Wednesday, October 25, 2006

لقطات في العيد

اللقطة الأولى من كإمرتي

وانا رايحه صلاه العيد مشي
شفت سيارتها من بعيد
واقفه عند مصلي الحريم
انا ادري انها مو اهي
لانها راحت بلا عوده
بس ليش السياره اصفطت اهني
ثقلت خطواتي
دموعي سبقتني
طليت بسيارتها

هذي كوشيتها موجوده !
لي ماشالوها

دخلت و عرفت وقتها اني في هالعيد بروحي
صليت و طلعت بروحي


اللقطه الثانيه

أي عيد هذا الذي اقضيه
بين فراشي
و كنبتي

أي عيد هذا الذي اعيد به نفسي فقط


اللقطه الثالثه
اول يوم العيد ما سويت شي
رحت الصلاه مواصله
تالي بدت و استقبلت المباركين

الساعه 9 ولهت عليها
لا السالفه صارت صج

حتى اهوو وينه؟؟
رحيله هزنا
و اخل بتوازن العيد و طقوسه

شاف ابي دموعي الي ما وقفت
صد عيني

اكلمه من بعيد
و يكلمني ما يطالعني

التقت عيني بعين ابي
و شفت دموعه

؟؟
ولهان عليه يبا
ترا انت تحطمني جذي
دموعي تعودت عليها
بس دموعك عندي بالدنيا

ماتحمل طلع

قعدت على سيادتي ادعيلهم بالرحمه
لي صلاه الظهر

رحت تغديت في البيت الكبير
دخلت الساعه 12 ونص و طلعت الساعه 1 ونص
ماقدرت اتحملهم

رجعت البيت نمت لي نص الليل

صمت ثاني يوم

و هاذا انا بصوم الثالث
!!!

اللقطه الاخيره

اقرر الساعه 10 بالليل اروح الفرع
اشتري بفك
امر راعي السمبوسه

اطلب منه
يعطيني الطلب اشكره و اطلب منه ينادي بنته
بنته صغيره اسم الله عليها عمرها 7 سنوات
تتنطط فرحانه في لبس العيد

اناديها اتيي تركض عند بابي
توقف على اطراف اصابيعها
اعطيها عيديه رمزيه
و اقولها عيد مبارك
تصدمني برده فعلها
تحاول ترفع نفسها اكثر لاني راكبه جيب رفيع
تبي تبوسني !
تشكرني على العيديه
فتحت الباب
لميتهاااااا
و بوستني بكل عفويه على الصوبين
و خمطت ايدي بتحبها!!!
سحبت ايدي

حبيتها
سكرت الباب
اراقب عينها في المرايه
تطالعني

يالا برائتها و فرحتها

تذكرت كم طفل عايدت عليه في البيت الكبير
اكبر و اصغر منها
و مو عاجبهم
او يادوبك اسمع كلمه مشكورة

و هذي الطفلة
هزتني برده فعلها
و دمعت عيوني
على فرحتها
!!
يالله البساطة شنو راحة

و اخيرا اتمنى لكم قضاء عطله سعيده
ادري مستغربين من تغير بلوجي المفاجأ
بس مليييييييييت من هذاك
و عفست الدنيا و قعدت


و هذا ابيض و بسيط




15 comments:

Fuzzy said...

اي والله كل عيد ما يكمل بدون أحبابنا اللي فقدناهم بس هذا حال الدنيا محد فيها دايم

وجزاج الله خير فرحتي هالبنت الصغيره
ياليت ارد صغير عشان افرح بالعيد مثل اول حتى لو يعطونا ربع دينار طرنا من الوناسه ما ندري لا وساعات اقول مابي ورق أبي خرده على بالي أكثر هاهاها

كل عام وانتي بخير ان شاء الله

Fuzzy said...

صج شالسالفة اكو حرامي باق أثاث البلوق مالج ؟ شفيه صار أبيض وين راحت الالوان هاهاها

lawyer said...

فزي
مشكوووور

على كلامك

لوووووووول
عندي جم حصاله
تبي اكسرهم لك؟؟



على طاري الاثاث
لا بس غسلتهم في كلوركس
و كشفووووو
لوووووووووووول



q8geek.com

وانت بصحه وسلامه
اي انشاء الله بشد
حيلي و انت دعواتك معااي


اشووووه
زين عجبكم
:))
اي البساطه ممتعه وايد
شرحه

سالفة قلب said...

لقطات مؤلمة

جعلتيني اشاطرك الألم بها


الفقده تذبح يالوير

الله يخليلج والدينج

واخوانج ولايحرمج منهم




لقطه البنت وفرحتها بالعيديه الرمزيه

ذكرتني فينا اول كان كل شي يفرحنا

الله لايحرمنا الفرح والبساطه الحلوة

سالفة قلب said...

