Tuesday, October 27, 2009

برد برد صفري !




احلى جو عندي هو اني افتح الدريشه مع التكييف البارد



هذا الجو يذبحني خصوصا لماا اييك هوا شوي يصير شي مو صج


المهم انا نوعي بالدوام تكييفنا وايد باارد ما اتحمل و كل ادق عليهم طفو او قصروا عليه لان وايد برد


فطبعا محد يسمع


شنو الحل اني افج الدرايش !!

و كل ما مر البيج بيج بيح بوووووس


وقف عند باب مكتبي و قالي

" اقوول خريجه مصر تكفيين سكراي الدريشه خربتاي تكييفناا سوالف درايش و بلكونات و هرنات و سنترال هذا شغل المصاروه انسييه انتي الحين في الكويت "


شسوي بمووووت برد !!


من باجر بداوم في شاااال

و خلاص وداعا الصنادل عزكم الله !


ما اعبر الصقوعه كلها براسي و ريولي



ما احب البرد الزايد و صقوعه الدوامات و المجمعات

خصوصا اذا طلعت من الافنيو .. احس خلاص بس لي البيت ما افج التكيييف و السبه الصقوعه الي بجسمي


على قووله رفيجتي لو يحطون كافييه في الباركينج عادي فطييم انا و انتي ساطرين فيهاا
...!!
عياييز الشكوة لله !




عطووووني حل مابي اسكر الدريشه خل يخترب التكييف كيفه



برد

برد برد مووت !!

26 comments:

صبا said...

انا مو ويه نعمه يا فطامي
!!



امبي ... احنا لي عرسنا لازم نكشف هالحقيقه المره لــــ رجل المستقبل
والا راح ويدعي علينا
:(



امس في بيروت طق المطر ولا تشوفين اشصار فيني مت مت مت من البرد
رطوووووبه وعلى مطر
وانا اقولهم سكرووو التكيييييف
باااااااارد

ترد رفيجتي من صجج؟؟

حر خيسه لاعت جبودنا من الحر
وانا احن واقولهم سكتااااااو باجر بلبس بوووووت
ما لي شغل برد

اتصدقين لوير ...

انا مثلج ما حب البرد ومرات عادي بالسياره وبعز الحر وخصوصا اذا كنت في مكان بارد وطلعت بالسياره انسى افتح التكييف لانه اطرافي ما زالت بارده
شي سمووووونه هذا ....

شيخوخه والا شنو؟؟؟


من صجي والله ابي حل ... والا في وحده تاخذ معاها شاااال شتوي واتلحف
بالسينما \
:(



حالتنا صعبه ؟؟

ARTFUL said...

اهلا بمحاميتنا ست فاطمه
ازيك اخبارك آييييييييه؟

اهم ما عليج صحتج لا تسكرين الدرايش

حنا انبطلهم لان صج برد

يمممممممممممده

بس الحين رطوبه شوي

بس البنات بزياده شوي

انا اعرف وحده اذا راحت السينما وما كانت لابسه دلاق

باجر تنام بالمستشفى

يالله العفو والعافيه

نون النساء said...

هاذي من علامات التقدم بالسن
هههههههههههههههههههه



انا من زمان ما اتحمل التكييف
كنت أناشب أبوي عليه
واخرتها أبطل الدريشه بعز الصيف


عندي أحتر ولا أبرد

السنة اللي طافت قام يحوشني عوار بمفاصل جسمي كلها
وما اقدر اصعد دري بسهوله أو أقوم

قبل فترة
رحت سويت اشعه بالكاجولتي قالولي بدايه روماتيزم


اخترعت صراحه
واااااي توني لاحقه على التفجج أنا



بس اشوى يوم دخلت موعدي عند دكتور العظام
قاللي مافيج شي




فاااا
انا اهقى انها فعلاً من علامات التقدم بالسن

إيييييييييييييييييه
حسافة على زهرة الشباب اللي مضى

lawyer said...

صبااااااا انا اهم شي دلاق و شال بالسينما اتلحف فيه


و طوووول عمري امشي بالكمبل بالطيااااره جني لاجئ افغااني !

ما اعبرررررر


لا برررررررد موت مو صج




بعد قلبي هالريال الي امه داعيه عليه بليله القدر اذا خذاني !!

اتصدقين كاسر خاطري

صمخه
ما اسمع
عيوووووز
سكراب
ما اشووف
ظهري مسكرب

كل مافيني تقرشع


اشياخذ فيني تكفين

حراااااااام فيني المهر لوووووووول

غشششششش انسااااني هذا!








ارتفل

هذي ام دلاقات مثلي انا و رفيجااااااااتي


كلنا جذي

و الا بلاعيم و فلوو و سهال و كل شي !











نون النساء



يابنت الناااااس مكيفاتناااااا تخرع

يدااد لها اجسامناا


لحم بالثلاجه من سنييييين ماتبينه ييبسسس!!

