Monday, February 27, 2006

نزوه

هذي قصه حقيقه و ليست مؤلفه من مؤلفاتي الخزعبليه ولكن مع اختلاف الاسماء
ترويها لكم صاحبتي ... عباره عن مأسات شابه ..
يمكن تعتقدوني ابالغ اذا قلت مأسات ..
لكن فعلا بلسان صاحبتي
.....
كل يوم يدخل الزوج من الدوانيه بالليل ..يلاقيني يا منسدحه في الصاله او قاعده اغير في القنوات من الملل..
يدخل اول ما تطيح عينه علي !! شنو قاعده اشوف و شنو قاعده اسوي..
بسرعه افز اقوووووله بوسه بوسه بوسه ..
يعطيني ابتسامه صفرا و بوسه بدون نفس
استعبط..
اسأله شنو تبي ..عشا؟؟ كالعاده ..الحمدلله تعشيت في الديوانيه طلبو و طلبت وياهم..
اوكيه ..تامر ي شي ..؟؟
لا روحي نامي .. انا بشوف برنامج ..وبعدها بشيك ايميلي و بنام..
ابوسه على راسه اروح انام
... زوجي صارله اسبوعين ما لمسني
فعلا من اسبوعين ما قرب يمي...
كل يوم يقولي روحي نامي ..الحمدلله شبعان
يتغدا الظهر و يسكر الباب يقولي نامي في الدار الثانيه لا تزعجيني !!! كافي متحملج بالليل !!
ما قصرت في حقه بشي البيت العيال .. منعني من الطلعه ..
ما صرت اروح مكان غير وياه !!
بس زواره اهلي اهي المتنفس الوحيد لي..
طبعا انا ماخذه اجازه امومه ..بس ما جني ماخذتها من الفير افزع !!
هذاك اليوم ريلي دش..
و انا حدي متأزمه نفسيا ليش ريلي متغير علي
قلت يمكن مو مشتهيني شايف مني شي مو عاجبه
انزيييييييين تكلم قول فيني شي !!!
يدخل زوجي !! مايلاقيني في الصاله
يدش علي الدار توني طالعه من الحمام ماخذه شاور لافه فوطه علي ..شعري مبلل
يعطيني نظره ..اقرب منه ابوسه ..
يتجاهلني ..بوسه بارده ابتسامه صفرا!!!
اقول بقلبي شنو السالفه مو لهدرجه عاد ما تحس
يبدل ريلي ... يقط بوكه و اغراضه .. وانا مسويه نفسي ما انتبه اصبغ اظافري ايدي ..و اركز في الاظافر
ارفع ايدي اشوفهم اوكيه و ارد اكمل..
يقولي ريلي شويخ ((اسم الدلع لشيخه)) تدليع ماصخ
قومي بدلي ليش متفصخه جذي !! لا صار في هاليل قلتي بطني و حايشني هوا و تعال يا ناصر ودني الطبيب !!
ازيد من جرعه الاستعباط و حرركات الاثاره
اوووووووووووه ناصر الله يذكرك في الشهاده اسحب كريم للجسم ..
اوقف جدامه اعطيه ظهري.. اسحب شعري المبلول بيدي اليمين من اقصى اليسار و ايبه لي جهه اليمين ..
و اقوله بليز ناصررر هذا دوا ظهري !!
ما اقدر ادهن نفسي .. دهني..
زوجي الله يطول في عمره تجاهل كل حركاتي و ركز في ريحه الكريم !!
بقتح الكريم يشمه .. بل جنه دوا كحه!!
اقول بقلبي هذا الي الله قدرك عليه !!
خططي ما يابت نتيجه ..
يطلع زوجي من الغرفه
و قبل لا يسكر الباب .. اقوله ناصر
يرد علي :هلاااا ..
اقوله: تدري صارلك اكثر من اسبوعين ما طقيت الكرت ..
هذي شفره بيني و بين زوجي !! يعني ما نمت وياي ..
يرد علي .. :ادري اذا مو عاجبج طرشيلي نموذج تأخير ..
او خصمي من معاشي ..
يرقع الباب...
البس شورتي بسرعه بسرعه..
افتح الباب..
اصرخ علي ...
تراا انا ادميه من لحم و دم احسسسسسس اوكيه
اذا في حياتك وحده ثانيه هذي مشكلتك بس انا ما عندي الا بيتي و زوجي و اعيالي
عشان جذي لا تغلط وتتجاهلني
انا ساكته ترا بكيفي
لا تعتقد انك مستعبطني
خياااااااااانه !!! واجهني
حقيره في قلبك الله يهنيييييييييك فيها !!
بسسسسسسسسس لازم تحترمني
انت اهني زوجي تفهم شنو زوجي
اذا انت ماعندك مسؤليه و لا شي في هالبيت وواجبك كزوج مو قاعد تقوم فيه !!
ما تقولي شنو مسئولياتك !!
و تنهال عليه سلسله من الصراخ
.. يلتفت عليها ..
خلصتي ..؟؟ طلعتي الي قلبج ؟؟
عندج شي ثاني تقولينه !!؟؟
اذا ما عندج روحي الدار و سكري الباب عليج ما اشتهي اسمع صوتج!!
استغرب من اسلوبه عمره ما كلمني جذي !!
احذف عليه الريموت !! ما يحوشه ينكسر في الطوفه !!
يقولها : عادي مينونه مو شي يديد !؟؟؟
تكبر الهوشه بينا !!
و ازعل اسبوع ما اكلمه !!
طريقه التواصل الوحيده الي بينا الاوراق الصفر الي في الثلاجه !!
اقطع اجازه الامومه ..
ارجع شغلي
انشغل شوي في العمل و البيت .. انا في دار ووزوجي في دار ..
افضفض لزميلاتي في الشغل .. زميلي في القسم الي يمي يدري في السالفه يبدى يصير خوش واحد وياي عشان يستغل هالشي
كل يوم يقولي يا بخت ريلج فيج !!
كل يوم يمدح بخوري
حايشتني حاله من الثأر لانوثتي ودي اسمع كلمات الاطراء من الكل ..
بعد بحت دام شهر .. اكتشف ان سبب تغيير زوجي ..اهو زميلته اليديده الي في العمل ..
اشبعته عاطفيا و اغوته جنسيا ..
اراقب من بعيد لي بعيد ..
اشيل شلايلي و ارجع غرفتي النوم
لان بعدي عن زوجي يعطيه مبرر لانه يخوني..
اخذ الي ابيه منه و لا اناقشه في شي
افرض عليه يطلعنا شوي في الويك اند
افرض نفسي عليه في لما يشتري اغراض الجمعيه ..
احاول اكون معاه و انا ادري اهو مو يمي..
اكلم مديره في العمل اشرح له حالتي
طلع ريال خايف ربه .. يتفهم قصتي .. يطلب في نقل البنت و ترقيه زوجي
هذا اهو زوجي يرجع طبيعي شوي شوي ..
بعد اكثر من سنه و نص ..يبدا ريلي يتغلب على النزوه !!
و يرجعلي
و انا مات قلبي من الداخل
يمكن اسامح بس مستحيل انسى
الخيانه الهجر عدم الاحترام
التجاهل
......
زوجي بالنسبه لي مجرد ظل راجل ..

