Saturday, March 25, 2006

وييييييييه طلع يشرب !!! عيل مالت عليه !! موكفو!!

حتى تستوعبون افكاري هالمره
خلونا نخلي الدين على جمب
و ناقشوني نقاش صريح

انا ما اعني اهني اني اصفق حق هالفئه و اشجعهم ولكن مجرد سؤال؟
اشعلاقه المشروب في الاخلاق؟؟

يعني الحين اذا واحد سنع و يصلي و مؤدب و وظيفه وايد زينه
ومعروف بين الناس بحسن اخلاقه و طيبه قلبه لكن فيه عيب انه يشرب
و ركزوا في اني قلت عيب

و لكن يشرب فقط من اجل الشرب
يعني هناك فرق ما بين الشرب و مابين السكران النكران
انا ادري انكم بتقولين ان الشرب وسيله للانحلال الاخلاقي و هدم المفاهيم
لكن صدقوني انا شفت ناس سنعه ..ملتزمه دينيا ولكن خلق مافيه كلش
وشفنا ناس من ارقى الناس و افهم الناس و اعقل الناس و لكن يشربون
بالتالي ...ليش الناس تربط المشروب بسوء الخلق
وتربط اللحيه بانه شخص ملائكي نازل من السما


مشكله لما يصير المعيار بشري
ومشكله ادعاء المثاليه

41 comments:

نون النساء said...

:/

فلان يشرب
يعني ارتكب فعل محرم دينياً
المفروض كونه كخلوق ومؤدب ويصلي ما يسويه..


اوكي انتي قلتي خلينا انخلي الدين على جنب


بس صراحة ما نقدر..الموضوع يَنْصَبْ بالحلال والحرام.. وفي أمر صريح بالقرآن

" انما الخمر والميسر والأنصاب والازلام رجز من عمل الشيطان فاجتنبوه "


فشلون يجي الخلوق والمؤدب ويرتكبه واهو يدري انها حرام.. ومو شغلة عيب أو مو عيب..


إذاً المفروض ان اخلاقه وصلاته وأدبه
تكون سبب انه ما يشرب..



انا معاج في ناس ملتزمين دينياً لكن ماكو لا أسلوب ولا أدب... وأكو ناس ما أقدر أقول مو ملتزمين لكنهم عاديين تماماً لكنهم قمة في الأدب والخُلُق.. ونشوف جذي بحياتنا نمونه من البشر..


لكن انه يكون خلوق ويصلي ومؤدب لكن عيبه يشرب ؟؟؟

اشلون يا لوير ؟


انتي قلتيها بالنهاية

مشكلة لما يصير المعيار بشري
ومشكلة إدعاء المثالية


اكيد ماكو أحد مثالي
بس هذا مو معيار حطوه البشر علشان نحتكم فيه ..وخصوصا في هذا الأمر..


المعايير البشرية ينتهي مفعولها لما نوصل الي الدين..

~ se3loah ~ said...

"
يعني الحين اذا واحد سنع و يصلي و مؤدب و وظيفه وايد زينه
ومعروف بين الناس بحسن اخلاقه و طيبه قلبه لكن فيه عيب انه يشرب
و ركزوا في اني قلت عيب"

اللي يصلي صلاة خالصه لربه مستحيل يشرب
لان كلنا نعرف ان الصلاة تهذب الشخص وتغير نظرته للحياه
فانتي اللي فهمينا وشلون واحد مهب بعقله والقيم الزينه والشينه تساوت عنده ويصلي وبالاخير يكون خلوق ومؤدب؟

وكلنا نسمع قصص رجال يشربون ويغتصبون خواتهم والا امهاتهم لانهم مهب بعقولهم وشلون يسمى هذا خلوق ؟

اوكي فيه ملتزمين وتعاملهم مش ولابد بس هذا ما يخلينا نقول العكس ان اللي يشرب ويزني ويفسق يعتبر مؤدب

Expatriate said...

