Tuesday, March 06, 2007

فجوا التكييف .... حر بنام !!!


يالله صباح خير
اصبحنا و اصبح الملك لله ...
في البدايه خلوني اشكر اختي الحبيبه ريما
ليش بشكرها
لانها قامت توفر علي هوشات و معارك ضروس مع ابوي
انا قبل نوعي كلا ناقشوني
او في كل مشكله او سالفه اناقش و اجادل ساعتين
و اعور قلبي في كل شي و كل طلب

بعدين قالتلي ريما
الرياييل ما يتناقشون
سوي الي تبينه و طاف
بس اذا قالج شي قولي انشاء الله
كلا انشاء الله و سوي الي تبين
بدون عوار راس
صارلي شهر احن على ابوي الليل و النهار
فج التكييف مت حر
والله جد من شهر ماني قادره انام
نومي متقطع حر
حالتي حاله حر
اتفزز طول الليل حر
و هذا ابونا مو راضي يفتح التكييف
و يقول طاع هذي
انا اتغطا في كنابل و انتي تبين تكييف
المهم عقب الي صار فيني من يومين
قررت ما اناقش
افج التكييف و بس
و ارتحت
بدون نقاش و لا جدال و لا اهو حاس اصلا
و نمت نومه هنيه
رجعت امس من الدوام و الا ششوف
عمال التكييف مسكرين ينظفونه !!
و انتبه ابوي ان التكييف مبطل
لاااااااااااااا حول الله !!
و يقووم يسكر التكييف من المكينه فوق
و اقعد انا ساعه ارعص في هالشاشه
ابي افتح التكييف
مافيها ارقام شالسالفه
اروح حق اخوي اشفيها شاشه السنترال مافيها ارقام
يبشرني اخوي ان ابوي طاح علي
فسكر التكييف من فوق !!!
اشسوييييييييييت
بطلت الدريشه و حاولت انام !!
قمت اصرخ في داري قبل لا ابوي ينام
يباااااااا تعال
يباااااااا تعال
شوف و انا نايمه و منسدحه دريشتي وايد نازله
بيت ييرانا بسهوله يشوفوني !!!
ابوي : بكل برود .. عادي منو بدقق و يطالع !!
انا : يباااااااااااااااااا شنو عادي سواق .. ملحق طباااااابيخ ..لو نط علي احد بالليل !!!!
يسكر الباب و يمشششششششي
انا : يباااااااااااااااااااااااا بتينني بموت منك بتحوشني جلطه
و اسمع باب جناحي يتسكر
اروح احط حرتي في امي
انا : يمااااااااااااااا هذاااااااا ريلج
و قبل لا اكمل
امي : فطيم كلش مالي خلقج و خلق حنتج راسي يعورني و عندي شغل بكتب طبخه من فتافيت خليني اركز !!
ارقع الباب
افج الدريشه
و انزل الشترشوي
و بررررررررررررد موت
يالله قدرت انام
و الا شهر كااامل ما كنت قادره انام ساعه على بعض
كل شوي اتفزز

قمت الصبح حطيت ورقه تهديد على باب دار ابوي

(( لو سمحت ابي الفاضل افتح التكييف و الا ترا ما يفكك مني الا مخفر السره ))

المشكله ادري بمووووووووووت ضحك

و البلوه ان ابوي كلا يسووووووووووووي فيني حركات استفزازيه و حاط دوبه دوبي
بسسسسسسسس عشان يشوف رده فعلي
مو فاهم ان انا من جد ميته حر
يماطل عشااااااان اموت من الاعصاب لان يحب اتهاوش وياااااااااااه

37 comments:

charisma said...

