Monday, October 16, 2006

تزيد اللبحه و الاعصاب برمضان؟؟ ليش!!!

تحديث على البوست في اللبحه الرابعه

اللبحه الاولى!!

يوميا اقوم على صراخ الجيران!!
منو الييران !!
اخواني
كل واحد غرفته بجناح
و بما ان اخواني اسم الله عليهم
ابدا ما يعرفون اختراع اسمه لا انتركم او موبايل او اي شي
سمعوا الحوار الي اقوم عليه العصر !!
وبعدين سألووني ليش اتسعر!!
اخوي الكبير: ينادي الصغير باعلى حسه و بصراخ
شــــــــفت جوتيي!! وراي لعب بسرعه !!
اخوي الصغير: مـــــــــادري عنك اش علي من جواتيك اصلا انا ما البس لابجين !!
اخوي الكبير : تي شيرت ايسي ميلاااان عندك !!! دورها بسرعه روح ييبها من دار الاوتي !!
اخوي الصغير : عندي السوده تبيها!!
بصراخ ازيد من اخوي الكبير : لااااااااا مابي السوده ابي
BWIN
اليديده مالتي !!
اخوي الصغير : مادري عنها لا اتعور راسي مالي شغل في لبسك اصلا انت مو قدي
اخوي الكبير : بنطلووووني الاديداس عندك و الا في السله !!! رووح شوفه !!
اخوي الصغير : ما ادري !!
الكبير : عيييييييل ليش صاير اخوي !! ما تعرف شي كلش سو شي مفيد بحياتك!!
و ينادي الخدامه الي في المطبخ الي في الملحق تحت !!!
مــــــــــــــــــــــــــــــــــــــــــــيري !! مــــــــــــــــــــــيري !!
تركض ميري اتي طايره
ميري : نعم نعم !!
الكبير : لا بس خلاص لقيت كل شي !!!
اطلع انا من داري معصبه و بكل هدوء
!!
انت ما تعرف تسوي شغلك بروحك !
يرد علي و اهو مستعيل!!
انا كل شغلي اسوييه بروحي بس بصراخ مو بسكات !!
واي مزعج مزعج مزعج

اللبحه الثانيه

اتابع برنامج عمرو خالد انا و امي باندماج تام
كانت الحلقه امس عن اسم الله المجيب
و كان معنى اسم الله المجيب قمه في الروعه
باختصار الله سبحانه قريب مجيب يسمع الداعي
الله في كتابه ماقال يا مؤمنون ادعوني
لانه يسمع دعاء و يستجيب دعاء جميع خلقه
قل ادعوني استجب لكم
و سبحانه اذا سهل لكم الدعاء اعلموا يقينا في الاجابه
غير ان الله سبحانه يحب اللحوح في الدعاء
و يأجل الاستجابه حتى يرا في الانسان القدره مع دعائه
المهم
و على الانسان ان يدعي ربه و يفصل في الدعاء
و يلح
و قامت امي قالت يالله فاطمه ادعي الحين !
عدلت قعدتي و تنهدت تنهيده طويله و قلت
يا ربي ياااااااسمع الدعوا يا مجيب يا قريب
يالله يا ربي
اخذ الدكتوراه يا رب !!
انا قلت دكتوراه

