Sunday, October 29, 2006

شغلات بسيطه بس اتنرفز !!

في قصيده للمرحوم طلال الرشيد
يقول فيها ....شباب و السيره بنات !!

فعلا صار في اغلب اليمعات هو تحلطم على الجنس الاخر
يعني تلاقي الرياييل تيقرطمون على بنات هالوقت

و الحريم نفس الشي يتحلطمون على ريالهم

هالمرا انا ماراح اتحلطم وايد

لكن الي بقوله لكم

متى اتحس ان شريك حياتك ما يحترمك؟؟

او شنو التصرف الي يبدر منه اتحسسه انه ينرفزك؟؟

كل وحده من صديقاتي كان لها راي بعيد كل البعد عن رايي

و فجأه اسألتني وحده فطيييييييييم متى تستفزين؟؟

كان جوابي كالاتي:

لما اشتط في السالفه و اهوو عاقد النونه على التلفزيون و انا اتحلطم و اهو يزيد تركيز في الاخبار !!

لما ادخل الحمام بعده و الاقيه مو منظف المغسله بعد الشيفينج ((حالق لحيته او شاربه))

مدمر الحمام و الارضيه شاق شاق شاق و اكو سله ملابس بس قاط اهدومه في الارض!!

يترك المعجون مبطل ما يسكره

ولو بتكلم راح اقول وايد شغلات

باختصار شنو شي يومي اتحس انه يضيايقك او يضيايقج؟؟

31 comments:

Alather said...

ربما لا استطيع تحديد ذلك في الوقت الحاضر.. لان هذا الجانب مفقود..



استطيع الاختصار بكلمتين.. اهمال وجودي
يسبب انزعاجي ونرفزتي

بوس خفيف.. سأنتظر اراء البقية :)

كل الود

me said...

hi..well intresting subject...i think anything that show disrespect is annoying from a man or a woman theres no diffrence..

bs ma3a el asaf ana la7a'9t ena el riyayeel 3indind (mo kilhum bs a3'labhum) mafeehum laba"9a wala forosiyat riyayeel gabil..mathalan ma yamsik 7ag wa7da el bab min ba3da ela etha fee ris :/...or salfat hal ta9weer fe el blue tooth o nashra..shay sa7'eef o mafee rojoola...

ana 6awalt bs tarani yideeda n the blog world :)

Fuzzy said...

ينرفزني الترتيب الزايد هاهاها
احب شوية فوضى في مكتبي ما احب اشوف المكتب مرتب وايد احب اشوف اوراقي منثورة و كتبي التي اقرأها مبعثرة فوق سطح المكتب
:)

q8y_saint said...
This comment has been removed by a blog administrator.
q8y_saint said...

لوير
في فرق كبير بين الشي الي ينرفز و شي الي يدل على عدم الاحترام
بالنسبه لي الشي الي يدل على عدم الاحترام اهو لما تسولف عن موضوع انا مكلمها فيه و موصيها ما تقول حق احد او لما تتكلم عن نجره صارت بينا

اما الاشياء الي تنرفز فبالنسبه لي
اهي ما تحلى السوالف إلا لما اكون مندمج بشي الكمبيوتر:فيلم:كتاب: شغل
و لما اقولها سوري بس مندمج تعصب

Kwaitiyya said...

ما عندي شريك بالوقت الحاضر
بس أستطيع أن أتنبأ اني ساتنرفز إذا خذا أغراضي أو تعبث بأغراضي من مشط
عطر
ميك اب
فوطتي
هدومي
كاكاوي
عصيري

وبالأخص موبايلي ولاب توبي
أحس راح أتخانق مو بس أتنرفز

violinist_q8 said...

بالنسبة لي هادي بطبعي

ماحب اتشكى حتى لو تضايقت

لــكــن

اكثر شي ينرفزني يكون من الاشياء المحسوسه مو الملموسه

مثلا احتاج لها بوقت ما اشوف شي غيرها

تقولي مشغوله !


- i`ll kill her :P -

Unknown said...