وى وى وى وى
يااارج الله يا فطيييييييييييم
شهالحاله
كلا ولا الحر عند النووومه
واااى اتخيل العساره الى صارت فيج
اتنرفزززززززززززز
لوووووووووووووول
لا انا مبطى من سبوعين فاتحته

احنه فكه مكاين السنترال كل دار بروح
اريح
فتحت دارى لانى قمت استعسر بالليل من الحر

لوووووووووووووووول
واى امج امج
تنقل مقادير الطبخهههههههه
ههههههههههههههههه
واى فطيم موتينى ضحك
والله مداومه مستعسسسسسره
مت ضحك على بوستج
ههههههههههههههه

الله يوسع صدرج دنيا واخره

الابهاات وما ادراك ما الابهات
ترى ابوى نفس ابوج
مصيبه اذا اقتنعاو بشى ما يهمهم احد

:))

charisma said...

نست لا اصبح

صبحج الله يالخير

نون النساء said...

خخخخخخخخخخخخ

صاجه ريما
قولي ان شاء الله
وسوي اللي فبالج
وان عاتبوج قولي مي سووري
اول مرة واخر مرة
وردي عيديها


انا ما اقدر ابطل التكييف بالنهار امي تكسر خاطري لان فيها خشونة
بس بالليل ما تكسر خاطري
لان ماقدر انام وانا حرانه
ولا ابوي
عادي طااف من زمااان

برد ويهي على زفة التكييف
صرت استمتع لما يزفني

:P


خلاص سأليهم شلون يتبطل التكييف من فوق وشغليييييييييييييييه

CHEESECAKE said...

صبااح الخير ..الصراحه لوير بوستاتج عجييبه انا كلا اقراها بس اول مره اعلق! والله ساعات اقعد اضحك بالدوام لأن صج احس انج تنقلين واقع موجود في بيوتنا. بس اليوم البوست وايد عجبنيي انا شخصيا كنت ماره في نفس التجربه والمصيبه تكييف داري مرتبط مع تكييف دار ولد اخوي البيبي وكل ساع يستمرض! فا كنت اخيييييييييييييس من الحر والله ما اقدر انام ! احنا انبطل المكيف آخر الناس وانسكرها أول الناس! كنت وايد اعصب! و اروح الدوام تعبانه محد اصدقني! بس صج الله يعينج كلش ولا النومه:)

sologa-bologa said...

صبحكم الله بالخير

الحين هذا يزاه الوالد الله يطول عمره
يبي يعودكم على التعايش مع الحر
وتتعودون عليه
خصوصا ان الصيف خلاص على الأبواب

والقطع المبرمج للكهرباء راح يبتدي

لازم نتعود شوي على الحر
واستخدام المهاف الخوص
ونرش عليها ماي من البرمة
أو الحـِبْ
ترا أبرد

ودمتم

bo9ali7 said...

هههههههههههه
احلى شي منو بدقق
ههههه
الله يخليه لكم

شتاء2007 said...

واى... واى !!!!موطبيعى البوست!!! يموت من الضحك بس هالقصه كلبونا نعانى منها!!ياختى ماادرى شهالحروره اللي فينا دائما نطبخ من داخل. نصيحتي لج دعسى على الهندى اللى يشتغل عندكم وخليه يصعد فوق ويشغل المكاين ولا من شاف ولا من درى

lawyer said...

كاريزما

شفتتتتتتتتتتي بالله هذي حالذه

بذمتج هذي حاااااااااااله
!!!

يابختج

امي تقولي لا تعورين راسنا

بديناااااا يا حر و يا طلابه الحر
!!




نون

اي والله بسسسسسسسس خلاص صار عندنا مناعه

انا ابوووووووي مريض
و حالته حاله
و اصلا مو زين له التكييف
بسسسسسسسسسسس


ما يهمني
مو مشكلتي





شيز كيك
حياج الله حبيبتي
نورتي و مشكووووووره

وااااااااي الله يعيييييينج
دار يهال بعد !!!

