Sunday, September 16, 2007

مفاجأه من بلوقرز !!




الف الحمدلله على رمضان
الف الحمدلله على ان احنا مسلمين
الف مره الحمدلله ان ربي بلغنا هالشهر و احنا بصحه و عافيه و نقدر نصوم
الحمدلله لك ربي
الف حمدلله على سلامتي ( ياشيني )


واي سكتوا اول مرا بحياتي ارد من السفر و انا حدي ولهانه على كل شي في الكويت
ولهانه حتى رمضان في الكويت

يومين رمضان في مصر ! متعبين نفسيا و جسديا
بصراحه ماكو على رمضان في ديرتي
و في بيتنا و يمعتنا و يا اهلي و اخواني تسوا الدنيا و مافيها
اول يوم فطور لي مع صاحباتي قلت لهم مع احترامي لكم
اهلي غير
طبعا قبل لا نفطر دقيت على اهلي و كلمتهم و اهم توهم متفطرين
حسووووسوني اني ابي ابجي و اكون وياهم
الف الحمدلله لك ربي على بيتنا و على مكانه
الف الحمدلله اني ديرتي الكويت
يا حلات شوارعنا
و ياحلات مسايدنا
و ياحلات زحمتنا في رمضان
لألأ ما جنهم 11 يوم !
جنهم 11 سنه

في اول يوم رمضان رحت حي السيده نفيسه و السيده زينب و الحسين و الاماكن الشعبيه
في كل داعوس و كل حاره
و كل مكان اتمشى فيه
احمد ربي مليون مرا اني كويتيه
على الرغم من اني عشت في مصر سنين

لكن الواحد ما يعرف قيمه الي عنده الا لما يكبر!

مدري طول عمري احب مصر و اموت عليها

لكن هالمره على الرغم من التغيير و السعاده و الوناسه و على الرغم من شوفتي لرفيجتي الي ولهانه عليها
مليت بسرعه و ابي ارد
ابي ارجع خلاص
مو عشان مو مستانسه عشان اكتشفت ان مصر حلاتها في صياعتها
و اذا ماكو صياعه و سهر تضيق الخلق

و انا رايحه معاهده نفسي اني ما اسوي شي غلط يخليني اتحسف
فاول شي سويته اني ما بلغت ولا بنت من رفيجاتي لا الكويتيات و لا السعوديات الي هناك اني باي مصر

و ظليت ويا صاحباتي المصريه الي اموت عليها
و كانت خير عون لي لنفسي الي مرات تكون اماره بالسوء و اتذكرني اهي ان الدنيا ما تسوا و بسرعه اخترع و ما اسوي هالشي

طبعا انا قزرتها هواش ويا الفندق
انا وايد احب جراند حياه
بس اول خمس دقايق عطوني غرفه في الدور 17 !
جان اقولهم من قالهم انا اتعامل معامله خليجيين ! انا اتسكنوني في الدور 17
للعلم فقط الدور من 17- لي 25 يعتبر من اردى الادوار و يقطون الخليجين فيه
انا اهم شي عندي الدور 14
و دايما يكون مسكر لان مو اي احد يسكن فيه
اول شي ماعطوني ويه
بسسسسسس سويت لهم سالفه
ترا انا وايد اسوي افلام و كلا نصب و جذب بسسسسس عادي المهم اوصل حق الي ابيه
و كل يوم اسوي سالفه و يراضوني في سله فاكهه و ماعون حلو !

سمعوا هالسالفه الغريبه !!

مرا كنت توني داشه الفندق و لقيت ام عبدالوهاب في اللوبي تقولي انها توها حاطتلي اغراض ((صندلي ناسيته عندهم)) في غرفتي
و قلت لها مشكوره المفروض انا امر اخذهم و ركبت فوق
والي الهاوس كيبينج يقولي ان و اهو ينظف طقو الباب و اهو دخل الاغراض في الغرفه
قلت له اي قالولي و مشكور

