Monday, June 09, 2008

قدر طفل 2


تستبشر حسنه في حملها ..وتفرح
و اهلها فرحانين اكثر منها ..
بوعبدالله يختفي عنها لمده اسبوع يراجع فيها حساباته
مصدوم .. متوهق .. هذي الخطوة الي ماحسب حسابها ابد
يعتكف في بيته يسكر موبايلاته

و يجابل ام عبدالله .. اهي الوحيده الي حست انه اكو شي
تتسائل ام عبدالله شالي ممكن يكون في فيه ..

خساره في العمل مستحيل؟ اي عمل فيهم .. مستقبله مضمون .. شركاتهم مو اهو الي يديرها ..عقاراته اجارها تدر عليها شهريا بملغ يكفله الخير له و لعياله العمر كله

وبعد اسبوع يروح يتطمن على احوال زوجته حسنه

ويتفاجئ بفرحتها وفرحه اهلها و تباريك الاهل و الجيران ..
اشلون تكون فرحه عند طرف و مصيبه و كارثه عند الطرف الاخر

يطلب بوعبدالله من حسنه انه يطلعون للعشا برا

و يفاتحها في موضوع .. اجهاض الطفل ..

والا راح يختفي من حياتها وماراح تشوفه ابد و لا راح يعترف فيه..
تنهار حسنه من طلب بوعبدلله
و لكن ترفض ان تجهض الطفل و تقوله بينا المحاكم

بوعبدالله بدا يخاف من ظهور هذا الزواج على المجتمع و الفضيحه الي راح تصير لاسرته و مركزه الاجتماعي

اشبقولون الناس ؟
اشبتقول ام عبدالله و عيالي ؟
اشبيقولون اهلي و نسايبي؟؟
و بين شد و رخاء في محاولته لاقناع زوجته بان تجهض الطفل

و يفكر في اي وسيله .. يسلكها للتخلص من الطفل ؟؟
بعد فتره من الوقت .. راح يطلب المساعده من امه ..

بوعبدالله: يماا شوري علي ..المرا حملت و انا توهقت..
والدته: انا قايلت لك من قبل لا تتزوج الا لما تقول حق مرتك و هذا شرع الله ماكو شي ينخش .. و من حقها تحمل و من حقك تعدل بينها و بين زوجتك و تعدل ما بين الي في بطنها .. عيالك..
ولكن والدته امرأه كبيره في السن مشلوله.. ليس لها اي حول او قوة..

تطلب والده عبدالله من خال البنات ان يحضر
و تقوله عطني عنوان اهل حسنه و روح ييب حسنه و امها ..
و تقابل والده عبدالله حسنه و امها و تطمنها ان طول ما اهي عايشه لا يحاتون شي
و هذا الولد احد احفاد هذا البيت و بتعامل حاله حال الباجي ..
وفعلا في بدايه كل شهر ترسل الجده لهم مبلغ من المال و الكسوة و كل خير
حتى صناديق الميوة و الخضرا تنزل في بيت حسنه قبل اي بيتها..

و في هذي الفتره اعترف بوعبدالله لام عبدالله بوجود زوجه ثانيه حامل في شهورها الاخيره
و تثير ثااائرتها .. وتشييييييل الدنيا و تقعد و تقطعه و تطرده من البيت
وتبدأ في كيد خطه لعدم فضيحتها في المجتمع بان زوجها تزوج عليها او يمكن ان يوم من الايام يكون له ولد من غيرها
تصك الدنيا في ام عبدالله .. و تستنجد في ابنها الوسطي فهو معروف في العايله كلها ان اهو الشري ,,, القوي .. الي راح يبرد قلبها ..

و تناديه و تنهار جدامه في ان مستقبلهم راح و فضيحتهم في الكويت و ان صارو حجوة بحلوج الناس و ان خيركم و حلالكم كلاااا بيروح حق وحده مثل حسنه .. و انت بصير عندك اخو منها..
و يجن جنوووووون براك و يحلف و يتوعد بانه راح يذبح ابوه و يذبح مرت ابوه و الي في بطنها ..
و في هذا الوقت ابدا لم تخاف ام عبدالله على ولدها كل الي همهاا .. ان تاخذ بثارها قبل الفضيحه ..

بوعبدالله مختفي .. و الابن براك يدورة من مكان لي مكان ..
و في احد العصريات يلاقيه يشرب الشاي عند امه .. المرا العيوز
يدخل براك على ابووووه و يهدده ان راح يذبحه و يذبح مرته و يذبح امه بعد على المهزله الي راح تصير .. براك يهدد ابوه و جدته بالسلاح و يقوله اذا ماطلقتها
راح اذبحك انت او اذبح امك قبل و بعدين انت.. عشان تحتر على امك الي مجابلها !