عينكم ما تشوووف الا النور !!
امي : شنهوووووووووووووووووووو اقولج ادعي تقولين دكتوراه
الرياييل من ماستر منحاشين
هالدوووووور دكتوراه
مينووووووووونه انتي
بتذبحيني
تبين سكري يوصل مليووووووون
لا بارك الله فيج و لا في الساعه الي دشيتي فيها الحقوق !!
و لا في الساعه الي رحتي بتكلمين فيها
انا : يمااا هذي امنيه دعااء دعااء!!
امي : ذلفي عن ويهي قولي ربي ارزقني ريل سنع
تقي نقي صالح مصلح مذكور عندك في الملأا من خير الرجال يكون سكن لي و سكن له و تفصل امي تفصيل في الشرووط و الطلبات!!
انا: اووولا كل هذا في ريلي !!
امي : جابي جابي ما طبت منج انا طلبت من الكريييييييم
روحي قومي ادعي بس ادعي قومي ياعلج الستر
عيل اقولج ادعي
تقولين دكتوراه!!
ناقصه عقد
ناقصه هبال
ناقصه نعره وموجه على الرياييل!!
من زينج تاخذين الدكتوراه
جنج مينونه مجابله الكمبوتر و هالكتب معقده
لاعمري شفتج متحمرا مثل باجي البنات!!
و لا متسنعه
من اول يوم رمضان ملوعه جبدي في التريننج
و هالكبه رابطه شعرج
و ساطره يمي جنج عيوز!!
لا تطلعين لا تروحين
رووووحي ذلفي
هيتي
خيشووفج واحد سنع!!
انا: اقاطع صراخها..والله ما عرفنالكم اذا طلعت قلتي هايته
اذا قعدت قلتي ملوعه جبدي منسدحه 24 ساعه جنج عيوز!!
تدرين شنو احسن حل!
بقدم بعثه على فرنسا اكمل دراستي هناك
لا كشخه و لا كويتين
و لا قيل و لا قال!!!
امي: و باشتطاط قاتل
ياربي رزقتني بنت وحده و بتموتني
هالصبيان يازينهم 24 ساعه كاشخين و متسنعين اتحسين انهم عيالي !
اما هذي عوووووووووووع مادري من طالعه عليه!!!

وااي يا قلبي كل هذا من كلمه دكتوراه!!


ما قلت شي
دكتوراه تسوي جذي
ياربي امنيه امنيه
الواحد ما يتمنى
ههههههههههههههههههه

اللبحه الثالثه

ياربي ليش الرياييل تزيد حنتهم و لبحتهم في رمضان
و كلا هواش و اعصاب!!
دقت علي رفيجتي تاخذ وصفه حلو
واسمه لبحه ريلها و عيالها
يتحلطم على الخدم
على اليهال
على الثلاجه
على الحلو
على الخساير!!
قلت لها بليز دقي وقت ثاني ريلج معصب
روحي شوفي شنو يبي بعدين دقي
تقولي: ماعليج منه هذي حالته طول رمضان بس يلبح
تهد السماعه و تقوله
مو تلبح على قلبي قووووووم افطر قووم
اشحقه صايم انت
عورت قلبي ماني قادره اتحجى بالتلفون!!
تتسلط انت!!
انا قلت الحين ريلها بذبحها!!
خنسكر التلفون ابرك
الو فلانه فلانه امي تبيني!!
صديقتي: و امج 24 ساعه مناشبتني من ادق
!!!
اشفيهم الاوادم اعصاب!!
تحديث على البوست
في اللبحه الرابعه !
بعد هواش امي وزفها لي !!
على سنعي الزايد و عدم كشختي
اليوم الله وكيلكم يا رفيجاتي
لسحت لقمتي من اهني عقب الفطوور
ووطرت وررر على صالون اليرموك
دل دل دل سويت شعري و سويته بااف
و تسنعت
و رحت البيت بسرعه بسرعه الاتوه مأذن العشا
كشخت بذيج الدراعه الي يالله من فضلك
و فجيت التجوري يا عوينتي عليه مغبر ما فجيته من زمان
و طرلع التراجي الروووبي الي على هالكبر
و كشخت و تمكيجت و قعدت بالصاله!
و حصل الاتى:
يا اخوي مستعيل من صلاه العشا
اخوي: ياه ياه بو الفطم وين بتروحين
خوو غبقه بنات ((....)) خلصت الاسبوع الي فات وزوعوا الهدايا
كاشخه حق منو !!
وين بتروحين
انا: ولا مكان ماني طالعه بس بشرب الشاي
يدش داره يغسل و يتسنع و يطلع
اخوي: لا انتي من صج كاشخه جذي عشان تقعدين في البيت !!
انا : اي والله اشفيك

اخوي : لااااااا الله يشاافيج انشاءالله سكنهم مساكنهم !!!

