و انا في قمه متعتي ... العب في الجمر احرك الفحم .. اصبلي بياله شاي
و اجابل التلفزيون فيلم فاعل خير .. على قناه روتانا ..
تتصل امي علي تقولي وينج؟؟
اقولها في شقتي .. تقولي ابوج وينه .. اقولها مدري بس اظن تحت..
اكمل استكانتي ..
و فجأه اتذكر ان الحين الساعه 6 ونص ولازم اترس سيارتي بنزين .. باجر وراي دوام
و من الصبح في هالبرد مستحيل اروح المحطه
احط شالي على راسي
اركض اخذ سويجي ..
اركب سيارتي و احط اغنيه محمد عبده
اشوفك كل يوم و اروح و اقول نظره ترد الروح اعيش فيها عشان بكره عشان ليلي الي كلو جروح
توصيني على الكتمان و تبغى حبنا ما يبان و تنساااااااااااااااااااااااااااااااااااااني..
و انا مندمجه اطلع من محطه قرطبه و اتجه الي ماكدونالدز السره ..
يرن تلفوني ...
رقم بيت !
اشيله ..
الووووووووووو منو ؟؟
رفيجتي هاي فطومه شلونج شخبارج وينج شمسويه
20 سؤال مره وحده و لا تعطيني فرصه اجاوب!!
انا تمام بخير في ماكدونالدز
تدرين انا اسوي رجيم فما اكل الا جنك فود!!
ترد علي
حلفي .؟؟؟؟ يم بيتي عيل
بليييييييييييييييييييييييييييييييييز فطومه تعاليلي يا كرهج من زمان ماشفتج حدي ولهانه عليج
اتطمن و اسألها؟؟ عسى ما عندج احد ترا انا لابسه تريننينج و مخلقنه حدي
و لابسه 30 لون في بعض و مالهم علاقه في بعض
تضحك علي .. وتقولي لا ماكو الا انا وبناتي ..
اصير رفيجه سنعه و اخذ حق بناتها كيدز ميل و اطق باب شقتها و تفتحلي
!!!!!!!!!!
رفيجتي ضاعفه النص !
اقولها وااااااااااااااااااااااااااااااااااااي ضحى كلكم تضعفون الا انا اربي شحوومي حق الدووود الي قبري باجر
و اقعد وتستقبلني صديقتي في حراره ..اهي و بناتها من زمان ما حسيت في صدق المشاعر و الفرحه على عيون الناس مثل ما شفته في رفيجتي يوم شافتني
بيتها مرتب بناتها نكته ..
الي تغنيلي اغاني نانسي و الي تغنيني اغاني ستار اكاديمي ..
و انا اترقص وياهم
تاخذ مني البنت الريموت و تقولي
انتيييييييييي انتي
تبين اغير المحطه لان روتانا ملاقه الحين خليني احط ميلودي .. فظيعه ..
قلت لها كيفج
البنت تلعب في الريموت
و تقولي شوفي الشانيل الي وراااااااه فيهم افلام عيبي عيبي !!!!
انصدم مو مستوعبه التفت على رفيجتي و الاقيها انقلب ويهاا !!
لاااااااااااااااااااااااااااا قصدها على الافلام الهنديه
تنط البنت
لا يماااا قصدي عن افلام العيبي العيبي الي وريتج اياهم !!
التفت على رفيجتي انطر منها اجابه
ترقع رفيجتي الموقف و تقولي
اي الله يهداه ريلي القنوات الي خبرج حاطهم وراه بس اهي ما يطوف عليها شي!!!
و اشتط انا و اتليقف كل العاده
نعمممممممممممممممممممممممممممم و انتي شكو حاطه قنوات جذي جدام اعيالج ليش ما تشيلينهم
قالت انا ما اعرف
اصلا اسااااااسا حرام ليش تشوفين شغلات جذي
ترد علي
لا هذا القمر يفتر ويطلع هالقنوات !!
