Friday, November 23, 2007

اشكركم من كل قلبي على كميه السعاده الي احصلها بسبب وجودكم بحياتي


انا صايرة وايد اعبر عن مشاعري
ووايد امشي و اقول كلمه احبج
او احبك
كل الناس قمت اقولهم احبكم
مدري اشفيني هالايام وايد وايد احس فيني مشاعر بطريقه اوفر
بصراحه قعدت مع نفسي و سألت نفسي انتي شنو تبين او شنو يسعدج

اكتشفت ان لو احد يقولي احبج
بتكون هذي اروع هديه لي بالدنيا

او لو احد يشكرني لشي ولو كان بسيط بتكون هم هذي من اكبر و اكثر الاشياء الي تسعدني

فقررت اسوي للناس الاشياء الي احبها
عل و عسى احصل شي منها
او يكفيني ادخل السعاده بقلبهم

فقمت دايما اقول حق خدامتنا
انا احب القهوة ولانج تسويلي القهوة الي احبها فانتي سبب في سعادتي مشكورة لانج تخليني سعيده
لانه حسيت كلمه مشكورة وبس ما تكفي
كلنا لما الخدم ايبولنا ماي او يسون لنا قهوة نقول ثانكس و بس
لكن خنغير
فانا غيرت في هالطريقه الي قلت لكم عنها
و في نفس الوقت بالصالون و الي سوتلي حمام زيت كانت تسويلي مساج مو طبيعي
خلتني اغييب عن الدنيا
فقلت ليش اقولها ثانكس وبس او اني مجرد اعطيها بخشيش بسيط
ليش ما اقولها شي يسعدها
فقلت لها
انا ياييتج الصالون و انا قمه الحزن و الالم و الستريس و الكأبه
يو ميد ماي داي بصراحه و خليتي كل الالم الي فيني يتحول الى راحه
مشكورة وايد انتي عندج انامل سحريه شالت كل التفكير السلبي الي في راسي

ما تتصورون الهنديه اشلون و انا اعبرلها عن الراحه اشلون تقولي رييلي!! ثانكس والله و
ادمعت عينها
و نفس الشي اتبعته ويا امي و ابوي
و نفس الشي اتعبته ويا اخواني
ونفس الشي هم اسويه في رفيجتي
كلا اخمها و اقولهااا احبج

واكتشفت ان المفروض اني اسعدهم في كلمات غير تقليديه
في اني اعبر عن مشاعري في صدق

ولكن ما هقيت اني انا بكون اسعد منهم في اني افرحهم او اسعدهم في كلمه

جربوا تعبرون عن مشاعركم
جربو تغييرون من طريتقتكم التقليديه

جرب اليوم تقول حق مرتك كلمه حلوة بطريقه فيها تغيير بسيط
و شوف شنو عائد هذي الكلمه عليك

جربي اليوم تقولين حق ريلج
او اشكريه على شي بسيط و حبي راسه
و عبري عن الي بقلبج

وشوفي هذا الشي اشلون بعود عليج انتي بالخير

حبي بنتج

بوسي ايد ولدج

دزي مسج حلوة حق امج

شكري رفيجتج بطريقه مبتكره

عبروا عن مشاعركم
و شوفوا اشلون راح تستمتعون

جربوا و قولولي
وفي النهايه
مشكورة وايد الزين
بعد قلبي مدري اشلون اشكر كلامج الحلو عني
من كثر ما تمنيت شي يسعدني تفاجأت في كلامج بالبوست
خليتيني اثق اني اي اتراااااكت كلمه حلوة من احد
احبج

25 comments:

Shather said...

هيهي احب بوستج !

kila ma6goog said...

be happy

dont worry

بوسه said...

we love u
may tom spiyar kartahoo
ben cini ci vi yurum
ju taim
احبج
بحبك
إبحبِك

يا لووير

:*

Glass Fabric said...

ee walla 9aja eb kalamech el wa7ed y7taj eghayer mn 6areqat ta3bera 3an el shkr wel 7ob ba3ad ...ra7 a7awel a6abeq 6areqtech walaw enna sa3aat tyeeni 7alah enni ma7eb a7ad :P bas mashkoora enech khalaiteni a3eed el nethar eb 6areqti ma3a el nas o ha shaay ra7 ekhaleeni a7eb el nas o a7eb 7ayati akthar fa mashkoora wayed :* ha bdait at3alam sa7 ?:p

PearL said...

