Thursday, July 20, 2006

قتلتني براءتها

قتلتي براءه الاطفال
بكل عفويه قالتلي .. انا احب الله و امي و ابوي ..
انتي منو اتحبين ؟؟
جاوبتها : احب الله .. و امي و ابوي بعد ..
اسـألتني باستغراب !!! بس انتي أم !!((قصدها يعني انتي كبيره ))
اشلون اتحبين امج و انتي ام
قلت لها .. اي حبيبتي انا كبيره بس انا بعد عندي امي .. و عندي
ابوي ..
و بعفويه مضحكه .. تسألني .. بنتج وين مدرستها ..
جاوبتها بالي تقدر تفهمه ..
و لكن ظل سؤال في بالي ..
لما نكبر
منو انحب ؟؟
انا فعلا احب امي و ابوي .. و لكن هم في عندي فراغ عاطفي ..
و احب ربي و ديني
بس هم اكو فراغ
بس الي ما عرفته لي الحين
متى نكبر عن الحب
؟؟ او بالحرى لما نكبر شنو انحب بالضبط و منو نحب؟؟؟
مع تمنياتي لكم بعطله سعيده

30 comments:

Fuzzy said...

حبي الله سبحانه ونبيه محمد عليه الصلاة والسلام هذا حب دنيا وآخره

R7eeq said...

وحلاكه ,,

اسالتهم تحرجني احيانا ,,

احب كل الناس وكل شي حلو بالدنيا !!

Inssan said...

شسالفة اليهال كل ما ادش بلوق القى الموضوع عن اليهال .الله يرزقنا بيهال صالحين و معافين

Яeema said...

أعتقد كل وقت له أذان

الواحد ما يدري شحب و إلا مزاجة شبيكسر عليييه

الله يثبتنا

أنا وحدة ما أقدر أعيش بدون حب إتحوشني حالة كآبة مصتعصية
أحفر القاع أطلع الحب أطلعه و أقص علي نفسي و أصدقها

شعور حلو تدلدغ العواطف بالقلب
و الأحلا
عصير عوار قلب بجمعية الضاحية

هاهاهاهاهاهاها

freeq8 said...

لوير

أنا أعرف في المستقبل شنهو تحبين000 بس ما أقدر اقول
بس أخر الكلمه
ماني قايل اي شئ الرجاء الرجوع الى بوست قبل هذا بواحد
هههههههههه

والنصيحه حبي الاخره وتركي الدنيا
كلام كبير

PearL said...

بوست حلو لوير

الواحد عمره ما يكبر عالحب
وما اتوقعفي احد ما يحب
على الاقل يحب نفسه
هذا في اسوأ الحالات

Unknown said...
This comment has been removed by a blog administrator.
Unknown said...

حبى نفسج
علشان تعرفين تحبين الغير
بعدين الحب من علامة طيبة البنى ادم
حتى لو حب عمل مو بالضرورة حب من شخص لى شخص
مو فول من صباح الله خير
هذا الكلام نصه صج ونص غشمرة

Q8-eye said...

عني انا أحب الكل وما أكره أحد

بس طبعا حب عن حب يفرق

يا واحد حق الرسول -صلى الله عليه وسلم-
قاله: أحب فلان في الله
قاله الرسول:أو اخبرته
قاله:لا
قال الرسول: فاذهب فأخبره

ترى حلو انك تقول حق اي واحد ترتاحله انك تحبه ...هذي الحركة صدقوووووووووني تغير النفسيااااات

شرايكم منو احسن...أنا ولا فوزية دريع
:)

reema...
على طاري عصير الضاحية جربي (عثمان) وادعيلييييي

lawyer said...

صبحكم الله بالخير ربعي

احبكم كلكم و اموووووووووووووووت عليكم بعد

فوزي
اي والله حب دنيا و اخره للاسف مقصرين فيه وايد وايد وايد

عسى الله يهدينا و يثبتنا




رحيق
ايييييييييي اسم الله عليهم اليهال يفشلون مرات

و تتوهقين وايد



انسان طيب
انشاء الله ربي يرزقك يهال
بسسسسسسسس مو قاعد حاط ايدك على خدك و ايونك يهال يالله شد حيييييلك

بسك دلع كبرت


ريما
ههههههههههههههههههه
هههههههههههههههه

مت من الضحك على عصير عوار قلب
تذكرت شكل البنت و اهي واقفه بين الشباب و تتمصع و تقول عوااااااااااار قلب