انتى الامور اللى ما تحبينها هذى اشياء ضرورية يعنى ترتيب وما ترتيب
لكن
اهم شى واللى يخلى الشخص ينسى كل شى غلط
الاهتمااااااااااااام
صدقينى لما الريال يحسس مرته ان مهتم فيها غير
والعكس صحيح
يعنى اكثر شى ينرفزنى ان احس انى موجود او اقل ضمن سلم الاولويات مو على الدرجة الاولى بالاهتمام

Anonymous said...

waaaaaay yakether el ashya'a elly tnarfezny... al7yn wana afakker fyha tnarfazt.. LOOL
- lama akon nayma w eyoon yga3dony men noomy w ygooloon: weee Naymaaa??
- lama a6la3 men elbyt w alagy a7ad 9ak 3ala sayarty..
- lama a7ad yetwa3ad ma3ay 3ala wagt w yeta'akhar 3alay waaaaaay 6faaaaaaarty.. i hate waiting
- lama aroo7 ma3a ommy eljam3eyah w faja'a tekhtefy w ma algaha..
- lama a7ad yes'alny: b9ara7a,sharyech fyny??
- lama a7ad ygolly "samnana" 3ad broo7y ana nafsyty meta'azma men el kiloween elly zaydat'hom tyoon w tzeedoony!! ya rabby ento shako semant wella dha3aft!!

b9ara7a lo batkallam 3ana elly ynarfezny mara7 akhalli9.. bus wallah 9ej khoosh mawdhoo3 :)

btw,ana men mutabe3yn ur blog elmudmenyn 3aleeh w laken hathy awal marra a3alleq :)

نون النساء said...

هههههه يمكن اهي شغله عدم اهتمام من غير قصد اكثر من كونها عدم احترام عن عمد قاصد مستقصد

مع ان النتيجه وحده
واهي انج بتحتريييييييين

:P

.
.



إن احد يدش داري ويرتبها لي
لان اقعد سنة على ما ألقى شغلتي إللي أبيها خلاص خلوني على فوضتي وانا ارتبها اذا يالي المزاج.




امممممممم اشياء تنرفز بشكل يومي؟؟


الهذرة
احب اسمع اللي يسولفون اكثر من اني اسولف معاهم




صوت التلفون ينرفزني
صوت التلفزيون العالي ينرفزني اذا مو انا اللي اتابعه
عموما الأصوات العالية اتخليني افقد اعصابي




صوت الهرنات عند الإشارة
يبااااااا خلاااااااص وويعه ادري ان الإشارة خضراا
ومرات أعاند باللي يدقلي هرن اوقف واعد للعشرة وبعدين أحرك
كييفي كييفي

طائر بلا وطن said...

باينه فكرة البوست شنو اللي ينرفز
يعني الأخطاء غير الجسيمة أو المستقصدة


:)


عن نفسي ما احب الحنه و لا الجدال
ممكن أسمع بس يضايقني ان اللي جدامي يبي
رد حالا و فورا و بنفس الثانية

احتاج فسحة

يمكن أعاند حتى لو كان فيه أمل اني اقتنع

و حتى لو اقتنعت تلاقين السالفة تقرقع بداخلي
و كأن شي انتزع مني غصب


لاحظت فيني شغلة .. تعالي طلبيني شغلة أنا
مو مقتنع فيها و حني علي حن مليق
99% انسيها

تعالي قطي نغزة من غير ما تطلبين أو خليني
أحس انج تبين شي و ما طلبتيه تلاقيني
عن طيب خاطر اسويه حتى لو كنت مرات مو
مقتنع فيه

قطي الكرة بملعبي و قصي علي و خليني الطرف المبادر


الريّال سم تايمز معقد
:)

Mohammad Al-Yousifi said...

والله وايد أشياء بس تتعود عليها مع الوقت

lawyer said...

الاثير

:))
انشاء الله يكتمل هذا الجانب قريبا يا رب




me

حياج الله تشرفت في وجودج

اخذي راحتج ما طولتي




mulan
اووووووووووووف يزيد في الغلط شي يحر

لان يمكن انسامح بالغلط
لكن العذر اقبح من ذمب
يقتل




فزي
ههههههههه اتحبووووون الفوضه البسيطه




كويتي

اي صح هناك فرق بين التنرفز
و عدم الاحترام

بس يا ربي ليششششش كلا ما تبون احد يحاجيكم حزه التلفزيون
انتوووو ما تقعدون في البيت الا هالساعه!!
متى انكلكم يا يالرياييل!!