شوفي احسن حل لج اتركبين وحده بالدار

انا ما اقدر لان توني مسويه داري ما ابي اخرب منظر الوول بيبر






سلوجا


صباحك ورد
شنووووووووووووو
يزاااااااااااه

لا تحرني انت بعد اقوووووووووووولك بموت
والله ما انام
ووووووووووووووالله ما ابالغ بس جد ما انام
تعبت وايد

ماني متعووووووووووووده

فيهم خير هالحكومه يسكرون علينا الكهربا في الصيف

اذا فيهم شده خيسكرون قصر بيان
يسكروووووووووون
القصور الي على البحر

و المسيله

تاااااااااااالي
يسكرون علينااااااااا

يولووووووووووووووووووووون





بوصالح
ابوووووووووووووووي كوول
بروووووووود

ما يهمه
اموووووووت
اصررررررررررخ

انفجر

عادي

كلا منو يدري عنا
منو له شغل فينا

محد يطالع
محد يدري

كل شي عادي عنده مريح عمره


اسم الله عليه




شتاء 2007

جياج الله نورتي

اشدعواااااااااااا
ما سويتها
دقيت على الطباخ
قلت له اتعرف اتشغل هذي ماكيييييييينه فووووووووق

الطباخ : بابا يقووووول اذا فطوم قالت لك شغل المكاين قولها بابا ما يرضااااااااا

دقيت على السايق قلت له رد علي السايق

السايق: بابا بقووووول انت ماكو فجي ماكينه مكيف

فطوم يقول فجي قووووول روح كلم بابا !!!!

بس تعبت

violinist_q8 said...

ليش ماتاخذيت غرفه بالطابق الارضي ؟
التكييف يكون معزول تحت

<< مسوي جذي من سنتين >>

لان انا حتى بالشتا ابطل المكيف
امووووت برد ولا احب احس بالحر

lawyer said...

فيولينست

غرفتي بالدور الارضى

انا و ابوي و الاستقبال

قمت رحت امس بنام في داري الي فوق الاصليه

و الا مسككككككككككككككككككككككر

المكيييييييييييييييييينه

من فوووووووووووووووووووووووووووق

السسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسططططططططططططططططح

CHEESECAKE said...

لوير الله احييج.. البلوج منور بأهله:) لا انا انحلت مشكلتي لأني تزوجت ,وطلعت من الدار الحاره :p
.. بس المشكله اللحين ان ريلي ذابحني بالمكيف البارد:p
ولما تحلطمت امي تقولي والله ما عرفنالج.. أول اتقولييين برد ولا حر .. بس اتصدقين لما صارت الصجيه البرد ما ينبقى! اتعب ما اقدر اقوم الصبح..

بنت الشامية said...

لوير العزيزة ما ادري خفت هالطينه

اللي فيج اموين يايبتها تهبلين انا

اقولج بعض الحلول لاني خبيرة وما اتحمل

الحر اول اشتريلج بنكة اي مروحة

بالغة العربية الحين البنكات وايد

فيهم تكنولوجيا مو مثل اول

وثانيا سوي ثورة ولويه بالبيت طلبي

الانفصال من التكيف المركزي وحطيلج فى

دارج وحدة لج .....اذا شبوا التكيف

المركزي طفيها وتنفج بعدين اذا اخترب

التكيف المركزي هذول ما يختربون ابد

فى داري البنكه واليونت والتكيف

المركزي بعد عمري ريلي ما يغير

دشاديشه النوم الشتوية شتا وصيف من

البرد فى الدار يقول مشتهي البس

ديشاديش نوم صيفية من نفسي وانا

وبعد اقوله هذه مشكلتك

وحياج الله ترى بيتي مفتحو لج فى اي وقت

Almas said...

لألألألألألألأ رهيييييييييب هالبوست
ضحكتيني من قلب

من ناحية الحر ... لألأ .. لا يطاق وخصوصا بالليل

الحمدلله إن الصيف توه .. بعدها الحرورة السنعة ما بدت

ياينا الحر يااااااااااااي

Яeema said...

