Sunday, October 08, 2006

رمضانياتي غير

رمضانياتي انا غير
بسطرلكم جم موقف رمضاني صار لي في رمضان عشان تعرفون رمضاني انا غير ..
مو عشان انا فلطح زماني لألألألأ بس لاني انا حتى في عز ايمانياتي لازم افصل !!
و على منو فصلاتي لازم تكون !!
على الفقير لله المسكين المعذب في الارض ابوووووي
لان ابوي متحملني !!
رمضانيات 1
بيوت اذن الله ان ترفع ويذكر فيها اسمه يسبح له فيها بالغدو والاصال. ))

يوميا كلنا على الطاوله انتيمع
قبا 10 دقايق من الفطور يكون كل شي مجهز في السفره و حتى الشوربه و كل شي مصفف
و قاعدين ننطر الاذان
اخوي الصغير يطالع الساعه
اخوي الوسطي متأخر كالعاده ياخذ شاور
انا و امي و ابوي و اخوي الكبير و زوجته مقابلين القبله للدعاء
يأذن
يقول دعاء الافطار ابوي بصوت عالي
انا مركزه على دعائي
اقمظ عيني اكثر للتركيز
ادعي لي و لكم و لجميع المسلمين
انسمي بسم الرحمن كلنا و نفطر
الغريب و الطبع البايخ الي فيني
ان مستحيل اسوي حركه الشوربه و التمره و اروح اصلي
!!
لألأ انا ما اعبر لازم افقم افقم و تالي اقوم اصلي
و كل يوم ابوي محاضره على الفطور ان لازم نعطي المعده مجال و ما ناكل مرا وحده
و كل يوم اقوله نفس الكلمه
خير انشاء الله
انت رووح صل و ادعيلي
و انا ربي بهديني يوم و برحم معدتي
اخلص اغسل بسرعه بسرعه و اصلي
اخلص من الصلاه اصبلي الشاي و القهوه و امسك الريموت و احط على قناه السعوديه بانتظار افطار الحرم و متابعه صلاه الحرم
نهاهاهاهاهاهاهاه الريموت كل يوم عندي
مسكين اخوي الصغير يتمنى يوم من الايام يشوف البرامج التعبانه ويانا في الصاله
بس حريييييييييييمتك ما تخرب صيامنا
احلى شي في رمضان اهو يمعه الفطور ويمعه الشاي و الحلو على صوت سديس في الحرم الشريف
الحمدلله على ان احنا مسلمين
الحمدلله على نعمه الصيام
لحمدلله على نعمه صله الرحم
و اذا انت في بيت يذكر فيه اسم الله و تتيمعون على طاعته و ذكره فاعلم انك في خير كبير
و احمد ربك الف مرا على هذي النعمه


رمضانيات 2

على يمعه الحلو
الي بعد الفطور
اصب حق ابوي قهوه
و مرت اخوي تقول حق الوالد
عمي عمي سمعت في اخر فتوى !!
يقولها شنو بعد !!
تقوله في مفتى حلل شرب الزقاير و قال انها ما اتفطر لان الزقاير مو اكل !!
قالها ابوي ..الله يسامحه و يهديه بس اصلا الزقاير بكبرها حرام ..اشلون عيل شربها و انت صايم..!!
و انا قاعده يم ابووووي
اقوله: هوووووو اشحقه ما تراعي مشاعري و شعوري ..شنو حرام و ما حرام شالنغزات علي !!
الحين انا شحلوي ساطره يمك و انت على اولك ما غير حرام و حرام هالزقاير !!
ما تراعي مشاعري جدام اعيالك !!
ابوي اهني ميت من الضحك
يقوووووووول شنو انتي ادخنيييييييين !!
اقوووووووله مدري عنك يعني انا ما قلت لك اشكره اني ادخن بس المفروض تفهم
و انت ليش نغزات علي هههههههههههه
اخواني يموتون ضحك
مرت اخوي طاقتها البوه
مو عارفه صجنا من جذبنا
امي تقولها هو بعد ما تعرفين فطيم و خرابيطها
ههههههههههههه
تموت ادور على الشي الموزين تسولف فيه !!
رمضانيات 3