مبروك على لنيو لوك

وااااايد شرح احس براد

iliveinq8 said...

الله يرحمهم برحمته ويقمد روحهم الجنه .. آمين


قلبتي المواجع والله...


اللهم اجعل اعيادنا فرحه وسرور

Unknown said...

فطوم عيدج مبارك

طلع ويهج بالابيض انا من مناصرينه :)

اختصرتي الموضوع كله بان البساطة اساس كل شئ

الله يرحم اموات المسلمين اجمعين ويرحمنا

Anonymous said...

أشكرج على البلووق الاكثر من رائع وعلى كلامج الحلوو وكل موضوع احلى من الثانى .. وأحس انج حبوبه ووايد طيوبه وبلوقج واقعى حييل
وعيدج مبارك وكل عام وانتى يخييير

lawyer said...

سالفه قلب
صج حلو النيو لوك اشوواا

لان بصراحه مليت من هذاك بسوي شي يديد بحياتي

:))

قبل لما كنا صغار كل شي يفرحنا
اي ااااااااااالله صاجه
على قوله اختي كيتي دايما تقول
ياليت قلبي قبل ياهل



i live in kuwat
اميييين يا رب
و مشكوووووووووور
انت وايد وايد
محد كثرك تعب معاي و غربلته وياي
في تعديل البنر و البلوج



كيتي
هاااااااااو
اي انا اناااااااا

سويته امس لما رحتي نمتي بالليل
شسسسسسسسسسوي فجأه عن علي
ابشرج نمت الصبح كالعاده
و لما شفت ابوي رايح الصلاه
سألته يبا متى بتسافر؟؟

قالي ليشششششش اشبتسوين في البيت بعد؟؟
قلت: لا يبااااا سلامتك بس بكسر الحمامات

قريبا راح اصير مقاول انشاء الله :)))


اي والله الحمدلله على كل حال



مشاري
ايامك سعيده
صصصصصج طلع ويهي
اي حاطه مبيض
طوول رمضان و انا احط ماسك مبيض حق بوجي
امس العيد غسلته بكلوركس

lawyer said...

pop_corna
و انتي بصحه و سلامه
و اشكرج وايد اختي على كلامج المريح

والله من طيبج
:)))

حياج الله و لا تقطعيييين





هامووووووووووور

وي وي وي
هذاااااااااااا هامووووووووووووور

وييييييييييييييييييينك
انت شخباررررررررك
هاموروووووووووو

ويييييييييييينك غاط؟؟

هامور اشلونك انت زين؟؟

لي الحين اتعرف ادش بلووج ؟؟

ايامك سعيده
امييييييييين يا رب
انشاء الله انت و كل الي يعزون علييييك و حبايبك :))

لا تقققققققطع

The Simper said...

3asakom min 3wadah inshala..

o ya36eekom el si7a wil 3aafya inshala ya rab..

o alah yir7am amwat el muslimeen inshala.. o yaktib lihom el jana..

.
.

o for the blog design .. it's COOOOOOOOOOOOOOOOOOOOOOOOOOOOOL

i like it aloooooooooooooot SIMPLE :D

keep it and don't change it ;)

Hosno said...

الدنيا تدور وتدور واحنا مثل ما احنا
همومنا ومشاعرنا ما تتغير الله يعينج اختي
موضوعج قمه وسالفه وخاصتا سالفه
البنت الصغيره والله يعورون القلب
رغم حرمانهم لكن فيهم البراءه الى يفتدونها يهالنا لأنهم شافو الحلو وتعودو عليه وما عاد بعينهم شي
تقبل الله صيامج انشالله
ومبروك على النيو لوك الى يشرح الصدر

q8y_saint said...

عيدج مبارك لوير انتي و كل زوار المدونه
و تقبل الله طاعتكم
وعساكم تعودونه

وناااااايس نيووو لوك

lawyer said...

هااو !!
امسسسسسس علقت على
سمبر و هوسنو و جواان!!


وييييييين تعليقي رااح!!!

يا حسرتي


كويتي
مشكوووووور و ايامك سعيده

وييييين هالغيبه

مولان

و دكتور ايامكم سعيييييده

واي حدي احترييييييت

وين تعليقي على جوان و سمبر
هوسنو!!!!!!!!!!!!!!

Mamloo7a Q8ia said...

شنو صاير في الكومنتس مالتج انا كتبت كومنت واللحين ما اشوفه
عسى ما عاداج بلوق بو صالح
ولا بلوق سالفة قلب
يوزوا عن التخرع