Wednesday, January 25, 2006

I have been tagged by cozy ((alah yesam7a))


about my perfect lovers ;)
o 8 point ely la azeed walla anages fehom !??

طبعا بيكون الجنس : ذكر ..و الا انتو عندكم راي ثاني !!

المواصفات :
بليز و ملاحظه هذي المواصفات خاصه فقط فيني فلوسمحتوا لا تطنزون علي ..لان البرفكت عندي مو رومانسي كلش و انا
ماني رومانسيه بالمره ..

1- يخاف ربه ... يعني اخلاقه جدا عاليه .. و يخاف ربه مو شرط دين لان الدين عندي خلق و ليس قال الله و قال رسوله
و اهو ما يمت للدين في خلقه.
2- عنده هدف دنيوي و اخرو في الحياه عارف شنو يبي .. من الدنيا
3- منظم ..و مخطط لحياته و يكون واقعي في متطلباته
4-طموح واثق من نفسه ذكي يفهمني من عيوني من غير ما اتكلم ..
5- محبوب و الكل يشكر فيه ..
6-و مو عصبي حنون و طيب
7- مخلص لي
8- يراعيني و يداري عيوبي و يحتويني

وااااااااااااااااااااااااااااااااااااااااااي مهمه جدا صعبه
بس اعتقد كتبت وايد طلبات و مواصفات
لكن تبون الصج عندي بعد شغلات و كل يوم اسمعها حق امي ..تقولي هذا بتلاقينه في الجنه انشاء الله هههههههههه
..
ماراح ازعج احد و اختار لا اشوف المهمه كان يبيلها تفكير .

18 comments:

الأجنحة المتكسرة said...

: هذا ما أرغب أن يقوله حبيبي لي

لا أريد منكِ كل ما هو جيد فقط ، بل كل شيء حتى السيء أيضاً

.

.

.

.


بس يا حظي هذا وين تلقينه

maha said...

الله يرزقج على قد نيتج

قولي آمين

:)

lawyer said...

الاجنحه المتكسره
فعلا لان الدنيا مو مثاليه و احنا بعد مو مثالين و فينا عيوب

مها
امييييين يا رب مشكوره على الدعوه الحلوه ما قصرتي

cozy said...

ehehhehe sorry lawyer wahagtech :)

bs i think you r looking for Mr. perfect i'll go with what ur mom said LEna el yana :) wish you all the best wenshallah eyeech lay 3endech ham goolay amen :)

lawyer said...

cozy
ameeeeeeeeen ya raaaaaab
اي انشاء الله ..
وبعدين كل واحد او وحده يسمعون راي في الشخص يقولون لي هذا حلم مو صج

ارد عليهم و اقولهم طلبت من الكريم الي ما يصعب عليه شي

مشكووووور على دعوتك و مؤازرتك لي

bo_sale7 said...

لووووير :

السلام عليكم ......ارجع واقولج ...حالتج صعبة ....الله يهونها عليج :)

وانشالله تحققين اللي تبينه

Anonymous said...

مو غلط الواحد يحط له قائمة بمواصفات الشخص الي يرغب بإنه يقضي باقي حياته معاه
وحتى لو ماإجا هالشخص على الأقل حلو الواحد يحلم

عاد إعزمينا جان حصل
;)

طائر بلا وطن said...

الله يرزقج بأحسن من اللي تحلمين فيه

تصدقين .. قبل يتني فكرة

قلت ليش ما اسويلي ملف دوكيومنت اسيفه و احط له رقم سري عشان الفضايح

و اي صفة او شغلة متعلقة بفؤاده "عتريس" عروس المستقبل تطري علي أكتبها و حزة الحزة و الخطبة ابطل الملف

لووووووووووول

شكلي رايح بيت المرا و معاي اللاب توب

ولا اشحقه اروح

ادزه ايميل
:)
^
^
زواج ديجيتل
:p

allfollowsome said...

بجد انا متفق مع والدتك
انشاء الله تقابليه فى الجنة

لان نادر انك تلاقى حد بالمواصفات دى دلوقتى

شكرا على توضيح المعنى فى اللى تعنى كلام فى الفاضى والمليان

lawyer said...