دايما بوستاتج قريبة من قلبي

لكن هالبوست خلاني ابتسم
خلاني احس بالحب فجأة

للاسف الحين الكل نايم
ولا جان عبرت عن حبي


u made my day

i love you :*

MANAF said...

احنا اللي نشكرج من كل قلبنا على وجودج معانا وعلى كل لحظه امتعتينا فيها سوا فبوست والا بتعليق

شكرا فاطمه

من قلبي اقولج اياها

شكرا

:)

Selezya said...

اولا .. بوستج وايد حلو وجد يفرح حتى تخلينا نحس بهالكلام ونحاول قد مانقدر نسويه مشكوورة وايد :**

ثانيا .. هالاسلوب وايد تسويه اختي ماشالله عليها بس ذبحتنا لوول كل شوي لامتني تقول احبج اهو اوكي وايد ناايس واستانس بس قمت استحي لوول

:** شكرا شكرا على هالبوست وايد حسيت فيه :)
واحبج انا بعد :$

ZoZOta said...

فطووووووووم

والله غورقت عينى بالدموع

كلش مو شي

صايرين وايد emotional

انا بعد احبج


الله يديم المحبه بينا

ويخلي لج حبايبج يارب ويعطيج على قد نيتج الصافية وقلبج الأبيض

:**

حمودي said...

التعبير عن مشاعر الغظب تريح لكن التعبير عن مشاعر الحب ان لم لتقى مقابل مساوي لها تجرح الانسان

Fahad Al Askr said...

أنا مالي خلق أكتب تعليق، لكن صج مشكورة لأنج خليتيني أحب البلوغ

وأحبك!

ههههههههههه

7osen said...

وايد حلو هالبوست


كله حب

:)

gogo said...

لوووووووير


مشكوره من كل قلبي على هالبوست

فعلا نبهني على اشياء كنت ساهيه عنها ؛)

بس احنا الكويتيين عندنا فقر بالمشاعر ما نعرف نعبر عن مشاعرنا مادري وين المشكله بالضبط هل تعودنا على الجفاف بالمشاعر أو نستحي نشكر بعض ونقول كلمه احبج او احبك !!

لولو << اتدلع << طيحت الميانه

الموهيم لولو اشكرج من كل قلبي لانج ترسمين البسمه كل ما اقرا بوست من بوستاتج < مو بوساتج لوووول


ننتظرج فبوست ثااني / باي


جوجو

حلم جميل بوطن أفضل said...

علينا هالكلام؟

بتفهميني ان الكلمة الحلوة بتغني عن الخاتم السوليتير و قاعة الشيراتون الماسية و شهر العسل اللي ما حصلش؟

الكلام الحلو طيب .. لكن يبقى كلام .. و ببلاش
!!

esTeKaNa said...

تدرين انتي انسانه راقيه باحساسج وقلبج وكل مشاعرج؟
تدرين اني احب عفويتج بالتعبير عن افكارج وصراحتج مع نفسج قبل الناس؟
تدرين اني احترم فيج جرأتج بأنج تسمين الامور بمسمياتهامع تغيرينها وتجميلنها وتجاملين نفسج؟

