Monday, July 03, 2006

عمليه احتيال.........اغتيال

قاعده لا لي و لا علي
لقيت عندي وقت قلت اروح الصالون اسوي حمام زيت
و بعد ماسويت حمام زيت
قالت لي القصابه
خليني اقص اطراف شعرج
قلت لها ...حلو اوكيه
بس تريمينج !!!
بس اطراف
مو تجيسييييييييييييييييينه كلش كلش
قالت اوكيه
و بما اني انسانه يمكن اتطور في جميع الامور و اغير مووضه كل شي في حياتي
الا شعري الداثر ووميراث الاجيال القادمه
ما اجييييييييسه كلش
كلش
للعلم فقط
طول شعري لي اخر ظهري
يعني الزبده وايد طويل
قالتلي تبين قذله بسيطه قلت لها ليش لألألألألألألأ
طويل و قذله
اشوارانا هيفا وهبي
الله وكيييييييييييييييلكم اهي تعرم في راسي
تقرض
و انا اقولها بسسسسسسس
تقولي نونونو اي نووو وات ام دونيج!!
شوي شوي
بدال لا اصير هيفا وهبي
صرررررررررررررت سماح انور
اطول خصله لي جتفي
اقصر خصله لي حواجبي
اي سماااااااااااح انوور
الا سميره سعيد في اغنيه تصدق و الا احلفلك
اياااااااااااااااااااااااام الثمانينات
انااااااااااااااا
بكل دهشه
اسألها شنو هذا
وين شعرييييييييييييييييييييييييييييييييييييييييييييييي
شنو هذاااااااااااااااااااااااااا

ترد عيل في بروود
نعيما
هذي قصه كاتيا حرب!!!!!!!!!!!!!!!!!!!!

من قاااااااااااااالج ابي كاتيا
و منو كاتيا هذي
يا علج الظظظظظظظظظظظظظظظظربه
قولي اميييييييييييييييييييييييييييييين
طبعا ما بقى سبه في خاطري ماسبيتها
بس في السياره
لاني طلعت من الصالون بدون كلمه
رفعت السماعه
على حمالي الاسيه
و اصررررررررررررررخ
اغتالوووووووووووووني
اغتالوووووووووو شعري
عمليه اغتيال على راسي
و من امس لي الحين و انا حاطه دهن براسي

رحت الجمعيه
كلشي مكتوب عليه مطووووووووووول للشعر شريته
و حطيته في راسي
بيض حطيت في راسي
ريحه شعري عصيييييييييده
نارين
بيض
صبار
روب
خروع
دقيت على شيخه
قلت لها اطرشلي زرعتين صبار
الووصهم في راسي

من امس لي اليوم و انا ريحه داري جنها ريحه دار سايق
موبايلي رييييييحته خايسه
كله دهن
زاد استهلاكي للفوط
رحت حق امي
قلت لها بما اني كل يوم بنام في الدهن
فعطيني فووط
احطهم فوق المخده

فتحت لي امي كبت
طلعتلي فووط ملوت قبل الغزووو
مدري ليش امي للحين محتفظه في خماجير عجيبه غريبه

راح يزيد استهلاك الماي في بيتنا
سويت اشتراك في صالون الي يم بيتنا ميس ون
لان رفيجتي تقول عندهم جلسات مطوله للشعر
قاعده اكتب لكم الحين
و انا الدهن يصبصب
من فرق راسي
لي يبهتي
يلف يمين شوي
يسييح لي رقبتي
يقطر على هدوومي
يعفن ريحه دراعتي

مآســــــــــــــــــــــــــــــــــــــــــــــــــــات

يالله برووح اسبح
بعد شهر بعطيكم نتيجه المصنع النووي الي براسي





34 comments:

NewMe said...

