Friday, June 01, 2007

السلم و الثعبان

هاليومين السينما صايره اتينن
الاسبوع الي فات رحت فيلم عربي اسمه في شقه مصر الجديده
او شغله جذي

و امس رحت فيلم روعه اسمه لعبه الحب يمكن !
ليش ماني ذاكره الاسماء مدري
المهم ان الفيلم وايد وايد عجبني

و رومانسي وواقعي وجدا ممتع الغريب في الموضوع
اني حسيت قصه الفيلم وايد قريبه مني بشكل موطبيعي
و كل ما طلعت لقطه انا و رفيجتي انتطالع مستغربين

و فعلا رفيجتي قالتلي هالشي

الغريب
ان وحده ثانيه من صاحباتي اول ما طلعت من الفيلم
دقت علي قالتلي فطييييييييييييييم في فيلم حدا حدا انتي !
لازم تروحين له

حتى لما قلت حق ريلي ان القصه حياااات فطيم
تدرين اشرد علي !؟؟
قالي اي والله وايد
اول انطباع لها لما تشوفينها اتحسين بشي و بعدين وايد مع الوقت اتحسين بشي ثاني
ماراح اقولكم شنو قاااااال
عشان ما تدرون اشكثر يعرفني ريل رفيجتي
هههههههههه

لكن تبون الصج
تدرون اي فيلم احسه قصه حياتي باختصار
السلم و الثعبان
الي يمثل فيه هاني سلامه و حلا شيحه
هذا صج صج بالاسبوووووع اقل شي مرتين اشوووفه


قصه واحد مطلق
صايع
حياته كلها بنات حريم
فلوس
لعب وناسه
و لكن في نفس الوقت يحب الرومانسيه و الحب

ضايع مو عارف اشيبي

تعرف على بنت
و اهو سكران و في قمه الخمبجه
و قام شوي شوي يتقرب منها

قام مع الوقت يحبها
خذاها لعب في البدايه
وبدا ينقلب السحر على الساحر

بدا يتعب من حبها
لانه مو قادر يكون اهو مثل ما اهي تبي

و في نفس الوقت يبي يكون زين
و اذا راح ويا ربعه الكلبز يبي يكون راعي بنات
و من يرد البيت يبيها اهي يحبها

قصه الفيلم غريبه
قصه تحاكي واقعنا في هالزمن
تعرف عليها و بدا يتغير

غيرت فيه وايد شغلات
و في وسط الحب
و قوه العلاقه

ضعف

ضعف امام الجنس
و يا بنام مع وحده بس ما قدر

صبح الصبح راح حق حبيبته
قالها انا بفل
ليش بتفل
قالها لاني احس اني مخنوق!!
حبج يخنقني

يقيدني
ما اقدر اكون الي تبينه و لا اقدر اصير وياج و انا مو وياج
و متعب نفسي اكثر منج

هدته

رد لها لانه تعب من بعدها

قالها لاني مرتاح و انا قريب
و لاني مرتاح و انا بعيد

قالها صبري علي
تحميليني
فيني شي زين
بس يبيلج تتعبين عليه
بتغير عشانج بس صبري علي


و اهو في الديسكو
يرنع عليها
يشوفها اهي وين
و اهو ويا بنات يحقرها

بس ما يجذب عليها
يحبها
بس مو عارف شنو يبي
و لا اشلون يبطل خرابيط

الي مخلي الفيلم وايد حلو حواراته مع صديقه احمد حلمي
و اسلوبهم


و من اقوى الحوارات بالفيلم

تدق عليه و اهو في الديسكو
تدق مرا مرتين
يشيله يرد عليها

هي : انت فين ؟؟
كلمتك كتير ما بتدرش ليه ؟؟

هو : انا مع احمد في فرايدز

هي :انت ما عندكش دم هو انت تستهبل ؟؟
احنا لسه راجعين من السفر مش قادر تبعد عن الجو الزباله بتاعكم ؟

هو : بأولك ايه احترمي نفسك .. و و اتكلمي عدل انتي مين عشان تحاسبيني انتي ولا حاجه
انا اعمل الي انا عايزوه
تسكر التلفون في ويها

يدش الديسكو متنرفز
يتوتر
سبها غلط عليها
بس مو هاين عليه
توقع انه لما يصرخ عليها بيرتاح

تعب اهو اكثر !!