فري كويت
واااااااااااااااااااااااي
بس فضحتني
اووف
مشكله اذا ريال عنده خبره و فاهم بسرعه يلقطها و يفهمها و اهي طايره
بس خلاص فهمنا يبا فهمنا

الله يهداك سويتني ساميه جمال هههههههههههههه




بيرل
شكرا عمري والله من ذوقج
اي صح محد يكبر عن الحب و لكن الاختيار يتغير
و الحب توجهاته تصير غير

اتوقع جذي


مشاري

هههههههههههههههه
اسكت و الي يعافيك جنك تدري والله توني قاعده الصبح الحين
و حاطين الفوول يمي
بعلق و بعدها برووح اتريق فوول
تبي؟؟
حيااااااااااك
انت و بنتك و امها اسويلكم فوول معتبر
اخلي المدام تقول اذا بنات الانترنت كلهم في هالشكل فووق و دراريع عيل جابل النت صبح و بالليل
ههههههههههههههههه




بوجسوم صح كلامك
اقولك ليش
ندخل الكليه اعمارنا 17 نطلع 21
في عز عمر الحب و لكن ما نحب و لا عندنا وقت نعيش للحب

نتخرج نبدا ندور الحب
نلاقي الي في عمرنا بطلو حب و اشبعوو و اتجهو يا للزواج او الخربطه

و بالتالي الي يخربط ما يحب
و المتزوج ما يبي يحب الا زوجته

فصار عندنا قحط عاطفي

و على قولتك
اذا دكاترتنا اكبر مغازلجيه
هههههههههههههههه

فلازم تعرف السبب

lawyer said...

q8 eye
سمعت نصيحتك و قلت لكم اني احبكم كلكم

:)
وااي انت عجيييييييييييييييب

اي والله فوزيه

بروح اليوم اجرب عصماان افندي هذا

lawyer said...

كيتي

ويييييييي نسيت يايه بسكر البوست ولقيت اني ما علقت عليج

حياااااااااااااتي
انتي اي والله الواحد ما يعيش من غير حب
بتقوليلي


انا بعد احبج و امووووووووووووووووووووووووووووووووووت عليج
اموااه اموااااااااااااااااااااه

tweety said...

حتى اليهال انطقوا
واحنا ليلحين على قولة رويشد : تروح وتجيني أنت تلقاني مثل ما كنت
وكل الأحبة اثنين اثنين واحنا قاعدين
عاد من زين الحب هالأيام !
أنا لما أسمع سوالف الحب هالأيام ياأضحك يا أنغث من السخافة

جنة الحواس said...

Love is one of the human needs ..

يعني ما نكبر عليه يا لوير

نفس اليوع و العطش

يمكن اذا كبرنا نفقد شهيتنا المفتوحة .. بس تظل الحاجة له و الرغبة فيه موجودة

Lord Bin Sleet said...

لما تكبرين بتحبين عيالك وبناتك

Mohammad Al-Yousifi said...

احنا نحب نفسنا و نحب اللي حبه يونس نفسنا

Unknown said...

القلب الاخضر متواصل العطاء وياخذ درجات متنوعة متماشية مع كل مرحلة عمرية
وهناك اسئلة من الضروري تركها لحين قدوم موعدها
هل يمكن مثلا وصف مجريات لعبة كرة قدم؟ ولو أول خمس دقائق مستحيل

Unknown said...

تصحيح لغوي
قتلتني
براءتها

barrak said...

الحب ليس احساسا فقط بل هو من الغرائز الاساسيه لدى الانسان ويزداد بازدياد تعلق لاقلب بمن يعشق حب الله حب عظيم واذا وصل الى مرحلة العشق يطيب النفس ويسمو بالوجدان مخافة رب العالمين
حب الوالدين يتربى بحنايا القلوب مع طيب المعامله فلا الاب يجبرك بحبه ولا لاام كذلك ولكنها احاسيس تسكن وجدان الطفل وتكبر معه وعندما يصل الطفل لمرحلة عشق الابوين يكون اكمل محبة الله
وحب الزوجه او الابناء فهي عاطفه تحرك الجينات بأبنائك فيعشقون كلمة الاب وعاطفة تحرك قلب الزوجه باحترام الزوج وتقديره لمشاعره وتستمر العاطفه الى ان تكتمل صورة العشق وهي بالنهاية
ولكن مايسكننا ويحركنا من وقت الى وقت قبل سويعات النوم في لحظات الفراغ المخيفه هناك حبا يتصيد اللحظات ليدنو لك فانت هنا تكون بين اختيارين تحمد الله على ما مضى وتفكر بالجمود او
تتناغم مع صوت الهوى العازف والذي يطربك بانغام العشق ولذة العناق
نعم الحب كلمة عظيمه ولكن تحتاج من يعشقها بصدق كم يفهمها
احبكم

lawyer said...