إنتي ما تاخذين النصايح كلها

ما قتلج خطة
B

أمس؟؟؟


الله يعافي الغانم

مكيف ماي حق بين الفصول
دخول الشتا
و دخول الصيف

صغيرونه و مو مكلفه



يالله المشوار الثاني الغانم

hehehehehehehehe

و قتلج وين إتخزنينها

و لا إتناقشين!؛
والله ماكو فايده

اللبحه تقصر العمر و إتييب الأمراض الله يبعدنا عنها

;p

شتاء2007 said...

لوير: يابعد عمرى الله يعينج!!! انا وابد متعايشه مع مشكلتج لان كلبونا نعانى من هالحروره .اذا مانفعت خطه رقم 1 مالج الا خطه رقم 2 ... بماان عيد الاسره قريب يبيلهم كيكه من الاوبرا ووصي عليها من اسلام نفسه علشان يتوصى فيها وعلشات خاطر تعجب الوالده وقوليلهم انج بتحتفلين فيهم قبل الكل والجميع وطيحي له تبوس @@ @ ولما تشوفينهم متشققين ابدى بالتبجبج وقطى قنبلتج انج تبين وحدة تكيف منفصله بغرفتج ولا يعقدها الوالد ترى تركيبها اسهل منه ماكو والتمديدات سهله شيصير اذا,,, خربت الديكور,,, مقابل نومه هنيه واذا نجحت الخطه ****ادعى لى

mosan mosan said...

Listen yesterday was the 1st day I turn the Ac and it was fantastic, if you open your window you’ll get mosquitoes … plus reema’s advise is wrong as usual. Listen to me from now on

فركاش said...

lawyer:
أعاني من نفس المشكلة مع أبوي بس انا اهون يعني هل يومين مثلا ابوي مو راضي أشغل المكيف فأروح حق يدي أنام عندما ;p
و على طاري نظرية ريما إلي ايها (الرياييل ما يتناقشون) وايد غلط لأن صدقيني ماكو أعقل من الريال اتناقشينه لأنه يفكر بعقله مو بعاطفته
..........
charisma:
شتغلين في وزارة..صح؟؟
لأن وقت الدوام(قطاع خاص) ماكو وقت حتى اني اشوف ايميلي
شكله وناسة دوامك :P

Reflections said...

Reeeemaa ٍصاجة
lawyer.. اخذي بنصيحتها و انتي مغمضة
بس عجبني التهديد لووووووول

أما عن التكييف. فأنا وحدة مبراد و تو الناس علي .. ريضـــــــــــا

tweety said...

امبيييييييييي لوير جنج تتكلمين عن ابوي !!! والله طلعت نظريتي صح أن معظم الكويتيين التقليديين في عمر معين سلوكياتهم متشابهة ...

نفس الحالة كل يوم انحن وهو ليش غرفته باردة أصلا يقول برد ..وعادي لا اتلحفون !!!؟ اشلون احد ينام بالحر مو كافي الواهي اللي بقلبي من الدوام والزحمة والجو العجيب

NewMe said...

ممتعة قراءة يومياتك
من صوب أفرط من الضحك
من صوب أشوف حياتي معاج
ريما معاها حق
نصيحة خل الهنود ايعلمونج اشلون اتفجين التكييف من فوق
سوي اللي براسج لان قراقوش ما ينفع معاه الا جذي
حتى التهديد ما ينفع معاهم
:)
دمت بحب
تحياتي

Dr. Saleh said...

إنشاء الله
ويصير خير
آمري

بعدين طناش
هو اللي إمريحنا شوي من حنة الحريم
بعدين روحي اليوسفي ولا الغانم وإشتري وحدة تكييف متحركة وحطيها بأي زاوية بدارك
وريحي وإرتاحي

PearL said...

عاد ابيخ شي الحرررر

خصوصا اذا تبين تنامين

كلش مو حالة

بنت الكويت said...

هههه
والله ضحكتيني على سالفتج هذي
وزين ان كان في بديل
وتقبلي مروري

BlogLess said...