خاف بوعبدالله من ابنه و خاف على بيته من الانهيار

و نفذ الي طلبه ولده و طلق حسنه .. ولكن بما انها حامل فالطلاق لايقع شرعا ..
و في هذا الاثناء تطلب ام عبدالله من بوعبدالله في اجتماع عائلي حضره اهلها
بان يكتب عقاراته .. والبيوت و الحلال و المال و الحسابات و الودائع و تحويل كل ممتلكاته باسمها .. وليس له حق التصرف في اي شي و نقل ملكيه اي شي لها اهي بس .. وحتى اذا تبي فلوس يا بوعبدالله انا اوقعلك شيك و اذا انت تبي تعطي اي احد مبلغ تعطيه من دفتر الشيكات الي باسمي ولك حق التظهير فقط..
و يرضخ بوعبدالله لطلبات ام عبدالله .. و يسجل جميع ماله و ممتلكاته لها..

ووسط تساؤل الاهل و انتقال الاخبار من بيت لي بيت

عرفت الكويت بزواج بوعبدالله على ام عبدالله .. و ان راضاها بان حجر هو على نفسه طوعا..

و في هذا الاثناء ينفجع بيت بوعبدالله لوفاه بنتهم الكبري حصه ..في حادث جت سكي في البحر .. عن عمر يناهز 23 سنه
وتنهارام عبدالله و تنهار الجده اكثر ووسط فضيحه في العزا .. تشكي العيوز حالها للنساء .. (( خذت حلال ولدي عبالها قدرت عليه بتحرم الياهل الي ماشاف الدنيا من حلال ابوه ...ان ربك لمرصاد .. خذيتي الفلوس خذا منج اغلى بناتج ))

وبعد ثلاث اسابيع من العزا تضع حسنه مولودها (( علي)) وسط اجواء حزن و توتر
و يمنع براك الاب من الاعتراف فيه

براك : راح تنكر انه ولدك و انه منك .. راح تنكر انك خذيتها .. ماكو شي يثبت انها مرتك .. لا في المحاكم والاوراق الرسميه و هذا العقد حرقناه !! ماكو اي دليل انها مرتك ..

وخالها طول عمره مظبط لنا بنات في الشاليه .. مندوب الصبح و قواد بالليل..
اذا رفعت قضيه والا طالبت في شي بطعن في شرفها و بكون ولدك بن حرام !
لا راح نعترف فيه و لا نبيه و شرعا ما يورث لان ابن الزنا ما يورث !!

ام عبدالله مو صوبهم كلش لاهيه في حزنها على بنتها ..

و الجده تشتد الحره فيها و تمرض و تموت ..
و ينقطع امل هذا الطفل في وجود اي شخص بالعايله معترف فيه ..
ترفع حسنه قضيه اثبات بنوة و يطعن بوعبدالله في شرفها و ياتي بذلك من اكثر من شاهد شراهم ليشهدو عليها .. و تطلب المحكمه فحص الدي ان اي .. و يثبت علي انه ابن عبدالله..
وبعدها تختفي حسنه مع ولدها .. ولا تطلب من بوعبدالله شي و لا تطالبه في اي شي..
تغير السكن و تغير جميع وسائل الاتصال و تختفي اهي وولدها..
عندها من الاوراق الرسميه ما يثبت نسب و اسم علي و درءا لها من فضائح و مكايد براك و بوعبدالله .. خذت ولدها وراحت بعيد.. فهي امرأه طعن بشرفها..
و بابنها و بكل وجودها.. فاثرت ان تبدي مع ابنها حياه لاوجود لاطماع فيها و لابيت يتعقد علي منه .. فقير علي ماديا و لكن غني معنويا بامه ..
طفل محروم من كل شي يبيع لاخوانه و ابناء عمه و خالته يوميا من زجاجات العطور وهو و هم لا يعلمون صله القرابه ..
هل فكرت يوم من الايام و انت واقف في الاشاره ان من يبيعك زجاجات العطر ,,هو احد غلطات اثرياء البلد؟
او قريب لك خانه الزمن؟



20 comments:

NewMe said...

مجتمعنا المعقد
والمريض بعقدة النقص
وحب الأنا والذات
إفرازاته لا تقف عند قدر علي فقط
بل تتعداه لتصبح قصته
حدثا عاديا
لا يستحق التطرق له
ضمن قضايا المجتمع الأكبر
أتسائل كم علاقة
نتج عنها طفل
وأكله البحر
لأن القانون لا يحمي المستضعفين
صار قدر علي ومثله هكذا
متى تصلح القوانين أحوال البشر
حتى لا يلعب الناس بأقدار بعضهم البعض
قصة مؤلمة جدا
ولكن الواقع أكثر إيلاماً
دومي بحب
تحياتي

q8y_saint said...