توتي

فعلا اختي مثل ما قلتي الحب هاليومين مثل الفاست فود تدرين ليش؟؟
لان الرجل و المرأة يبون يحصلون الحب باسرع وقت و كانه بحث في موقع جوجل
لو يحصل للريال ان يقعد و ايله الحب لي عنده او يسعى له و يكون مفصل على كيفه و على قده لا يزيد شوي و لا ينقص شوي
و الا راح دور على غيره



بروك
فعلا نفقد الشهيه
لدرجه انه صرنا ناكل مشهيات



لورد بن سليت ..
اكبر من هالكبر يا لورد ؟؟




مطقوووووووق
والله حكم
قعد اقرا السطر الي كتبته و اضحك
اقول صح كلامه
بس ليش انا بالذات احب اعذب نفسي في الحب ؟؟

انتقام يعني؟



عاجل
حياك الله اخووي
كلامك منطقي و صحيح %100
مستحيل تخمين ما سيحدث قبل حدوثه


انشاء الله يغير العنوان
اشكرك على الملاحظه





براك
حياك الله اخوي براك شرفت بحضورك و تعليقك
لما قريت بدايه السطور
قلت في نفسي اي والله احب ربي حب غير طبيعي و لكن اكتشف انا ليش احبه و اعصيه
هذي قضيه ثانيه زز ادري

و فعلا احنا نحب والدينه حب عشق جنوني
لدرجه مرات احسه و كأنه حب تملك
يمكن عشان انا وححيده امي و ابوي



و ما قلت
ولكن مايسكننا ويحركنا من وقت الى وقت قبل سويعات النوم في لحظات الفراغ المخيفه هناك حبا يتصيد اللحظات ليدنو لك فانت هنا تكون بين اختيارين تحمد الله على ما مضى وتفكر بالجمود

هذا الي خلاني اكتب هذا البوست
جمود و مواجهه النفس و اشكثر راح اصد هذي الرغبات

اشكرك وايد اخوي براك
سعدت بتعليقك

esTeKaNa said...

دام انا وياج على هالحال
راح نحب الامة العربيه والاسلاميه
:pP~

اولا:
حبي لي الحلوة اللي سألتج هالسؤال
ثانيا:
كونا تربينا في اسر مترابطة هذا حقق لنا اشباع نفسي وعاطفي لحاجات كثيرة في قلوبنا،وحتى لو ربي ما يكتب للانسان نصيب يظل قلبه دوم ينبض بالحب والعاطفه
ثالثا:
منو نحب؟
متى كان للحب قرار او خطه؟
في ابسط المشاعر ،في حبج حق اخوانج ومرات صديقاتح،مشاعرج مالها شغل بشي تزيد حق ناس وتقل عند ناس
وبناء على ما سبق
ما تدرين بعد جم سنه منو بتحبين زود
:))
رابعا:
المتحابين في الله يجمعهم الله على منابر من نور يوم القيامه
وانا أحبج في الله
:))

lawyer said...

اسكتانه

احبج الله الي احبتيني فيه

و انا امووووووووووووت عليج اولا لانج فاهمتني

ثانيا

لانج متحملتني

ثالثا
عيزتي تحاولين تصليح ما يمكن اصلاحه
و انا اتمرد اكثر

عرفتي ليش احبج

esTeKaNa said...

انا متحملتج؟

انا ما ابي اصفصف حجي جنا من اياهم
بس انتي تدرين انا ما شفت منج الا الخير
وتمردج عسل على قلبي
:))
بعدين شصلح فيج يا صالحه؟
انتي العوده والسنعه
صلي باخيتج وسانعي لها
:pP~
حبيبتي الله لا يخليني

sa_dream said...