لأن اغلب الناس كسلانة وتبي تحكم بسرعة على المظهر واي شي تشوفه

ولكن هناك نقطة مهمة .. لو احسنا الظن .. فالملتحي هو مو بس شكل .. فعل لأنه اتبع سنة الرسول عليه الصلاة والسلام

ولكن لا يزال الحكم من الشكل او بسبب خبر او معلومة سريعة على شخص حكم ناقص وفيه مجال كبير للظلم

ولكن خليني اكون صريح
انا حسب تجربتي .. الغالبية العظمى من الشباب الملتزمين دينيا من ناحية اللحية وتقصير الثوب اخلاقهم عالية جدا وانا نفسي اغبطهم عليها .. هذا حسب تجربة شخصية وبدون مبالغة .. ولكني لا ازال لا احكم على شخص من شكله واللي حالق لحيته فهذه خلقه سيء .. عموما انا احلق لحيتي علشان ما تقولين انا متحيّز

شرب الخمر كبيرة من الكبائر .. حاله حال اللي يزني واللي يقتل و اللي يقذف

qalm-jaf said...

والله يالوير
احنا مشكلتنا بالكويت انا عيالنا اطبب عيال وبناتنا احلى بنات
.
.
.
يعنى الكويتيه تحمدح ولدها
صج ولدى اثول بس ريال ومنضبط فى عمله ومايتحرش بالبنات بس ولدى فشل مع زوجته الاولى سببته ردت فعل وقام يشرب على الخفيف يمزمز كل خميس بس مو وايد بس نص قلاص يعنى مو يشرب كل البطل لا امنشنش يعنى يحب الضحك يحب الضحك
(:
.
.
ام تمدح بنتها
بنتى حلوه وتعرف توجب العالم ومتفوقه بدراتها وماخذه امتياز فى عملها بس مشكلتها تحب تروح القعدات مو علشان تاخذ فلوس لا لا لا لا احنا عندنا فلوس ولله الحمد بس بنتى تحب الفرفشه والرقص وتحب الازعاج والصوات العالي وتحب تمزمز مع الخمر شبس
يابعد عمري تحب الشبس من الصغر
(:
.
.
لوير
مو مشكله كيفها اللى تبي تتزوج واحد يشرب والعكس صحيح ممكن الله يهديه على ايدها بس تتحمل توابع الزلزال
(:
.
.
.
اللحيه والدشداشه القصيره اى المطوع والسيد مايمثل الاسلام يمثل نفسه
يمثل نفسه
يمثل نفسه
.
.
.
خارج الموضوع
فى تاجر قدم طلب للحكومه ليكون وكيل خمر ما اعرف ماركته
الله يستر يسويها بوناصر ويوافق
المشكله الشعب كله زعلان بكره نتهاوش على البلوق نروح الجمعيه ونشترى خمره بدال عصير سانكست
(:
انشهد راح تصير مصخره بالشوارع

bin3li said...

أوكي
دام يشرب شوي، ما عليه
المهم ما يزودها و يخورها
و يصير سكران نكران

لأنه من يصير سكران نكران ، أخلاقه تنحل
طيب شو الفرق بين إللي يمزمز و إللي يسكر
كلها كاسين زيادة
هل الكاسين كفيلة بتغيير أخلاقه
يعني ممكن يصير حبوب خلوق الصبح و طينه بالليل

*****
طيب خلينا نتفق أنه عادة الشرب عادة سيئة
بغض النظر عن الحكم الشرعي
*****

خلينا نتعامل معاه و نقرنه بأمثلة لعادات سيئة أخرى

مثلا
بنت حبوبة و أخلاقها حلوة بس تحب تنقل الحجي

زميل في العمل حليو و حبوب ، بس كل شوي يحك مخه من فتحة خشمه

العادات السيئة منفرة للشخص

يعني مستحيل تقعدين مع هالزميل في غداء عمل

الأخت إللي ذكرتها ما راح ترافيجنها خصوصا و انتي تعرفين أنها ممكن تنقل أسرارج لغيرج في سرعة البرق

نفس الشي عادة الشرب
إللي يستنكر هذه العادة ما راح يتقبل مصاحبة شخص مثل هذا
أو على الأقل الجلوس معه و هو يشرب

و عن ربط الأخلاق بالعادات السيئة، أعتقد أنه كلنا لنا نصيب من الشيئين
بس الفرق هو أي الجانبين نحن قاعدين نطور فيها

الشين إللي يستمر بممارسة عاداته السئية و يصر عليها و يهمل في صفاته الحميدة
و الزين إللي يسعى إلى زيادة صفاته الحميدة و تغيير عيوبه

Expatriate said...

