Thursday, February 23, 2006

لقاءنا الاول



طبعا من تقرون العنوان راح تظنون ...لقائي انا الاول مع حبيبي
...هالمرا في لقاء بسسسس غير
تبدا قصتي ... من بعد رمضان ..ايي الدوام دايما الساعه 7و نص ..غالبا ما تكون السياره نفسها يمي ..في الدور الارضى و تعودت اني اول دايما يا قبل هالسياره او بعدها ..اعني سياره البنت الي يمي ..
الاحظها دايما ماشاء الله كاشخه ..و وتبون الصج اهي ملفته للنظر بنت طويله حلوه ضعيفه نظراتها تتكلم
اي والله نظرات عيونها تتكلم..
مرا من المرات ..صفطت و قاعده اسمع اغنيه .. خلصت الاغنيه ..نزلت من السياره
و انا اسأل نفسي ..وين البنت الي يمي اليوم..
مشيت صوب المخرج و الا البنت توها واصه بس هالمرا يايه من مكان غير ...
اووووه البنت غيرت مكان صفطتها...
ممممممممم هالمرا شكلها احلى .. واي عفيه بنات لهم خلق يكشخون الصبح...طبعا انا اقول هالكلام بقلبي..
و تمر الايام ... وترووووح الايام..
و ما صرت اشووف البنت ...
بعد فتره ...
و انا قاعده اسولف في المسنجر ويا رفيجتي و تشرحلي مواصفاتها بالظبط و اتكلم ,,, و الا ما وعيت اهي نفسها البنت الي وياااااااااااي في الباركينج كل يوم الصبح..
لكن هذا النت عالم من المفاجأت يمكن ما تكون اهي ...
اكيد تشااااااابه !!!
و هذاك اليوم توني ادش اون لاين المسنجر ...
و الا البنت نفسها ... تقولي
فطووووووووووووووووووووومه اشرايج امرج و نروح نشرب قهوه
لاحظو اني ما اعرف اسمها و لا اعرفها ...
قلت لها اوكيه هذا عنوان بيتنا و هذا رقمي و حياج ..
قالتلي 10 دقايق و اكون عندج
بعد شوي و الا ياني تلفون فاطمه طلعي برا ..
اشوووووووووووووف و الا البنت نفسها .. الي اصادفها كل يوم الصبح اهي نفسها الي وياي في النت من غير ما ادري اهي نفسها الي مارا بيتنا اهي نفسهااااااااااااااا ريماااااااااااا!!!!!
اي نعم لا تستغربووووووون اهي نفسها ريما ...
شوفو اشلون الصدف و اشتغل وياها في نفس المبنى..
المهم مرتني و رحنا نشرب قهوه في ستاربكس العديليه و قعدت وياها من العصر لي الساعه 8 بالليل!!!!!!
مرت الاربع ساعات بسررررررعه
لقااااااااءنا كان جدا حاااااااااار
جني اعرفها من سنين ....
تخيلو ان البنت انا وياها ... قاعدين انسولف بسطه و هذره بسسسسس ما نعرف اسماء بعض
اخر شي عرفتها بنفسي و عرفتني بنفسهااااا بنت الحلال
اطلعت من نسابتنا و كل يوم اكتشف انا وياها علاقه تسب يديده بينا
اخر شي قلت لها ريماااااااااا اخاف باجر اتصيرين اختي
شكراااااااا لج ريما شكرا على معرفتج
طلعتي وياج اليمعه الي فاتت من احلى المغامرااااااات....
انا وانتي نفس المووووود نفس المغامرااات
طبعا ريما اول مرا تدري الحين اني انا مثبتتها قبل لا اعرفها
لاني ما قلت لهاااااااااا ....
***********************
***********************
P.S
ترا هالبنت اذبحتني خسااااااااااااير ....
فلستني الطلعه وياها للسوووووووووووووق بهذله ...
مابقى شي ما قصت علي و خلتني اشترييييييه
انصحكم نصيحه لوجه الله لا تتعرفون على ريما و لا تطلعون وياها حزت نزله المعاااااااااااش

17 comments:

cozy said...

hehhehe wa rob sodfa khayron men alf me3ad as they say :)

lawyer said...

cozy

eeeeeeee wallaaaa sheft ;)

~ se3loah ~ said...

