Thursday, November 01, 2007

لوير = خريجه مخافر!!


انا خبري لما الجو يتعدل الواحد يرد بيتهم يشتهي يشووووف هديه
مفاجأة تنطرة

شي مني مناك
المهم رديت امس الظهر البيت و الا الاقي هذاك الظرف افتحه و الا مخالفه سرعه لي فوق ال 300 فرنك !!!
مخالفه الصيف !!
الله يستتتتتتر
اشوة ابوووووي ما طاح عليها جان فضحني!!

ليش ابوي لو امي طايحه عليهااااااا جان دافنتني لانها اسألتني مسويه بلوة قلت لها
اببببببببببببببببببببببد بنتج اسم الله عليها لا هي راعيه هالحركات و لا شي
اشقالووووولج يماااااااا انا صبي!!

القرادة مو جذي
القرادة علي مخالفه سرعه
و انا اصلا في السفر يوم و ترك في البوليس ستيشن!!
موديلي امشي و ادور بوليس ستيشن
صاااااااااار مخفر كلارنس مثل السوبرماركت
!!

اول مرا تخالفت كنت واقفه عند محطه القطار بس ما اقدر اروح سيارتي لانه غررررررررررقه
مطر و انا واقفه يا الضابط
و انا اقووووووله نوووو نووووو بليز انا هني كااااااااااااااني

بس مطر قالي المكينه يمج ليش ما دفعتي
المهم الحمار عطاني مخالفه
70 فرنك تأخير 3 دقايق في الباركينج!!!

ركبت السيارة رحت مريت رفيجتي
ودورت مخفر كلارنس
و كان غرقه و قيله و عفسه

و كشيشناااااااا طايرة!!
و هلاقتنا
من الصبح
تسنعناااااااا
و انا اضبط عمري عند باب المخفر رفيجتي تمسسسسسح حمرتي!!!
هاااااااااااااااااو انا داشه عند الناظرة!!

المهم دشيناااااااااااااااا فيلم
تمثيليه
حتى الكلب سلمنا عليه
دفعنا و مشيناااااااااااااااا

وتوكلنا على الله

و المرة الثانيه

هذاك اليوم اخر ليله لي
في ساعه متأخرة من الليل
احم احم
طالعين من مخبأنا السري
متدفيييييييين عقب الهوت شوكلت ومستانسين

ركبنا السيارة بوصل البنات بيوتهم
ماوعينااااااا الا كشافات و نقطه تفتيش

هم كان يومها مطططططططر الي يخرع
وقفني الشرطي

ليش كان هوا و مطر
فصرخ علي :سكري السيااااااااااارة

فطيييييييييم تنحت

فهمته بس من الخرعه ماكو ردة فعل
يصرخ علي : سسسسسسسسسكري السيارة

سكرتها و ابتسمت ابتسااااامه باردة
و في كل برود التفت على رفيجتي الي يمي قلت لها عطيني الدفتر و عقد الاجار
سحبت جنطتي الي وراااااا وطلعت رخصتي

لاااااااااااحظو اهو ماقالي شي للي الحين سويت من نفسي

اهما واقفيييييييين يمكن اكثر من 8
و كلاب
و سيايير و عفسه
واحد واقف على راسي يسألني

و رفيجتي الي وراااااااااا اخترعت و تضحك
ال7 كلهم تيمعووووووووو عليها

صرخوا عليها
اهي اخترعت جان تقولهم بالفرنسي
اشفيكم انا شسويت!!
و 4 يوجهوووون ليتات عليهاااا يطالعونها

نزلونا
يسولفون ويانا
انا وايد واثقه من نفسي
الي يمي صارت صنم ماتتكلم بس
تحاجيني من ورااااااا ضروسها تقولي رفيجتج الي ورا اشبهتنااا
مسويه جريمه ترا !!
اعطيها ابتسامه صفرا اقولها

الاخت عبالها قاعدين في الرياض بس خنوصل بالسلامه اذبحها!!

طبعا للامانه العلمييييييييييييييييييييه
اسفل سافلين خلق الله كانو هالشرطه
8 ريايل شبااااااااااب
بدعوا فينا اسأله مال امها داعي

سحبوناااااااا

و اعرفو وحده وحده فينا
اخر شي ولد الكلب يقولي اووه انتي باجر راده
قلت له اييييييي باجر قالي حسافه ما في وقت نشوف بعض اشرب وياج قهوة
انا ابتسامه صفرا قلت له الصيف الياي انشاء الله انا كل سنه هني

والضابط الثاني يقول حق رفيجتي اوووووة انتو في كلارنس
يمنا وين ساكنين اي عمارة و تطلع يم عمارتهم و يطلب يديتهاا على طول
المهم عطونا مخالفه لان الراكب الي ورا مو لابس حزام امان !!
اول مرا ادري ان الي ورا لازم يلبس !!
و مخالفه ثانيه حق رفيجتي لانها مو شايله اثبات وياها
لازم تشيل فيزتها او جوازها
!!

