Saturday, October 27, 2007

لما يصرخ الزوج و يقول انتي باردة !!!!


قمه الاحباط شعووور عدم التقدير
سوااااء من الرجل او المرأه
سواااااء من الزوج او الزوجه


اليوم بتطرق لموضوع محزن شوي بالنسبه لي
و مأساوي وايد بالنسبه لرفيجاتي المتزوجات الي كل وحده فيهم عايشه القصه او الحدث
مشاهد راح انقلها لكم
من واقع بيوت كويتيه
شابه تعتبر في اول عشر سنين من الزواج
و من المؤسف ان هذي المشاهد لبنات تتراوح اعمارهم مابين ال 25-35
يعني في عز شبابهم
في عز الروح الحلوه
و المفروض تكون حياتهم الجنسيه
ممتازه
المشكله الي راح اتكلم عنها اليوم

لما ايييييييييج زوجج و يعطيييج طراق
بس مو في ايده لألأ
لما يقووووووولج انتي باردة!!

و اهو اكثر انساااااان بالدنيا شاف حراره مشاعرج
ماراح اطول خلكم ويا المشاهد

المشهد الاول

حصه متزوجه من 6 سنوات
عندها بنت وولد
لان الفتره الي فاتت كانت رمضان
و لويه رمضان فحياتها الجنسيه مع زوجها
مجرد تأديه واجب
شغل سريع سريع
لحق او ما تلحق
رمضان ولويه و ايام تراويح و بعدها ماكو سهر
و ايام العشر الاواخر
فماذكر حتى اشكثر نمت ويا رلي المهم ما اطول عليكم
بنتي الصغيره في ثاني يوم العيد طاحت علينا
فلو طيحه قشره
اتضح انه فايرس
نقلناها الاميري على طول
لويتي لوووووويه
مابين بنتي و المستشفى
وانام عندها عندها هناك
اتيييييي امي الظهر
ارجع البيت اقط راسي انام هلكانه
اسبوع على هالحال
في قمه نفسيتي التعبانه و في قمه لويتي على بنتي
والله ماعندي وقت اتذكر متى اكلت اصلا !
طلعت بنتي بالسلامه
اول يوم احتاج انام فيه مرتاحه
اول حوار يفتحه زوجي !!
حصه: انتي صايره باااااااارده
انا ما اذكر متى اخر مرا نمت وياج
الدنيا دارت فيني
انا توني طالعه من المشتسفى
من وين لي موووووووووود اصلا !!
انا مصدومه
ماقدرت ارد عليه
لاني من التعب والله حسيت يا اذبحه يا ارتكب فيه جريمه
لان اللي اعرفه و اظن ان الياهل المقطووووطه في الدار الثانيه بنتك!!!
ماهمني الظروف
ماهمني اهو صح او غلط
همني طرااااااااااااااااااق
و جرح كلمه انتي بارده !!
لاني لهيت عنك فتره
او ما عطيتك حقك في الفتره الاخيره
قررت قراااااااار اني بارده!!
كانت فيني صرخه
حسيت لو تطلع ارحم اروح بيت اهلي و لا اناقش
كلمه اخيره لاي ريال
قبل لا تقول حق مرتك انتي بارده عشان تاخذ منها شي
او اتأنبها لتقصيرها
تأكد انها يا تنتقم يااااااااا تثبت حرارتها مع غيرك
او اذا تبي تضمن عطائها
حفزها و لا تدقرها
لان الدقرات
تشيل الرغبه فيك انت تماما
ما تشيل الرغبه في احد ثاني