بعدها بيوم ابوي جدام اخواني بعد الفطور يقولي
بو الفطم دشيت دارج اليوم و الا ششوووووووف !!
مسويه جهاز المشي علاق حق اهدومج !!
لا يابنيتي ترا المشي صحه و زيين و تعالي شوفي الاجانب الي اعمارهم على تسعين و فوق الثمانين
اذا سألتهم يقولون لك لان احنا محافظين على صحتنا في شبابنا و انمارس الرياضه
و ما اندخن ..
اقاطع ابوي !!
وباشتطاط تام و انا ماسكه مطاره القهوه و احركها فوق و تحت و اهوش فيها و عيون امي اتلاقط
ويا المطاره اتخاف اقطر قهوه على زوليتها الايرانيه
يبا مو حاله هذي كل يوم جدام اخواني و امي اتعايرني بالهزقاير
ما يصير جذي
ترا انا ما اشرب لاني دلع وولع
لا يبى انا هدفي شريف
انا اشربها عشان تسد نفسي عن الاكل
هذا اولا
و ثانيا برستيج يا يبا برستيج
عيل تبي نانو و دانو ربعي التروفه الي بالنادي يقدمولي زقاره و ارفضها!!
واي يبااااا حدك اولد فاشن
ابوي يضحك
اخوي الوسطي مو عاجبه غشمرتي كالعاده
اخوي الكبير يقول حق الصغير
افا اختك تروح نوادي مختلط من ورانا
الصغير يرد عليه
عادي عادي 2006
ارد عليه طاع هذا لا تفشلنا شنو مختلط انت بعد
اسمها كابلز
..ينط اخوي الصغير يسأل اخواني
تخيلوا ادشون قهوه تلاقون فطيم اتشيش شنو شعوركم !!!
الوسطي ما تعطلها
قال عقال على طول
!!
الكبير يقول
اسوي نفسي ما شفت و اطلع
هاهاهاهاها
يقول ابوي لو تعدين مني ميخالف بس حاط وراج 3 ريال
التفت على ابوي و اقوله لا تخاف مظبطه الجمرك
ههههههههههههه
رمضانيات 4

انا بعرف ليش الرياييل يحبون الحنه في رمضان
ليش كل يوم على الفطور تعليق
ليش الشوربه ماصخه
و ليش الهريسه مالحه
اذا ماصخه المملحه يمك حط و اسكت
و اذا مالحه
شسوي يعني
برووح اردها الجدر و نطبخ من يديد
!!
و ليش اذا يوم سوينا هريس محد ياكلل
و من ياجر ماكو هريس
الكل يسأل وين الهريس ليش ماكو هريس !!
رمضانيات 5

بعد صلاه التراويح
حطينا الشاي انا و ابوي و تجابلنا
دخل علينا اخوي الكبير و تكلمنا عن موضوع المرور و الزحمه المروريه القاتله
و المخالفات المروريه
و تشكى ابوي من مخالفاتي !!
و قالي يا بنيتي ترا انا ماني ملزوم كل يوم و الثاني ادفع هالمبالغ على استهتارج !!
احلف له ان مو انا و لا عمري عديت حمرا او صفطت غلط
هذا كله السايق او اخوي الصغير !!
الحين انا خليت كل شي و قفت على كلمه مو ملزوم
جان اقوله تعال و بعدين انت ملزوم شرعا علي
يعني لازم تدفعلي
قالي لا انا ملزوم على امج و على الصغير بس انتي كبيره يعني اذا باجر قطوج في السجن على المخالفات المروريه
لان السياره باسمج
انا مالي شغل !!
قلت له يعني انت مو ملزوم !!
و مالك شغل !
قدها ؟؟!! قدها
البس نعالي مستعيله
و اسوي نفسي بقوم
يالله عن اذنكم بروح اتزوج هتلي
اخوي يناديني
تعالي
و ابوي ميت ضحك علي
مو قادر يناديني
تعالي
انا لألألألألأ اشتبون بروح اتزوج
هتلي
يقولي مو ملزوم عيل بزوج نفسي انا
ابوي يقهقه من الضحك مو قادر يتكلم
على طريقتي الجنونيه و رده فعلي
و اشلون انا على طريف
بروح اخذلي سقط
افشلكم
ليش تقولون مو ملزومين !!
اخوي يلمني
و يقول حق ابوي ديربالك ترا فطيم هاليومين سي دي من مخها طاير
و هذا انا يوميا
كل يوم مسويه فيلم
حق ابوي
و ميننته
احسه يتمنى يخلص رمضان عشان انطلق في هياتي
لاني معتكفه في رمضان و مجابلته
و يستمر مسلسلي الرمضاني و هناك مواقف اخرى جدا جدا مضحكه
بس ما اقدر اقولها استاثم فيكم !!
خلوها عقب رمضان
و تقبل الله طاعتكم
و حياكم الله عندنا كل يوم انا و ابوي قاعدين بعد التراويح

