Sunday, October 22, 2006

عيدكم مبارك

ياني مسج شفته
من رقم غريب
فلان الفلاني خطب فلانه الفلاني

الرقم غريب
و الناس ما اعرفهم
يا شين مسجات خطب حق ناس ما اعرفها
شكو يدزون مدري
بعد شوي و الا ولد خالي

الووووو فطوم
شفتي المسج
هوو منو
سعود
شلونك
اي شفته بس ما عرفتهم و لا عرفت الرقم
اي مرتي قرتلي المسج
قلت دزيها حق فطيم
اي يا حليلها مرتك
سلم عليها
هذا رقمها خوش عيل بسويله سيف

اي بس ما اعرف منو هذا
يرد علي ولد خالي
فطييييييييييم
هذا احمدووووو
صديق الطفوله
انا : هووووووو احمدو ولد الفلاني

لألألألأ فطيم امه بنت الفلاني

و احنا لما كنا اناديه على بيت يده
صصصصصصصصصج
والله مدري معلومه يديده

المهم سكرت التلفون من ولد خالي
وسرحت
ياحليلك يا احمدوووووووو
والله و تزوجت
لوووووووووول

احمدو هذا صديقي الصدوق ايام الطفوله
تعرفت عليه و انا في الروضه او الابتدائي
و بما اني كنت بريئه و صبيك اكثر من الازم
ربعي كلا شباب

احمدووووووو ذرب
سنع
كلا كاشخ
و موديله كلا شورتات
و تي شيريت
و انا وقتها
لما كان يزورنا احمد
كلا خلاجين

دراعات ان ان و اتش اتش و حلاوه
الطباعه
الحمرااااااااا
و الصفرااااااااا

دراعات مصر
مقصمله
و تراجي ذهب
و شحاطات بيبلوس
و الدراعه فيها شقه من الصوبين
و كلا واصلين لين الركب من الركض


كنت مأساه في شويخ
و ربعي
احمدو زقرتي
من نفسه ما ينطر امه تطقه عشان يبلس مثلي

و سالم اجناعي كشخه
و امه انجليزيه
بسسسسسسس لا تسألوني اشلون طبقنا


كنت كل يوم القوايل اخليهم يطلعون الظهر
نلعب
عندنا
او في السكه
نخطر سور المدرسه و نلعب في الاقوال
و نخرب التراب عليهم

كنت دايما اشقح الاسوار
و كلا متعلقه في السور

و اروح العب في الحديقه و الدوارف حديد تحرقنا
بسسسسسسس كان ما يهمني

مرا من المرات ما انساها
كنت اسوي وقوف الايد على السور
و احمدو
كان يخاف
ما يركب معاي
احمد بس يشقح
اما وقوف على ايد مستحيل

و سالم لألألألأ
كان عالم اخر

انا: سالم تعاااااااال سو مثلي
سالم: ما ابي ليش اسوي جذي ؟؟ شنو بستفيد
؟؟

و كان تخروعتي شي اسمه اذان العصر
من يقول الله اكبر
اصرخ
ابييييييييه ابييييييييه
الحين امي اتيي
بروح اغسل و ابدل
و اذا امي جكتني
في الحديقه و انا بخلقونتي
او مو لابسه عدل
تصفط السياره
و تنزل
و تسحبني
و تقطعني طق
يا الهيليقه
يا ام كشه
و طق
فكنت اخاف
ارد البيت ابدل
و امشط كشتي
و كان شعري
ماساتي لانه طويل وايد


المهم
العصر كل يوم نروح ناكل كورن فليكس في بيت سالم
و نشوف باباي

بيت سالم
مو مثل بيوتنا
مرتب وايد
كله لوحات
و ستايل انجليزي
و امه انجليزيه
بس ما اعرف اكلمها
مو طيبه
ما تحبني

و كلا كنت اقول
سالم سالم
بيتكم جنه مسلسل فل هاوس

يسكتني احمدو
و يعظ على شفايفه
يعني عيب

و كانت عندهم وحده
اموت خوف منها
هم انجليزيه
من ادخل
اسلم عليها
و ابوسها
وبعدين اقعد
و احمدو وياي في كل مكان

مرا من المرات
سألت سالم

انا: سالم هذي منو خالتك؟؟
سالم:لألألألأ هذي الناني
انا: اي ادري ناني بس شنو اتصيرلك؟؟
سالم يفج عينه
احمدوووووو بعد عمري مبتلش فيني
يساسرني
ناني يعني خدامتهم
اصرخ من قمه راسي
خدامتكم
ويع
ويع
ويع
و امسح ايدي في بلوزه احمود
و اتفل
تف تفتفتف تف تفتف
توني بستها
مدري انها خدامه
يعصب سالم
لألألألأ مو خدامه ناني