فاطمه شهل سالف ضيقتي خلقي على هل قصه الخيالية

ان شاء الله ما نوصل هل مواصيل

Sn3a said...

مره عقلها صغير
شنو يعني عشان كرامتها تحرم الولد من كل شي على بو ان الاخت بتحافظ على عمرها
هذا ولدج
انتي ظلمتيه مع ابوه
تمسكه توديه يفحص
شهالحريم

جايز هالقصه تصير
لكن الظالم كل الاطراف
من الابو المسبه
والام الجاهله
والخال الطماع
والابن اللي مسويلي فيها صدام
ومرت الابو النسره
عفيا ريال ماقدر على مرته وولده
صج كثرت الشوارب وقلو الرياييل


يعطيج العافيه

5roofa said...

:(

ماهمني لا بو عبدالله ولا المرة يسطفلون بس الياهل حرااام

واااي الحين كل ما بشوف ياهل بذكر قصت و ببجي عليي

صج دنية تخرع ماتدرين شنو يصير فيها

:(

salamz sweetee....

Noor said...

:(

احتريت صج

حتى لو كانت قصه خياليه بس اكو جذي ناس اتوقع بهالزمن

Selezya said...

امبيه ليش القصه جذي؟

حرام

صج ولا لا؟

Diver said...

انا ما اقدر الا اني اشيد بالقصة و كاتبة القصة

بس ان عندي اقتراح

شرايج ما نكتب شي يضيق حزين نبي نضحك نستانس
تعبنا من الهم

تحياتي

قلب طفله said...

قهررررر

ان اللي يعيشون بهالقلوب المتحجره

يسمونهم بشر و ينتعامل معاهم

مساكين علي و اللي مثل حالته الظلم

محاوطهم من كل صوب و لا احد يدري عنهم

زين احد يشتري منهم و لا حتى يبتسم لهم

مجرد ابتسامه :((

زمن اقشررررر

تسلم ايدج ع القصه

Q80-Chill Girl said...

:*
wb

i know am late, and now i dont have much time to read what i missed, بس بتحمد لج بالسلامه و لنا عودة :>

`~MnO YeNSa! ~` said...

واي
عورتي
قلبي :(

قصه
صج
صج
مؤثرة

تمنى
انها تكون خياليه

sologa-bologa said...

خالد العبدالجليل
قرا هالموضوع

قبل لا يروح مصر
ويخصصون له صندوق تبرعات
؟؟

Enter-Q8 said...

شوفي حجيتنا

بعيد عن القصة

سالفة الاطفال اللي يبيعون عطور

ترى استغلال طفولة لا اكثر و لا اقل

يوم سالت واحد من الحيوانات عزكم الله اللي كان صافت و منزلهم بالحر و الغبار
قلت يالكلب ابن الكلب
ما تخاف الله
قال مو عمي انا لو ابيع ما يشترون مني

استغلال طفولة لا اكثر و لا اقل

نفس قبل الغزو
ايام ابو العبد
علكة علكة

lawyer said...

نيومي

دومي انتي باورع حب

فعلا واقع مؤلم اكثر من القصص شنو يعني انتأثر ساعه
او ساعتين ولكن هناك من يحمل الالم العمر كله

مساكين




كويتي
واصلييييييين و اكثر بالديره و اكثر صدقني



سنعه
حيااااااج الله اختي
المرا كما هو مذكور بالقصه اثبتت البنوة و النسب عندها ما يثبت حق ولدهاا ان من هذا الشخض بس اشلون تثبت انه ريلها اذا ماكو شي بالكويت او خارج الكويت مصدق
او ماكو ابداا


خليها على الله عبالج هالظلااااام يدومومون اييهم يووووووم



خروفاااااا

حبيبتي ادري قلبج متعووووووووور على الولد سووووري اذييت مشاااعركم هالمرا ...


