Friday, February 17, 2006

ضياع لولو..الجزء الثاني

يطق الباب ...روم سيرفس
تفتح لولو الباب ..ويدور الحوار التالي ..
كل سنه و حضرتك طيبه
لولو: وانت طيب ..
تصرخ نوره من ورا الباب ولكن صوت الماي ما يبين اهي شنو قاعد تقول..
تفتح باب الحمام و تقول حق لولو ..دفعي الحساب الحين لا تخلين شي على الغرفه ..بعدين تشوف امج حزت الشيك اوت ..
تستغرب لولو ..اوكيه اوكيه ..تركض اتييب البوك ..و تدفع تشوف الفاتوره تنصعق !!!
اي ده !!! هو احنا طالبين ايه المطعم كله !!
دي حتت ازازه ..
يرد عليها :بس انتي طلباها مستورد و انتي عارفه دا اوتيل ..تدفع الحساب و تعطيه بخشيش ..
ترد الباب وراه
لولو مندمجه في خلطات الفودكا مع الكولا ... و نوره منسدحه تريح اشوي
...
نورا تعالي شوفي المنظر خيال ..النيل و اضاءات العماير حواليه وصوت الناس في المراكب عجيب .. توقف نورا يم لولو..واي الجوو خيال ...موطبيعي ..
تسأل نورا ..وين راح نسهر اليوم ؟؟
لولو: مدري بس ابي مكان وناسه ..تروحين ديسطو الكونراد ؟؟ولا الهارد روك؟؟
ترد نورا..:لا هذا و لا هذاك ابي اروح الحسين ...اشرايج نرووح الحسين نصرف لنا جنيهات و نروح نقعد على القهاوي هناك ونستانس و نسمع اغاني ام كلثوم و نشرب شيشه ابرك من ازعاج الديسكو و المسخره هناك...
يالله خلاص ..نبدل بعد ساعه وننزل ..
تتصل ام لولو ..
تطمن عليهم ..يطلبون منها ان يكون السواق عندهم بعد ساعه لانهم بيطلعون...للحسين..
يسهرون في الحسين لي صلاه الفجر
يرجعون ..و الفندق هدووء ..يدخلون يلاقون شباب خليجين ..في اللوبي ..
تسااسر نورا ....لولو.شوفي شباب اشكبرهم و قاعدين في الفندق و يشربون شاي و احنا ما بقى زحير ما زحرناه
ترد عليها لولو:انطمي مالنا شغل فيهم يامعوده لا يحسون فينا....ويهرولون ثنتينهم لليفت..
يغسلون و يبدلون يلبسون الترينيج و ينزلون تحت يتريقون ..بعدها يطلعون للغرفه . مع وضع
.لوحه الرجاء عدم الازعاج
ويوحون في سبات عميق ..
يرن تلفون الغرفه ...
نورا تفتح الابجوره ..ترد على التلفون ..هلا خالتي .. لا كنا نايمين ..انشاء الله ..نقعد و اني انتغدا عندج..انشاء الله ..
تشوف الساعه و الا الساعه 4 ونص العصر ..
تقوم تاخذ شاور و تغسل ..تقعد لولو ..ويروحون الزمالك شقه ام لولو..و في الطريج تقتح لولو ان يروحون باجر شرم الشيخ 3 ايام..
تاخذ لولو من امها فلوس الرحله ..تطلع من الزمالم لي شارع 26 يوليو ,,مصر للطيران تحجز لشرم ..تتصل نورا في معارفها في فندق موفمبك شرم ..تحجز غرفه مطله على المسبح..
الساعه 8 بالليل ..
وييييييين بنرووح؟؟تسأل لولو نورا..
..ترد نورا..
اشرايج نرووح نقعد في لوبي الفندق ..وناااااسه قمه الجز بعدين نشوف وين نسهر...
يرجعون يقعدون ..يلاقون نفس الشباب الي امس في نفس المكان بس هالمرا معاهم شايب و زوجته ..
يطلبون كابشينو..و ميلفيه ..يقرون جرايد ..
تروح نورا تتمشى شوي ..
تشتري بوكيه ورد ..ترسله للغرفه وتكتب فيه ..اهداء
الي حبيبتي لولو ..شفت هالورد حسيت انتي اكثر انسانه تستحقينه
وايد اهديت ورد
بس هالمرا احساسي في هالبوكيه غير
انا منقيته وانا مساعده الفلورست فيه و انا اكثر وحده في هالدنيا اموت عليج ..
....
لولو تقرا الاهداء و تبجي ..
تصرخ عليها نورا
دوووووووودهتيني ماخليتيني حتى اصلى عدل