ريما ماغير؟
اللي حرف الار مقلوب؟
@@

lawyer said...

اي سعلووووووووووه ريما ما غيرهاااااا

Яeema said...

eeee kany!

~ se3loah ~ said...

ياسبحااااااااان الله
وش هالصدف
هم دايم يقولون الكويت صغيره بس ما توقعت لهدرجه!!!
<< بتصككم عين :P

يالله عقبال ما تكتبون لنا عن لقاءاتكم الجايه انشاء الله
:)

lawyer said...

سعلوه انشاء الله اذا انا جيت الرياض من اول الناس بشوفها انتي و بشوف شنو هالكشه ليش جذي

لازم اكوووووو حل
لازم اركب وايرات مخج عدل عشان شكله ضارب شورت وقف الشووشه
يمكن تحتاجين كهربائي؟؟؟؟؟؟


هههههههههههههه ترا امزح مو تزعلين

bo_sale7 said...

همممممممممممممم .......
غريب امور عجيب قضيات !!
والله مثل ما قال المثل : القلوب عند بعضها ..بس اللي نبيه الحين الوجه الاخر للموضوع من صوب ريييما ....هل كانت بعد مثبتتج ؟ وشنو شعورها باول مقابلة ؟؟

lawyer said...

بوصلووح لألألأ ماكانت نثبتتني ..بس تقول ويهي مو غريب ...
و مدري شنو انطباعها سأترك لهاااا حريه التعبير .. و المكرفون وياها
هههه
بس الي اعرفه انها امس وايد تأثرت من الكلام

qalm-jaf said...

ههههههههههه
والله صدفه حلوه
.
.
.
الله يخليكم حق بعض ولا يفرقكم
.
.
.
وانا طلعت مديركم
(:

Яeema said...

أنا الصبح و قبل القهوة يالله أفكر إشلون أوصل حق مكتبي

علشان جيذيييه أوقف نفس المكان كل يوم
ما أحب أفكر ويين واقفة كل يوم

أنا نوعي ما أثبت ولا شي

شعوري بأول مقابلة:

كأني أعرفه من زمان
crazy like me
hahahahahhahahaha
i am joking !

wella fee a77ad yesawy nafsy!

المشكلة الوحيدة إللي بييني و بيينها

إنها إمطاوعتني!

الله يحفظج يا لويييير
و يحميييج من كل شر

متفرغ said...

رب صدفة خير من الف ميعاد :)

mishari said...

التم الشامى على المغربى والله يستر من الياى
بس على العموم ثنتينكم بنات حلال والنعم فيكم وما ينخاف عليكم الا من اشارات المرور :p

Broke said...

Oh that was nice .. 9ij khosh 9udfa .. Kuwait is really really small .. ;)

lawyer said...

قلم جاف
لووووووووووول مدري شكلك جذي
بديت اشك انا

ريما

لوووووووووووووووووول اي والله مطاوعتج
شفتي اشلون عيل المكان الي رحناله امس احد يرووح له في ترينينج
الناااااااااااااااس متسنعه و انا بلوزه رياضه مالت اخوي
ههههههههههههه
متفرغ
اي والله شفت اشلووووووون


مشاري


ماقصرت من طيب اصلك ...
قصدك ما ينخاف علينا الا من الكاميرات عشان انا وياها سررررعتنا خطيره

بس الله يهداج يا ريما وكلتيني ياباني و تعبت وايد منه

بروووووك
واي سكتي ما تصدقييييييين
اشلون الدنيا صغيره

3ateeja said...

ريما اخاف باجر اطلع خالتج ام ريلج بعد

ههههههههههههههه والله خووووووووش صدفه انا صارتلي صدفه بعد عجيبه غريبه ....وان شا الله اقول لكم اياها بوقت لاحق

lawyer said...

عتييييييجه
ههههههههههه تخيلي