Thursday, September 27, 2007

حتى القرقيعان كان غير


في صغري
اروع ايام في رمضان هي القرقيعان
مثل ما هي بالظبط اروع ما في حياتي طفولتي
بس كان قرقيعان غير
له لون له طعم و له طقوس تختلف تمام الاختلاف
و بما اني كنت مشروع صبي
فكان القرقيعان ينقسم الي قسمين
شوي ويا الصبيان ((ربعي )) و ياويلي اذا شافوا ربعهم بالصف تبروا مني و خشوني !!
و الا اذا قرقعنا على ناس يعرفونهم الطعوني برا
هاو ليش مقرقعه وياكم
و اخر شي ياخذون نص قرقيعاني

و يا زين القرقيعان في شويخ
يه يه يه
عيال خير
عادي نص البيوت يعطينا ابوهم فلوس
و اخر شي نطلع من القرقيعان محصلين لنا خمس دنانير او اكثر
نروح نشتري فيهم اكل و نسوي شروكه
انا وربعي و نقعد في الحديقه ناكل

طبعا مو حديقه المنصور لانه يصير فيها لعب كره
نقعد في الحديقه الي قبال المدرسه

و من احلى ما في القرقيعان الحنطور الي يأجرونه بيت الجناعات يفتر في شويخ
و بالنسبه لاغلب اطفال شويخ
احلى شي هو اليوم الي توديهم المرحومه (( نحن و الاطفال )) احدى سيدات الخير
تركب اليهال باص و توديهم نحن و الاطفال

و اذا الناس معترضه على حفلات القرقيعان فيتراولي ماكو احلى من حفلات القرقيعان الي كنت احضرها
صج صج من اونس و احلى الايام و هذي الحفلات اكون فيها ليدي قصبن علي
ملبستيني امي سوق الذهب كله و يا هالنفنوف و العفسه
و حزه القرقيعان نلبس البخانق
واي صج ايام
خلوني اقولكم قصتي الغريبه
لما كنت ياهل ما اعرف و لا كنت افهم مثل الحين طبعا
فكنت وايد اسمع خالد المرزوق و خالد المرزوق و عندي هذا الانسان شخصيه خياليه
او مثل ما في المسلسلات شاه بندر التجار الي نسمع فيه و لا نشوفه

كان عندي هذا اسطوره بس ما اعرفه و لا شفته
المهم في حفله القرقيعان و اثناء السوالف
تقول دلال : انا اذا كبرت بتزوج خالد المرزوق عشان عنده طياره خاصه
و كنت اسمعهم و لا حتى افهم شي
و بكل غرور تقول دلال اي عادي انا اقدر اتزوج خالد المرزوق لانه احنا جخ!!
و انا ماني فاهمه و متعقده و مندقره
فقيره اانا ومن باجر اروح حق يدي عقب الفطور و اهو قاعد يطالع الطنطاوي الله يرحمه
اقوله و كلي أسى و تساؤل : يبا يبا احنا جخ؟؟؟
يبتسم يدي الله يرحمه و دائما كان مبتسم
و ما يرد علي عشان استرسل في الكلام
و اقعد اقص له قصه خالد المرزوق و دلال بتزوجه لانهم جخ و اترجى يدي و احن عليه يجاوبني احنا جخ !!؟؟
ترد علي بصراخ : اذيتي ابووووووي يالله وخري بس شالحجي وتلزق عند ابوها و تحبه و تقول احنا جخ اي حدنا بس انتي لألأ

واندقر و يطيب يدي خاطري و يقولي الغنى غنى النفس

و اروح حق يدتي الله يرحمها و اقولها يما يما احنا جخ ؟؟

ترد علي في كل ثقه : اسم الله علينااااااااا اي جخ و نص ربي مغنيناااااااا و كاسينا و يالله لك الحمد
و اطير من الفرحه
و الله يا فرحتي يومهاااااااا و اطلع حق ربعي
احنا جخ احنا جخ
و صرت اضحوكه خوالي و قصتهم و كان خالي يقولي سمعي السالفه حق ربعي
و اخليج تتمشين وياانا في السياره العجيبه

طبعا للشباب الي اعمارهم الحين 37-39 يذكرون السياره الورديه بالاصفر مالت ثمووووور الحلو
الي ياامااااااااااا قعدت ورا فيها كنا 3 سيايير نمشي جيب كشف و سيارتين جولف مادري كولت مدري شسمهم
و هم كشف و ايام الكشيش و السلاسل الذهب و مايكل جاكسووون يرنع في شويخ
و قاااااام احدهم يزااااااااااااه الله يخير
((ماساوا فيني خير و دلاني بيت خالد المزوق )) و كان يمنا