24 comments:

lawyer said...

mulan

ahlan ahlaaaaaan fech

لا يا معوده مو من صجي بس جذي اضحك وياهم

حركات حركات

اكو وحده ادخن و تتكلم اشكره

انا عسااااااااني الحق ويا هالربو الي ذابحني
هههههههههههه

امين يا رب و يخليلج غاليج

albandry said...

loooooooooooooool

فطيم ياحلو خف طينتج


وناسة

الله لا يخليج ويخليلج ابيتج واميمتج الطيبة واخوانج


وعن الحسافة مرت اخوج بعد

انالو اقول كلمة زقارة جدام ابوي ياني طراق
حتى لو اتقشمر
يقول هذي سوالف مافيها قشمرة


بس انا وياج على رقم 4
اتصدقيين حنتهم غير نمونة
ان رحت بيت خالتي عمري ما اروح ايدي فاضية كله ماعون مالح وحلو بالقليل
عاد حماي كله تحلطم اذيتينا متنتينا يبا اذا بتاكلون اكلو ابيتكم لا تاكلون عندنا لا واهوا يخلص الصحن
مرة عن مرة
جان اقول ماني يايبة اوووه ايشلي بهاللوية
جان يسال افا مو يايبة حلو اليوم انا ناطر ييتج

يييه
ماعرفنالك

هذا غير حنة الطاولة ايشهالشوربة ما احبها
انزين شتحب
مادري
هو؟

ايشهالحالة
رياييل وفنتقهم

esTeKaNa said...

ما شاء الله تبارك الرحمن
عساه بيت دايم وعسى الله يجمعكم دوم على الخير ولا يفرقكم قولي آمين
الحلو في بلوقج تنقلينا بعفويتج لي نص الصاله،حسيت روحي قاعده متفطرة وياكم ومحليه بعد:)

وي يا زين أبيج والله ذكرني بأبوي
تخيلي داقه على أبوي بالعمرة يبه خصص لي ربع ساعه تدعي لي كل يوم
يقولي وايد
وما بغى الا عمرة ...اشلون تقولي وايد
انزين اقتنع رحنا حق شنو تدعي
بكل سنع :بس ادعي لي اتوفق واتخرج بمعدل
يضحك ضحكة ذات مغزى :وبس؟
اي بس
أكيييييييييد؟
شي مني مناك
وبكل ثقه:اي يبه هذاك اللي خبرك ايي بروحه منك بعد ما اقولك انا جنه عيب
lOoOOoOol:)))

العين الساهرة said...

صج رمضانياتج غير، ما شاء الله عليج تونسين إنتى وأبوج، وترى المثل يقول البنت حبيبة أبوها، وشوفى إذا تزوجتى إنشاء الله إشلون بيحب عيالج. الله يخليلج أبوج وأمج وأخوانج
طلعتى ونيسة وانا ما أدرى، راح أتابع بلوقج من اليوم ورايح وأحطه بالفيفوريت بعد

The Simper said...

hehehehe naaaaaaaaaaaaice lovelyyyyyyyyyyyyy and COoOoOoOoOoOoOoOoL post ;) after some jafaaaf times of mako posts from u ;)

o alah ekhaleelich mama o papa o all the family :) :) :)

lawyer said...

البندري
وااااااي موتيني من الضحك

وليييييييين السالفه فيها بعد حماا يحن !!!!!!!!!

اول مرا ادري بعد
يا حسرتي كلش ما حسبت احسااب الحما
!

الله يعيييييينج

يا عوينتي
يالله احتسبي الاجر

من فطر صائم





كيتي

اي حياااااج حياج
شوفي اذا اللقيماتكم حلوه
ابوووووي بيستانس
و اذا يابسه
و اتشقق اللثه
من الحين بقولج ابوي بمد البوووووووز
هههههههههههههههه

و بحط الجزيره و بقول روحوا سولفو داخل
!!!!!!!!!!