واييييييي بطني ذبحتيني من الضحك عيوني دمعت
اي دمعت قاعده اقره وامش دموعي من الضحك
والله لي زمان ما ضحكت هالقد
بس استانسي بالنيو لووك
تره حلو التغيير يوميين وبتتعودين عليه
اذكر ايام المدرسه امي ما كانت تخليني اجيس شعري
لا واذا ابي اصبغه حدي حنة
كنت اقعد عليه ويشير بكل شي امشي يمه
بس سافرت ادرس
الله وكيلج كورس واحد والشعر واصل عند اكتافي
من يومها وامي المسكينه تحن
طوليه بس من يوصل نص ظهري
ما اقدر اخليه
مع انه كان حلو
بس تعودت التجديد

بكره تتعودين وتحبين لنيو لووك
واذا ما حبيتيه انشالله يطول بسرعة
وتغمضين وتفتحين ما تلافقينها الا يمشي وراج

اطيب تمنياتي
للحيني اضحك

ii said...

LOL!!
أحلى شي القصابه
وين أنتي داخله عند لحام
:P

يابنننت الحلال شعرك بيسيح مع الحر ويطوول لين فخذك بس انتي اقعدي بالحديقه بعز القوايل ..

سويها وعلميني وش يصير
:)

nice said...

راحت قوتج
انتي الحين مثل شمشون الجبار قصو شعره فراحت قوته
الله يعينج :)

bo9ali7 said...

looooooooool
سميرة سعيد
انا اذا مريت بهالموقف
على طوووووووووووووول اقرع
مالج الا هالخطة

نون النساء said...

الله يغربل ابليييييسج
ذبحتيني من الضحك..
واااي



ذكرتيني يوم قصيت شعري السنة اللي طافت
كنت نفسج شعري طويل لتحت ظهري

بس عاد انا رايحه متعمده اقصه
لو اتشوفين امي واهي قاعده بس اسمعها تشاهق
وتنافخ وتخز وانا اطلطل من المنظره
قلت الحين بتقوم وأقرب مقص وتذبح القصابة


بس صراحة حلو التغيير اي والله

امانه امانه ما لاعت جبدج
وبعدين الحين ماراح تاخذين وقت طويل بالشاور

ولا بالتنشيف
ولا بالتمشيط


يعني المشط بيمر على راسج مرتين باليوم
مو اسبوعياً

لوووووووووووووووووووووووووووووول


بس عاد والله اشتقت حق شعري

:"""""( على الأقل كان ينفع حق الردح
على قولتج


انا مجهزة خلطة الله وكيلج
بتظربين على راسج من ريحتها الخايسه

حتى بصل وبيض فيها

Diver said...

سمعيني انا الي متاكد منه ان مهما صار راح تكونين حلوه و هذا المهم لا و بس حلاتج مو بالشكل بالفعل و بالاخلاق عشان جذي اقولج نعيما و مهما صار و لنج دايما حلوة
enjoy it

Si7LeYa said...

لوول كسرتي خاطري

بس صراحه التغيير حلو

يعني ليش يضيق خلقج عادي خوو

وخليه متى ماطول طول بدال لا كل يوم تقعدين وتنامين على ريحه خايسه

تيك ات ايزي

:)

.. تحياتي ..

layal said...

حسبي الله علي بليسج ضحكتيني
عاد احد يسمع كلام ملين الصالون هذي سوالفهم
شوي وشوي هذي كلامهم - وما تجوفين الا طيروا الشعر كله
عادي يمكن بعد فترة تحبين الوضع الجديد
احسن لج في الحر

freeq8 said...

lawer
عسي تأقلمتي على القصه الجديده.... أنتي حلوه بأخلاقك.... وسواء شعرك طويل أو قصير.... تعرفين ليش لأنك تحبين السعدون مثلي
على العموم أقرئي مقالتي اليوم عن الرئاسه وأعطيني رأيك وأقتراحتك وأنشريه قدر الامكان للفائده العامه...وكالعاده الكويت هي حبي الأول والأخير

kuwaite said...

اشتري ثلاث بكيتات زقاير 555


وقصي القطفات ونقعيهم بماء وكتيهم على راسج


ويرد شعرج

lawyer said...

