Wednesday, March 15, 2006

حرقنا البنت و قعدنا !!!

انا قايله هاليوم ماراح يعدي على خير ..
متعسره ..وايد
قاعده من النوم الساعه 6 وشوي ..لقيت مسج من حبيبتي ريما
تقولي فيه عندج شي ..رديت عليها ، نووووووو ..
قالتلي انها بتروح استقبال و بعدها ماعندها شي
اتفقا على ان نروح ستتار بكس البدع ..
الطريج زحمه ..
ما بقى داعوس في رميثيه ما دخلته
ياكره اعلانات الانتخابات تارسه الشوارع و ما نشوف شي
..
وصلت ..صفطت سيارتي
ادق على ريما .... هاي ريما وينج ؟؟؟
ترد علي تقولي انها بين الزحمه ..وتطلب مني احجز طاوله
الحمدلله لقيت طاوله و كان يمنا حريم ..
قعدت اخز في خلق الله خز
قطعتهم ..تقطع
وصلت ريما ..
بعدها في خمس دقايق وصل اخوي وكانو ربعه في الطاوله الي يمنا
عطاني نظره عبيطه يعني هههههههههههه شفتج ...
جابلني اخوي ...
في ستاربكس ..
دزلي مسج ..
قايلي شكلج صايره مراهقه كل يوم جز في ستاربكس
قلت له ماني مراهقه انا اكبر بنت اهني ...انا كبر امكم
ضحك علي انا ورفيجتي لما قلت عن نفسنا جذي
الرياييل غريبين
يحبون يطمنون ان الاوضاع دايما اوكيه
قامت رفيجتي ريما ويا صاحبتنا
يطلبون كوفي
طبعا ريما حاسبه حساب ان احنا برا !!! فقالت حق الويترز بليز اكسترا هوت ..
يابولنا الطلب
توها ريما تحط القهوه ...
قام اخوي من مكانه في كل برود ..ياني سلم ..
عرفته على رفيجاتي طلب انه ياخذ الكرسي حق صاحبه
بكل ذرابه اخوي سحب جنطي الي اشكبرها عطاها حق ريما
و الا كوب القهوه الحار جدا و تذكروا ان ريما طالبته اكسترا هوت !!!!
ينكب كله على ريل ريما و اهي كانت لابسه تنوره يعني على ريلها و تنورتها !!!!!!
ريما صرخت صرخه انا وقف قلبي
قمت و اهي قامت من حراره القهوه و قمت ادور في مكاني اخوي حط الجنطه و سحب الكرسي في كل برود
و راح !!!!!!!!!!!!!!!!!!!!!!!!!!!!!!!!!!!!
و خلاني انا ورفجتي بدووووووووووووووووووووووون لا سوري و لا مد ايده سحب كلينكس كلش كلش ماكو ردت فعل !!!!!!!!!!!!!!!!!
لمده 3 دقايق انا وريما معفوسين
اشوه ان جنطتي مترووسه من جميع انواع الكلينكسات
استوعب الموقف اشوي
ريما تضحك من التصرف انا معصبه من رده فعل اخوي
ريما غشيانه من الضحك
يدق علي يقولي
بليز انا حدي انحرجت مدري شسوي قوليلها سوري بليز
!!!!!!!!!
رديت عليه
قلت له تصرفك ما يترقع كلش
!!
دق علي قالي بليز قوليلها سوري
طبعا ريما بعد عمري للحين قاعده تضحك
و القراده انه اخوي مجابلها و اهو من الاحراج يضحك
و اهي تموت ضحك
و انا حاطه حيلي زف في المسجات
...صار شوي
قمت ركبت السياره
دقيت عليه ربع ساعه و انا اصرخ عليه على رده فعله
و المشكله يضحك !!!!!!!!!!!!!!!!!
و ريما بعد روحي سببنالها عاهه مستديمه حرقنا فخوذها و اركبها
اسأل ريما ليش تضحكين
تقولي تذكرت سوالفج عن اخوج و صرت اربط هالشي مع ردت فعله!!!!!!!
اخوي الكريم البارد برود مميت و العصبي اعصاب قاتله
و الي مرات تصرفاته يكون مال امها داعي
من يومين تعرضنا لحادثه سرقه في البيت
مبلغ 75 دينار
لما عصبت و عفست الخدم
يقولي انتي ليش معوره قلبج اقصاهم 75 !!!!!
و طبعا انا في قمه اعصابي و الزف و الصراخ و اللويه و الشطه
و اهو في كل برود يروح البنك و يسحب الفلوس و لا جنه صاير شي
..قبل لا يطلع ياني قالي ام محمد ممكن طلب بليز بس ما تزعلين و انتو لاحظو اني كنت مولعه من الاعصاب وقتها
يقولي دام انج مالقيتي شي في دار الخدم !!
و بلشتيهم و زفيتهم اشرايج نعطي كل واحد فيهم خمس دنانير تعويض !!!!!!!!!!!!!!!!!!!!!!!!!!!!
اشتبوني اسوي
بقا سبه ما سبيته
بقى مخده ما انحذفت عليه
اكو قوطي كلينكس ما هف الطوفه
بس حسافه ما يحوشه شي
....
عشان جذي كانت ريما تضحك في في ستاربكس
كانت تربط رده الفعل و التصرف
عادي ريما ترا انا في هالبيت عندي 3 اخوان برود الدنيا ماتشوفيني انا هايبر
اخواني يستحون و مؤدبين بزياده
و انا ماخذه الرجوله الي في العايله كلها ...
سامحيني و مسحيها في ويهي