بالضبط يا قلم جاف
لا يعرف الحق بالرجال .. ولكن الرجال يعرفون بالحق

Яeema said...

والله يا إوخيتي
كل مسخرة إبمسخرة

و إربيعنا مشكلتهم ماكو معيار

بس في سؤال إهنيه

الشرب و إللي يرافج
شنو الفرق مو كلهم حرام؟

ليش إللي يرافج عادي
و اللي يشرب مو عادي

ما أدري أحس بالكويت الأمور متضاربة و مختلفة و المبادئ إنعكست مفاهيمها

واللي يرضاه علي بنات الناس
ما يرضاه على أهله

جان يات بس على الشرب صار عادي
و هالشي أعتقد بينة و بين ربة
و الله يهدي الكل إنشاء الله

ويحفظ إعيالي من الشرب

thanks lawyer for this subject

it may change something

mishari said...

اول شى لا يمكن فصل الدين عن موضوعج لان هالشى محرم دينيا وانتى دارسة قانون وعارفة يعنى ما اقدر اقول خل نحذف قانون تجريم القتل واقول تعالوا اناقش
وبعدين بالقران ((ان الصلاة تنهى عن الفحشاء والمنكر ))وشرب الخمر من انواع المنكر
وكان فى قصة قديمة اسئلوا واحد قالوله تقتل والا تزنى والا تشرب خمر قال اشرب خمر لان اسهلها يوم شرب قام الاخ قتل وزنى بسبب الشرب
عزيزتى اسف على الاطالة بس لو انتى كنت انسانة متزوجة وزوجج كل يوم ايى شارب وما يدرى عنج هل راح تكون ردة فعلج جذى وخصوصا انتى انسانة قانونية ولج وضعج ؟
وقانونيا لو ينصاد هالشخص ويكون ذاك اليوم الضابط دين ويقطه بالنظارة لى ما يصحه شنو ردة فعلج على هالشخص لو كان زوجج ؟

mishari said...

reema: يعنى لما تقولين اللى يشرب واللى يرافج نفس الشى ؟
مثل اللى يذبح واللى يبوق؟
مثل ما فيه اوجه متنوعة حق الحلال فيه اوجه متنوعة حق الحرام ؟
والا جان كل شى بدرجة وحدة

meo said...

" ليش الناس تربط المشروب بسوء الخلق
وتربط اللحيه بانه شخص ملائكي نازل من السما "

بسيطة
لان الناس لم تفصل بين الاسلام و هذه الطباع مثلما انتي فعلتي في موضوعك
الدليل على ذلك الشعوب بالدول غير
اسلامية لا تربط المشروب بسوء الخلق
و تربط اللحية بالإرهابي

san3a_wa_laken said...

قمه في التناقض ... شلون اخلاق وسنع و اخر شي يشرب ..

اللي يشرب يقدر يسوي اي شي ثاني اكبر

Яeema said...

mishari:
اللي يشرب و قاعد في بيتهم ما يضر أحد

حرام أنا وياك

إللي يرافج و يضر بنات الناس

حرامين مو واحد

عقوبة الزنا بالإسلام للمتزوجة تختلف عن العقوبة للمو متزوجة

و ربك سبحانه حددة

الذبح= إزهاق روح عقوبتة الشنق
البوق = مضرة و يجب أن تقطع يدة

ماقلت مو حرام
بس في شي مضرتة أخف
و إصلاحة سهل

بس إسمحلي
مجتمعنا تعود علي الأخطاء و قام يستصغر الذنب

و سلامتك أدري دوختك إبهذرتي
أرجو أن وجهت نظري إوصلت
الله يحمينا جميعا من هذا الداء
مضرة بالجسم و العقل

يقتل خلايا المخ
و الخلايا العصبية ما تنمو و لا تتجدد إذا تعطبت

NaDiA AnZa7a said...