شكوووووووو تبجيييييييييين
اقصاه بوكيه في 100 جنيه
و كرت كاتبه في حجوتين
كلا تبجين و بس
تسمح دموعها..
تغير ملابسها
ينزلون الهارد روك كافيه .. ياكلون العشا .. الساعه 12 يقلب المطعم ديسكووو ..اغاني مصريه لبنانيه ريماكس انجليزي لاتينو.
لولو مندمجه في الاغاني تهز في مكانها
نورا مشغوله في المسجات
....فجأه و تطلع اغنيه حسين الجسمي ..
نورا تعطي لولو نظره ..لولو تصرخ من الوناااااسه
تقووم ترقص في البيست رقص خليجي تحس زحمه ترجع عند نورا ترقص رقص هستيري اكثر..
عند طاولتهم
نورا تصفق ...
عاشووووووووووووووووووو
يقوووووول الي قضا ليله حريم نعاس جفاه النوم ما غطى بالنعاس
حليف الهم بات بخاطره وسواس وونات تهد شامخ الراس..يقووووووووووول
انا الشاكي انا الباكي انا الحساس وانا الي في المحبه خاضع راسي وانا لغير المحبه لا ما خضعت الراس ...
........
يوصلون شرم..
يركبون الباص ..يتجهون للفندق ..ياخذون مفاتيح الغرف و كروت البيتش ..
الساعه الحين 10 الصبح ..
يبدلون بسرعه ...يركضون البحر..
تطلب نورا من لولو انها بسرعه تروح البحر تحجز كراسي و تحط فوط عشان يكون المكان في الظل ,, على ما اهي تروح الصيديليه تشتري مستلزمات التان
ترجع نورا وبيدها الكريمات و السيدييز و الماي ..يتدهنوون ..
...وينزلون البحر ..
يسبحون لي غايه العصر ..
نورا الحين الساعه 3 بمووووووت يوع..امشي الماي بدا يصير بارد خلينا نرح المسبح داخل انتغدا على المسبح و نطب هناك الماي ادفى ..
لولو تتغدا ..نروا تسبح ...
فجأه و الا الشباب الخليجين توهم واصلين !!!!!
الدنيا صغيره !!؟؟
و الا الصدف !!!
نوروووووووووووووووو نورووووووووووووووووووو شووووووفي منو اهني
تلتفت نورا ..ماكو شي ..
تقولها وين ..؟؟
تقول بس راحو ورا ما يبينوون هذولاك الي جنهم سعودين الي ويانا في الفندق ..
بصوت عالي تقول نوراا:
ابييييييييييه كلش مو وقققققته و احنا في مايوهاتنا و عفستنا كلش مالي خلق خليجين ...
قومي خلينا اكل بسرعه و ونروح
ترد لولو :شكوووووو فيهم مالنا شغل اهم يايين يستانسون و احنا بعد..
لولو خلصت اكل بس نورا قاعده تاكل ..
لولو منسحده ..تتشمس و يمها البيره ..تحاول تستهبل على نورا ..
نورااااااااا اتصدقين ؟؟ اشووفج 4 ...
ترد نورا : من الي قاعده تزحرينه من الصبح
ترد لولو:جبي زين توني هذا ثاني واحد ..
يالله لك الحمد
قومي خنروح ناخذ شاور وونام ساعه حق نسهر بالليل ..
يردون الغرفه و لولو تتمايل يمين و يسار وتغني ..خليني جمبك خليني في حضن ألبك دفينييييييي ...ترد عليها نورا :امشي عدل بس امشي لا تدلعين على راسي ..
تحط الالارم على الساعه 8 ..تسأل نورا لولو ...يكفي انام 3 ساعات؟؟
حطيتها على 8 ..
ترد لولو::اوكيه ماكو مشكله..بس تدرين انا عندي فكره ..نروح نسهر في القهاوي..وبعدين نروح ديسكو على البيتش مو شغل بامودورو لألأ
خلينا نرقص على البحر..
ترد نورا ..بس بشرط؟؟!!
و نقعد من النوم ..نشرب امريكان كوفي ..و نسهر و لاوحده فينا تشرب شي لان رقص و شرب ..!! نسكر ثنتينا منو بيشيلنا فجأه نقوم الصبح نلاقي عتريس و مرسي نايمين يمنا ....و اهي ميته من الضحك..
تكفخها لولو في المخده ..انا انام ويا عتريس و سكرانه يا شقووووووووول ..خلاص ديل ماكو درينك ..نو موور درينك مامي نونو..