و ارووووووووووح بكل براءه حق ربعي
لحقو لحقوا
دليت قلعه خالد المرزوق
و بنسوي خطه نقتحم الكنز !!
و ناخذ القواري و اوريهم البيت
و تروح فيني احلامي و خيالاتي و جنوني في اني بسوي خطه اقتحم فيها القلعه لاحرر الفقراء من الاعداء و مدري شنو
و باءت كل احلامي بالفشل من يوم ما سمعت نباح الكلاب
و عقبها بفتره بسيطه و في الجمعيه العصر اشتري اغراض ويا يدي
و يشوف خالد المرزوق و يرفع ايده يسلمون بطريقه الريايل الشياب
ساك الله بالخير
واحن يبا يبا هذا منو: يقولي خالد المرزوق !
و بشهقه يسمعهاااا القاصي و الداني أأأأأأأأأأأأأأأأأأأأأأأأأأأأأأأأأأأأححححححححححححح
يبا هذا مثلناااااااااااااااااااا !!
ببراءه لايعرفها اطفال اليوم الا ما ندر

اكتب هذا البوست و كلي اسى على ايامي الحلوه و طفولتي
الي جيل هالوقت ما عاشها و لا عرفها
وناسه
قرقيعان
جراقي رمضان
قواري
نحن و الاطفال
مطاره البينتو الي اسويها بعد التراويح
و حتى يدي و الطنطاوي ولهت عليهم
الله يرحم ايام زمان


28 comments:

violinist_q8 said...

عجبني شغل مايكل جاكسون وسيارات كشف:P

خبري باللي يفرفرون
قاااري ويحط قوطي سانكيست بالتاير اللي ورا يعني سيكل وجدام مسجله
رابطها بتيب احمر ومشغل خالد الملا

my sold said...

ياحليلج يالوير وياحليل ايام طفولتج

مافي احلى من ايام القرقعان والطفولة
الي كل شي يونسنا و يفرحنا مو الحيييين

عمرنا ماقلنا زهق او مالنا خلق مثل عيال هالوقت ..

شكل القرقعيان بيصير الالكتروني وينرسل بالايميلاات

يااااااااحلو الطفولة بسسسس
مافيها عقد وتكلف
:)

lawyer said...

فيولنست

وي عييييييييييل لازم تقرا بوستي مال العيد الي فات عن طفولتي وياااااااا القاري و قواطي السانكست لما نخلص منه و لازم و احنا نسوووق نقوم و نقووووووول فوووووووووووون فووووووووم فووووووووووووووووووووووون

مدري ليش !!!

انااااااااااااا هيلقيييييييييييه طلعت الفضايح هههههههههههه

و مايكل الجاكسون
اي ماودي اقولك انا الياااااااااهل الرقله الي ترقص في الشوارع ههههههههههههههههه





ماي سولد
اي والله يا حلوووووووونا كل شي يونسنا
لا نطلع ولا نروووووووووووح بس يمعااااات

و يقلون لنا بطاااااااط و نطالع فيديوووووو

kila ma6goog said...

شهالطفولة المادية

لعنبوداركم صج عيال جخ , يهال و تعرفون خالد المرزوق

انا ما دليت الصالحية الا بثالثة ثنوي

بنت الشامية said...

لوير ....ليش هالدعايه عن شويخ

الحين يحسبونها من معالم الكويت السياحيه

ويفكرون ان كل اهلها جخ وتجار من طقة

خالد المرزوق وربعه....وهم كلهم من اهل الله



ترى اللى يلعبون بحديقة المنصور كرة القدم اخوي وربعه

ليش كانوا يطردونكم.... ما يخلونكم تقعدون فيها

اراااااااااااااويه اليوم
لوووووووووووول

f7ee7eely said...

e7na nafs elshy gergee3anna bs yet'khalelah wayed 6ag em6agag hehehe

athker b3ad 6e7na bil skate rolling we7na engarge3 kil wa7ed kharee6tah bergubtah oo 6ayer ebdeshdashtah eygarge3 hehehe

esTeKaNa said...