لاتنظر الى صغر المعصية بل انظر لعظمة من عصيت
احنا ما قلنا ان الشرب مو معصية ولا كبيرة من الكبائر .. لكن الله وضع لكل ذنب عقوبة على حسب عظم الذنب
انا من وجهة نظري ان اللي يشرب اهون عندي من اللي يزني
لان بالشرب يضر نفسه اما الزن\ى يضر نفسة ويرة ان ينقل الامراض والوسخ للطرف الاخر

انا ماقول ان اللي يشرب اسنع من اللي يزني ... لكن عندي الشرب اهون الشريين

بعدين يا استاذ مشاري احب ارد عليك بنقطة ان اذا الله رزق لوير ريل يشرب؟؟
الشرب بلوة والله بلاها بانسان يشرب الله لايقوله مو معناها اتهدة عشان هالشي المفروض ان تصلحة وتهديه .. اشدراك يمكن ينصلح على ايدها
بعدين هذا نصيب وانكتب بس تحتسب الاجر
وايد حريم صابرين على رياييلهم اللي يشربون
ولو كل وحدة هدت ريلها عشان يشرب جان بيوت وايد ما تعمرت

ريما :
القتل عقوبته بالشرع اقامة الحد يعني يقطعون راسه بالسيف مو الشنق
بس هذا للعلم وتصحيح المعلومة


واخيرا مانقول غير يالله لا تبلينا
اللهم اغنني بحلالك عن حرامك

غريب said...

الموضوع شايك حبتين وكل واحد ينام علي الجنب ألي يريحه بس مافضل ألى يشرب حق نفسه وصحته وماله وشرعا حرام

Dr. Saleh said...

Dear Miss Law,

الرجاء الإجابه على الأسئله التاليه

- ما هو تعريفك للأخلاق؟
- هل لو تقدملك شخص يشرب تقبلين به؟
- لكن يشرب فقط من أجل الشرب, لماذا؟ وهل من الممكن أن تشرحين ما تقصدين هنا؟ وهل هناك أنواع مختلفه من الشرب؟
- ما الضمان أن هذا الرجل لن يتمادى في عادة الشرب؟
- ما الضمان في حالة الزواج أن هذا الزوج لن يطلب منك مشاركته في المعصيه؟
-وبما أننا في الكويت, هل يتم هذا الشرب في بيت الزوجيه؟ أم في شقة خاصه؟ وأيهما أهون بالنسبه لكي ولماذا؟ وماذا تكون ردة فعلك إذا دعى أصدقائه لتناول الخمر في عش الزوجيه؟
- هل سوف تشعرين بالأمان على نفسك وشرفك وعلى أولادك في المسقبل عند زواجك من رجل يعاقر الخمر؟
- سنع ويصلي ومؤدب وخلوق وطيب بس يشرب. مع إن الصلاة تنهي عن الفحشاء والمنكر. أشلون ودي إتفهمبني؟
- اللحيه وتقصير الدشداشه هي سنه وأحيانا غايه ولا تنم عن ورع وأخلاق الشخص
ولكن ودي أعرف كيف حكمتي على من يشرب الخمر إنه من أرقى وأفهم وأعقل الناس؟
وهل حكمك هذا تم من عشرة طويله لهؤلاء الناس أو من معرفه سطحيه؟

أدري مصختها وايد
وعندي أسئله كثيره
ولكن ودي أن تجاوبي هذه الأسئله بموضوعيه وصدق للإستفاده

Thank you for addressing this subject for discussion. I hope to see more of such important subjects that touch our lifes, to benefit from the views and comments of all participant.

neelaah said...
This comment has been removed by a blog administrator.
neelaah said...

شوفي ما في شك انه الشرب مو زين
و مضر
و حرام

بس انا معاج اكيد
انه مو معيار تقاس فيه الاخلاق

لانه بالفعل مو قاعده
انه اللي يشرب اخلاقه زباله
واللي ما يشرب اخلاقه تمام
يعني ممكن يكون الانسان و ايد زين واخلاقه ممتازة بس في عيب شرعي واحد انه يشرب

بس عموما مسطرة الاخلاق مو وحدة ...فيها اكثر من زاوية
و ما ممكن تقاس مثل يقولون بمعيار المنطق مال الرياضيات

يبقى المقياس مختلف من حاله الى حاله


و تباطيناج ما مريتي علينا بالموضوع اليديد
ولهناعليج

حياج عندنا شاي زعتر و لومي

lawyer said...