بعد شوي اتيي امي خالصه من الصلاه !!
امي : هوو انتي وين قبيتي عقب الفطور
انا : الصالون !
امي : و بس انتي طلع معاشجج فسفستي في هالفلوس
ماعندنا غير الصالون احنا !!
انا : وبقلبي قصه اشكبرها الحين انتي قايله تسنعي لما تسنعت زفيتيني
يما اشفيييييييييج اصلا ماسحبت من فلوسي ابوي معطيني الفلوس
وبعدين انتي قلتلي تسنعي
امي: انا قلت تسنعي مو طلعي التجوري! وين مفتاح التجوري قفلتيه
اشماله مطلعه هالتراجي!! بتروحين عرس
و الا بس عشان توريهم الخدم !! يزووق قلبهم

وليييييييييييييييييييييييين ما سوا علي
يازيني و انا مخلقنه

دش ابوي :
يه يه يه يه اشهزييين
تو ما حلت الدراعات
توو ما حلت هالصاله بنورج

يا بعد عمري يا بوووووووي محد جابر بخاطري غيرك
و لا احد رافع معنوايتي غيرك

ابوي: يا بووج لاحد يشوووف هالزين ينظلوونج!!

انادي انا بالصاله و اقول
ربعي الينانوه
ربعي الكتبه الملائكه
قريني
لا تشوفون تنظلوني

يبا من درا عن هوا داري
و شافني
هاهههاهاهاهاهاهااه

يدش اخوووووووووي الصغير ويكملها
اخوي: بسم الله الرحمن الرحيم
ليش مهووله في روحج جذي!!
انا: مهووووووووووووووووووووووووووووووووله
ياعلك شقووووووووووووووول
ليش مهووله

اخوي:مدري كاشخه حدج
و متمكيجه و لابسه اكسسوارات
انا بألعلى حسي: الماصاااااات الماصااااااااااااات
اخوي: اي و بعد كاشخه بالماصات حق ليش.. ؟ حق شنو؟؟
انا : امي زافتني تقولي تسنعي!!

اخوي: ماعليييييييج منها زين
يا شين السرج على البقر
يبى انتي موووووووو مال كشخه خلاص
تعودنا عليج
اذا كشختي يعني في شي غلط!!
اشك فيييييييييييييييييج !!!

وبعد ما شفتووووووووووو و سمعتو
انا بقولكم لا تعليييييييييييييييييييييق

ببجي من تدقرهم ببجي


27 comments:

Fuzzy said...

اي والله برمضان كل من متوتر وعلى اعصابه هاهاها
والله يعافي ميري وربعها

مساع داق على اخوي يسألني ما شفت دشاديشي !! قلتله انا شعلي من دشاديشك يقولي يمكن خالطتهم ميري جيك بالكتب خياطي غير خياطك

Cr8ivia said...

LOL 3indina o 3indekum khair!
bas walla intaw ahwaan! esrakhhum barraaaa mo 3ala rasich ib darech wentay malich sheghil bil mawtho3!

amma lab7at ilreyayel 3ad hathe itnarfez ashwa ibbaitna ma77ad yelba7!

LOOOOOL ya7leelha ummich allah ey6awel ib 3omorha 3ajeeba walla .. ana aslan ma atejara'a agool 7ag ummi bakammil wella basafer ba3ad illa itha nawya 3ala 3umre!

جنة الحواس said...

1
واااي الله يعينج ... أكره هالشعور
أنا نومي خفيف ... لو أحد يقط كلمة وحدة يم داري تطير النوومة ...بعد صراخ ! والله تييهم زأرة معتبرة ... وحدة بوحدة .. بس المشكلة اذا اللي قاعد يتكلم عند باب داري أبوي ... هني ما أقدر أقول شي !

::

2

غشيتيني من الضحك .... الوالدة فيها من تقفل أمي ... بس تصدقين ساعات ما ألومهم ... ودهم يفرحون فينا ..حرام ... لكن الدكتوراة ما لها ذنب ...

لا تدعين جدامها
;P

::

3

أنا أكره شي يبط جبدي بالرياييل برمضان اهو العسارة و التأففف على الأكل !ا

كل شي نسويه بالبيت ما يعجبهم و اللي عند الناس يا زينه و يا حلاته !ا

the tooth.fairy said...

lol lol loool

Tha7ekatni salfat il dektourah :P

Aaakh ya galbi bss aaakh :P Shoufai, il ommahat lazem ey3arfoun enna etha allah kateb oo fi ne9eeb ra7 eyee .. Ma3a qaleel mn il tele7le7 mn il bent :P 3arafti eshloun

Hosno said...