تدرين اني اعتز بوجودج وفي امور كثيرة في بالي لما تطري اقول ماب يانسى بقولها حق فطومه؟
:)
تدرين اني ما عندي اخت كبيرة واعتبرج اختي وانسانه قريبه مني؟
تدرين ليش كل هذا؟
لاسباب كثيرة بس من اهمها انج صريحة وياي
ما تجامليني وتحبيني من غير سبب
:)
انا احبج في الله
مليونتعش مرة قلتها وبقولها تجديدا للفكرة وتأكيدا عليها
هالبوست يعبر عن استكانه ببساطة
:)
تدرين ذكرت برمضان بنص رمضان دزيت مسجات حق ناس قراب اعتذرت فيهها وعبرت عن احساسي بكلمات جداا قليله
يتني ردود افعال غريبه
بس اللي ضحكني الكل يقولي واي اشفيج
وين بتروحين؟
:))
وقبل لا اتخرج بفجر اخر يوم امتحان دزيت مسجات حق كل بنت عرفتها ولك ان تتخيلي شكثر كانو،كل واحده كتبت لها كلمه تذكرها لي واستسمحتها مني اشي سويته
واكرر هالتصرف وايد
انسى كلامي مرات وما تنسى القلوب الطيبه كلامي

:***
اسعد الله مساج وصباحج وكل حياتج يا الغاليه

magnoonah said...

تدرين اقراكلامج وابتسم

تدرين شلون انا احبج بالله وعسى يحبج الي حبيتينا فيه


لوير انتي صج خراب وتخريب متحرك
:))

بس والله فيج طيبه وعفويه براءه تجذب الكل ولج قلب كبير وصافي وهذي نعمه عسى ربي ما يغيرها عليج

:**

zajel said...

?

lawyer said...

واااااااااااي بعد قلبي كلكم
مدري من وين اتيبون الكلام الحلو

دايما تعليقاتكم احلى من بووووووووووووستي

تحرجوووووووووني والله

اليوم الجو قاتل
مداومه متأخر
سويت شغلي

و حطييييييت قهوتي و جابلتكم


:**********

شاذر
بعد قلبي
تحبج العافيه


مطقووووووووق

انشاااااااااااء الله :)




بووووووووسه
بعد قلبي
ترااااااااا ادمعت عيني



فابريك
حددددددددددددددج بديتي تتعلمين
ايييييييييي بليز حاولاااي صدقيني انتي وايد راح تستمتعيييييييييييين




بيرل
لانج انتتي بقلبي فاكيد بوستاتي تنعكس عليج

اي لوف يو تووووو

قعديييييييييهم من النوم :********




مناااااااااف
من قلبي اقووووووووووووولك ان شعرك و بوستااااتك و حتى تعليقاااااااااتك اهي الي ممتعه و تخلي الناس سعيده
و انت انسان علمتنا وايد شغلات
اقلها انخلي الناس تحبنا و عطييييييييييت للحب معنااااا في طريقه وصفك له

مشكوووووووووور من كل قلبي



سيليزياااا

لا تستحيييييييييييين من اختج
عاااااااااااااادي
و انتي بعد بادليها نفس الشي

بعد عمري انتي الي مشكوووووووووووووووووورة

ترا حدي كيييييييييييفت



زوزوتا
حدناااااااااااا صايرين اموشناااااال
لاحظتاااااااااااااااي

انا لو اغنيه اعيششششششش وياها جو

ابتلش فيني برج الحووووووووووت
و ابتلشششششششت انا بعمري

امييييييييييييييييين
:************



حمودي
صصصصصصصصصصصح كلامك فعلا

الي يذبح تدري شنو

لما طرف ثاني يستمتع في تعبيرك للحب له
و يسمع و يستاااااااااانس و يلذذ و يرضي غروره
ويعدها يسسسسسسسسسسكت
من انانيته



فهد العكسسسسسسسسسسر

وااااااااااااااااي
انت كلا مالك خلق
:/
انت الي مشكوووووووووووور
ههههههههههههههههه

يا النزقه يووووووووز
عني

اسكت فيني ضحك مو طبيعي اقولك بعدين ليش
;)



حسين
مشكوووووووووور
عاد انت فعلا لما تعطيني رايك احس انسان يقدر الي اكتبه لانك من ارق الناس الي تعرف تعبر عن مشاعرها
مشكوووووووووووور



جوجو
اييييييييييي فعلا بعض الكويتين
ماااااااااا يعرفون يعبرون
و اوهلهم اخوووووووي الصغير اسم الله عليه
اخممممممم و امطخ فيييييييييييه و اهو بس يستحي
و كلا وخري عني