نون النسوه
فعلا معيار بشري

لكن خليني اقولج شي
شاب عمره 30 سنه محترم و اخلاقه عاليه من حيث اسلوبه و ادبه و ثقافته طموح
ناحج
له علاقاته في المجتمع
بار في امه و ابوه سخي على اخوانه و نفسه و ربعه

لكن عنده سر مع ربه الا و اهو انه يشرب
برا الكويت او في المناسبات
و بالاحرى
اذا حس انه يبي يغير جو في الشاليه حط له مشروب و جابل له فيلم او اخبار او اي برنامج يستهويه

وين العيب في هذا الانسان
و اذا بليتم فاستتروا

lawyer said...

سعلوه

اكثر الرجال الخليجين الي اهم رواد المساجد يشربون
عارفه ليش
لان يكون عندهم احساس بالنقص تجاه ربهم
تلاقينيه يشرب من بعد صلاه العشا
و اذا جيت المغرب قلت لي تشرب يقوول استغفرالله مستحيل اشرب الا بعد صلاه العشا
لا تقربوا الصلاه و انتم سكارى

lawyer said...

اكسبا

اكيد الي يشرب من الكبائر لكن انا تكلمت بعيدا عن الدين
اي المشكله ريايلنا

ما يبون يغرون من افكارهم

lawyer said...

قلم جاف
موتني من الضحك

بسسسسسسسس ادري انت فاهم انا شنو قصدي
ههههههههههههه

مسخره في الشوارع و بس
الله يحفظنا قول امين

بن علي

انت تهني ذكرتني
في الحديث الشريف الي يتكلم عن حامل المسك و نافخ الكير


ريما
العفووووو عمري
صج مسخره
بس موجوده و عايشنها في كويتنا الحبيبه

شنسوي بعد هذي الكويت صل على النبي
العفو على شنو
بس صدقوني يا ناس
في رياااال يشرب و يتكل في اجبال و واحد يدعي الدين ما يسوى بيزه

lawyer said...

مشاري فعلا مافي جريمه مثل الثانيه
كل من له طبيعته و حكمه
و كل من له عقوبته بعد

تبي الصراحه يا مشاري و الا ادعاء المثاليه
انا اذا الله بلاني في زوج احبه و لكن يشرب و عندي اعيال منه راح اصبر اكيد و لا راح اخرب بيتي عشان مشروب
راح احاول في اصلاح الزوج و اذا ما قدرت لا حول و لا قوه الا بالله
و اذا دقو علي قالولي ريلج في النظاره و لما اني لي علاقاتي مع وكلاء النيابه و المحققين راح اقوله تكفه فلان
خله يخيس عندك في النظاره لين يصير ريال
هذيك الساعه اي اخذه

lawyer said...

meo
يعني انت اتأيدني لما قلت ان المعيار بشري

lawyer said...

ناديه
اي فعلا جان وايد بيوت اختربت

lawyer said...

غريب
اي فعلامن ناحيه المال فاهو مسرف
لان المشروب يكلف ما يقارب من 300 الي 1000 دينار شهريا
فلك ان تتخيل ذلك

lawyer said...

دكتور صالح

مليون سؤال في بعض بس لحظه احاول اجاوب

1-تعريفي للاخلاق بعيد كل البعد عن انسان يشرب و لكن انا اهني قاعده اطرح موضوع للمناقشه مو عشان اعطي وجه نظري الشخصيه في الي يشرب

2-طبعا لا ما اوافق مستحيل شكو انا خلني اعابل في عمري عشان ابتلش في سكران نكران هذا الي ناقص
بيت ابوي اولى فيني

3- يشرب مجرد للمزاج مو عشان يطق و يكفخ و ينسى و يبهذل الدنيا يشرب فقط لتعديل مزاجه

4- ابدا ماكو ضمان

5-باجي الاجوبه ماراح اجاوب عليها لاني اتفقت وياك على اني مستحيل اقترن في شخص يشرب

lawyer said...

نيله بعد عمري
تدرين اني رحت بلوقكم و علقت فيه قبل لا حتى اعلق في بوستي

وايد عجبني رايج في كلمه مسطره الاخلاق مو وحده
اي والله صاااااجه

مساعد said...