37 comments:

Яeema said...

مشكلة الحريم مشكلة
الخوف من المجهول
النحت في الصخر في سبيل الوصول للأسرة المثالية و بالنهاية ما يعجب

ساعات الواحد يفكر ليش ينتقم الريال من مرته بطريق غير مباشر

كأن يطلع حرة كل البنات اللي يعرفهم فيها ،يتدلل و يتدلع علي مصاخة

و برة البيت ريال و النعم فيه و وايد ناجح و كل من يقول والنعم و 3 أنعام

واللي يحر ليه راح الدوانية و قعد يمدح في مرته جدام الناس
أقصد دوانية ربع محفوفة

و لما يرجع يطلع عضلاتة عليها

ما أقول إلا الله يكبر قلبنا و يسهل دربنا في هالحياة الحلوة الصعبة


الصبر

bo_sale7 said...

مشاء الله عليها .....زوجة ....تبي بيتها وريلها ..هذيل الحريم .....والله يخسه زوجها .....الريال اذا تزوج المفروض يفهم انه جزأ منه انملك وصار لبيته وزوجته ...مو عزوبية نص نص !

lawyer said...

اي والله يا ريما الصبر
المشكله ما ينعرف حق هالرياييل

lawyer said...

ريلها لليلحين عايش نزواته
اكيد راح يستمر و لا راح تخلص
الله يصبر قلب رفيجتي

3ateeja said...

مادري شقول والله ...بس مو حلوه حياتها الحين ماصخه وما
بس لها طعم
شنو حجم الخيانه اللي ارتكبها زوجها
شنو وشنو وشنو
ستين سؤال يدور في بالي
لو كل الحريم تطلقوا من نزوات رياييلهم جان ماكو وحده ظلت اببيت ريلها
يمكن انا لو اكون بمثل موقفها اواجهه
واذا صار وقح اتطلق
انا جذي مخي مفرور بالعكس
طبعا الكلام اللي قاعده اقوله غلط
بس ما احب اجذب شسوي
ماني مستعده اشيل مرض نزات واحد ما يسوى بيزه
ويلوموني باجر

Unknown said...

