريقة معامة الأهل له وأهو صغير
ما سوه فيـــــــــه خيـــــــــر هالأبو
: (
yallah 9baa7 5air !!
اشووووووووه حسستوني اني طبيعيه
لااااااان عقب تعليق دايفر شكيت بعمري
اي والله مدري اشلون هذولا اهل صاااااااجيييين
و حسبي الله عليهم من جيل بيطلع اذا بتربى على الطق
أقول سيدة فطيم
اليوم الفجر طريتي على بالي
ولدي مصبح ومزهبلي العصا من الفجر يبيني اشغله الكبيوتر عشان يلعب كلوب بينجوين
قلت آخييييه يا فطيم تعالي شوفي اليهال اللي كاسرين خاطرج
بغيت اعينه عيان بس تعوذت من ابليس وخليته يحن ويكفخ فيني
جندل
حبي انتي
شووووووفاي مسحيها ابويهي بعدين خيره قعدج حق الصلاااااه
:*******
فشلني جدام نفسي ولدج
الله يحفظهم يارب
Post a Comment