مشكلتج شبيهة إلى حد ما بمشكلتي بس الفرق في إن الوالد الله يحفظه انصاع لرغبات جميع من في البيت مجبر أخاك لا بطل
سوينا استفتاء وشفنا إن الغلبة للمنادين بثقافة السنترال

ومسكين بابا الغالي
لا تشوفينه وهو في الصاله
قاعد ولابس الشبشب الصوف وملحف صلعته -مصدر الخير - على قولة الوالدة

نوم العوافي

تحياتي

Cr8ivia said...

bashray

nifa3 iltahdeed?

charisma said...

فركاااش

ههههههههههههههههههه
ههههههههههههههههههههههه
مناشبنى نشبه فركاااش
لووووووووووووووووووووووول
احنا مو وزاره ولا قطاع خاص احنا بالنص
لووووووووووووووووووووول
حرام عليك والله متشلخه بس انا شيطانه

كل شى ممنوع عندنا ترى بس انا ما اعبر اركد
البلوق ممنوع والجات ممنوع
بس انا اوصل لهم بطريقتى الخاصه
بشق اهدومه مسئولى منى

ههههههههههههههه

حياك الله تعال عندنا انظم
انا اسويها وناسه ولا اهى مو وناسه
:)))

Breeze said...

لوووووول ضحكتيني !!

و كسرتي خاطري بنفس الوقت !! .. لووول

عيل أنا أحب الحر !! بس عاد مو الحر اللي يخيسني و يموتني ! ..

و بنفس الوقت ما أعبر أنام و الجو بااارد ..

:\

يا حليلهم .. ألحين الجناح جناحج و حاطين دوبهم دووبج .. الله يعينج .. لووول

بس ترى يالله فجوا المكيفات خلاص بدا الصيف

! :)

lawyer said...

شيزززز كيكككك

ترا انا مسويه رجيم و صورتج اتعب النفسيه :)

الحمدلله انحلت المششششكله



بنت الشاميه


بعد روووووووحي والله هذا ليش اتحبيني اتشوووفيني جذي خفيفه طينه :)

ههههههههههههههههههههه
ههههههههههههه خووووووووش خطط

على فكره ابوي شهر 8 و الكهربا مسكره و لابس شتوي !!




الماس
اهلاااا اهلا حياج الله
منوووره

واااااااااااااااي
لا تذكرينا في الحر

يالله حر و لا غيره





ريما
ديكوووووووووووووووووور
داري اخااااااااااف عليه

يخترب الاتموسفير للغررررررفه

ههههههههههههههههه

لا وناسه اليوم اربعا ابوي بروح الشاليه
قلت له يببااااا كثر اهدووم
طووووول
طوووووووول

لا ترد البيت




شتاء 2007
عبالج ينفع ويا اهلي

خليني اقولج لو اييب كيكه حق امي شنو يصير !!

1- فطييييييم اشماله كيك و احنا مسوين رجيم و انا معاي سكر
2- ابوووووووي فطوم ليش يايبه كيييييييك

شالتخلف الي انتي فيه منو ياكل طحين و خميره و خرابييييييييط

و اخذي عاد




موسااااااان

الله علييييييييييييك بالعافيه
براااااااااااد

ونااااااسه

لا انا فاجه الدريشه و منسمه على الشتر عشان الحشرات طبعا ووسوواس الزهيويه الي عندي
و اخاف قطوه و الا شي

بسسسسسسسسسسسسسسس
ونااااااااااااااااااسه
ابوي من غير شر بيروح الشاليه
سووووووووووووووو

التكيف من اليوم على 70




فركاش
اييييييييي البديل موجود عندك
هههههههههههه




رفلكشششششششن

ههههههههههههه
انا في الشتا البس بجامات صيفيه :))




تويتي
صاااااااااااجه

لاحظتاااااااااي
كل الابهات نفس الشي

!!!!!!!!!!!!