القصة اكثر من ممتازة روايتها ونهايتها ذكية لكن صج اتفق مع عتيجة حياة صديقتج صارت ماصخه ما فيها حب
والله يصلحنى ويصلح الكل

جنة الحواس said...

قبل اسبوعين كنت قاعدة مع زميلة لي بالدوام .. و خرت علي قصتها اللي تشابه إلى حد كبير قصة صديقتج و صار لها 7 سنين صابرة عليه لأنه مثل ما قلتي ظل راجل و لا ظل حيطة .. و ما ودها تحرم اليهال من ابوهم و هم في سبب مهم : وايد بنات يضطرون يعيشون مع هالنوعية من الرياييل لأنه حالتهم المادية ضعيفة و ما تسمح لهم بالإستقلالية و ما عندها أهل يضفونها .. يعني مساكين من كل صوب


بس اذا الوحده تحب ريلها و عيالها و ودها تحافظ على بيتها .. لازم تصير ذكية و صبورة إلى أقصى درجة .. حزّتها راح يرد لها مثل قبل و أحسن

و الله يصبر قلب صديقتج و يثبتها

طائر بلا وطن said...

مها الواحد قال و تكلم تبقى هناك اسرار
و خصوصية بين الريال و زوجته ما يدري فيها
إلا الله .. و اللي ايده بالنار مو مثل اللي ايده بالماي

صديقتج انسانة عظيمة و هذه مو مبالغة

الله يسير الأمور للأفضل

و صباحج خير
:)

Diver said...

انا معاها في كل الي سوته و خاصة في القتال للحفاظ على ريلها لن في بعض الأحيان لازم نقاتل للحفاظ على حقوقنا لكن مثل ما قاتلت للحفاظ عليه لازم تقاتل عشان تكون حياتها طبيعية حتى من ناحية الأحاسيس
انا برايي ان الحياة الزوجية اما ان تكون طبيعية حتى في المشاعر الداخلية للطرفين او لاتكون

و كالعادة قصة جميلة من عقل أجمل سواء حقيقية او خيالية

غريب said...

شي عجيب الباجي اقولك اياه بعدين

AL-3ANAN said...

الله يكون بعونها

lawyer said...

عتيجه
فعلا حيات ميته مو بس ماصخه
لكن شنو اتسوي تبي بيتها و تبي ريلها تبي الاستقرار
تقول اذا الله ماكتبلي اعيش سعيده مع زوجي لازم اكون سعيده مع اعيالي
و اسعد اعيالي مع ابوهم
.... الله يمهل و لا يهمل
الصحه ما تدوم و الدنيا ما تدوم ما تدرين يمكن هالزوج الظالم باجر يكون تحتها ..
يمرض يصير فيه ماحد بشيله الا اهي

lawyer said...

مشاري
شكرا لك
اي فعلا ماصخه
امين يارب يصلح الكل و الجميع

lawyer said...

ناديه
الي انتي سويته مع زوجج كان بطولي محد يدري عن الموضوع و لكن من خلال اطلاعي على موضوعج
انتي بعد ربي سبحانه في هذاك الوقت عطاج قوه غير طبيعيه

انشاء الله راح استمر بوجودكم وياي

lawyer said...

بروك
فعلا مرات الزوج يحد و الزمن يحد و العيال

انا اعرف وحده تقول اتحمل كل شي من زوجي و لا اني اعيش بدون زوج مو عشان الحب عشان الجنس
تصدقين عاد
!!
تقول انا ادري اذا بتطلق هل اتزوج او لألأ!!
المهم شخص يعفني ويستر علي

lawyer said...

طائر
صباحك ورد ووجوري
من طول الغيبات
اشكرك راح اوجه كلامك الطيب حق صديقتي

بس لا تاخذ بريك اوكيه
عشان انا و سعلوه ما نتعقد

lawyer said...

دايفر
اشكرك وايد اي لازم الواحد يدافع على شي يستاهل
الزوج و البيت و الاسره و العشره تستاهل ان المرأه تدافع عنها بالعمل و باليد اذا لزم الامر

lawyer said...

غريب
انا ناطره


العنان
حياج الله نورتي .. ويكون في عون الجميع يا رب

متفرغ said...

الله يكون في عونها مب كل مرة تسلم جرة و يطلع لها واحد خايف ربه و يبعد الحريم عن ويه ريلها ....بس زين سوت انها صبرت عليه و سكتت على عيالها... و دام انه يعطيها اللي هي تبيه بالطقاق اللي يطقه :(

lawyer said...

متفرغ

اي والله انك صاج

نون النساء said...

ياما الحريم اللي تتحمل وساكته

مثل هالانسانه..!!

ومالهم إلا الصبر وطولة البال..