!!!!!!!!!!!
راحت الايام و يت الايام
و انا و احمدو ويا بعض
كنت غير عن باجي البنات
ماعندي اهتمام في المكياج و الكعب
و لا عندي هالسوالف


بنات الجيران
كانوا غير
حب و غراميات

و اشرطه
ومن هالسوالف
و كانو يكتبون رسايل الحب

مممم
هالكلام لما كنت في رابعه ابتدائي

تناديني
شيخه
و تقولي وصلي
رساله الحب
حق
جاسم
بس مو تشوفينها
و اتحلفني

و كنت احلف
والله العظيييييييم
ورب الكعبه
ما اشوف
و انا بداخلي اقوول والط
مدري منو معلمني

اني اقول واللط
!!

كنت انخش و اقرا الرساله

سخيفه
مافيها الا
اكتب لك بالرصاص لتدوم محبتنا باخلاص

اكتب لك بالمقلوب لتدوم محبتنا بالقلوب!!


و اوديها
حق جاسم
و انطر جاسم يرد عليها
و اقرا رد جاسم
و اوديه
و اروح اقول حق احمدو كل شي


احمدوووووو قول و رب الكعبه و راس امي و ابوي وعساني اموت اليله اني ما اقول حق احد!!


يحلف احمدو
و اقوله السالفه
و يسألني احمدو
ليش شيخه يتها العاده؟؟؟


شنو يعني العاده
بلغت؟؟
شنو يعني
و يفهمني احمدو شنو اللبلوغ!!

و لا عمري حسيت احمدو ان ولد
و انا بنت
حياتنا طق مطاقق
معافر
جراقيات
اتاري
و كمبيوتر
صخر
اشرطه سباحه
و الاميره
و انتبادل!!


كل اهتماماتي
حبال
و كنت كلا ابوق نعال ابوي التميمه
اسوي منها نباطه حق ربعي

و كنت احبل
والله ما تصدقوني اذا قلت لكم
انا اصيد الزهيويه


المهم


و انا على هالحال ويا احمدو لي الغزو
رجعت في التحرير
الكويت
احمدو مو في الكويت
كل يوم اطق بابهم اسأل عنه

لين وصل احمدو الكويت
متغير علي
ما يعطيني
ويه
بلغ
كبر
شواربه خطت
طاال وايد
سلم علي
بس سالم جدا بارد
نظراته تغيرت
في الجمعيه
كان اهو واقف وراي
سلمت عليه
احمدو ليش ما اتزورنا
يرد علي احمدو
لألألأ بس خلاص
كبرنا
انتي اخت رفيجي ما يصير !!!

مازلت اشوف احمدو في جمعيه شويخ
او عند الحلاق
او عند الصمون
و نتبادل
نظرات باسمه
كل واحد في قلبه يقول هل فلان ذاكرني
بس بسرعه اصد

اما سالم
راح درس في امريكا
و كنت اشوفه كل سنه في مونترو
و هالسنه شفته في مونترو معاه زوجته
وبنتين
يشوقون

الله يوفقهم
و يسعدهم

مسج الهمني لكتابه هذا البوست



عيدكم مبارك
و عساكم من عواده

27 comments:

kuwaite said...

خلص رمضان

:)


كل عام والمنافقين بخير وعساهم من عواده يارب

العين الساهرة said...

يا هلا بيارتنا، غريبة ما سمعت عنج وعن مغامراتج

عيدج مبارك وعساج من عوادة

esTeKaNa said...

hehehehehehehe:))
واي فطومه غشيت من الضحك يوم قريت عن دراريع اش اش ملوت مصر
حتى انتي واصلتكم؟
تعرفين الدراعه اللي فيها رمسه بنت مطبوعه ولها عجايف طالعه كانت قمة الفنااتق والكشخه
:P~
واي أحس كانو يحبونج لانج عفويه
شي غريب بعالمهم الجامد
وما زلتي جذي مع تغيرات الي يفرضها العمر....على فكرة تلقينهم اهم نفسهم اذا شافوج قالو يا حلو فطومه مشالله،ما جنها هذي البنت اللي تحوس بالقوايل قبل
:)
واللط....كانت وما زالت مشهورة،مادري منو معلمنا هالحركات

Warda said...

عيدج مبارك :)

albandry said...