المشهد الثاني
هاي
انا لولو
انا احس ان مشكلتي اتحر و تقهر اكثر من حصه
لان حصه عندها عذر ان بنتهاااااا مريضه
انا الي يحر في الموضوع
ان نفسيتي داااااااااااون داااااون
نتيجه ان ريلي عنده ازمه و مشكله
و يمر بظروووووووف جدا صعبه
فهو محبط طووووول اليوم و جدا تعبان
مشاااااااااكل في الشغل
و ازمه ماديه غير طبيعيه
الي واقفين ناطرين يصير الشي او ما يصير او راح ننهار كلنا كأسره
المهم ما اطول عليكم
ازمه زوجي صارلها 3 شهووور
ادت الى تعب زوجي نفسيا و جسديا
و انا هلكااااااااااانه
لاني اشوووووووف زوجي ينهار جدامي
شوي شوي
حيااااتي كلها مسخره
للتخفيف عليه
اني اوقف وياااااااه
اني اقووووويه
اصلا اصلا
انا حالتي النفسيه دماااااااااار
لان اهو كل شي عندي و بالنسبه لي
فمجرد اشوفه جذي
انا اتعب
مراعيه مشااااعره في كل شي
حتى ابسط الاشياء ما اسويها
اخاف يحس اني مو قاعده اراعي مشاعره
مرات حتى الميك اب و التكشخ ما اسوي شي جدامه اخاف يقولي انا في هالظرف و انتي جذي
وووووووووووووووالله ما اتلبس جدامه اخاااااااااف يقول اني مشتهيه و انا موجذي
و اخاف يقولي مو وقتج
انصدم في انه يقوووووووووولي بين السوالف
زوجي : انتي قاعده تعطيني مبرر اخونج
طبعا اهوووووو يقطها على غشمره
بس ريلي اذا بحاورني جد !!
و بقوووول اشياء كبيره ما يبيها تنحسب عليه
يقووووووووولها على غشمره
عشااااااان يقولي انتي ما تفهمين غشمره يبا اتغشمر انا !!
او بعدين يقولي انتي صج تحبين النكد
انا قاعده اتغشمر !!
المهم
نرجع لجرحه لي في كلمه
انتي تعطيني مبرر اني اخووووووووووووونج
حزتها بغيت اقلب عليه الدنيا
لو ما اني احترمت البيت الي انا فيه ووجود اهله
بغيييييييييييييت اقوله
انا الي فيني كله منك
هلكتني منك
فقدت طعم كل شي حلو منك
بسببك
لاني عاااايشه ظرفك
و تقوووووووووووولي جذي
هذي اخرتهااااااا
يااااااا اخي حس باللي فيني
بس شقووووووله
بذمتكم شقووووله
للاسف عقب كل الي اسويه و يصير فيني
يعطيه مبرر لخيانتي

انتهت مشاهد الي عرضتها لكم
كنت بعرض مشاهد اكثر بس السالفه راح تطول
كل واحد فيكم يحط المشهد الي اهووو يعيشه
فعلا مشكله
لما تجرح المرأه بكلمه انتي باردة !!
لما المرأه ما تلاقي اي رعايه من الرجل
و كل الي تلاقيه قمه التدقر
و بعدها يقولها انتي باردة
و انا اقوووول
فاقد الشي لا يعطيه
المشكله قبل امهاتنا مضحيات
يعني اذا شافت شي من الرجل تصبر
احنا جيييييييل ما نصبر ترا
انتوا تحملوا ثمن اغلاطكم ويانا
و النصيحه الثانيه للبنات
لازم تفهمين تفكير الرجل عدل
كل مازادت مشاكله
زادت رغبته الجنسيه
عكسنا احنا تماما
في اي مشكله يختفي الدزاير

26 comments:

vancouver said...

حياتي لوير

الزوجة بعد مرور سنوات
لازم تكون عارفة انه الرجل
سواء شرقي غربي جنوبي غني فقير
مهموم سعيد
اهم اولوياته الفراش
اي والله
تركيبتهم جذي شتسوين

بالنسبة للمشهد الثاني كان
المفروض تعرف انها اذا صج
بتريحه من همومة ولو مؤقتا
المفروض تونسه مو تعيش ظروفة
والله من صجي
وبالنسبة لحصة
صحيح زوجها ماااااااااا عنده دم
بس مشكلته مااااا يربط بين الايام اللي مرت وظروف مرض بنته
وبين احتيااااجاته
اهمه جذيه
شتسويييييييييييييين

مثل ما احنا نعتبر نفسنا حساسات ومرهفات ونبي اللمسة والكلمة والحنان
لازم نعرف انهم اي الرجال بشكل عاااام
احتياجااااتهم
تيي نمبر ون
اذا مو قبل الون بعد
هههههههه


هدي بالج
المشكلة انه اللي قلتي عنهم ما عندهم اسلوووووووب
شنو يعني يقولها انتي بااااردة
جان قالتله وانته ثلجة
لووووول

PearL said...