دشيت لقيت الجيس ولقيت بوكيه ورد متوسط الحجم
قلت ياحليلهم الفندق من كثر هوشاتي هالمرا يابولي يوكيه ورد مو فاكهه !!
قعدت سويت مطارتي الشاي و قمنا نشرب انا و رفيجتي و الا تقولي فطوم شوفي البوكيه فيه كرت
فتحته و الا مكتوب عليه !! نك واحد من البلوقرز !!
رحت ناديت الهاوس كيبينج قلت له انت شنو الي دخلت الغرفه قالي بوكيه الورد
و شنطه
قلت له متى ياي بوكيه الورد قالي بعد الظهر يعني الساعه 3
قلت له من منو ! منو يابه قالي البل مان يايبه !
كلمت البل مان كلمت الدنيا عفست الفندق
ما عرفت اي محل يايب الورد و لا عرفت اشلون
مع عفستي ويا الفرونت ديسك و الرسبشن و الاوبراتير ابي اعرف اشلون او منو
اكتشفت ان الاوبراتير تقولي في 3 اشخاص سالين عنج من اقولهم فاطمه ال..... احولكم عليها يسكرونه
لأني انا حاطه صوره جراند حياه
فاكتشفت ان اكثر من بلوقر دقوا و اسألو و جيكوووو علي في الفندق !!

هذا ما همني الي همني بوكيه الورد من هذا الانسان
نكه معروف بس ما توقعته
لان نادر جدا ما يعلق عندي !!
عقبها فتحت النت احوس احوس ابي اطلع هذا النك يالله بالزور لقيته هالبلوقر و شفت بروفايله
مالقيت حاط ايميل
المشكله ان عمره ما دزلي ايميل و لا عندي في المسنجر و لا اي شي
مشكووووووور وايد على البوكيه المفاجاه بسسسسس غريبه منك انت بالذات
بصراحه فجيت ايميل قلت يمكن دازلي ايميل شي ماكو !
المهم مشكووور وايد على البوكيه
بس قمت افكر هل انت في مصر؟
او انت في الكويت و دقيت طلبت او اشلون بالظبط
هل انت شايف البوكيه !
ترا انا ماعرفت اي محل دازينه و الا جان زفيتهم
لان غاشينك ترا الورد ذبلان حدا
المهم مشكوووور وايد
بس مو فرحانه وايد فيه لان محيرني انشغلت في اني اعرف قصته اكثر من اني استمتع فيه



تكفون خلوني اقولهم سالفه اخيره تموت ضحك

استغفرالله استغفرالله
و انا في الاسنسير ويا رفيجتي
دش ويانا واحد خليجي استغفرالله ويها يخرع
دش جان يقولنا (( هاااااااااااالووووووو)) يقولها و اهو يحرك رقبته و جسمه يعني مثل تحيه !
و يلتفت على رفجتي !
و اهي مخترعه منه و حاقرته !!
جان يقولها هاااااااااااااااااااااو اررررررر يووووووووووو
جان اقوله (( حمدلله و الشكر اشفيك اتحاجينه انجليزي !!)) اشاااايفنا !!
رد علي و اهو يطالعها و يقول (( اوووووووه اووووووه سوري والله ما دريت انكم عرب ! عبالي من جنوب افريقيا )) !!
قلت له : شنووووووووووووووووووووووووووووووووووو !! شنووووووووووووووووو اي جنوب افريقيا ليش اشايفنا
لا انا و لا اهي سمر !! انت من صجك !!
الريال اخترع و انحرج
جان اقوله : انت يعني قاعد اتنكت ! و الا انت بتشيحط في الانجليزي و انا احرجتك !!
متوهق صح !!
اشبينك و بينا تسأل هااااااااو ار يو !! اصلا شكلك و انت تقولها توك متعلمها من شريط التعليم على مقطتك اياها !!
انفج الاسنسير و الريال حدا متوهق و منحرج و يعتذر
و انا و رفيجتي مشينا و اهو ساعه يلحق سوري سوري
ليكون زعلتوا !!
قلت له طبعاااااا زعلنا اجل سويتنا تكرونيات ((افريقيات)) و تقووووووول لا تزعلون و الله منت بصااحي قم بس قم
واااااااااااااااي و عقبها اسبووووووووع اعاير رفيجتي كل خمس دقايق اقولها هااااااااااااااالوووووووووو هاو ار يووووو
ههههههههههههههههههههههههه



21 comments:

الصعب said...

وايد طويل نشف ريجي و ليلحين ما خلص الدرب طويل

q8y_saint said...

حمد الله على السلامه

lawyer said...

الصعب

هذا و انا ماقلت شي لي الحين
يبيلي 10 بوستات يالله ابرد قلبي


كويت ساينت
الله يسسسسسسسلمك

شخبااااااااااااارك ؟

الصعب said...