بيرد اهو لها

بس اهيه يمكن تنسى مع الوقت

مع ان ما اعتقد هالشي ينسى ..

الخيانة صعبة

Nora said...

mmmmmm ... woOow

قرأت القصة ... حسيت بألم و غصة

هههههه ما جربت المأساة ترى ... بس مشاعر و خيال ... توصل الانسان الى معايشة ألم غيره ... حتى لو لم يعرفه

مؤملة جدا ... ما اغبى هذا الزوج
اكره الغباء ... عساني ما اصير غبية

في مقولة اعجبتني تقول : المرأة لا تحب الا من تحترم !! اذا ذهب الاحترام انتهى الحب ...


الله يمسح على قلبها و يعوضها ان شالله
P.S :
the cool thing we both have
choosen the same template ;D

lawyer said...

نون النسوه

وين بيرووح اكيد بيرد لها ...

بس مثل ما قلتي ما تنسى

lawyer said...

حياج الله اختي احلا انجينير
وااااو يا بخت الي يشتغلون وياج عيل و مجابلينج اذا انتي حلوه بس الاهم حلاوه الروح ... ماعليج مني هذا كلام الجياكر الي مثلي

ايفعلا المرأه ماتقدر تحب شخص ما تحترمه لكن اعتقد في كثير من الزوجات عايشين مع رياييل و مومحترمين بس شنو تسوي

Q80-ChillGirl said...
This comment has been removed by a blog administrator.
Q80-ChillGirl said...

هالقصه خلتني ادمع

ماعندي شي اقوله الحين ،، فيني كلام بس موقاعد يطلع ،، راح ارجع بوقت ثاني و اعلق

السبب الوحيد اللي خلاني اكتب هالتعليق الفارغ تقريبا "الا من المدح" اهو اعجابي بهالانسانه ،، اختارت و مشت على قرارها عسى الله يثبتها على ما اختارت و بسعادة عيالها على الاقل تكون سعيده يا رب

Anonymous said...

مشكلة تعور القلب .. ما أملك لها إلا الدعاء عسى الله يفرج كربتها

Anonymous said...

السلام عليكم ورحمة الله وبركاته

الكسر يتصلح لكن الشرخ بيضل موجود ومع أي هزة راح يتجدد الكسر

وأناأقول ظل حيطه ولا ظل راجل
عالأقل الحيطه ثابته مبنايه من سميت إذا تساندت عليها لا تعبت من عنا الدنيا بحصلها شديده تتحملني أما الريال لي تساندت عليه طاح بي مايسند حد مو قوي نفسه ضعيفه

الله يصبر كل مبتلية وإلهم الجنه هالحريم
أما الحرمه القادره الدارسة وماديا تقدر تعتمد على نفسها شو الي يحدها تتعب نفسها وعواطفها ومشاعرها على شي فوق طاقتها
أهم شي إني ماأنزل في نظر نفسي وإحترامي لذاتي ...

دمتي لنا يا المحاميه وفي شغف لكتاباتك

lawyer said...

kuwait chili
شكرا حبيبتي حياج الله يكفيني قراءتج و سطوورج الجميله و انا اسفه اني خليتج تدمعين

lawyer said...

مساعد
حياك الله
شكرا
اللهم امين

lawyer said...

عاشه
حياج الله نورتي
وشكرا على مدحج
اهم شي عجبج المكان

حبيبتي
اي والله ظل راجل بس اهو ما خلا فيها مراجل !!!!
امييييييييين الله يصبر القلب

Lord Bin Sleet said...

الهم يكثر
والشكوة لله
ولغيره مذلة
لازم يعاملها كويس حتى لو قلبه موب يحبها
هذي زوجته ولها حقها

الله يخلف بس على الزمن هذا

ii said...

الله ياخذ الرجال

Lord Bin Sleet said...

سعولة
اسكتي لا تتصفقين

ii said...

لحوووول بتسكتني حتى هنا
انا جيت للكويت اتكلم والا ما اتجرأ اقول هالحكي عندكم بسم الله علينا ما تخلون الواحد يعبر عن شعوره

lawyer said...

لورد بن سليت

سعلوه
ههههههههههههههههههه حياكم الله
اي والله الشكوه لغير الله مذله

سعلوه حبيبتي اخذي مطلق الحريه في التعبير عن رايج
ما علييييج من احد انا احمييييج

ههههههههههههههههههههه بس ضحكتوني وايد لهني واصل صراخكم

طائر بلا وطن said...

توني انتبه لتعليق نورة و لورد

لووووووول

موتوني من الضحك
:
:

بس "الله ياخذ الرجال" تنفع شعار حملة
تقودها النساء الخليجيات في شوارع المدونات
لووول