والله الكل عنده فراغ عاطفي لان الكل مطلوب منه يحب حتى الي يحب عنده فراغ
عاطفي لان حبه مو مثل حب الافلام هههه.

barrak said...

شكرا لك انتي سيدتي فقط ايقظتي بنفسي سؤال كان يؤرقيني منذ مده طويله
فياسيدتي اتحفينا بتلك الخواطر
لنهيج اسئلة مع مرور الوقت اكتشفنا اختفائها
شكرا

Ω Suki Candy Ω said...

لوير
ترى الحب ماله حدود
سواء يكون حبج حق امج ولا ابوج او حق أبو عيالج
ترى الحب شي احساس فطري داخل الانسان و الانسان مايحب الا لمن يحس أب أمان ولا مرتاح حق الشخص الي حبه
و تحياتي يا لوير
وتسلم ادينيج

neelaah said...

شوفي لما تكبرين حبي نفسج
دلعيها
سافري
استانسي
روحي كارلوبوفاري مع صديقاتج
سوي عمليات تجميل
لا تنتطرين اي شي من اي احد
حتى اولادج
لا تعاتبين
انبسطي
ضحكي
عيشي حيااااتج

Chai-7aleeb said...

ترا بالكويت،لما الحين فى ناس كبار عندهم براءه مثل الأطفال

وهم


العيايز

IBN BAHYA - إبــن بهيـــــــــــــة said...