واااااي زوقه زوقه
يا ليتج حاطة صورتج بهالبوست
:)
واي انا اليوم شفت بنت عمي مستهبله ذكرتني بروحي
انا كان يقمتني حزام ذهب الله يسلمج
بس اسلم ايب الجنطه وافصخ هالقلوب والحزام والسوار اللي في معاه خاتم واحطه وانطلق
يعني جنه خلاص شفتوني
اهم شي اللقطة والمشهد الاول
دام شفتوني خلاص
:)
لووووول



واي عورتي قلبي على هالسؤال
يبه احنا جخ؟
لووووووووووول
يعني صج صج سؤال عجيب
:)

Brava Valentia said...

LOL آنا وحدة طول عمري أحسب القرقيعان طرارة.. اقعد في بيت جدي و اتطمش على الياهال يقرقعون.. واذا احد قالي روحي قرقعي كنه سابني!! .. الحين احس ودي اروح اقرقع

;-p

Deema said...

way 6umasha, o na7nu w ila6faal 7asafa 3alaih wala :(

lawyer said...

مطقوووووووووق

اهم شي القلعه
ايييييييييي والله يهال تفكيرهم مادي على اهلهم

و الا اليهال اشعرفهم
في هالحجي الا من الكبار

و انا جني كمخ بس اسسسسسمع

و منبهرررررررره





بنت الشاميه
هلااااااااا و غلااااااا

شششششششفتي ششششششششششفتي
اييييييييييييي

ههههههههههههههههه

لا الناس تعرف منووووو الجخ و منو الي مو جخ

يعني بذمتج انا الحين بشويييييييييييخ طول عمري


ويهي هذا ويه بنت جخ
كاااااااااااااك

كحياااااانه على قد حالي

اي تكفيين قولي حق اخووووووج
ليش قبل كلا يطردونه

و انا كلا اوديلهم بينتو اساحلهم !!


و يعدين سألي اخوج اذا انا نسيه عنده اشرطه كمبيوتر صخر

ترا انا مسلفه وايد شبااااااب
اشرطه كمبوتر صخر و ما يردووووووون لي شي




فحيحيلي

لووووووووووووووووول

يما منك عياااااااااار

عياااااااااااااااار






استكانه
لووووووووووووول افششششششششل صح !!!


مثثثثثثثثثثثثلي

انا جذي ما اواطن الذهب

و امي تتعب علي شغل دقه بحرينيه

و كرسي جابر


و مدري شنوووووو و شي شي
ارهشششششش


بس كلا بصوووووووب و التراجي الي يتعلقووووووون
و يتدندلون جني زبيريه


اي اكسر الخاطر والله





برافا

يمدي الحين اتقرقعين

تروحين
انا بخاطري؟؟



ديما
حيااااااااج الله نورتي

اي والله نحن و الاطفال
واي تذكرين قبل كل اغراض باربي عندناااااا

بيتها و ريلها و حمام سباحه و مدري شنو

انا كلهم عندي

Reflections said...

واي لويــــرررر


ذكرتيني بأيام الشامية

كان أكو بيت عايشة فيه عيوز بريحاتها فقيرة

بس مادري منو مطلع عليها اشاعة انها مينونة مادري عندها ينانوة لوووول

بس احنا من البشاطة
عنـــــاد نقرقع عندها

و كلا ما عندها قرقيعان و تعطينا عصير KDD جوافة جنة!

الله يزيد النعمة


واي فطومة

ذكريات

flashBaaacksssssss

lazzy said...

bento = vimto ??

;)

magnoonah said...

ذاك اليوم نايمه وبعز النومه دقت اختي
فاضيه ما عندها شغل بالجامعه

وشنو انا بدش اقرا قوليلي منو ازور

قلتلها اقري حق لوير

والله حاطه الجريده على الفراش ومندمجه والاخت داقه ومهستره

اقولها شفيج تقولي روحي عند لوير وتضحك بشكل مو طبيعي

((لما كنتي كاتبه عن نمر بن عدوان))

الله يهديج انتي ويايها


اما موضوع اليوم تدرين ما كان ي بنات بعمري ولا كنت اقرقع ولما كنت اقول ربعي كان الكل يزفني ويقول انتي مو صبي قولي رفيجاتي

زمن والله
:(

اما انتي بدعتي والله
وبعدين لوير وياخذون نص قرقيعانها هزلت والله


اما احنا جخ قويه شمعنا يعني
عندي سؤال لو قايلين لج لا مو جخ شنو سويتي فيهم
ابي اعرف هالتفكير الاجرامي شنو بيسوي؟؟؟

يحليلج وترى على فكره انتي للحين عفويه مثل اليهال الله لا يغير عليج

وفيج شوية شطانه
:)

Deema said...

ilfarari il7amra o ilbait bo a9an9air, o kinna nafrish rig3at qmash 5a'9ra ya3ny zar3, o talafna ilbait bimyahat 7amam ilsiba7a :D

lol

Deema said...

ta3alay ilyom ga3da asolif 7ag omy 3an qi9itich malat khalid ilmarzoog chan tugoolu inna bait hom hdimoh al7een .. chan at7assaf :P

PearL said...