اييييييييي اووووووف




نيومي
والله تعليقج انتي دايما الي ممتع و يشرح القلب

اي بسسسسسس خلاص اليوم اليوم تفرج انشاء الله بيروح الشاليه

و دمتي انتي دايما منبع للحب



د.صالح

حرااااااااااااام عليك
الحريم مو حناانااااااااااات

و تعترف بالطناش بعد

ماني رايحه و لا شاريه و لا دافعه

خل يرووووووووووح اهو يفج التكييييييف



بيرل
اووووووووووف

لا اليوم دش علي ابوي الفير يقعدني حق الصلاه

يقووووووولي الله يهداج دارج فريزر

اكو وحده تناممممم فاجه الدرايش و درجه الحراره برااااااااا 12 !!


متى صاااااااااااااارت 12!!!




بنت الكويت
اهلا اهلا منوووووووووره

حياج و لا تقطعين

ايييييييييي فيه البديل بعد التعديل و تنزيل الشتر




بلوجلس

اقولج شي
ابوي لي الحين هم جذي


يلبس هالمداس
و يتغطااااا في الثروووووووو الصووف !!!




كراتيفيا

و لا بييييييييييييين
التهديد بشي

نايمه بالدرايش امسسسسسسس




برييييييييز
تحبين الحر

اوكيييييييييييييه

ماشي
بسسسسسسس هم صح مو ماااااااااال

انام بدون تكييف


هههههههههههههه
هههههههههههههههه
اكسر الخاطر انا

2 u ALL said...

الله يعينك على الحر والنوم فيه ..!! بس كأن نصيحة "ريم" ما أنفعت مع الرجال (أبوك)وما فادت ..!! تبين نصيحه أحسن كيف تأخذين إلي تبين من الرجال ..!! "ساحليهم" و "مدحي" فيهم ..!! وبعدين طلبي إلي تبين بصوره مبسطه وسهله ..!! راح تلاقين تحسن في الأجابه ..!! واسأل مجرب ولا تسأل "طبيب"..!!؟

my sold said...

مت من الضحك وانا اقرى قصتج

صج شسالفه الاباء مع المكيفات يحطون دبوبهم دوب المكيفات .. الشي الوحيد الي يتصرفون فيه .. مايخلونا نتصرف على راحتنا

شكل عشق الامهات اليديد محطه فتافيت عاد انا احب اشوفها

يعطيج العافيه .. مافي الا مهفات مثل شغل درب الزلق وتنامين مرتاحه

هههههههههههه

نشوفج على خير :)

charisma said...

hiiiiiiii ana LaLunaaaaa ma 3nde blog so dayman abooog blog charisma
fe shay esma marwa7aa b elektroneyaat el `3anem yebelech wa7da w feke 3omrech elaaa sentraaal ya3yoooooooooone rakbay we7daaaa ...yebay wa7daaa 7abasheyah t`hef 3leeeeeeech 6ool eleeeel breeesh 6awoooos ya katkooota ... NO NEED FOR 3ASARA BABY

cosimfree911 said...

wlaaaah anaa ashoof kalaam alwald 9a7 taw alnas 3alaa altakeaf anaa lamaa al7ean mafeta7taa oo chenaa yabeely modaa 3alaa maba6laa

3ad alwaldaa 9arlahaa cham yoom etgooly deg 3ala al3'anm 5al eyoon eyna6'foon altakeef oo anaa agool lahaa inshala inshalaa la7gean 3laih taw alnaas :P

walaah makoo a7laa meen al7AR ;)

What Will Be , Will Be .. said...

لوير .. دايما تعيشينا معاج :) انا لما اقرا احس بقيت من الحر معاج .. اذا تبين اوقع عريضه حق الوالد عندي كل الاسنعداد .. القراءه في مدونتج (بلوقج) ممتعه وانتي اكثر من رائعه .. وانا من اكثر مؤيديين سفرة شرم الشيخ وخليهم متى مابطلوا التكييف بطلوه .. ;)

nEo said...