37 comments:

Яeema said...

looooooooooooooooooooooooooooooooooooool


ترا من تلعت من ستاربكس و أنا أضحك

ترا رجعت البيت و خذيت شاور بارد

مافييني الا العافية
جاااات سلييما

مرة ثانية ليي شفت أخوج بطلع من الباب الثاني

Яeema said...

طلعت

lawyer said...

يا عمري
فشلني الله يهدااااااااااااااه
حدج لازم تطلعين

سكتي توه دق علي
يقولي اتهقين رفيجتج اذا شافتني في شوكلت بار راح تعرفني !!!
قلت له اكيد و لا راح تنسى ويهك
قاااااال لألألألألألألألألأ حلفي
مو شي جذي اشلون !!!

قلت له مدري عنك تصرفك ما يترقع
البلوه مو في القهوه البلوه في رده الفعل الي تحرق اكثر من القهوه

قالي تعالي نسيت شنو اسمها !!
قلت له اسمها كراميل ماكاياتو
عشان ما تنسى اسمها

قالي لااااااااااااااااااااااااا بس عاد ذبحتوني ضغاط!!

mishari said...

ما ادرى ليش قاعدين تسولفون اهنيه واكو اختراع اسمه موبايل والا لازم نشوف الاتى

1- ان انتوا رايحين ستاربكس البدع
2- ان انتوا قزيزة
المعلومات هذى كلها وصلت المرة الياية روحوا قهوة بو ناشى احسن لكم واخذوا معاكم جبود وقلوب وخبز ايرانى لان اهناك القز فيه ريايل اثرب :P

Яeema said...

meshari :
sheno mobile!
أنا كنت وياها
و بعدين ليش محتر عشان ما عزمناك؟
هاهاهاهاهاها


و مادري وين راحين ألحين
إشدعوا شانزيليزيه
و قاعدين بالفوكتس


علي طاري القززيزة
إنت شفت لشكال إهناك
قول رايحين إتطنز و نضحك تركب السالفة

و بعدين إللي بقز ما يقز وييك ايند

يقز بأيام لسبوع

mishari said...

اول شى ما شاء الله عندج خبرة بالقز بالاماكن والاوقات والاشكال
بعدين فى مثل قديم يقوم من عيب على الناس
اعتقد تعرفين تكملته
وعلى قولتج محتر انا ما اطلع مع حريم والحريم اللى اطلع معاهم احبهم ويحبونى
بس زينة وحلوةمعلوماتج عن القز شرايح تالفين كتاب بما انج قزيزة بس على فكرة تدرين منو اللى تقز ؟؟؟

Яeema said...

mishari:
والله يا مشاري قعدة بالوييك إند ماني قاعدة بالبيت
بروحها الكويت قمتة
ما عندنا إلا مارينا مول

و مالينا من اللف بهالمطاعم

والله حفظت المنيو


و بعدين ماني عازمتك ويانا
إنت دين إتصك علينا

هاهاهاهاهاهاها

mishari said...

