Saturday, June 23, 2007

قصيده اعشقها

الله من هــم بروحي ســـهجها
بخافى ضميرى فـى كنين الحشا لاج

احـرمن نار تواقــد وهـــجها
منهاخطر روحـى على ســلك ديباج

وعين عسى المولى يعجل فـرجها
يفوح ناظرهـا كما عــين هــداج

استرسلت للدمع من ما رهـــجها
غـــيظ يكظ عبارها مثل الامـواج

كـــم واحــد له غاية ما هرجها
يكنها لو هو للادنـين محــتاج

يخاف من عــوجا طــوال عوجها
هــرجـة قـفا يركض بها كـل هـراج

يقضب عـليك المخطيه من حججها
حلو نباه وقلبه اسود من الصـاج

الله خلق دنيا وسـاع فجــجها
وعن ما يريب القلب لك كم منهاج

والرجل وان شـطت لياليك سجها
عســى تواليها تبشــر بالافـراج
رحمك الله يا محمد السديري
من اورع ما قرأت و من اروع ما سمعت
قصائد محفوره في االقلب
هذي القصيده لي معاها قصه
احبها من حبي لهمي فيها
و لذكريات راسخه في نفسي
قصيده
عبره
كل بيت فيها
ديوان بروحه
احب اقراها
و احب اسمعها كأغنيه
و اذا قعدت مع نفسي
لا شعوريا تلاقوني اشغلها و ارقص عليها سامري
على فكره لي مع الرقص السامري قصه
اخرى
اتمنى ان القصيده تعجبكم
لانها من اقرب القصائد لقلبي

10 comments:

lawyer said...

قبل لا احد يعقل لان ياني مسج

تراااااا والله انا كلش مو ضايق خلقي او متكدره

بسسسسسسس انا احب هذي القصيده اموت عليها

فحطيتها لكم

:)

صباااااااحكم عسل

lawyer said...

يعقل = يعلق

The Simper said...

hehe awal mara ashoof "self comment" :P

كـــم واحــد له غاية ما هرجها
يكنها لو هو للادنـين محــتاج

khooosh bait :)

zajel said...

يا الله ..فطوم


صباحك ورد

تعرفي انت يوم شريرة ويوم رومانسية ويوم شكل ثاني بس اليوم انت روعة يمكن من دعواتي لك

اختيارك لقصيده ما هو إلى دليل على ذائقتك الشعريه الفذه ..
لاشك إن الأمير السديري .. مدرسه شعريه متكامله .


ولازلنا ننهل ونتعلم منها .


رحم الله الأمير ,, وأموات المسلمين .




ما شاء الله عليك

mtfa2el said...

قصيدة حلوة
و احلى منها
بدر بن عبد المحسن
الا الهوى
http://www.adab.com/ysound/albader/bader_aba3tither.ram

7osen said...

قصيدة لشاعر كبير ومعروف

:

الصراحة انا ما احب القصايد اللى لغتها جدا عاميه وموجها لشريحه معينه

رغم معانيها الحلوه

لكن قافيتها واايد ثقيلة

:

شنو يعني سلك ديباج ؟؟

Mohammad Al-Yousifi said...

فين البتاع؟

9ahba'a said...

اسعد الله مساءك :)

جميلة تلك القصيدة ككاتبها و مدونها

انا هنا اقرأكم ولكن الهامي متوقف يا لوير

صبروا علي شوي

شكرا على السؤال يعني لي الكثير

ReLaaaX said...

فطوم هذا من ديوان والا من قصة وافي ومادري شسمها الثانيه جنه اسم الدمعة الحمراء حاجة كده :) ؟

lawyer said...

صباااااااااحكم عسل

احلى تعليييق ياني

قطعني

موتني

هسترني ضحك

و اهو واقف جدامي يقرا

و يقرا

و يقرا

بعدين يلتفت علي

هذا عربي ؟؟؟

لووووووووووووووول


مرا ثانيه اذا بحط قصيده بشرحها

و صدقوني لما تفهمون معانيها وايد راح تحبونها


:))



سمبر
شششششفت احاجي روحي بروحي
و ارد على عمري بعد





زاجل
صباحك فل

لاحظ ان دعواتك بدت تستجااااب :))




متفاااااائل

حياك الله

تسللم
ااااااااااااالله

لو ضايقك اني على بابك امر
في ليله الم
و اني على دربك مشيييت قلبي القدك





حسين

اييييييييي كلمات نبطيه
صعبه جدا

بسسسسسسسس احبها

احسها مثلي

صعبه :))

غير مفهومه





مطقووووووق

انشاء الله :)






صهباااااء

تسلمييييييييييييين

حياااااااااااااتي

يا هلا و يا مرحبا


والله يا صهباء
اني ما اعرفج
بسسسسسسسسس سبحان الله القلوب شواهد

ما تصدقيييييييين
اشكثر مليييييييت و انا كل يوم
كل يوم امر


و احاجيجج و انتي مو موجوده و اقول
لو سمحتي اليوم بلييييز بليييييز انشاء الله اكوو

اعرف
الالهااااام

لما يوقف

يحتاج الى شي يحركه
يهززززززز الوجدان

دعواتي
و قلبي معاااااج


بنصبر
بس لا تبطيييييييييين

:*****




ريلاكس
هذي قصيده

للامير محمد احمد السديري

هذا من اشهر الشعراء الخليجين
غني عن التعريف
مدرسه بروحه

تعرفين اغنيه محمد عبده

يقول من عدا على راس عالي

هذي كلمااااااته