الساعه 9 ونص يتمشون في خليج نعمه .. و يمشون متجهين صووب الماريوت.. في قهوه شرقيه على الارض اغاني و عود و دنابك..
تقترح نورا انهم يقعدون ..يدرون مكان ,, والا الصدفه للمره الرابعه تجمعهم كع الشباب السعودين..
الشباب كانو يصفقون على اغنيه فوق النخل فوق ..
..تخلص الاغنيه .. وتقول نورا للمغني ..الله يعافييييييك اغاني جعابره ما نبي ..!! يعني لا تغني عراقي بليز غن ام كلثوم عبدالحليم شي يفتح النفس ....ناقصين البرتقاله و ربعها احنا...
لولو ميته من الضحك و الشابين السعودين يضحكون بعد..يرد عليها واحد من الشباب ..يعني انتو كويتيات .. و ديمقراطيات و تنادون في تحرير المرأه و الديمقراطيه .. و ما تبون تسمعون ..حتى اغاني عراقيه ...
وين الديمقراطيه اجل؟؟ مافي احترام للرأي الاخر ..
تبقق عيونها نورا من الرد..
والله عاد احنا ياين تستانس مو ياين فوق النخل فووق!!!
و بينما يشتد النقاش بينهم كانت لولو تبادل الشاب الاخر نظرات الاعجاب ..
اخر شي ..
تنط لولو..مصافحه الشاب الوسيم..
معاك لولو..من الكويت..يرد عليها مبتسم معاك الفقير لله دحيم من السعوديه..هههههههه تضحك لولو..شنو يعني اسمك دحيم؟؟
ترد عليها نورا لا يعني حمني ..اهم يدلعون عبدالرحمن دجيم..ترد لولو..اها عاشت الاسامي..و ينط الشاب الي اشتد النقاش مع نورا و يسألها طيب انتي واش اسمك؟؟
انا نورا...و انت ..معاك طال عمره بندر...هههههه يضحك و يسألها بندر ...لولو و نورا اسمكم الحركي و الا الحقيقي..؟؟
تستغرب لولو شنو يعني الحركي؟؟
يرد عليها النك نيم يعني...
تزفه نورا ..اشقالولك قاعدين نعرض في البالتوك عشان تقول نيك نيم!!!
تساسر ..نورا ..رفيجتها لولو..شوفي تهربي منهم بسرعه و خلينا نقوم مالنا خلق شباب ..احنا ياين تستانس ..و مانبي انتعرف على احد ..باجر يصورونا بلوتوث و فضايح !!!
و عبدالرحمن ماشال عينه من لولو ..تضعف لولو..وتقول شكلهم طيبين !!
عرفت نورا ان مستحيل لولو راح توافق على الفكره ..
بقاطعهم عبدالرحمن..اشرايكم نروح انتمشى ابوديكم لعبه خطيره ..تجوون..؟؟
تقوول لولو يالله ..ماعندي مانع
يقوول بندر قدااااااااااااااااااااااااااااااااااااااام..يعني بالكويتي فووووووقه....
يتمشون على البحر ..يسأل دحيم ..لولو..كم عمرك؟؟
تقوله 23 و انت يرد عليها انا 34 ..وخوي بندر عمره 32 و الدبه نورا كم عمرها؟؟
تنط نورا انااااااااااا دبه !!! يقولها لأ بس شيينه ...هههههههههه تجاوب لولو ..نورا كبري ..23
يسأل بندر ..جايين لحالكم؟؟
تقوله اي يايين شرم بروحنا لان امي في القاهره..
يحارش بندر نورا ,,واهو حده مستانسه لانها بسرعه تطفر وعصبيه..
طيب قوليلي يا نورا ..انتي ماعندك فرشه ؟؟؟ و اش ذي الشوشه ؟؟
لولو تستغرب مافهمت..تقولها نورا ..يسألني ماعندج مشط في البيت..شالكشششه ..
تضحك لولو لأااااااااااا نورا هذا ستايلها كلا كشه وشعر اشقر طويل..و في الطريج..في اغاني بيست لاتينو على البيتش..تطلب لولو من حمني ..انهم يرقصون مع بعض ...
خافت نورا ..بدت تحس ان رفيجتها تتجاوب ويا عواطفها بسرعه..مع حمني ..هل هو هروب؟؟ هل هو اعجاب ؟؟و الا حمني اهو الانسان الي راح تنسى فيه طلاا ل؟؟ او يمكن اهو المسكين الي راحت تنتقم منه في الي سواه طلال....