ما اتوقع في وحدة باردة
برايي


بس رياييل مايي بعينهم
وفي رياييل ما يقدرون ظروف
وفي رياييل على كثر ما عندهم خرابيط او كان عندهم يتوقعون حريمهم مثل البنات اللي شافوهم
ما يدرون ان هالبنات ماكو احساس اصلا
فليش ما تقول لا




اتوقع اذا كان في وحدة باردة
السبب الاول ريلها

Doctor said...

ابصراحه ما ادري ليش دايما احس انج عنصريه من ناحيه الرياييل بطريقه مبالغ فيها اذا انتي ذكرتني حالتيين انا مستعد اذكرلج 10 حالات من شباب من اهلي وربعي يعانون فعلا مشكله في البرود الجنسي في مجتمعنا الشرقي طبعا الوقت ما يسعفني اني اذكر هالقضايا بس لي عوده في اقرب وقت

zajel said...

سلام عليكم

lawyer said...

فانكوووووفر

بالظبببببببببط

بس هذا ما يمنع انهم يحرون
و عليييييييهم تصرفات تقهر

انزين بذمتج اذا واحد يقول حق وحده جذي
من ويييييييييييين لها خلقه

الي في الفراش هذا احساااااس
ادميه عندها مشاعر
و الا مكينه تفريج

السالفه مو ان الوحده يالله تنام و خلاص
انا زوجته ابي اعطيه هذا الشي عشان ما يروح حق غيري

ابي اعطيه هذا الشي عشان ما تلعني الملائكه
و بفتك
لألأ

السالفه لما الوحده تحب زوجها فعلا
و ما تفقد الرغبه فيه

في وايد متزوات و يموتون على رياييلهم
بسسسسسسسس تقولج ماعندي اي رغبه فيه !!
هذي مسكيييييييييينه اشلون بتعيش باجي عمرها!!





بيرل
فعلا بالظبط زوجهاااااااا
المتدخل الاول و الاخير زوجها
ايي ريال يقول حق زوجته انتي بارده
خيقول حق نفسه قبل
فلااااااان انت فاشل
انت ولا شي
انت صفر
الي مو قادر على هالادميه




دكتور
حياااك الله اخووووي
صدقني مو متحامله بالعكسسسسس

بس الي انا مصدوووووووووومه منه عندك اكثر من 10 حالات عن البرود

يعني هل انتوا الريايل تسولفووووووووون عن برود حريمكم

واحد يدش الدوانيه يقووووول مرتي بارده

اشلووووووووون تقدر تعرف
هالعشر قصص

يعني بحياتي ما اتوووووووووقع يوم من الايام ان الرياييل يتكلمون عن برود حريمهم

و انشاء الله الرياييل بعد يعرفون ان فلانه هذي بارده و فلانه مدري شنو


يعني انا لما اعرف اعرف من بنات لانهم رفيجاتي يشتكون ان ريلها ققققققققط عليها هالقطه
بسسسسسسسسس اهي ما تقولي عنن ريلها



ياحسرتنا بدينا نخاف منكم يالرياييل

يعني بااااااااااااجر مثلا مثلا ريلي يقص قصه حياتنا حق ربعه في الدوانيه


كل الرياايل جذي؟؟





زاجل
انت ويييييييييييييييييييييين غطيييييييييييييييييت

وييييييييييييييييينك

والله اكيد هذا انا اترااااااااااااااااكت يووووووو

امسسسسسسسسس قاعده افكر اقول هالريال وين راااااااااح !!!!

حمدلله على سلامتك

اهم شي انت زين بخير؟؟

اجار الدين كشمش said...