اعلان هام حق كل ربعي

لا تشترون زيت النارييل الي بالقوطي البنفسجي لان صناعه اخرطي مو مثل قبل

عليكم في زيت البراشوت الهندي

و في خلطه عند الحوااي اسمها الخلطه العجيبه

مطوله للشعر

لاي استفسار ترا انا غيرت مهنتي من محاميه الى حوااي

اليوم ريحتي صباار
اخر اخبار قصت شعري

بعد ما غسلت شعري
اقصرت اكثر
لان الشعر كششششششششه

قروون الاستشعاار زادت
المشكله مو في انه قصر في انها قصصصصصصصصصصصه

اتلوع الجبد خايسه
ماتعرف تقص
خارته على راسي

lawyer said...

كيتي
انقذيني بالدهن بسرعه

مينيو
المشكله ان القصه ظيم
لو\مرتبه تنبلع
بس خبييييييصه في راسي

سعلوه

ايييييييييييييي عمى في عينها قصاابه
انشاء الله اعطيكم خير




نايس
اي اسسسسكت ببجي




بوصالح
لا تنسى سمااااااااح انور



نون النساء
القراده انها ظييييييييييييم علي




دايفر
محد مبرد قلبي الا انت
ياريت كل الناس يشوفوني بعيونك

lawyer said...

سحليه
الريحه الخايسه اهووووووووووون بمليون مرا من كشه ظيم

بببببببببببببجي



لياال
اي والله الكوافيرات
مجرمييييييييييييين


فري كويت

انشاء الله
:)



كويت
انا اذا شريت الزقاير بسسسسسسحكه من الحره على راسي

White Wings said...

يا لها من حرب شعواء
حمداً لله على سلامتك
صج مس ون عندهم جلسات تطويل شعر؟ راح أتصل وأسأل :)
خفة دم رائعة

ReLaaaX said...

يااااااابعد قلبي والله سلامتج وسلامة شعرج ..



يالله تعيشين وتاكلين غيرها;)



يالله نبي تجاربج يالحواية .. شنو اكثر شي اعجبج من الخلطات حطيها ماعليج امر :)


وان شالله يطول من طوله اتعرجبين فيه ;p

Diver said...

يا طويلة العمر الناس ما يحتاي تشوفج بعيوني عشان تعرف حلاتج المفروظ يشوفونج بتجرد و يكونون كل الناس مثلي

Q8Lioness said...

لوووووول ماعليه تعيشين وتاخذين غيرها
يمدحون صالون برونيل خلطات طبيعيه خضره وفواكه للتطويل


P:S

يمدحون الاكستنشنات لاعبييين لعب فيها بنات الكويت

الاء سعود المجيبل said...

عاد قصة كاتيا حرب واايد حلوه...^___*

انا شعري كان طويل بعد مثلج بس من تعودت على القص وانا خلاص كل شوي اقص شعري رااااحت ايام الشعر الطويل :(

شوقتيني ودي ارد اطوله مرة ثانيه ..

بس اشدعوه سويتي من شعرج عصيدة الله يهداج ههههههههههههه

Ω Suki Candy Ω said...

شلونج فلورست عساج على القوة
والله صج سالفه تعور القرب و تحرر انه اتقولين لهم شي و يسوون لج شي ثاني يعني انتي ماخذيتي حق ثاني مرة ديريبالج
و يالله ناطرين تجاربج الهائلة و علمينا على النتايج

تحياتي
ملاحظة* : بضيف البلوج مالج حق قائمتي المفضلة تحياتي

DanDash said...

الله يعينج اعرف شعوررج و حاااااااااسة فيج

زيادة على كل الخلطات الي عنج اشتري من الصيدلية خلطة اسمها جويرية وااايد حلوة انا مجربتها
تلاقينها بصيدلية الفيحاء و النزهة اتصور مو متاكده و القادسية بعد
بس لا تخلينها بره خليها بالفريز لانها كلها اعشاب

و راح ادز لج وصفة لتطويل الشعر اكتبها لج

nadeyah said...

عسى بس تكون ايدها مبروكه ويطول الشعر بعدها بسرعه ...