اكيد بثلج


بعد قلبي يارويلاتي




وركبي

بسكر التكييف خلاص

وباجر مرقه اللحم بزيد فيها الجفل
حق الركب

aL-NooR . said...

وانا اقرى البوست ..اقووووول صاجة
اطرافيييييييييي باردة
ولا احد يحس اضظريت اييبلي شال ..كل دخلت اشتا نفس هالوقت ..و احطة علي بس استحي يبين ..احس اني عيوووز
يالله العفو والعافية

لا لا احنا البيت ما منهم رجاا
حاقريني ..اتمشى بالبيت بشتوي
كيفهم
;p

مساح الله بالنور و النوير
يا خريجة مصــــــر
ام الدنيا
:*
******************

chandal/danchal!! said...

حطيلج كروكس شتوي بالدوام او جواريب

اذا ريلي دفيانة ما احس بالبرد


و دام انك خريجة عين شمس المفروض تعرفين طريقة التدفئة الفرعونية المركزية


جريدة تحت الهدوم وشنجاوتش فول بالزيت والبصل والطماطم

7osen said...

البرد اشوا من الحر

بس جونا هالايام داخل برد وبرا حر
يمرض

الله يعين

esTeKaNa said...

واااااااي
لا صداقتنا على المحك
معقوله ما تحبين البرد؟
انا من كثر ما احط المكيف بويهي اذا نزلت وسلمت على احد خدي بااااااااااارد
البرد فيه حل
الحر مافيه حل
!!
اخذي لج جواريب وشال حق الدوام
ولا تفجين درايش رطوبه رطوبه
.
.
.
وحركات اللاجئين الافغان والشيشان تينن
اهم شي انج مستانسه ودفيانه
يا بعد قلبي قلبج ذيج الايديات والريولات النتفه وكفر بعد
زوووقه

:**

Sweet Revenge said...

واي لقيت احد نفس حالتي انا من زمان شالي وياي ويايبته فوشيا بعد اكسر عيونهم فيه
بس هالايام صاجة الوضع لايحتمل
تصدقين مااحب الشتا والسبة البرد
بس ابيه ايي بسرعة علشان نخلص من هالجو الغريب العجيب لاحنا قادرين نصك التكييف ولاقادرين نفتحة
مشكلة

دمعة المقهور said...

الله يعينج على البرد

ذكرتيني بالشايب اللي عندنا بالدوام طبعا احنا مسمينا لان كل بردان آخر حل سواه ياب مهندس التكييف وسكر الفتحة اللي بمكتبه
:)

دفي ريلج وراح تحسين انا جسمج دافي

:)

جنة الحواس said...

نفس مشكلتي بالضبط ! آنا معظم الأوقات ألبس بَدي و وشورت تحتي ... بس اذا نسيت أو لبسي ما كان يسمح ..تصير مصيبة .. ذاك اليوم وصلت مرحلة اللي هديت مكتبي و نزلت تحت السرداب و قعدت بسيارتي ربع ساعة لين ذاب الثلج اللي بعظامي و هالأيام هابة ألبس شال ..بس يبط الكبد مو عملي


آنا هذي حالتي طول الصيف ..مو بس هالوقت

:/

Nikon 8 said...

أنا مثلج من محبي الدفا
في البيت يسموني الهندية لأني أحب الحر
في الدوام حاطتلي شال صوف مال ماركس سبنسر صيف وإشتا أتمشى فيه في ممرات الشغل ومنظري صار عادي محد يستغرب منه
أما ريولي فمن يدخل علينا شهر عشرة ما أعرف الصنادل وأستغرب من اللي يلبسونه
عسى ينزل علينا مطر ويتعدل الجو

المقوع الشرقي said...

عكسج
محررررراررر
جيناتنا

شفتيلج وحدة ما تشري هدوم شتوي
البلوفرات..والنفانيف الصوف.. ما اتحملهم
يتكوني
صيفي.. فوقه بالطو ولا شال
واول ما أدخل اي مكان أفصخهم
...
معانااات

fatto said...

لووووووووووووول موتني ضحك البق بوس

انا نفسج داايما بردانه صيف لشته .. وكل ما احد يدش داري يقول واي حر .. انا عندي الجو زين براد :)

الظاهر كل الفاطمات جذي لوول

star said...

اي والله ما نعبر على البرد ما ادري شفيناوالاظافير زرق وكله متقرفظه وبردانه بالدوام اشوه محد يمانع انه نبطل الدريشة انتي الله يعينج ساحليه خل يرضى بعد هذاالبيغ بوس ما يصير تحقرينه ولا تداحرينه على مكيافاته أهوه ابخص بالجو المناسب والبيئة المناسبة للعمل


انا مره بالسينما دخلنا على غفله ما كنا ناوين ولا كانت فاضيه فالبرد أزيد واااي فريزر جان أبطل الجياس و أدرع بكل الهدوم الي شاريتهم كل شوي أزيد طبقة تالي ما عبرت طلعت بنص الفلم

lilly said...