هاهاها
على طاري اخوانج ذكرتيني بسكن الطلبه
كانت سمردحه الكل يدش ويطلع وصراخ والى يلعب كره بالممر علشان لا يطلعون بالثلج
انا اخلي الباب مال الشقه مبطل ادش الغرفه اسمع صوت بالممر اطلع اشوف واحد افريقي واقف يقولي ما في ملح ؟
قلتله بعد انت دشيت كمل طريجك حبيبي
اخذ الى تبي !!
لا يعرفني ولا اعرفه
هاهاها

وايه يبا شلج بالدكتوراه ترا الرياييل يخافون من المتعلمه ان تتحكم فيهم وتسوي سوالف هذا النظام بالكويت
بس اذا ببالج تكملين بالتوفيج

وعسا ما ييج الريل من النوع الى برمضان يحن ويصرخ
موفقه انشالله اختي
وكل عام وانتم بخير مقدما

بنت الشاميه said...

تري كل هذي البحه في رمضان تالي عندي وشوفي شيسوي ابونا اكثر من ريل صديقتك يقول هذا اسود نقولله نعم اسود انا وعيالي وياويلهالي يقول غير هذا تري عادي عادي
ام سالفة امك الله يكون في عونها هذا احساس طبيعي من حبها حقك حسبالهاانالزواج هو النهاية السعيده للبنات انشالله يحقق امنيتها وامنيتك بنفس الوت

cosimfree911 said...

loooooooool walaa sowalfech 3ajeybaa :P
walaah ellab7aa wel7anaa htathee ana fagedhaa baytnaa wayed hadee makoo a7ad anaa wel waldaa bs bel bait makoo 7es kelsh nan6er yoom alarbey3aa 3ashaan alkel eyee oo yetyama3oon 3endenaa

ya7lelhaa alwaldaa walaah enty emyanenat'haa hal maskeynaa alaah ey3enhaa 3alich :P

نون النساء said...

عيل شتقولين عن باصات المدرسة اللي تحت دريشتج ولا بنفس فريجكم
ومن صباح الله خير
طااااااااااااااط
طاط طاط طااااااااااااااط
طاطاطاطاطاطاطاطاطاطاااااااااااااااااط

مرة قعدت الصبح وعيني مغورقة دموع
حسبي الله علييييييكم ابي أناااااام
ههههههههههههههههه

من ناحية الإزعاج بالبيت ماكو إزعاج
لان ماعندي غير اخو واحد

.
.
.

واااي غشيييييت من الضحك على سالفة الدكتوراه
أبيييييييييه جنه كل الأمهات نفس الشي
امس قاعده اقول حق امي يما عقب اذان لعشا بنروح نزور رفيجتي أولدت بالمستشفى
جان تقوللي مو هاذي اللي اتزوجت ذاك اليوم
قلتلها ايي ايي اهياا اللي حضرتج طنقرتي وماخليتيني اروح عرسها
جان تضحك وتقوولي كيفي جلللبة
رفيجاتج صارو امهات وانتي قاعده عله على قلبي

هههههههههههههههههههههههههههههههههههه

واااااااي ماعندهم إلا هالطاري
انزين شنسوي ماكو إلا زوير وعوير
لو في سنع جان تزوجناه

.
.

عادي
لا تشوفين امي بنهار ارمضان
حريجه
وخصوصا اذا كان الأمر يتعلق بمواعينها
ولا بالطباخ




وبعدين انا عندي مشكلة
اليوم وياااله شفت الأبديت مال بلوغج
أبيييه وقاعده اقول لوير من متى نزلت كل هالمواضيع كل يوم اسوي ريفرش وما طلعو لي

:""""""""""""(

7osen said...

احلى شي بالبيت الصراخ واللويه وهذي
الاشياء
حتى لو ازعاج عااادي احلى تحس ان في حياه

لكن اذا كان بس هدؤ يضيق الخلق

امج عندها حق احد يخلي الريايل ويدعي حق الدكتوراه ؟

الله يرزقج بالريل الصالح اللى يخليج
تاخذين الدكتوراه
ادعي ترى الدعوه هالايام مستجابه انشاالله

esTeKaNa said...