يعني لازم إنسان ذو دين أخلاقه مو زينه أو العكس ؟
صحيح إن الأمة تعاني من هالنموذجين : ذو دين بعيد عن الأخلاق و ذو خلق بعي عن الدين .. إلا إنه الشي الأكيد إنه الأفضل ذو دين و خلق .. و هالنوع موجود ..
أما بالنسبة لواحد حبوب و خلوق بس يشرب .. هالنموذج يذكرني بواحد قال بجرب الزقاير بس ما راح (أكنها) يعني أدخلها بصدري و راح أقطع متى ما أشاء و اليوم أهو قريب من أن يتعاطى المخدرات !! على فكرة لو تشوفينه بره هم بتقولين خوش ولد :)

mishari said...

اكثر الرجال الخليجين الي اهم روادالمساجد يشربون
استاذة لوير ما ادرى من وين يبتى نظرية اكثر؟؟؟؟؟؟؟؟؟
اللى يقوم حق صلاة الفجر ويمشى بالبرد يفكر ان يشرب ؟
الله يتوضى بالماى ويتذكر ذنوبه ويسال الله ان يغفرله يفكر ان بشرب
ما يمنع ان فيه ناس تشرب بس مو اكثر على قولتج
وانا اعتقد ان هالموضوع مو موضوع ينطرح لان الشخص الزين يحاول كثر ما يقدر
وانا معطيج مثل صغير
صديق لى ملتزم يشتغل بالنفط ووايد يسافر مؤتمرات ودايما يكون اكو شرب ويتنعز وما يشرب اغلب الناس اللى خالطهم سواء اجانب او عرب احترموه بس بتقوليلى اخلاق عالية ويشرب ابى اقولج مو معيار؟ بس شلون هالشخص بيربى عياله ؟
على كيفيةفتح البطل والا شنو عزيزتى فى ناس مرت بتجارب بسبب هالشى ولى الحين تعيش تناقضتها واثارها بس مو معناه ان لم على قولتج يشرب واخلاق عاليه هذا انسان واعى او يعمل شى صح بالعكس هذا شى غلط وغلط كبير ومناقض لاخلاقنا اللى اتمنى من الله يصلحنا كلنا ويبعدنا عن الحرام

Lord Bin Sleet said...

لوير

شكلك نسيتي كبائر الذنوب ومنها شرب الخمر ونسيتي قصة الزاهذ العابد اللي اجبروه اما انه يزني بامه او يقتل طفل رضيع او يشرب الخمر وشرب الخمر على اساس انه اهون الثلاثه وزنى بأمه وقتل الرضيع....

الشرب علامة انحلال اخلاقي ومجتمع فاسد
هذا رأيي

تحياتي

Edelstein said...

عزيزتي : ردي شوي غريب وبيختلف عن اسلوب الباقين وان كنت اشاركهم نفس الرأي وانا متاكده بتفهمين قصدي

كان مطلوب مني في احد معامل الكيمياء تحضير مواد صبغيه وكنت ناسيه القلفز حقتي والمشكله هذي الاصباغ ماتروح الابعد شهر او اكثر

بعد ماخلصت التحضير كانت محضرة المختبر مجهزه اناء فيه كحول ايثيلي عشان اغسل فيه

طبعا الكحول يذيب الاصباغ لانه ماده عضويه زيها والمذيبات تذيب اشباهها

ماعلينا من هالتفسير بس والله لما وضعت يدي اغسل وشفت الاصباغ تتطاير واحساس بالبروده جا في يديني كانها توها انخلقت جديده قلت في خاطري الله يستر علينا اجل اللي يشربونه وش يسوي في عقولهم؟؟؟؟


انشاء الله الفكره وصلت وتحياتي لك

lawyer said...

مساعد
حياك الله
اي انا فعلا فكرتي مو شرط كل شخص مبين من شكله الالتزام يكون ملتزم خلقيا و ليس دينيا
اتكلم عن التعامل و الاخلاق
البشر في ما بينهم يحتاجون الى خلق عالي

مشاري
يقومون حق صلاه الفير و يروحون المسيد
و يحجون كل سنه و عمره و عارفين ربهم عدل
و 30 يوم في رمضان قيام ليل و تهجد
الظاهر يا مشاري انت ما شفت الرجل الخليجي للحين

يبيييييلك شوي تطلع من مجتمع النادي و البيت و الاسره و العمل
مشاري انت انسان الناس تشوفك ملتزم فمستحيل الناس بطلع لك اخياسه صصصصح