عالأقل أنتو عندكم درايش في دوامات ترى مافيها درايش كلش :p

بس هم أنا بعــد نفسج ما أحب البرد .. الحل الأمثل أنج تاخذين معاج شــال يدفيــج هناك

والله يعينه على لشته

EngineRaa said...

صباح الدفا وشمس الخريف الخجوله،، شوفي حبيبتي فطومه لوير
انا مهندسة ميكانيكية والتكييف شغلتنا كل الدوامات نفس القصه والسبب سوء توزيع لفتحات دفع الهواء البارد وهذا طبعا بسبب حسابات الشركة المنفذه لاعمال التكييف وشغل اي كلام فالحل الوحيد مثل ما انا كنت مسويه بالمكتب اسكر فتحت التكييف اول شي الشفرات نفسها اذا ما فاد ومازال الجو بارد ما عليج الا تسكير الفتحه بتاتا باستخدام الاسفنج وكيفهم خليه ان بقى يحترق مشكلتهم او يتم نقل الترموستات الى مكان الجو فيه بسرعه يبرد فبالتالي بسرعه يفصل التكييف بس هذا يصلح بالبيوت اكثر لان نوع التكييف بالبيوت يختلف عن المجمعات فى الغالب
واهم شي صحتج.
وعساك على القوه

Enter-Q8 said...

عندنا موظفه اجبرت المؤسسة انها تخلي لها مكتب منفصل بروحها مع ان المسمى ما يسمح و السبب نفس ما قلتي
بس اهيا اللهم يا كافي شهر سبعة تشوفين الاداريين عندنا تقولين دلالين زل
كل واحد طاق الغترة جريمبه و مبطل زراير الدشداشه لسرته
و وياهم مناديل تقولين سواقين تكاسي بمصر

|:| DUBAI |:| said...

خخخخخخ

صباح الخير يا بنت

سوي نفس ما نسوي

انيب ويانا شال

و دلغان

تقولين قنافذ في الدوام
مب أوادم

: )

الزين said...

حياتي يا فطيم

ترى هذي مو حالتج بروحج

انا اودي وياي السينما شال الجواريب بالجنطه
اول ما يشتغل الفيلم لبستهم وقفضت ايدي وتلحفت بشالي

والبيت ما اقعد جبال التي في هذا اذا قعدت الا لحافي يمي

بس مشكلتي تختلف عنج

انا ابي صقوعة المكان
لأني محراره
بس هم استبرد
فما ادري شالحل

نوطي التكييف ابتلشنا بالحر
نعلي التكييف ابتلشنا بالبرد
درجة حرارة جسمس لاعبه فيني شوردلي
عيل شفتي احد بالشتا ماشي وبيده مهفته
وغير هذا وذاك ذبحيني ولا البس صوف
الملابس الصيفية علي على طول
واذا استبردت شال او بالطو

:$

ارررررريد حلااااااا

DanDash said...

مالج الا الدفاية

lawyer said...

من بعد برد الدوام

حاشتني فلووو جايده واي من امس بفراشي :/

لي عوده للكومنت

haifa said...

انا عكسج تماما

دايما جسمي دافي ودايما حرانه

وبالدوام مداحرتهم

ادش مييييييييته حر حتن لو ماطلعت موقع وادق تحت علو على التكييف

وكان معاي واحد يوناني الله يذكره بالخير شايب مثلج مايحب البرد ودايما يطلب مو يقصرونه يطلب يسكرونه ويمشي ويبطل الدرايش وانا وراه اسكرهم وعبالي مايدري يوم تقاعد من جم شهر يا يودعني آخر يوم وقالي الحين محد راح يداحرج على التكييف.. طبعا لا تشوفين ايموشن ويهي!!!!!؛

أتيت متاخرة said...

طول السنة بردانه اللهم بس باوغست شوي تخف عليي الحالة

المناشب ويا العيال ويا اللي وياي بالشغل بنفس الغرفة
آنه أصك التكييف وهم يشغلونه

آروح الشغل بنطلون وجاكيت وتحته قميص غير الدلاقات
وهم برد
شاسوي بعمري؟!!!
من ناحية التسكرب
فآنه اتكلم عن نفسي

سكربت خلاص
بس يا لوير
القلب
القلب
شباب

Nora .. said...

اطرش لج خالتوو شوشو
و تصير
الدنيا ربيع
و الجو بديع


;D


لحظة شوية

استكانة .. جواريب
!!!!

.
.
.

سلامة قلبج حبيبتي من الفلو
و غيره
;***

Hope said...

مساء الورد

انتي نفسي تماما
كله بردانه في جميع الاحوال لول
عيزت و انا اقولهم قصروا ع السنترال
بس محد يسمع .. يقولون يعني نموت من الحر عشانج

احس صرت عيوز و انا بعز شبابي
لا و احلى شي لما بعز الصيف استبرد و البس بجامه شتويه ولا البس شي صوف .. امي تقولي انتي ينيتي شنو هذا تبني تذبحين روحج ؟

محد متفهم .. ما جربوا البرد اللي احس فيه