وااااااااااييييي
فطوم
خف طينة
تراكضين بدراعتج
امبييييه
كلنا مرت علينا اتش اتش
والله ربحو من ورانا

يازينج فطوم
ياربي يكتبلج اللي يستاهلج

lawyer said...

برنس


اي والله شفتي الدنيا بسرعه تدوور


حبيبه قلبي ايامج سعيده




مولان

مشكوووووره عمري
ايامج سعيده




العين الساهره
مدري مدري
ليشششششش ما عزمتوني
تعرفتو علي

احوووووووس في هالقوايل



ايامج سعيده




استكانه
واااااااااااي
عجايف صووف سوده و تراجي
الهلال

الدراعه صفرااااااااا

البسها اول لبسه حق غدا العيد
عشان احر فيها بنات خالي و خالتي



وردا
ايامج سعيده

اشلون عيدكم؟؟




كيتي

حبيبه قلبي ايامج سعيده
اييييييي على طاري التراجي
سشوي ما اقدر البس تراجي الي يصكون ام برقي تلتهب اذووني
فالبس تراجي مدلدله

يدتي تناديني
يالزبيريه على هالتراجي
لوووووووول




البندري

عيدج مبارك
اقووووووووول البندري
ترا انا لي الحين اموت على اتش اتش
على الرغم من انه فيه وايد
محلات بس احبه

7osen said...

ذكريات واايد حلوه

مت من الضحك على والط
قديييييييييييمه


عيدج مبارك
وعساج من عواده

The Simper said...

طال عمرج
كل عام وانتي بخير
وعساكم من العايدين والفايزين انتي والاهل والجميع انشالة ومن ذكرج بالخير بالبلوج وغيرة

NewMe said...

يااااااااااه كم تتغير الاشياء الجميلة عندما نكبر
كل شي يختلف فقط لانناتعدينا مرحلة عمرية معينه
لحووووول مو غرائز هذي! اللي خايفين منها
ما يدرون ان اللي يربون سوى يصورون مثل لاخوان؟
بوستج دخل قلبي وانا قاعده اذكر ايام زمان
وين البراءة اللحين؟
دومي بحب عزيزتي
تحياتي

سالفة قلب said...

كل عام وانتي بخير

وعساج من العايدين الفايزين


لاتقاطعين

Mohammad Al-Yousifi said...

عيدك مبارك وعساك من العايدين الفايزين وشكرا على العيديه

Mamloo7a Q8ia said...

عساج من العايدين الفايزين يا رب
عجيبه ذكريات الطفوله واحلى شي الناني شتصير لهم هاهاها حللللوه

وكل عيد وانتي بألف خير

lawyer said...

حسن
اشوووووووووه مو بس انا اعرف ولط
خفت اصلا محد يفهما

يامك سعيده يا ربي




سمبر

يزااااااااك الله خير
عسى عمرك طويل اجمعييييييين
و يخليلك اهلك و كل احبابك
و يعوده عليك بصحه و عافيه



newme
ايييييي واله صاااااااجه
وايد ناس ما تفهم او تتفهم شعورنا و احساسنا
ماكو براااااااءه

يهال هالوقت براعه




سالفه قلب
مالي غنات عنج
اكييييييييد

و انتي بصحه و سلامه



مطقوق
ايامك سعيده
الله يسلم قلبك مشكووووور




مملوووووووحه

اي سسسسسسسكتي لا تفشليني

شسوي ما اقايش هالجناعات
كششششششششخه
كشششششششششخه

و انا بدرااااعه و خلاقين





اروى
حبيبه قلبي
شخبارج
و انتي بصحه و سلامه
يا رب

Fuzzy said...

اهم شي انج شاقحه سور مدرستنا هاهاها

الســـاحر said...

كل سنه وانتى طيبه ومنوره دايما
وانا قريت معظم مواضيعك
ومعجب بطريقتك فى الكتابه
وياريت تشرفينى بالزياره

Nescafé said...

ياحلاااات هالذكريات والله
وانا اقرا البوست قاعده ابتسم .. يعني الناس كلها تذكر طفولتها جذي وبتفاصيلها شي حلو والله ويخليج تبتسمين كل مره لما تتذكرينه

:)

وترى سالفة واللط عندنا بعد
يااكثر ما كنت اقوولهااا :"))

تقبل الله طاعتج.. وعيدج مبارك

Hosno said...

كل عام وانتم بخير وعيدكم مبارك
الله يعيده على الجميع انشالله بالخير

بالديسار said...

