Tuesday, October 02, 2007

كان دوم يذكرنا في هالوقت ..عسى بس احنا مو ناسينه ؟



كان كل سنه في العشر الاواخر يطل علينا بكلمة منه
كان دايما يذكرنا ما بخل علينا في طلته سنه من السنين و اهو عايش حتى في يوم مرضه
ولكن هل نحن اوفياء انه نذكره عند ربنا في العشر الاواخر هالسنه ؟؟
لا تنسوونه في دعائكم و صلاتكم
في كل يوم ارفع فيه ايدي لربي
زوله يطري على
ماني قادره انساه لا بصلاه و لا عند الفطور
مرات اقول يا بخته
ياريت عقب عيني في احد يذكرني كثر ما اذكره

الله يعفرله يارب و يرفع درجاته يا رب

16 comments:

The Simper said...

الله يرحمه

Reflections said...

جنّج تقرين عقلي

وايد ولهنــــــــا عليه

اللهم اجمعنا به في الفردوس الأعلى

ballerina said...

واى ...واى ...لوبر
مومعقوله
تصدقين من دخل رمضان
وانا بس افكر فيه
وامس الفجر بعد الصلاة
ماراح عن عينى
صج حبيناه ومازلنا نحبه
انا كان حلمى انى اتشرف بشوفته
وذهب عنا ولم يتحقق لى هذا الحلم
اتذكر مره من زمان الله يرحمه
في وقت قوته وصحته جاء لديوان بيت
جيرانا يعزيهم بوفاة ابوهم
وشوفى ركضتنا وتشربكنا على الدرايش
بنشوف بابا جابر
خبرج بلاغة شف حريم
لما شفته ينزل من السياره
طار قلبى
ودى اروح واسلم عليه
ولو مااخاف من امى جان سويتها
بس انا معروف عنى انى خوافه
تصدقين كل هذا الشريط مر على البارحه
واتفاجا اتج تكتبين عنه
الله يرحمك ياجابر الخير ربي يغفر لك
ويدخلك الجنه من اوسع ابوابها

اجار الدين كشمش said...

فيج الوفى

متأصل

الله يرحمه شيخ

شيوخ الخليج كلهم

كله ادب

اللهم اغفر له

وتجاوز عنه

كما تجاوز هو عن

اخطاء شعبه

فمالله

PearL said...

لوير بوستج يعور

هذا حبيبي
الله يرحمه يارب

والله ما نسيناه ولا راح ننساه

فيج الخير حبي

vancouver said...

اصيلة فطومة










ربي يرحمه ويغفرله

ويرزقنا بحاكم حنون مثله

-----


ترى عطيتج الحل لمشكلة بوستج اللي طاف
شوفيه

`~MnO YeNSa! ~` said...

ايــــــه والله ما نسيناه والا راح ننساه هذا حبيــــبنا بابا جابر .. كل ما احد دعا له ما اقدر حبس دمعتي له معزة غير ... الله يجمعنا وياه الفردوس

بنت الشاميه said...

دايما سباقه بالوفاء والتذكره


الله يرحمه ويغمد روحه الجنه

ويغفرله ويعفوا عنه ويكرم نزله

ويوسع مدخله ويجازيه بالاحسان احساتا

وبالاسيئات عفوا وغفرانا


الحين انا ضيعت

انت منى ...؟؟؟؟

وفاء

ذكرى

وضحه


فطييييييييييييييم

والا كلهم........لوووووووووول

Mohammad Al-Yousifi said...

الله يرحمه و يغمد روحه الجنة و يغفر لأموات المسلمين و المسلمات

MANAF said...

والله قلبج على قلبي

وايد قاعد ايي على بالي هالايام

انتي وفيّه

وبنت اصووووول

:)

Selezya said...

akheeeh
ذكرتينا فيه واحنا مانسناه والله العالم
قبل جم يوم مر على بالي وتمنيت وجوده .. والله وجوده كان راحه

الله يرحمه ويغمد روحه الجنه وعسا قلوبنا ماتنساه ولا لحظة ولا حتى دعائنا
الله يرحمك يالغالي

ويعطيج العافية

Purplecious said...

لوير خنقتني العبره

الله يرحمه و يحلله و يغفر له

آميـــــــــن

Barrak said...

لاماراح

جابر الاحمد الصباح

SHAHAD said...

ربي اغفرله وارحمه واجمعنا فيه بالجنه
عمرنا ما راح ننساه
أصيلة يا لوير :)

بو حامد said...

اذكر حديث بما معناته ان الله اذا احب عبدا نادى في السماء اني احببت فلان فاحبوه فينادي جبريل باهل الارض ان الله احب فلان فاحبوه فيحبه اهل الارض .

نقول بالعاميه المحبه من الله

الله يرحمه ويغفرله ويصلح حكامنا من بعده ويهديهم

Shaima'a Alkandari said...

رحل عند الدنيا ولكنه بقى بقلوب كل الناس

رحمه الله وغفر له وادخله في فسيح جناته

اشتقنا لابينا الغالي فلهذا هلموا للدعاء له