Monday, March 20, 2006

احبج يا روح روحي

الى حبيبه عمري
الي كل قلبي
الي امي
صديقتي اختي
حبيبي
الي الحنان الي مخليني واقفه للحين
الى الغيوره الي كل ما دشت علي شافتني ماسكه الموبايل
اغمزت و اطلعت
الي توأم روحي
الي بنتي الصغيره الي دايما تقط راسها في حظني و اتقولي انتي احلى شي في هالدنيا
سألتج اليوم شنو تبين هديه حق باجر
قلت لي باختصار انتو احلى هديه من ربي
ما ابي منكم هديه
يكفيني اني رديت قبل هاليوم عشان ما احرمكم وجودي في البيت
الى اللي دايما تسمعني و صابره على طوله الساني
و الي دايما مراعيه مشاعري
الى التي دايما تقيم الليل و تسمعني دعائها لي
والله عمري ماراح اجازيج حقج
و لا عمري بقدر حتى ارضيج
يما ترى ذبحتيني اليوم
لما لميتج و قلت لج ادعيلي
قلتي لي طول فتره الساعات في الطياره كنتي رافعه ايدج تقولين
يالله يا رب اشهدك ان بنتي فاطمه راضيه عنها فارضا انت عنها يا رب
و متعها من خير الدنيا و الاخره
احبج
و هالكلمه شويه
اليوم لما بست ريولج و انا اهمزج
حسييييييييت في حنان مو طبيعي
قلت لربي و انا ابوسها
يالله يا رب
لا تحرمني منها
و دخلني في حبها الجنه
و لا تحرمني ذريه صالحه تحبني مثل ما حبيتيها
ربي
ربي
انك تسمعني
و بصير فيني
اشهدك يا رب
انها ادت الامانه و انت الي قلت كلكم راعي وكلكم مسؤل عن رعيته
فكانت امي احسن راعي و أأمن مسئول فينا
يا رب
ارضى عنها مثل ما اهي راضيه عني
يا رب متعها في صحتها و عافيتها

اليك امي حبيبتي
اليك يا روووح روحي

14 comments:

The S. S. said...

سلام عليكم
صراحة الموضوع يستاهل اني اعلق عليه لقيمته العاليه
تذكرني في شغله " طلب لقمان من ابنه ان يجيبله تراب من الجنهفالمقابل يعطيه ما يطلبه ، وراح ابنه وجابله تراب بين كفيه فقال له هذا من الجنه ، فساله ابيه كيف : فقال الولد لابيه :
انه من تحت قدم امي
شوفوا قدر الام والوالدين
واشيائ كثيرة
عسى الله يتم عليك المحبه لوالدتك

EsTeKaNa said...

يابعد قلبي قلبها
عسى ربي يحفظها ويطول بعمرها
ويعينج على برها
الله امين
:))

قمة الصدق والعفويه
خليتي ضميري يأنبني لاني انا ام لسان قايله حق امي :
في ثورة بكل مكان على السياسات القمعيه ،عشان جذي لا تخزيني خزاتج الناريه لما ما ييوز لج الحجي اللي اقوله وخليني اقول الي ابي
!!صجي اني ما استحي
براضيها ...لازم اراضيها
:))
شكرا كلامج عطاني طاقه اروح الحين واراضيها:)

lulu said...

يا بعد عمرى قولى امين الله يخليها لج انشالله واتشوفج عروس واتشوف عيالج يارب بجيتنى والله عسى الله لا يفرقكم انشالله وحمدالله على سلامتها يا قلبى

Broke said...

واي عيزت وانا أبولع و أتعبّر من الصبح

أحس يوم البكاء العالمي مو عيد الاسرة

عسى الله لا يخلينا منهم

مادري شقول بعد

طائر بلا وطن said...

عسى الله يخليها لج يا لوير و يخليج لها
و الله لا يحرمكم من بعض
:)

محد يحب و يسامح كثر الأم

تستاهل منا أكثر و أكثر مهما عطينا

Яeema said...

الله يخليها لج يارب
ويحفظها و يكبر حظج يارب من دعاءها لج

اللهم إحظ جميع الأمهات إللي إتعيبيو في تربيت إعيالهم

balah said...

الله يخليها لج ولا يحرمج منها يارب

ذكرتينى بامى الله يرحمها

ياجماعه ترى أعظم شعور على الاطلاق

الله يخليلكم امهاتكم جميعآ
ويرزقكم بعيال ماينسون هاليوم

kuwaite said...

الله يخليكم لبعض

NaDiA AnZa7a said...

كالعادة محد يقدر يقايشج
:))
حتى لما كتبتي عن الام كتبتي كلام محد اكتبه من قبل لان كلام صادق
والله فطوم حسستيني اني وايد امقصره بحق امي الغالية
وعلمتيني اني اراجع احساباتي معاها
الله يخليلج والدينج ويحفظهم لج قولي امين
ويعينج على طاعتهم

اللهم اعنا على بر والدينا
اللهم اميييييييييييين

غريب said...

عفيه عليك هذولي البنات ولا بلاش

Lord Bin Sleet said...

الله يخلي لي امي ويخلي لك امك ولا يفجعنا في ناس نحبهم

أحب امي واحب من حبها اختي ، ولو للغلا عنوان كتبت امي وبعد امي...

تحياتي لك
لورد بن سليت

The Doctor !i.. said...

أتمنى أختي الكريم زيارة مدونتي والإطلاع على الموضوع الحالي للفائدة ولدعم المدونات العربية وللرفع من شأنها

ولإيقاني بجمال مدونتك التي بإذنه كانت ومازالت فخر المدونات العربية
عليه أتمنى وكلي أمل في تلبيت الدعوة فلن تخسري شيء بل بالعكس قد تكوني الفائزة من يعلم ؟
ودمت ... برعاية المولى

esvee said...

Hi Lawyer,

have replied to your comments on my blog...though belated

take care.have great days!

neelaah said...

عسى الله يحفظها لج انشالله
ترى ما في احلى من الام
و ما تعرفين قيمتها عدل الا عقب ما انتي تصيرين ام

انشالله نفرح فيج يوم اللي تصيرين ام يا رب