السالفه كلها لا مشتبه فينا و لا بطيخ و لا وقفوا احد قبلنا و لا وقفواااااااا احد بعدنااااا
وقفونا احنا بس و سوولنا لووووويه

و رفيجتي الثالثه العنت ابو ابو ابونا و لكم ان تتخيلوووووو انواع السب الي سبيتها الضابط
و سبيتها رفيجاتي يمكن نص ساعه و احنااا مو مستوعبييييين يوم طلعنا كل وحده فينااااااااا تحط حرتها في الثانيه !!
اخر شي عرفت ليش رفيجتي الي ورا شاكه بروحها لانه خدامتها منحاااااشه
وعبالها قاعدين يدورونها!!!!!!
مو اقوووووووولكم مسويه جريمه

المهم امس دقيت على رفيجتي الظهر و الا مسكينه نايمه قلت لها قوووووومي قووووومي
ياييتني مخالفه لي بيتنا
قالت لي كم ؟؟
قلت لها السعر
ردت علي في بروود هذي حقت طريج جنيفا مونتروا الهاي وااااااااي
مبروووووك

استني جايك انشاااااء الله السفير الفرنسي يسحبك من كششششششششتك على الي سويتييييييه في طريج المونت بلانك جنيفا!!!
وسكرته بديت استوعب شنو سويت في طريج الردة من الشومونيه !!
شي لا يقاااااال لا يوووووووووصف
بس جريمه في حق البشريه

10 comments:

SolaimaN said...

فطوم،،،!!؟؟

حتى الجمعيه ماني رايح معاج

شبهه

lawyer said...

سليمااااااااااااااان

سليمااااااااااااااااان


سليماااااااااااااااااان


اي اتراكت أ جيفت

تواااااا واصلتني هديه



انا خبري لما الجو يتعدل الواحد يرد بيتهم يشتهي يشووووف هديه
مفاجأة تنطرة

مامداني حطيت البوست و الا وصلتني هديه
حصاااااااااله من البنك الوطني

ههههههههههههههههه

The Expert said...

لقافه ... وتستاهلين
بس عموما حاضرين نساعدج بالغرامه !!!

kila ma6goog said...

وزير الداخلية عندهم جابر المبارك؟

qesat_5ayal said...

ليش جذي معاملتهم
!


لوير ديري بالج على نفسج
;)

Shaima'a Alkandari said...

ينخاف منج

مسويه بلاااااوي

|:| DUBAI |:| said...

loooooooooool

اجار الدين كشمش said...

المهم

سلامات .. قاعد اسولف عن

بوستك الليله بالشاليه اشلون

وصلت المخالفه الكويت

قالوا فيه كويتي ايام الغزو
صار عليه 11الف فرنك
وما عنده يدفع .. ورجع الكويت
بالتحرير .. وبعد سنتين
راح ياخذ فيزه للسويسرا

طلعوا له المخالفه وعليها قرامه
ب 76 الف فرنك ولا حكم لا يسوق بالسويسرا مدة 5 سنوات
وعدم اعطائه فيزا
واطر يدخل بالمطار الفرنسي

مدة 3 سنوات حتى اسقطها بحكم

انه ياخذ معونه من السفاره اثناء
الغزو ..
بسرعه دفعيها واحتفظي بوصل البريد ..وايد مهم

والا ترا انسي انتر لاكن

والطويل الاسمر .. بخمطه

حق وحده من الربع

لحقي على عمرج

ترا الكويتيات امبدعين
بالمخااامط

فمالله

Kwaitiyya said...

شمهببه
بدعتي ترا انتي لوول
مخافر؟؟؟؟؟؟ الله الحافظ

لوير ابي تكتبين عن كتاب ذا سيكرت
شلون تغيرتي؟؟؟ شنو حسيتي؟؟ من اي جانب تغيرتي؟؟
ومن هالكلام

وشكرا جزيلا

lawyer said...

اكسبرت

تستاهلين انتي كل خير




مطقوووووووق

يهووووووووووووووود يهووووووووووووود مو اوادم
وينيييييييييييي عند رووووووووحي

اقووووووووولهم انا كويتيه !!

يعني انا زينه سنعه

مووووووووووو اتهلقوووووووووووووون فيني

ماني من الي خبركم

ياحسررررررررررتي

يطالعوني جني حشششششششرة هههههههههههه




قصه خيال
سسسسسسسسسسسسكتي

و ازيد هههههههههه

اللهم يا كافي

و انا حدي واثه من نفسي
و الي وياااااااااي مافينا شي

فجأه و الا ووووووووووووحده وياناااااا

عندها مصيبه خدامه و خامرة هههههههه





شيمااااء

اذا احتجتي فلسييييييييين بلغي عن مجرمه
تراني موجوده ههههههههههههه




دبي

لي الحيييييييييين مصممه تسافرين ويانا هههههههه




اجار الدين
لاااااااا والله ناويه اروح ادفع بس كان لويه دوام

و انشاء الله باجر برووووووح

السالفه فيهااااااا يمنعووووووووووني من السياااااااااقه !؟؟

هاااااااااااو
اشلوووووووووون اسافر

المهم لا تغلللللللللللط في المعلومات

المزيوووووووووووووووووووون في لوزرن

موووووووووووووو انترلاكن ههههههههه




كويتيه
انشاء الله
تامرين
بس قاعده اسوي دراسه بسيطه
حق شغله اول ما اخلص منها انزل البوست الي تبينيه

و بكووووووووون ثاني بوست اكتبه لج