يا حلوج ويا حلو سوالفج يا لوير

وناسة حده قرقيعان قبل

صج ايام حلوة

ذكريااااااااااات

ذكرتيني بنحن والاطفال
ابييييييييي

كان حده عجيب


اموت بذكرياتج لوير
واللي يعافيج لا تبخلين فيها علينا

MANAF said...

فاااطمه شلونج

ذكرتيني قبل كان بيتنا في بيان

كانت اعمارنا تقريبا 13 سنه

وبفريجنا بيت الكاظمي كانو يحطون فلوس بالقرقيعان

تخيلي المنظر كنا ننخش ورا اليهّال ونقرقع عشان لا نغنّي فشله شكبرنا بس اشكره يايين ناخذ فلووووس ونمشي

:)

Fahad Al Askr said...

أمي أكيد جخ، كافي تقرقعين بالشويخ

|:| DUBAI |:| said...

الطفولة دوم غير أيامها ..لها نكهة جدا مميزة : )

"بسرعة مرت الايام للأسف "

AuThoress said...

وناسة أيام قبل، قرقعت الى سن الثلاثتعش سنة، ايام البنات يطلعون بـ حماية الشباب، اللي امس اتذكّر انهم كانوا يهالووو مثلنا، ولازم قوطــــي نيدو مخفوس،يطقطقون عليه ويغنون أي أغنية بس مو اغاني القرقيعان، حتى يطري علينا، كان مسلسل "عاد ولكن" اللي يُعرض ع الاولى الكويتية التي لم يكن هناك سواها :) وبمجرد ان ينتهي،نغنــــي اغنية المقدمة البائسة مالته، ونتجمّع في الفريج، ونجرخ مشي بيوت الجيران القريبة والفرجان الأبعد، نرجع أصواتنا رايحة من الصيحة،، نترك اكياس القرقيعان (ايام كانت كيس خبز ترى)
مو كشخة الزركشة هاليومين، نتركها بالبيت، وناخذ القواري/الدراجات،ولعب حتى نصف الليل


الكويت كانت أجمل بكثير

اجار الدين كشمش said...

احم احم

بااابووو
نعم عمي
من هالي يقرقع عند الباب ؟؟

بابا خالد هادي فطوووم وربعااا

يبي قرقاقان ؟
شوف بابووو

اذا معاهم هنديات ويااايين
مع السايق عطهم قرقيعان

مال بلجيكا .. واذا

يااايين مشي يدوورون على
البيوت

عطهم قرقيعان كشمشوا مال
المباركيه
واجحتهم .. لا يدمرون الحوش
ويلطخون زجاج باب السور
تفم """""""""""""
انشالله عمي خالد
فطوم وربعها... بس بس مااانبي
قرقيعانكم ؟؟؟؟؟
ويييييص ويييص
بيتكم كل ججججججج

ياللللله بره بره

Diver said...

قول للزمان ارجع يازمان

Shaima'a Alkandari said...

خوش قصه والله حدها عجيبه ضحكتنى وايد

قرقيعان اول غير الحين كل شي تغير صج عاد ايام وذكريات ماراح تنسي ابد

قبل كان في لذه موطبيعيه والناس متواضعه ومو الحين الترزز والتشيحط والتفلسف زايد عندنا ومراسيم قرقيعان مافيها ريحه البساطه

ومنو يقول انتى موجخ


حلوه الذكريات ومشاركتنا فيها

وعساه فرح دايم

والله يرحم جميع الموتى

White Wings said...

الله على السوالف
كأني قاعدة معك على كوب شاي وتسولفين لي
:)
ما أحل ذكريات الطفولة
ما كان عندي مغامرات كثيرة، والدي ووالدتي وايد كانوا حريصين ويخافون، بس طفولتي فترة رائعة فعلاً
كل عام وانت بخير، خففت على قلوبنا
:*

lawyer said...