يا شباب مين كويتي هنا ؟؟؟ طيب فيه حد فيكم يا كويتيين بيحب الكويت بجد ؟؟ بجد بجد يعني مش مجرد كلام ؟؟؟ عندي بس كلمه للكويتيين فقط ... هل تعلمون أنكم مساكين ؟؟؟ والله مساكين أوي أوي بالمصري .. يا شباب الكويت اعرفوا بلدكم كويس واتكلموا عنها كويس .. الكويت اللي الناس عمال تسب فيها دلوقت وبتقول إنها كذا وكذا .. صدقوني هي آخر بلد عربي ركع .. آخر بلد ركع لأمريكا .. طيب ليه هما نازلين تلطيش في الكويت الأيام دي ؟؟؟ ليه ؟؟ إحنا ناقصين بهدلة وغلب وتفرقه يعني ؟؟ ولا يكونش ده لزوم استكمال المؤامرة على بلادنا وتقطيع أوصالها ؟؟؟ يا شباب الكويت كانت بلدكم أول بلد خليجي يعرف الصحافة .. الله يرحم عبدالعزيز الرشيد الذي أصدر سنة 1928 أول مجلة خليجية في التاريخ وكان بيطبعها عندنا في مصر .. تيجوا دلوقت وتخيبوا كده ولا تعرفوش تتكلموا عن بلدكم ؟؟؟ والله حرام عليكم .. وحرام على الكتاب اللي بكروش عندكم ولما بيستضيفوا أي واحد فيهم على الجزيرة ولا غيرها بيبقى شكله عره وأهبل وما بيعرفش يرد زي النصف من يومين .. يا شباب الكويت عندها تاريخ كبير ممكن تباهي بيه وتفخر بيه أوي أوي أوي .. جات عليها دلوقت إنها دخلت أمريكا المنطقه ؟؟؟ طيب يا سي سامي النصف كاتب .. فين ده ؟؟؟ لو عندك لسان كنت ترد وتقول إن الكويت آخر بلد اتنازل ووافق للقوات الدولية تدخل المنطقة .. الكويت قبل سنة 1990 كانت رافضه تأجير إحدى جزرها بالفلوس للجيش الأمريكي اللي بقاله سنين وسنين نايم قايم في السعودية وحتى عندنا في مصر .. الكويت يا نصف .. كاتب فين انته ؟؟؟ ياما وياما دعمت العروبة والقومية العربية .. الكويت هي أول بلد عضته القومية العربية اللي ضحكوا علينا بيها ... الكويت دايما بتتعض من اللي أعطتهم .. بس الأشراف وأصحاب المبادئ لأ .. يا نصف كاتب كنت تقدر تقول وترد .. لو الكويت ما راحتش للعالم عشان يحررها كان زمان حكومتها وشعبها نايم في ميدان التحرير عندنا بيبوس جزمة عمرو موسى عشان يعملهم اجتماع قمة عربية ويناقش قضيتهم مع صدام (زعيم من ورق .. ورق صحف صفراء عملت منه زعيماً على الفاضي) .. ومش بعيد الشرطة المصرية كانت موتت خمسين واحد بخراطيم المياه زي إخواننا السودانيين .. كان ممكن جابر الله يرحمه مات في مصر واندفن بعيد عن وطنه لو إن الكويت مشيت ورا الجامعة الزفت اللي بتقولوا عليها عربية دي .. الله يلعن دي كلمه .. ما شفناش من الجامعة العربية والقومية غير الهزائم وزعماء ورق زي المفدى صدام اللي ضحك على الفلسطينيين وفهمهم إنه هيحرر القدس عن طريق الكويت وللأسف وقعوا في الفخ .. مساكين مش لاقيين قشايه يتعلقوا فيها .. طيب ازاي حد عاقل يفهمني ؟؟؟؟ يمكن عشان الهاي واي في الكويت حلو ويشيل جيش أشاوس صدام ؟؟؟ يمكن .. ما هي حاجه تفلق .. المهم يا كوايته عايزكم تبقوا جدعان وتعرفوا تردوا في أدب وبالتاريخ والموضوعية مش كلام وبس ..مصيبة الكويت إنها ما عندهاش إعلام زي مخاليق ربنا .. ناس بتبهدل فينا والعالم رافع صورها إشي قذافي وإشي صدام وزفت وناس بتشتغل بجد ولا حد معبرها خالص بل بالعكس بتتشتم وتتلعن كل يوم .. لأ ونيجي نقول عايزين نتحد ونبقى يد واحده .. طيب ازاي يا خلق ؟؟؟ صدقوني والله ده أحد أسباب مصايبنا الكثيرة وسبب كبير كمان .. يا كوايته لازم تعرفوا إن الكويت على صغرها ده شاركت في حربنا مع العدو في 1973 بمائة عسكري .. استشهد منهم سبعتاشر ورجع الكويت ثلاثة وثمانين واحد مكسرين ومدشدشين وتلاقيكم بتقابلوهم عندكم .. ده غير الدعم المادي طبعاً .. القذافي سحب من وسط المعركة دبابتين خربانين كان مشحتهم لمصر .. يا ناس فوقوا بقى أنا زهقت من الغلب اللي احنا فيه ده والله .. كذابين الزفة هما اللي باينين والشرفاء ميتين موته إعلامية تقرف ... يا ريت يا كويت تعرفوا تتكلموا شويه .. حرام بلدكم دي ليها أيادي بيضاء على الأمتين العربية والإسلامية بخيرها ولا ينكر الخير والإحسان إلا الخسيس والله .. أنا طبعا ما حدش يعرفني هنا خالص .. اسم مستعار وليس لي علاقة بأحد لكن غايظني أوي ظلم الكويت لأننا بكده بنخسر بلد طول عمره واقف في صف أمته سواء على المستوى الحكومي أو الشعبي .. في الكويت كل مساجد السنة الجمعة اللي فاتت دعت بالنصر لحزب الله .. وفي غير الكويت شوفوا مساجدهم قالت إيه ؟؟؟ طيب يبقى حرام نظلم بلدنا الطيبة دي ولا لأ ؟؟؟ حرام .. والله حرام .. يا رب يا كريم .. انصر حسن نصر الله .. انصر الأمة .. ويا رب أظهر الحق .. وعلمنا الحق .. وأرنا طريق الحق .. يا كريم .. ودايماً طيبة وآمنة وكلك رجولة يا كويت ويا أهلي في الكويت كلها فوقوا وما تسيبوش الكدابين والأفاقين يضحكوا على الدنيا كلها ولا أنا غلطان ؟؟؟ ولا يمكن ماليش حق أتكلم كده عشان مش كويتي؟ عموماً أعتذر لكم إن كان كلامي جافاً ولكني مهموم جدا جدا بما أراه من تفرقة وكراهية بين أبناء الوطن الواحد والجسد الواحد والمصير الواحد وكل تلك الكراهية مبنية على الأكاذيب ..

freeq8 said...

لوير

من زمان ما مريت عليك... الظاهر مأخذه أجازه ما كتبتي شئ جديد
أنا أضحك وحاشاك عن ساميه جمال بس هم فاهم...على العموم مري عندنا تجدي ما يسرك