شوفي لويرووونا

انت وايد وووايد قلبك ابيض

تدرين شنو الحل حق صديقاتج او الي مثلهم .. اذا كنتي تحبينهم وتبين تخدميينهم


أصطار على الحلج
منج .. اول ماتفتح
هالموضوع الحميمي

بينها وبين ريلها ؟؟

ولا تعطينها فجه تكمل
قولي لها جب
اذا تحبينها وتبين مصلحتها

وخل تفهم عدل .. ان

موضوع الغرف الخاصه الحميميه
ما ينقال حق احد

موووووووووووووليه
والا ..
كأنها اعطت مفاتيح بيتها
للاغراب .. يعبثون في بيتها
متى شاؤوا
واصبحت اسيره تحت رحمتهم

بما فيهم انت يا لوووير ؟

لانه الحياة .. مع الكل
حتى الاهل مو بس الاصدقاء
كالموج
يوم عالي واليوم الاخر
هادئ .. وهذي هي الحياة
الزوجيه ... دواليك

شلون شكلها باجر لو تختلف
معاج ويدب الزعل بينكم

وكل اسرارها.. مالت ويه
المخده عندج

موووووووووووو
كل الناس طيبيين
مثلج وقلبج ثلج يا فطيييم
تبلعين اسرار صديقاتج

اكوا بنات يدورون هالسوالف

لخراب بيوت هالساذجات
بارد بارد بارد
حار حار حار
اشعلابالهم هالزوجات
هالطفس ..
الحياة باسكن روبين
اشوفون هالافلام ويعيشون
بالخيال ..

سسسسسسسسسسسسامحيني
على الشده
فمالله
مو تروحين تصوطرينها
باجر ؟؟

MANAF said...

:D

خل تجرب تلبس جاكيت وترجع له

يمكن تحتر

HeHe

مليـــــــــــق حدّي

صح

Expatriate said...

Lawyer
--------
انا بصراحة فعلا افضل اتجنب اعلق على هالنوعية من مواضيعج الجريئة . مو تهجما عليها او اعتراضا عليها بقدر اني ما احبها واعتقد انها غير لائقة

لكن هالموضوع بصراحة بط جبدي
مادري بصراحة بس احيانا احس انج غير منطقية .. استخدمي التفكير المنطقي
ليش هالمشكلة موجودة عند بعض البنات ؟ بسبب الزوج ..
ليش هالنوعية من الرياييل ما يقدر الكلمة اللي يقولها ولا يكون واقعي ويفكر بانانية فقط ؟ بسبب شخصيته وصفاته اللي بالاصل تحبونها وتفضلونها .. منو انتوا ؟ هالنوعية من البنات اللي يشتكون من هالرياييل
فهمتيني ؟

يعني بو زقارة وراعي الكوت بالدواوين بس لأنه ولد فلوس او فري شحلاته مزيون خزها بكافيه و حبته او بس لأنه ولد فلان ..خلاص كل عيوبه تختفي حزة الخطبة او لأنه فليكسبل مو حجر ودين فخلاص

المشكلة ببساطة بناء على صصج مو في البنات .. المشكلة في الازواج
والحل يكون في الازواج
ببساطة

ZoZOta said...

فطومه

حبيبتى

اسمحى لي اثنى على كلام اجار الدين مشمش

احنا تربينا وشفنا اهالينا وسمعناهم

اللي يصير بالخلوة بين المره وزوجها

عيب

عيب

ثم عيب

يطلع بره

حتى لو حق اختج

مشاكلج قعدي وياه وحليها

ولا تعلمين اي كان شنو نوع الحياة اللي انتى عايشته وياه

واعتقد هذا الصواب

علاقة الزوجين لها خصوصيتها

ولما تنافشين مشالج مع زوجج مع اي كان

صديق

قريب

بعيد

انتى نفيتى هالخصوصية

:)

حبيبتى لو كل الناس عندهم نفس نيتج

ويبون يصلحون جان الأمر عادي

بس مو كل الناس فاطمه

:*

سامحينى

هذا رايي

Nachla said...