يالايوااااااااد لحقوا علي

خلاص تسكربت

صارلي 3 اسابيع متحمله الم العصب

و ملتهب و الحاله حاله !!

و مابقى نوع ادويه مو قاعده اخذه

بس خلااااااااااص تسكربت

مافيني حيل

اييييييييي يا رويلاتي

ركبي تشخص

ابي كررررررررررسي اصلي عليه!!!




ريفلااااااكشن

هلاااااااااااا و غلا شخبااااااااااارج عمري

يااااااااااااازين اول

واي سسسسسسسسكتي انا اكثر وحده متأثره في البوست اصيح و ارد لي ورا


ذكريااااااااااتي



ليزي

اييييييييييييي فيمتووووووو

بس الذ اذا بينتوووووووو






مجنونه
سسسسسسسسسسسسسكتي

من احد يدش البيت يصووووووووت علي

ووووووضحه وووووووضحه


كل من قااااااااااام يربط هالمسلسل فييييييييييني

يطنزوووووووون علي


سكتي في دوانيه احد البلوقر من تطلع نمر بن عدوان قالوووووووو الحين لوير تسييييييييييح !!

هههههههههههههههه

سلمي على اختج

ببببببببببعد رووووووووحي والله انتي


:**




ديماااااااا
لوووووووووووول

الفراري الحمرااااااا في فيرجنا
كاااااااااااك

كلا ملحفينها
ههههههههههههههههه


واااااااااااااي بيت ساااااااالم
هههههههههههههههههههه

هههههههههههههههههههههه

جني عرفت منوووووووووووووو :)))))
هههههههههههههههه
ههههههههههههههههههه


امهم عليها بامكن كيك فظييييييييعه

اذا هذا تنقصيلي
هههههههههههههه



اي هدومووووووووه قبل رمضااااان شفته و انا طالعه من شويخ و رايحه البنزين





بيرل

حيااااااااااااااني انتي ووووووووووووالله :******

انشااااااااااء الله كل ما تميييييييييييت كتبت

بسسسسسسسسسسس طفوله غير مشرقه


و اتيني ايميلات تفضضضضضضضضح

هههههههههههههههه





مناف

وااااااااااااااي الله ياهم جخ اذااااااا قرقيعانهم فيه خمسين فلس او 10 فلوووووووس


ليش كااااااان كل شي يونسناااااااا

وووووووووووووووالله روووووووووعه




فهد العكسر

ههههههههههههههههههه

اشووووووووووووووه طمنتنييييي

يعني الحين اكششششششخ؟؟
اموووووووووووووووووج امووووووووج؟؟

انزين دام اني جخ و جذي سدد قرضي؟؟





دبي

اييييييييييييييييي والله بسررررررعه بسررررررررررررعه تمر

دبي بسألج عندكم قرقيعان؟؟




اوثرايس

يابعد قلبي
شخباااااااااااارج

حياج الله

ابييييييه تخيلي
انا افظي قووووووووووطي التيل و عصاااااه العلاق

بس مو حلييييييييب نيدو
كان مال التموين

انتو كششششششخه
ههههههههههههههههه


اي طووووووول عمرنا جيسه و يوم كشخنا يبنا جيس قرقيعان من المهاااااااره

lawyer said...

اجاااااااااااار

لوووووووووووووول

لووووووووووول

جنا انطردناااااااااا
لوووووووووووول

و الا انا يترواااااااااااااالي

هههههههههههههههه ياحسرتي
قمت القط ويهي في الدااااااار




دايفر

جااااااااااااااااان بخت

ااااااااااااااااااه



شيماء
اميييييين
يا رب اجمعييييييييييييين

و يخليلج غالييج

ايييييييييي سكتي سسسسسكتي ملزقه روووووحي قصب طيب
ههههههههههههههههه

اي اي اي صاجه جخ جخ جخ

ليش مو جخ
يكفي عليييييييييي قرووووووض

هههههههههههههههههههه




وايت ويييييينجز
حياااااااااااااااااااااتي انتي تسلمين

حيااااااااج الله في يوم على شاي صصصصج
و اسولفلج
مذكرااااااااات بلوقر
تموتين ضضضضضضحك

:***************

AseeL said...

انا واخواني ما كنا نقرقع كنا نشوف انه طرارة وتشييب ومهلقة. . حسافة طافنا!

|:| DUBAI |:| said...

هي لوير بس نسويها في شعبان مب رمضان و نسميها "حق الليلة" : )