Thursday, March 08, 2007




خلوني اقولكم شي
كنت واقفه انطر صاحبتي
شفت القطوه هذي اشوي اشوي
يت و افتحت الماي و اشربت من الماي الي يصب في البراده من تحت
بصراحه انا ما اواطن القطاوه بس استغربت
اشلون عرفت تصب من البراده !!
كنت بصور لكم اشلون صبت بس ما مداني لان موبايلي ما ساعدني
ماكان سريع
بس سبحان الله
عجبتني القطوه
ترا انا ما اعرف حق القطاوه فيمكن شي عادي
انها تعرف تصب حق عمرها من البراده
بس المنظر كان غريب علي
و اخر شي عطتني نظره قامت اطالعني بعد
ضحكتني
قطيييييعه برووحي ما اواطنج

25 comments:

Almas said...

يا حلاتج وحلات سوالفج يا لوير

وآنا بعد ما أواطن شي اسمه قطاوة
ولا لما يتهاوشون العتاوية كل واحد راسه شكبره .... واي ماقدر أكمل يلوعون جبدي

بس مرت علي شغلة حلوة مع القطاوة
من فترة كنت طالعة الصبح مبجر حيييل لأنه كان عندي شغلة قبل الدوام بخلصها ف كان الجو بارد وايد

لقيت قطوتين قاعدين على سيارتي صوب الجام الأمامي عند المساحات .. بس كان منظرهم حلو .. أولا الظاهر منحاشين من معازيبهم لأنهم سياميين ونظاف والعيون تشع من لونها الأزرق .. والشي الثاني كانوا قاعدين يم بعض كأنهم يدفون بعضهم ووحدة نايمة والثانية بس طلعت موبايلي بصور جان تفز الظاهر القرقشة إلي سويتها بجنطتي عشان أطلع الموبايل من بين الأنقاض أزعجتهم ... طبعا آنا يالله خير خوافة .. ع طول ركضت صوب باب البيت ونطرت ليما فزت الأخت الثانية ونزلوا عن السيارة

بس هم لازلت ما أحب القطاوة

Breeze said...

لووووول

شوفي أنا ما أحب قطاوة الشوارع .. بس قطاوة البيت .. بمعنى آخر القطاوة الشيرازية الأليفة أحبهم :))

يشوقوووون خصوصا غذا كانوا صغااار و متروسييين شعر .. يااااااي !!

وعلى طاري القطوة اللي إستغربتي منها .. إمممم تلقينها شافت واحد يصب و تعلمت .. عادي الحيوانات تتعلم .. :)


بس أشوة إنج قلتي هالسالفة .. أنا أساسا عندي وسواس من هالبرادات !! هالدور قطوة تطمر و تشرب .. لااه بالله كدينا خير !!!!

:\

Reflections said...

LOOOOOOOOL Lawyer
انتي مثلي ما اوااااااااطن القطاوة
بذمتج مو مغرورة القطوة؟؟ مو دعلة؟ ما تحر؟؟؟؟
ولا اذا مشت اتقصع جبح ويها
لا حيا و لا حشيمة..

بس مرات يشوقون الي كلهم شعر
:X


بس سبحان الخالق الي علم الحيوان شلون يحمي نفسه و شلون يلقون الأكل و الشرب

BlogLess said...

Lawyer

ولله في خلقه شؤون

:)

my sold said...

ياحليهاااااا والله

العطش هو الي خلها تفتح الماي

اكيد في احد يشربها منه وتعلمت منه

وطالعج بعد .. والله غرور فيها

ياحليلج يالوير

:)

charisma said...
This comment has been removed by the author.
charisma said...

قطاوه الشوارع صيع
تربيه شوارع
سحر
ههههههههههه
تلاقينها منلهطه مييته عطش المسكينه

cosimfree911 said...

3ajeba walaa hal ga6waa hathee telgainhaa met3awdaa 3alaa al7arakaa hathee kel yoom ehnee teshrab

al7achee mo chethee almaskean elly eyee yeshrab ba3adhaa :P LOL hathaa almaskean mayadree alga6oo em6aye7 ehnee

ps traa lama al7ean aljaw 7eloo ;)

فركاش said...

أحسك كنتي وايد فاظية و لايعة كبدك وقتها ;p

بنت الكويت said...

قطاوة الشوارع منو يحبهم استغفر الله الواحد يشوفهم يشمئز منهم
بس سبحان الله شلوون تعلمت وفتحت الماي وشربت بروحها
وزين والله انج قلتيلنا عن السالفه عشان الواحد لا يفكرلو مجرد تفكير ان يشرب منهم
يعطيك العافيه

What Will Be , Will Be .. said...

يحليلها بس هم مااحبها ..

2 u ALL said...

في جو الكويت "الحار" مو القطوه ..!! حتى النمله تفك الماي وتشرب منه ..!!؟

مسكينه سوت جذيه من العطش ..!! بس الأهم من ذلك أن هناك من يزعم أن القطط تسكنها أرواح ..!! ولذلك عبد "الفراعنه" القطط وخافوا منها وجعلوها "آلهه"..!! وهذا ماأثبته علماء الأثار في العصر الحالي..!!؟

فحطي بالك لا تتحرشين فيهم .. هههههههه..!!؟

lawyer said...