يعني الي ابي اوصله لك مو شرط انت ما تعرف من هالناس و لا سمعت فيهم يعني كلامك صح


لورد بن سليت
شكلك انت نسيت اني قلت خلونا بعيدين عن الدين اشوي

ثاني شغله يا لورد انا طرحت فكره و ليست براي شخصي عشان تقولي شكلك نسيتي

انا ما قلت يا شباب يالله تعالو شربووووا
يا ريت تفهم قصدي

الديستين

يتروالي قعدتي يومين بس تفكرين هذا لو يمر في معده الانسان اشلون بيحرقها حراق !!!

الله يحفظنا يا رب

kazmawy said...

مو معنى انه فى ناس ملتحية واخلاقها سيئة ان هذا بسبب اللحية
وموو معناة ان فى ناس اخلاقها زينة وتشرب ان المشروب زين
الشرب وسيلة لسوء الاخلاق والفساد
غالبية الى يشربون يقومون بافعال سيئة بالسر او بالعلن ..
الله يكافينا شر الخمر وشرابتها

i_live_in_Q8 said...

على هذا الموضوع... يبيلج درس بالدنيا!!! هذا وانتي محامية!!
دارسة في الصين؟

شلون خلو الدين بصوب؟ والسبب الرئيسي انه الشرب معيار العيب والغلط سببه الدين؟ يعني اذا خلينا الدين بصوب .. يعني الشرب مو عيب ولا غلط!!!

لا يعصب لا يعصب

Hazolat said...

Lawyer:

أولا أحييتش على شجاعتش ! مو الكل يقدر يقول رأيه بصراحه في هالديرة ، حتى لو كان منخش ورا شاشة !

ثانيا ، إذا الإنسان خلوق ما المفروض يأثر كونه يشرب على أخلاقه ، لأنه دام خوش ريال راح يعرف وين ومتى يشرب ولا عمره راح يسكر . بصراحة آنا شخصيا رغم إن ما تدور في بيئتي هالسوالف علشان تعرفون إن كلامي هنيه موضوعي ، لا أجد ربط بين المشروب والأخلاق . الزين زين .

Anonymous said...

بصراحه على مشحطي

q8lioness said...

طول ماكان يشرب يعني عصا
واللي عصا خالقه سهله جدا يعصي مخلوق
شلون تبين أأمن نفسي او عائلتي على واحد جذي

أحمد said...

سوء الخلق أشنع من الشرب..

و لكن هذا لا يهون من الشرب... فهو ملعون رسميا... سيمحق البركه..

أحمد said...

"اكثر الرجال الخليجين الي اهم رواد المساجد يشربون"

يا أختي وش هالكلام؟

أنا شاب.. و مشاري شاب... و كلنا نعرف عشرات الشباب. و بصراحه نشوف كلامك غلط أن أغلبهم يشربون.

أصلا من بد كل الرجال المسلمين الي أعرفهم... الي يشربون يعدون على الأصابع.. و أعرفهم يصلون يوم و يجحدون عشرة.. أو ما يصلون بالمره.

من وين عرفتي أن أغلب الي يصلون في المسجد يشربون؟

sOulvOice said...

بصراحه انا ماقريت باجي الردود ولكن بعلق عمياني بعد ماقريت طرحج


مادري اختي قبل لااناقشج بمثل هالمواضيع يفترض اعرف دينج,,لان اذا مسلمة فشرب الخمر كما هو معروف يعتبر من الكبائر لما له من تبعات سلبية على تصرفاته الخ الخ من الحجي اللي الكل يعرفه


الفيصل بهالمواضيع اختي العزيزة اهو الدين

اذا مؤمنة بتعاليم الدين الاسلامي فهو حرام مهمااوجدتي للشرب من مبررات ومهما تميز شارب الخمر بمميزات وحسن اخلاق الا انه بالنهاية يحمله ذنب

اما اذا كنتي من اصحاب الديانات السماوية الاخرى فمااقدر افيدج فلكل دين ومجتمع تشريعات معينة تنظمه


شاكرة لج وخوش بلوووق يعطيج العافية

lawyer said...

اشكركم كلكم احبائي دون استثناء
و ما قصرتو على التعليق