كويتيه
!!!!!!!!

مكياجج!
الريال ما يجيسسسسسس مكياجج
اي صصصصصح احتر لما احد يحووش في شغلي

واااااي اشتطططططط



violinist
هههههههههههههههه

معاك حق
بصراحه معاك حق
;))

lawyer said...

كيتي
قريييييييييت مت مت ضحك

بسسسسسسس شنووو كيتي لا في شغلات تحررررررر


عدم الترتيب و التقطط و التحذف
و جوتي مني وجوتي مناك

يذذببببببح



لا انشاء الله ما يقرا ريلج بوووووووووستي
الله يستررررر




مشاري
اي شي يحررر
لما الواحد يحس وجوده زي عدمه يقهررررررر




snow
حياج الله تعليقج ممتع وايد وايد
تشرفت في وجوج و قرائتج
:))))

بالنسبه لي الشغلات الي قلتيها تنطبق علي مليون بالميه
بس ناقصها شي واحد
تطق علي امي الباب
فطيييييييييم
قوومي الساعه 5 و اهي الساعه 4 و عشر !!!!




نون النساء

مع ان النتيجه وحده
واهي انج بتحتريييييييين



شفتي
الهدف واحد


احتر اححد يحوس بداري
و الا ينبششششششش




طائر بلا وطن
ان كلا غير عن الناس
في كل شي

لما قريت تعليقك
ضحكت
قلت وااااااااااي صج صج رياااااال

انت نفس اخوي
لا تطلبين انا اعطيج من طيبي



الريال احلى عقده في الدنيا




مطقوق

اي اول شي تستنكرها
تالي تتخزن في العقل الباطن
و يصيرر شي مؤلووووووف

cozy said...

Intresting kal 3ada :)

bs yrait agdar ajawob wakon dageeg cuz ana lail7een SOlO :) bs atwaga3 laman adesh el bait o ehya maska el Tel wana ga3ed 3omoman i hate el tel.

lawyer said...

cozy

اهلا نورت
مشكور على الاطراء

اي فعلا ترا كل الرياييل ينرفزهم التلفون

مو بس انت
خلني اقولك سالفه

رفيجتي اجتماعيه
و تدري فينا احنا يالبنات
رفيجاتنا يدقون
امهاتنا يدقون
بنات الدوام يدقون
يعني التلفون بمعدل كل نص ساعه يرنع

و رفيجتي هذي متزوجه مع الوقت ريلها قالها
يا فلانه ترا التلفون يضايقني اذا انا موجود اجلي مكالماتج

حطت تلفونها سايلت
و ما قامت ترد على احد
الريال تعومس!
اشفييييك يا فلان
يقولها مدري احس تصرفاتج غريبه من ادش اتسكرين التلفون و كلا خاشته عني !!

العين الساهرة said...

لما يقعد في القنفة ويسحب كل المخدات ويتسند عليهم ولما يقوم ما يرجعهم

يدخل الحمام ويقط هدومة على طرف السلة أو تحتها

ينجب الأكل بملعقته مو ملعقة النجاب

لما يشكل عيش ومرق عيش ومرق

وووووو أشياء كثيرة

cozy said...

hahhahahhhahah no sorry bs hatha mo 6abe3ee allah e3eenha ya3nee shloon ballah shelmafrooth etsawee hahahah no ana ma wedi agol 7elo el shay etsaweeh men nafs'ha o ebrethaha :)

A3sab said...

where to start but i get really upset when i ask a question and he doesnt respond in other words ignores me..that kills me

oh and when he's on his cell when I'm with him in the car or sitting in a restaurant...omg we were just having this discussion

the tooth.fairy said...

لما يرعص المعجون من النص

و لما يستانس على الشورت والنعال و ينسى الدشداشة شوي

*غرامي الدشداشة والغترة*

ـ

lawyer said...