اقولها شنو يعني
انا خبري هالقنوات لازم كرت و شفرات و عفسه !!؟؟
تقولي بكل برود
والله ما ادري عن ريلي اشدراني عنه
استغرب اكثر
وبناتج يشوفوووووووووووووووووووووووووووووون !!!!!!!!!!!!
وانتي راضيه اكو جذي في بيتج
و هذوووووووووووووووووووووولا اشذمبهم باجر البنت تسوي في اختها هذولا ييهال يقلدون
و لو يدخل عليج احد من اخوانج و بناتج في كل براءه بيقولون انكل انكل شووووووووووووووف
ما تخافين من ربج !!؟؟
حرااااااااااااااااااام والله حرام
انتي ما تبين سكري التلفزيون
حطي باسورد حطي مصيبه سوي اي شي
بس بناتج شنو ذمبهم
وين التربيه
و خدامتج اشدراج من وراج لما تطلعين شنو اتسوي
.. حسيت نفسي اني ملقوفه و انفعلت على غير مغني لان هذولا بناتها و هذا بيتها ماله داعي اقول جذي
ترد علي في كل برود
انا ما اخلي اعيالي في البيت بروحهم !
اقعد شوي بعد ما تعكر الجو اسوي نفسي اني مرتبطه في شراء اغراض للدوام باجر و يالله يمديني ..
اروح و انا مصفووقه
اركب سيارتي و انا منبهره!!
ارجع البيت
لا املك الا اني اقولكم
الله يحفظكم و يحفظ بناتكم و اعيالكم
16 comments:
بيض
الله
وجه
الاب
والام
.
.
.
اتمنى
فى
الكويت
شي
او
جمعيه
تاخذ
العيال
من
الاب
والام
وتربيهم
بدالهم
.
.
.
الله
المستعان
أولا اشيايبج عندنا بالسرة
أشوف السرة ضاوية اليوم
o ba3den !
AMBEEEEEEEEEEEEEEEEEEEEEEEEEEEEE
EEEEEEEEEEEEEEEEEEEEEEEEEEEEEEEEEEEEH
BIG TIME!
for the story!
MIN 9IJ'HA!
hathola amana! and she kills the innocent in their eyes!
madry leesh if they want these kind of movies they dont keep them in their bed room!
ana marra mal el satlait mestanis yegolly tarra 7atlich el europian!
chan agolla maynoona enta! sheeela yalla!
ana arabsat o nail sat o mo nag9a!
my 6 years old benty o fe madresa eslamiya naw3an ma tegolly!
Mom , if i tuched a boy and he is not my boy friend , do i get pregnant!
la bel allah kaddena kheer!
i told her who told you that?
tegolly we girls are talking ,,,,
o madry meno hathak elyom yegolly bet3agden bentich coz emkhalyat'ha fe hal madresa elly only for girls!
ma agoool ella el8emdella welshekeer 7ag hal 3agliya min el naas .
bacher leeh 9ar shay galaw AKH!
جزاج الله خير على انج حطيتيها بموقف محرج علشان تبتدي تحس بالغلط اللي صاير .....وبالعكس ما اشوف اللي سويتيه عيب او تطفل ...الواحد اذا عزم اي انسان على بيته فالمفروض يتوقع النقد قبل الاشادة ....يعطيج العافية ...بس ما قلتي ....شمتنج اللي مسوية ريجيم بس جنك فووود !!
ريييييييييييما :
بدلية قوية ولازم تشوفين حل ...chan agolla maynoona enta! :)
السلام عليكم
عفاااااااااااااااارم عليج زين سويتي
عالاقل حسستيها بغلطها
ويقولون ليش ظهر عندنا شذوذ وجنس ثالث
مشكله اللي يتزوجون وما يدركون معناة المسؤوليه الزوجيه
شفتب يا وخيتي نتيجة الزواج اللي مو على نضج
bo-9ale7 : khaleet yero7 foog o yeshela yewadeeh bethoom .
la o 7atly eyah bermothan elmaynoon!