ترى تغيير وصحه للشعر :)

بس ترى مو زين الزيت كل يوم للشعر انتى راح تتعبين وتفجين .. وبعدين تنامين فيه مو زين ترى كلش تاخذين برد... ليها 3 مرات بالاسبوع لمده 2 ساعه وبتشوفين نتيجه ان شاء الله
ويقولون لج زيت القلاى وايد زين :)))
مثل زيت عافيه هههههه وجربى

شوفى فى خلطه للحلبه مع الزيت
تاخذين حلبه وتحطينها فى علبه زجاج مع زيت اى نوع تبين ... وتخلينها 10 ايام ى الظلام وبعدين تحطينها بشعرج وخبرج مجربه ووايد مادحينها لى .. وعقبها بخرى شعرج وبس...



وتعيشين وتاخذين غيرها:)

esTeKaNa said...

وي وي وي
يا علها ما تربح
عاد كل شي ولا الشعر،انا اذا ييت اقص شعري عيوني معاها الوع جبدها يا ويلها اذا تعدت حد معين
مرات ودي اسوي ستايلات وحركات
بس من صجي اخاف
هذا ميراثي وراس مالي
:))

فطومه بس ينجح شي وياج قولي لي ترا انا من صجي بسوي كورس كامل بس حق شعري،على الاقل نستفيد من هالقعده
:)
واهم شي الدراريع الخاصه حق الدهن،ويا الدهن جنج متنكره
:Pp

esTeKaNa said...

لحظة لحظة
من وين مطلعه سماح أنور

LoOooOoOoL:))
عاد حرام عليج احس ما فيها انوثه
:Pp~

tweety said...

لووووووووووووووووول
أول مرة أمر على مدونتج
ومع ان انا عكسج ماحب الشعر الطويل بس كسرتي خاطري
جان جربتي دهن زينب العسكري اللي يحطون دعايته

Ahmed Rashwan said...

:))))))
والله ما جصرتي
بجد حسك الكوميدي لذيذ قوي
جماعة القانون بيطلع منهم أشياء غير متوقعة
أنا كمان كنت كده بس ربنا تاب عليا
:))

lawyer said...

لحظه لحظه يا جمااعه

اعطيكم اخر التقارير
الكشششششششششششه زادت
تدرون ليش قالولي الزيوت الي تطول الشعر تنشفه

هذي حاله بالله شارقع الحين

يا زينك يا شعري قبل

وييييييييييييييينك بس

يدتي تقول شعرج زعل

!!!
نظريه يدات ما كنت اصدقها بس الحين بصدقها

lawyer said...

وايت وينج

اي يقولوووووون لي الحين ما رحت برووح

يمدحون حماماتهم الزيت بس انا عندي كان اشتراك في برونيل لكن ما اقدر ادش من ريحه الثوم تقلب جبدي

فقمت احوس بعمري في البيت

lawyer said...

ريلاكس

اهلا اهلا فييييييييييج
حياتي انتي

لا انشاء الله اعيششششششش و اكل فوق بس ما اعيش و اكل مقالب شعريه جذي


:\

lawyer said...

دايفر

وااااااااااااااااااااااااي يا حلات كلامك

انا ما ادري شسوي في لسنك هذا الي يقطر عسل

بعدين الف مرا اقولك اناااعاني من قحط عاطفي لا تمدحني اصدقك احبك بعدين

ههههههههههههههههه


كويت ليونز
ما اقدر اطب صالون برونيل ريييحته مطبخ

ما اتحمل ظيمممممم

لا بعدين ما ابي احط باروكه و هوايل
المشكله مووووووووووووو في الطول من ورا المشكله القذله البيزينطيه الي قاصتها لي قاارفه راسي جني مينونه



كويتيه
المشكله مو في الشعر القصير المشكله في انها قصتلي قصه فااااااااااشله لعبت في شعري وايد

شي ما يتصلح

suki candy
التجارب اليوم راح اتبين مع الحنه

وييييييييييييييييييييييع حنه
بخيسكم اهني في البوست

كل واحد يدش وياهه كمامه
حياج الله على مرورج

دندنش
اهلا اهلا نورتي
حياتي انتي ماقصرتي
خلاص انشاء الله انا امر اليوم اليوم و اجربها

احطها انشاء الله

ناديه
ما ادري يا حسسسسسسسسرتي
اول مرا اجربها

مادري شبغبر في عمري

lawyer said...