الماااااااس
اي انا نفسسسسسسسج ما اواطن القطاوه اتأزم نفسيا اصلا اذا رحت بيت ناس عندهم قطوه




بريز
ايييييييييي تخيلي كل من اقوله السالفه يقول وييييييي اشواااا انج قلتيلنا عشان ما نشرب

بس هذا سبيييييييييل
للاجر يعني





رفلكشن
حدهاااااااااااا اتقصع
يا كرهممممممممممم

ظيم ظيم
ما اواطنهم




بلوجلس
شفتي سبحانه ربي




ماي سولد
ايييييييييي والله اكيد متعلمه

قطاوه شوارع حيييييييين قلب




كاريزما

عاد اتصدقييييييين
ماكان حر

بس اكيد اهي عطشانه و الا ليش تشرب




كوزيمفري

لي الحيييييييييين برااد بعد؟

اييييييي والله مسكييييييين الي ما يدري
اذا كبير بيشرب من ايده
بس اذااااا ياهل

مسكييييييين

يمكن يشرب من حلجه !!!




فركاش

الملافظ سعد

لا بس كنت انطر صاحبتي

lawyer said...

بنت الكويت

ايييييييي اف قطاوه الشوارع تعالي بالصيف بعد شوفي ظيمهم

موووو الحين متسنعين منظفهم البراد

هههههههههههه




what will be

واانا بعد ما اشتهيهااااااااااااا في عيشه الله




2 u all

ههههههههههههههه
ههههههههههههههههههه
مت مت مت ضحك

في جو الكويت "الحار" مو القطوه ..!! حتى النمله تفك الماي وتشرب منه ..!!

هههههههههههههههههههههه

اتهقى عاد النمله بعد
هههههههههههههههه

ويييييييي اعوذ بالله من الارواح

خلني اقولك شي يوم الخميس في حديقه بيت رفيجتي

جابلني عتوي اسود
قلت حق رفيجتي هذا القطوووو جابلني

قرت الكرسي
جان يروح

شوي و الا ياااااااني جابلني

سميت جان يرووووح

و هذي حالتناااااااا

العتوي معجب الظاهر

CHEESECAKE said...

لووير .. قطااوه وييييييييع ما اواطنهم! شاكلهم ايلوع الجبد! مره انا و اختي كنا بالسياره ولا جدامنا شفنا عتوي قاعد ياكل قطوه صغيره!! يعني لو مو انا شايفته جان ما صدقت! بس انا لاحظت البنات نوعين اما يموتون على القطاوه او ما يواطنونهم..

lawyer said...

شيز كيك

انا من النوووووووووع الي ما اواطنهم و لا اشتهيييييييهم كلش

صباحج عسل :)

الطارق said...

سبحان الله شوفوا شلون أجر ماء السبيل ، والنبي صلى الله عليه وسلم يقول : ( وفي كل كبد رطبة أجر )

صورة معبرة صراحة

شكرا لوير

Miss Writer said...

الغرابة لا تكمن في معرفة القطة لشرب الماء من البراد
الغرابة تكمن في البهذلة وعدم النظافة والتسيب الغير مسؤول لمياه آدمية أصبحت مشاعة للحيوانات في ديرة يفترض انها ذات دخل مرتفع

lawyer said...

الطارق

اهلا اهلا

اي اججججججججججر

بس ما اواطن القطاره

انت لو مريت و شفت القطوه تشرب
راح تفكر تشررررب من البراده؟؟

lawyer said...

مس رايتر

في اوربا و حتى مصر و جميل الدول

في ماي سبيل منخفص الارتفاع يم ماي للاستخدام الادمي
للحيواناااااااات

اتصدقين بفكر اسويييييه في الكويت

Ra-1 said...

hahha :p

CHEESECAKE said...

يسعدلي هالصباح لوير امنوره ابطلتج علينا:)

lawyer said...

ra-1

اهلا اهلا منوووووره

حياج
;)


شيز كيك

انا ممتنعه عن الرد عليج
لغااااايه ما يوصل ريوقي من كاسبر

بمووووووووت يوع و صورتج تقتلني

ببجي من اليوع

al'7a6er said...

تذكرين القصه الي كلنا تقريبا

سامعينها : وحده مسلمه حرمت القطوه

من الماي مادري احكرتها ودشت النار

والثانيه كانت العفو على الكلمه

ساقطه ودشت الجنه لأنها اسقت كلب

من حجرها .. عساج بالجنه يا لوير

لأنج ما أذيتيها مع انج ما تحبين

القطاوه !! انا ما احبهم بس ما

اكرههم مع انهم يأذوني بالقهوه

كل ما طلبت عشا من سهران :) تيمعو

دار مداري وما اقدر لازم اعطيهم

قمت اذا بطلب عشا اسأل الربع شتبوون

وهم اسأل القطاوه اخاف اطلب شي ما

يعجبهم ميااااااااو

:)
على راسي لوير

فركاش said...
This comment has been removed by the author.