توني واصل الفرعون

لما نسيتي صندلج عند ام عبدالوهاب كنتي رادة حافيه القدمين ؟

The Simper said...

mbaaarak 3alaich el shahar... o 7imdilaah 3ala salamtich ;)

ana daaz kartoon khithra.. mawe9al??? :P

lawyer said...

الصعب

لألأ مو حافيه بس كنت ناسيه صندلي عندها و راده في الرياضه


توك واصل اهني !! يبيلك درب بعد



سمبر

الله يسسسسسسسسسسسلمك
هههههههههههههههههههههههه
ههههههههههههههههههههه

وااااااااااااااي مت ضحك على الخضرا
ههههههههههههههههههههههه

رويد ؟؟
اهم شي

حق التراويح بااااااااااجر
افح عليهم

لحظه اسأل طباخناااااااا
ههههههههههههههه


اي اي وصصصصصصصل

خووووووووووووووش خضرا

لك اجر انشاء الله
هههههههههههههههههههه

SolaimaN said...

هااااااااااااااالوووووووووو هاو ار يووووو


ولكم باااااااااااك

;)

PearL said...

الف حمدالله على سلامتج

لوووويرر

الظاهر الورد بالسفر قصته قصة

من كثر ما قلتيلي انج تبين نفس اللي حصلته ومن كثر ما تشوقتي

الله رزقج بورد :)


ولهانة عليج حدي

ولكم بااااك

ومبارك عيج الشهر

عاد تصدقين ولا مرة رحت مصر
بس مادري ليش احسها برمضان حلوة

خليتي اراجع حساباتي

Shaima'a Alkandari said...

الله يعيييين

حلوه سالفه بوكيه الورد من بلوقرز

واكيد القعده مع اهلج وناسج غير برمضان والاجواء بتكون غير

بس مصر رمضانها حلو


عالعموم الحمدلله عالسلامه ومبارك عليج الشهر


وبسج نجره وهواش

lawyer said...

سليمان
كااااااااااااااااك
هههههههههههههههههه هههههههههه

هههههههههههههههههههه
ههههههههههههههههههههههه

هييييييين هيييييييييين

القراده مو جذي


القراده الريال ما درا عن هوا داري
داااااش دعوم بغازل رفيجتي


لوووووو حسيت انه بيمدح جان خليته

بسسسسسسسسس طب فيها !!

جنوب افريقيا
جاااااااان اوريييييينه ما وراني زماني
هههههههههههههههههه



هين هين

هاو ار يوووو ها !







بيرل
لألألألألألألأ قصتي انا غير

انا ورد وصلي
ما ادري اشلون وصل
و لا عرفت شي

ولا ادري هذا الانسان بالظبط اشسالفته

بسسسسسسسس تبين الصج
!

انا مو ويه نعمه

الحين ياج ورد استااااااانسي فيه و سكتي

ليشششششششششش اتنبرين

يطلع الي يطلع

يايبه اهو
امطرش بواب عمارتهم

كيييييفه
ههههههههههههههههه


يختي ما اعبر


كلش ما انصحج في مفارقه الاراضي الكويتيه في رمضان
الا حق عمره


مصر قهاوي و سهرات في رمضان

انا كلش ما ايووزلي جذي






شيما
حياج الله نورتي

مدري شنو الحلو في رمضان مصر؟؟


الاكل الظيم الي لا ريحه و لا لون !!

و الا مسايدهم الي رحيتهاااااا دلاقات و صنان !!


و الا شنوووووو بالظبط

سسسسسسسسسسسكتي اللهم اني صايمه ماودي اتحجى


لا لا ديرتي ابرك

kila ma6goog said...

أفا قصوا علي محلات الورد

هذا جزا اللي يثق بالأنترنت

:)

ZoZOta said...

الحمدالله على السلامه حبيبتي
ومبارك عليج الشهر

:*

ورمضان من غير سوالفج

مثل الفطور من غير تشريبه

:*

Brava Valentia said...

الحمدالله على سلامتك.... ودي واحد حلو يدزلي ورد..كل اللي يدزون لي عملائي و دمهم ثقيل

sologa-bologa said...

الحمدلله على السلامة

وكل عام وانتي بخير

اما سالفة الخليجي شغل عدل
صج ضحكتني سالفة

هااااوااار يييووووو
حسيت بوزي انلوى على كتر

ودمتم بحب وود

Najmah said...