يتبع الجزء الاخير و الثالث..


22 comments:

lawyer said...

sorry wayd aghla6 ma6ba3yya
اسفه للاخطاء المطبعيه

Яeema said...

it's Ok sweety , i am waitting for the END , tasalsoon 7elow o saard a7la leel a7daaath


i am waitting for part 3 la ettaweleen 3alena feeh

Lord Bin Sleet said...

ههههههههههههه
فيه اختراع اسمه
Edit
تقدرين تعدلين فيه الاخطاء

وبالنسبة للقصة بصراحة بدت تحلى، بس وش قصة دحييييم وليش اسم دحيم بالذات؟؟؟؟؟

لا يصير اللي في بالي ثمن ياويلك مني

تحياتي

متفرغ said...

الله يستر بس من نهايتها ناطرين التكملة :)

bo_sale7 said...

السرد بدا يطلع انحراف لولو المقموت ...ولا بنت تكانة الحرة ما تطلع منها هالسوالف بهالحرفنة اللي صايرة ...تعرف تشرب وتعرف تصيد وتعرف اماكن السهر والانحراف !!! الظاهر ماضيها كان مخفي :)

Expatriate said...

نقطة بو صالح يت في الصميم
الموضوع مو موضوع انتقام وردة فعل واحباط وقصة طلال وفصخ خطبة مفاجيء

لا .. البنت اللي في القصة تلفانه من زماااان

بصراحة ، الله فك طلال منها ، على اقل مشكلة تصير في اسفل سافلين ؟ اعوذ بالله
هم لازلت اقول اللي مثل لولو في القصة ينعدون على الاصابع في الكويت

~ se3loah ~ said...

سعووووودي
سعووودي يا فطوم
حرام عليك
البنت من الحين اقولك راحت وطي بما انها طاحت بيد سعوووووووودي
مساكين نورا ولولو


بس ضحكت على شغله .. الحين تشرب وتان بمايوه وحالتها حاله... وتصلي
!!!

3ateeja said...