العين الساهره
اييييييي صح شي يحرررررر

و الا توج مسنعه الفراش رد قعد علي انعفس
و قاااااام طلع
واااااي

فلااااان شالحوسه
!!

يرد عليج والله شاقيه عمرج انتي!!



و يحر بعد لما تسألينه شنو تبي غدا
يقووووول كيفج
تسوين شي تعتقدين ان يحبه

يقووووولج ليش ما سويتي مرق باميه!!




cozy
سسسسسسنع

ياربي عزه النفس اشلون صايره خضرا حمرااااااا

;)


اعصاب

والي يحرررر
لما ينتقد شي اهو يسويييييه

!!

ويا كرهه اذاا طالعه في مطعم و اشتغلت التلفونات و عقب نص ساعه يقولج
اشفييييج
سووووووولفي!!
ليششششششششش ساكته



butterfly
اييييييي الدشداشه سسسسسسسكبه
رررررزه

اي اوف اذا لبحتي على الدشداشه
بيرد عليج شي واحد

فلانه طلعي منهااا!1

neelaah said...

اتنرفز لما يتدخل في اشياء مو من اختصاصه

مثل نجره خدم

او لبسهم

او يتحلطم على اغراض الجمعيه

iliveinq8 said...

انا بالضبط نفس الأثير

دام اني اعزب

لكن اقول شيء يضايقني من نفسي

احب الترتيب لكن عمري ما التزمت فيه
احب الفوضى بعد
يعني اذا نظفت غرفتي اليوم .. نفس اليوم تنعفس

ما احب اكون لابس نفس اللبس اكثر من 5 ساعات !! عادي اقعد من النوم اغير لبسي وارد انام مادري شفيني

مو وسوسه او شيء بس احس بضيقه

امم وباقي الشغلات خصوصية ما احب احد يتطلع عليها :) لول

Purplecious said...

Hiiiiii Lawyer.. ana Om Salloom (rbe3at om khammas o snowflake) :)

saweetly blog bs 3ashan a3lg 3alech enty o kitty ma kent agdar a3aliq 3alekm fa kent a3aleiq 3nd reema alah y3afeha ehya waselat eletesal bena ;p ma bga ella om khammas etsawelha blog 3ashan tgdar et3aliq b3d =)

waaaaaay ana atnarfazzz 3ala adnat eldooon :/ bs 3ndy point bel nesba ly abe awathe7ha:

ana mumkin elshakhs nafsa enefezny akthar min el shay eli ysaweeh, shloon? geltely shloon.. y3ny mumkin enty etsaween shaghla lo a7ad thani gherich msaweha chan galabt el denya 3ala rasah, y3ni mumkin eltasaruf eb shakil 3am ynarfezny bs 3ala 7asab mino hatha elshakhs eli bedar mina hatha eltasaruf (i'm talking 3n my family, friends not strangers)

akthar shay enarfezny lama a7d yakhith shay min aghrathy o ma yred'hm mukanhm!! ee o lazim yest'athin b3d.. Oo Alah y3enaaa 3alay etha katha elshay bdoon est'ethan o ma raddah wela thaya3ah

atnarfaz lama wa7ed yg3ad yetfalsaf o ygool la tsaween chethy o lazim etsaween chethy o ohwa ma y6abq hal shay 3ala nafsa!!

atnarfaz lama khawaty y6afroony (ya raby a6frrrrr bser3a shasaweee)

atnarfaz lama akon ga3da bel salah watching T.V (mtab3a shay o mendamja) o etye omy alah yhadaha o togaf eb nis elshashah o ma agdar agolaha: "yuma ma ashof" :/

Oo ako ashya'a wayed etnarfezny bs ma yas3 el majal lethekrha ;p

kil 3am wenty bkheer

7osen said...

اكثر شي ينرفز ويضيق الخلق
هو عدم الاهتمام

و اكثر شي يخلي الحياه تتواصل وتكون سعيده بين الشريكين
هو الاهتمام المتبادل
في جميع الاوقات

اما التفاصيل الصغيره
فهي شي طبيعي
مع اختلاف نفسيات الناس

lawyer said...