سلامز ;)




نور
هلا فييييييييييج

انا اكتتتتتتتتتتب و حدي مقهوره من نفسي على هالقصه اشلون انتوووووووووووو

اكيد اكيد اكو وايد بعد




سيليزيه
الواقع امر من القصص :)




دايفر
طلبك على العين و الراس :)




قلب طفله
اي والله ققققققققققهر
علة قولتج اشلون هذولا بشر

الله يسسسسسسسلمج بعد قلبي الله يسلمج





كوييييييييييييييت شيلي

ماتصدقييييييييييييييييييييين
عمممممممممرج طويل

اي اترااااااااااكت يو
اشكثثثثثثثثر هذاك اليوم ادور عليج بالبلوقات

انتي ماشوفج اتعلقين عند احد
و ادور
لان لاب توبي تغير للمرا المليون طبعا


شخبااااااااااارج
لووووووووونج لووووووووووووونج تايم

:***********




منو ينسى
بعد قلبي

للاسف هالمرا خيالي صاااااغ واقع االالم فيه اكثر من القصه




سلوجااااااا

مممممممممممم مدري

ادزله ايميل؟



انتر كويت
صصصح فعلا كلامك
و فيييييي منهم مساكين
الحال حدهم علة جذي

شششششششششلع قلبي ياااااااهل تحت الشيره في البرد او في عز الشمسسس يارينده من يوصله
يروووووووح و يرجع في باااااااااص

مُحَسّدْ said...

مشكلة الطلاق يقع عاتقها الأكبر على الأبناء وللأسف يتحملون أخطاء آبائهم

(روح) said...

لاحول ولاقوة الا بالله
العلي العظيم


حسبها الله وكفى


ربي يثبتها
ويبرد قلبها
بتوفيق علي
وبره..

اوجعتينا فطوم

:(

Q8-MaNaL said...

الصراحة قصة حيل فظيعة
شنوا هذا شنوا هالقصور في التفكير
شنوا هذي الزوجة اللي عشان برستيجها بالمجتمع ما يروح تظلم ناس و تقلب الدنيا و تخالف أحكام ربها و تنسى العدل اللي الله وصى فيه
هذي شلون بتواجه ربها،ان شالله بتقول حق الله خفت على برستيجي و نظرة المجتمع،صج ناس عقولها متخلفة و قلوبها حجر
وبعدين الأبو هذا أقصد الطوفة الهبيطة،شنوا هالردا اللي اهوا فيه،مادري ليش الناس تنسى ان احنا عايشين دنيا فانية زايلة احنا عايشين مؤقت،الدنيا دار ممر و ليست دار مقر،الدنيا اختبار و نتيجته يوم الحساب تطلع،شنوا يعني زوجته و ولده يهددونه واهوا جذي نفس الخروف منقاد وراهم،هذا هم شراح يقول لربه خفت من ولدي خفت من زوجتي،انزين خايف من بشر و مو خايف من ربه

مسكين هذا الولد الضحية الله يعينه و يعين أمه ولو ما خذوا حقهم في الدنيا،الله ما راح يقصر معاهم في الآخرة
و خل ام عبدالله و ولدها و أمثالهم بالمجتمع ينفعهم البرستيج و الفلوس يوم لا ينفع مال و لا بنون

يعطيج ألف عافية أختي
lawyer
عالقصة اللي أتمنى انها تكون خيالية عشان لا قلبي يعورني أكثر

Blog 3amty said...

سؤال :

أشفيها اذا ماتت بحادث جت سكي ؟

لو ذابحتها بجرعة زايدة جان أكشن أكثر :P



عموماً قصة فيها من الأحداث ما فيها وفيها من جمال الصياغة والقدرة على جذب الأنتباه ما فيها.

والله يستر من أعيال هالزمن







Blog 3amty <<------ أعناد

lawyer said...

محسد

للاسف في هالزمن صارو احن الخلق الي اهم الابهات و المهات قسااااه



روووح
هلا فيج يالغاليه

سااااااامحوووووووني على اوجااااعكم
ماكنت اقصد والله





منال
هلا فييييج اختي

مشكوووورة
الله يعافيييييج :)))))
فعلا ياريت في من يعتبر في كلامج الطيب

مشكووووووووورة
تعليقج يبرد القلب حداااااااا






بلوق عمتي

ندااااااء عاجل الى القلوووووب الرحيمه في وااااااااااحد اهني ظاااااااايع
مظظظظظع عمته

:PPPPp

اشكرك على كلامك الطيب

السالفه مو انها تموت في جت سكي
السالفه ان امها انفجعت في وفااااااه بنتها المسكينه الصغيره في عمر الزهور 23 سنه
وبعديييييييييييين ترا حادث سياره او جت سكي

شي مؤؤؤؤلم يفجع الاهل
الله لاااااااا يفجعنا قووووول امين

2cool2care said...

الناس تعتقد ان الزواج بالسر صحيح
او الزواج العرفي صحيح
لا بد من تجديد هالأمور للناس لجتناب هالمشاكل

جزاج الله خير على هذه الرسالة لي ولأخواني

єѓ маѕάн said...

la 7awl wla gowat ela bellaah :(