اقووووووووله اذا تزوجت بتقعد طباااااااااانه جذي جدام مرتك اذا باااااااااااستك
قاااااااااااال اهي مره اهي بتحبني كيفها

انا ريااااااااااااااال

بغيت اششششششششششق هدومي

ههههههههههههههههههههه

دلعيني بعد قلبي

انا لاقيه احد يدلع و اقوووووووول لألأ
:))))))))))))))



حلم جميل
والله الكلمه و اللمسه الحنونه
و المشاااااااااااعر الصافيه
تسووووووووووا الف سولتير يا حلم

الفلوس موجوده
و خاتم السولتير عندي بدال الواحد 3
و السفر شبعنااااااا منه الحمدلله
بسسسسسسسسس هل يغني كل هذاااااااااا عن الناس و محبتهم
و حبك لهم

لا والله ما يغني ابد


استكاااااااانه
بجيتيييييييييييييييييييني

حكلي ساح في الدواااااااااااام


شالحاله

بعدين انتي بدشين الجنه على حسابي صح؟؟

ادخال الرور في نفس مسلم
و الكلمه الطيبه صدقه
و ومتحابين في الله يظللهم الله بظله يوم لا ظل الا ظله

ايييييييييييييييي بدشين الجنه على ظظظظظظظهري ادري فيييييييييييييج

هههههههههههههههههههههههههههههه

اشرايج فيني
حدي اعرف عشششششششششششششكرج على تعبيرج الجميييييييل

لا تحذفيني بشي عادي
بس من الحب اذا زااااااااااااد

يخليني اقلب كوميديا

اسسسسسسسسسسسستحي
ما اعبر اواجهه هذا الفيض من المشاعر

ههههههههههههههههههههه


يابخت رفيجاتج فيييييييييييج والله
و يابختي انا اذا انتي تحبيني

:*************

بقولج سر

ترا انا بخاطري كيكه ام احلى انجنير لي الحين متشوقه عليها

تنقصوووووولي
سووا نفسكم يعني اتحبوني و تنقصولي و انا مدري



مجنوووووووووونه
بعد قلبي
مت ضحك
قريت كلامج

عجبني
وصلت لي كلمه خراب و تخريب متحرك
جنه احد مدلدغني
مت ضضضضضضضضحك

صااااااااااااااااااااجه
هههههههههههههههههه

انا كتله تناقضااااااااااااات

ههههههههههههههههه

بعد روحي
و انتي مدري وين ينونج الي تقولين عنه اذا كلج حكم




زاجل
قمت من النوم لقييييييييييييت نفسي متغيرة كلي حب
و امممممممممممممشي و اشكر الناس و احب الناااااااااااااااااس

شسوي بعمري
لا تخترع ماكووووووووووووو شي

اتصدق واحد دازلي ايميل

يقولي لوير بتزوجيين؟؟

هالايام بوستاتج كلها عقل و ثقل و حب

ليكون بتزوجييييييين ههههههههههههه

NewMe said...

يا حلاتج يا لوير
ما غلطت يوم قلت
قلب طفلة
أحب وجودك
دومي بحب
تحياتي

Um El-Zain said...

شوفي لوير لاحظتي من الردود ان البنات يحليلهم وايد تأثرو و كلهم قالولج انحبج بس الشباب استغربوا اشفيها البنت عسى ما شر, يعني كلش مو فاهمين هلاحاسيس الي فجأة اتيي و فجأة تروح . انا وحدة انقرصت لين قلت بس ,كنت مثلج و اردا مع اني ما أثق بأحد بسهالة بس هم انقرصت ,ما بي أضيق خلقج بس حبيبتي فيه وايد ناس مهما كانو حبيبين جدامج ما تدرين شنو بقلوبهم فكلش ما يستحقون هلمشاعر و فيه ناس كل ما تطنشينهم حبوج اكثر و فيه من تحبينهم و تقولين يستانسون جدامج و من وراج يقولون ينت البنت (لول نو أفنس)بس (ثس اس ريالتي)واقع الحال بني ادم مو ثقة فحطي ابالج هلشي. مابي اكون مخربة الفرح و عسا دوم الكل فرحان بس مجرد لفت نظر للواقع حوالينا .ممكن وايد يعارضون و تختلف وجهة نظرهم بس هم في يوم من الايام راح يرجعون و يقولون يا ريت .و الشاطر يفهم:)

Purplecious said...