طلع و راح لها البيت

شكل عليها تلفونات ما ترد
شكل عليها هرنات لين طلعت من البلكونه
و اهو يكلما بالتلفون
هو : ممكن تسمعيني ابأ غلطان لو قلت لك نفسي في ايه دالوقتي
انك تنزليلي
هي : مش حقدر مستحيل انزل
هو : اطلعلك انا
ساعات الواحد يبدي يعمل حاجه و يلاقي نفسه يعمل حاجه تانيه
انا في حاجه غريبه بتحصلي اليومين دول ....حاجه تستاهل انك تصبري عليه شويه
ياسمين انا مش وحش اوي .. و اوعي تسيبيني لو حد قالك عليه حاجه اوعي تسيبيني


و يروح يركب سيارته و يكلمها لين ينام و اهي وياه على الخط

وبعد فتره حب و و محاوله منه لاصلاح نفسه
مرا يقدر على شيطانه و مرا شيطانه يقدر عليه
اذا رضت عليه يصير من احسن الناس و من يزعلون يفلت

و حوار ثاني
يبدا يتغير عليها شوي
تدق ما يرد
تدز مسجات ما يرد عليها
بدا يمل من الارتباط و التقيد
لانه كان بنام مع وحده و ماقدر

راحت له لي البيت
طقت الباب
فتحه و قالها دشي

راحت خذت شي من الثلاجه انتبهت ان الزباله متروسه بيره

سألته : انت كان عندك ضيوف امبارح ؟
هو : لا دي تحيه بألها يومين ما جتش
هي: بما انك فاضي با ممكن تفهمني ما بتردش على تلفوناتي ليه ؟؟

هو : بتعب يرد عليها
كنت نايم
هي : مش مسدأأااك
هو : مش عايز اتكلم في الموضوع داا
هي : لا راح تتكلم عشان انا عايزه افهم الي بيحصل

يسكت يحاول يتهرب وبعدين يقولها

هو : ياسمين انا مش عايز اكمل
انا اتخنأت .. مش حأقدر ابئا بطل الفيلم بتااعك
مش عايز نتعب مع بعض اكتر من كدا
صدقيني انا حاولت بس اجس نفسي بثقل اني ادز شي ثقيل حيل

و كدا احسن
نبعد من دالوأتي
تنصدم اهي
تتبلعم

و الاروع من كلامه
ردها اهي عليه
بس ما راح اكتبه لكم

ابيكم انتو اتشوفون شنو ردت عليه

كلام يبرد القلب


و اخر مشهد بقوله لكم

عقب ما يحاول يهدها
يبعد عنها فتره
ما يعبر
يتعب و يغير نفسه
عشان يرد لها
يبعد و يرد تعبان مع كل مرا

بس اهي تصده
محتره على نفسها

يروح لها

هو : اشلونج
هي : زينه ,,
هو : ممكن اكلمج دقيقه
هي : تفضل
هو : شمسويه
هي : زينه مرتاحه الحمدلله زينه .. تعبت عقبك شوي بس الحمدلله رديت لحياتي الطبيعيه
هو: ياسمين انا تعبان وايد من غيرج حاولت .. بس انا تعبان
هي : تعبان من غيري !! ليش وين البنات الي كنت وياهم ليش ما تطلع وياهم مو انت كنت تطلع ويا بنات و احنا ويا بعض !!
احسن شي تسويه انك لازم تنساني
هو: حاولت بس ما قدرت انا عارف اني غلطان !
هي : غلطان ! انت جذي اي غلطان انت طول عمرك جذي و بتم جذي و لا راح تتغير و لا تقدر تتغير هذا انت مع زوجتك و معاي و مع اي وحده تالي انت جذي