بوجويس
اهلا اهلا مروورك حياك الله نورت
اييييييييي انت تضحك و امي ميته من الضحك علي تقولي وييه الاسبوع الي فات الشعر كان كله طول واحد على كتر

اشطووله و اشحلاته و الحين جنج مينونه لاعبين فييج

المشكله مووووووو في انه قصير المشكله في انها قصه ظيم ما تترقع




استكاانه لحقيني
يا حسررررررررررررررررررررتي
تدرين اني بجيت امس
مت على عمري

انشاء الله
افا عليييييييييج الي ينجح وياي بقولكم اياه


وبعدين بذمتج اي انووثه في شعر هووووله

lawyer said...

تويتي

حياج الله و انشاء الله ماتكون الاخيره

شكلي برووح حق نينا اهي تعرفلي
بقولها سنعي شعري


فيلم
هههههههههههه
شكرا
مدري من الدراسه تضرب فيوزاتنا يمكن

lawyer said...

شكرا لكم اخواني و اخواتي على مؤازرتكم


محدثتكم معالي زايد من الكويت

DanDash said...

هذي خلطة وحده مجربتها و تقول انها نفعت معاها و فيها اشياء وايد حلوة للشعر بس في زيت الشعر الهندي هيمتاج لازم تلاقين الاصلي

و لاتنسين تحطين حمام زيت او ماسك بعد الدهن لانه الزين ينشف العشر و سمعي كلام نيديه لانه اذا حطيتيه كل يوم ينشف الشعر و ان شاء الله تعجبج جويرية هذي الخلطة

جدر وحطينا فيه زيت زيتون.زيت لوز.زيت سمسم.زيت جرجير.زيت براشوت.عافيه.هيماتاج(هندي).املا .زيت صبار.عشبة اسى.حبة البركه وكثرنا منها لانها تثبت الشعر.وشوي حلبه يعني تقريبا قفشتين(ملعقتين) وعن الريحه الرهيبه طحنا هيل ودارسين اكثر من الحلبه وخلطانهم مع انه امي تقول الحلبه اليمنيه مافيها ريحه بس الاحتياط واجب.. وخلطانهم يميع وخليناهم على نار هاديه 10 دقايق
ونطرنا يبرد وحطيناه على شعورنا 4 ساعات على فكره احنا نحطه كل يوم يمعه بس وعقب مانغسل نسوي حمام زيت نحط عسل وزبده وروب(زبادي) هذا بالنسبه لي لانه شعري موجاف واختي تضيف بيضتين ومايونيز وموزه للشعر الجاف ونخليه تحت البخار 45 دقيقه والي ماعندها بخار تلف شعرفا ببلاستيك وتحط فوطه فيها ماي حار فوق راسها وعقب مانغسله نحط كريم براشوت ونجففه بالهوا بسسسسسسسسس من غير استشوار ونلفه بسكارف وننام وكل يوم اثنين نحط ماسك الجرجير مع شوي زيت زيتون وفصة عنونه ثوم ونخليه تحت البخار ونغسله من غير شامبو واختي تضيف موزه حق الشعر الجاف.طبعا في اشياء ضايفينا وموموجوده في الخلطه

لا تحاتين وايد على شعرج لانه المحاتاة اطيح الشعر( سئلي مجرررب ) وكلمي شعرج اي لا تستغربين قولي انا احب شعري لا تضحكون و الله اذا انتي ما حبيتي شعرج ولا بشرتج مهما سويتي ما راح تستفيدين

Nescafé said...

ها لوووير شخبار شعرج الحين ..
وعليه عليج ياوخيتي .. ماسوت عليج تقصص الاطراف..
ماعليه بيطول ان شالله بس انتي استمري عالدهن والزيوت وروايحهم العجيبه ..

اما الفوط اللي من الغزو عند الوالده ... الظاهر انها هوايه عند كل الامهات كككك