1
!!عندي وعندج خير
بس انا صايرة مثل اخواني عادي وانا منسدحه بداري اسولف ويا اللي بالممر ومع أمي بدارها
:)



2
ولا لالالالاللالااااااااااااااااااا
هذا صوت ربابه
باك راوند حق الحجي اللي انتي قلتيه
اشفيهم بنات الحقوق يا حافظ؟
شنو هالحجي اللي يغث اللي نسمعه كل يوم؟بكتب لج بوست كامل عن اخر مستجدات الوضع عندي
:))
ادعي
وقولي كل شي بخاطرج
هذا رب العالمين،الرحمن الرحيم،ادرا بقلوبنا وبكل شي بنفوسنا
ويا قلبي قلبها امج،يبيلها تسوي حزب ويا امي ويدتي
:))



3
!!كلمة ولو جبر خاطر
يعني يا هالحنانين يقولون شي يجبر الخاطر،يا يسكتون ويريحون ملائكتهم احسن
ترا الاكل يشغل الحلج ويسكت مرات
:)

PearL said...

لووول

تصدقين
برمضان الكل يستخف

بالشارع شوفي السيايير
ابطأ واحد فيهم شاخط 140

كل شي صراخ بصراخ

اله يعينج
بس موتيني على سالفة امج

حبيتها :)الله يخليها لج

kuwaite said...

الدعاء بقلب صافي

وإيمان طاهر

بعيدا عن التصنع الايماني والمنافقه الاسلاميه

شئ جميل :)

The Simper said...

شرايج أنا أحاسبج على شنو تبين تدعين بعد؟
;);)

Fuzzy said...

اهم شي الشعر باف هاهاها طلعي تمشي بالحوش عشان يسيح من الرطوبه ههاها

lawyer said...

فزي

ايييييييي والله وين دشاديشه !!
هاهاهاهاها شفت شفت اشلون انتو اتكاليييين يا ربي

من غيرنا تضيعوون
لووووووووول





كرائيفيا
وااااااااااااي
لو يدشوون
داري جان اعدام على طوووووووووول

اشناويه علي

اقولج سالفه
مرا في السفر انا و اخواني في دار وامي وابوي في دار
من كثر ما ازعجوني
و عصبت
بجيت و شلت كفري
برووح انام في اللوبي
لو ما امي اطلعتلي في ثوب الصلاه اسحبتني
جان انا مصوريني البابارازي الحين






بروك

اييييييييي الابهات من صباح الله خير
!!!!!!!!

يعني ياربي فرحتي غير فرحتهم
حتى انا بفرح في الشهاده
شي ممتع لاثبات ذاتي ووجودي

ايييييييييي يا كرهم ااذا الرياييل فشلوج و زاقوو على لقيمات بيت يرانكم
جنج الحين ما تسوين شي زين

!!




بترفلاي
اشلووووووووووووووووووووووون هذي مع قليل من التلحلح
هذي عطيني كبتبي فيهااااا بوست
مو تقولينها جذي
انا ما افهم
درسيني علميني
و انا اطبق

بليييييييييييز




هوسنو
لووووووووووول
موتني من الضحك
انت داش داش
اخذ شغلك و اطلع
لووووووووووول

ياربي شسوي ابي هالشهاده بموت عليها

lawyer said...

برنسس

اي شفتي امي
و عسى قريتي التحديث الرابع الي كتبته اليوم

!

كشخت لها
زفتني!!


امووووووت شسوي بعمري




كيتي
لووووووووول

خدامتنا ميري بعد شسميها
صبيحه!!

امي بتمووووووووت

مني
بذبحها انا اخر عمرها
بسسسسسسسسس والله والله محد كثري يداري

لكن والله يا كيتي
ما يعجبها شي
و اذا قلت لها ليش انتي تزفيني
تقولي عشان تتعلمين للزمن!!