اشوة مو بس احنا كنا نقول واللط

كل عام وانتي بخير

PearL said...

لووووووووووول

بدعتي
امبيه ما تخيلتج جذي كلش

طلعوا الصبيان اهدا منج وفيهم ذرابة اكثر

كلش ولا ركضتج عالبيت على اذان العصر

:):)

الاء سعود المجيبل said...

عيدكم مبارك وعساكم من العايدين والفايزين....:)

White Wings said...

يا حلو ذكريات الطفولة
بس ترى كلنا هلاقة في اللبس، خبرج الثمانينات كانت أسوأ مرحلة للفاشن على الاطلاق، ويا تراجينا السوبر لارج وربطات الشعر خمسة متر والتنورة حمرا والبلوزة خضرا...جريمة في حق الذوق العام
:)
اذا أحمد تغير، فذكرياك ملكك لا يملك أحد تغييرها
كل الود وكل عام وأنت بخير

cosimfree911 said...

3eedech embaark oo ayaamech sa3eeaadaa

walaa salfeetch hathee etwans nafs salfeetch weyaa omch ;) bs laa 6al3ty moo haynaa wenty e93'ayraa :P yen5aaf mench walaa LOL

Kwaitiyya said...

عييييدج مبارك لوير
وتقبل الله طاعتج وعساكم من العايدين والفايزين بالجنه ياربي

ذكريات جميله بما انج مع الصبيان فا حد الوناسة
أونس من طفوله البنات واللعب بالباربيات اللي مادري شالوناسه فيها
الله يدوم الوناسه والفرحة بقلبج
وأحمد لازال يذكر
والذكريات هذه لا يمكن تنسي
حتى لو صد .. اهوا ذاكر مثل ما انتي ذاكره

تحياتي

ReLaaaX said...

قلت لج اياها من قبل .. احب عفويتج :)



حدددي استمتعت بذكرياتج




الحمدلله اني كنت بنوته دعله .. بس اعرف ناس لأن اللي وياهم صبيان او قبلهم صبيان فيكونون صبيك .. لووول



والدراعه لازم تنشق طبعاً من اللعب



^_^ ذكريات

tweety said...

كل عام وانتي بخير
وعيدج مبارك
اي والله ذكريات
بس نسيتي :
أدعو لك بالنجاح وانت تأكلين التفاح
أدعو لك بالفوز وانت تأكلين الموز

لووووول
من وين مطلعينهم مادري !!!!

lawyer said...

fuzzy
متعوده دايماااااااا


الساحر
هذي الساعه المباركه الي تقرالي

انشاء الله :)




نسكافيه
ايامج سعيده دايما

ايييييييييي شفتي
لووووووول

اكتشفت الكل يعرفها



هوسنو
و انت بصحه و سلامه

اميييييين يا رب




بالديسار
منووووور حياك الله


عيدك مبارك
اييييييي والله مو بس انت :)))))



بيرل
عاد انت الحين عرفتي
ستري على ماوايهتي
لووووووووول

ايييي والله اموت خوف




كويتيه
امييييييين يا رب
اجمعين

lawyer said...

وايت

مت ضحك على جريمه في حق الذوق العام
تذكرين الحزم السير العريض؟؟
لوووووووووول
و انتي بصحه و سلامه يارب




كوزي
اهلا اهلا منووووور

ايامك سعيده

حدي مو هينه
اخررررررررع

ماشفت شي




ميسي
منوووووووووور

حي الله من يانه
هذي الساعه المباركه
و انت بصحه وسلامه



كويتيه
هلا عمري
ايامج سعيده
و مشكوووووره

من ناحيه حد الوناسه اي
بس هم حد التشووه
ركبي خلهااا شقوق واثاار خياط!!
و زلق
لوووووول

كلامج يثلج الصدر



ريلاكس
اهلااااااااااا
اهلا

يا بختج
على الاكل الي يذكرج يذكر انج بنت
و انثى

مو اناااااااا
لوووووووول
يذكر صبي وياااااااه
انا سعدج لمتعتج




توتي

:
أدعو لك بالنجاح وانت تأكلين التفاح
أدعو لك بالفوز وانت تأكلين الموز
؟؟؟؟؟؟؟؟؟؟؟؟؟؟؟

من اي مذكره مطلعتهم
اكيد يمهم قلوب حب
لووووووووووول

وانتي بالف صحه وسلامه


q8geek.com
قووووووووووول ماشاء الله
لوووووووووووووول
هاهاهاهااهاهاههاهااه

و انت بصحه و سلامه :))))))))