اللهم لا شماته
ما تردون يمكن الام مغلوب على مارها ورجلها مأكلها كبر راسها ما تقدر تقول حرف واحد
الام وش بيدها خاصه انه بعض ازلوجات مغلوب على امرهم ولا تقدر تقول شي
بس اذا صارت هي من النوع القوي ولا لها رأي بهالشي
هذي مصيبه لانها مطنشه
بس طبيتي فيها بقوه
قلم جاف للحين عدك مشكله السطر
اي والله عسى بس ما نصير مثل امريكا و بعدين شوي شوي تبدا عندنا ظاهره السينجل موم
ريما
منوره في وجودج حبي
شفتي هالبنات اسملا عليهم يسألون اسأله ما تطري على البال..
ما تدرين شنو تقولين
وبعدين هذا مال الستلايت في رمضان و جذي لو في الفالنتاين جان اشحط يا حظ
عاد الله يهداج ليش عطيتيه اياه جان طرشتييييييييييه حقي ...
يا حافظ يا عقايل الله .. بريحاتي قاعده
بوصالح
مو المهم تسمع المهم هل راح تفكر في تصرفها و مستقبل اعيالها
عتيجه
اي والله ابد ما يحسسون
انزين ما يفكرون في كلكم راع ومسؤل عن رعيته
ديفل
شكرا من ذوقك
سعلوه
اي انا ما اعرف اجامل
بس الحمدلله قبل لما كنت اطب في الناس ما كان يهمني
الحين تطورت قمت لما اقط الكلمه و اخلص افكر فيها
عقبال ما اسكر حلجي انشاء الله
زين فهمتي على كلامي
ولا كلمه طلعت صح الحمدلله والشكر
والله برافو عليج وزين سويتي! هالسوالف ما فيها مستحى ولقافة, بالعكس اهي اللي المفروض ينصفق ويها مو انتي عمري اسم الله على ويهج من الصفقة
قلم جاف:
الله يهداك عاد يا حبة يا بركة؟! الأم والأب مهما بدعوا بدنيتهم وفي عيالهم ما ينوخذون منهم إلا في شغلة ألعن من هذي بمراحل! وانت الصاج نبي هيئات تربي أمهات وأبهات هالوقت
امم .. بنات اصغار روتانا وميلودي ..
استهتار مو طبيعي .. احنا نتعب نبي نصلح المجتمع والآباء والأمهات يفسدون ابناءهم...
والله مصيبة .. تهقين رفيجتج تصلي؟ خلي رفيجتج ... زوجها يصلي؟ ...
والله اسمع عن اشخاص متزوجين ويموتون على القنوات الخلاعية .. والله يا جماعة هذا مرض نفسي..
الله يشافيهم ويهديهم
والله ضيقتي خلقي :(
الله يستر من النهايه
الزين كلا :
الله يخليج
ان كويت
اي رفيجتي الحمدلله تصلي بس ريلها ما ادري والله
اي اذا على روتانا و ميلودي هانت بس هذولا فتحو في اللبن
والله من ويمها و انا حسيت لو اني صج احب رفيجتي ادعي لها و لبناتها و ريلها
كويت
اي والله ربك الستار
الله يعطيج العافية
شي حلو انج تنصحين رفيجتج وخايفه على عيالها لأن صج هالزمن اليهال يخرعون كل شي يعرفون عكسنا بالضبط
تحياتي لك
حياج الله محاميتنا
اي والله صدقتي
عذراً على التعليق جاي متأخر
بس بصراحة ماقدرت إلا أكتب عشان أقدر أنفذ غيظي
وبصراحة يوم قريت ماكدونالدز زعلت لأن ماكدونالدز وربعة لازم نقاطعهم
لكن يوم قريت الباقي
قلت في أشياء أولى لازم نقاطعهـا ولازم نتركهـا
واللي صاير في بيت هالممساكين مصيبة بكل ماتعني كلمة مصيبة
والله ما أدري أيش أقول
الله يهديهم ويصلحهم
هذولا في جهة والتربية في جهة وهالقنوات مصيبة على الكبار وعلى الصغار تصير عشر مصايب
ماشي
اي والله مصيبتين بس صدقني انا اؤمن في المثل الي يقول ابذر اتحصد
Post a Comment