انا ما قلت ابى اطلع وياكم لانكم لويه وانا الصراحة الزم ما على برستيجى والا شرايج ؟؟

Яeema said...

eg3aaaaaaaaaaaaaaaad! yabo presteeg enta :p

lawyer said...

مشاري هالاسأله و الزف و التحلطم حقي و الا حق ريما حدد
؟؟
عشان اعرف ارد عدل !؟؟؟

lawyer said...

على فكره مشاري
انا و ريما سيدات مجتمع
انا وحده لي هدف في الجز
و ريما عندها بنت و انشاء الله على ويه زواج لازم يكون لها حضورها في المجتمع الكويتي عشان تتخطب
مو خبررررررررك الحريم ما يبون السنعه الي من البيت لي الجامعه و لا تدري شي عن الدنيا

ماكان هذا حالي و عنست
قلت اجاري المجتمع ابرك ليش امشي عكس التيار

عيل عمري 22 سنه احضر ماجستير و اشتغل في الحكومه و ماسكه شغل عقود برايفت
محد تحجى و قال هذي سنعه
الكل قال حمدلله و الشكر عاد هذي عادينها مرأه
هذي تكرف جنها تصرف على 10 يهال !!!!

الزبده نسيت اقولك
قعده في البيت من غير شر محنا قاعدين

طلعه بنطلع
كافي رده رووحي قبل لا اركب السياره حسيت في احد يخزني
و الا فلان خبررررررررك
قطعني خز
مالت عليه و على ويهه كل ما اطيح عليه عينه تكون في مكان غلط
و تبيني ما اقزززززززززززززززز
هههههههههههههههههههه

انا عايشه على اغنيه بالنظر

Яeema said...

تأكدي يا لوير
إن إذا كل واحد بدقق على كل كلمة يقولونهة الرياييل
لا بيالله كدينا خير

لا والله بطلع و بشوف عشان إذا قالي ريللي بروح هالمكان إلا أنا عارفة شنو فيه
و بعدين تعالي؟

إذا مع تغيير الحكم و إفتحو ديسكو ولا صالة كازينو بالكويت يصير إنروح؟؟؟



وبعدين مو جنة القهاوي من تخصص الحريم و الدواوين من تخصص الرياييل؟؟


يعني أنا وين بلة بتحلطم علي قضايانا المصيرية بالمجتمع؟؟؟

و إلا وين بتحلطم عن ال البدلات إللى شالاتها معصومة الزفت


أنا قايلتلكم ما نبي حريم يديرون البلد يعفسونها ما صدقتوني

ولا نبي رياييل ما يخلونا نتكلم بكل صراحة عن الوضع القائم بالبلد


أقول!
الكءابة و لغلقة ياية من عبث؟
واااااااااي حنيت و بس أدري ماكو فايدة
هم دايما إحنا الغلط و أهما الصح

Яeema said...

عندي إقتراح

نفتح بلوج جديد إ،سميه مغامرات لوير و ريما بالكويت
إنوري الناس اللي لازقة بالبى سي الكويت الصح

و إشلون إن من خلال مغامراتنا بالقز قاعدين إنشوف إشلون إن ألب الشباب ماكو هدف بالدنيا لأن المطاعم و الكافيهات لام تدخلها جنك داخل ماعب إستاد كورة


مخ فاضي و سيرة بطالة عضلات من الأبر و نسفة غترة مادري إشلون قايلة

و لا إتقولولي مو سنعين؟؟؟؟

ترا الكويت صغيرة و كل من يعرف أخيه


موواتر إمصطرة برة
يطالعك من فوق ليه تحت يعني عطيني ويه بس أنا ماني معطيج ويه

وضع يضحك و ناس إتضحك أزيد

و أنا أحترم إللي بالكافيه
لأنا إللي خبركم إللي ما يقزون بالويك إند معناتا إمضبطلة قعدة ، يا بالشاليه يا بالشقة يا بالمزرعة


و لا تنكرون هالشي

http://www.q8geek.com said...

ماتشوفين شر ريما لو لابسه لباس شرعي جان ما حترقتي
*_&


و انا ماخذه الرجوله الي في العايله كلها

ايه بعد ما اخذتو الحقوق السياسيه والحين اخذتو الرجوله الله يستر باجر شنو راح تاخذون منا
;)

Nasser said...