اصلا النوم من غير تكييف مستحيل بالنسبة لي


المكيف اللي اخترعه بيدش الجنة من دعاوي الناس له

3ateeja said...

يحليله ابوج مثل حالاتي كلا بردان
صاج والله
انا اعتبر اللي يفججون التكييف انانيه
لأن البرد يمرض
بس الحر ما يمرض
ويضعف
يعني يا ابوج يمرض وانتي تنامين مرتاحه
او ابوج سليم وانتي تنامين مو مرتاحه
نقييي ...

lawyer said...

2 u all

ساحلت و ترجييييييت و تبجبجت في دموع التماسييييييح و بوووووووووووست لي قلت بس

هم عطاني طاف

بعديييييين قمت

رحت السطح

و طليت على الملحق و قمت انادي الخدام في اعلى حسى

يووووووني فووق

قلت لهم تفجوووناااا و الا اذبحكم

فجوووووو بعد التهديد و الوعيد



my sold

اي الامهات هبه
عشااااااااااان في الزوارات و اليمعات يقولووووووون شفنا و شفنا

و طبخهم كلا واااااااااين

و انا اقول حق امي

بلييييييز يما سوي الاكله مع الواين

تصرخ علي

استغفري ربج


اقولها يقولووووووون الذ

لاااااااااااا

ماراح احط مهفات

فجيييييييييييييييت التكييييييييف

وناااااااااسه
ابوي راح الشاليه




لونااااا

حببيه قلبي
يا هلاااااااااااا

يا هلا

ههههههههههههههههههههه
هههههههههههههههههههههه


يا عيوووووووووووووووني
افاااااااااا عليييييييج

ما اقدر تأبى المروووءه ليش مهفات و حبشيااااااات

لا لا لا اموت قهر احسن

انتي تدرين منوووووووووووووو ابي يهف علييييييي

و يبرررررررررررررررررررررررررررررررد علي

هههههههههههههههههههههه

حبيبتي لونا من اشووفج افصصصصصل انا

عمري
مو بيدي المزاااااااج اهو الي يحكم في عسارتي

ترموستاتي هالايام ظاربه

و القمر عندي على الاوربي

:))




كووووووووووووووووزي

وااااااااااااااااااي

وااااااااااااااااااااااي

مت قهههههههههههههههههر

اول شي اشلوووووونك زين

بعديييييييييييييين

والله حراااااااااااااااااام عليك

شنوووووووووووووو
تووووووووووو النااااااااااااااس

حرررررررررررررر

خيسسسسسسسسسسسسسسسسسسسسسسسسسه

مووووووووووووووووووووووووووووووت

الله يسااااااااااامحك بس

فج لهم التكييييييييييييييييف

انتو الرياييل كلكم مثل الشي

تقهرون الحريم و ما تبون تبردون عليهم في المكيف

lawyer said...

what will be

اسمج برووووووووووحه يدعو الى التمرد
ههههههههههههههههههه

لا تحرظيني على الفسق و الفجوووور
و الخراب

اي فسسسسسق و فجووووووور
لاني في شرم لا ما اسووووووووووي شي غير الخراب

ههههههههههههههههههههه

اتهقيييييييين

انحااااااااااااش و متى ما فجوووووووووو ينادوني؟؟؟؟

حياتي انتي نتووووره

و لا تقطعيييييين

اشكرج وايد

و يصير الي يصير ;)


neo
اي وووووووووووووووالله صااااااااج


الله يبرد عليييييييييييه



عتيجه
يا هلااااااا يا هلااااااااااااا

واااااااااااااااي حرام عليج ؟؟

لي الحين ما فجيتي التكييييييف

اشناطرييييييين

ويييييييييييييييين البرد تكفين وين البرد

براااااااد برا البيت بس البيييييييت و الفراش حرررررررر