لووول ضحكتني آخر سالفة

الحمدلله على سلامتج نورتي

وصدقتي كل شي بالكويت غيييير

حتى حر الكويت له طعم ^_^

Fahad Al Askr said...

يعني لوير تثبتين لي في كل مرة إن الكويتيات يختلفن بالشكل ويتشابهن بالسلوك

الحين يا الدايخة، بلوغر متعني وموصي ومهتم فيك وداز لك بوكيه ورد وإنت بالجراند حياة بالقاهرة، والرد شنو "البوكيه ذبلان"، صج منكر حسنة

وين مشكور حبيبي (يو ميد ماي داي)، الله لا يحرمنا منك صج أحرجتني، بس لو صاحبك الأمريكي مال الجنة (اللي إنت خابرة) والرافتينج داز البوكيه، جان بييييييييييه الله يعينا بتحجين بالسالفة أسبوع، وبتكتبن البوس بالعربي والإنجليزي

لكن لأن الفقير كويتي على طول عطيتيه الكويتي أتيتيود المتوقع في هذه المواقف، ويه بوكيهك ذبلان لا تتعامل مع هل المحل

ANgEL_BaBY said...

حمدلله على السلامه اول شي

ومبارك عليج الشهر وتوه نورت واستهلت لكويت فيج :)

هههههههههههه كالعاده شي عجيب تكتبينه ومواقف ولا اغرب وردود وتفكير وتصرف ولا احلى

تراج بايعتهااااااااااااا حدج مرات احس مايهمج احد ( مادري ثقه ولا ينون )

ولا الاثنين معاااا ؟!!

الله يخلييج لهلج وغاليينج ويخليهم لج

وماننحرمش منج ابدااا :)

lawyer said...

كلا مطقوووووق
ههههههههههههههه
هههههههههههههههههههه

اي اي ذبلان

خرطي

ههههههههههههههههه





زوزوتا
تسلميييييييييييييين بعد قلبي والله

الله يسلم عمرج





برافا

هلاااااااااااا و غلا فيج
مبارك عليج الشهر حياتي

اشواااااا عندج عملا سنعين على الاقل مو الظيم الي عندي





سلوجا
هههههههههههههههههههههههههه

و انت بصحه و سلامه

عيل هاول ار يو !
هاااااااااااااااا

تبييييييييييييييييي ارد عليك مثل ما رديت عليه
هههههههههههههههههه


لا مو بس البووووووز
و العييييييين اتطوووووطح على كتر




نجمه
اي وااااااااااااالله صدقتي

ترا صوووووووووورتج روعه







فهد العكسسسسسسسر

واااااااااااي حرام عليك حسستني اني مجررررررررمه ترا


مرا ثانيه بجذب عليكم و بقووووووووووولكم اني استانست في الورد و لا نبرت و حدي سعيييييده


ممممممممممدري بعد خو انا قلت الصصصصصصصج

ههههههههههههههههههههه


اسكت لو داش انت دارك و شايف ورد حوالينه 300 ناموووووووسه في الدار و من بلوووووووقر ما تعرفهااااااا

كل الي يدرو في راسك هذي اشدراها

اهي عرفتني بس انا ما اعرفها


شي غصصصصصصصصصصصصصبن عني يا ربي

طبع طببببببببببببببع

و مال الجنه
ما اييييييييب ورد بالخش و الدسسسسسسس
اتلاقيه ماسك الورده و يقدمها

اووووووووووهوووووووووووو

لا تفشلوووووووووووووني عاد

lawyer said...

انجل بيبي

هههههههههههههههه

الله يسلم عمرك
اسسسسسسسسكت بموت من الرومانسيه مأثر فيني الحين هذا مسلسل نمر بن عدوان

ترا بشييييييل شلايلي و برووووووح البر !!


هذا موديلي اليديد تراااااا


على قولتك الاثنين معا
ينوووووووووووووووون و ثقه اكبر من الينوووووووووووون


مونسه عمري بعمري

|:| DUBAI |:| said...

LOOOOOOOOOOOOOOOOOOOOOL

حمدلله على سلامتج لوير

عندي فكرة .. شو رايج اسيرين أبعد دولة في الخريطة

بنشوف بيدزون لج ورد : D

الورد للورد ..لو هو ذبلان اتقبليه ..تلقينه داز من الكويت لين ما وصل مصر ذبل خخخخخ

رمضان مبارك عليك

AuThoress said...

حكاية جميلة