بصراحه فيلم انصحكم تشوفونه
قديم شوي من سنه 2002
بس يستاهل ينشاف

حسافه اذا الواحد حب وحده و ماعرف شنو يبي منها
حسافه اذا اذاها و بعدين يطلب منها تحبه اكثر
حسافه اذا لعب و ما يبي يتغير و بتم جذي
حسافه اذا مو عارف عقب هالعمر اشيبي
حسافه يصلح اغلاطه باغلاط اكبر

حسافه انه ما يداريها
حسافه يجرحها يوم بعد يوم
حسافه ما يراعي مشاعرها
ويا هالبنات الي حوالينه

لانه تحسف و دفع الثمن وايد غالي
حزن
ضياع
وحده


لانه من يسكر اهو عليها باب
يفتح لها ربي اكثر من باب

مسج

شصبرني انا شهرين و اهو توه مسافر

عزاي انه اخذ قلبي في وسط عيونه يشيله

و انا اصبحت في بعده وحيد و اكسر الخاطر



20 comments:

The Simper said...

i read half the post.. bas magidart.. ta3abt :D

Expatriate said...

I don't want to be judgemental, but there is always a clear view of the dilema

Is he worth the effort and suffering that is resulted from trying deep to unleash the tiny valuable positive aspect of himself, covered by plenty of horribleness and badness ?

She is better off saving her time and rethink again whether her emotions are fooling her logic !

lawyer said...

سمبر
ههههههههههههه
اي روح نام احسن

شمسهرك اصلا؟؟


اكسبا

كلامك منطقي

بس راح تقدر؟؟

كلامك عين العقل و الصواب
بس من يقدر على العدل الحين ؟؟

الي بيريح نفسه يطبق كلامك
بس الي يحب الشقاااااا؟؟

تعال قولي شمقدك ما وراك دوام؟؟

lawyer said...

للعلم فقط

القصيده الي حاطتهااااااااا

3 ساعات والله و انا ادورهاااااا في الانترنت

يالله لقيتهااااااااااا
فبليز سمعوهااا يعني

عشان التعب بسسسسسس

Expatriate said...

الله يحب الشقا الله يعينه على الشقا ويستاهل اللي اييه لأنه اهواللي اختار هالشي ..

شمقعدني ؟ باجر وراي يوم دوام كامل وبالليل طيارتي سفرة عمل لمدة اسبوع وليلحين ما حطيت جنطتي ومافيني النوم
oo bla bla bla

Cr8ivia said...

تركه ترا اخير

lawyer said...

صباح الورد

اكسبااااا

تروح و ترد بالسلامه
:)
موووووووووووفق


كراتفيا

حبي شخبااااااااارج
;)

ترا انا مو مسؤؤؤؤؤؤؤؤله عن الي تكتبينها

انا وحده مااااااااااااااااالي خلق هواش

هههههههههههههههههههه

محد يوزني غيرج

محد مشيشني غيرج

:\

Unknown said...

يا ساتر أبوى عمل كل ده

PearL said...

قلبج متروووووووووووووووووس

انا صايرة احب الافلام المصرية اللي من هالطقة

وفيلم السلم والثعبان بالذات ميتة واشوفه
وكل ما ابي اشوفه يصير شي

بس شوقتيني لازم اروحله

وعلى حياتج الله يعينج

صج الله يعينج


في فيلم اسمه انت عمري مادري اذا شايفته

تدرين شنو بجيت بالفيلم

تدرين شنو انقهرت
جنه القصة صايرة فيني انا

اذا مو شايفته شوفيه

Mohammad Al-Yousifi said...

ما قريت البوست عشان ودي اروح اشوف الفلم مع المودام

lawyer said...

عاجل

:\


بيرل

حاااااااااااسه فيني


مطقووووق

هالبوست الطويل العريض على فيلم قديم
انا ما تكلمت على فيييييييييييييلم الي بالسينما


اييييييي ودها ترا والله حلووووووووووو حداا

esTeKaNa said...