سلامات ريما

Яeema said...

shakabe6:
اشعرفكوم أنا شلابسة بالله
و كتت القهوة أشعلاقاتها باللباس الإسلامي

لو لابسة عباية ماراح تنكت علي

سمحولي مو منطق

ترا ياللي تلبسون لباس شرعي هذا كردت حقكم ترا يا جماعا ماراح تحترقون


lawyer :
قهوتي صارت في بلوقج مثل اليهود
كل شي أهما السبب و كل شي أهما إمسوينا

Яeema said...

naser : allah yesalmik :)

lawyer said...

ريما اي والله صاجه القهاوي تخصصنا احنا
و الحجي و الخز و القرض تخصصنا احنا

ادري سسسسسسسكتي ملوعه جبدي معصوومه
الله
مال حراق
هالحريم حدهم مطابخ مو مال مناصب !!!!!!!
اي والله هالكأبه تعل القلب عل


لا ما حنيتي انا الي كنا احن على راسج يا رووحي


يالله اي ريما انا قايله من زمان لازم انوري الناس الوجه الاخر من الكويت

سسسسسسكتي و الي يعافيج عاد هالكويتين اشدعوه المواتر سوت منهم ناس هذي هلاقتهم
اناا خابره الي يشتري السياره السنعه يا يكون قدها يا بليز لا تهلق
خلك على الوانيت ابرك

اي شفتي المساكين الجياكر الي امسسسسس
صاكين الاربعين و حاطلي الاس ال و الي حاطلي بنتلي
ويهك ويهك ويهك
انت ويه بنتلي

بسسسسسسسسسسسس بسسسسسس
بسي حشششششششششششش


عاد و لا امس ستاربكس البدع
على نص على نص من يشيييييييل

البنات بدعووو
يتراوالي على كميه العرض الموجوده امس
كانو ابلاش
بعد مو على نص

شخابيط
ههههههههههههههه

شفت اشلون ماكو مابقى شي ما خذيناه



نرجع لريما مرا ثانيه

و انا صرت الموساااااد
في نقل الاخبار

kazmawy said...

هههههههه
لوووووووووول
سلامات
اللقافة مشكلة
الصراحة سالفة اخوج ماتترقع
:)

kazmawy said...

بعدين النجرة الى بينكم وبين مشارى طويلة الصراحة وقت غدا الحين مالى خلق اقراها..
بس ماادرى شفيكم من صج والا تغشمرون..

kazmawy said...

بعدين معصومة..
مع احترامى لها السيدة معصومة
ترى احنا
عندنا
فى عرف الرياييل
او بالاحرى الشباب
نعد الاخت معصومة
او بالادق الاخ معصومة
انها رجل والرجال قليل
مانشوف فيها شى من ملامح الرحريم
او البنات
تقريبا
تقريبا
اهى وام عليوى واحد
بس الفرق
صوت بو عليوى مقبول شوى
لذلك
انا اعتقد
ان لحد الان
النساء مالهم تمثيل فى الحكومة
الا اذا انتو تعدون معصومة
حرمة

lawyer said...

كظماوي
غشمرررررره اخوان هالنجره

اي حدا اخوي ما يترقع
..عمره طويل توا قاعد يناديني يقولي كاريميلا وينج

يطنززززززززز بعد :/

http://www.q8geek.com said...

هههههههههههههههه
ريما شفيج عصبتي ترى اتغشمر على اللبس

بعدين انا مايبت شي من عندي لوير الي قالت انتي لابسه تنوره

بعدين ماقلتيلنا التنوره خامها شنو ؟؟؟

استك ولا بلاستك

هههههههههههه

Яeema said...

kazmawy : شنسوي مشاري حاط علينا حطة الله يهداه

جنة ماكو غيرنا إللي نطلع


و بعدين والله إحنا إنروح انطالع الرايح و الياي
ناخذ زاوية محد يحس فيننا

و فجئة نتحلطم بالبلوج

و مثل ما شفت أخو لوير يمنا
يعني محرم

هذا قزز إبذمتك عاد؟

بعدين مشاري هذا أخوننا الدين إللي بالنت
و دايما مو عاجبتة تصرفاتنا

بس نجرتنا حلوة
كوووز إمكبرين إدماغنا

عن معصومة
تبي إثبات وجود

رحت إجتماع مرة وياها

قمة بالعقل و الفهامية

بس للأسف أفكارها أكاديمية بحتة

ما تعمل إحساب لأشياء أبعد

المرا زينة
بس حدها في مجال التدريس

و الاجتماع كنا إناقش الخصة الخمسية و البنود المتعلقة في مشروع أنا المسؤلة عنا

متعاونة و حرجة
و كل طلباتنا مجابة

ما قصرت بس
ما تصلح للأمور السياسية وراء القرارات اللي تتخذها

AL-3ANAN said...

