Sunday, September 02, 2007

شنو الهدف؟؟



من فتره و انا افكر في التبنى
اني اتبى طفل
و لما سعيت لهذا الشي تفاجأت في ان ما يحق لي اتبى الا في الاربعين !!

انزين اذا صار عمري 40 وين فيني حيل بربي ؟
ما تحسون في شي غلط؟؟ من ان يبدا عمر التبنى في الاربعين؟؟
و شنو الهدف منه؟
ياريت اذا تعرفون شخص او مدير او اي احد في الشؤن تسألون ليش؟؟

و ياريت احد يجاوبني على سؤالي شنو الهدف من عدم قدرتي على التبنى في شبابي ؟
شكلي بروح اتبنى من برا يمكن اسهل من الكويت

28 comments:

PearL said...

يعني توج تدرين ان في وايد اشياء صايرة بالديرة مالها هدف

اتوقع ببالهم انهم يبون يعطون حق المرأة امل انها تتزوج وتييب عيال لين عمر 40

واذا صار عمرها 40 وما تزوجت يطيبون خاطرها بياهل

vancouver said...

اعععععععععععتقد عشان الشخص
يكون ناضج اكثر
فلما يتخذ هالقرار ما يكون هبة
خو انتي ادري بهبات الكويتيين






يعل نشوف بطنج جدامج شبرين
وحامل بتؤام قولي امين
وريلج موووو ملحق عالطلبات هههههه

بنت الشامية said...

اشوه ما خلوه الى 45

يعنى بعد ما تتقاعد المراة

علشان يضمنونها انها قاعده بالبيت

لووووووووووول

شلج بالشقه والطلايب

يعنى اذا تبنيت طفل تقدرين تسافرين

وتهيلين على كيف كيفج

خليج حره منطلقه مفرفشه

بس على فكره شياب طارى التبني لج..؟؟؟

q8y_saint said...

ممممم تفلسف القوانين الكويتيه الي مالها لا طعم ولا لون

تدرين احنا الكويتيين بكل شي غير

kila ma6goog said...

تبين سلموه؟

zajel said...

صباح الورد ...
التبني ...
أنا ما ادري من وين أنت تجيبي هاي السوالف...
بس عن صدق سوالف حلوه مره فطوم...
شو قصدك.....؟! إذا تريدي تربية وكفالة طفل يتيم ....فيها أجر عظيم ووعد بالجنة وفي الحديث الصحيح عن سهل بن سعد قال : قال رسول الله صلى الله عليه وسلم : " أنا وكافل اليتيم له ولغيره في الجنة هكذا " وأشار بالسبابة والوسطى وفرج بينهما شيئا . رواه البخاري


وأما التبني فهو محرم وهو نسبة اليتيم إليهم بالاسم وهو الذي حرمه الله تعالى حيث قال سبحانه :
ادعوهم لآبائهم هو أقسط عند الله فإن لم تعلموا آباءهم فإخوانكم في الدين ومواليكم وليس عليكم جناح فيما أخطأتم به ولكن ما تعمدت قلوبكم وكان الله غفورا رحيما .
وهذه الآية نسخت التبني الذي كان معمولاً به في الجاهلية .


بس في الكويت يصير كل شيء ...سبحان الله

تسلم عليك أمي ..
وتقول لك الله يرزقك طفل من شخص تحبنه ويحبك

بنت الكويت said...

ترى 40 سنه شباب :))

يمكن عشان يكون الوحده واعية اكثر وقد المسؤوليه ويكون املها في الانجاب او الزواج ضعيف

وانشاءالله
قولي انشاءالله
قلتي


ما تحتاجين تتبنين طفل

وما تمر سنه الا انتي في بيت زوجج

وتكتبين لنا بوست عن قدوم طفل جديد الى هذا العالم

والله يوفقج انشاءالله

SHAHAD said...

الله 40 عاد ؟؟؟
صج شي غريب
بالكويت دايما توقعي اشياء غير متوقعه وبدون هدف

lawyer said...

بيرل

هههههههه اهم شي تعليقج يعطونها امل انها تتزوج

و اذا ماتزوجت يطيبون خاطرها بياهل

و المتزوجه و عمرها 20 سنه و اقعدت ويا ريلها 15 او 20 سنه بدون يهال

ليش يأخرونهم؟؟





فانكوفر
اي يمكن مسأله النضج بس الي اقصده 40مالها خلق تسهر و تربي و تدرس و مدري شنووووو





بنت الشاميه

اناااااااااا اتقاعد 52 !!