في وايد انواع
وبعدين حتى في رياييل باردة
مثل اللي يهد مرته وليل نهار مجابل اللاب توب والا التلفزيون
والا يرد على المسجات اللي توصل له من بنات ابليس على الموبايل
وبعدين يشتكي من مرته يقول باردة

تكفى العيب فيك
وفي كل ريال يفكر يبصبص بره بيته

على نفسها جنت براقش said...

خلينا نكون موضوعيين
اولا احنا بزمن اختلطت فيه الادوار
يعنى عادى المره موديه عيالها تالى الليل المستشفى و الريل نايم و الا بالديوانية
ثانيا المرأة الكويتية قلبها حار بمعنى لازم كلامها يصير بلحظتها او اهى تسوى الشغل
ثالثا المره الكويتيه رايحه الجمعيه المصبغه شاريه الجمله التموين الخضرة مجابله عيالها توصل تدرس تلعب تشترى هدوم
الرجل الكويتى مسكين شقيان يداوم يرجع يتغدى ينام القهوه الديوانية و ينام و يداوم

اذا تفرغ حق زوجتة كلام سنع ماكو
رومانسية ماكو
مفاجأه حتى لو طلعه غير مخطط لها ماكو
لا و حتى اتوقع بالفراش تأدية واجب
ماكو حس ابداعى او رومانسية

و لو بنشوف احنا البنات نحاول بالتجديد لكن يد وحده ما تصفق

و يا لوووير للسياحة
:P
اعتقد ان مع مرور فترة من الزمن على الزواج لابد من فتور الطرفين المفروض يجددون

و صديقاتك شكو لك لان احنا الحريم لو ازواجنا يحرقون عمرهم لنا و مرة ووحدة سووا شى ما عجبنا نقول
ما رأيت منك خيراً قط

و صديقينى راح يصيرون سمن على عسل و ينسون السالفة و انتى بس بتذكرينها

kila ma6goog said...

هناك جهل عميق من الطرفين في هذه المواضيع

و للأسف كلا الطرفين يستحي يفتح هالموضوع و يتكلم فيه بدون لا يجرح الطرف الآخر

موضوع أعمق من سالفة باردة و بارد و خيانة

tweety said...

لوي الله يهداج جان حطيتي تنويه إن هذا الموضوع لا يصلح لمن هم دون الثامنة عشر ! عشان ما اقراه زين جذي تفتحون عيونا على هالسوالف :p

يا وخيتج الله يسمع سوالف غيره يقول أحيانا يكون عدم الزواج نعمة

الله يهديهم هالرياييل بس للأمانة أعتقد حتى لو هناك مشكلة فعلية عن المرأة فالحل يبدأ من عند الرجل لأنه وبحكم مجتماعتنا الشرقية هو الأكثر خبرة وجرأة فالمفروض اهو يعرف اشلون يوصل اللي يبيه للمرة مو يتوقع انها اهي بالفطرة بتعرف او يقارنها ب ...

ANgEL_BaBY said...

السلاااام عليكم... شلونج لوير :)


الموضوع حده اكشن ... امممم شوفي انا اقولج

ليش نقسم الموضوع دايما جذي ؟ ريال ومرته

لالا اهو يمكن المره زينه .. والريال هم زين بس علاقتهم ويا بعض مو شي.. شلون .؟

انا اقولج .. يعني وحده تتحمل ووتسكت وتخش ودس عشان ريلها بالاخر اهو مايدري .. انزين ليش ما تبينيله انج جذي اهو ما يشوف كل شي دايما ويمكن الريال مو على قدر الفهم الي يخليه يجمع الاشياء ويقول مثلا نفس سالفة حصه اهيا ما تكشخ وجذي عشاني ؟!!

بعدين منو قال انه ما تكشخ صح ؟

الحين اذا انتي حزينه وقاعده تبجين .. ايي انا ابجي وياج واحط ايدي على خدي ؟!


لااااااا طبعا .. بأول خمس دقايق اكون جذي ..بس بعدين لازم اغير الجو .. اضحكه اونسه اعرف شلون اكلمه اداريه اخليه يفتحلي قلبه اكثر .. يشكي يقول كل الي فيه ..