بوصلوح انشاء الله

جرموشا
حياج الله منوره
انشاء الله تنعزمين :)

طائر
حلووووووووووووه اعجبتني
زواج ديجتيل
تطووووور
عاد لا تنسى تنقل زواجك على الهوا عشان انشوفه

طاهر
اي ده ماكنا كويسين مالك دالوقتي بأييت مع ماما

Hashemy said...

احم احم احم لووووووووووووووووووير
جنك بكلماتج هذي قاعده تتكلمين عني شدراج :P

عموما الله يعطييج مرادج انشالله واحسن بعد من جذي

qalm-jaf said...

بس لقيت واحد يحمل يجميع المواصفات
وعليه كفاله
(:


طائر بلاوطن
(:


---------
لوير الله يرزقج بواحد انشالله وتفرين العالم كله معاه وكل يوم ديره

.
.
.
والسامع يقول آميييين
(:

3ateeja said...

السلام عليكم

هههههههه والله قنوعه
تبينه قير ارضي ولا سكان
تنته ولا كشف
موتر هذا يا وخيتي مو ريل


يمكن تشوفيني اتبعطز لكن عجبني انج ما حطيتي ماديات سياره بيت رصيد معاش شهاده وهذا احلى شي




يدي ويدج كانوا طرق لوزار وريـــــــــــــــاييل





ان شا الله اييج واحد مثل يدي ويدج




بس عاد مو طرق لوزار ههههههههه

طائر بلا وطن said...

حسبي الله على ابليسك ياقلم

تاخذ واحد احسن مني


هذا ان كان فينا خير اصلا


سلام يا الربع

Expatriate said...

انا عندي سؤال

ليش البنات والحريم بشكل عام دائما ضد الوزار ؟ لبس شعبي مريح وساتر للرجل .. لا ومن التراث الكويتي القديم
بس الحريم من يشوفون الريال لابس وزار .. سووله قصة


lawyer:
رجاء .. كلش ولا
sex and the city
عاد
صدقيني .. هالقصص الخيالية اللي تشوفينها بالمسلسلات الامريكية مالها اساس من الواقع .. اغلبهم خمة الرياييل والشباب الامريكان .. واردى ما يشوفون جدامهم البنت او رفيجته او حتى زوجته .. سأليني عنهم 5 سنين عايش معاهم


بعدين لحظة ..انا اختلف مع امج .. ليش تشوفينه ان شاء الله بالجنة ؟ ان شاء الله تشوفينه بالدنيا قبل الآخرة
ومواصفاتج مو صعبة او بيرفكت
اعرف عدد لا بأس به من الشباب فيهم هالمواصفات وأكثر
بس ما تحصلينهم بقهاوي شارع السور والمطاعم اللي على البحر و حديقة الشعب

lawyer said...

هاشمي
شكرا ما قصرت :)


قلم جاف
ههههههههه طائر .. بس عليه كفاله و تأمين شامل؟؟
كلولوووووووووش امين على الدعوه
عتيجه
هههههههههه واي احلى شي ..
لا ابي ابييييييه فل اوبشن



طائر
ههههههههههه ترا انا ملي شغل
قوول حق قلم دامك خطبتلي عطني المهر
و اخذ مهري و ساااااافر
و علي الفيزا اشتبي بعد

اكسبا
تدري عاد شنو الي يشدني في المسلسل هذا و ما اتصدق
اهدووووومهم
واي على الفاشن فظييييييييييعه
و بعدين امي تقولي خليج فلكسبل
بس اناااااااااااا راس يابس بل

Anonymous said...

هلا لوير انا من زمان استانس على بلوقك و كله اقراه و بعدين قطعتي و ما قمت اشوفج ف اليوم بالصدفه اكتشفت انج رديتي :) ادري اشياب الطاري هالسؤال بس بخاطري من زمان اسألج عن شغلج خصوصا ان ودي ادرس ماستر و انا خريجة حقوق من 3 سنوات و ابي نصيحتج ؟؟ اذا تقدرين تعطيني ايميلج علشان نتبادل معلومات اكثر ؟ مشكككوووورة و ناطره ردج

lawyer said...

انشاء الله اختي
حياج الله مشكوره
انا ماعندي خبره كبيره في الماستر الي فيجامعه القاهره.. الكحيانه
و اذا تبين تتواصلين معاي هذا ايميلي
smow_79@hotmail.com