لوووووووووووير

حبيبتي و الله

:********

كله منج عاديتيني بانفلونزا الحب

هههههههههههه


ترى أنا أسير عليج ما أخليج بس مادري شفيني يا وخيتي تحوشني حالات من الركود و أتعيز أعلق

بس اليووووم قلت بفتر عليكم كلكم أحييكم و أوريكم ويهي خفت نسيتوني

ههههههههه

ما ننحرمش منك و من طلتج علينا يا رب

:))))

9ahba'a said...

we love u :*

The Simper said...

ur comments window laish maglooba??

ma3arif aktib heeek!

and we thank u toooooo ;)
keeP postiN
:)

lawyer said...

نيو
حبيبتي مشكووووورة والله انا الي دايما احب وجودج يالغاليه
:**


عزيزتي ام الزين
قريت كلامج اكثر من مرة
يا ام الزين و كلامج صحيح و هالزمن

بس صدقيني يوم كتبت هذا البوست ماكان قصدي اعرف او اسمع ردود فعل اذا احد يحبني او لأ

كل الرساله الي كنت بوصلها ياناس حبوو اصغر الاشياء الي عندكم و حبو اقل الناس الي عندكم و فرحوهم الله يفرحكم
و غيروا تعبيرات الحب

اي والله صاجه بعض الريايل ما يعرفون حاله الحب الي اتينا و تروح

بس صدقيني لازم انفهمهم هذا الشي

وايد مشكوووووووورة على صراحتج و تعليقج المريح
عبالج ما ادري في وايد ناس مقطعتني من وراي؟
عبالج ما اتيني ايميلات تسسسسسسفل فيني

تبين اقولج جم مرة قعدت في ستار بكس العديليه و الطاوله الي وراي كانت قرض في لوووير ؟؟

خليها على الله:)



بربل
ووووووووووووووووووالله اخترعت عليج
قلت اخاف حاشتج حاله المود المزاجي

قلت وييييييييييييينهي هالبنت
لا تشاغبيني علييييييييج مرا ثانيه

ايييييييييييييي مافيها شي فلو الحب

اكوووووووووو احلى من الحب
روووووووووووووعه

عاد انتي غيييييييييير عني انتي يابخت الي بحبج على الاقل بتكتبين فيه كلمتين حلوييييييييييين و شعر ايينن
انا حب ابلاااااااااش خرطي




صهباااااااااء
حبيييييييييييتبي

ملئت كأسي من الهوى بك
ياااااااارب تدومين بصحه

ييتج غاليه يبيلهااااااا مو بس رشفاااات يبيلها شي اكبر :*




سمبر
اشفييييييييه ؟؟ علامه
ماي كومنت بكس

؟؟مافهمت اشفيييييييييه

AseeL said...

الكلام الحلو.. حلو ينقال في مكانه ووقته المناسب

بس كلمة الحب غالية ما تنقال بالساهل ولأي أحد ولا بأي وقت ومناسبة

مادري.. يمكن انا عملية وايد؟.. أو أغلي المشاعر وايد!!

you so sweet :)

乂♥Not.ViRGo♥乂 said...

عجبني هالبوست واايد

لأني محتاجه للتذكير بهالأمور البسيطة اللي لها اثر مو سهل في تغيير النفووس ..


خلاص من اليوم بتبع هالأسلوب !


:)))


ببدأ معاج

صج صج كان بوست وايد حلو يدل على رقي صاحبته و الله يرزقج ان شالله اللي في بالج .. لأن إحساسج يدل على إنج منبع الحب


لج كل الحب :)