اما امي فقيره اتقطع القلب و يا الفطور
ما غير ليل و نهار تحن
اشتبوووووون فطور و اشتبون فطوور

lawyer said...

استكانه

اتصدقووووووووووون انا من اقرا ردودكم
احسن انا فهره !!!


انا عيل انااشب ابوي على البخوره حق المسيد
و اذا ما لبس النعال الزينه
اقووووووله
بالله ياك واحد يخطبني في المسيد!!!!

ملوعه جبد ابوووووووي انا

كل يوم اروح وياه التراويح
يدخل قبلي
اقوله
ابوي بليز شد حيلك في الدعاء وياي
ابيي مزيون
زووقه
سنع
و اعياله وايد
يضحك و يقولي انشاء الله

اذا طلعت من المسيد
الاقيه ينطرني
اقووووووله هاا دعيتلي عدل
يقولي طبعا
اقوله سمع يالله سمع
شنو قلت لك
يقولي حلو
زويييييين
متين!!
اقووووووووووله
قلت لك مزروووووون
مو زين
!!!!!!!!!!

يطفرني
و اطفره
اقوله ابي واحد ما يستحي منكم
يمشي و يخمم فيني بالصاله
ههههههههههههههههه


و

lawyer said...

العين الساهره
حياااااج الله اختي نورتي بيتج و مكانج

اميييييييين يا ربي
تسلمين لي
يا حلوووووو دعائج

و على طاري ابوي
فقيييير
ميننته
يتروالي اذا تزوجت
مسكيييييين يبي الفكه من حنتي
كافي انا
بعد هالدور اعيالي

ابتلش فقير

و اذا يتله حفيده ام السان فهره مثلي

يا عمري علييييييييك يا يباا



the simper

اهلا اهلا
هههههههههههه انا اقرا تعليقك و اضحك
اي شسوي كنت لاهيه
بس يايتكم في بوستات فصله
لكن ما ابي اخرب رمضانكم
استاثم

سالفة قلب said...

ابصراحه وانا اقرى صورتج جدام

عيني..ياحلوج وياحلو سوالفج

ابصراحه وااااااااايد واااااااايد وااااااااايد

وهم وااااااااااااااايد

فرحت فيكم

Fuzzy said...

شلون مخلينج تاخذين الريموت ؟؟؟؟؟؟؟؟؟؟؟؟؟؟؟؟؟؟؟

اوكي نلتوا حق التصويت بس رجاء الريموت ممنوع لمسه من قبل النساء

وسالفة حنة الرياييل على الفطور انتي صاجه مادري شيصير فينا ندور اي غلطه حتى لو صغيره هاهاها بس اشوه هالسنه ماسك لساني ما تحلطمت

lawyer said...

سالفه قلب

حياتي انتي
والله الصراحه انا الي تشرفت في شوفتج

و والله مو كثري

اصلا انا بس اسمي عليج

ترا حدج حدج اثرتي فيني

ودي اكتب فيج بوست و ماراح يوفيج حقج و كرمج
بسسسسسسسس خفت عليج من العين

حفظج ربي



فزي

ههههههههههههههه
اشوه شهد شاهد من اهلهم

اي وبعدين انا لازم امسك الريموت لانهم يكونون توهم يتفطرون من بعد رجعتهم من المسيد

انا البطينيه الي اعلف و اقعد اول وحده :)

tweety said...

لووووووووووووووول
لا أنا أعترف أني حبيت أبوج :p

أنا برمضان وبعد الاجازة كل يوم حنة ورنة من أمي لأني ما أسوي شي الا اللهم السلطات وهذا مو كل يوم بعد

ياربي مادري ليش الوالدة مستخسره فيني الدلع !؟

esTeKaNa said...

LOoOoOOoOoOoOOoOoOoOol:)
بسوي كوبي حق دعائج وبعطيه ابوي جني مادري
:pP~

Яeema said...