وي وي وي وي غبراااااااااا اثري جذي
اكيد حمني ..ما ينبلع ولا ينزرط ..الله يزيد النعمه
حسستني انها قصه حقيقيه يوم قلتي تصلي...لأن الناس الزينه اذا خربطواا..شربوا اللي يسونه بس يصلون...هذا عندنا بلكويت ..غميضه عليج يا لولو ..صرتي رقله
الشرهه على نويره اللي مساعفتج سليمه تصكها
صج الصاحب ساحب

Q8ya said...

الظاهر ماضيها قبل طلال كان اسود ...:) امبين...!!

====

سعلوه في بنات وايد يخربطون ويسوون اشياء ما تطري على البال ويصلون ...:)


=====


عتوووجه بردتي قلبي والله ...:)

Q8ya said...

نسيت اقولج لوير يعطيج العافيه...^___^ وناطرين التكملة...:)

Diver said...

بصراحة قد تكون مدونتج امتع ما اقرأ من المدونات و خاصة اسلوب السرد المكتوب

بس على فكرة لايكون كل هلاقصص من قصص الموكلين و الموكلات
;)

lawyer said...

expa:
فعلا يمكن تكون خيره لطلال..
و اهني يبين المعدن في الازمات

سعلوه:
و اشفييييييه السعوووووووودي
لا تخافين كملي و انتي تشوفين..

عتيجه مموتني من الضحك على سليمه صكتها مت مت من الضحك

lawyer said...

شكرا وايد كويتيه
انشاء الله

lawyer said...

دايفر
بحياتي ما كنت فخوره كثر ما انا فخوره الحين
لانك ركزت علي انا شخصيا
و علا جهدي
الكل تكلم عن لولو ونورا و انا بصراحه ما يهمني
يهمني انا لوير شنو قاعد اسوي
بردت قلبي
مشكوووووووووووور
و من ذووقك
اتعب على البلوج و التعليقات تروح للابطال .. فهمت الحين ليش وايد اعتز في رايك

lawyer said...

ريما :
انشاء الله ما اطول

لورد بن فليت
لا مالي خلق ايديت
و اسم دحيم حلو مافيه شي

متفرغ
انشاء الله


بوصلوح

اعيال الحرام ماخلو حق اعيال الحلال شي

meo said...

لولو ناقصها تقعد من النوم و تشرب
Irish coffee

EsTeKaNa said...

لوير يعطيج العافيه
هذا العالم مخفي عنا وما عمرنا شفنا هالبنات اللي يسهرون ويسون كل هالسوالف،واذا سمعنا قلنا اكيد مو كويتيات جنه الكويتيات ملائكه
:(
بس الواحد من كثر ما يسمع واحيانا يشوف يكون عنده تصورات ويعرفها يسردها بطريقه واقيعه مثل اللي انتي سويتيه ما شاء الله عليج

بس عفيه نورة مع الخيل يا شقرا
وعفيه ام تعطي فلوس وما تدري عن هالبني وين راحو وين يو
:(

lawyer said...

meo:
اتهقى اتصحصح؟؟

استكانه
الله يعافيج حبي..
الحمدلله انه مخفي وانشاء الله اوهام و مو صج

بس اتصدقين ..للاسف في وايد من هالنمونه وحده من صاحباتي ورتني بلوتوث كويتيات في دبي ..تنصعقين
للاسف بنات عوايل و اهلهم سنعين بس ما تدرين شتقولين
عيب في التربيه او المجتمع

kuwaite said...

حلو

بس يرحم امج مانبي النهايه تنطق طراقات

ولا تموت

حركات فجرسعيد

:)

جوزة said...

يمسيج بالخار يا لاوير,,والله مدري وش اقول,,الله يصلحهن بس ويستر علانا وعلى بنات المسلمين

NOUF said...

تذكرين لمن سالتج اشلون حبت واحد مو صاحي ؟
اطلعت لولو اللي مو صاحيه من جذي حبته
يامثبت العقل والديين

cozy said...

God inshallah etkoon just a story from your mind and not true at all mabi 7eta eneeatkhayal ena fe banat chetheeh Bel kuwait !!??i'm really sorry for thier families .