ياريت 45



عادي الانطلاقه و السفر مع ياهل واحد ما يعوق اهم شي ماكو واحد يتحكم و لا ريل





كويتي

صاج احنا في كل شي غير





مطقوق
الله يخليكم لها و يخليها لكم

لألألأ ابي بنت عمرها شهر شهرين


ما ابيها من تكبر شي







زاجل
كفاله اليتيم شي غير عن التبني

التبني اني اربي طفل
و انسبه لوالدينه

ما راح اغير اسمه او اسمهاااا

مثل اني اتبني بنت من دور الرعايه ابوها ميت

امها و ابوها ميتين






بنت الكويت
والله ادري ان الاربعين شباب

لاحد يزعل علينا
بس قصدي 40 كبيره على تربيه اليهال


واكون وقتها استنزفت كل المشاعر الي فيني






شهد
شفتي اشلون !!!!!!!!

نون النساء said...

بخااااطري يا فطوم
اتبنى ابنيه...

قبل كانت اتييلي هالأفكار
لما كنت بالثنوي
الحين بشكل متقطع وللأمانة لها عدة فوائد
تشبعين غريزة الأمومة
من غير ريال يحن ويلبح فوق راسج
واللي طيحج فيه حظج الردي
واللي كل يوم تقعدين الصبح
تشوفين كومة القرادة نايمة يمج
هذا على إفتراض كان مو زين يعني..
بس الحين بطلنا من هالسالفة


بس عاد ليش اربعين ؟؟؟


ابي اركض
أبي العب

مو لايق كلش وانا اربعين سنة
العب بالديارف مع بنتي


:/

Kwaitiyya said...

أنا أقول يبيلج ياهل شقره حمره عطره من بلاد الإفرنجه
وربيها على الإسلام والعادات والتقاليد الكويتيه المتزمته
وراح يطلع خوش انتاج

ديرتنا حتى بالتبني لوعه ! مالت على الباميه

والحمدلله على السلامة

وخوش نيو لوك لوير

ناطره نيو لوكج مال رمضان لول ! وسوالفج الرمضانية

AseeL said...

انا اقول..

!الواحد هالايام.. يا دووبك يتبنى نفسه

حمودي said...

اعتقد ان انتي ليلحين في شبابج يعني انشاله باجر الله يوفقج وتتزوجين وتيبيين عيال فبتكون هناك تفرقه بالمعاملة بين الطفل المتبنى وطفلج الحقيقي
لكن في عمر الاربعين يكون الامل في الانجاب او الزواج صعب فما ينهظم حق الطفل

اعتقد جذي مادري
:)

Enter-Q8 said...

المرأه
صج كائن محد يعرف له
يحبون التعب و الدوخة

اشلونك حجية
سلام سلام

The Simper said...

o shlich bil yahaal?? shtabeen feehom.. athiya o loya! shakla khoosh qanoon hatha ;)
but.. if u want.. u can try advocating pand pushing for new reform if it pleases u :)

Fahad Al Askr said...

بلد عوجة، يعني لازم يصير عمرك ثلاثين علشان تمسكين منصب قيادي، نائبة وإلا وزيرة، وإلا وكيلة وزارة وممكن تقومين البلد على ريل بقرار وإلا تصريح، لكن تتبنين تحتاجين تكونين 40 بلد عوجة

esTeKaNa said...

ماني عارفه شنو قصدج بالضبط بالتبني؟
اللي اعرفه انه حرام وغير قانوني بالكويت
!!
على فكره في كثير من الجمعيات واتوقع تدرين يخلونج تتكفلين بيتيم
ويدزون لج صوره
واخباره
قلبي يعورني اذا شفت صورهم وحسيت انه واي يا حلوه هذا اخوي
وهذا ولدي
:))

tweety said...

حلفييييييييييييي !!!!!!

توني ادري ! عاد من يومين وانا افكر بهالموضوع قلبج على قلبي كنت أتسائل ليش ما يصير انتبنى واحنا بهالعمر !؟

tweety said...

عاد صج ودي اربي ابنية حلوة تونسني وتعيد لي ايام الطفولة اللي ولت

tweety said...

عاد صج ودي اربي ابنية حلوة تونسني وتعيد لي ايام الطفولة اللي ولت

SolaimaN said...

قوه

اعتقد راي بيرل وفانكوفر اهو الاقرب للتسائل

بس ولا ايهمج افا عليج

العرض مازال قائم

;)

ANgEL_BaBY said...

مادري مادري من وييين تيييبيين هل افكار العجيبه !!!!


عيل هم انا ابي اتبنىىى ههههههههههههههه


(( صارت هبه ))


عاد والله فيها اجر كبير اذا ما كنتي راح تخرجين عن اصول دينا الاسلامي..

بالعكس .. شي طيب هل تفكير.. بس اذا تزوجتي باجر ويبتي عيال شنو مصير هذا الطفل او الطفله الي تبنيتييه !!!


مادري مو حرام راح يكون بروحه وحيد ..

يمكن راح تصير تفرقه لحمج ودمج غير عن عيال الناس .. ولا شرايج ؟

اوو على طاري العمر وغيره انا عندي سالفه اهناك.. بروح اتقصالج عنها .. وبردلللللللللللج خبر من عويناتي..