هههههههههههههههههههههه

الله يخلي أبوج لج يا رب

4

مو بس الريايييل
حتي الخالة

ههههههه

مرة سألتها من كثر ما أحتر ، إتدودهني ما إتخليني أقول الدعاء عدل

أقووول ممكن أعرف ليش أول شي إتذوقين الهريسة؟

جان تقول عشان إنوزع منها
رديت قلت
إنتي إتوزعين 3 أطباق علي الناس مو بس هريس

جان تستوعب
إييي بس الهريس ما يعرف يسويييها


إذا ما يعرف يسويها لييش مصرين إن يسويها كل يوم


رمضان و ماكو هريسة
ما يصير


طبعا سكرت الموضوع

موعودة بالحنة علي السفرة
واااي أنا ما أبطل حلجي أصلا مالي خلق



فطييييم إحنا ليش تفكيرنا غير
ههههههههههه

lawyer said...

تويتي

هههههههههههههههه
اي عمري حبي ابووي اخذي راحتج
بس لا تدري عنج امي

تفجر فيني و فيج
هههههههههه

اسم الله عليها امي تغار على ابوي غيره مو طبيعيه

لو انا جان ينييت بس ابوي حده مستانس في غيرتها
لألأ و لا يستفزها بعد
يقولها اتصدقين دشيت المستوصف و الا لقيت هذيج رفيجتج
مدري شنو اسمها سلمت علي

تدرين شنو ردت عليه !!

قالت اشوه انك ما تروح غير مستوصفات !!!

اشيبون فيك يسلمون عليك
هاهاهاهاهاهاهاهاه

يقولها السلام لله اشفيج

و على طاري الاجازه انا مثلج اليوم اول يوم اجازه
وكاني قاعده توني
الحين الساعه 3 الا
تقولي كل هذا نوم !!

اقولها شسوي يعني
تقولي دشي المطبخ

!!

lawyer said...

استكانه

اي حبيبه قلبي
بسرررررعه زذتج زتج

مو اتأخرين و يطوف علينا هاليوم
مو وقته بليز

ماكو وقت

:)


ريما
كلا اقووووووووولك لا تكلميني عن خالتج قبل الفطور
كل اذنوبها عندي
استغفرالله

المهم نرجع للهريسه
لو سمحتوا طرشولنا نقصه

و احنا تفكرينا غير
يا ختج على الفطووووور
مو مال احد يتكلم
كلش مو حلوه فطور و هذا يتقرطم عن الهريسه
و التشريبه

لحظات صمت ايمانيه
انا اذا كليت ما احب احد ينطق
و لا اي موضوع
و خصوصا المشاحنات الزوجيه
هههههههههههههه

كلمه المشاحنات الزوجيه اقصد فيها شي
الحمدلله مو عندنا
هههههههههههههه





سارا
حبيبه قلبي
معذوره
والله اذري ليه و رمضان
و الواحد ما يركز
اي انا مثلكم
بس كلا عندي لاني اول وحده ساطره بالصاله
:)

لوحات said...

الله يطول في عمره وعمرك ان شاء الله
وتتزوجي الرجل الصالح
مو يللي قلتي عنه

الجمعات العائلية في رمضان هي من تعطي لهذا الشهر الفضيل
نكهته الجميلة والمحببة للنفوس

lawyer said...

اهلا اهلا
لوحات

نورتي

شكرا لمرورج
و مشكوره على الكلام الطيب:)

صورتج معبره جدا

مبارك عليج الباقي من الشهر الفضيل و لا حرمنا الله اجره يا رب

Kuwaiti said...

يحليييكم ويحليييلج يا لوير

والله وناسه بيتكم

باجر انا عازم نفسي عندكم
عاد انا حق التطفر زاهب

قوولي اميييييييييييين




الله يخليكم حق بعض انتي واخوانج وابوج الحبييب وامج

lawyer said...

اهلا اهلا كويتي

شكرا
وييييييييينك
ويييينك الحين طالعه صلاه التراويح من ساعه

و كل شوي يقولي ابوي بيروح الدوانيه
اقوووووووله لا انطر كويتي بسير علينا


يقووووووولي وينه يا ابووج هذا عطلنا و ماتدرين اني ما احب النطره !!


زيسن جذي فشلتني جدام ابوي

lawyer said...

برنس

دزي الباب و دشي
بدووووون استأذان لو سمحتي

ما عندنااااا تكلف احنا كلش :)

Cr8ivia said...

LOL
that was a nice post walla
allah eykhalelech ahalich weykhalehum lich

Kuwaiti said...

اوووووه لوير نسييتكم :)
رحت صليت التراويح بعدين طلعت في مزاد خيل

Cr8ivia said...

is it