looool
أشوى مو بس احنا اللي نتحلطم على الاشكال اللي بالكافيه
صح كلامج لوير السنع ما خذينا منه شي :)
بس مالج شغل ربج خاشلج الأحسن
;PpP

mishari said...

انا اقول حشوا وقرضوا وهالشى يعبر عن ثقافتنا ان ماكو نقاش هادف عند الحريم وخل تخف ذنوب الاوادم على ظهوركم وبعدين اللى قاعدين تتطنزون عليها معصومة وصلوا حق اللى وصلته بعدين تحلطموا عليها وبعدين كل هذا علشان الفلوس والبدلات وما ادرى شنو
لو تحسبون انتاجيتكم بالشهر كلها على بعض ما اعطكيم معاش 15 دينار ونص وافلاس لان حضراتكم بالدوام بس قرقة وحش ومزاور يا موظفات مجمع الوزارات والله يخليكم مرة ثانية لما تطلبون اكل قولوا حق راعى المطعم لا يحط شطه لوووووووول dont play with me sisters:P

Яeema said...

meshari!
أقول مادري منو إللي مطيح القلوب و الجبود هذاك اليوم بالبنك

أللي بيته من زجاج لا يحذف الناس بالصخر

جباتي و لسانات و مخ

في بنك

والله حالة

Яeema said...

agooool you want to play! etla3ly barra elblog! ya meshari

Lord Bin Sleet said...

ههههههههههههههه
أخوك حالته حالة كنه فريزر

المهم شوفي القصيدة الجيدة في مدونتي
سلام

لورد بن سليت

~ se3loah ~ said...

وش فيكم معصبين؟
صايره حرب بين الرجال والحريم بهالبلوق؟

lawyer said...

سعلوه نوعا ما
مش كثير تدرين خبرك الفقير لله لورد بن سليت
لساااااااااااانه عسل
و يدلل الي ما يتدلل
خابرته انتي

NaDiA AnZa7a said...

سلامات ريما والله عداج الشر .. وشوفي من كان حاط عينه عليج
;)))
اشوه ماكنت معاكم والا جان اصراخي وذحكي شال المكان
الحمدالله
ولوير الله يهنيج على هالاخو وعسا مايصير فيج ضغط وسكر من برودة

مشاري:
اشفيك الله يهداك رديت اتناجرهم انا خابرة انكم اعلنتو الهدنة بينكم
شللي تغير شسالفة
!!!
اكيد انظلوكم
بس تدرون حلاتكم في نجرتكم
:)))
وبليز مشاري لا تطنز على موظفات مجمع الوزارات ولا تجمع
okkkkkkkkkkkk

بلا اسم said...

صلوا على النبي :)

نون النساء said...

الزبدة...

يعني اتخلى عن عادتي البيتوتية واطلع

@@

؟؟




lawyer :

اخوج كأنه اخوي بالظبط

باااااااااااااارد
باااااارد
بااااااارد بشكل مو طبيعي

lawyer said...

اي نوووووون النسوه
والله بروووووده يذبح

أحمد said...

هههههههههههههههههههههه يعجبني أخوك

من أروع الصفات البرود... العيب في تصرفه انه ما اعتذر ههههههه أقل شي يعتذر و يقرب المناديل منكم ولا شي... بعد كذا يروح عند أصحابه

سلميلنا عليه :P

mishal said...

مشاري قال حكمه
============اقتباس
انا اقول حشوا وقرضوا وهالشى يعبر عن ثقافتنا ان ماكو نقاش هادف عند الحريم وخل تخف ذنوب الاوادم على ظهوركم
=======
مافي انسان خالي من الذنوب وانا ذنوبي كثيره وبصراحه ودي احطها على ظهوركم

بس انتم قولولي في اي زاويه تقعدون؟