تحياتي لج

lawyer said...

صباااااااحكم ورد

الله يا حلات كسرررررره البخوره الي شابتها اليوووووم روعه

من بروووح تايلند ؟؟
ابي بخور






نون
اييييييييييي حسيتاي في احساسي

ابيها الحين احس لايق علي اتديرف وياها
ونااااااااسه

اقدر اعطيها من عمري

العب وياها

مو انا عيوز
طراق فيها و طراق في الخدامه

هههههههههه






كويتيه
حبيبتي انتي

ههههههههههه تجهزي حق سوالف رمضان

ايييييييييييي شكلي برسم على يااااااهل تشوووووق انجليزيه

اخذ فيها اجر
اخليها مسلمه






اسيل

ابيييييييييييي يهال :\





حمودي

و اذا ما تزوجت
اتحسف على اني ما تبنيت و انا شباب !



عرفت فما ابي اخلي شي بخاطري على فرضيه اني بتزوج






حاكي عقالي

شخبااااااااااااااااارك
شالدنيا فيك

مطوووووووووووووول الغيبات
وووووووووووووووالله لك وووحششششششه

فاقدينك

لا تقطه بليززززز

بذمتك انت الحين ما تعرفنا احنا هالحريم

اندووووووور الطلابه دواره !!!!!

اذا مالقينا شي يشغلنا تهاوشنا ويا عمرنا
!

عثماني said...

مساج الله بالخير اخيتي الغالية لوير

اشعر برغبة امومة جارفة تتفجر بداخلك

الامومة ... الرغبة الارقى على الاطلاق

جميلة هذة المشاعر

هل ارى دموعا عندما تكتنفك هذه الرغبة!!؟

دمتى كما انتي

bo9ali7 said...

ما تتبنيني؟

lawyer said...

صباحكم ورد


سمبر
حراااااااااام عليك اموت على اليهال

اشوه عندي عقد راح يسري مفعوله عقب 5 سنوات

:)




فهد العكسر
اااااااااااااااااييييييييي
واللع عضو عمره 30 يعفس بلد و يدير امه
و المرا لازم 40 عشااااااااان ترضع ياهل !!






استكانه
كفاله اليتيم شي عادي

و اذا يعني شفتي صورتهم مرا بالسنه

هذي امومه؟؟

التبني اني احتفظ باسم اهل البنت و لكن انا اربيها من تولد و اتكفل فيها و تعيش عندي و تقولي يما





تويتي

حيييييي الله هالطله
ششششششششششفتي !!


انصدمتي صح

تخيلي
حدي حدي

انصدمت

اي عاد بنقي وحده اسبانيه و الا مكسيكيه

عشان ما تحس بالفرق

و تطلع اذا كبرت جميله









سليمان

لووووووووووووووووول

ههههههههههههههههههههه

مت مت ضحك على كلمه العرض مازال قائم

انت عارف ردي بالموضوع


سليماااااان
ابي بنيييييييه

مو تششششششك فيني ههههههههه







انجل بيبي
ههههههههههههههههه

شفت شفت

اي اي عشاااااااان تصير هبه و يخلون العمر 80 بعد


انا اشششششحقا تحلطمت في بوستي
هههههههههههههه


الحين الكل يسأل و الشؤن الي نايمه على عمرها تصصصصصصصصصحى عقب هالسنين








عثماني
اي فطره فطرنا عليها رب العباد لابد نصحى بيوم و نحتاجها

لألأ ما دمعت عيوني الا لما قالوولي خبر وحده في الجريده قاطه ولدها بالزباله الاسبوع الي فات

الكل تذكرني و قال
واااااااي انتي منفطر قلبج على ياهل و هذي قاطه ضناها


اصلا في السفر اذا كليت في ماكدونالدز لازم اقعد صوب اليهال
و أذيهم

عادي تلاقيني اوكل يهال حتى ما اعرفهم

عادي عادي ماسحه ايد ياهل في نابكين ديتول

و ماشه خشمه و اهو سويسري ما عمري شفته من قبل


مو طيبه
و لا سنع و لا شي

بس احساس بالنقص






بوصالح


لوووووووووووووول

اشفيييييييييييييييييكم علي


ههههههههههههههههههههههه
ههههههههههههههههههههه




انت عاشر واحد يقولي ما تتبيني
من ادش المسنجر

يقولولي

يالله تبينيني


و كلكم اكبر مني

نووووووو نووووووووو


انا ابي بنت
صغيره حلوه
اتشششششششششوق


انت تتبناني؟؟

bo9ali7 said...

هذي الساعة المباركة
عطيني اوراقج عشان اسوي المعاملة
:P

Shbabeek said...

أي وين عايشة زمن أبرهه ؟
شخباري التبني ما يصح عندنا بالإسلام!
ومن متى بالكويت فيه تبني؟

إذا تحبين اليهال اشتغلي بدور الرعاية.