نيله
اي والله صاااجه

يححر

و الي يحر اكثر ما يبي يرووحون الجمعيه بس يتحلطمون على الجياس
و اذا دش الجمعيه ناجر نص الاغراض بالعربانه يقول ماله داعي !!!!





ليف ان كويت
لا لااااااا

انا الحين بعرف ضروري شنوو الاشياء الي ما تقدر تقولها

lawyer said...

purple

اهلا اهلا نوووووورتو كلكم هذي الساعه المباركه

واااااو اشم ريحه الورد و الطيب
اتهقيييين من ام خماس ؟؟؟



والله وايد وايد تشرفت في وجودكم كلكم بدون استثناء

و حياكم الله

الحين ارجع لتعليقج و بتمخمخ فيه عدل



شوفي بعد اهو على النفسيه

و صاجه مثل ما قلتي من الشخص
يعني كان عندنا مدير
من جنسيه عربيه

شايب مستشار

اذا رن موبايلنا اكثر من مرا يرد عليه!!!

تخيييييييييييييييلي
انتي في العمل
بالمكتب رايحه تصلين المغرب او اي فرض

فججججججججججججججأه
بدوووووووووووووووون
مقدمات شيبه النخره راد على التلفون
هذا مو يقهر

صج ان هذا ماله علاقه بشريك الحياه الي انا اتكلم عنه في البلوج
لكن حبيت اعطيج مثل للشخص



اكثر شي كان ينرفزني قبل
و انا في قمه اندماجي في النت
و اسوووولف

فجأه امي بتسكر بلاك الاستشوار اطفي الكمبوتر
!!!!!!!!!!

لألألألألألألألألأ يما بليييييييز

اموت احسن

لوووووووووووووول

و هم انتي كل عام و انتي بخير
و عسى الله يتقبل منكم صالح الاعمال

:))))))


حسن
خلني اقولك شغله
اليوم بعد ما قريت تعليقك
قعدت اناقش رفيجاتي بكلامك
اكتشفت ان اغلب الرياييل
نفسك
يتضايقون وايد وايد
من ان يدش البيت
و ما يلاقي احد يهتم فيه
او ينشغل عنه

مع ان احنا يالحريم مو منتبهين وايد على هالنقطه

يدش المغرب راد من النادي
و المرا مجابله اليهال ادرس
ما تكلمه
يرد من الدوانيه
اتسطر كشاكيل اليهال
تحط راسها و تنام
هلكانه تعبانه

مو القصد الاهمال لانها مالها خلقه
بسسسسسس لانها هلكت خلصت البطاريه

tweety said...

والله أنا على قولة alather
هالجانب بحياتي مفقود مفقود ياااااااااولدي
لا شريك ولا أحد في حياتي سو ما أقدر أحدد صراحة
بس ما أتوقع أتضايق من العفسة لأني فوضوية بطبعي دايما الترتيب له وقت بس عقب ما أعفس الدنيا
يمكن أنا أوسوس وايد ولازم كل شي نظيف مادري يعني الله لا يقول اتزوج والا احب واحد قلق وييييييييع لوول

ممكن الحنة مااحب احد يحن ويلبح على راسي كللللللللللللللللش
الى حين ظهور روميو المطبة
لكل حادث حديث

صراحة قلبتي المواجع يوم طريتي طلال الرشيد ...الله يرحمه

kuwaite said...

مانقدر نلعب الدور ونافق على انفسنا

لما نتزوج حزتها نفتي



:)

Diver said...

و الله مساكين احنا يا الرياييل

3eShTaw said...

tawne ashof el post o ma3a ena sarlah cham yoom bas magdar ma a3aleq.
wayed shaghlat etnarfez bas some times i choose to ignore it 3ashan la a3awer galbe. akthar shay ey6afernee ena el phone 24 hours 3ala athonah. 6ala3na radena meshena ga3adna hal phone may6ee7 men athonah. oo amoot men el qahar leen sheft el hdoom mag6o6ah 3ala el arth yam salat el ghaseel, ee leeeeeeish, kahee el salaaaaah. a7tar lama eydakhen we7na ga3deen eb ma63am. lol law ba3aded el shaghlat makhales :P
ya36eech el 3afya, post 7elo.