اقوووووووووووووووووووووولها
يماااااااااااااا خلص الزمن و ما استفدت من نصايحج شي

كلها سنه سنتين و بوووووودع و لا استفدت
خليني على خمالي ابرك

lawyer said...

بنت الشاميه

وااااااااي الله يعينج
و يسخره لج

شسوي بعد الفاضي يعمل قااضي!!

اميييييييييين
يارب
تسلمين



كوزي
شوووووووووف
تموت ضحك علي ابلااش ما ابي !!

فج الدار الي يمك
عشان بحذف عليك هدووم اخواني
ينامون و يعيشون عندكم
مو تبووووون حس في بيتكم!؟؟

مو تبووووووون صيحه

اسلفك اخواني بدون خلو بعد

هاهاهاهاهاهاهاه


اي كوزي من كلامك و كلام امي
شووووووف شنو سويت اليوم في اللبحه الرابعه الي كاتبتها لكم
و هممممممم ما عبجها
شسوي يعني اشششششششششق هدومي




نون النساء
طاااااااااط طااااااط هرنات باصات
اشفايده نعل الزنوبه عيل

حطي كود نعل
و كل ما طق
صفقييييييه بنعال




وتدري شنو الي يحر في الامهات!!
كل رفيجاتنا و عزايمهم و اعياد ميلادهم
ما يخلونا نروووووح
عيب
غلط
ما يصر
مو سنعه
منو امهما
وين بتيهم
هذولا مو خوش نااااااس
هذولا فري

كل الناس مشت بناتهم
الا امي ام المبادئ و القيم
لووووووووووووووووووول

و على طاري المواعين
فششششششلتني ويا ريما
كل يوم تلبح على البايركس
ماجنه بدينارين!!




حوسن
انساء الله انشاء الله بدعي والله بدعي
يزاك الله خير

و انت ادعيلي بعد



وايت روز
حياج نورتي

لاااااااااااا
من قال شسوي الطمووووووح
ما يبون طموحنا
اللحين بذمتج لمت كنا في الثانويه
يلبحون علينا
درسي درسي
ييبي مجموع
دشي الجامعه
دشينا الجامعه
زفونا
يبا من غرس فيني حب العلم انتو؟؟


ربيتونا على هالشي

بس ما عليج ابوي انشاء الله بروح لندن بكمل دكتوراه بشيل شلايلي و برووح
خليها تتزوج اهي اذا تبي شوس
لوووووووووول

lawyer said...

استكانه
لووووووووووووووووول

اي بليز كتبي بوست كتبي

بموووووووووووووت
ابي احد حاس فيني
ما قلتلج سالفه المرا الي دقت اخطبتني
جان تدق من باجر تقوول الولد استخار قال ما يبي محاميه !!!!

لسانهم طوييييييل

لوووووووووووووووووول
انا لو بتخصص على مشتهى الريياييل جان رحت اقتصاد منزلي!!!!!




بيرل
ايييييي اشوه انا الله راحم حالي برمضان ما طلعت
معتكفه
ماخذه اجازه
عبالج اتعبد يالله من فضلك
كلا نايمه!!

اييييييييي سالفه امي خطيره خطيره
اليوم زين ما طقتني لووووووول




سمبر
لوووووووووووووووووووووووول

ياكرهك سمبر
حراااااااااام عليك
وااااااااااااااااي
واااااااااااااااااااي
تموتون على الفلوووووس
كل شي بحسابه




فزي
لوووووووووووول
ليش اطلع الحوش
انا من حطيت اللفه
فشششششششش

lawyer said...

kitty

لوووووووووووووووووووووول

استاحشووووووووو
لووووووووووووووووووووول

واي مت ضحك على استاحشووووووو

صااااااااجه
يبتيها ييب


برنسس
والله اتشرف في معرفتج
بس انا مارحت الغبقه الي خبرج
رفيجاتي راحو بس انا ما اعرفهم

lawyer said...

المستبصر

تسعدني زيارتك

حياك الله

برنسس
:)
مشكووووووووره حياتي

lawyer said...

كيتي

تذكرت المثل الي يقوول

من كشخته الناس زفته
لوووووووووووووول

albandry said...