في لقطه بالفلم عقب ما يخليها بفتره
ويعتقد انه كل الامور الحين احسن
لانه قراره
لانه برغبته
لانه اهو اللي اختار هالطريج
عقب فتره بسيطة المشااهد اللي تبين ضياعه
دموعه
فقده لها
ولما يوقف يشوفها واهي بالنادي من بعيد واهي تصده
هذي الفتره وتصويرهم لها شي مو طبيعي
!!
انا هذا الفلم حبيته
وفلم ثاني واقعي :عن العشق والهوى
قصصهم مختلفه شويه ووايد واقعيه
بس يبقى الفلم المصري نهايته واحده
ماحد يضيق خلقه وكلهم يتزوجون
hehehehe:)
شنو فلم حلو؟
لانه ببدي موسم الاحتفالات من يوم الاربعا
احم احم
:pP~

أبو إسحق said...

شجعتيني على روحة الفلم المصري

شكرا لج

lawyer said...

استكانه


شفتي هذي اللقطه والله اني اعيدها اكثر من مرا

لدرجه اني مرات اشغل الديفي دي و احط نكست نكست نكست
لين توصل هذي اللقطه



انا كاتبه الحوار الي صار بينهم

شفتي عيونه

شفتي دموعه

الكل بقول فيلم

لكن الي يشلع القلب
لما تشوفين هالفيلم بحياتج

الله وحده عالم شيبكون الحال و الدموع




ابو اسحق
حدي ححححححححدي

انصصصصصصصصصصصصصحك
تروووووووووح له يشووووووووق

على الاقل اتعيش اجواء رومانسيه

MANAF said...

توني اليوم رايح مع المدام

فيلم شقه في مصر الجديده




كان نايس




فيه حب




وتسلسل حبيته انا شخصيا









و أوّل مره اخلص الناتشيوز بدون



ما يخلص التشييييز والتشيلي






:)

Abdulla Al Ameri said...

مرحبا

مشالله عليج حافظة المواقف اللي صارت في الفيلم

تنفعين ممثلة اذاعية

Purplecious said...

وايييي لوير

ما أحب الافلام المصرية اليديده

أصلا حتى لو بروح أشوف محد يرضى يروح معاي

منو الممثل؟

اذا مصطفى شعبان أرووووووووح
ههههههههه

السلم و الثعبان حاولت أشوفه بس ما قدرت

ياختج هذا هاني سلامه هذا ما ينبلععععع كلشششششششش
عووووووووووع
ما أواطنه

و حلا شيحه بعد دمها ثقييييييييل

فانسي اني أشوف الفيلم
بعد ليش أشوفه مشاءالله عليج ما خليتي شي
هههههههه

Shaima'a Alkandari said...

صباح الفل والورد والياسمين

بهالصبح ادخل عالمي الثاني واتصفح واقرأ هالقصه الجميله

ياسلام عليج صج تشوقت انى اكمل القراءه

يعطيج العافيه
فلم ممتع استمتعت بسردج لنا ياه

lawyer said...

مناااااف

عليييييييك بالعافيه

اييييييي المخرج روعه

زين تسوي ونست عمرك


فيني طبع بايخ ما احب ريحه الناتشز الا اذا انا اكله اوكيه بس اشم ريحته من بعيد ما اقدر !!





الاستاذ بلاليط

مرحبا الساااااااااااع

اي والله من الفظاوه حافظتها

تنشيطا لذاكرتي من الزهايمر

;)

حياك الله منووووووووور






بربل
انا عكككككككككككككككسسسسسسج

امووووووووووووووت على هاني سلامه

تدرين يتكلم كويتي

طبعااااااا شله الممثلين و المطربين الشباب

من طقه خالد سليم و شرين
و هاني سلامه وو احمد سعد

كلهم وياي في الجم



فحفاظا على ذوووووووووووقي العام قولي ان هاني سلامه مملوووووح

لانه يقتلني اهو و احمد السقا احبهم





شيماء الكندري

حيااااااااااااااج الله مشكووووووووووووره على الكلام الطيب
اهم شي انج استمتعتي

من الصبح

عاد تصدقين شوقيتيني على الفل

mo7m7 said...

الله بالخير, خووش شغل