القضيه مو قصة رياييل وحريم ضد بعض لالا

بس الناس "اعتقد" مع زمن السرعه وزمن العولمه وزمن الانفتاح والانشراخ.. صار في خلل في نفسياتهم وعقلياتهم.. ويا زين الريال والمره الي يعرفون بعض ويفهمون اسرار بعض ويعرفون شلون يبطلون البيبان الصح ويبعدون عن الخطأ.. بنهايه ندعي للمتزوجين بتوفيق والصبر في رحلتهم لبر الامان :)

zajel said...

فطوم ..

موضوعك ما حلو

fa6fooo6 said...

بصراحة اكبر غلط إن وحدة تقول حق رفيجتها عن اللي يصير بينها وبين ريلها بالفراش
ممكن تقولها كل شي وتاخذ رايها بكل شي الا هذا، وهذا قدوة بالرسول صلى الله عليه وسلم لما قال: إن من شر الناس عند الله منزلة يوم القيامة الرجل يفضي إلى امرأته وتفضى إليه ثم تنشر أحدهما سر صاحبه"

غير جذي إن الرياييل ما يفكرون مثل المرة ولا يستوعبون شكثر مسئوليات على راس المرة، فالمرة المفروض تقول حق ريلها وتفهمه بطريقة زينة وهم تحاول تخليه يشيل المسئولية معاها عشان يحس باللي اهيه فيه ويقدر الوضع أكثر

nena said...
This comment has been removed by a blog administrator.
Fahad Al Askr said...

أنا أقول الله يرحم حريم قبل

lawyer said...

انا الي مستغربه منه
انكم خليتووووو الموضوع الاساسي
و صار محور تعليقكم رفيجاتي

رفيجاتي جزء بسيط من المجتمع
و لا اطلعون روحكم مثالين في ان محد يشكتي حق ربعه


الغلط مو غلط البنات

و لا غلط احد

هذا موضوع عن البرود الجنسي
بتناقشون ناقشو في موضوعيه

في عدم التطرق لاشخاصه

يعني استغرب من تعليقات البعض
وايميلات البعض

انا اصلا بعضكم ما اعرفه

عشان يصير ضابط و يقيم ربعي!!


الي عنده كلمه مفيده يقولها
و الي ما عنده لو سمحتوا عدم التطرق للاشخاص

و التركيز في موضوع المدونه




اجار الدين
مشكور وايد على كلامك الطيب
بس لو تلاحظ رفيجتي ما قالتلي
عن السكس بينها و بين زوجها

قالتلي انه اهو قالها انتي بارده

خلكم من ربعي و ناشقوا برووووود الزوجات و سبب البرود

و شكرا




منااااااف

مممممممم
ههههههههههههههههه


المشكله حدي ضضضضضضضضضضضضضحك

ههههههههههههههههه

اش اش اش لحد يقول عننااااا شي

هههههههههههههههه




اكسباااااا

اول شي وايد مشكووووور
بس هذا ما يمنع اني اقوووولك وينك!!!!!!!

و الحل
الازواج اشلوووووووووون تنحل مشكلتهم؟؟





زوزوتا
مشكووووووورة
ابدا

ماكو شي ليش اسامحج
هذا رايج

كل بوستاتي و بلوقااااتي

عبارة عن قصص وواقع
واسرار

و عادي
و كل شي ينقال بالنسبه عندي

بس يمكن انتي لي الحين ما تعودتي
انصحج تشوفين ارشفي:)))))


لما اختج تقولجج ريلي قالي شكلج اليوم مو حلو اسرار!!؟؟




نجله
بالظظظظظظبط
هذا البوييييينت
وبعدين
بسهووووووله اكو بديل

لاحظتاي!