واي فطيم كسرتي خاطري بلجة اخوانج
ترى لمن انشالله اتزوجين وتروحين بيت ريلج
نفس اللبحة ما راح اتتغير
وين ورقتي العقد
هاو من وينلي ورقة العقد ماشفتها
لا انتي مو راعية البيت اتطلعينها اتطلعينها
يييه انا شكو

ونقلب البيت فوق تحت وبعدين يتذكر حسين الوصايف انها بالمكتب
حتى عفوا ماتنقال

وييي عادي
تعودنا

بس انتي ليلحين ما تعودتي على امج شكو داعية جدامها بس قلب فظيخ

وهذا كل الامهات موبشي غريب
لازم يلقونلهم شي يعفسونج عليه وان سويتيه اخترعو وسوولج لوية ولجة
يا حلو الابهات يبردون القلب ويتحلون عليج على طول لو انتي شيفة والمشكلة الام تحتر اذا سوا جذي
لووووووووول
والشباب دايم التدقر بالبيت عرفي انه حق مرته يادهينة لا تنكتين


مايعجبهمش العجب ولا الصيام برجب

العين الساهرة said...

وعليا كسرتى خاطرى، وين ما تطقينها عوية، بس ما عليش إنتى خليج مع أبوج ووسعى صدرج، ترى البيت اللى في صيحة أحسن من البيت الهادى إتحسين فيه حياة، وناسة، إنتو مال يسوون عنكم مسلسل حق رمضان أونس من الهبال اللى يحطونة، ويا ربى يوفقج وتاخذين الدكتوراه آمين إنشاء الله

lawyer said...

myth
اهلا اهلا حياج الله
شكرا على الكومنت

هاهاهاهاها مويتين ضحك
اشمهنتج محاميه
يا عوينتي خبرج انا في البيت بنت

انا بنتهم مو محاميه
لوووووووووول

انا محاميه في المحاكم
بعد ما يصير داشه بروبي البيت
و مشتطله على اميمتي
ههههههههههههههه


مشكووووووووووووووره




البندري
لألألألألألألألألألألألألألألألألألألأ

لا تقوليييييييييييييين
يعفسج و يرووح

ما تبجين؟؟

يمكن خلاص تتعودين صح؟؟
مثل ما انا صار عندي مناعه

اما امي مسكتها ووريتها الكومنت
قلت لها شووووووفي شنو الناس تقولج لا ادقريني

قالت انا ابي اعلمج للزمن
!
قلت يماااااا خلص الزمن و ما اتسفدت من شي علمتني
و على طاري اخواااااااااااني


من صجج
ليش تروحين بعيد
تعالي على الفطور شوفي اخوي الكبير
ينزززززززل
في ماعوون السمبوسه و ذبحنا يمدح في سمبوووووووسه مرته
مرتي و سنع مرتي و سمبوستنا
و ذوقو سمبوستنا

قلت لها اقول اخوي ما اذيتنا في سمبوستك
شارينها جاهزه مثلجه
و طباخنا قاليها تحت
و الخدامه موديتها فوق!!


على شنووووووو خابنا

اكو احد يمدح سمبوووووووووسه

انا اسوي برياني
و مرق مسالا ربيااااااان

و اصناف الباستا
الكلمه الوحيده الي اسمها
فطيييييييم بليز سويلي حق الدوانيه


يعني يا اخوي اعجبتكك؟؟
اي زينه!!


و اشحححححححقه ما تمدح

يرد علي انتي ناقصج مديح
اذا مدحتج ما ينقصج و لا يزيدج
انتي تعرفين تطبخين
اقوووووووووووووول
البندري
عقب رمضان
انا وانتي يبلنا سفرررررررره

انغسل جبدنا
وانخلي القرعه ترعى
هاهاهاهاهاهاهاهاهاه

lawyer said...

العين الساهره

يا حلوج و يا حلو كلامج
يبرد على القلب

اميييييين يارب
يزاج الله خير على هالدعووه الطيبه

مشكوووووووووووووووره

The Simper said...

just wana say hi ;)

o ba3dain at my blog.. tara e6waala el replys 3ala el commentators :P ana awal shay khaleeni a7i6 new post ba3dain arid 3ala el comments :P

The Simper said...

and also, nice new banner design ;)