على نفسها جنت براقش
عجبني
لووووووووير للسياااحه

ههههههههه



مطقوووق

كنت ناطرة تعليقك تدري

كنت حاسه انك راح تفهم البوينت

و فعلا بردت قلبي :))





تويتي

سووووووووووووووري
سووووووووووووووووووري :*****


مرا ثانيه اكتب
فوووووووق العشر تعش بعد

هههههههههه

فعلا المووضوع يبيله حواااار

بس هل كل البنات لهم خلق او الازواج

لان صدقيني الريال في النهايه بطلع رووووووووحه بطل

و انتي الي علييييييج اللوم عرفتاي





انجل
فعلا
ماعليه في الزوج زين او شين

عليناااااااا من موضوع
الجرح بالكلام

للوصووووووول للي اهو يبي

عرفت




زاجل

اهم شي انت زيييييييييين

وين غطيت انت ؟؟


فطفط
حبيبتي

اعتبريها قصه قريتها

و الاحداث غير حقيقيه

خليج من رفيجاتي

وشوفي الموضوع بس




نينا
رفيجات و كيفنا

نشكي حق بعض نقول حق بعض

بس الغريب لما الغريب يسأل ليش يقولونج لج رفيجاتجج!!

ههههههههه

ما اسمحلج تقولين عن ربعي اغبيه لو سمحتاي

و تعليقج في تقليل من احترام لرفيجاتي

و عدم موضوعيه في ردج فراح امسحه

شكرا





فهد

اييييييييييييييي والله و الله يرحم ريايل قبل

عيل واحد معلق يقولي بييب لج عشر قصص من ربعي عن برود حريمهم!!

يااااااااااااحيف

وين الرياييل
ههههههههههههههه

;)

اجار الدين كشمش said...

لويرونه ياالشيخه

انا ما علي من احد
انا علي من نفسي
انا علقت عن موضوع رفيجاتج

ما تكلمت عن رفيجاتج

فماالله

lawyer said...

اجار

ادري والله انا فاهمتك بس ما حبيت سوء الفهم الي صار مع الباجي :)

عزيز و غالي :)

ANgEL_BaBY said...

انا اقول الازواج لازم يحلون مصايبهم بهداوه وبتفاهم


بعدين انا بفهم الزوجه قالها زوجها بارده

ليش ما ترد عليه ؟ وتفهمه هاااااا بتينني هل زوجه وشعليه تسكت له

تقوله يا ريلي العزيز بهدوء ليش تقولي كيت وكيت

بهدوء مو يتهاوشون ويصير تفلع :)

وفي ناس معصبه على طرح الموضوع هذا.. يذكروني بلي عارضوا فوزيه الدريع يوم طلعت ..

لوير انا اتوقعلج مستقبل زاهر بتلفزيون تبين مخرج ترا حاضرين :)

esTeKaNa said...

طق طق
!!
ترا صباح الخير
انا فازعه من الساعه خمس وانا نايمه اساسا ثلاث
:(
عاد سيّرت عليج هني
وخامرة وقاعده
عيوني تتلاقط واقرا
علامج عصبتي على الناس وانا ااخيتج؟
خلي كل من يقول اللي بخاطره
مثل ما انتي يا بعد قلبي قلتي اللي بخاطرج وعرضتي فكره
شوفي ردود افعال عليها من غير لا تتضايقين من احد
واذا احد مضايقج ولا شي..ترا انا متكتره وساكته بس اشري وانا اييج اركض
:)))
صبااااحج عسل

zajel said...

كنت بين المقام والحجر

من 14 سبتمر إلى 20 اكتوبر

bo_sale7 said...

علشان تصيرين منصفة حطي بعد مشاهد عن رياييل فعلا مظلومين من حريمهم ...ولا انتي بتعطين بس فكرة انه الرياييل هم بس الغلطانين ؟

E6eba_Ethb7tny said...

آنا بصراحه دشيت وويهي قام يقط ألوان لووول

وبصراحه جميع الأطراف مشتركه بهالموضوع والموضوع محتاج لنقاش جاد بين الطرفين دون تدخل الأطراف الخارجيه ويجب على الطرفين مراعاة ظروف الآخر ولو حدثت مشكله من هالنوع السبيل الأمثل لحلها اهو الحوار الهاديء بين الطرفين لمعرفة أسبابها وكيفيه التغلب عليها أما القاء اللوم على أحد الأطراف فما هو الا وسيلة لزيادة هذه الشكله وتعقيدها


الكلمة الحلوه وطولة البال أرقى حل لمواجهة مثل هذه الأمور :)

والله يعطيج العافيه